ᠴᠢᠨᠣᠠ ᠶ᠋ᠢᠨ ᠬᠣᠳᠣᠭᠣᠳᠣChiniin khodoodЧинийн ходоод
266ᠴᠢᠨᠣᠠ ᠶ᠋ᠢᠨ ᠬᠣᠳᠣᠭᠣᠳᠣ
ᠲᠤᠰ ᠡᠮ ᠪᠣᠯ ᠨᠣᠬᠠᠢ ᠶ᠋ᠢᠨ ᠢᠵᠠᠭᠤᠷ ᠤ᠋ᠨ ᠠᠮᠢᠲᠠᠨ ᠪᠣᠯᠬᠤ ᠴᠢᠨᠣᠠ ᠶ᠋ᠢᠨ ᠬᠠᠲᠠᠭᠠᠭᠰᠠᠨ ᠬᠣᠳᠣᠭᠣᠳᠣ ᠮᠥᠨ᠃ ᠪᠠᠰᠠ ᠵᠠᠩᠭᠢᠫᠣᠸᠠ ᠭᠡᠳᠡᠭ᠃
[ ᠤᠤᠯ ᠠᠮᠢᠲᠠᠨ] ᠪᠡᠶᠡ ᠨᠢ1.5m ᠤᠷᠲᠤ᠂0.7m ᠥᠨᠳᠥᠷ᠃ ᠲᠣᠯᠣᠭᠠᠢ ᠨᠢ ᠨᠣᠬᠠᠢ ᠲᠠᠢ ᠲᠥᠰᠦᠭᠡᠲᠡᠢ᠂ ᠬᠣᠩᠰᠢᠶᠠᠷ ᠨᠢ ᠤᠷᠲᠤ᠂ ᠬᠠᠮᠠᠷ ᠨᠢ ᠨᠢᠴᠦᠭᠦᠨ᠂ ᠠᠮᠠ ᠨᠢ ᠶᠡᠬᠡ᠂ ᠰᠣᠶᠣᠭᠠ ᠨᠢ ᠤᠷᠲᠤ᠂ ᠠᠷᠠᠭᠠ ᠨᠢ ᠦᠵᠦᠭᠦᠷ ᠲᠡᠢ᠃ ᠨᠢᠳᠦ ᠨᠢ ᠵᠢᠵᠢᠭ᠂ ᠭᠤᠷᠪᠠᠯᠵᠢᠨ᠂ ᠴᠢᠬᠢ ᠨᠢ ᠵᠢᠵᠢᠭ ᠪᠣᠰᠤᠭᠠ ᠪᠥᠭᠡᠳ ᠱᠣᠪᠬᠣ᠃ ᠬᠦᠵᠦᠭᠦᠦ ᠨᠢ ᠪᠦᠳᠦᠭᠦᠨ᠂ ᠪᠡᠶᠡ ᠨᠢ ᠨᠠᠷᠢᠨ᠂ ᠰᠡᠭᠦᠯ ᠨᠢ ᠤᠷᠲᠤᠪᠲᠤᠷ ᠪᠥᠭᠡᠳ ᠰᠠᠭᠰᠠᠭᠠᠷ᠂ ᠬᠡᠵᠢᠶᠡᠳᠡ ᠤᠨᠵᠢᠩᠬᠠᠢ ᠪᠠᠢᠳᠠᠭ᠃ ᠳᠥᠷᠪᠡᠨ ᠮᠥᠴᠢ ᠨᠢ ᠨᠠᠷᠢᠪᠲᠤᠷ ᠪᠣᠯᠪᠠᠴᠤ ᠬᠦᠴᠦᠷᠬᠡᠭ᠂ ᠡᠮᠦᠨᠡ ᠬᠥᠯ ᠳ᠋ᠡᠭᠡᠨ5᠂ ᠬᠣᠢᠨᠠ ᠬᠥᠯ ᠳ᠋ᠡᠭᠡᠨ4 ᠣᠬᠣᠷ ᠬᠤᠷᠤᠭᠤ ᠲᠠᠢ᠂ ᠮᠤᠬᠤᠷ ᠬᠢᠮᠤᠰᠤ ᠲᠠᠢ᠃ ᠪᠡᠶᠡ ᠨᠢ ᠰᠢᠷᠠᠪᠲᠤᠷ ᠬᠤᠸᠠ ᠪᠣᠯᠪᠠᠴᠤ ᠬᠠᠷᠠ ᠰᠤᠷ ᠲᠠᠢ᠃ ᠬᠣᠩᠰᠢᠶᠠᠷ ᠪᠣᠯᠤᠨ ᠬᠥᠯ ᠨᠢ ᠪᠠᠭᠠᠬᠠᠨ ᠬᠤᠸᠠ ᠴᠠᠢᠪᠤᠷ ᠪᠠᠢᠳᠠᠭ᠃
[ ᠠᠮᠢᠳᠤᠷᠠᠬᠤ ᠣᠷᠴᠢᠨ ᠬᠢᠭᠡᠳ ᠲᠠᠷᠬᠠᠴᠠ] ᠠᠭᠤᠯᠠᠨ ᠣᠢ᠂ ᠮᠠᠩᠬᠠᠨ ᠳᠣᠪᠣ ᠶ᠋ᠢᠨ ᠪᠠᠷᠲᠠᠭᠠᠲᠤ ᠭᠠᠵᠠᠷ ᠢ᠋ᠶ᠋ᠠᠷ ᠪᠠᠢᠷᠢᠯᠠᠵᠤ ᠮᠠᠯ ᠪᠣᠯᠤᠨ ᠭᠥᠷᠥᠭᠡᠰᠦ ᠪᠡᠷ ᠢᠳᠡᠰᠢᠯᠡᠳᠡᠭ᠃ ᠲᠠᠢᠸᠠᠨ᠂ ᠬᠠᠢᠨᠠᠨ᠂ ᠶᠦᠨᠨᠠᠨ ᠠ᠋ᠴᠠ ᠪᠤᠰᠤᠳ ᠭᠠᠵᠠᠷ ᠣᠷᠣᠨ ᠳ᠋ᠤ᠌ ᠨᠡᠢᠳᠡᠮ ᠲᠠᠷᠬᠠᠴᠠ ᠲᠠᠢ᠃
[ ᠡᠲᠰᠢᠭᠦᠯᠦᠨ ᠪᠣᠯᠪᠠᠰᠤᠷᠠᠭᠤᠯᠬᠤ] ᠵᠢᠯ ᠦ᠋ᠨ ᠳᠥᠷᠪᠡᠨ ᠤᠯᠠᠷᠢᠯ ᠳ᠋ᠤ᠌ ᠴᠥᠮ ᠠᠪᠴᠤ ᠪᠣᠯᠤᠨᠠ᠃ ᠠᠩᠨᠠᠨ ᠠᠯᠠᠭᠰᠠᠨ ᠤ᠋ ᠬᠣᠢᠨᠠ ᠬᠣᠳᠣᠭᠣᠳᠣ ᠶ᠋ᠢ ᠨᠢ ᠠᠪᠴᠤ᠂ ᠠᠷᠢᠯᠭᠠᠨ ᠴᠡᠪᠡᠷᠯᠡᠭᠡᠳ ᠳᠡᠭᠦᠵᠢᠯᠡᠵᠦ ᠨᠠᠷᠠᠨ ᠳ᠋ᠤ᠌ ᠬᠠᠲᠠᠭᠠᠨᠠ᠃
[ ᠠᠮᠲᠠ᠂ ᠴᠢᠨᠠᠷ᠂ ᠡᠷᠳᠡᠮ] ᠠᠮᠲᠠᠯᠢᠭ ᠠᠮᠲᠠ ᠲᠠᠢ᠂ ᠬᠠᠯᠠᠭᠤᠨ ᠴᠢᠨᠠᠷ ᠲᠠᠢ᠃
[ ᠴᠢᠳᠠᠯ ᠪᠠ ᠭᠣᠣᠯᠳᠠᠭᠤ ᠵᠠᠰᠠᠬᠤ] ᠬᠣᠳᠣᠭᠣᠳᠣᠨ ᠤ᠋ ᠢᠯᠴᠢ ᠶ᠋ᠢ ᠰᠡᠯᠪᠢᠬᠦ᠂ ᠰᠢᠩᠭᠡᠭᠡᠯᠲᠡ ᠶ᠋ᠢ ᠰᠠᠢᠵᠢᠷᠠᠭᠤᠯᠬᠤ ᠴᠢᠳᠠᠯ ᠲᠠᠢ᠃ ᠡᠰᠡ ᠰᠢᠩᠭᠡᠭᠰᠡᠨ᠂ ᠬᠣᠳᠣᠭᠣᠳᠣᠨ ᠪᠠᠳᠭ᠋ᠠᠨ᠂ ᠬᠣᠳᠣᠭᠣᠳᠣ ᠡᠪᠡᠳᠬᠦ᠂ ᠬᠣᠳᠣᠭᠣᠳᠣᠨ ᠪᠡᠲᠡᠭᠢ ᠵᠡᠷᠭᠡ ᠶ᠋ᠢ ᠵᠠᠰᠠᠬᠤ ᠳ᠋ᠤ᠌ ᠬᠡᠷᠡᠭᠯᠡᠨᠡ᠃
[ ᠳᠠᠭᠠᠯᠳᠤᠭᠤᠯᠤᠯ] ᠴᠢᠨᠣᠠ ᠶ᠋ᠢᠨ ᠬᠠᠲᠠᠭᠠᠭᠰᠠᠨ ᠬᠡᠯᠡ ᠶ᠋ᠢ ᠪᠠᠰᠠ ᠵᠠᠩᠴᠧ ᠭᠡᠳᠡᠭ᠃ ᠬᠠᠪᠤᠳᠠᠷ ᠢ᠋ ᠬᠠᠷᠢᠭᠤᠯᠬᠤ ᠴᠢᠳᠠᠯ ᠲᠠᠢ᠃ ᠭᠣᠣᠯᠳᠠᠭᠤ ᠬᠡᠯᠡᠨ ᠦ᠌ ᠬᠠᠪᠤᠳᠠᠷ᠂ ᠬᠡᠯᠡ ᠠᠮᠠᠨ ᠤ᠋ ᠡᠪᠡᠳᠴᠢᠨ᠂ ᠰᠠᠬᠤᠤ ᠵᠡᠷᠭᠡ ᠶ᠋ᠢ ᠵᠠᠰᠠᠬᠤ ᠳ᠋ᠤ᠌ ᠬᠡᠷᠡᠭᠯᠡᠨᠡ᠃
ᠬᠢᠲᠠᠳ ᠨᠡᠷᠡ᠄狼胃(狼)
ᠠᠩᠭ᠌ᠯᠢ ᠨᠡᠷᠡ᠄Canis Lupus Linnaeus
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠣᠶᠤᠨᠴᠢᠮᠡᠭ
ᠬᠢᠨᠠᠭᠴᠢ᠄ ᠲᠤᠶᠠᠭᠠ