ᠭᠤᠷᠪᠠᠨ ᠨᠠᠰᠤᠲᠠᠢ ᠭᠤᠨᠠᠭᠠᠨ ᠤᠯᠠᠭᠠᠨ ᠪᠠᠭᠠᠲᠤᠷ - ᠣᠮᠣᠭ ᠶᠡᠬᠡᠲᠦ ᠣᠯᠠᠨ ᠤ᠋ ᠳᠠᠢᠰᠤᠨ ᠳᠠᠷᠤᠭᠳᠠᠪᠠ Гураван настай гунаган улаан баатар - Омог ихт олны давсан дарагдав
148ᠣᠮᠣᠭ ᠶᠡᠬᠡᠲᠦ ᠣᠯᠠᠨ ᠤ᠋ ᠳᠠᠢᠰᠤᠨ ᠳᠠᠷᠤᠭᠳᠠᠪᠠ
ᠡᠷᠲᠡ ᠤᠷᠢᠳᠤ ᠨᠢᠭᠡᠨ ᠴᠠᠭ ᠲᠤ᠌ ᠨᠢᠭᠡ ᠶᠡᠬᠡ ᠰᠠᠨᠠᠭᠠᠲᠤ ᠵᠠᠭᠠᠨ ᠪᠠᠢᠵᠠᠢ᠃ ᠲᠡᠷᠡ ᠡᠭᠦᠷᠢᠳᠡ ᠥᠪᠡᠷ ᠦ᠋ᠨ ᠪᠡᠶᠡ ᠪᠡᠨ ᠨᠦᠰᠡᠷ ᠪᠦᠳᠦᠭᠦᠨ᠂ ᠨᠠᠳᠠ ᠰᠢᠭ᠋ ᠠᠮᠢᠲᠠᠨ ᠶᠢᠷᠲᠢᠨᠴᠦ ᠳ᠋ᠦ᠍ ᠦᠭᠡᠢ ᠭᠡᠵᠦ ᠣᠮᠣᠭᠯᠠᠩ ᠶᠠᠪᠤᠳᠠᠭ ᠭᠡᠨᠡ᠃
ᠢᠩᠭᠢᠭᠡᠳ ᠡᠭᠦᠷᠢᠳᠡ ᠢᠨᠠᠭᠰᠢ ᠴᠢᠨᠠᠭᠰᠢ ᠶᠠᠪᠤᠬᠤ ᠳ᠋ᠠᠭᠠᠨ ᠬᠤᠯᠤᠭᠠᠨᠠ ᠶ᠋ᠢᠨ ᠭᠦᠶᠦᠭᠡ ᠶ᠋ᠢ ᠳᠠᠭᠠᠷᠢᠨ ᠢᠳᠡᠳᠡᠭ ᠪᠠᠢᠨᠠ᠃ ᠬᠤᠯᠤᠭᠠᠨᠠ ᠡᠳᠦᠷᠵᠢᠨ ᠬᠣᠪᠣᠷ ᠬᠣᠪᠣᠷ ᠴᠤᠭᠯᠠᠭᠤᠯᠤᠨ ᠲᠠᠯᠪᠢᠭᠰᠠᠨ ᠭᠦᠶᠦᠭᠡ ᠶ᠋ᠢ ᠡᠳᠦᠷ ᠪᠦᠷᠢ ᠵᠠᠭᠠᠨ ᠬᠣᠭᠣᠰᠣᠯᠠᠬᠤ ᠲᠤᠯᠠ᠂ ᠣᠯᠠᠨ ᠬᠤᠯᠤᠭᠠᠨᠠ ᠠᠷᠭᠠ ᠦᠭᠡᠢ ᠪᠣᠯᠵᠤ ᠵᠠᠭᠠᠨ ᠤ᠋ ᠡᠮᠦᠨᠡ ᠭᠤᠶᠤᠵᠠᠢ᠃《ᠪᠢᠳᠡ ᠲᠠᠨ ᠢ᠋ ᠪᠣᠳᠣᠪᠠᠯ ᠵᠢᠵᠢᠭᠬᠡᠨ ᠠᠮᠢᠲᠠᠨ᠂ ᠣᠳᠣ ᠤᠳᠠᠯ ᠦᠭᠡᠢ ᠡᠪᠦᠯ ᠪᠣᠯᠪᠠᠯ᠂ ᠪᠢᠳᠡ ᠢᠳᠡᠬᠦ ᠶᠠᠭᠤᠮᠠ ᠦᠭᠡᠢ ᠪᠣᠯᠤᠨᠠ᠃ ᠪᠠᠭᠠ ᠵᠢᠵᠢᠭ ᠪᠢᠳᠡᠨ ᠢ᠋ ᠥᠷᠥᠰᠢᠶᠡ!》 ᠭᠡᠵᠦ ᠭᠤᠶᠤᠭᠰᠠᠨ ᠪᠣᠯᠪᠠᠴᠤ ᠵᠠᠭᠠᠨ ᠣᠭᠲᠣ ᠬᠠᠢᠬᠤᠷᠬᠤ ᠦᠭᠡᠢ ᠠᠭᠤᠷᠯᠠᠨ᠄《ᠳᠡᠯᠡᠬᠡᠢ ᠶᠢᠷᠲᠢᠨᠴᠦ ᠳ᠋ᠦ᠍ ᠨᠠᠳᠠ ᠠ᠋ᠴᠠ ᠢᠯᠡᠭᠦᠦ ᠲᠣᠮᠣ ᠠᠮᠢᠲᠠᠨ ᠦᠭᠡᠢ᠃ ᠮᠢᠨᠦ ᠢᠳᠡᠬᠦ ᠡᠪᠡᠰᠦ᠂ ᠮᠢᠨᠦ ᠶᠠᠪᠤᠬᠤ ᠭᠠᠵᠠᠷ ᠢ᠋ ᠬᠡᠨ ᠪᠣᠯᠪᠠᠴᠤ ᠬᠡᠮᠵᠢᠶᠡᠯᠡᠵᠦ ᠴᠢᠳᠠᠬᠤ ᠦᠭᠡᠢ》 ᠭᠡᠵᠦ ᠬᠠᠮᠠᠷ ᠢ᠋ᠶ᠋ᠠᠨ ᠤᠨᠵᠢᠭᠠᠨᠠᠭᠤᠯᠤᠨ ᠰᠡᠭᠦᠯ ᠢ᠋ᠶ᠋ᠡᠨ ᠰᠠᠯᠪᠠᠯᠵᠠᠭᠤᠯᠤᠨ ᠶᠠᠪᠤᠵᠠᠢ᠃
ᠡᠭᠦᠨ ᠳ᠋ᠦ᠍ ᠣᠯᠠᠨ ᠬᠤᠯᠤᠭᠠᠨᠠ ᠠᠷᠭᠠ ᠵᠥᠪᠳᠡᠨ ᠪᠠᠢᠲᠠᠯᠠ ᠬᠥᠭᠰᠢᠨ ᠬᠤᠯᠤᠭᠠᠨᠠ ᠠᠷᠭᠠ ᠭᠠᠷᠭᠠᠵᠤ᠄《ᠪᠢ ᠪᠣᠯ ᠥᠨᠥ ᠮᠠᠷᠭᠠᠲᠠ ᠦᠭᠡᠢ ᠦᠬᠦᠬᠦ ᠰᠢᠬᠠᠭᠰᠠᠨ ᠪᠣᠯᠬᠣᠷ᠂ ᠣᠯᠠᠨ ᠲᠠ ᠨᠠᠷ ᠤ᠋ᠨ ᠲᠥᠯᠥᠭᠡ ᠦᠬᠦᠶᠡ᠃ ᠪᠦᠲᠦᠪᠡᠯ ᠰᠠᠢᠨ᠂ ᠪᠦᠲᠦᠬᠦ ᠦᠭᠡᠢ ᠪᠣᠯ ᠲᠠ ᠨᠠᠷ ᠪᠠᠰᠠ ᠠᠷᠭᠠ ᠭᠠᠷᠭᠠᠵᠤ᠂ ᠡᠨᠡ ᠳᠠᠢᠰᠤᠨ ᠢ᠋ ᠳᠠᠷᠤ! ᠪᠢ ᠭᠦᠶᠦᠭᠡ ᠳᠣᠣᠷᠠ ᠨᠢ ᠬᠡᠪᠲᠡᠵᠦ ᠪᠠᠢᠭᠠᠳ ᠵᠠᠭᠠᠨ ᠢᠳᠡᠬᠦ ᠭᠡᠲᠡᠯᠡ ᠪᠢ ᠠᠮᠠᠨ ᠳᠣᠲᠣᠷᠠ ᠨᠢ ᠣᠷᠣᠵᠤ᠂ ᠪᠠᠭᠠ ᠬᠡᠯᠡ ᠶ᠋ᠢ ᠨᠢ ᠪᠠᠭᠠᠯᠵᠤᠤᠷ ᠲᠠᠢ ᠨᠢ ᠢᠳᠡᠶᠡ᠃ ᠢᠩᠭᠢᠪᠡᠯ ᠲᠡᠷᠡ ᠯᠠᠪ ᠦᠬᠦᠨᠡ》 ᠭᠡᠵᠦ ᠲᠣᠭᠲᠠᠵᠠᠢ᠃ ᠦᠨᠡᠬᠡᠷ ᠵᠠᠭᠠᠨ ᠢᠷᠡᠵᠦ ᠢᠳᠡᠮᠡᠭᠴᠡ ᠬᠥᠭᠰᠢᠨ ᠬᠤᠯᠤᠭᠠᠨᠠ ᠠᠮᠠᠨ ᠳᠣᠲᠣᠷᠠ ᠨᠢ ᠣᠷᠣᠵᠤ ᠪᠠᠭᠠᠯᠵᠤᠤᠷ ᠢ᠋ ᠨᠢ ᠬᠡᠮᠡᠯᠢᠮᠡᠭᠴᠡ᠂ ᠣᠯᠠᠨ ᠬᠤᠯᠤᠭᠠᠨᠠ ᠵᠠᠭᠠᠨ ᠤ᠋ ᠲᠡᠪᠡᠳᠡᠬᠦ ᠪᠠᠢᠳᠠᠯ ᠢ᠋ ᠦᠵᠡᠵᠦ ᠵᠦᠭ ᠵᠦᠭ ᠡᠴᠡ ᠨᠢ ᠣᠮᠣᠭᠠᠷᠠᠵᠤ ᠨᠢᠭᠡ ᠨᠢᠭᠡ ᠡᠮᠬᠦ ᠬᠠᠵᠠᠭᠰᠠᠨ ᠳ᠋ᠤ᠌ ᠵᠠᠭᠠᠨ ᠡᠴᠦᠰ ᠲᠡᠭᠡᠨ ᠦᠬᠦᠵᠦ ᠭᠡᠨᠡ᠃
ᠣᠮᠣᠭ ᠶᠡᠬᠡᠲᠡᠢ ᠣᠯᠠᠨ ᠤ᠋ ᠳᠠᠢᠰᠤᠨ ᠢ᠋ ᠢᠩᠭᠢᠵᠦ ᠳᠠᠷᠤᠭᠰᠠᠨ ᠭᠡᠨᠡ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠬᠡᠯᠡᠰᠣᠶᠣᠯ( ᠪᠤᠤ ᠸᠧᠨ ᠬᠤᠸᠠ)᠂ ᠤᠷᠠᠨᠴᠢᠮᠡᠭ᠂ ᠪᠠᠶᠠᠨᠴᠡᠴᠡᠭ᠂
ᠨᠠᠷᠠᠨᠲᠤᠶᠠᠭᠠ᠂ ᠡᠭᠦᠯᠡᠩᠬᠤᠸᠠᠷ᠂ ᠠᠯᠲᠠᠨᠴᠢᠮᠡᠭ᠂ ᠣᠶᠤᠨᠴᠢᠮᠡᠭ᠂ ᠪᠠᠢ·ᠰᠠᠷᠠᠨᠠ᠂
ᠬᠡᠷᠡᠢᠳ·ᠮᠥᠩᠬᠡᠨᠠᠰᠤᠨ᠂ ᠮᠥᠩᠭᠥᠨ᠂ ᠭᠡᠷᠡᠯ᠂ ᠡᠷᠴᠢᠨ᠂ ᠠᠯᠲᠠᠨᠴᠡᠴᠡᠭ
ᠬᠢᠨᠠᠭᠴᠢ᠄ ᠣᠳᠬᠠᠨᠰᠣᠠ᠂ ᠪᠠᠯ᠂ ᠭᠠᠷᠮᠠ᠂ ᠡᠭᠦᠯᠡᠩᠬᠤᠸᠠᠷ᠂ ᠤᠷᠠᠨᠴᠢᠮᠡᠭ᠂ ᠰᠡᠬᠡᠭᠡᠷᠡᠯ᠂
ᠨᠠᠷᠠᠨ᠂ ᠣᠶᠤᠨᠴᠢᠮᠡᠭ᠂ ᠬᠡᠯᠡᠰᠣᠶᠣᠯ(ᠪᠤᠤ ᠸᠧᠨ ᠬᠤᠸᠠ)᠂ ᠭᠡᠷᠡᠯ᠂ ᠮᠣᠩᠭᠣᠯ ᠰᠦᠨᠡᠰᠦ