ᠭᠤᠷᠪᠠᠨ ᠨᠠᠰᠤᠲᠠᠢ ᠭᠤᠨᠠᠭᠠᠨ ᠤᠯᠠᠭᠠᠨ ᠪᠠᠭᠠᠲᠤᠷ - ᠨᠣᠶᠠᠨ ᠴᠠᠭᠠᠨ ᠠᠷᠰᠯᠠᠨ Гураван настай гунаган улаан баатар - Ноён цагаан арслан
163ᠨᠣᠶᠠᠨ ᠴᠠᠭᠠᠨ ᠠᠷᠰᠯᠠᠨ
ᠠᠭᠤᠯᠠᠨ ᠤ᠋ ᠡᠵᠡᠨ ᠠᠷᠢᠶᠠᠲᠠᠨ ᠤ᠋ ᠬᠠᠭᠠᠨ ᠭᠡᠵᠦ ᠨᠣᠶᠠᠨ ᠴᠠᠭᠠᠨ ᠠᠷᠰᠯᠠᠨ ᠪᠠᠢᠵᠤ ᠭᠡᠨᠡ᠃ ᠨᠢᠭᠡᠨ ᠡᠳᠦᠷ ᠨᠣᠶᠠᠨ ᠴᠠᠭᠠᠨ ᠠᠷᠰᠯᠠᠨ ᠠᠭᠤᠯᠠᠨ ᠤ᠋ ᠣᠷᠣᠢ ᠳᠡᠭᠡᠷᠡ ᠭᠠᠷᠴᠤ ᠦᠵᠡᠭᠡᠳ᠂ ᠰᠡᠳᠬᠢᠯ ᠬᠥᠳᠡᠯᠵᠦ ᠥᠨᠳᠥᠷ ᠠᠭᠤᠯᠠ ᠶ᠋ᠢᠨ ᠭᠣᠣ ᠭᠠᠩᠭᠠ ᠶ᠋ᠢᠨ ᠳᠡᠭᠡᠭᠦᠷ ᠦᠰᠦᠷᠦᠨ ᠲᠣᠭᠯᠠᠵᠤ ᠶᠠᠪᠤᠬᠤ ᠶᠤᠮ ᠪᠣᠯ ᠤᠢᠳᠬᠠᠷ ᠰᠡᠷᠭᠦᠵᠦ ᠪᠣᠯᠤᠨᠠ ᠭᠡᠵᠦ ᠠᠷᠰᠯᠠᠨ ᠳᠣᠲᠣᠷᠠ ᠪᠠᠨ ᠪᠣᠳᠣᠵᠠᠢ᠃ ᠪᠢ ᠪᠣᠯ ᠠᠭᠤᠯᠠ ᠶ᠋ᠢᠨ ᠡᠵᠡᠨ ᠠᠷᠢᠶᠠᠲᠠᠨ ᠤ᠋ ᠬᠠᠭᠠᠨ ᠲᠤᠯᠠ᠂ ᠳᠤᠷᠠ ᠪᠠᠷ ᠢ᠋ᠶ᠋ᠠᠨ ᠶᠠᠪᠤᠬᠤ ᠶᠣᠰᠣᠲᠠᠢ ᠭᠡᠵᠦ ᠰᠡᠳᠬᠢᠯ ᠰᠢᠭᠤᠳᠤᠨ ᠴᠡᠴᠡᠭ ᠵᠢᠮᠢᠰᠲᠦ ᠠᠭᠤᠯᠠᠨ ᠤ᠋ ᠭᠠᠵᠠᠷ᠂ ᠭᠣᠣ ᠭᠠᠩᠭᠠ ᠶ᠋ᠢᠨ ᠳᠡᠭᠡᠭᠦᠷ ᠦᠰᠦᠷᠦᠨ ᠲᠣᠭᠯᠠᠭᠰᠠᠭᠠᠷ ᠬᠡᠳᠦᠨ ᠡᠳᠦᠷ ᠪᠣᠯᠤᠭᠰᠠᠨ ᠭᠡᠨᠡ᠃
ᠵᠠ! ᠲᠡᠷᠡ ᠦᠶᠡ ᠳ᠋ᠦ᠍᠂ ᠲᠡᠷᠡ ᠠᠭᠤᠯᠠᠨ ᠤ᠋ ᠨᠠᠷᠠᠨ ᠡᠩᠭᠡᠷ ᠭᠣᠣ ᠳ᠋ᠤ᠌ ᠤᠳᠠᠭᠠᠨ ᠡᠳᠦᠷ ᠠᠮᠢᠳᠤᠷᠠᠨ ᠰᠠᠭᠤᠭᠰᠠᠨ ᠠᠬᠠ ᠳᠡᠭᠦᠦ ᠳᠣᠯᠣᠭᠠᠨ ᠬᠤᠯᠤᠭᠠᠨᠠ ᠭᠡᠵᠦ ᠪᠠᠢᠵᠠᠢ᠃ ᠨᠢᠭᠡᠨ ᠡᠳᠦᠷ ᠠᠬᠠᠮᠠᠳ ᠬᠤᠯᠤᠭᠠᠨᠠ ᠨᠢ ᠪᠤᠰᠤᠳ ᠵᠢᠷᠭᠤᠭᠠᠨ ᠬᠤᠯᠤᠭᠠᠨᠠ ᠳ᠋ᠠᠭᠠᠨ᠄《ᠪᠢ ᠦᠵᠡᠪᠡᠯ ᠨᠣᠶᠠᠨ ᠴᠠᠭᠠᠨ ᠠᠷᠰᠯᠠᠨ᠂ ᠡᠳᠦᠷ ᠪᠣᠯᠭᠠᠨ ᠭᠣᠣ ᠭᠠᠩᠭᠠ ᠶ᠋ᠢᠨ ᠳᠡᠭᠡᠭᠦᠷ ᠦᠰᠦᠷᠦᠨ ᠲᠣᠭᠯᠠᠵᠤ ᠶᠠᠪᠤᠬᠤ ᠶᠤᠮ᠃ ᠭᠡᠨᠡᠳᠲᠡ ᠬᠥᠯ ᠠᠯᠳᠠᠭᠠᠳ ᠮᠠᠨ ᠤ᠋ ᠭᠣᠣ ᠳ᠋ᠤ᠌ ᠤᠨᠠᠪᠠᠯ ᠪᠢᠳᠡᠨ ᠳ᠋ᠦ᠍ ᠶᠡᠬᠡ ᠠᠶᠤᠯ ᠵᠣᠪᠠᠯᠠᠩ ᠤᠴᠠᠷᠠᠬᠤ ᠮᠠᠭᠠᠳ ᠦᠭᠡᠢ᠃ ᠪᠢᠳᠡ ᠪᠦᠭᠦᠳᠡᠭᠡᠷ ᠢ᠋ᠶ᠋ᠡᠨ ᠡᠨᠡ ᠭᠣᠣ ᠠ᠋ᠴᠠ ᠭᠠᠷᠴᠤ ᠲᠡᠨᠢᠭᠡᠷ ᠰᠠᠢᠬᠠᠨ ᠭᠠᠵᠠᠷ ᠲᠤ᠌ ᠰᠢᠨᠡ ᠨᠦᠬᠡ ᠮᠠᠯᠲᠠᠵᠤ ᠠᠮᠢᠳᠤᠷᠠᠨ ᠰᠠᠭᠤᠪᠠᠯ ᠰᠠᠢᠨ ᠪᠠᠢᠨᠠ》 ᠭᠡᠵᠡᠢ᠃ ᠭᠡᠪᠡᠴᠦ ᠪᠤᠰᠤᠳ ᠵᠢᠷᠭᠤᠭᠠᠨ ᠬᠤᠯᠤᠭᠠᠨᠠ ᠶᠠᠪᠤᠬᠤ ᠳᠤᠷᠠ ᠦᠭᠡᠢ ᠪᠥᠭᠡᠳ ᠠᠬᠠᠮᠠᠳ ᠬᠤᠯᠤᠭᠠᠨᠠ ᠲᠠ ᠶᠠᠪᠤᠵᠤ ᠨᠦᠬᠡ ᠮᠠᠯᠲᠠᠵᠤ ᠰᠠᠭᠤᠬᠤ ᠳᠤᠷᠠᠲᠠᠢ ᠪᠣᠯ ᠶᠠᠪᠤ᠃ ᠪᠢᠳᠡ ᠵᠢᠷᠭᠤᠭᠠ ᠡᠨᠡ ᠦᠶᠡ ᠳ᠋ᠦ᠍ ᠶᠠᠪᠤᠬᠤ ᠦᠭᠡᠢ ᠬᠣᠵᠢᠮ ᠳ᠋ᠠᠭᠠᠨ ᠬᠦᠷᠦᠶᠡ ᠭᠡᠵᠦ ᠠᠯᠵᠠᠭᠤᠷᠠᠨ ᠦᠯᠡᠳᠡᠭᠰᠡᠨ ᠭᠡᠨᠡ᠃
ᠵᠠ! ᠲᠡᠷᠡ ᠦᠶᠡ ᠳ᠋ᠦ᠍ ᠠᠬᠠᠮᠠᠳ ᠬᠤᠯᠤᠭᠠᠨᠠ ᠶᠠᠪᠤᠵᠤ ᠲᠠᠯᠠ ᠶ᠋ᠢᠨ ᠰᠠᠢᠬᠠᠨ ᠭᠠᠵᠠᠷ᠂ ᠠᠭᠤᠳᠠᠮ ᠰᠠᠢᠬᠠᠨ ᠳᠡᠨᠵᠢᠨ ᠳᠡᠭᠡᠷᠡ᠂ ᠤᠰᠤ ᠣᠷᠣᠬᠤ ᠠ᠋ᠴᠠ ᠰᠡᠷᠭᠡᠢᠯᠡᠵᠦ᠂ ᠰᠢᠨᠡ ᠰᠠᠢᠬᠠᠨ ᠨᠦᠬᠡ ᠮᠠᠯᠲᠠᠵᠤ ᠠᠮᠢᠳᠤᠷᠠᠨ ᠰᠠᠭᠤᠬᠤ ᠪᠠᠨ ᠪᠡᠯᠡᠳᠬᠡᠵᠦ᠂ ᠬᠡᠳᠦᠨ ᠡᠳᠦᠷ ᠠᠵᠢᠯᠯᠠᠵᠤ ᠰᠢᠨᠡ ᠨᠦᠬᠡ ᠪᠡᠨ ᠲᠡᠭᠦᠰᠬᠡᠪᠡ᠃
ᠠᠬᠠᠮᠠᠳ ᠬᠤᠯᠤᠭᠠᠨᠠ ᠠᠵᠢᠯ ᠢ᠋ᠶ᠋ᠠᠨ ᠪᠠᠷᠠᠵᠤ᠂ ᠠᠮᠠᠷᠠᠨ ᠰᠠᠭᠤᠵᠤ᠂ ᠠᠬᠠ ᠳᠡᠭᠦᠦ ᠵᠢᠷᠭᠤᠭᠠᠨ ᠬᠤᠯᠤᠭᠠᠨᠠ ᠪᠠᠨ ᠬᠦᠯᠢᠶᠡᠵᠦ ᠰᠠᠭᠤᠵᠠᠢ᠃
ᠲᠡᠭᠡᠭᠡᠳ ᠨᠢᠭᠡᠨ ᠡᠳᠦᠷ ᠨᠣᠶᠠᠨ ᠴᠠᠭᠠᠨ ᠠᠷᠰᠯᠠᠨ ᠤ᠋ ᠭᠣᠣ ᠭᠠᠩ ᠤ᠋ᠨ ᠳᠡᠭᠡᠭᠦᠷ ᠦᠰᠦᠷᠦᠨ ᠲᠣᠭᠯᠠᠵᠤ ᠠᠭᠠᠰᠢᠯᠠᠬᠤ ᠶ᠋ᠢ ᠦᠵᠡᠭᠡᠳ᠂ ᠦᠯᠡᠳᠡᠭᠰᠡᠨ ᠵᠢᠷᠭᠤᠭᠠᠨ ᠬᠤᠯᠤᠭᠠᠨᠠ ᠪᠠᠬᠠᠷᠴᠤ᠂ ᠨᠦᠬᠡᠨ ᠦ᠌ ᠭᠠᠳᠠᠨᠠ ᠭᠠᠷᠴᠤ ᠪᠠᠢᠲᠠᠯᠠ᠂ ᠨᠣᠶᠠᠨ ᠴᠠᠭᠠᠨ ᠠᠷᠰᠯᠠᠨ ᠭᠡᠨᠡᠳᠲᠡ ᠬᠥᠯ ᠠᠯᠳᠠᠵᠤ ᠭᠣᠣ ᠳ᠋ᠤ᠌ ᠤᠨᠠᠪᠠ᠃ ᠪᠠᠬᠠᠷᠴᠤ ᠪᠠᠢᠭᠰᠠᠨ ᠵᠢᠷᠭᠤᠭᠠᠨ ᠬᠤᠯᠤᠭᠠᠨᠠ ᠵᠠᠢᠯᠠᠵᠤ ᠵᠠᠪᠳᠤᠭᠰᠠᠨ ᠦᠭᠡᠢ᠂ ᠠᠷᠰᠯᠠᠨ᠂ ᠬᠤᠯᠤᠭᠠᠨᠠ ᠬᠠᠮᠲᠤ ᠭᠣᠣ ᠶ᠋ᠢᠨ ᠳᠣᠲᠣᠷᠠ ᠦᠬᠦᠵᠡᠢ᠃
ᠨᠢᠭᠡᠨ ᠡᠳᠦᠷ ᠪᠣᠯᠤᠭᠰᠠᠨ ᠤ᠋ ᠬᠣᠢᠨᠠ᠂ ᠠᠭᠤᠯᠠ ᠶ᠋ᠢᠨ ᠭᠣᠣ ᠪᠠᠷ ᠭᠡᠷ ᠢ᠋ᠶ᠋ᠡᠨ ᠬᠢᠭᠰᠡᠨ᠂ ᠤᠷᠭᠤᠮᠠᠯ ᠮᠣᠳᠣ ᠪᠠᠷ ᠬᠠᠨᠢ ᠪᠠᠨ ᠬᠢᠭᠰᠡᠨ᠂ ᠤᠰᠤ ᠡᠪᠡᠰᠦ ᠪᠡᠷ ᠬᠣᠭᠣᠯᠠ ᠪᠠᠨ ᠬᠢᠭᠰᠡᠨ᠂ ᠣᠯᠳᠠᠵᠤ ᠶᠠᠳᠠᠭᠰᠠᠨ ᠵᠢᠷᠭᠤᠭᠠᠨ ᠳᠡᠭᠡᠷᠡᠮᠴᠢᠨ ᠠᠷᠭᠠ ᠶᠠᠳᠠᠵᠤ᠂ ᠲᠡᠨᠦᠵᠦ ᠶᠠᠪᠤᠭᠰᠠᠭᠠᠷ᠂ ᠠᠷᠰᠯᠠᠨ᠂ ᠬᠤᠯᠤᠭᠠᠨᠠ ᠦᠬᠦᠭᠰᠡᠨ ᠭᠣᠣ ᠳ᠋ᠤ᠌ ᠭᠡᠨᠡᠳᠲᠡ ᠬᠦᠷᠴᠦ ᠢᠷᠡᠪᠡ᠃ ᠲᠡᠳᠡ ᠠᠷᠰᠯᠠᠨ ᠤ᠋ ᠦᠬᠦᠳᠡᠯ ᠢ᠋ ᠦᠵᠡᠭᠡᠳ ᠪᠠᠶᠠᠷᠲᠠᠢ ᠪᠠᠭᠤᠵᠤ ᠠᠮᠠ ᠨᠡᠭᠡᠭᠡᠵᠦ ᠬᠣᠭᠣᠷᠣᠨᠳᠣ ᠪᠠᠨ ᠬᠡᠯᠡᠯᠴᠡᠪᠡ᠃《ᠠᠢᠯ ᠠᠷᠠᠳ ᠤ᠋ᠨ ᠠᠳᠤᠭᠤ ᠮᠠᠯ ᠠᠯᠲᠠ ᠮᠥᠩᠭᠥ ᠶ᠋ᠢ ᠠᠪᠬᠤ ᠴᠢᠳᠠᠯ ᠦᠭᠡᠢ ᠪᠣᠯᠤᠭᠰᠠᠨ ᠪᠣᠯᠪᠠᠴᠤ᠂ ᠠᠭᠠᠷ ᠲᠩᠷᠢ ᠡᠴᠡ ᠥᠷᠥᠰᠢᠶᠡᠭᠰᠡᠨ᠂ ᠠᠬᠠ ᠳᠡᠭᠦᠦ ᠵᠢᠷᠭᠤᠭᠤᠯᠠ ᠶ᠋ᠢᠨ ᠪᠤᠶᠠᠨ᠂ ᠠᠷᠰᠯᠠᠨ ᠤ᠋ ᠮᠢᠬᠠ ᠶ᠋ᠢ ᠠᠷᠪᠢᠨ ᠡᠳᠦᠷ ᠢᠳᠡᠵᠦ ᠪᠣᠯᠤᠨᠠ᠃ ᠣᠳᠣ ᠪᠢᠳᠡᠨ ᠦ᠌ ᠭᠤᠷᠪᠠ ᠨᠢ ᠠᠷᠰᠯᠠᠨ ᠤ᠋ ᠠᠷᠠᠰᠤ ᠶ᠋ᠢ ᠥᠪᠴᠢᠶᠡ᠃ ᠭᠤᠷᠪᠠ ᠨᠢ ᠤᠰᠤᠨ ᠳ᠋ᠤ᠌ ᠶᠠᠪᠤᠶᠠ》 ᠭᠡᠵᠦ ᠬᠡᠯᠡᠯᠴᠡᠨ ᠲᠣᠭᠲᠠᠭᠰᠠᠨ ᠭᠡᠨᠡ᠃
ᠭᠤᠷᠪᠠ ᠨᠢ ᠠᠷᠰᠯᠠᠨ ᠤ᠋ ᠠᠷᠠᠰᠤ ᠶ᠋ᠢ ᠥᠪᠴᠢᠬᠦ ᠪᠡᠷ ᠦᠯᠡᠳᠡᠭᠡᠳ᠄《ᠪᠢᠳᠡ ᠭᠤᠷᠪᠠ ᠠᠷᠰᠯᠠᠨ ᠤ᠋ ᠮᠢᠬᠠ ᠶ᠋ᠢ ᠢᠳᠡᠬᠦ ᠶᠦᠮ ᠪᠣᠯ ᠬᠡᠳᠦᠨ ᠰᠠᠷᠠ ᠢᠳᠡᠭᠡᠳ ᠪᠠᠷᠠᠬᠤ ᠦᠭᠡᠢ》 ᠭᠡᠵᠡᠢ᠃ ᠭᠤᠷᠪᠠᠭᠤᠯᠠ ᠶᠠᠷᠢᠯᠴᠠᠵᠤ ᠭᠤᠷᠪᠠᠨ ᠬᠡᠰᠡᠭ ᠮᠢᠬᠠᠨ ᠳ᠋ᠤ᠌ ᠬᠣᠣᠷᠠ ᠬᠢᠭᠡᠳ ᠲᠠᠯᠪᠢᠵᠠᠢ᠃
ᠤᠰᠤᠨ ᠳ᠋ᠤ᠌ ᠶᠠᠪᠤᠭᠰᠠᠨ ᠭᠤᠷᠪᠠ ᠨᠢ ᠵᠠᠮ ᠳ᠋ᠠᠭᠠᠨ ᠬᠡᠯᠡᠯᠴᠡᠵᠦ᠂《ᠠᠷᠰᠯᠠᠨ ᠤ᠋ ᠮᠢᠬᠠ ᠶ᠋ᠢ ᠪᠢᠳᠡ ᠬᠡᠳᠦᠭᠦᠯᠡ ᠪᠡᠨ ᠬᠡᠳᠦᠨ ᠰᠠᠷᠠ ᠢᠳᠡᠭᠡᠳ ᠪᠠᠷᠠᠬᠤ ᠦᠭᠡᠢ》 ᠭᠡᠪᠡ᠃ ᠨᠢᠭᠡ ᠨᠢ《ᠪᠢᠳᠡ ᠤᠰᠤᠨ ᠳ᠋ᠠᠭᠠᠨ ᠬᠣᠣᠷᠠ ᠬᠢᠬᠦ ᠶᠦᠮ ᠪᠣᠯ ᠲᠡᠳᠡᠨ ᠢ᠋ ᠠᠯᠠᠴᠢᠬᠠᠨᠠ᠃ ᠲᠡᠷᠡ ᠭᠤᠷᠪᠠ ᠶ᠋ᠢ ᠠᠯᠠᠴᠢᠬᠠᠵᠤ ᠪᠣᠯᠬᠤ ᠪᠠ ᠦᠭᠡᠢ ᠶ᠋ᠢ ᠲᠠ ᠬᠣᠶᠠᠷ ᠮᠡᠳᠡ》 ᠭᠡᠪᠡ᠃ ᠨᠥᠭᠦᠭᠡ ᠬᠣᠶᠠᠷ ᠨᠢ᠄《ᠶᠠᠭ ᠪᠣᠯᠤᠨᠠ》 ᠭᠡᠪᠡ᠃
ᠵᠠ! ᠲᠡᠷᠡ ᠦᠶᠡ ᠳ᠋ᠦ᠍ ᠬᠡᠯᠡᠯᠴᠡᠨ ᠲᠣᠭᠲᠠᠭᠠᠳ ᠨᠢᠭᠡ ᠰᠠᠪᠠ ᠤᠰᠤᠨ ᠳ᠋ᠠᠭᠠᠨ ᠬᠣᠣᠷᠠ ᠬᠢᠭᠡᠳ ᠪᠠᠬᠠᠨ ᠲᠡᠷᠢᠭᠦᠨ ᠳ᠋ᠦ᠍ᠨᠢ ᠠᠪᠴᠤ ᠬᠦᠷᠪᠡᠯ ᠪᠢᠳᠡᠨ ᠦ᠌ ᠬᠡᠷᠡᠭ ᠯᠠᠪ ᠪᠦᠲᠦᠨᠡ ᠭᠡᠵᠦ ᠲᠣᠭᠲᠠᠭᠰᠠᠨ ᠪᠠᠢᠨᠠ᠃ ᠦᠯᠢᠭᠡᠷ ᠦ᠋ᠨ ᠶᠠᠪᠤᠳᠠᠯ ᠤᠳᠠᠯ ᠦᠭᠡᠢ ᠲᠤᠯᠠ᠂ ᠤᠮᠳᠠᠭᠠᠰᠴᠤ ᠪᠠᠢᠭᠰᠠᠨ ᠭᠤᠷᠪᠠ ᠨᠢ ᠬᠣᠣᠷᠠᠲᠠᠢ ᠤᠰᠤ ᠶ᠋ᠢ ᠤᠤᠭᠤᠪᠠ᠃ ᠥᠯᠥᠰᠦᠭᠰᠡᠨ ᠭᠤᠷᠪᠠ ᠨᠢ ᠬᠣᠣᠷᠠᠲᠠᠢ ᠮᠢᠬᠠ ᠶ᠋ᠢ ᠢᠳᠡᠪᠡ᠃《ᠬᠣᠣᠷᠲᠤ ᠰᠡᠳᠬᠢᠯ ᠬᠣᠣᠷ ᠲᠠᠭᠠᠨ》 ᠭᠡᠳᠡᠭᠴᠢᠯᠡᠨ ᠵᠡᠷᠭᠡ ᠪᠡᠷ ᠢ᠋ᠶ᠋ᠡᠨ ᠴᠥᠮ ᠦᠬᠦᠭᠰᠡᠨ ᠪᠠᠢᠨᠠ᠃
ᠵᠠ! ᠲᠡᠷᠡ ᠦᠶᠡ ᠳ᠋ᠦ᠍ ᠴᠡᠴᠡᠭ ᠵᠢᠮᠢᠰᠲᠦ ᠠᠭᠤᠯᠠᠨ ᠳ᠋ᠤ᠌ ᠤᠳᠠᠭᠠᠨ ᠵᠢᠯ ᠲᠣᠭᠣᠷᠢᠨ ᠠᠮᠢᠳᠤᠷᠠᠭᠰᠠᠨ ᠤᠯᠠᠭᠠᠨ ᠦᠨᠡᠭᠡ᠂ ᠨᠢᠭᠡᠨ ᠥᠷᠯᠥᠭᠡ ᠨᠠᠷᠠᠨ ᠭᠠᠷᠤᠮᠠᠭᠴᠠ ᠲᠣᠭᠣᠷᠢᠨ ᠶᠠᠪᠤᠭᠰᠠᠭᠠᠷ ᠭᠡᠨᠡᠳᠲᠡ ᠨᠢᠭᠡᠨ ᠭᠣᠣ ᠶ᠋ᠢᠨ ᠬᠠᠵᠠᠭᠤ ᠳ᠋ᠤ᠌ ᠢᠷᠡᠭᠡᠳ᠂ ᠠᠷᠰᠯᠠᠨ ᠪᠣᠯᠣᠳ ᠵᠢᠷᠭᠤᠭᠠᠨ ᠬᠥᠮᠦᠨ ᠦ᠌ ᠦᠬᠦᠳᠡᠯ ᠢ᠋ ᠦᠵᠡᠭᠡᠳ᠂ ᠶᠡᠬᠡ ᠪᠠᠶᠠᠷᠯᠠᠪᠠ᠃ ᠦᠨᠡᠭᠡ ᠳᠣᠲᠣᠷᠠ ᠪᠠᠨ᠄《ᠪᠢ ᠨᠢᠭᠡᠨ ᠨᠠᠰᠤᠨ ᠳ᠋ᠠᠭᠠᠨ ᠡᠨᠡ ᠠᠭᠤᠯᠠᠨ ᠳ᠋ᠤ᠌ ᠲᠣᠭᠣᠷᠢᠨ ᠠᠮᠢᠳᠤᠷᠠᠭᠰᠠᠨ ᠪᠣᠯᠪᠠᠴᠤ᠂ ᠡᠨᠡ ᠮᠡᠲᠦ ᠡᠯᠪᠡᠭ ᠢᠳᠡᠰᠢ ᠲᠠᠭᠠᠷᠠᠭᠰᠠᠨ ᠦᠭᠡᠢ ᠪᠢᠯᠡ᠃ ᠣᠳᠣ ᠮᠢᠨᠦ ᠬᠤᠪᠢ ᠵᠠᠶᠠᠭᠠ ᠪᠣᠯᠵᠤ ᠵᠢᠷᠭᠠᠬᠤ ᠴᠠᠭ ᠢᠷᠡᠵᠡᠢ》 ᠭᠡᠵᠦ ᠪᠣᠳᠣᠪᠠᠴᠤ ᠬᠠᠷᠠᠮᠴᠢ ᠰᠡᠳᠬᠢᠯ ᠲᠥᠷᠥᠵᠦ᠂ ᠣᠳᠣ ᠪᠢ ᠵᠠᠯᠠᠭᠤ ᠨᠠᠰᠤᠨ ᠳ᠋ᠠᠭᠠᠨ ᠬᠠᠮᠤᠭ ᠬᠠᠲᠠᠭᠤ ᠶ᠋ᠢ ᠨᠢ ᠢᠳᠡᠶᠡ᠂ ᠬᠥᠭᠰᠢᠨ ᠪᠣᠯᠤᠭᠰᠠᠨ ᠦᠶᠡᠰ ᠲᠦ᠍ ᠵᠥᠭᠡᠯᠡᠨ ᠢ᠋ ᠨᠢ ᠢᠳᠡᠶᠡ ᠭᠡᠵᠦ ᠪᠣᠳᠣᠭᠠᠳ᠂ ᠬᠠᠮᠤᠭ ᠤ᠋ᠨ ᠬᠠᠲᠠᠭᠤ ᠶ᠋ᠢ ᠨᠢ ᠡᠷᠢᠨ ᠪᠠᠢᠲᠠᠯᠠ᠂ ᠳᠡᠭᠡᠷᠡᠮ ᠦ᠋ᠨ ᠬᠡᠷᠡᠭᠯᠡᠵᠦ ᠪᠠᠢᠭᠰᠠᠨ ᠬᠠᠷᠠ ᠨᠣᠮᠣᠨ ᠤ᠋ ᠬᠥᠪᠴᠢ ᠡᠴᠡ ᠥᠭᠡᠷᠡ ᠬᠠᠲᠠᠭᠤ ᠶᠠᠭᠤᠮᠠ ᠦᠭᠡᠢ ᠲᠤᠯᠠ᠂ ᠦᠨᠡᠭᠡ ᠨᠣᠮᠣᠨ ᠤ᠋ ᠬᠥᠪᠴᠢ ᠶ᠋ᠢ ᠬᠡᠮᠡᠯᠢᠵᠦ ᠬᠡᠪᠲᠡᠵᠦ ᠪᠠᠢᠲᠠᠯᠠ᠂ ᠭᠡᠨᠡᠳᠲᠡ ᠨᠣᠮᠣᠨ ᠤ᠋ ᠬᠥᠪᠴᠢᠨ ᠦ᠌ ᠰᠢᠷᠪᠥᠰᠥ ᠲᠠᠰᠤᠷᠠᠵᠤ᠂ ᠦᠨᠡᠭᠡᠨ ᠦ᠌ ᠠᠮᠠ ᠨᠢ ᠳᠡᠯᠪᠡᠷᠡᠵᠦ ᠮᠡᠳᠡᠷᠡᠯ ᠠᠯᠳᠠᠵᠤ᠂ ᠤᠳᠠᠭᠰᠠᠨ ᠦᠭᠡᠢ ᠲᠡᠷᠡ ᠦᠨᠡᠭᠡ ᠦᠬᠦᠵᠡᠢ᠃
ᠵᠠ! ᠲᠡᠷᠡ ᠦᠶᠡ ᠳ᠋ᠦ᠍ ᠠᠬᠠᠮᠠᠳ ᠬᠤᠯᠤᠭᠠᠨᠠ ᠰᠢᠨᠡ ᠰᠠᠢᠬᠠᠨ ᠨᠦᠬᠡ ᠪᠡᠨ ᠮᠠᠯᠲᠠᠨ ᠪᠠᠷᠠᠭᠠᠳ᠂ ᠬᠡᠳᠦᠨ ᠡᠳᠦᠷ᠂ ᠨᠥᠬᠥᠷ ᠵᠢᠷᠭᠤᠭᠠᠨ ᠬᠤᠯᠤᠭᠠᠨᠠ ᠪᠠᠨ ᠬᠦᠯᠢᠶᠡᠵᠦ ᠢᠷᠡᠬᠦ ᠪᠠᠢᠳᠠᠯ ᠣᠭᠲᠣ ᠦᠭᠡᠢ ᠪᠣᠯᠬᠣᠷ᠂ ᠠᠬᠠᠮᠠᠳ ᠬᠤᠯᠤᠭᠠᠨᠠ ᠰᠡᠳᠬᠢᠯ ᠵᠣᠪᠠᠵᠤ᠂ ᠨᠢᠭᠡᠨ ᠡᠳᠦᠷ ᠡᠷᠭᠢᠨ ᠦᠵᠡᠬᠦ ᠪᠡᠷ ᠶᠠᠪᠤᠵᠤ ᠵᠠᠮ ᠬᠥᠭᠡᠭᠡᠭᠰᠡᠭᠡᠷ ᠴᠡᠴᠡᠭ ᠵᠢᠮᠢᠰᠲᠦ ᠠᠭᠤᠯᠠ ᠶ᠋ᠢᠨ ᠭᠣᠣ ᠳ᠋ᠤ᠌ ᠬᠦᠷᠦᠭᠡᠳ ᠠᠷᠰᠯᠠᠨ ᠪᠤᠶᠤ ᠬᠥᠮᠦᠨ ᠦ᠌ ᠦᠬᠦᠳᠡᠯ ᠢ᠋ ᠤᠯᠠᠮ ᠯᠠᠪᠯᠠᠨ ᠦᠵᠡᠭᠡᠳ ᠠᠭᠤᠯᠠ ᠶ᠋ᠢᠨ ᠭᠣᠣ ᠨᠤᠷᠠᠵᠤ ᠠᠩᠬᠠᠨ ᠤ᠋ ᠨᠦᠬᠡ ᠡᠪᠳᠡᠷᠡᠵᠦ᠂ ᠠᠬᠠ ᠳᠡᠭᠦᠦ ᠵᠢᠷᠭᠤᠭᠠᠨ ᠬᠤᠯᠤᠭᠠᠨᠠ ᠬᠠᠮᠲᠤ ᠦᠬᠦᠭᠰᠡᠨ ᠢ᠋ ᠮᠡᠳᠡᠭᠡᠳ᠂ ᠠᠷᠰᠯᠠᠨ ᠳ᠋ᠤ᠌ ᠬᠣᠷᠣᠰᠴᠤ᠂ ᠠᠬᠠ ᠳᠡᠭᠦᠦ ᠵᠢᠷᠭᠤᠭᠠᠨ ᠬᠤᠯᠤᠭᠠᠨᠠ ᠶ᠋ᠢᠨ ᠬᠣᠢᠨᠠ ᠠ᠋ᠴᠠ ᠨᠢᠭᠡᠨ ᠴᠠᠭ ᠤ᠋ᠨ ᠭᠠᠰᠢᠭᠤᠳᠠᠯ ᠢ᠋ ᠬᠢᠵᠡᠢ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠨᠠᠷᠠᠨᠲᠤᠶᠠᠭᠠ᠂ ᠠᠯᠲᠠᠨᠴᠢᠮᠡᠭ᠂ ᠤᠷᠠᠨᠴᠢᠮᠡᠭ᠂ ᠡᠭᠦᠯᠡᠩᠬᠤᠸᠠᠷ᠂
ᠭᠡᠷᠡᠯ᠂ ᠮᠥᠩᠭᠥᠨ᠂ ᠪᠠᠢ·ᠰᠠᠷᠠᠨᠠ᠂ ᠬᠡᠷᠡᠢᠳ·ᠮᠥᠩᠬᠡᠨᠠᠰᠤᠨ᠂
ᠪᠠᠶᠠᠨᠴᠡᠴᠡᠭ᠂ ᠪᠦᠦ ᠸᠧᠨ ᠬᠤᠸᠠ
ᠬᠢᠨᠠᠭᠴᠢ ᠪᠠᠭᠰᠢ᠄ ᠣᠳᠬᠠᠨᠰᠣᠠ᠂ ᠭᠠᠷᠮᠠ᠂ ᠡᠭᠦᠯᠡᠩᠬᠤᠸᠠᠷ᠂ ᠮᠣᠩᠭᠣᠯ ᠰᠦᠨᠡᠰᠦ᠂
ᠪᠤᠤ ᠸᠧᠨ ᠬᠤᠸᠠ᠂ ᠪᠠᠶᠠᠨᠴᠡᠴᠡᠭ