ᠰᠤᠪᠤᠳSuvdСувд
302ᠰᠤᠪᠤᠳ
ᠲᠤᠰ ᠡᠮ ᠪᠣᠯ ᠰᠤᠪᠤᠳᠲᠤ ᠬᠢᠰᠤᠭᠠ ᠶ᠋ᠢᠨ ᠢᠵᠠᠭᠤᠷ ᠤ᠋ᠨ ᠠᠮᠢᠲᠠᠨ ᠪᠣᠯᠬᠤ ᠨᠠᠭᠤᠷ ᠤ᠋ᠨ ᠬᠢᠰᠤᠭᠠ᠂ ᠬᠢᠰᠤᠭᠠ ᠶ᠋ᠢᠨ ᠢᠵᠠᠭᠤᠷ ᠤ᠋ᠨ ᠠᠮᠢᠲᠠᠨ ᠪᠣᠯᠬᠤ ᠭᠤᠷᠪᠠᠯᠵᠢᠨ ᠳᠠᠷᠪᠠᠭᠤᠯᠲᠤ ᠬᠢᠰᠤᠭᠠ᠂ ᠠᠲᠤᠷᠢᠶᠠ ᠥᠪᠥᠩᠲᠦ ᠬᠢᠰᠤᠭᠠ ᠵᠡᠷᠭᠡ ᠬᠣᠣᠰ ᠬᠠᠪᠲᠠᠰᠤᠲᠤ ᠲᠥᠷᠥᠯ ᠦ᠋ᠨ ᠠᠮᠢᠲᠠᠨ ᠤ᠋ ᠤᠭᠤᠲᠠᠨ ᠳ᠋ᠤ᠌ ᠪᠦᠷᠢᠯᠳᠦᠭᠰᠡᠨ ᠰᠤᠪᠤᠳ ᠮᠥᠨ᠃ ᠪᠠᠰᠠ ᠮᠥᠳᠡᠭ ᠭᠡᠳᠡᠭ᠃ ᠭᠠᠳᠠᠷ ᠬᠠᠪᠲᠠᠰᠤ ᠶ᠋ᠢ ᠨᠢ ᠰᠤᠪᠤᠳ ᠤ᠋ᠨ ᠬᠢᠰᠤᠭᠠ ᠭᠡᠨᠡ᠃ ᠪᠠᠰᠠ ᠨᠢᠶᠠᠨᠴᠢ᠂ ᠨᠢᠶᠠᠵᠤᠭ ᠭᠡᠳᠡᠭ᠃
[ᠤᠤᠯ ᠠᠮᠢᠲᠠᠨ] 1. ᠨᠠᠭᠤᠷ ᠤ᠋ᠨ ᠬᠢᠰᠤᠭᠠ ᠬᠠᠪᠲᠠᠰᠤ ᠨᠢ ᠵᠢᠰᠢᠭᠦᠦ ᠳᠥᠷᠪᠡᠯᠵᠢᠨ ᠬᠡᠯᠪᠡᠷᠢ ᠲᠡᠢ᠃ ᠬᠣᠶᠠᠷ ᠬᠠᠪᠲᠠᠰᠤ ᠨᠢ ᠲᠡᠩᠴᠡᠭᠦᠦ ᠪᠤᠰᠤ᠂ ᠵᠡᠭᠦᠨ ᠬᠠᠪᠲᠠᠰᠤ ᠨᠢ ᠪᠠᠷᠠᠭᠤᠨ ᠬᠠᠪᠲᠠᠰᠤ ᠠ᠋ᠴᠠ ᠪᠠᠨ ᠪᠠᠭᠠᠬᠠᠨ ᠭᠦᠳᠦᠭᠦᠷ᠂ ᠬᠠᠪᠲᠠᠰᠤᠨ ᠤ᠋ ᠭᠠᠳᠠᠷ ᠨᠢ ᠭᠦᠢᠬᠡᠨ ᠰᠢᠷᠠ ᠠ᠋ᠴᠠ ᠰᠢᠷᠠᠪᠲᠤᠷ ᠬᠦᠷᠡᠩ ᠥᠩᠭᠡ ᠲᠡᠢ᠂ ᠬᠡᠯᠡ ᠰᠢᠭ ᠪᠠᠭᠠ ᠴᠢᠯᠥᠭᠡᠲᠦ ᠢᠵᠢᠯ ᠲᠥᠪᠲᠦ ᠬᠠᠢᠷᠰᠤᠨ ᠳᠠᠪᠬᠤᠷᠭᠠ ᠲᠠᠢ᠂ ᠨᠢᠮᠭᠡᠨ ᠮᠥᠷᠲᠡᠭᠡᠨ ᠬᠡᠪᠡᠷᠡᠭ᠂ ᠮᠠᠰᠢ ᠬᠢᠯᠪᠠᠷ ᠵᠤᠯᠭᠠᠷᠠᠨᠠ᠃ ᠬᠥᠪᠡᠭᠡ ᠳ᠋ᠡᠬᠢ ᠬᠠᠢᠷᠰᠤᠨ ᠳᠠᠪᠬᠤᠷᠭᠠ ᠨᠢ ᠨᠢᠭᠲᠠ᠂ ᠰᠡᠭᠦᠯ ᠦ᠋ᠨ ᠬᠡᠰᠡᠭ ᠨᠢ ᠵᠢᠭᠠᠬᠠᠨ ᠳᠡᠷᠪᠡᠭᠡᠷ᠂ ᠬᠠᠪᠲᠠᠰᠤᠨ ᠤ᠋ ᠳᠣᠲᠣᠷᠠ ᠲᠠᠯᠠ ᠶ᠋ᠢᠨ ᠰᠤᠪᠤᠳ ᠤ᠋ᠨ ᠳᠠᠪᠬᠤᠷᠭᠠ ᠨᠢ ᠬᠥᠭᠵᠢᠩᠭᠦᠢ᠂ ᠰᠤᠪᠤᠳ ᠤ᠋ᠨ ᠲᠤᠶᠠᠭᠠ ᠲᠠᠢ᠂ ᠰᠢᠷᠠᠩᠭᠤᠢ ᠬᠥᠪᠡᠭᠡ ᠲᠡᠢ᠃ ᠬᠠᠭᠠᠭᠴᠢ ᠪᠤᠯᠴᠢᠩ ᠤ᠋ᠨ ᠣᠷᠣᠮ ᠨᠢ ᠲᠣᠮᠣ᠂ ᠬᠠᠪᠲᠠᠰᠤᠨ ᠤ᠋ ᠭᠣᠣᠯ ᠠ᠋ᠴᠠ ᠵᠢᠭᠠᠬᠠᠨ ᠠᠷᠤ ᠠᠷᠤ ᠳ᠋ᠤ᠌ ᠪᠠᠢᠷᠢᠯᠠᠨᠠ᠃ ᠤᠷᠲᠤᠯᠵᠢᠨ ᠲᠣᠭᠣᠷᠢᠭ ᠬᠡᠯᠪᠡᠷᠢ ᠲᠡᠢ᠂ ᠡᠮᠦᠨᠡ ᠬᠡᠰᠡᠭ ᠨᠢ ᠵᠢᠭᠠᠬᠠᠨ ᠱᠣᠪᠣᠭᠣᠷ᠃
2. ᠭᠤᠷᠪᠠᠯᠵᠢᠨ ᠳᠠᠷᠪᠠᠭᠤᠯᠲᠤ ᠬᠢᠰᠤᠭᠠ ᠬᠠᠪᠲᠠᠰᠤ ᠨᠢ ᠲᠣᠮᠣ ᠮᠥᠷᠲᠡᠭᠡᠨ ᠬᠠᠪᠲᠠᠭᠠᠢ᠂ ᠪᠡᠬᠢ ᠬᠠᠲᠠᠭᠤ᠂ ᠳᠥᠷᠪᠡᠨ ᠥᠨᠴᠥᠭᠲᠦ ᠰᠢᠭ ᠪᠣᠯᠳᠠᠭ᠃ ᠵᠡᠭᠦᠨ ᠪᠠᠷᠠᠭᠤᠨ ᠬᠣᠶᠠᠷ ᠬᠠᠪᠲᠠᠰᠤᠨ ᠤ᠋ ᠣᠷᠣᠢ ᠨᠢ ᠨᠢᠭᠲᠠ ᠵᠠᠯᠭᠠᠵᠤ ᠪᠠᠢᠳᠠᠭ᠃ ᠨᠢᠷᠤᠭᠤᠨ ᠤ᠋ ᠬᠣᠢᠨᠠ ᠬᠥᠪᠡᠭᠡ ᠨᠢ ᠤᠷᠲᠤ ᠮᠥᠷᠲᠡᠭᠡᠨ ᠲᠡᠭᠰᠢ᠂ ᠭᠦᠳᠦᠢᠭᠡᠳ ᠭᠤᠷᠪᠠᠯᠵᠢᠨ ᠬᠡᠯᠪᠡᠷᠢ ᠲᠡᠢ ᠳᠠᠷᠪᠠᠭᠤᠯ ᠰᠢᠭ᠋ ᠳᠠᠯᠠᠪᠴᠢ ᠪᠣᠯᠳᠠᠭ᠃ ᠨᠢᠷᠤᠭᠤᠨ ᠤ᠋ ᠡᠮᠦᠨᠡ ᠬᠥᠪᠡᠭᠡ ᠨᠢ ᠣᠬᠣᠷ ᠵᠢᠵᠢᠭ᠂ ᠡᠪᠡᠷ ᠰᠢᠭ ᠪᠣᠯᠳᠠᠭ᠃ ᠬᠡᠪᠡᠯᠢ ᠶ᠋ᠢᠨ ᠬᠥᠪᠡᠭᠡ ᠨᠢ ᠰᠢᠯᠤᠭᠤᠨ ᠰᠢᠬᠠᠭᠤ᠂ ᠵᠢᠭᠠᠬᠠᠨ ᠨᠣᠮᠤᠯᠢᠭ ᠬᠡᠯᠪᠡᠷᠢ ᠲᠡᠢ᠃ ᠬᠠᠪᠲᠠᠰᠤᠨ ᠤ᠋ ᠭᠠᠳᠠᠷ ᠨᠢ ᠭᠥᠯᠢᠭᠡᠷ ᠪᠤᠰᠤ᠂ ᠬᠠᠪᠲᠠᠰᠤᠨ ᠤ᠋ ᠣᠷᠣᠢ ᠶ᠋ᠢᠨ ᠬᠡᠰᠡᠭ ᠲᠤᠨᠢ ᠲᠤᠷᠤᠭ ᠪᠦᠳᠦᠭᠦᠨ ᠬᠠᠪᠢᠷᠭᠠ ᠰᠤᠳᠠᠯ ᠲᠠᠢ᠃ ᠥᠰᠦᠯᠲᠡ ᠶ᠋ᠢᠨ ᠱᠤᠭᠤᠮ ᠨᠢ ᠢᠵᠢᠯ ᠲᠥᠪᠲᠦ ᠬᠡᠯᠪᠡᠷᠢ ᠪᠡᠷ ᠵᠡᠷᠭᠡᠴᠡᠨᠡ᠃ ᠬᠣᠭᠣᠷᠣᠨᠳᠣᠬᠢ ᠵᠠᠢ ᠨᠢ ᠶᠡᠬᠡ᠂ ᠰᠤᠪᠤᠳ ᠤ᠋ᠨ ᠳᠠᠪᠬᠤᠷᠭᠠ ᠨᠢ ᠰᠦᠨ ᠴᠠᠭᠠᠨ ᠥᠩᠭᠡ ᠲᠡᠢ᠃
3. ᠠᠲᠤᠷᠢᠶᠠ ᠥᠪᠥᠩᠲᠦ ᠬᠢᠰᠤᠭᠠ ᠬᠠᠪᠲᠠᠰᠤ ᠨᠢ ᠨᠡᠯᠢᠶᠡᠳ ᠲᠣᠮᠣ᠂ ᠵᠢᠭᠠᠬᠠᠨ ᠲᠡᠩᠴᠡᠭᠦᠦ ᠪᠤᠰᠤ ᠭᠤᠷᠪᠠᠯᠵᠢᠨ ᠬᠡᠯᠪᠡᠷᠢ ᠲᠡᠢ᠃ ᠨᠢᠷᠤᠭᠤᠨ ᠤ᠋ ᠡᠮᠦᠨᠡ ᠬᠥᠪᠡᠭᠡ ᠶ᠋ᠢᠨ ᠥᠪᠥᠩ ᠨᠢ ᠲᠣᠳᠣ ᠦᠭᠡᠢ᠃ ᠠᠷᠤ ᠬᠡᠰᠡᠭ ᠨᠢ ᠥᠨᠳᠥᠷ᠂ ᠨᠢᠷᠤᠭᠤᠨ ᠤ᠋ ᠠᠷᠤ ᠬᠥᠪᠡᠭᠡ ᠨᠢ ᠳᠡᠭᠡᠭᠰᠢ ᠲᠠᠰᠢᠭᠤ ᠰᠤᠨᠵᠤ ᠲᠣᠮᠣ ᠤᠷᠲᠤ ᠬᠡᠯᠪᠡᠷᠢ ᠶ᠋ᠢᠨ ᠥᠪᠥᠩ ᠪᠣᠯᠳᠠᠭ᠃ ᠬᠠᠪᠲᠠᠰᠤᠨ ᠤ᠋ ᠠᠷᠤ ᠨᠢᠷᠤᠭᠤ ᠶ᠋ᠢᠨ ᠬᠡᠰᠡᠭ ᠲᠤᠨᠢ ᠬᠠᠪᠲᠠᠰᠤᠨ ᠤ᠋ ᠣᠷᠣᠢ ᠠ᠋ᠴᠠ ᠠᠷᠤᠨᠰᠢ ᠢᠳᠡᠭ ᠢᠳᠡᠭ ᠢ᠋ᠶ᠋ᠡᠷ ᠪᠦᠳᠦᠭᠦᠷᠡᠭᠰᠡᠨ ᠣᠯᠠᠨ ᠭᠤᠯᠳᠤ ᠬᠠᠪᠢᠷᠭᠠ ᠲᠠᠢ᠃ ᠬᠡᠪᠡᠯᠢ ᠶ᠋ᠢᠨ ᠬᠥᠪᠡᠭᠡ ᠨᠢ ᠰᠢᠯᠤᠭᠤᠨ ᠰᠢᠭ᠋᠃ ᠬᠠᠪᠲᠠᠰᠤᠨ ᠤ᠋ ᠭᠠᠳᠠᠷ ᠨᠢ ᠭᠦᠨ ᠰᠢᠷᠠ ᠨᠣᠭᠣᠭᠠᠨ ᠠ᠋ᠴᠠ ᠬᠠᠷᠠᠪᠲᠤᠷ ᠬᠦᠷᠡᠩ ᠥᠩᠭᠡ ᠲᠡᠢ᠂ᠬᠠᠪᠲᠠᠰᠤᠨ ᠤ᠋ ᠣᠷᠣᠢ ᠨᠢ ᠶᠡᠷᠦ ᠳ᠋ᠡᠭᠡᠨ ᠢᠳᠡᠭᠳᠡᠭᠰᠡᠨ ᠡᠴᠡ ᠪᠣᠯᠵᠤ, ᠭᠠᠳᠠᠷ ᠥᠩᠭᠡ ᠪᠡᠨ ᠠᠯᠳᠠᠳᠠᠭ᠃
[ ᠠᠮᠢᠳᠤᠷᠠᠬᠤ ᠣᠷᠴᠢᠨ ᠬᠢᠭᠡᠳ ᠲᠠᠷᠬᠠᠴᠠ] ᠨᠠᠭᠤᠷ ᠤ᠋ᠨ ᠬᠢᠰᠤᠭᠠ ᠪᠣᠯ ᠰᠠᠯᠬᠢ ᠳᠠᠪᠠᠯᠭᠠᠨ ᠪᠠᠭᠠ ᠳᠤᠯᠠᠭᠠᠨ ᠳᠠᠯᠠᠢ ᠶ᠋ᠢᠨ 1~10m ᠤ᠋ᠨ ᠭᠦᠨ ᠳ᠋ᠡᠬᠢ ᠬᠠᠳᠠ ᠴᠢᠯᠠᠭᠤ᠂ ᠬᠠᠢᠷ ᠡᠯᠡᠰᠦᠨ ᠳ᠋ᠦ᠍ ᠨᠠᠭᠠᠯᠳᠤᠵᠤ ᠠᠮᠢᠳᠤᠷᠠᠳᠠᠭ᠃ ᠡᠮᠦᠨᠡ ᠳᠠᠯᠠᠢ ᠲᠠᠷᠬᠠᠴᠠ ᠲᠠᠢ᠃ ᠭᠤᠷᠪᠠᠯᠵᠢᠨ ᠳᠠᠷᠪᠠᠭᠤᠯᠲᠤ ᠬᠢᠰᠤᠭᠠ ᠪᠣᠯᠤᠨ ᠠᠲᠤᠷᠢᠶᠠ ᠥᠪᠥᠩᠲᠦ ᠬᠢᠰᠤᠭᠠ ᠪᠣᠯ ᠴᠡᠩᠭᠡᠭ ᠤᠰᠤᠨ ᠳᠣᠣᠷᠠ ᠪᠤᠶᠤ ᠵᠢᠭᠠᠬᠠᠨ ᠡᠯᠡᠰᠦᠷᠬᠡᠭ ᠭᠣᠣᠯ ᠪᠠ ᠨᠠᠭᠤᠷ ᠲᠤ᠌ ᠠᠮᠢᠳᠤᠷᠠᠳᠠᠭ᠃ ᠭᠤᠷᠪᠠᠯᠵᠢᠨ ᠳᠠᠷᠪᠠᠭᠤᠯᠲᠤ ᠬᠢᠰᠤᠭᠠ ᠾᠧᠪᠧᠢ᠂ ᠠᠨᠾᠦ᠋ᠢ ᠵᠢᠶᠠᠩᠰᠦ᠂ ᠵᠧᠵᠢᠶᠠᠩ ᠳ᠋ᠤ᠌ ᠲᠠᠷᠬᠠᠴᠠ ᠲᠠᠢ᠂ ᠠᠳᠠᠷᠢ ᠥᠪᠥᠩᠲᠦ ᠬᠢᠰᠤᠭᠠ ᠪᠦᠬᠦ ᠤᠯᠤᠰ ᠲᠤ᠌ ᠲᠠᠷᠬᠠᠴᠠ ᠲᠠᠢ᠃ᠤᠯᠤᠰ ᠤ᠋ᠨ ᠳᠣᠲᠣᠭᠠᠳᠤ ᠳ᠋ᠤ᠌ ᠨᠡᠢᠳᠡᠮ ᠲᠡᠵᠢᠭᠡᠵᠦ ᠪᠣᠢ ᠃
[ ᠲᠡᠭᠦᠵᠦ ᠪᠣᠯᠪᠠᠰᠤᠷᠠᠭᠤᠯᠬᠤ] ᠪᠦᠬᠦ ᠵᠢᠯ ᠳ᠋ᠡᠭᠡᠨ ᠪᠦᠷ ᠠᠪᠴᠤ ᠪᠣᠯᠤᠨᠠ᠃ ᠬᠢᠰᠤᠭᠠ ᠶ᠋ᠢ ᠱᠦᠭᠦᠵᠦ ᠠᠪᠤᠭᠰᠠᠨ ᠤ᠋ ᠰᠡᠭᠦᠯᠡᠷ ᠬᠠᠭᠠᠯᠵᠤ ᠠᠪᠤᠭᠠᠳ ᠤᠬᠢᠶᠠᠨᠠ᠃
[ ᠠᠮᠲᠠ᠂ ᠴᠢᠨᠠᠷ᠂ ᠡᠷᠳᠡᠮ] ᠠᠮᠲᠠᠯᠢᠭ᠂ ᠳᠠᠪᠤᠰᠤᠯᠢᠭ ᠠᠮᠲᠠ ᠲᠠᠢ; ᠲᠡᠭᠰᠢ ᠴᠢᠨᠠᠷ ᠲᠠᠢ ᠃
[ ᠴᠢᠳᠠᠯ ᠪᠠ ᠭᠣᠣᠯᠳᠠᠭᠤ ᠵᠠᠰᠠᠬᠤ] ᠲᠠᠷᠢᠬᠢᠨ ᠤ᠋ ᠭᠡᠮᠲᠦᠯ ᠢ᠋ ᠠᠨᠠᠭᠠᠬᠤ᠂ ᠬᠣᠣᠷ ᠢ᠋ ᠲᠠᠢᠯᠬᠤ᠂ ᠲᠠᠢᠳᠬᠤᠷᠠᠭᠤᠯᠬᠤ ᠴᠢᠳᠠᠯ ᠲᠠᠢ᠃ ᠭᠣᠣᠯᠳᠠᠭᠤ ᠲᠠᠷᠢᠬᠢ ᠰᠠ᠂ ᠬᠣᠣᠷ ᠡᠪᠡᠳᠴᠢᠨ᠂ ᠲᠤᠯᠠᠢ᠂ ᠬᠡᠷᠦᠬᠦ᠂ ᠶᠠᠷᠠ ᠰᠢᠷᠬᠠ ᠶ᠋ᠢ ᠵᠠᠰᠠᠬᠤ ᠳ᠋ᠤ᠌ ᠬᠡᠷᠡᠭᠯᠡᠨᠡ᠃
[ ᠳᠠᠭᠠᠯᠳᠤᠭᠤᠯᠤᠯ] ᠰᠤᠪᠤᠳ ᠤ᠋ᠨ ᠬᠢᠰᠤᠭᠠ ᠪᠣᠯ ᠳᠡᠭᠡᠷᠡᠬᠢ ᠰᠤᠪᠤᠳ ᠭᠠᠷᠳᠠᠭ ᠬᠢᠰᠤᠭᠠ ᠶ᠋ᠢᠨ ᠵᠦᠢᠯ ᠲᠡᠢ ᠠᠳᠠᠯᠢ ᠬᠠᠪᠲᠠᠰᠤ ᠮᠥᠨ᠃ ᠪᠠᠰᠠ ᠨᠢᠶᠠᠴᠢ᠂ ᠨᠢᠶᠠᠵᠤᠭ ᠭᠡᠳᠡᠭ᠃ ᠴᠢᠳᠠᠯ ᠪᠠ ᠭᠣᠣᠯᠳᠠᠭᠤ ᠵᠠᠰᠠᠬᠤ ᠨᠢ ᠰᠤᠪᠤᠳ ᠲᠠᠢ ᠠᠳᠠᠯᠢ᠃
ᠬᠢᠲᠠᠳ ᠨᠡᠷᠡ᠄珍珠.(1马氏珍珠贝.2.三角帆蚌.3.褶纹冠蚌.4.珍珠母. 5.珍玫母.)
ᠠᠩᠭ᠌ᠯᠢ ᠨᠡᠷᠡ᠄1.Pteria martensii Dunler . 2.Hyriopsis cumingii Lea . 3.Cristaria plicata Leach
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠡᠷᠳᠡᠨᠢᠭᠣᠸᠠ
ᠬᠢᠨᠠᠭᠴᠢ᠄ ᠲᠤᠶᠠᠭᠠ ᠤᠷᠠᠨᠴᠢᠮᠡᠭ