ᠵᠠᠭᠠᠨ ᠤ᠋ ᠠᠷᠠᠰᠤZaany arisЗааны арьс
196ᠵᠠᠭᠠᠨ ᠤ᠋ ᠠᠷᠠᠰᠤ
ᠲᠤᠰ ᠡᠮ ᠪᠣᠯ ᠵᠠᠭᠠᠨ ᠤ᠋ ᠢᠵᠠᠭᠤᠷ ᠤ᠋ᠨ ᠠᠮᠢᠲᠠᠨ ᠪᠣᠯᠬᠤ ᠠᠽᠢᠶᠠ ᠶ᠋ᠢᠨ ᠵᠠᠭᠠᠨ ᠤ᠋ ᠬᠠᠲᠠᠭᠠᠭᠰᠠᠨ ᠠᠷᠠᠰᠤ ᠮᠥᠨ᠃ ᠪᠠᠰᠠ ᠯᠠᠩᠭᠤ ᠭᠡᠳᠡᠭ᠃
[ ᠤᠤᠯ ᠠᠮᠢᠲᠠᠨ] ᠪᠡᠶᠡ ᠨᠢ ᠲᠣᠮᠣ᠂2.5m ᠥᠨᠳᠥᠷ᠂ ᠬᠦᠨᠳᠦ ᠨᠢ3.5~6 ᠲᠤᠨ᠃ ᠲᠣᠯᠣᠭᠠᠢ ᠨᠢ ᠲᠣᠮᠣ ᠤᠷᠲᠤ᠂ ᠮᠠᠩᠨᠠᠢ ᠨᠢ ᠬᠣᠲᠣᠭᠣᠷ᠂ ᠬᠦᠵᠦᠭᠦᠦ ᠨᠢ ᠪᠣᠭᠣᠨᠢ᠃ ᠬᠠᠮᠠᠷ ᠨᠢ ᠤᠷᠲᠤ᠂ ᠤᠨᠵᠢᠢᠵᠤ ᠭᠠᠵᠠᠷ ᠲᠤ᠌ ᠲᠤᠯᠬᠤ ᠪᠠ ᠠᠲᠤᠷᠢᠵᠤ ᠰᠤᠨᠳᠠᠭ᠂ ᠬᠣᠭᠣᠯᠠᠢ ᠬᠡᠯᠪᠡᠷᠢ ᠲᠡᠢ᠂ ᠳᠣᠣᠷᠠ ᠬᠡᠰᠡᠭ ᠨᠢ ᠨᠡᠯᠢᠶᠡᠳ ᠨᠠᠷᠢᠨ᠂ ᠬᠠᠮᠠᠷ ᠤ᠋ᠨ ᠨᠦᠬᠡ ᠨᠢ ᠦᠵᠦᠭᠦᠷ ᠲᠤᠨᠢ ᠪᠠᠢᠳᠠᠭ ᠪᠥᠭᠡᠳ ᠦᠵᠦᠭᠦᠷ ᠲᠤᠨᠢ ᠮᠢᠬᠠᠨ ᠲᠠᠪᠠᠭ ᠲᠠᠢ᠃ ᠡᠷᠡᠭᠴᠢᠨ ᠦ᠌ ᠰᠣᠶᠣᠭᠠ ᠨᠢ ᠳᠡᠭᠡᠭᠰᠢ ᠪᠡᠨ ᠵᠢᠭᠠᠬᠠᠨ ᠡᠷᠲᠡᠭᠡᠷ᠂1.5~1.8m ᠤᠷᠲᠤ᠃ ᠨᠢᠳᠦ ᠨᠢ ᠮᠠᠰᠢ ᠵᠢᠵᠢᠭ᠂ ᠴᠢᠬᠢ ᠨᠢ ᠳᠡᠯᠪᠡᠭᠡᠷ ᠲᠣᠮᠣ᠂ ᠠᠷᠤᠨᠰᠢ ᠪᠠᠨ ᠬᠦᠵᠦᠭᠦᠦ ᠶ᠋ᠢᠨ ᠬᠣᠶᠠᠷ ᠬᠠᠵᠠᠭᠤ ᠪᠠᠨ ᠪᠦᠲᠡᠭᠡᠵᠦ ᠪᠠᠢᠳᠠᠭ᠃ ᠳᠥᠷᠪᠡᠨ ᠮᠥᠴᠢ ᠨᠢ ᠪᠠᠭᠠᠨᠠ ᠮᠡᠲᠦ ᠪᠦᠳᠦᠭᠦᠨ ᠴᠢᠬᠡ᠂ ᠡᠮᠦᠨᠡ ᠬᠥᠯ ᠨᠢ5᠂ ᠬᠣᠢᠲᠤ ᠬᠥᠯ ᠨᠢ4 ᠬᠤᠷᠤᠭᠤ ᠲᠠᠢ᠃ ᠰᠡᠭᠦᠯ ᠨᠢ ᠣᠬᠣᠷ ᠮᠥᠷᠲᠡᠭᠡᠨ ᠨᠠᠷᠢᠨ᠂ ᠦᠵᠦᠭᠦᠷ ᠲᠤᠨᠢ ᠴᠠᠭᠠᠷᠢᠭᠯᠠᠭᠰᠠᠨ ᠬᠢᠯᠭᠠᠰᠤ ᠲᠠᠢ᠃ ᠠᠷᠠᠰᠤ ᠨᠢ ᠵᠤᠵᠠᠭᠠᠨ ᠮᠥᠷᠲᠡᠭᠡᠨ ᠦᠷᠴᠢᠯᠡᠭᠡ ᠲᠡᠢ᠂ ᠪᠦᠬᠦ ᠪᠡᠶᠡ ᠳ᠋ᠦ᠍ᠨᠢ ᠰᠡᠢᠷᠡᠭ ᠪᠦᠳᠦᠭᠦᠨ ᠦᠰᠦ ᠲᠡᠢ᠂ ᠰᠠᠷᠠᠯ ᠪᠤᠶᠤ ᠤᠯᠠᠪᠤᠷ ᠰᠠᠷᠠᠯ ᠥᠩᠭᠡ ᠲᠡᠢ᠃ ᠵᠡᠷᠯᠢᠭ ᠵᠠᠭᠠᠨ ᠤ᠋ ᠥᠩᠭᠡ ᠨᠢ ᠨᠡᠯᠢᠶᠡᠳ ᠭᠦᠢᠬᠡᠨ᠃
[ ᠠᠮᠢᠳᠤᠷᠠᠬᠤ ᠣᠷᠴᠢᠨ ᠬᠢᠭᠡᠳ ᠲᠠᠷᠬᠠᠴᠠ] ᠣᠯᠠᠩᠬᠢ ᠳ᠋ᠠᠭᠠᠨ ᠨᠡᠯᠢᠶᠡᠳ ᠴᠢᠭᠢᠭᠯᠢᠭ ᠬᠠᠯᠠᠭᠤᠨ ᠪᠦᠰᠡ ᠶ᠋ᠢᠨ ᠣᠢ ᠳ᠋ᠤ᠌ᠨᠤᠲᠤᠭᠯᠠᠨᠠ᠃ ᠰᠦᠷᠦᠭᠯᠡᠨ ᠶᠠᠪᠤᠳᠠᠭ ᠪᠥᠭᠡᠳ ᠲᠣᠭᠲᠠᠭᠰᠠᠨ ᠰᠠᠭᠤᠷᠢᠰᠢᠯ ᠦᠭᠡᠢ᠃ ᠭᠣᠣᠯᠳᠠᠭᠤ ᠤᠷᠭᠤᠮᠠᠯ ᠤ᠋ᠨ ᠡᠰᠢ ᠨᠠᠪᠴᠢ᠂ ᠬᠤᠯᠤᠰᠤᠨ ᠰᠣᠶᠣᠭᠠ ᠪᠠ ᠮᠣᠳᠣᠨ ᠤ᠋ ᠦᠷᠡ ᠵᠢᠮᠢᠰ ᠢ᠋ᠶ᠋ᠡᠷ ᠢᠳᠡᠰᠢᠯᠡᠳᠡᠭ᠃ ᠮᠠᠨ ᠤ᠋ ᠤᠯᠤᠰ ᠤ᠋ᠨ ᠶᠦᠨᠨᠠᠨ ᠳ᠋ᠤ᠌ ᠲᠠᠷᠬᠠᠴᠠ ᠲᠠᠢ᠃ ᠭᠠᠳᠠᠭᠠᠳᠤ ᠳ᠋ᠤ᠌ ᠡᠨᠡᠳᠬᠡᠭ᠂ ᠸᠢᠶᠧᠲᠨᠠᠮ᠂ ᠢᠨᠳᠦᠨᠧᠰᠢᠶᠠ᠂ ᠰᠡᠡᠷᠢᠯᠠᠨᠺᠡ᠂ ᠲᠠᠶ᠋ᠢᠯᠠᠨᠳ᠋᠂ ᠪᠢᠷᠮᠠ᠂ ᠮᠠᠯᠠᠢᠰᠢᠶᠠ ᠵᠡᠷᠭᠡ ᠤᠯᠤᠰ ᠲᠤ᠌ ᠲᠠᠷᠬᠠᠴᠠ ᠲᠠᠢ᠃
[ ᠡᠳ᠋ᠰᠢᠭᠦᠯᠦᠨ ᠪᠣᠯᠪᠠᠰᠤᠷᠠᠭᠤᠯᠬᠤ] ᠠᠷᠠᠰᠤ ᠶ᠋ᠢ ᠨᠢ ᠥᠪᠴᠢᠵᠦ ᠠᠪᠤᠭᠰᠠᠨ ᠤ᠋ ᠰᠡᠭᠦᠯᠡᠷ ᠰᠢᠷᠪᠥᠰᠥ ᠢᠯᠲᠠᠰᠤ ᠪᠠ ᠲᠣᠰᠣ ᠶ᠋ᠢ ᠨᠢ ᠬᠤᠰᠤᠨ ᠬᠠᠶᠠᠵᠤ᠂ ᠤᠬᠢᠶᠠᠨ ᠴᠡᠪᠡᠷᠯᠡᠭᠡᠳ ᠵᠦᠰᠦᠮᠯᠡᠨ ᠬᠡᠷᠴᠢᠭᠡᠳ ᠨᠠᠷᠠᠨ ᠳ᠋ᠤ᠌ ᠬᠠᠲᠠᠭᠠᠨᠠ᠃
[ ᠠᠮᠲᠠ᠂ ᠴᠢᠨᠠᠷ᠂ ᠡᠷᠳᠡᠮ] ᠠᠮᠲᠠᠯᠢᠭ᠂ ᠳᠠᠪᠤᠰᠤᠯᠢᠭ ᠠᠮᠲᠠ ᠲᠠᠢ᠂ ᠬᠦᠢᠲᠡᠨ ᠴᠢᠨᠠᠷ ᠲᠠᠢ᠃
[ ᠴᠢᠳᠠᠯ ᠪᠠ ᠭᠣᠣᠯᠳᠠᠭᠤ ᠵᠠᠰᠠᠬᠤ] ᠶᠠᠷᠠ ᠰᠢᠷᠬᠠ ᠶ᠋ᠢ ᠠᠨᠠᠭᠠᠬᠤ᠂ ᠰᠢᠨᠡ ᠮᠢᠬᠠ ᠲᠥᠷᠥᠭᠦᠯᠬᠦ᠂ ᠭᠦᠪᠳᠦᠷᠦᠦ ᠶ᠋ᠢ ᠬᠠᠲᠠᠭᠠᠬᠤ ᠴᠢᠳᠠᠯ ᠲᠠᠢ᠃ ᠭᠣᠣᠯᠳᠠᠭᠤ ᠪᠣᠳᠣ ᠬᠢᠵᠢᠭ᠂ ᠭᠦᠪᠳᠦᠷᠦᠦ᠂ ᠰᠢᠷᠬᠠᠯᠠᠭᠠ ᠵᠡᠷᠭᠡ ᠶ᠋ᠢ
ᠵᠠᠰᠠᠬᠤ ᠳ᠋ᠤ᠌ ᠬᠡᠷᠡᠭᠯᠡᠨᠡ᠃
ᠬᠢᠲᠠᠳ ᠨᠡᠷᠡ᠄象皮(亚洲象)
ᠠᠩᠭ᠌ᠯᠢ ᠨᠡᠷᠡ᠄Elephas maxinus Linnaeus
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠣᠶᠤᠨᠴᠢᠮᠡᠭ
ᠬᠢᠨᠠᠭᠴᠢ᠄ ᠴᠡᠪᠡᠷᠴᠡᠳᠡᠭ