ᠲᠡᠭᠷᠢ ᠶ᠋ᠢᠨ ᠰᠦᠨᠡᠰᠦ ᠲᠡᠢ ᠪᠣᠰᠤᠭᠠ ᠮᠣᠩᠭᠣᠯ ᠦᠰᠦᠭ ᠢ᠋ᠶ᠋ᠡᠨ ᠦᠷᠭᠦᠯᠵᠢ ᠪᠢᠴᠢᠶᠡ-ᠪᠤᠤᠬᠢᠶᠠ 20251213
1821. ᠦᠵᠢᠶᠡᠳ᠂ ᠡᠷᠳᠡᠨᠢᠴᠡᠴᠡᠭ
ᠮᠣᠩᠭᠣᠯ ᠭᠡᠷ - ᠠᠷᠲᠠᠢ
ᠲᠣᠭᠠᠯᠠᠬᠤ ᠨᠠᠰᠤ ᠶ᠋ᠢ ᠨᠡᠮᠡᠵᠦ ᠲᠥᠭᠡᠯᠡᠬᠦ ᠪᠡᠶᠡ ᠶ᠋ᠢ ᠬᠡᠮᠵᠢᠵᠦ
ᠲᠣᠲᠣᠭᠣᠨ ᠮᠣᠳᠣᠷ ᠢ᠋ᠶ᠋ᠠᠷ ᠠᠳᠢᠰᠯᠠᠭᠰᠠᠨ ᠲᠦᠪᠰᠢᠨ ᠴᠠᠭᠠᠨ ᠪᠣᠭᠳᠠ ᠪᠠᠢᠨᠠᠮ ᠲᠠ᠂
ᠬᠠᠨᠠᠨ ᠤ᠋ ᠤᠷᠠᠨ ᠰᠢᠯᠪᠢ ᠪᠡᠷ ᠭᠠᠵᠠᠷ ᠤ᠋ᠨ ᠰᠤᠳᠠᠯ ᠢ᠋ ᠪᠠᠷᠢᠭᠰᠠᠨ
ᠬᠠᠯᠠᠭᠤᠨ ᠬᠣᠰᠢᠭᠤᠲᠤ ᠮᠠᠯ ᠲᠠᠢ ᠭᠠᠩᠭᠠᠩ ᠲᠠᠯᠠ ᠶ᠋ᠢᠨ ᠡᠮᠴᠢ ᠪᠠᠢᠨᠠᠮ ᠲᠠ᠂
ᠠᠷᠪᠠᠨ ᠲᠠᠪᠤᠨ ᠤ᠋ ᠰᠠᠷᠠ ᠶ᠋ᠢ ᠴᠠᠢᠲᠠᠯᠠ ᠬᠠᠶᠠᠭᠠᠨ ᠳ᠋ᠤ᠌ ᠪᠠᠨ ᠬᠣᠲᠠᠯᠠᠭᠰᠠᠨ
ᠠᠯᠲᠠᠢ ᠶ᠋ᠢᠨ ᠨᠠᠰᠤ ᠲᠠᠢ ᠬᠤᠷᠠᠭ ᠴᠠᠭᠠᠨ ᠪᠤᠭᠤᠷᠤᠯ ᠮᠠᠨᠠᠭᠠᠴᠢ ᠪᠠᠢᠨᠠᠮ ᠲᠠ
ᠲᠠᠯᠠ ᠶ᠋ᠢᠨ ᠭᠤᠸᠠ ᠳᠠᠭᠢᠨᠢ ᠲᠠᠶᠠᠭᠯᠠᠨ ᠡᠷᠦᠬᠡ ᠪᠡᠨ ᠰᠡᠬᠦᠵᠦ
ᠴᠡᠩᠭᠡᠯ ᠦ᠋ᠨ ᠮᠥᠩᠭᠥᠨ ᠬᠢᠭᠢᠯᠢ ᠪᠠᠢᠨᠠᠮ ᠲᠠ
ᠤᠷᠲᠤ ᠲᠡᠦᠬᠡ ᠶ᠋ᠢᠨ ᠡᠷᠭᠢᠯᠭᠡᠨ ᠳ᠋ᠦ᠍ ᠣᠭ᠌ᠶᠤ ᠲᠠᠩᠭᠢᠰ ᠤ᠋ᠨ ᠳᠠᠪᠠᠯᠭᠠᠨ ᠳ᠋ᠤ᠌
ᠤᠷᠤᠰᠬᠠᠯ ᠰᠥᠷᠦᠨ ᠳᠡᠪᠢᠯᠬᠢᠯᠡᠭᠰᠡᠨ ᠤᠯᠠᠭᠠᠨ ᠬᠠᠯᠵᠠᠨ ᠬᠤᠨ ᠪᠠᠢᠨᠠᠮ ᠲᠠ᠃
2. ᠵᠢᠩᠵᠢᠬᠤᠸᠠᠷ
ᠨᠠᠷᠠ᠂ ᠰᠠᠷᠠ᠂ ᠣᠳᠣ ᠶ᠋ᠢ《ᠭᠠᠯᠪᠠ ᠶ᠋ᠢᠨ ᠭᠤᠷᠪᠠᠨ ᠵᠤᠯᠠ》᠃
ᠨᠠᠢᠵᠠ᠂ ᠨᠥᠬᠥᠷ᠂ ᠬᠠᠨᠢ ᠶ᠋ᠢ《ᠠᠮᠢᠳᠤᠷᠠᠯ ᠤ᠋ᠨ ᠭᠤᠷᠪᠠᠨ ᠲᠦᠰᠢᠭ》᠃
ᠪᠣᠷᠣᠭᠠ᠂ ᠴᠠᠰᠤ᠂ ᠰᠢᠭᠦᠳᠡᠷᠢ ᠶ᠋ᠢ《ᠪᠠᠢᠭᠠᠯᠢ ᠶ᠋ᠢᠨ ᠭᠤᠷᠪᠠᠨ ᠷᠠᠰᠢᠶᠠᠨ》᠃
3. ᠭᠠᠸᠠ
ᠳᠤᠷᠠᠲᠠᠢ ᠶᠠᠭᠤᠮᠠ ᠪᠠᠨ ᠣᠯᠵᠤ ᠦᠵᠡᠭᠰᠡᠨ ᠬᠥᠮᠦᠨ ᠵᠢᠷᠭᠠᠯᠲᠠᠢ ᠪᠠᠢᠳᠠᠭ᠃— ᠫᠷᠦᠰ
4. ᠪᠣᠷᠣᠨᠠ
ᠪᠠᠶᠠᠨ ᠪᠠᠷᠭᠤ ( ᠨᠢᠭᠡ )
ᠵᠣᠬᠢᠶᠠᠭᠴᠢ᠄ ᠴᠣ᠂ ᠳᠤᠭᠠᠷᠵᠠᠪ
ᠪᠠᠶᠠᠨ ᠭᠡᠳᠡᠭ ᠪᠡᠯᠭᠡᠲᠦ ᠦᠭᠡ ᠨᠤᠲᠤᠭ ᠲᠤ᠌ ᠮᠢᠨᠢ ᠵᠠᠶᠠᠭᠠᠭᠰᠠᠨ ᠬᠡᠰᠢᠭ
ᠪᠠᠷᠭᠤ ᠭᠡᠳᠡᠭ ᠢᠷᠠᠭᠤ ᠳᠠᠭᠤᠳᠠᠯᠭᠠ ᠤᠳᠤᠮ ᠳ᠋ᠤ᠌ ᠮᠢᠨᠢ ᠬᠠᠢᠷᠠᠯᠠᠭᠰᠠᠨ ᠠᠯᠳᠠᠷ
ᠳᠡᠯᠡᠬᠡᠢ ᠳ᠋ᠦ᠍ ᠠᠯᠳᠠᠷᠲᠠᠢ ᠬᠥᠯᠥᠨ ᠪᠤᠢᠷ ᠳᠡᠯᠭᠡᠷ ᠪᠠᠶᠠᠨ ᠮᠣᠩᠭᠣᠯ ᠨᠤᠲᠤᠭ᠃
ᠳᠡᠭᠡᠳᠦᠰ ᠦ᠋ᠨ ᠦᠶᠡ ᠡᠴᠡ ᠨᠤᠲᠤᠭᠯᠠᠵᠤ ᠢᠷᠡᠭᠰᠡᠨ ᠳ᠋ᠧᠪᠠᠵᠠᠨ ᠠᠳᠠᠯᠢ ᠠᠮᠤᠭᠤᠯᠠᠩ ᠣᠷᠣᠨ᠃
ᠮᠥᠩᠬᠡ ᠳᠠᠷᠬᠠᠯᠠᠭᠰᠠᠨ ᠬᠥᠬᠡ ᠲᠩᠷᠢ ᠬᠤᠷᠠᠭᠠᠨ ᠡᠭᠦᠯᠡᠨ ᠦ᠌ ᠠᠲᠠᠷ ᠪᠡᠯᠴᠢᠭᠡᠷ
ᠮᠥᠩᠭᠥᠨ ᠴᠠᠭᠠᠨ ᠡᠪᠦᠯ ᠦ᠋ᠨ ᠴᠠᠰᠤ ᠨᠢ ᠨᠣᠭᠣᠭᠠᠨ ᠲᠠᠯᠠ ᠶ᠋ᠢᠨ ᠬᠦᠳᠦᠰᠦᠨ ᠥᠯᠥᠭᠡᠢ
ᠥᠭᠡᠳᠡᠩ ᠲᠣᠷᠭᠠ ᠰᠢᠭ᠋ ᠬᠠᠨᠠᠭᠠᠷ ᠲᠠᠯᠠ ᠥᠨᠢᠷ ᠰᠦᠷᠦᠭ ᠦ᠋ᠨ ᠦᠷᠡᠵᠢᠯ ᠦ᠋ᠨ ᠰᠢᠮᠡ
ᠥᠭᠯᠢᠭᠡᠴᠢ ᠪᠠᠶᠠᠨ ᠮᠠᠯᠴᠢᠨ ᠪᠠᠷᠭᠤ ᠶ᠋ᠢᠨ ᠡᠭᠦᠷᠢᠳᠡ ᠣᠷᠣᠰᠢᠬᠤ ᠠᠯᠲᠠᠨ ᠥᠯᠥᠭᠡᠢ᠃
5. ᠭᠠᠹᠠᠯᠮᠠ
ᠦᠭᠡ ᠬᠡᠯᠡ ᠮᠢᠨᠢ ᠬᠠᠮᠢᠭᠠ ᠪᠠᠢᠪᠠᠯ ᠥᠯᠥᠭᠡᠢ ᠨᠤᠲᠤᠭ ᠮᠢᠨᠢ ᠲᠡᠨᠳᠡ ᠪᠣᠢ!
ᠦᠰᠦᠭ ᠪᠢᠴᠢᠭ ᠮᠢᠨᠢ ᠬᠠᠮᠢᠭᠠ ᠪᠠᠢᠪᠠᠯ ᠦᠨᠳᠦᠰᠦ ᠬᠣᠢᠴᠢᠰ ᠮᠢᠨᠢ ᠲᠡᠨᠳᠡ ᠪᠣᠢ!
6. ᠠᠯᠲᠠᠨᠴᠢᠮᠡᠭ
ᠡᠵᠢ ᠶ᠋ᠢᠨ ᠬᠠᠢᠷᠠ ᠡᠬᠡ ᠶ᠋ᠢᠨ ᠬᠠᠢᠷᠠ ᠶ᠋ᠢ ᠲᠩᠷᠢ ᠭᠡᠪᠡᠯ ᠡᠨᠡ ᠬᠣᠷᠸᠠ ᠠᠯᠠᠭᠠᠨ ᠴᠢᠨᠡᠭᠡᠨ ᠂
ᠠᠩᠭᠢᠷ ᠤᠭᠤᠷᠠᠭ ᠢ᠋ ᠲᠠᠩᠭᠢᠰ ᠭᠡᠪᠡᠯ ᠡᠩ ᠦᠭᠡᠢ ᠳᠠᠯᠠᠢ ᠱᠠᠯᠪᠠᠭ ᠤ᠋ᠨ ᠴᠢᠨᠡᠭᠡᠨ!
7. ᠰᠣᠨᠢᠨᠴᠡᠴᠡᠭ
ᠡᠨᠡ ᠤᠳᠠᠭᠠᠨ ᠤ᠋ ᠰᠢᠯᠤᠭᠤᠨ ᠪᠢᠴᠢᠭᠯᠡᠭᠦᠷ ᠦ᠋ᠨ ᠤᠷᠤᠯᠳᠤᠭᠠᠨ ᠳ᠋ᠤ᠌ ᠣᠷᠣᠯᠴᠠᠭᠠᠳ ᠥᠨᠳᠥᠷ ᠠᠮᠵᠢᠯᠲᠠ ᠳ᠋ᠤ᠌ ᠬᠦᠷᠦᠭᠰᠡᠨ ᠦᠭᠡᠢ ᠴᠦ᠍ ᠤᠷᠤᠯᠳᠤᠭᠠᠨ ᠳ᠋ᠤ᠌ ᠣᠷᠣᠯᠴᠠᠵᠤ ᠴᠢᠳᠠᠭᠰᠠᠨ ᠳ᠋ᠤ᠌ ᠪᠠᠨ ᠰᠡᠳᠬᠢᠯ ᠥᠨᠳᠥᠷ ᠪᠠᠢᠨᠠ᠃ ᠪᠢᠳᠡ ᠮᠣᠩᠭᠣᠯ ᠢ᠋ᠶ᠋ᠠᠨ ᠭᠡᠰᠡᠨ ᠦᠨᠡᠨ ᠪᠣᠳᠣᠯ ᠰᠡᠳᠬᠢᠯ ᠲᠡᠢ ᠪᠣᠯ ᠦᠨᠡᠨᠴᠢ ᠤᠬᠠᠮᠰᠠᠷ ᠠ᠋ᠴᠠ ᠪᠠᠨ ᠮᠣᠩᠭᠣᠯ ᠦᠰᠦᠭ ᠢ᠋ᠶ᠋ᠡᠨ ᠲᠡᠷᠢᠭᠦᠨ ᠳ᠋ᠦ᠍ᠨᠢ ᠪᠢᠴᠢᠵᠦ ᠪᠠᠢᠶᠠ!
8. ᠮᠡᠷᠬᠡᠨᠪᠢᠯᠢᠭ
ᠨᠤᠲᠤᠭ ᠡᠴᠡ ᠪᠡᠨ ᠭᠠᠷᠴᠤ ᠬᠥᠮᠦᠨ ᠦ᠌ ᠭᠠᠵᠠᠷ ᠬᠦᠴᠦ ᠶᠠᠪᠤᠨᠠ ᠭᠡᠳᠡᠭ ᠬᠦᠴᠢᠷ ᠡᠴᠡ ᠬᠦᠴᠢᠷ᠂
ᠵᠣᠷᠢᠭᠤᠳᠠ ᠣᠴᠢᠭᠰᠠᠨ ᠭᠠᠵᠠᠷ ᠲᠤ᠌ ᠪᠠᠨ ᠳᠠᠰᠬᠤ ᠦᠭᠡᠢ ᠭᠡᠵᠦ ᠶᠠᠭᠠᠬᠢᠬᠤ ᠪᠣᠢ᠂
ᠰᠠᠷᠠ ᠰᠢᠭ᠋ ᠬᠣᠯᠠ ᠶ᠋ᠢᠨ ᠨᠤᠲᠤᠭ ᠢ᠋ᠶ᠋ᠠᠨ ᠰᠠᠨᠠᠬᠤ ᠦᠭᠡᠢ ᠭᠡᠳ ᠶᠠᠭᠠᠬᠢᠬᠤᠪ ᠳᠠ!
9. ᠮᠥᠩᠭᠥᠨ
ᠬᠥᠬᠡᠷᠡᠬᠦ— ᠡᠪᠡᠰᠦ ᠬᠥᠬᠡᠷᠡᠬᠦ
ᠬᠥᠭᠡᠷᠦᠬᠦ — ᠪᠠᠶᠠᠷᠯᠠᠵᠤ ᠬᠥᠭᠡᠷᠦᠬᠦ
ᠬᠥᠭᠡᠷᠬᠦ— ᠰᠦ ᠬᠥᠭᠡᠷᠬᠦ
ᠮᠠᠨᠳᠠᠯ— ᠴᠡᠴᠡᠭ ᠦ᠋ᠨ ᠮᠠᠨᠳᠠᠯ
ᠮᠠᠨᠳᠤᠯ— ᠮᠠᠨᠳᠤᠯ ᠬᠥᠭᠵᠢᠯ
ᠬᠥᠬᠥᠭᠡ— ᠬᠥᠬᠥᠭᠡ ᠰᠢᠪᠠᠭᠤ
ᠬᠥᠬᠡᠭᠡ— ᠬᠥᠬᠡᠭᠡ ᠡᠪᠦᠯ
ᠳᠦᠷᠢ— ᠪᠠᠢᠳᠠᠯ ᠳᠦᠷᠢ
ᠲᠦᠷᠡᠢ — ᠭᠤᠲᠤᠯ ᠤ᠋ᠨ ᠲᠦᠷᠡᠢ
ᠡᠪᠦᠷ — ᠡᠪᠦᠷ ᠳᠤᠯᠠᠭᠠᠨ
ᠥᠪᠥᠷ — ᠠᠷᠤ ᠥᠪᠥᠷ
(ᠦᠭᠡᠰ ᠦ᠋ᠨ ᠰᠠᠩ) ᠭᠡᠬᠦ ᠨᠣᠮ
10. ᠨᠣᠷᠤᠮᠠ
ᠭᠤᠷᠪᠠᠨ ᠡᠷᠬᠢᠮ
ᠠᠵᠢᠯᠴᠢ ᠪᠣᠷᠣᠭᠵᠢᠭᠤᠨ ᠨᠢᠭᠡ ᠡᠷᠬᠢᠮ
ᠠᠯᠤᠰ ᠢ᠋ ᠪᠣᠳᠣᠬᠤ ᠨᠢᠭᠡ ᠡᠷᠬᠢᠮ
ᠠᠵᠢᠭᠯᠠᠵᠤ ᠪᠠᠢᠴᠠᠭᠠᠬᠤ ᠨᠢᠭᠡ ᠡᠷᠬᠢᠮ
11. ᠦᠵᠢᠶᠡᠳ ᠡᠷᠳᠡᠨᠢᠴᠡᠴᠡᠭ
ᠳᠡᠪᠡᠯ - ᠠᠷᠲᠠᠢ
ᠬᠥᠬᠡ ᠮᠠᠩᠬᠠᠨ ᠲᠩᠷᠢ ᠳ᠋ᠦ᠍ ᠪᠡᠨ ᠰᠠᠴᠤᠯᠢ ᠨᠢᠭᠡ ᠶ᠋ᠢ ᠡᠷᠭᠦᠵᠦ
ᠬᠥᠪᠥᠩᠲᠡᠢ ᠳᠡᠪᠡᠯ ᠢ᠋ᠶ᠋ᠡᠨ ᠨᠥᠮᠥᠷᠦᠭᠡᠳ ᠰᠢᠯᠦᠭ ᠨᠢᠭᠡ ᠶ᠋ᠢ ᠪᠢᠴᠢᠶᠦ
ᠳᠡᠪᠡᠯ ᠪᠣᠯ ᠲᠠᠩᠭᠢᠰ ᠤ᠋ᠨ ᠵᠦᠢᠳᠡᠰᠦ
ᠳᠡᠪᠡᠯ ᠪᠣᠯ ᠴᠢᠩᠭᠢᠰ ᠦ᠋ᠨ ᠳᠡᠭᠡᠳᠦᠰ
ᠳᠡᠪᠡᠯ ᠪᠣᠯ《 ᠨᠢᠭᠤᠴᠠ ᠲᠣᠪᠴᠢᠶᠠᠨ》 ᠤ᠋ ᠭᠠᠳᠠᠷ
ᠳᠡᠪᠡᠯ ᠪᠣᠯ ᠨᠢᠭᠤᠬᠤ ᠦᠭᠡᠢ ᠢᠯᠡ ᠨᠢᠭᠤᠴᠠ᠃
ᠤᠷᠭᠤᠬᠤ ᠨᠠᠷᠠᠨ ᠲᠠᠢ ᠠᠭᠰᠢᠭᠠᠮᠠᠯ ᠴᠡᠩᠬᠡᠷ ᠠᠭᠤᠯᠠ ᠪᠣᠯ ᠳᠡᠪᠡᠯ
ᠤᠶᠠᠩᠭᠠ ᠪᠦᠰᠡᠯᠡᠭᠰᠡᠨ ᠦᠩᠰᠦᠮᠡᠯ ᠨᠣᠭᠣᠭᠠᠨ ᠲᠠᠯᠠ ᠪᠣᠯ ᠳᠡᠪᠡᠯ
ᠤᠷᠢᠳᠤ ᠶ᠋ᠢᠨ ᠣᠨ ᠰᠠᠷᠠ ᠶ᠋ᠢ ᠰᠢᠬᠢᠷ ᠰᠢᠭ ᠲᠦᠭᠡᠭᠡᠵᠦ ᠪᠠᠢᠭᠠ ᠡᠨᠡ ᠡᠪᠦᠭᠡᠨ ᠪᠣᠯ ᠳᠡᠪᠡᠯ᠃
12. ᠨᠠᠮᠵᠢᠯ
ᠮᠠᠨ ᠤ᠋ ᠤᠯᠤᠰ ᠤ᠋ᠨ《 ᠦᠨᠳᠦᠰᠦᠨ ᠬᠠᠤᠯᠢ》 ᠶ᠋ᠢᠨ ᠳᠥᠷᠪᠡᠳᠦᠭᠡᠷ ᠵᠤᠷᠪᠤᠰ ᠲᠤ᠌᠄ ᠪᠦᠭᠦᠳᠡ ᠨᠠᠢᠷᠠᠮᠳᠠᠬᠤ ᠳᠤᠮᠳᠠᠳᠤ ᠠᠷᠠᠳ ᠤᠯᠤᠰ ᠤ᠋ᠨ ᠡᠯᠡ ᠦᠨᠳᠦᠰᠦᠲᠡᠨ ᠨᠦ᠍ᠭᠦᠳ ᠪᠦᠷ ᠡᠷᠬᠡ ᠲᠡᠭᠰᠢ ᠭᠡᠵᠦ ᠲᠣᠭᠲᠠᠭᠠᠭᠰᠠᠨ ᠪᠠᠢᠳᠠᠭ᠃
13.ᠪᠣᠷᠵᠢᠭᠢᠨ · ᠤᠷᠠᠨᠴᠡᠴᠡᠭ
ᠶᠢᠷᠲᠢᠨᠴᠦ ᠶ᠋ᠢᠨ ᠲᠤᠢᠯ ᠤ᠋ᠨ ᠦᠨᠡᠨ ᠪᠣᠯ ᠭᠠᠰᠢᠭᠤᠨ ᠪᠥᠭᠡᠳ ᠬᠠᠲᠠᠭᠤ᠃
ᠦᠨᠡᠨ ᠦᠭᠡ ᠭᠡᠳᠡᠭ ᠦᠬᠦᠯ ᠰᠢᠭ ᠬᠠᠲᠠᠭᠤ ᠪᠠᠢᠬᠤ ᠶᠣᠰᠣᠲᠠᠢ᠃
ᠪᠡᠶᠡ ᠪᠡᠨ ᠳᠠᠰᠬᠠᠯᠵᠢᠭᠤᠯᠬᠤ ᠦᠭᠡᠢ ᠪᠣᠯ ᠮᠠᠬᠠᠪᠣᠳ ᠤ᠋ᠨ ᠲᠤᠷᠠᠭᠠᠯ ᠳ᠋ᠤ᠌ ᠣᠷᠣᠨᠠ᠃
ᠲᠣᠯᠣᠭᠠᠢ ᠪᠠᠨ ᠳᠠᠰᠬᠠᠯᠵᠢᠭᠤᠯᠬᠤ ᠦᠭᠡᠢ ᠪᠣᠯ ᠪᠢᠯᠢᠭ ᠦ᠋ᠨ ᠲᠤᠷᠠᠭᠠᠯ ᠳ᠋ᠤ᠌ ᠣᠷᠣᠨᠠ᠃
14. ᠮᠣᠩᠭᠣᠯ ᠰᠦᠨᠡᠰᠦ
ᠥᠪᠡᠷ ᠦ᠋ᠨ ᠬᠢ ᠪᠡᠷ ᠢ᠋ᠶ᠋ᠡᠨ ᠪᠠᠢᠵᠤ ᠴᠢᠳᠠᠨᠠ ᠭᠡᠳᠡᠭ ᠶᠡᠬᠡ ᠠᠮᠠᠷᠬᠠᠨ ᠰᠢᠭ᠋ ᠴᠦ᠍ ᠵᠢᠪ ᠵᠢᠩᠬᠢᠨᠢ ᠥᠪᠡᠷ ᠦ᠋ᠨ ᠬᠢ ᠪᠡᠷ ᠪᠠᠢᠨᠠ᠃ ᠭᠡᠳᠡᠭ ᠶᠡᠬᠡ ᠬᠦᠴᠦ ᠬᠥᠳᠡᠯᠮᠦᠷᠢ ᠵᠠᠷᠤᠴᠠᠭᠤᠯᠬᠤ ᠶᠤᠮ ᠪᠠᠢᠨᠠ᠃
15. ᠬᠡᠷᠡᠢᠳ ᠨᠠᠷᠠᠰᠤ
ᠮᠣᠩᠭᠣᠯ ᠪᠣᠯ ᠲᠡᠭᠷᠢ ᠶ᠋ᠢᠨ ᠰᠦᠨᠡᠰᠦ ᠲᠡᠢ
ᠬᠢᠲᠠᠳ ᠲᠡᠨᠦᠭᠦᠯ ᠰᠦᠨᠡᠰᠦ ᠲᠡᠢ ᠭᠡᠳᠡᠭ᠃
16.ᠤᠤᠭᠠᠨᠵᠢᠳ
ᠳᠥᠷᠪᠡᠨ ᠠᠷᠢᠭᠤᠨ
ᠡᠨᠡᠷᠢᠯᠲᠦ ᠡᠵᠢ ᠶ᠋ᠢᠨ ᠰᠦ ᠨᠢᠭᠡ ᠠᠷᠢᠭᠤᠨ
ᠡᠴᠢᠭᠡ ᠬᠥᠮᠦᠨ ᠦ᠌ ᠰᠡᠳᠬᠢᠯ ᠨᠢᠭᠡ ᠠᠷᠢᠭᠤᠨ
ᠡᠷᠳᠡᠮᠲᠦ ᠪᠠᠭᠰᠢ ᠶ᠋ᠢᠨ ᠰᠤᠷᠭᠠᠯ ᠨᠢᠭᠡ ᠠᠷᠢᠭᠤᠨ
ᠡᠬᠡ ᠣᠷᠣᠨᠴᠢ ᠶ᠋ᠢᠨ ᠵᠢᠳᠬᠦᠯ ᠨᠢᠭᠡ ᠠᠷᠢᠭᠤᠨ᠃
17. ᠪᠠ᠊᠂ ᠲᠣᠭᠣᠰ
ᠨᠣᠮ ᠪᠣᠯᠪᠠᠰᠤ ᠡᠷᠳᠡᠨᠢᠲᠦ ᠡᠮ ᠪᠣᠯᠠᠢ᠂ ᠣᠯᠠᠨᠲᠠ ᠳᠠᠬᠢᠨ ᠳᠠᠪᠲᠠᠨ ᠤᠩᠰᠢᠪᠠᠰᠤ᠂ᠮᠤᠩᠬᠠᠭ ᠡᠪᠡᠳᠴᠢᠨ ᠢ᠋ ᠵᠠᠰᠠᠮᠤᠢ᠃
ᠬᠥᠳᠡᠯᠭᠡᠭᠡᠨ ᠪᠣᠯᠪᠠᠰᠤ ᠣᠶᠤᠨ ᠤᠬᠠᠭᠠᠨ ᠂ ᠪᠡᠶᠡ ᠮᠠᠬᠠᠪᠣᠳ᠂ ᠰᠡᠳᠬᠢᠯ ᠰᠠᠨᠠᠭᠠ ᠶ᠋ᠢ ᠠᠨᠠᠭᠠᠬᠤ ᠡᠷᠳᠡᠨᠢᠲᠦ ᠡᠮ ᠪᠣᠯᠠᠢ᠃
ᠨᠣᠮ ᠰᠤᠳᠤᠷ᠂ ᠲᠠᠷᠨᠢ ᠮᠠᠨᠢ ᠪᠣᠯᠪᠠᠰᠤ ᠴᠢᠨᠳᠠᠮᠤᠨᠢ ᠡᠷᠳᠡᠨᠢᠲᠦ ᠡᠮ ᠪᠣᠯᠠᠢ᠃
ᠦᠷᠭᠦᠯᠵᠢ ᠤᠩᠰᠢᠵᠤ ᠤᠷᠢᠵᠤ ᠪᠠᠢᠪᠠᠰᠤ᠂ᠠᠰᠢᠳᠠ ᠶ᠋ᠢᠨ ᠠᠮᠤᠷ ᠠᠮᠤᠭᠤᠯᠠᠩ ᠢ᠋ ᠣᠯᠵᠤ᠂ᠡᠪᠡᠳᠴᠢᠨ ᠵᠣᠪᠠᠯᠠᠩ ᠠ᠋ᠴᠠ ᠰᠠᠯᠵᠤ ᠴᠢᠳᠠᠮᠤᠢ᠃
ᠲᠠᠯᠠᠷᠬᠠᠯ ᠤ᠋ᠨ ᠰᠡᠳᠬᠢᠯ ᠪᠣᠯᠪᠠᠰᠤ ᠠᠯᠢᠪᠠ ᠶ᠋ᠢ ᠠᠨᠠᠭᠠᠬᠤ ᠲᠡᠭᠦᠰ ᠴᠢᠳᠠᠪᠤᠷᠢ ᠲᠠᠢ ᠡᠷᠳᠡᠨᠢᠲᠦ ᠡᠮ ᠪᠣᠯᠠᠢ᠃
ᠠᠮᠢᠳᠤᠷᠠᠯ ᠤ᠋ᠨ ᠮᠥᠴᠡ ᠪᠦᠬᠦᠨ ᠢ᠋ ᠲᠠᠯᠠᠷᠬᠠᠯ ᠢ᠋ᠶ᠋ᠠᠷ ᠰᠦᠯᠡᠵᠦ ᠴᠢᠳᠠᠪᠠᠰᠤ ᠡᠷᠡᠭᠦᠯ ᠪᠡᠶᠡ ᠰᠠᠷᠠᠭᠤᠯ ᠤᠬᠠᠭᠠᠨ ᠲᠠᠢ ᠪᠣᠯᠵᠤ ᠴᠢᠳᠠᠮᠤᠢ᠃
18. ᠰᠣᠨᠢᠨᠴᠡᠴᠡᠭ ᠂
ᠬᠠᠯᠠᠭᠤᠨ ᠡᠯᠢᠭᠡᠨ ᠨᠤᠲᠤᠭ
ᠦᠭᠡ᠄ ᠵ᠊· ᠪᠠᠳᠠᠷᠠ ᠠᠶᠠ᠄ ᠴ᠊· ᠨᠠᠮᠰᠠᠷᠠᠢᠵᠠᠪ
ᠡᠯᠢᠭᠡ ᠵᠢᠷᠦᠬᠡᠨ ᠡᠴᠡ ᠤᠶᠠᠭᠠ ᠲᠠᠢ ᠡᠩᠬᠦᠷᠡᠢ ᠮᠣᠩᠭᠣᠯ ᠨᠤᠲᠤᠭ ᠮᠢᠨᠢ
ᠡᠴᠢᠭᠡ ᠡᠬᠡ ᠡᠴᠡ ᠵᠠᠶᠠᠭᠠ ᠲᠠᠢ ᠡᠷᠳᠡᠨᠢ ᠶ᠋ᠢᠨ ᠠᠯᠲᠠᠨ ᠥᠯᠥᠭᠡᠢ ᠮᠢᠨᠢ᠃
ᠴᠡᠴᠡᠭ ᠦ᠋ᠨ ᠰᠢᠮᠡ ᠶ᠋ᠢ ᠲᠡᠳᠬᠦᠭᠰᠡᠨ ᠴᠡᠩᠭᠡᠯ ᠦ᠋ᠨ ᠬᠠᠪᠤᠷ ᠠᠢᠯᠴᠢᠯᠠᠬᠤ ᠳ᠋ᠤ᠌
ᠮᠥᠷᠡᠨ ᠭᠣᠣᠯ ᠨᠢ ᠳᠠᠭᠤᠤ ᠪᠠᠨ ᠳᠠᠭᠤᠯᠠᠵᠤ ᠮᠥᠩᠭᠥᠨ ᠰᠠᠷᠢᠳᠠᠭ ᠨᠢ ᠮᠢᠰᠢᠶᠡᠳᠡᠭ ᠠ᠋᠃
ᠰᠡᠷᠢᠭᠦᠨ ᠰᠠᠯᠬᠢ ᠰᠡᠪᠰᠡᠭᠦᠯᠦᠨ ᠬᠠᠴᠠᠷ ᠨᠢᠭᠤᠷ ᠢ᠋ ᠦᠨᠦᠰᠦᠨ ᠪᠠᠢᠵᠤ
ᠰᠡᠳᠬᠢᠯ ᠳᠣᠲᠣᠷᠠ ᠶ᠋ᠢ ᠠᠷᠢᠭᠤᠯᠠᠭᠰᠠᠨ ᠬᠠᠯᠠᠭᠤᠨ ᠡᠯᠢᠭᠡᠨ ᠨᠤᠲᠤᠭ ᠮᠢᠨᠢ᠃
19. ᠲᠡᠮᠦᠷᠭᠤᠤᠯᠲᠥ
ᠬᠥᠯ ᠳ᠋ᠦ᠍ ᠣᠷᠣᠬᠤ ᠳ᠋ᠤ᠌ ᠪᠠᠨ ᠤᠨᠠᠵᠤ ᠪᠣᠰᠤᠨ ᠮᠥᠷ ᠢ᠋ᠶ᠋ᠡᠨ ᠭᠠᠷᠭᠠᠵᠤ᠂
ᠬᠦᠢᠲᠡᠨ ᠪᠤᠯᠠᠭ ᠤ᠋ᠨ ᠤᠰᠤᠨ ᠠ᠋ᠴᠠ ᠨᠢ ᠰᠢᠲᠦ ᠪᠡᠨ ᠲᠠᠰᠢᠷᠠᠳᠠᠯᠠ ᠵᠠᠯᠭᠢᠯᠠᠵᠤ᠂
ᠲᠠᠯᠠ ᠶ᠋ᠢᠨ ᠲᠣᠭᠣᠷᠤᠤ᠂ ᠨᠠᠭᠤᠷ ᠤ᠋ᠨ ᠠᠩᠭᠢᠷ ᠦᠷᠭᠦᠭᠡᠵᠦ
ᠳᠠᠭᠠᠨᠠ ᠶ᠋ᠢᠨ ᠲᠣᠯᠣᠭᠠᠢ ᠴᠡᠴᠡᠭ ᠦ᠋ᠨ ᠳᠡᠯᠪᠢ ᠶ᠋ᠢ ᠲᠡᠭᠦᠵᠦ ᠶᠠᠪᠤᠭᠰᠠᠨ ᠪᠣᠯᠬᠤᠢ ᠭᠠᠵᠠᠷ ᠰᠢᠷᠣᠢ ᠳ᠋ᠤ᠌ ᠪᠠᠨ ᠬᠠᠢᠷᠠᠲᠠᠢ᠃
20. ᠵᠢᠷᠠᠨᠲᠠᠢ
ᠲᠣᠭᠠᠴᠢᠬᠤ ᠵᠣᠪᠠᠯᠠᠩ ᠢ ᠴᠢᠨᠢ ᠰᠣᠨᠣᠰᠳᠠᠭ
ᠨᠠᠢᠵᠠ ᠲᠠᠢ ᠪᠠᠢᠬᠤ ᠭᠡᠳᠡᠭ ᠠᠵᠠ ᠶᠤᠮ
ᠲᠤᠭᠤᠯᠬᠤ ᠵᠣᠪᠠᠯᠠᠩ ᠢ᠋ ᠴᠢᠨᠢ ᠬᠤᠪᠢᠶᠠᠯᠴᠠᠳᠠᠭ
ᠬᠠᠨᠢ ᠲᠠᠢ ᠪᠠᠢᠬᠤ ᠭᠡᠳᠡᠭ ᠵᠢᠷᠭᠠᠯ ᠶᠤᠮ᠃
21. ᠦᠵᠢᠶᠡᠳ ᠡᠷᠳᠡᠨᠢᠴᠡᠴᠡᠭ
ᠰᠠᠪᠠᠷ ᠣᠭᠣᠰᠣᠷ ᠢ᠋ ᠴᠢᠨᠢ ᠵᠦᠢᠷᠯᠡᠭᠡᠳ
ᠰᠠᠯᠠᠭᠠ ᠵᠠᠮ ᠮᠢᠨᠢ ᠲᠥᠷᠥᠭᠰᠡᠨ ᠪᠠᠢᠵᠠᠢ᠃
ᠰᠠᠢᠬᠠᠨ ᠬᠡᠪᠢᠰ ᠢ᠋ ᠴᠢᠨᠢ ᠵᠣᠢᠭᠡᠳ
ᠰᠠᠷᠠᠭᠤᠯᠬᠠᠨ ᠲᠠᠯᠠ ᠮᠢᠨᠢ ᠠᠯᠠᠭᠯᠠᠭᠰᠠᠨ ᠪᠠᠢᠵᠠᠢ᠃
ᠬᠤᠷᠠᠭᠤᠯ ᠤ᠋ᠨ ᠴᠢᠨᠢ ᠤᠲᠤᠭᠠᠨ ᠳ᠋ᠤ᠌ ᠤᠲᠤᠭᠳᠠᠭᠠᠳ
ᠬᠣᠷᠸᠠ ᠶ᠋ᠢᠨ ᠵᠤᠯᠠᠢ ᠴᠡᠩᠬᠡᠷᠲᠦᠭᠰᠡᠨ ᠪᠠᠢᠵᠠᠢ
ᠬᠣᠢᠮᠣᠷ ᠤ᠋ᠨ ᠴᠢᠨᠢ ᠰᠦᠷ ᠲᠦ᠍ ᠳᠠᠷᠤᠭᠳᠠᠭᠠᠳ
ᠬᠣᠷᠮᠣᠢ ᠪᠠᠨ ᠵᠤᠳ ᠳᠡᠪᠢᠰᠳᠡᠭ ᠪᠠᠢᠵᠠᠢ᠃
ᠳᠡᠯᠡᠩᠲᠦ ᠶ᠋ᠢᠨ ᠰᠦ ᠪᠡᠷ ᠮᠢᠯᠢᠶᠠᠭᠳᠠᠵᠤ
ᠳᠡᠭᠡᠪᠦᠷ ᠲᠤᠭᠤᠷᠭᠠ ᠴᠢᠨᠢ ᠭᠡᠢᠭᠰᠡᠨ ᠪᠠᠢᠵᠠᠢ
ᠳᠡᠨᠵᠢᠳᠦ ᠶ᠋ᠢᠨ ᠰᠢᠲᠦᠭᠡᠨ ᠪᠣᠯᠭᠠᠵᠤ
ᠳᠡᠯᠡᠬᠡᠢ ᠴᠢᠮᠠ ᠶ᠋ᠢ ᠳᠠᠬᠢᠳᠠᠭ ᠪᠠᠢᠵᠠᠢ᠃
22. ᠰᠢᠨ ᠴᠦᠨ
ᠦᠭᠡ ᠬᠡᠯᠡ ᠮᠢᠨᠢ ᠬᠠᠮᠢᠭᠠ ᠪᠠᠢᠪᠠᠯ
ᠥᠯᠥᠭᠡᠢ ᠨᠤᠲᠤᠭ ᠮᠢᠨᠢ ᠲᠡᠨᠳᠡ ᠪᠣᠢ
ᠦᠰᠦᠭ ᠪᠢᠴᠢᠭ ᠮᠢᠨᠢ ᠬᠠᠮᠢᠭᠠ ᠪᠠᠢᠪᠠᠯ
ᠦᠨᠳᠦᠰᠦ ᠤᠭᠰᠠᠭᠠ ᠮᠢᠨᠢ ᠲᠡᠨᠳᠡ ᠪᠣᠢ᠃
23. ᠭᠠᠸᠠ
ᠰᠠᠢᠨ ᠳ᠋ᠤ᠌ ᠨᠢᠭᠡ ᠮᠠᠭᠤ ᠪᠠᠢᠳᠠᠭ ᠰᠠᠷᠠᠨ ᠳ᠋ᠤ᠌ ᠨᠢᠭᠡ ᠲᠣᠯᠪᠣ ᠪᠠᠢᠳᠠᠭ— ᠣᠶᠤᠨ ᠪᠢᠴᠢᠭᠯᠡᠭᠦᠷ ᠦ᠋ᠨ ᠵᠦᠢᠷ ᠦᠭᠡ
24. ᠪᠣᠷᠵᠢᠭᠢᠨ · ᠤᠷᠠᠨᠴᠡᠴᠡᠭ
ᠬᠥᠮᠦᠨ ᠬᠥᠮᠦᠨ ᠡᠴᠡ ᠪᠡᠨ ᠬᠦᠰᠡᠳᠡᠭ ᠬᠠᠮᠤᠭ ᠤ᠋ᠨ ᠲᠣᠮᠣ ᠪᠡᠯᠡᠭ ᠪᠣᠯ ᠰᠡᠳᠬᠢᠯ᠂ ᠢᠲᠡᠭᠡᠯ᠂ ᠬᠠᠢᠷᠠ ᠭᠤᠷᠪᠠ ᠪᠣᠯᠤᠨᠠ᠃
25. ᠳᠠᠯᠠᠨᠲᠠᠢ
ᠰᠡᠳᠬᠢᠯ ᠡᠴᠡ ᠪᠡᠨ ᠬᠡᠷᠡᠯᠳᠦᠵᠦ ᠶᠠᠪᠤᠶᠠ ᠲᠡᠢᠮᠦ ᠠ᠋᠂ ᠲᠠ ᠴᠢᠳᠠᠨᠠ᠃
ᠪᠣᠳᠣᠯ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠭᠡᠭᠡᠷᠡᠵᠦ ᠪᠠᠰᠠ ᠬᠡᠨ ᠪᠦᠬᠦᠨ ᠴᠢᠳᠠᠨᠠ᠂
ᠪᠢᠳᠡ ᠵᠦᠭᠡᠷ ᠯᠡ ᠭᠡᠷᠡᠯᠲᠦᠵᠡᠢ᠂ ᠭᠡᠷᠡᠯ ᠢ᠋ᠶ᠋ᠡᠨ ᠲᠦᠭᠡᠭᠡ᠂ ᠲᠡᠢᠮᠦ ᠠ᠋
ᠭᠣᠶᠣ ᠣᠷᠴᠢᠯᠠᠩ ᠪᠢᠳᠡᠨ ᠢ᠋ ᠦᠷᠭᠦᠯᠵᠢ ᠬᠦᠯᠢᠶᠡᠵᠦ ᠪᠠᠢᠨᠠ ᠭᠡᠳᠡᠭ ᠢ᠋ ᠰᠠᠨᠠᠭᠠᠷᠠᠢ!
26. ᠠᠯᠲᠠᠨᠴᠢᠮᠡᠭ
ᠮᠢᠨᠦ ᠮᠡᠳᠡᠬᠦ ᠪᠦᠬᠦᠨ ᠳᠡᠯᠭᠡᠷᠡᠵᠡᠢ
ᠮᠢᠨᠦ ᠮᠡᠳᠡᠬᠦ ᠦᠭᠡᠢ ᠪᠦᠬᠦᠨ ᠳᠡᠯᠭᠡᠷᠡᠵᠡᠢ
ᠭᠠᠭᠴᠠ ᠪᠢ ᠥᠲᠡᠯᠵᠦ ᠪᠠᠢᠭᠠ ᠶ᠋ᠢ
ᠬᠡᠨ ᠴᠦ᠍ ᠮᠡᠳᠡᠬᠦ ᠦᠭᠡᠢ ᠥᠩᠭᠡᠷᠡᠵᠡᠢ᠃
ᠴᠠᠰᠤ ᠪᠠᠷ ᠬᠠᠨᠢᠯᠠᠭᠰᠠᠨ ᠬᠠᠢᠷᠠ
ᠨᠠᠷᠠ ᠶ᠋ᠢ ᠦᠵᠡᠪᠡᠯ ᠤᠷᠤᠰᠤᠨᠠ
ᠨᠠᠰᠤ ᠪᠠᠷ ᠬᠠᠨᠢᠯᠠᠭᠰᠠᠨ ᠬᠠᠢᠷᠠ
ᠭᠠᠯ ᠢ᠋ᠶ᠋ᠠᠷ ᠰᠢᠷᠠᠭᠰᠠᠨ ᠴᠤ᠌ ᠵᠠᠩᠭᠠᠷ ᠃
27. ᠨᠠᠷᠠᠨᠲᠣᠭᠣᠰ
ᠨᠠᠢᠷ ᠬᠢᠪᠡᠯ ᠢᠷᠦᠭᠡᠳᠡᠭ ᠨᠠᠭᠠᠳᠤᠮ ᠪᠣᠯᠪᠠᠯ ᠣᠷᠣᠯᠳᠣᠳᠠᠭ
ᠨᠠᠰᠤ ᠠᠬᠢᠪᠠᠯ ᠲᠣᠮᠣᠭᠠᠵᠢᠳᠠᠭ ᠨᠠᠨᠳᠢᠨ ᠮᠣᠩᠭᠣᠯ ᠤᠬᠠᠭᠠᠨ᠃
28. ᠰᠢᠨ ᠴᠦᠨ
ᠥᠰᠬᠦ ᠡᠴᠡ ᠰᠤᠷᠤᠭᠰᠠᠨ ᠦᠨᠳᠦᠰᠦᠨ ᠬᠡᠯᠡ
ᠮᠠᠷᠲᠠᠵᠤ ᠪᠣᠯᠣᠰᠢ ᠦᠭᠡᠢ ᠰᠣᠶᠣᠯ
ᠦᠬᠦᠲᠡᠯᠡ ᠣᠷᠣᠰᠢᠬᠤ ᠲᠥᠷᠥᠯᠬᠢ ᠨᠤᠲᠤᠭ
ᠰᠠᠯᠵᠤ ᠪᠣᠯᠣᠰᠢ ᠦᠭᠡᠢ ᠣᠷᠣᠨ
29. ᠨᠤᠮᠤᠴᠢᠨ ᠪᠢᠯᠢᠭ
ᠵᠣᠭᠣᠰ ᠢ᠋ ᠡᠭᠦᠷᠢᠳᠡ ᠣᠯᠤᠭᠠᠳ ᠪᠠᠷᠠᠬᠤ ᠦᠭᠡᠢ ᠶᠦᠮ᠃ ᠬᠠᠷᠢᠨ ᠠᠮᠢ ᠪᠣᠯ ᠬᠢᠵᠠᠭᠠᠷ ᠲᠠᠢ ᠪᠠᠢᠳᠠᠭ᠂ ᠠᠮᠢ ᠪᠠᠷ ᠢ᠋ᠶ᠋ᠠᠨ ᠵᠣᠭᠣᠰ ᠢ᠋ ᠰᠣᠯᠢᠵᠤ ᠪᠣᠯᠤᠨᠠ᠂ ᠭᠡᠲᠡᠯᠡ ᠵᠣᠭᠣᠰ ᠢ᠋ᠶ᠋ᠠᠷ ᠠᠮᠢ ᠶ᠋ᠢ ᠰᠣᠯᠢᠵᠤ ᠣᠯᠬᠤ ᠦᠭᠡᠢ ᠪᠠᠢᠳᠠᠭ᠂ ᠡᠢᠮᠦ ᠡᠴᠡ ᠵᠣᠭᠣᠰ ᠠᠷᠪᠢᠨ ᠪᠠᠭᠠ ᠬᠠᠮᠢᠶᠠ ᠦᠭᠡᠢ ᠵᠠᠷᠤᠭᠠᠳ ᠭᠦᠢᠴᠡᠪᠡᠯ ᠪᠣᠯᠴᠢᠬᠠᠨᠠ ᠭᠡᠳᠡᠭ ᠢ᠋ ᠰᠠᠨᠠᠵᠤ ᠶᠠᠪᠤᠭᠠᠷᠠᠢ !
30. ᠤᠶᠤᠠᠭᠡᠷᠡᠯ
ᠪᠦᠬᠦ ᠶᠠᠭᠤᠮᠠ ᠰᠠᠢᠬᠠᠨ ᠪᠣᠯᠤᠨᠠ ᠂ ᠢᠨᠢᠶᠡᠬᠦ
31. ᠮᠥᠩᠭᠥᠨ
ᠵᠡᠭᠦᠨᠭᠠᠷ ᠤ᠋ᠨ ᠴᠡᠩᠬᠡᠷ ᠨᠤᠲᠤᠭ
ᠭ᠂ ᠴᠢᠩᠪᠠᠭᠠᠲᠤᠷ
ᠵᠡᠭᠦᠨᠭᠠᠷ ᠤ᠋ᠨ ᠴᠡᠩᠬᠡᠷ ᠨᠤᠲᠤᠭ ᠢ᠋ᠶ᠋ᠠᠷ
ᠵᠡᠭᠦᠳᠦᠨ ᠮᠡᠲᠦ ᠣᠨ ᠵᠢᠯ ᠤᠷᠤᠰᠤᠨ
ᠵᠢᠩ ᠦ᠋ᠨ ᠴᠤᠪᠤᠭᠠ ᠰᠢᠭ᠋ ᠠᠭᠤᠯᠠᠰ ᠥᠷᠲᠡᠭᠡᠯᠡᠨ
《ᠵᠢᠩᠭᠠᠷ 》 ᠬᠠᠢᠯᠠᠬᠤ ᠮᠡᠲᠦ ᠰᠠᠯᠬᠢᠨ ᠬᠥᠭᠡᠮᠡᠢᠯᠡᠨᠡᠮ᠃
ᠡᠷᠲᠡᠨ ᠦ᠌ ᠬᠣᠲᠠ ᠶ᠋ᠢᠨ ᠪᠠᠭᠤᠷᠢᠨ ᠳᠡᠭᠡᠷᠡ
ᠡᠯᠢᠭᠡ ᠡᠮᠲᠡᠷᠡᠨ ᠵᠣᠭᠰᠣᠬᠤᠢ ᠳ᠋ᠤ᠌
ᠰᠠᠢᠷ ᠤ᠋ᠨ ᠠᠭᠤᠯᠠ ᠶ᠋ᠢᠨ ᠰᠠᠯᠬᠢᠨ
ᠰᠡᠳᠬᠢᠯ ᠰᠡᠢᠴᠢᠨ ᠰᠠᠷᠴᠢᠭᠢᠨᠠᠨᠠᠮ!
ᠤᠤᠬᠠᠢ ᠳᠠᠭᠤᠯᠠᠭᠰᠠᠨ ᠪᠠᠭᠠᠲᠤᠳ ᠢ᠋ᠶ᠋ᠠᠨ
ᠦᠭᠡᠢᠯᠡᠨ ᠦᠭᠡᠢᠯᠡᠨ ᠰᠡᠭᠦᠷᠡᠰᠦᠯᠡᠬᠦᠢ ᠳ᠋ᠦ᠍
ᠬᠣᠪᠤᠭ ᠤ᠋ᠨ ᠭᠣᠣᠯ ᠤ᠋ᠨ ᠤᠰᠤᠨ
ᠬᠣᠶᠠᠷ ᠨᠢᠳᠦᠨ ᠡᠴᠡ ᠮᠢᠨᠢ ᠠᠰᠬᠠᠷᠠᠨᠠᠮ!
32. ᠰᠣᠨᠢᠨᠴᠡᠴᠡᠭ ᠂
ᠮᠢᠨᠦ ᠮᠣᠩᠭᠣᠯ ᠽᠠᠮᠪᠤᠯᠢᠩ
ᠪᠠᠲᠤᠲᠤᠭᠲᠠᠬᠤ
ᠲᠠᠨᠠᠨ ᠴᠠᠭᠠᠨ ᠭᠡᠷ ᠲᠡᠢ ᠮᠣᠩᠭᠣᠯ
ᠲᠠᠪᠤᠨ ᠬᠣᠰᠢᠭᠤ ᠮᠠᠯ ᠲᠠᠢ ᠮᠣᠩᠭᠣᠯ
ᠲᠠᠷᠠᠭ ᠠᠢᠷᠠᠭ ᠰᠦ ᠲᠡᠢ ᠮᠣᠩᠭᠣᠯ
ᠲᠠᠪᠢᠯᠠᠩ ᠵᠠᠶᠠᠭᠠ ᠪᠠᠷ ᠠᠵᠠ ᠲᠠᠢ ᠮᠣᠩᠭᠣᠯ ᠠ᠋᠃
ᠠᠷᠢᠭᠤᠨ ᠴᠡᠪᠡᠷ ᠠᠭᠠᠷ ᠲᠠᠢ ᠮᠣᠩᠭᠣᠯ
ᠠᠯᠠᠭ ᠴᠡᠴᠡᠭ ᠦ᠋ᠨ ᠮᠢᠷᠠᠯᠵᠠᠭᠠᠨ ᠲᠠᠢ ᠮᠣᠩᠭᠣᠯ
ᠠᠳᠤᠭᠤ ᠮᠠᠯ ᠤ᠋ᠨ ᠪᠡᠯᠴᠢᠭᠡᠷ ᠲᠡᠢ ᠮᠣᠩᠭᠣᠯ
ᠠᠭᠯᠠᠭ ᠠᠭᠤᠯᠠ ᠲᠠᠯᠠ ᠲᠠᠢ ᠮᠣᠩᠭᠣᠯ ᠠ᠋᠃
ᠤᠷᠲᠤ ᠶ᠋ᠢᠨ ᠳᠠᠭᠤᠤ ᠶ᠋ᠢᠨ ᠤᠳᠤᠮ ᠲᠠᠢ ᠮᠣᠩᠭᠣᠯ
ᠤᠷᠭᠠᠴᠢᠨ ᠡᠮᠨᠢᠭᠴᠢᠨ ᠪᠥᠬᠡᠴᠢᠳ ᠲᠡᠢ ᠮᠣᠩᠭᠣᠯ
ᠤᠰᠤᠨ ᠵᠢᠷᠣᠭᠠ ᠮᠣᠷᠢᠳ ᠲᠠᠢ ᠮᠣᠩᠭᠣᠯ
ᠤᠯᠠᠮᠵᠢᠯᠠᠭᠰᠠᠨ ᠬᠥᠬᠡ ᠲᠤᠭ ᠲᠠᠢ ᠮᠣᠩᠭᠣᠯ ᠠ᠋᠃
33. ᠭᠠᠹᠠᠯᠮᠠ
ᠳᠡᠯᠡᠬᠡᠢ ᠶ᠋ᠢ ᠪᠠᠷᠠᠯᠠᠬᠤ ᠭᠡᠭᠡᠨ ᠴᠣᠩᠬᠣ ᠪᠣᠯ ᠪᠢᠴᠢᠭ ᠡᠷᠳᠡᠮ
ᠳᠡᠭᠵᠢᠷᠡᠯ ᠢ᠋ ᠠᠪᠴᠢᠷᠠᠬᠤ ᠰᠠᠷᠠᠭᠤᠯ ᠵᠠᠮ ᠪᠣᠯ ᠮᠡᠷᠭᠡᠨ ᠪᠣᠳᠣᠯᠭᠠ᠃
ᠨᠣᠮ ᠤ᠋ᠨ ᠡᠭᠦᠳᠡᠨ ᠡᠴᠡ ᠪᠢᠯᠢᠭ ᠦ᠋ᠨ ᠬᠤᠷᠠ ᠪᠠᠭᠤᠨᠠᠮ
ᠪᠢᠴᠢᠭ ᠦ᠋ᠨ ᠰᠢᠭᠤᠢ ᠠ᠋ᠴᠠ ᠣᠶᠤᠨ ᠤ᠋ ᠯᠢᠩᠬᠤᠠ ᠳᠡᠯᠭᠡᠷᠡᠨᠡᠮ᠃
ᠡᠴᠢᠭᠡ ᠡᠬᠡ ᠪᠡᠨ ᠠᠴᠢᠯᠠᠵᠤ ᠶᠠᠪᠤᠬᠤ ᠵᠠᠯᠠᠭᠤᠰ ᠰᠠᠢᠬᠠᠨ
ᠡᠷᠳᠡᠮ ᠮᠡᠳᠡᠯᠭᠡ ᠶ᠋ᠢ ᠰᠤᠷᠴᠤ ᠰᠤᠳᠤᠯᠬᠤ ᠣᠶᠤᠲᠠᠨ ᠰᠠᠢᠬᠠᠨ᠃
34. ᠤᠤᠭᠠᠨᠵᠢᠳ
ᠮᠢᠨᠦ ᠨᠤᠲᠤᠭ
ᠮᠠᠩᠨᠤᠭ ᠲᠠᠯᠠ ᠷᠠᠰᠢᠶᠠᠨ ᠪᠤᠯᠠᠭ
ᠮᠠᠯ ᠰᠦᠷᠦᠭ ᠮᠣᠩᠭᠣᠯ ᠠᠮᠢᠳᠤᠷᠠᠯ
ᠲᠡᠦᠬᠡ ᠳᠣᠮᠣᠭ ᠲᠦᠮᠡᠨ ᠠᠮᠢᠲᠠᠨ
ᠲᠡᠭᠦᠯᠳᠡᠷ ᠶᠡᠬᠡ ᠲᠠᠬᠢᠯᠭᠠ ᠳᠠᠭᠠᠳᠬᠠᠯ ᠲᠠᠢ
ᠡᠨᠡ ᠪᠣᠯ ᠮᠢᠨᠦ ᠤᠨᠠᠭᠰᠠᠨ ᠰᠢᠷᠣᠢ
ᠡᠵᠢ ᠶ᠋ᠢᠨ ᠨᠤᠲᠤᠭ ᠰᠠᠢᠬᠠᠨ ᠭᠠᠵᠠᠷ
ᠡᠨᠡ ᠪᠣᠯ ᠮᠢᠨᠦ ᠲᠥᠷᠥᠭᠰᠡᠨ ᠥᠯᠥᠭᠡᠢ
ᠠᠪᠤ ᠶ᠋ᠢᠨ ᠨᠤᠲᠤᠭ ᠠᠰᠢᠳᠠ ᠶ᠋ᠢᠨ ᠣᠷᠣᠨ᠃
35. ᠮᠡᠷᠭᠡᠨᠪᠢᠯᠢᠭ
ᠡᠬᠡ ᠬᠡᠯᠡ ᠲᠡᠢ ᠪᠣᠯᠬᠣᠷ ᠡᠯᠢᠭᠡ ᠪᠦᠲᠦᠨ ᠪᠠᠢᠳᠠᠭ
ᠦᠰᠦᠭ ᠪᠢᠴᠢᠭ ᠲᠡᠢ ᠪᠣᠯᠬᠣᠷ ᠦᠨᠳᠦᠰᠦᠲᠡᠨ ᠪᠦᠲᠦᠨ ᠪᠠᠢᠳᠠᠭ᠃
36. ᠦᠵᠢᠶᠡᠳ ᠂ ᠡᠷᠳᠡᠨᠢᠴᠡᠴᠡᠭ
ᠤᠭᠰᠠᠷᠠᠵᠤ ᠬᠦᠷᠢᠶᠡᠯᠡᠭᠰᠡᠨ ᠬᠠᠨᠠ ᠠᠴᠠ ᠴᠢᠨᠢ
ᠤᠬᠤᠴᠢᠯᠠᠵᠤ ᠰᠠᠢᠬᠠᠨ ᠠᠰᠠᠭᠤᠪᠠᠯ
ᠠᠭᠤᠳᠠᠮ ᠰᠠᠨᠰᠠᠷ ᠤ᠋ᠨ ᠬᠠᠶᠠᠭᠠᠨ ᠳ᠋ᠤ᠌
ᠤᠬᠠᠭᠠᠨ ᠳᠠᠯᠠ ᠭᠡᠵᠦ ᠬᠠᠷᠢᠭᠤᠯᠤᠯᠠ᠃
ᠲᠣᠭᠣᠷᠢᠭᠯᠠᠵᠤ ᠥᠭᠰᠥᠭᠰᠡᠨ ᠣᠨᠢ ᠶ᠋ᠢ ᠴᠢᠨᠢ
ᠲᠣᠭᠣᠷᠢᠭᠤᠯᠵᠤ ᠨᠠᠷᠢᠨ ᠠᠵᠢᠪᠠᠯ
ᠲᠣᠭᠣᠨᠣᠨ ᠬᠦᠷᠳᠦᠨ ᠨᠠᠷᠠᠨ ᠳ᠋ᠤ᠌
ᠳᠣᠪᠲᠣᠯᠵᠤ ᠬᠥᠷ ᠭᠡᠵᠦ ᠪᠢᠴᠢᠯᠡ᠃
37. ᠭᠠᠹᠠᠯᠮᠠ
ᠮᠥᠩᠬᠡ ᠲᠩᠷᠢ ᠶ᠋ᠢᠨ ᠳᠣᠣᠷᠠ ᠮᠣᠩᠭᠣᠯ ᠳᠤᠭᠤᠷᠠᠭᠳᠠᠨ ᠠᠮᠤᠭᠤᠯᠠᠩ᠂
ᠮᠣᠩᠭᠣᠯ ᠤ᠋ᠨ ᠰᠠᠢᠬᠠᠨ ᠣᠷᠣᠨ ᠳ᠋ᠤ᠌ ᠪᠠᠨ ᠮᠣᠷᠢᠲᠠᠨ ᠦᠨᠳᠦᠰᠦᠲᠡᠨ ᠠᠮᠤᠭᠤᠯᠠᠩ᠃
38. ᠠ᠊· ᠰᠠᠷᠠᠨᠭᠡᠷᠡᠯ
ᠬᠠᠳᠠᠨ ᠳᠡᠭᠡᠷᠡ ᠪᠢᠴᠢᠵᠦ ᠬᠠᠳᠠᠭᠠᠯᠠᠭᠳᠠᠭᠰᠠᠨ ᠬᠠᠭᠠᠨ ᠤ᠋ ᠪᠢᠴᠢᠭᠡᠰᠦ ᠮᠣᠩᠭᠣᠯ ᠦᠰᠦᠭ
ᠬᠠᠮᠤᠭ ᠣᠯᠠᠨ ᠮᠣᠩᠭᠣᠯᠴᠤᠳ ᠤ᠋ᠨ ᠬᠠᠢᠷᠠᠯᠠᠵᠤ ᠬᠠᠮᠠᠭᠠᠯᠠᠬᠤ ᠬᠠᠮᠲᠤ ᠶ᠋ᠢᠨ ᠥᠪ᠃
39. ᠵᠢᠩᠵᠢᠬᠤᠸᠠᠷ
ᠡᠩᠬᠡ ᠲᠠᠢᠪᠤᠩ ᠡᠷᠬᠢᠮ ᠵᠢᠷᠭᠠᠯ᠂ᠡᠷᠬᠡ ᠴᠢᠯᠥᠭᠡ ᠮᠠᠩᠯᠠᠢ ᠵᠢᠷᠭᠠᠯ᠃
ᠡᠮᠨᠢᠭ ᠮᠣᠷᠢ ᠡᠵᠡᠨ ᠳ᠋ᠡᠭᠡᠨ ᠬᠠᠯᠠ ᠲᠠᠢ᠂ᠡᠭᠡᠳᠡᠭᠦᠦ ᠰᠠᠨᠠᠭᠠ ᠪᠡᠶᠡ ᠳ᠋ᠦ᠍ ᠬᠠᠯᠠ ᠲᠠᠢ᠃
ᠠᠭᠤᠯᠵᠠᠬᠤ ᠠ᠋ᠴᠠ ᠡᠮᠦᠨᠡ ᠂ᠠᠭᠤᠯᠠ ᠶ᠋ᠢᠨ ᠬᠣᠶᠠᠷ ᠭᠥᠷᠥᠭᠡᠰᠦ᠃
ᠠᠭᠤᠯᠵᠠᠭᠰᠠᠨ ᠤ᠋ ᠳᠠᠷᠠᠭᠠ ᠂ᠠᠭᠤᠰᠬᠢ ᠶ᠋ᠢᠨ ᠬᠣᠶᠠᠷ ᠰᠤᠳᠠᠰᠤ᠃
40. ᠭᠡᠭᠡ
ᠰᠤᠷᠭᠠᠨ ᠬᠥᠮᠦᠵᠢᠯ ᠳ᠋ᠦ᠍ ᠠᠷᠠᠳᠴᠢᠯᠠᠭᠰᠠᠨ ᠦᠵᠡᠯ᠂ ᠡᠷᠬᠡ ᠲᠡᠭᠰᠢ ᠶ᠋ᠢᠨ ᠦᠵᠡᠯ ᠢ᠋ ᠢᠯᠡᠭᠦᠬᠡᠨ ᠨᠡᠪᠴᠢᠭᠦᠯᠪᠡᠯ ᠶᠠᠮᠠᠷ ᠰᠠᠢᠬᠠᠨ ᠪᠣᠯ᠁᠁
41. ᠨᠣᠷᠤᠮᠠ
ᠮᠠᠭᠤ ᠰᠠᠨᠠᠭᠠᠲᠤ ᠴᠢᠬᠢ ᠳᠦᠯᠢ
ᠰᠠᠢᠨ ᠰᠠᠨᠠᠭᠠᠲᠤ ᠨᠢᠳᠦ ᠬᠤᠷᠴᠠ᠃
42. ᠦᠵᠢᠶᠡᠳ ᠡᠷᠳᠡᠨᠢᠴᠡᠴᠡᠭ
ᠥᠨᠥᠴᠢᠨ ᠴᠠᠭᠠᠨ ᠪᠣᠲᠣᠭᠣ ᠥᠯᠥᠰᠬᠦ ᠶ᠋ᠢᠨ ᠡᠷᠬᠡ ᠪᠡᠷ ᠪᠣᠢᠯᠠᠨᠠ
ᠦᠯᠦ ᠬᠠᠯᠵᠠᠨ ᠡᠵᠢ ᠪᠡᠨ ᠰᠠᠨᠠᠬᠤ ᠶ᠋ᠢᠨ ᠤᠴᠢᠷ ᠪᠣᠢᠯᠠᠨᠠ᠃
ᠬᠤᠯᠤᠰᠤᠨ ᠤ᠋ ᠮᠥᠴᠢᠷ ᠢ᠋ ᠬᠡᠮᠡᠯᠢᠨ ᠬᠡᠮᠡᠯᠢᠨ ᠪᠣᠢᠯᠠᠨᠠ
ᠬᠤᠷᠤᠭᠤ ᠴᠢᠨᠡᠭᠡ ᠮᠥᠮᠥ ᠪᠡᠨ ᠦᠭᠡᠢᠯᠡᠬᠦ ᠶ᠋ᠢᠨ ᠡᠷᠬᠡ ᠪᠡᠷ ᠪᠤᠢᠯᠠᠨᠠ᠃
ᠳᠡᠷᠡᠰᠦᠨ ᠦ᠌ ᠨᠠᠮᠠᠭᠠ ᠶ᠋ᠢ ᠬᠡᠮᠡᠯᠢᠨ ᠬᠡᠮᠡᠯᠢᠨ ᠪᠣᠢᠯᠠᠨᠠ
ᠳᠡᠯᠡᠩᠲᠦ ᠡᠵᠢ ᠪᠡᠨ ᠰᠠᠨᠠᠬᠤ ᠶ᠋ᠢᠨ ᠶᠡᠬᠡ ᠳ᠋ᠦ᠍ ᠪᠣᠢᠯᠠᠨᠠ᠃
ᠠᠪᠤ ᠲᠠᠢ ᠪᠠᠨ ᠪᠣᠲᠣᠭᠣ ᠨᠢ ᠠᠪᠤ ᠪᠠᠨ ᠳᠠᠭᠠᠭᠠᠳ ᠲᠣᠭᠯᠠᠨᠠ
ᠠᠪᠤ ᠦᠭᠡᠢ ᠪᠣᠲᠣᠭᠣ ᠨᠢ ᠠᠷᠤ ᠪᠠᠷ ᠲᠡᠨᠦᠭᠡᠳ ᠪᠤᠢᠯᠠᠨᠠ᠃
ᠡᠵᠢ ᠲᠡᠢ ᠪᠡᠨ ᠪᠣᠲᠣᠭᠣ ᠨᠢ ᠡᠵᠢ ᠪᠡᠨ ᠳᠠᠭᠠᠭᠠᠳ ᠪᠤᠢᠯᠠᠨᠠ
ᠡᠵᠢ ᠦᠭᠡᠢ ᠪᠣᠲᠣᠭᠣ ᠨᠢ ᠡᠷᠭᠢ ᠪᠡᠷ ᠲᠡᠨᠦᠭᠡᠳ ᠪᠤᠢᠯᠠᠨᠠ᠃
ᠡᠪᠦᠳᠦᠭ ᠦ᠋ᠨ ᠮᠢᠨᠢ ᠵᠣᠭᠳᠣᠷ ᠤᠷᠭᠤᠭᠰᠠᠨ ᠴᠤ᠌ ᠪᠣᠯᠤᠭᠠᠰᠠᠢ
ᠥᠪᠥᠢ ᠬᠠᠩᠭᠠᠢ ᠶ᠋ᠢ ᠳᠠᠪᠠᠭᠠᠳ ᠡᠵᠢ ᠳ᠋ᠡᠭᠡᠨ ᠳᠡᠪᠡᠷᠡᠭᠡᠳ ᠣᠴᠢᠬᠤ ᠶᠤᠮᠰᠠᠨ᠃
ᠰᠢᠯᠢ ᠶ᠋ᠢᠨ ᠮᠢᠨᠢ ᠵᠣᠭᠳᠣᠷ ᠤᠷᠭᠤᠭᠰᠠᠨ ᠴᠤ᠌ ᠪᠣᠯᠤᠭᠠᠰᠠᠢ ᠳᠠ
ᠰᠢᠯᠢ ᠶ᠋ᠢᠨ ᠬᠠᠩᠭᠠᠢ ᠶ᠋ᠢ ᠳᠠᠪᠠᠭᠠᠳ ᠡᠵᠢ ᠳ᠋ᠡᠭᠡᠨ ᠭᠦᠶᠦᠭᠡᠳ ᠬᠦᠷᠬᠦ ᠶᠤᠮᠰᠠᠨ᠃
ᠵᠣ ᠪᠠᠷ ᠳᠦᠭᠦᠷᠡᠩ ᠵᠠᠭᠤᠨ ᠣᠯᠠᠨ ᠲᠡᠮᠡᠭᠡᠨ ᠡᠴᠡ
ᠵᠠᠭᠤᠬᠠᠨ ᠯᠠᠩ ᠤ᠋ᠨ ᠦᠨᠡᠲᠡᠢ ᠮᠢᠨᠦ ᠡᠵᠢ ᠬᠠᠮᠢᠭᠠ ᠡᠴᠢᠪᠡ᠃
ᠲᠠᠰᠢᠭᠤ ᠪᠠᠷ ᠳᠦᠭᠦᠷᠡᠩ ᠲᠠᠪᠢᠨ ᠤᠯᠠᠭᠠᠨ ᠲᠡᠮᠡᠭᠡᠨ ᠡᠴᠡ
ᠲᠠᠪᠢᠬᠠᠨ ᠯᠠᠩ ᠤ᠋ᠨ ᠦᠨᠡᠲᠡᠢ ᠮᠢᠨᠦ ᠡᠵᠢ ᠬᠠᠮᠢᠭᠠ ᠡᠴᠢᠪᠡ᠃
ᠮᠣᠩᠭᠣᠯ ᠠᠷᠠᠳ ᠤ᠋ᠨ ᠠᠮᠠᠨ ᠵᠣᠬᠢᠶᠠᠯ ᠤ᠋ᠨ ᠳᠡᠭᠡᠵᠢ ᠪᠢᠴᠢᠭ ᠡᠴᠡ ᠬᠠᠭᠤᠯᠵᠤ ᠪᠠᠷᠠᠪᠠ᠃
43. ᠭᠠᠯᠵᠤᠳ ᠣᠶᠤᠨ
ᠵᠦᠢᠷ ᠰᠡᠴᠡᠨ ᠦᠭᠡ
ᠭᠠᠷᠤᠳᠢ ᠶ᠋ᠢᠨ ᠰᠢᠭᠦᠷᠡᠯᠲᠡ᠂ᠱᠠᠭᠠᠵᠠᠭᠠᠢ ᠳ᠋ᠤ᠌ ᠲᠠᠭᠠᠷᠠᠬᠤ ᠦᠭᠡᠢ᠃
ᠠᠷᠢᠬᠢ ᠠᠷᠪᠠᠨ ᠬᠠᠵᠠᠭᠠᠢ᠂ᠲᠠᠮᠠᠬᠢ ᠲᠠᠪᠤᠨ ᠬᠠᠵᠠᠭᠠᠢ᠃
ᠠᠬᠠ ᠶ᠋ᠢᠨ ᠬᠡᠰᠢᠭ᠂ ᠳᠡᠭᠦᠦ ᠳ᠋ᠦ᠍ ᠣᠯᠳᠠᠬᠤ ᠦᠭᠡᠢ᠃
ᠳᠡᠭᠦᠦ ᠶ᠋ᠢᠨ ᠬᠡᠰᠢᠭ᠂ᠠᠬᠠ ᠳ᠋ᠤ᠌ ᠣᠯᠳᠠᠬᠤ ᠦᠭᠡᠢ᠃
ᠠᠴᠠ ᠮᠣᠳᠣ ᠪᠦᠷᠢ᠂ᠡᠮᠡᠭᠡᠯ ᠪᠣᠯᠳᠠᠭ ᠦᠭᠡᠢ᠃
ᠠᠷᠠᠳ ᠬᠥᠮᠦᠨ ᠪᠦᠷᠢ᠂ᠨᠣᠶᠠᠨ ᠪᠣᠯᠳᠠᠭ ᠦᠭᠡᠢ᠃
44. ᠴᠡᠴᠡᠭ
ᠠᠮᠢᠨ ᠬᠡᠯᠡᠨ ᠦ᠌ ᠡᠳᠦᠷ ᠲᠣᠬᠢᠶᠠᠵᠤ ᠪᠠᠢᠨᠠ᠃ ᠡᠬᠡ ᠬᠡᠯᠡ ᠮᠢᠨᠢ ᠮᠠᠨᠳᠤᠲᠤᠭᠠᠢ!
ᠰᠦᠨ ᠰᠠᠴᠤᠯᠢ ᠠ ᠬᠣᠯᠪᠣᠭᠠᠨ ᠨᠠᠢᠵᠠ ᠨᠠᠷ ᠠ᠋ᠴᠠ᠃ ᠤᠤᠭᠠᠨᠵᠢᠳ ᠬᠢᠨᠠᠪᠠ