ᠴᠠᠭᠠᠨ ᠡᠷᠢᠶᠡᠨ ᠮᠣᠭᠠᠢ Tsagaan ereen mogoiЦагаан эрээн могой
181ᠴᠠᠭᠠᠨ ᠡᠷᠢᠶᠡᠨ ᠮᠣᠭᠠᠢ
ᠲᠤᠰ ᠡᠮ ᠪᠣᠯ ᠰᠢᠯᠲᠦ ᠮᠣᠭᠠᠢ ᠶ᠋ᠢᠨ ᠢᠵᠠᠭᠤᠷ ᠤ᠋ᠨ ᠠᠮᠢᠲᠠᠨ ᠪᠣᠯᠬᠤ ᠮᠥᠩᠭᠥᠨ ᠴᠠᠭᠠᠷᠢᠭᠲᠤ ᠮᠣᠭᠠᠢ ᠶ᠋ᠢᠨ ᠵᠤᠯᠵᠠᠭᠠ ᠶ᠋ᠢᠨ ᠬᠠᠲᠠᠭᠠᠭᠰᠠᠨ ᠪᠦᠬᠦᠯᠢ ᠪᠡᠶᠡ ᠮᠥᠨ᠃
[ ᠤᠤᠯ ᠠᠮᠢᠲᠠᠨ] ᠪᠦᠬᠦ ᠤᠷᠲᠤ ᠨᠢ140cm᠃ ᠲᠣᠯᠣᠭᠠᠢ ᠶ᠋ᠢᠨ ᠬᠡᠰᠡᠭ ᠨᠢ ᠵᠤᠤᠪᠠᠩ ᠬᠡᠯᠪᠡᠷᠢ ᠲᠡᠢ᠂ ᠬᠦᠵᠦᠭᠦᠦ ᠡᠴᠡ ᠪᠡᠨ ᠵᠢᠭᠠᠬᠠᠨ ᠪᠦᠳᠦᠭᠦᠨ᠂ ᠰᠡᠭᠦᠯ ᠨᠢ ᠤᠷᠲᠤ ᠪᠥᠭᠡᠳ ᠠᠯᠭᠤᠷ ᠨᠠᠷᠢᠰᠳᠠᠭ᠃ ᠪᠡᠶᠡ ᠶ᠋ᠢᠨ ᠠᠷᠤ ᠨᠢ ᠬᠥᠬᠡ ᠬᠠᠷᠠ᠂ ᠥᠪᠥᠷ ᠨᠢ ᠴᠠᠭᠠᠨ᠂37~61 ᠴᠠᠢᠪᠤᠷ ᠴᠠᠭᠠᠷᠢᠭ ᠲᠣᠯᠪᠣ ᠲᠠᠢ ᠪᠠᠢᠳᠠᠭ ᠢ᠋ᠶ᠋ᠠᠷ ᠨᠢ ᠮᠥᠩᠭᠥᠨ ᠴᠠᠭᠠᠷᠢᠭᠲᠤ ᠮᠣᠭᠠᠢ ᠭᠡᠵᠡᠢ᠃ ᠲᠣᠯᠣᠭᠠᠢ ᠶ᠋ᠢᠨ ᠠᠷᠤ ᠳ᠋ᠤᠨᠢ ᠲᠣᠮᠣ ᠬᠠᠢᠷᠰᠤ ᠨᠤᠭᠤᠳ ᠲᠠᠢ᠃ ᠳᠡᠭᠡᠳᠦ ᠤᠷᠤᠭᠤᠯ ᠳ᠋ᠠᠭᠠᠨ7~9᠂ ᠳᠣᠣᠷᠠᠲᠤ ᠤᠷᠤᠭᠤᠯ ᠳ᠋ᠠᠭᠠᠨ7 ᠬᠠᠢᠷᠰᠤ ᠲᠠᠢ᠃ ᠪᠡᠶᠡ ᠶ᠋ᠢᠨ ᠠᠷᠤ ᠬᠠᠢᠷᠰᠤ ᠨᠢ15 ᠮᠥᠷ᠂ ᠬᠢᠷᠠ ᠬᠢᠭᠡᠳ ᠰᠦᠪᠡ ᠦᠭᠡᠢ᠂ ᠥᠪᠥᠷ ᠬᠠᠢᠷᠰᠤ ᠨᠢ198~218 ᠢᠯᠭᠠᠰᠤᠨ ᠰᠦᠪᠡ ᠶ᠋ᠢᠨ ᠬᠠᠢᠷᠰᠤ ᠨᠢ ᠳᠠᠩ᠂ ᠰᠡᠭᠦᠯ ᠦ᠋ᠨ ᠳᠣᠣᠷᠠᠲᠤ ᠬᠠᠢᠷᠰᠤ ᠨᠢ40~53 ᠪᠠᠢᠳᠠᠭ᠃ ᠳᠡᠭᠡᠳᠦ ᠡᠷᠡᠦ ᠳ᠋ᠡᠭᠡᠨ ᠡᠭᠦᠳᠡᠨ ᠰᠢᠳᠦ ᠬᠢᠭᠡᠳ ᠵᠢᠵᠢᠭ ᠬᠣᠣᠷᠲᠤ ᠪᠤᠯᠴᠢᠷᠬᠠᠢ ᠲᠠᠢ᠃
[ ᠠᠮᠢᠳᠤᠷᠠᠬᠤ ᠣᠷᠴᠢᠨ ᠬᠢᠭᠡᠳ ᠲᠠᠷᠬᠠᠴᠠ] ᠲᠠᠯᠠ ᠭᠠᠵᠠᠷ᠂ ᠠᠭᠤᠯᠠ᠂ ᠤᠰᠤᠨ ᠤ᠋ ᠬᠥᠪᠡᠭᠡ ᠶ᠋ᠢᠨ ᠡᠪᠡᠰᠦᠨ ᠳᠣᠲᠣᠷᠠ ᠠᠮᠢᠳᠤᠷᠠᠳᠠᠭ᠂ ᠠᠨᠾᠦ᠋ᠢ ᠵᠧᠵᠢᠶᠠᠩ᠂ ᠵᠢᠶᠠᠩᠰᠢ᠂ ᠹᠦᠵᠢᠶᠠᠨ᠂ ᠲᠠᠢᠸᠠᠨ᠂ ᠬᠤᠪᠧᠢ᠂ ᠬᠤᠨᠠᠨ᠂ ᠭᠤᠸᠠᠩᠳᠦ᠋ᠩ ᠬᠠᠢᠨᠠᠨ᠂ ᠭᠤᠸᠠᠩᠰᠢ᠂ ᠰᠧᠴᠤᠸᠠᠨ᠂ ᠭᠦᠢᠵᠧᠦ᠂ ᠶᠦᠨᠨᠠᠨ ᠳ᠋ᠤ᠌ ᠲᠠᠷᠬᠠᠴᠠ ᠲᠠᠢ
[ᠡᠳ᠋ᠰᠢᠭᠦᠯᠦᠨ ᠪᠣᠯᠪᠠᠰᠤᠷᠠᠭᠤᠯᠬᠤ] ᠵᠤᠨ᠂ ᠨᠠᠮᠤᠷ ᠪᠠᠷᠢᠵᠤ ᠬᠡᠪᠡᠯᠢ ᠶ᠋ᠢ ᠨᠢ ᠬᠠᠭᠠᠯᠤᠭᠠᠳ᠂ ᠳᠣᠲᠣᠷ ᠴᠤᠯᠤ ᠰᠠᠪᠠ ᠶ᠋ᠢ ᠨᠢ ᠠᠷᠢᠯᠭᠠᠨ ᠬᠠᠶᠠᠭᠠᠳ᠂ ᠴᠢᠰᠤ ᠶ᠋ᠢ ᠨᠢ ᠠᠷᠴᠢᠨ ᠵᠦᠯᠭᠦᠵᠦ᠂ ᠠᠯᠺᠣᠣᠯ ᠳ᠋ᠤ᠌ ᠳᠡᠪᠲᠦᠭᠡᠨ ᠰᠢᠢᠳᠪᠦᠷᠢᠯᠡᠭᠡᠳ ᠲᠠᠪᠠᠭ ᠠᠳᠠᠯᠢ ᠣᠷᠢᠶᠠᠵᠤ᠂ ᠬᠤᠯᠤᠰᠤᠨ ᠰᠠᠪᠠᠭᠠ ᠳᠡᠭᠡᠷᠡ ᠲᠣᠭᠲᠠᠪᠤᠷᠢᠵᠢᠭᠤᠯᠤᠭᠠᠳ ᠬᠠᠲᠠᠭᠠᠨᠠ᠃
[ ᠠᠮᠲᠠ᠂ ᠴᠢᠨᠠᠷ᠂ ᠡᠷᠳᠡᠮ] ᠠᠮᠲᠠᠯᠢᠭ᠂ ᠳᠠᠪᠤᠰᠤᠯᠢᠭ ᠠᠮᠲᠠ ᠲᠠᠢ᠂ ᠪᠦᠯᠢᠶᠡᠨ ᠴᠢᠨᠠᠷ ᠲᠠᠢ᠂ ᠬᠣᠣᠷ ᠲᠠᠢ᠃
[ ᠴᠢᠳᠠᠯ ᠪᠠ ᠭᠣᠣᠯᠳᠠᠭᠤ ᠵᠠᠰᠠᠬᠤ] ᠬᠠᠷᠠᠭᠠ ᠶ᠋ᠢ ᠰᠠᠢᠵᠢᠷᠠᠭᠤᠯᠬᠤ᠂ ᠴᠠᠭᠠᠨ ᠰᠤᠳᠠᠯ ᠤ᠋ᠨ ᠡᠪᠡᠳᠴᠢᠨ ᠢ᠋ ᠠᠨᠠᠭᠠᠬᠤ ᠴᠢᠳᠠᠯ ᠲᠠᠢ᠃ ᠭᠣᠣᠯᠳᠠᠭᠤ ᠬᠠᠷᠠᠭᠠ ᠮᠠᠭᠤᠳᠠᠭᠰᠠᠨ᠂ ᠴᠠᠭᠠᠨ ᠰᠤᠳᠠᠯ ᠤ᠋ᠨ ᠡᠪᠡᠳᠴᠢᠨ᠂ ᠴᠢᠰᠤᠨ ᠪᠡᠲᠡᠭᠢ ᠵᠡᠷᠭᠡ ᠶ᠋ᠢ ᠵᠠᠰᠠᠬᠤ ᠳ᠋ᠤ᠌ ᠬᠡᠷᠡᠭᠯᠡᠨᠡ᠃
ᠬᠢᠲᠠᠳ ᠨᠡᠷᠡ᠄ 金钱白花蛇( 银环蛇)
ᠠᠩᠭ᠌ᠯᠢ ᠨᠡᠷᠡ᠄Bungarus multicinctus BIyth
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠤᠷᠠᠨᠴᠢᠮᠡᠭ
ᠬᠢᠨᠠᠭᠴᠢ᠄ ᠲᠤᠶᠠᠭᠠ