ᠶᠣᠯᠣ ᠶ᠋ᠢᠨ ᠪᠠᠭᠠᠰᠤYolyn baasЁлын баас
297ᠶᠣᠯᠣ ᠶ᠋ᠢᠨ ᠪᠠᠭᠠᠰᠤ
ᠲᠤᠰ ᠡᠮ ᠪᠣᠯ ᠬᠠᠷᠴᠠᠭᠠᠢ ᠶ᠋ᠢᠨ ᠢᠵᠠᠭᠤᠷ ᠤ᠋ᠨ ᠠᠮᠢᠲᠠᠨ ᠪᠣᠯᠬᠤ ᠰᠠᠬᠠᠯᠲᠤ ᠶᠣᠯᠣ ᠶ᠋ᠢᠨ ᠬᠠᠲᠠᠭᠠᠭᠰᠠᠨ ᠪᠠᠭᠠᠰᠤ ᠮᠥᠨ᠃ ᠪᠠᠰᠠ ᠭᠤᠲ᠋ᠠᠯ ᠭᠡᠳᠡᠭ᠃
[ ᠤᠤᠯ ᠠᠮᠢᠲᠠᠨ] ᠪᠡᠶᠡ ᠶ᠋ᠢᠨ ᠤᠷᠲᠤ ᠨᠢ133cm᠂ ᠳᠠᠯᠠᠪᠴᠢ ᠨᠢ83.5cm᠂ ᠰᠡᠭᠦᠯ ᠨᠢ54cm ᠪᠣᠢ᠃ ᠮᠠᠩᠨᠠᠢ ᠪᠠ ᠲᠣᠯᠣᠭᠠᠢ ᠣᠷᠣᠢ ᠳᠡᠭᠡᠷᠡ ᠨᠢ ᠰᠢᠷᠠᠩᠭᠤᠢ ᠪᠤᠶᠤ ᠰᠢᠷᠠᠩᠭᠤᠢ ᠴᠠᠭᠠᠨ ᠨᠣᠣᠯᠣᠭᠤᠷ ᠥᠳᠥ ᠪᠦᠷᠬᠦᠵᠦ ᠪᠣᠢ᠃ ᠯᠠᠯᠢᠭ ᠪᠦᠷᠬᠦᠪᠴᠢ ᠲᠡᠢ᠂ ᠠᠷᠤ ᠳᠤᠬᠤ ᠪᠣᠯᠤᠨ ᠴᠢᠬᠢᠨ ᠦ᠌ ᠥᠳᠥ ᠨᠢ ᠭᠦᠢᠬᠡᠨ ᠰᠦᠨ ᠰᠢᠷᠠ ᠥᠩᠭᠡ ᠲᠡᠢ ᠪᠥᠭᠡᠳ ᠪᠠᠭᠠ ᠰᠠᠭᠠ ᠬᠠᠷᠠ ᠥᠳᠥ ᠬᠣᠯᠢᠯᠳᠤᠵᠤ ᠪᠠᠢᠳᠠᠭ᠃ ᠬᠦᠵᠦᠭᠦᠦ ᠶ᠋ᠢᠨ ᠠᠷᠤ ᠬᠠᠵᠠᠭᠤ᠂ ᠬᠠᠴᠠᠷ ᠤ᠋ᠨ ᠣᠯᠠᠩᠬᠢ ᠬᠡᠰᠡᠭ ᠪᠣᠯᠤᠨ ᠬᠣᠭᠣᠯᠠᠢ᠂ ᠴᠡᠭᠡᠵᠢ᠂ ᠬᠡᠪᠡᠯᠢ᠂ ᠴᠠᠷᠪᠠᠭᠤ᠂ ᠥᠯᠮᠡᠢ ᠬᠤᠷᠤᠭᠤ ᠳ᠋ᠠᠬᠢ ᠥᠳᠥ ᠦᠰᠦ ᠪᠠ ᠰᠡᠭᠦᠯ ᠦ᠋ᠨ ᠳᠣᠣᠷᠠᠬᠢ ᠪᠦᠷᠬᠦᠭᠦᠯ ᠥᠳᠥ ᠨᠢ ᠪᠦᠷ ᠭᠦᠢᠬᠡᠨ ᠰᠦᠨ ᠰᠢᠷᠠ ᠥᠩᠭᠡ ᠲᠡᠢ᠂ ᠴᠡᠭᠡᠵᠢ ᠶ᠋ᠢᠨ ᠡᠮᠦᠨᠡ ᠵᠢᠴᠢ ᠴᠡᠭᠡᠵᠢᠨ ᠦ᠌ ᠳᠡᠭᠡᠷᠡᠬᠢ ᠨᠢ ᠵᠢᠭᠠᠬᠠᠨ ᠰᠢᠷᠠᠪᠲᠤᠷ ᠬᠦᠷᠡᠩ ᠥᠩᠭᠡ ᠲᠡᠢ ᠮᠥᠷᠲᠡᠭᠡᠨ ᠬᠠᠷᠠ ᠭᠤᠯᠳᠤ ᠵᠢᠷᠤᠭᠠᠰᠤ ᠲᠠᠢ᠂ ᠣᠨᠴᠠᠭᠠᠢᠯᠠᠨ ᠬᠡᠪᠡᠯᠢ ᠶ᠋ᠢᠨ ᠳᠡᠭᠡᠷᠡ ᠬᠡᠰᠡᠭ ᠲᠦ᠍ ᠪᠦᠷᠢᠨ ᠪᠤᠰᠤ ᠴᠡᠭᠡᠵᠢᠨ ᠪᠦᠰᠡᠯᠡᠭᠦᠷ ᠪᠦᠷᠢᠯᠳᠦᠳᠡᠭ᠃ ᠨᠢᠷᠤᠭᠤ᠂ ᠬᠡᠪᠡᠯᠢ ᠪᠠ ᠰᠡᠭᠦᠯ ᠳᠡᠭᠡᠷᠡᠬᠢ ᠪᠦᠷᠬᠦᠭᠦᠯ ᠥᠳᠥ ᠨᠢ ᠮᠥᠩᠭᠥᠨ ᠪᠤᠭᠤᠷᠤᠯ ᠥᠩᠭᠡ ᠲᠡᠢ᠂ ᠤᠭ ᠤ᠋ᠨ ᠬᠡᠰᠡᠭ ᠨᠢ ᠴᠠᠭᠠᠨ᠂ ᠬᠥᠪᠡᠭᠡ ᠨᠢ ᠬᠠᠷᠠ᠂ ᠲᠡᠩᠭᠡᠯᠢᠭ ᠦ᠋ᠨ ᠲᠣᠯᠪᠣ ᠨᠢ ᠴᠠᠭᠠᠨ᠂ ᠨᠢᠰᠬᠦ ᠥᠳᠥ ᠨᠢ ᠬᠠᠷᠠ᠂ ᠵᠢᠭᠠᠬᠠᠨ ᠮᠥᠩᠭᠥᠨ ᠪᠤᠭᠤᠷᠤᠯ ᠥᠩᠭᠡ ᠬᠣᠯᠢᠯᠳᠤᠵᠤ ᠪᠣᠢ᠃ ᠥᠲᠥᠨ ᠲᠡᠩᠭᠡᠯᠢᠭ ᠨᠢ ᠲᠤᠩ ᠴᠠᠭᠠᠨ᠂ ᠪᠦᠷᠬᠦᠭᠦᠯ ᠥᠳᠥ ᠨᠢ ᠨᠢᠷᠤᠭᠤ ᠶ᠋ᠢᠨ ᠥᠩᠭᠡ ᠲᠡᠢ ᠪᠡᠨ ᠠᠳᠠᠯᠢ᠂ ᠴᠠᠭᠠᠨ ᠥᠩᠭᠡᠲᠦ ᠲᠡᠩᠭᠡᠯᠢᠭ ᠦ᠋ᠨ ᠲᠣᠯᠪᠣ ᠨᠢ ᠥᠲᠥᠨ ᠦ᠌ ᠦᠵᠦᠭᠦᠷ ᠲᠡᠭᠡᠨ ᠨᠡᠯᠢᠶᠡᠳ ᠥᠷᠭᠡᠨ᠂ ᠭᠤᠷᠪᠠᠯᠵᠢᠨ ᠬᠡᠯᠪᠡᠷᠢ ᠲᠡᠢ ᠲᠣᠯᠪᠣ ᠪᠣᠯᠳᠠᠭ᠃ ᠰᠡᠭᠦᠯ ᠦ᠋ᠨ ᠥᠳᠥ ᠨᠢ ᠮᠥᠩᠭᠥᠨ ᠪᠤᠭᠤᠷᠤᠯ᠂ ᠬᠠᠷᠠᠪᠲᠤᠷ ᠥᠩᠭᠡ ᠲᠡᠢ᠂ ᠥᠲᠥᠨ ᠦ᠌ ᠲᠡᠩᠭᠡᠯᠢᠭ ᠨᠢ ᠲᠤᠩ ᠴᠠᠭᠠᠨ᠃ ᠰᠠᠬᠠᠯᠲᠤ ᠶᠣᠯᠣ ᠶ᠋ᠢᠨ ᠨᠠᠰᠤᠨ ᠤ᠋ ᠬᠤᠪᠢᠷᠠᠯᠲᠠ ᠶ᠋ᠢ ᠳᠠᠭᠠᠯᠳᠤᠨ ᠨᠢᠯᠬᠠ ᠦᠶᠡ᠂ ᠨᠠᠰᠤ ᠭᠦᠢᠴᠡᠭᠰᠡᠨ ᠦᠶᠡ ᠪᠠ ᠦᠳᠡᠯᠦᠭᠡ ᠦᠶᠡ ᠭᠡᠵᠦ ᠭᠠᠳᠠᠷ ᠥᠩᠭᠡ ᠳ᠋ᠦ᠍ᠨᠢ ᠬᠤᠪᠢᠷᠠᠯᠲᠠ ᠭᠠᠷᠳᠠᠭ᠃ ᠶᠡᠷᠦ ᠳ᠋ᠡᠭᠡᠨ ᠦᠳᠡᠯᠦᠭᠡ ᠦᠶᠡ ᠳ᠋ᠦ᠍ ᠲᠣᠯᠣᠭᠠᠢ ᠶ᠋ᠢᠨ ᠥᠳᠥ ᠶ᠋ᠢᠨ ᠥᠩᠭᠡ ᠨᠢ ᠭᠦᠢᠬᠡᠨ᠂ ᠰᠢᠷᠠᠪᠲᠤᠷ ᠬᠦᠷᠡᠩ ᠪᠤᠶᠤ ᠰᠢᠷᠠᠪᠲᠤᠷ ᠴᠠᠭᠠᠨ᠃ ᠨᠢᠯᠬᠠ ᠦᠶᠡᠰ ᠲᠣᠯᠣᠭᠠᠢ ᠬᠦᠵᠦᠭᠦᠦ ᠨᠢ ᠪᠠᠷᠤᠭ ᠬᠠᠷᠠ ᠪᠥᠭᠡᠳ ᠪᠡᠶᠡ ᠶ᠋ᠢᠨ ᠳᠡᠭᠡᠷᠡ ᠬᠡᠰᠡᠭ ᠨᠢ ᠬᠠᠷᠠ ᠬᠦᠷᠡᠩ᠂ ᠢᠯᠭᠠᠯ ᠨᠢ ᠮᠠᠰᠢ ᠶᠡᠬᠡ᠂ ᠶᠡᠷᠦ ᠳ᠋ᠡᠭᠡᠨ ᠢᠵᠢᠯ ᠳᠦᠷᠰᠦ ᠠᠮᠢᠲᠠᠨ ᠪᠢᠰᠢ ᠭᠡᠵᠦ ᠡᠨᠳᠡᠭᠦᠷᠡᠳᠡᠭ᠃ ᠨᠠᠰᠤ ᠭᠦᠢᠴᠡᠭᠰᠡᠨ ᠦᠶᠡ ᠶ᠋ᠢᠨ ᠬᠢᠨᠢ ᠳᠡᠭᠡᠷᠡᠬᠢ ᠬᠣᠶᠠᠷ ᠤ᠋ᠨ ᠳᠤᠮᠳᠠᠬᠢ ᠥᠩᠭᠡ ᠪᠣᠯᠤᠨᠠ᠃
[ ᠠᠮᠢᠳᠤᠷᠠᠬᠤ ᠣᠷᠴᠢᠨ ᠬᠢᠭᠡᠳ ᠲᠠᠷᠬᠠᠴᠠ] ᠳᠠᠯᠠᠢ ᠶ᠋ᠢᠨ ᠲᠦᠪᠰᠢᠨ ᠦ᠌2000~4000m ᠪᠤᠶᠤ4000m ᠠ᠋ᠴᠠ ᠳᠡᠭᠡᠭᠰᠢ ᠥᠨᠳᠥᠷᠯᠢᠭ ᠭᠠᠵᠠᠷ ᠳᠤ ᠠᠮᠢᠲᠠᠨ ᠤ᠋ ᠰᠡᠭ ᠢ᠋ᠶ᠋ᠡᠷ ᠢᠳᠡᠰᠢᠯᠡᠵᠦ ᠠᠮᠢᠳᠤᠷᠠᠨᠠ᠃ ᠵᠡᠭᠦᠨ ᠬᠣᠢᠲᠤ ᠣᠷᠣᠨ᠂ ᠤᠮᠠᠷᠠᠲᠤ ᠣᠷᠣᠨ᠂ ᠰᠢᠨᠵᠢᠶᠠᠩ᠂ ᠭᠠᠨᠰᠦ᠂ ᠰᠧᠴᠤᠸᠠᠨ ᠳ᠋ᠤ᠌ ᠲᠠᠷᠬᠠᠴᠠ ᠲᠠᠢ᠃
[ ᠲᠡᠭᠦᠵᠦ ᠪᠣᠯᠪᠠᠰᠤᠷᠠᠭᠤᠯᠬᠤ] ᠵᠢᠯ ᠦ᠋ᠨ ᠳᠥᠷᠪᠡᠨ ᠤᠯᠠᠷᠢᠯ ᠳ᠋ᠤ᠌ ᠴᠥᠮ ᠲᠡᠭᠦᠵᠦ ᠪᠣᠯᠤᠨᠠ᠃ ᠲᠡᠭᠦᠵᠦ ᠠᠪᠤᠭᠰᠠᠨ ᠤ᠋ ᠬᠣᠢᠨᠠ ᠬᠣᠯᠢᠴᠠ ᠶ᠋ᠢ ᠨᠢ ᠠᠷᠢᠯᠭᠠᠨ ᠴᠡᠪᠡᠷᠯᠡᠨᠡ᠃
[ ᠠᠮᠲᠠ᠂ ᠴᠢᠨᠠᠷ᠂ ᠡᠷᠳᠡᠮ] ᠭᠤᠱᠤᠭᠤᠨ ᠠᠮᠲᠠ ᠲᠠᠢ; ᠪᠦᠯᠢᠶᠡᠨ ᠴᠢᠨᠠᠷ ᠲᠠᠢ᠃
[ ᠴᠢᠳᠠᠯ ᠪᠠ ᠭᠣᠣᠯᠳᠠᠭᠤ ᠵᠠᠰᠠᠬᠤ] ᠪᠡᠲᠡᠭᠢ ᠶ᠋ᠢ ᠡᠪᠳᠡᠬᠦ᠂ ᠢᠯᠴᠢ ᠶ᠋ᠢ ᠰᠡᠯᠪᠢᠬᠦ᠂ ᠢᠳᠡᠭᠡᠨ ᠢ᠋ ᠰᠢᠩᠭᠡᠭᠡᠬᠦ᠂ ᠳᠤᠷᠠ ᠶ᠋ᠢ ᠨᠡᠭᠡᠭᠡᠬᠦ᠂ ᠬᠠᠪᠤᠳᠠᠷ ᠢ᠋ ᠦᠭᠡᠷᠢᠯᠡᠭᠦᠯᠬᠦ ᠴᠢᠳᠠᠯ ᠲᠠᠢ᠃ ᠭᠣᠣᠯᠳᠠᠭᠤ ᠢᠳᠡᠭᠡᠨ ᠦ᠌ ᠪᠡᠲᠡᠭᠢ᠂ ᠠᠶᠤᠤᠯᠢᠬᠠᠢ ᠶ᠋ᠢᠨ ᠪᠡᠲᠡᠭᠢ᠂ ᠲᠡᠮᠦᠷ ᠪᠠᠳ᠋ᠭᠠᠨ᠂ ᠬᠣᠳᠣᠭᠣᠳᠣᠨ ᠤ᠋ ᠭᠠᠯ ᠤ᠋ᠨ ᠢᠯᠴᠢ ᠮᠠᠭᠤᠳᠠᠭᠰᠠᠨ᠂ ᠡᠰᠡ ᠰᠢᠩᠭᠡᠭᠰᠡᠨ᠂ ᠦᠭᠡᠷᠢᠯᠡᠭᠡᠳᠦᠢ ᠬᠠᠪᠤᠳᠠᠷ ᠵᠡᠷᠭᠡ ᠶ᠋ᠢ ᠵᠠᠰᠠᠬᠤ ᠳ᠋ᠤ᠌ ᠬᠡᠷᠡᠭᠯᠡᠨᠡ᠃
ᠬᠢᠲᠠᠳ ᠨᠡᠷᠡ᠄鹫粪.(胡兀鹫)
ᠠᠩᠭ᠌ᠯᠢ ᠨᠡᠷᠡ᠄Gypaetus barbatus Linnaeus
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠡᠷᠳᠡᠨᠢᠭᠣᠸ᠋ᠠ
ᠬᠢᠨᠠᠭᠴᠢ᠄ ᠴᠡᠪᠡᠷᠴᠡᠴᠡᠭ