ᠪᠠᠭᠰᠢ ᠬᠥᠮᠦᠨ ᠵᠣᠭᠰᠣᠵᠤ ᠲᠥᠷᠥᠭᠰᠡᠨ ᠶᠦᠮ- ᠭᠡᠷᠡᠯᠴᠢᠯᠠᠭᠤБагш хүмүүн зогсож дүрсэн юм-Хэрэлчлиу
1381ᠪᠠᠭᠰᠢ ᠬᠥᠮᠦᠨ ᠵᠣᠭᠰᠣᠵᠤ ᠲᠥᠷᠥᠭᠰᠡᠨ ᠶᠦᠮ
ᠵᠣᠬᠢᠶᠠᠭᠴᠢ᠂ ᠤᠶᠠᠩᠭᠠᠯᠠᠭᠴᠢ᠄ ᠭᠡᠷᠡᠯᠴᠢᠯᠠᠭᠤ
ᠰᠠᠮᠪᠠᠢ ᠬᠠᠳᠠᠭ ᠲᠠᠢ ᠂ᠰᠠᠮᠪᠠᠷᠠ ᠢᠷᠦᠭᠡᠯ ᠲᠡᠢ᠂
ᠣ ᠶ᠋ᠢᠨ ᠰᠠᠴᠤᠯᠢ᠂ᠰᠡᠷᠵᠢᠮ ᠢᠳᠠᠮᠯᠠᠵᠤ ᠂ᠨᠠᠷᠠ ᠬᠠᠷᠠᠵᠤ ᠢᠲᠡᠭᠡᠯ ᠵᠢᠭᠦᠷᠯᠡᠭᠰᠡᠨ᠂
ᠵᠣᠷᠢᠭ ᠪᠣᠰᠤᠭᠠ ᠪᠠᠭᠰᠢ ᠬᠥᠮᠦᠨ᠂ ᠵᠣᠭᠰᠣᠵᠤ ᠲᠥᠷᠥᠭᠰᠡᠨ ᠶᠦᠮ ᠠ᠋!
ᠭᠡᠪᠡᠴᠦ — ᠲᠦᠷᠦᠮᠡᠭᠴᠡ ᠵᠣᠭᠰᠣᠭᠠ ᠪᠢᠰᠢ᠂ᠳᠣᠲ᠋ᠸᠮ ᠤᠭᠰᠠᠭᠠ ᠵᠡᠮᠳᠡᠭ ᠪᠢᠰᠢ᠂
ᠦᠶᠡ ᠭᠡᠰᠢᠭᠦᠦ ᠳᠤᠲᠠᠭᠤ ᠪᠢᠰᠢ᠂ᠥᠭᠡᠷᠡ ᠠᠵᠤ ᠦᠭᠡᠢ ᠪᠤᠰᠤ᠂
ᠦᠷ ᠢ᠋ᠶ᠋ᠡᠷ ᠱᠤᠯᠤᠭᠠᠨᠠᠬᠤ ᠪᠣᠯᠵᠣᠮᠣᠷ᠂ᠦᠳᠡᠰᠢ ᠪᠡᠷ ᠳᠡᠷᠪᠡᠯᠵᠡᠬᠦ ᠡᠷᠪᠡᠬᠡᠢ᠂
ᠡᠳᠦᠷ ᠰᠥᠨᠢ ᠶ᠋ᠢᠨ ᠪᠣᠯᠵᠣᠭᠠᠨ ᠳ᠋ᠤ᠌ ᠭᠠᠯ ᠭᠣᠯᠣᠮᠲᠠ ᠬᠣᠶᠠᠷ ᠭᠡᠵᠦ
ᠬᠡᠷᠰᠡᠦ ᠪᠣᠳᠣᠯ ᠲᠠᠢ ᠠᠮᠢᠳᠤᠷᠠᠳᠠᠭ ᠶᠤᠮ ᠠ᠋!
ᠲᠡᠢᠮᠦ ᠳ᠋ᠦ᠍ ᠪᠡᠨ ᠯᠡ ᠪᠠᠭᠰᠢ ᠬᠥᠮᠦᠨ ᠂ᠬᠡᠦᠬᠡᠳ ᠦᠷᠡ ᠶ᠋ᠢᠨ ᠢ᠋ᠶ᠋ᠡᠨ ᠬᠦᠰᠡᠯ ᠦ᠋ᠨ ᠰᠠᠢᠬᠠᠨ
ᠲᠡᠭᠷᠢ ᠮᠢᠯᠢᠶᠠᠵᠤ ᠰᠢᠨᠳᠠᠰᠤ ᠬᠠᠲᠠᠭᠤ ᠂ᠭᠠᠩ ᠵᠣᠷᠢᠭ ᠂ᠰᠡᠳᠬᠢᠯ ᠬᠠᠢᠯᠤᠮᠠ
ᠳᠥᠯᠥ ᠰᠢᠲᠠᠵᠤ ᠂ᠠᠮᠢᠨ ᠰᠠᠬᠢᠭᠤᠰᠤ᠂《ᠠᠶᠤᠰᠢ》 ᠪᠠᠭᠠᠲᠤᠷ ᠰᠢᠭ᠋᠂
ᠭᠠᠯᠪᠠ ᠶ᠋ᠢᠨ ᠭᠠᠯᠪᠠ ᠶ᠋ᠢ ᠲᠡᠭᠰᠢᠷᠡᠲᠡᠯᠡ ᠭᠡᠳᠡᠢᠭᠡᠳ ᠵᠣᠭᠰᠣᠳᠠᠭ ᠶᠤᠮ ᠪᠠᠭᠰᠢ ᠬᠥᠮᠦᠨ!
ᠰᠠᠭᠰᠠᠨ ᠠᠢᠷᠠᠭ ᠤ᠋ᠨ ᠰᠠᠭᠠᠳᠠᠰᠤ ᠰᠠᠨᠠᠭᠤᠯᠵᠤ᠂
ᠰᠠᠢᠬᠠᠨ ᠪᠦᠪᠡᠢ ᠬᠦᠢ ᠵᠠᠯᠭᠠᠭᠤᠯᠵᠤ᠂
ᠥᠷᠯᠥᠭ ᠮᠣᠩᠭᠣᠯ ᠤ᠋ᠨ ᠢ᠋ᠶ᠋ᠠᠨ ᠬᠡᠢᠮᠣᠷᠢᠲᠤ ᠦᠷᠡᠰ ᠲᠦ᠍ ᠪᠡᠨ᠂
ᠤᠳᠬᠠ ᠤᠶᠠᠩᠭᠠ ᠨᠠᠢᠷᠠᠭᠤᠯᠵᠤ ᠵᠣᠭᠰᠣᠨᠠ᠂
ᠪᠢᠯᠢᠭ ᠤᠬᠠᠭᠠᠨ ᠰᠣᠢᠵᠤ ᠵᠣᠭᠰᠣᠨᠠ᠂
ᠲᠡᠦᠬᠡ ᠰᠤᠳᠤᠷ ᠰᠡᠴᠡᠯᠡᠵᠦ ᠵᠣᠭᠰᠣᠨᠠ᠂
ᠵᠣᠬᠢᠶᠠᠯ ᠪᠦᠲᠦᠭᠡᠯ ᠲᠡᠢ ᠶ᠋ᠢ ᠨᠢ ᠵᠣᠷᠢᠭᠵᠢᠭᠤᠯᠵᠤ ᠵᠣᠭᠰᠣᠨᠠ᠂
ᠡᠭᠦᠳᠦᠯᠲᠡ ᠰᠢᠨᠡ ᠲᠡᠢ ᠶ᠋ᠢ ᠨᠢ ᠥᠮᠴᠢᠷᠬᠡᠵᠦ ᠵᠣᠭᠰᠣᠨᠠ᠂
ᠢᠨᠲ᠋ᠧᠷ ᠰᠦᠯᠵᠢᠶᠡ ᠤᠯᠠᠮᠵᠢᠯᠠᠵᠤ ᠵᠣᠭᠰᠣᠨᠠ᠂
ᠣᠶᠤᠲᠠᠨ ᠪᠣᠯᠤᠭᠰᠠᠨ ᠢ᠋ ᠨᠢ ᠱᠠᠭᠰᠢᠵᠤ ᠵᠣᠭᠰᠣᠨᠠ᠂
ᠠᠰᠫᠢᠷᠠᠨᠲ ᠪᠣᠯᠤᠭᠰᠠᠨ ᠢ᠋ ᠨᠢ ᠪᠢᠰᠢᠷᠡᠵᠦ ᠵᠣᠭᠰᠣᠨᠠ᠂
ᠴᠢᠳᠠᠪᠤᠷᠢᠲᠠᠨ ᠪᠣᠯᠬᠤ ᠶ᠋ᠢ ᠨᠢ ᠴᠢᠩᠨᠠᠵᠤ ᠵᠣᠭᠰᠣᠨᠠ᠂
ᠰᠠᠨᠰᠠᠷ ᠲᠤ᠌ ᠳᠡᠭᠦᠯᠢᠭᠰᠡᠨ ᠢ᠋ ᠨᠢ ᠰᠠᠢᠰᠢᠶᠠᠵᠤ ᠵᠣᠭᠰᠣᠨᠠ᠂
ᠰᠠᠷᠠᠨ ᠳ᠋ᠤ᠌ ᠭᠠᠷᠬᠤ ᠶ᠋ᠢ ᠨᠢ ᠮᠠᠭᠲᠠᠵᠤ ᠵᠣᠭᠰᠣᠨᠠ᠂
《ᠮᠢᠩᠭᠠᠲᠤ》 ᠶ᠋ᠢᠨ ᠤᠬᠠᠭᠠᠨ ᠢ᠋ᠶ᠋ᠠᠷ ᠰᠦᠯᠡᠵᠦ ᠵᠣᠭᠰᠣᠨᠠ᠂
《ᠢᠨᠵᠠᠨᠨᠠᠰᠢ》 ᠶ᠋ᠢᠨ ᠰᠡᠬᠡᠭᠡᠷᠡᠯ ᠢ᠋ᠶ᠋ᠡᠷ ᠪᠥᠭᠡᠮᠨᠡᠷᠡᠵᠦ ᠵᠣᠭᠰᠣᠨᠠ᠂
《ᠳᠤᠷᠠᠳᠬᠠᠯ》 ᠰᠠᠨᠠᠵᠤ ᠳᠤᠭᠤᠢᠯᠠᠵᠤ ᠵᠣᠭᠰᠣᠨᠠ᠂
《ᠭᠠᠯᠠᠭᠤᠳ ᠤ᠋ᠨ ᠳᠠᠭᠤᠤ》 ᠲᠠᠢ ᠨᠤᠲᠤᠭᠰᠢᠵᠤ ᠵᠣᠭᠰᠣᠨᠠ᠂
ᠭᠠᠵᠠᠷ ᠳᠡᠯᠡᠬᠡᠢ ᠬᠣᠶᠠᠷ ᠲᠤ᠌ ᠪᠠᠨ ᠦᠨᠳᠦᠰᠦ ᠭᠦᠨ ᠬᠠᠳᠬᠤᠵᠤ
ᠮᠥᠩᠬᠡᠳᠡ ᠬᠥᠬᠡᠷᠡᠬᠦ ᠦᠢᠯᠡᠰ ᠬᠤᠷᠤᠢᠯᠠᠵᠤ
ᠣᠮᠣᠭᠯᠠᠩ ᠣᠯᠵᠠ ᠲᠠᠢ ᠵᠣᠭᠰᠣᠵᠤ ᠲᠥᠷᠥᠭᠰᠡᠨ ᠶᠦᠮ ᠪᠠᠭᠰᠢ ᠬᠥᠮᠦᠨ!
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠭᠡᠷᠡᠯᠴᠢᠯᠠᠭᠤ
ᠦᠰᠦᠭ ᠬᠠᠳᠠᠭᠴᠢ᠄ ᠪᠠᠢ· ᠰᠠᠷᠠᠨᠠ
ᠬᠢᠨᠠᠭᠴᠢ᠄ ᠲᠣᠳᠤᠭᠡᠷᠡᠯ