ᠮᠣᠭᠠᠢ ᠶ᠋ᠢᠨ ᠵᠤᠯᠪᠤᠳᠠᠰᠤMogoin zulbadasМогойн зулбадас
173
ᠮᠣᠭᠠᠢ ᠶ᠋ᠢᠨ ᠵᠤᠯᠪᠤᠳᠠᠰᠤ
ᠲᠤᠰ ᠡᠮ ᠪᠣᠯ ᠵᠠᠢᠭᠤᠯ ᠮᠣᠭᠠᠢ ᠶ᠋ᠢᠨ ᠢᠵᠠᠭᠤᠷ ᠤ᠋ᠨ ᠠᠮᠢᠲᠠᠨ ᠪᠣᠯᠬᠤ ᠬᠠᠷᠠ ᠬᠥᠮᠦᠰᠬᠡᠲᠦ ᠬᠡᠮᠡᠷᠯᠢᠭ ᠮᠣᠭᠠᠢ᠂ ᠬᠡᠮᠡᠷᠯᠢᠭ ᠮᠣᠭᠠᠢ ᠵᠡᠷᠭᠡ ᠣᠯᠠᠨ ᠵᠦᠢᠯ ᠦ᠋ᠨ ᠮᠣᠭᠠᠢ ᠶ᠋ᠢᠨ ᠵᠤᠯᠪᠤᠳᠠᠰᠤ ᠮᠥᠨ᠃ ᠪᠠᠰᠠ ᠪᠦᠷᠦ᠋ᠨᠪᠠᠭ ᠭᠡᠳᠡᠭ᠃
[ ᠤᠤᠯ ᠠᠮᠢᠲᠠᠨ]1. ᠬᠠᠷᠠ ᠬᠥᠮᠦᠰᠬᠡᠲᠦ ᠬᠡᠮᠡᠷᠯᠢᠭ ᠮᠣᠭᠠᠢ ᠤᠷᠲᠤ ᠨᠢ1.7cm ᠣᠷᠴᠢᠮ᠂ ᠬᠣᠰᠢᠭᠤ ᠶ᠋ᠢᠨ ᠬᠠᠢᠷᠰᠤ ᠶ᠋ᠢᠨ ᠥᠷᠭᠡᠨ ᠨᠢ ᠥᠨᠳᠥᠷ ᠡᠴᠡ ᠨᠢ ᠵᠢᠭᠠᠬᠠᠨ ᠶᠡᠬᠡ᠃ᠵᠠᠪᠠᠵᠢ ᠶ᠋ᠢᠨ ᠬᠠᠢᠷᠰᠤ ᠶ᠋ᠢᠨ ᠳᠡᠭᠡᠳᠦ ᠬᠥᠪᠡᠭᠡ ᠨᠢ ᠵᠤᠤᠪᠠᠩ ᠲᠣᠭᠣᠷᠢᠭ ᠬᠡᠯᠪᠡᠷᠢ ᠲᠡᠢ᠃ ᠨᠢᠳᠦᠨ ᠦ᠌ ᠡᠮᠦᠨᠡ ᠬᠠᠢᠷᠰᠤ ᠨᠢ2—3 ᠢᠯᠲᠠᠰᠤ᠂ ᠮᠠᠩᠨᠠᠢ ᠬᠠᠢᠷᠰᠤ ᠲᠠᠢ ᠪᠠᠨ ᠵᠠᠯᠭᠠᠬᠤ ᠦᠭᠡᠢ᠃ ᠨᠢᠳᠦᠨ ᠦ᠌ ᠠᠷᠤ ᠶ᠋ᠢᠨ ᠬᠠᠢᠷᠰᠤ ᠨᠢ2 ᠢᠯᠲᠠᠰᠤ᠃ ᠡᠮᠦᠨᠡ ᠴᠢᠮᠠᠷᠬᠠᠢ ᠬᠠᠢᠷᠰᠤ ᠨᠢ2 ᠢᠯᠲᠠᠰᠤ᠃ ᠬᠣᠢᠲᠤ ᠴᠢᠮᠠᠷᠬᠠᠢ ᠬᠠᠢᠷᠰᠤ ᠨᠢ3 ᠢᠯᠲᠠᠰᠤ᠃ ᠳᠡᠭᠡᠳᠦ ᠤᠷᠤᠭᠤᠯ ᠤ᠋ᠨ ᠬᠠᠢᠷᠰᠤ ᠨᠢ9 ᠢᠯᠲᠠᠰᠤ᠃ ᠳᠣᠣᠷᠠᠲᠤ ᠤᠷᠤᠭᠤᠯ ᠤ᠋ᠨ ᠬᠠᠢᠷᠰᠤ ᠨᠢ11 ᠢᠯᠲᠠᠰᠤ᠃ ᠲᠣᠯᠣᠭᠠᠢ ᠨᠢ ᠬᠦᠷᠡᠩ ᠰᠢᠷᠠ ᠥᠩᠭᠡ ᠲᠡᠢ᠃ ᠵᠠᠪᠠᠵᠢ ᠶ᠋ᠢᠨ ᠬᠠᠢᠷᠰᠤ ᠠ᠋ᠴᠠ ᠳᠡᠭᠡᠳᠦ ᠤᠷᠤᠭᠤᠯ ᠤ᠋ᠨ ᠬᠠᠮᠤᠭ ᠰᠡᠭᠦᠯᠴᠢ ᠶ᠋ᠢᠨ ᠬᠣᠶᠠᠷ ᠬᠠᠢᠷᠰᠤ ᠶ᠋ᠢᠨ ᠳᠡᠭᠡᠳᠦ ᠬᠠᠭᠠᠰ ᠬᠡᠰᠡᠭ ᠨᠢ ᠬᠠᠷᠠ ᠥᠩᠭᠡ ᠲᠡᠢ᠂ ᠰᠢᠷᠠ ᠲᠣᠯᠪᠣ ᠲᠠᠢ ᠲᠤᠯᠠ ᠬᠠᠷᠠ ᠬᠥᠮᠥᠰᠬᠡ ᠠᠳᠠᠯᠢ᠃ ᠳᠡᠭᠡᠳᠦ ᠤᠷᠤᠭᠤᠯ ᠪᠠ ᠬᠣᠭᠣᠯᠠᠢ ᠵᠠᠯᠭᠢᠭᠤᠷ ᠤ᠋ᠨ ᠬᠡᠰᠡᠭ ᠨᠢ ᠰᠢᠷᠠ ᠥᠩᠭᠡ ᠲᠡᠢ᠃ ᠨᠢᠷᠤᠭᠤ ᠨᠢ ᠨᠠᠩᠭᠢᠶᠠᠳ ᠠᠷᠤᠷᠠ ᠶ᠋ᠢᠨ ᠥᠩᠭᠡ ᠲᠡᠢ ᠪᠥᠭᠡᠳ4 ᠵᠤᠷᠪᠤᠰ ᠤᠷᠲᠤᠯᠵᠢᠨ ᠬᠠᠷᠠ ᠵᠢᠷᠤᠭᠠᠰᠤ ᠲᠠᠢ᠃ ᠬᠦᠵᠦᠭᠦᠦ ᠡᠴᠡ ᠬᠣᠢᠰᠢ ᠪᠠᠨ ᠳᠡᠭᠡᠰᠦᠨ ᠱᠠᠲᠤ ᠰᠢᠭ᠋ ᠠᠯᠠᠭ ᠡᠷᠢᠶᠡᠨ᠃ ᠪᠡᠶᠡ ᠶ᠋ᠢᠨ ᠬᠠᠵᠠᠭᠤ ᠶ᠋ᠢᠨ ᠡᠮᠦᠨᠡ ᠬᠡᠰᠡᠭ ᠲᠤᠨᠢ ᠤᠷᠲᠤᠯᠵᠢᠨ ᠵᠠᠮᠪᠠᠷᠠᠭᠠ ᠦᠭᠡᠢ ᠬᠠᠷᠠ ᠲᠣᠯᠪᠣ ᠲᠠᠢ᠃ ᠰᠡᠭᠦᠯ ᠦ᠋ᠨ ᠬᠠᠭᠠᠰ ᠬᠡᠰᠡᠭ ᠨᠢ ᠠᠶᠠᠨᠳᠠᠭᠠᠨ ᠶᠡᠬᠡᠳᠴᠦ᠂ ᠬᠠᠷᠠ ᠥᠩᠭᠡ ᠲᠡᠢ ᠤᠷᠲᠤᠯᠵᠢᠨ ᠪᠦᠰᠡ ᠪᠣᠯᠳᠠᠭ᠃ ᠰᠡᠭᠦᠯ ᠦ᠋ᠨ ᠠᠷᠤ ᠨᠢ ᠰᠢᠷᠠ᠂ ᠳᠣᠣᠷᠠ ᠲᠠᠯᠠ ᠪᠠ ᠬᠠᠵᠠᠭᠤ ᠨᠢ ᠰᠢᠷᠠᠩᠭᠤᠢ᠃
2 ᠬᠡᠮᠡᠷᠯᠢᠭ ᠮᠣᠭᠠᠢ ᠤᠷᠲᠤ ᠨᠢ1.8m. ᠲᠣᠯᠣᠭᠠᠢ ᠶ᠋ᠢᠨ ᠬᠡᠰᠡᠭ ᠨᠢ ᠬᠦᠵᠦᠭᠦᠦ ᠡᠴᠡ ᠪᠡᠨ ᠵᠢᠭᠠᠬᠠᠨ ᠲᠣᠮᠣ᠃ᠡᠮᠦᠨᠡ ᠮᠠᠩᠨᠠᠢ ᠶ᠋ᠢᠨ ᠬᠠᠢᠷᠰᠤ ᠶ᠋ᠢᠨ ᠥᠷᠭᠡᠨ ᠨᠢ ᠤᠷᠲᠤ ᠠ᠋ᠴᠠ ᠨᠢ ᠶᠡᠬᠡ᠂ ᠬᠣᠶᠠᠷ ᠬᠠᠢᠷᠰᠤ ᠶ᠋ᠢᠨ ᠬᠣᠭᠣᠷᠣᠨᠳᠣᠬᠢ ᠵᠠᠭᠠᠳᠠᠰᠤ ᠱᠤᠭᠤᠮ ᠨᠢ ᠬᠠᠮᠠᠷ ᠤ᠋ᠨ ᠬᠣᠭᠣᠷᠣᠨᠳᠣᠬᠢ ᠬᠠᠢᠷᠰᠤ ᠠ᠋ᠴᠠ ᠪᠠᠨ ᠤᠷᠲᠤ᠃ ᠮᠠᠩᠨᠠᠢ ᠶ᠋ᠢᠨ ᠬᠠᠢᠷᠰᠤ ᠶ᠋ᠢᠨ ᠡᠮᠦᠨᠡ ᠲᠠᠯᠠ ᠨᠢ ᠠᠷᠤ ᠲᠠᠯᠠ ᠠ᠋ᠴᠠ ᠪᠠᠨ ᠵᠢᠭᠠᠬᠠᠨ ᠥᠷᠭᠡᠨ᠃ ᠲᠣᠯᠣᠭᠠᠢ ᠶ᠋ᠢᠨ ᠣᠷᠣᠢ ᠶ᠋ᠢᠨ ᠬᠠᠢᠷᠰᠤ ᠨᠢ ᠥᠷᠭᠡᠨ ᠲᠣᠮᠣ᠃ ᠡᠮᠦᠨᠡ ᠬᠠᠮᠠᠷ ᠤ᠋ᠨ ᠬᠠᠢᠷᠰᠤ ᠨᠢ ᠨᠠᠷᠢᠨ ᠤᠷᠲᠤ᠂ ᠬᠣᠢᠨᠠ ᠬᠠᠮᠠᠷ ᠤ᠋ᠨ ᠬᠠᠢᠷᠰᠤ ᠨᠢ ᠥᠷᠭᠡᠨ ᠶᠡᠬᠡ᠂ ᠬᠠᠮᠠᠷ ᠤ᠋ᠨ ᠨᠦᠬᠡ ᠨᠢ ᠲᠣᠮᠣ ᠪᠥᠭᠡᠳ ᠬᠠᠮᠠᠷ ᠤ᠋ᠨ2 ᠬᠠᠢᠷᠰᠤ ᠶ᠋ᠢᠨ ᠳᠤᠮᠳᠠ ᠠ᠋ᠴᠠ ᠵᠢᠭᠠᠬᠠᠨ ᠠᠷᠤ ᠳ᠋ᠤ᠌ ᠪᠠᠢᠷᠢᠯᠠᠨᠠ᠃ ᠨᠢᠳᠦᠨ ᠦ᠌ ᠡᠮᠦᠨᠡ ᠬᠠᠢᠷᠰᠤ ᠨᠢ 2 ᠢᠯᠲᠠᠰᠤ᠂ ᠵᠠᠷᠢᠮ ᠳ᠋ᠠᠭᠠᠨ3 ᠢᠯᠲᠠᠰᠤ᠂1 ᠢᠯᠲᠠᠰᠤ ᠲᠠᠢ ᠨᠢ ᠮᠠᠰᠢ ᠴᠥᠭᠡᠨ᠃ ᠨᠢᠳᠦᠨ ᠦ᠌ ᠠᠷᠤ ᠬᠠᠢᠷᠰᠤ ᠨᠢ2 ᠢᠯᠲᠠᠰᠤ᠃ᠡᠮᠦᠨᠡ ᠴᠢᠮᠠᠷᠬᠠᠢ ᠬᠠᠢᠷᠰᠤ ᠨᠢ2 ᠢᠯᠲᠠᠰᠤ᠂ ᠨᠠᠷᠢᠨ ᠤᠷᠲᠤ᠂ ᠬᠠᠶᠠ ᠳ᠋ᠠᠭᠠᠨ3 ᠢᠯᠲᠠᠰᠤ ᠲᠠᠢ ᠴᠣ ᠪᠣᠢ᠃ ᠠᠷᠤ ᠴᠢᠮᠠᠷᠬᠠᠢ ᠶ᠋ᠢᠨ ᠬᠠᠢᠷᠰᠤ ᠨᠢ3ᠢᠯᠲᠠᠰᠤ᠂ ᠣᠬᠣᠷ ᠮᠥᠷᠲᠡᠭᠡᠨ ᠥᠷᠭᠡᠨ᠃ ᠳᠡᠭᠡᠳᠦ ᠤᠷᠤᠭᠤᠯ ᠤ᠋ᠨ ᠬᠠᠢᠷᠰᠤ ᠨᠢ8 ᠢᠯᠲᠠᠰᠤ ᠪᠥᠭᠡᠳ4·5 ᠳ᠋ᠤᠭᠠᠷ ᠬᠣᠶᠠᠷ ᠢᠯᠲᠠᠰᠤ ᠨᠢ ᠨᠢᠳᠦᠨ ᠳ᠋ᠦ᠍ ᠣᠷᠣᠨᠠ᠃7 ᠳ᠋ᠤᠭᠠᠷ ᠢᠯᠲᠠᠰᠤ ᠨᠢ ᠬᠠᠮᠤᠭ ᠲᠣᠮᠣ᠃ ᠵᠠᠪᠠᠵᠢᠨ ᠬᠠᠢᠷᠰᠤ ᠨᠢ1ᠢᠯᠲᠠᠰᠤ᠂ ᠬᠠᠶᠠ ᠳ᠋ᠠᠭᠠᠨ 2 ᠢᠯᠲᠠᠰᠤ ᠪᠠᠢᠳᠠᠭ᠃ ᠨᠢᠷᠤᠭᠤ ᠪᠣᠯᠤᠨ ᠲᠣᠯᠣᠭᠠᠢ ᠶ᠋ᠢᠨ ᠬᠡᠰᠡᠭ ᠦ᠋ᠨ ᠬᠠᠢᠷᠰᠤᠨ ᠢᠯᠲᠠᠰᠤ ᠶ᠋ᠢᠨ ᠳᠥᠷᠪᠡᠨ ᠲᠠᠯᠠ ᠪᠠᠷ ᠨᠢ ᠬᠠᠷᠠ᠂ ᠭᠣᠣᠯ ᠨᠢ ᠰᠢᠷᠠ᠂ ᠪᠡᠶᠡ ᠶ᠋ᠢᠨ ᠡᠮᠦᠨᠡ ᠬᠠᠭᠠᠰ ᠬᠡᠰᠡᠭ ᠨᠢ30 ᠵᠤᠷᠪᠤᠰ ᠣᠷᠴᠢᠮ ᠮᠡᠳᠡᠭᠳᠡᠮᠡ ᠰᠢᠷᠠ ᠥᠩᠭᠡ ᠲᠡᠢ ᠬᠥᠨᠳᠡᠯᠡᠨ ᠲᠠᠰᠢᠭᠤ ᠡᠷᠢᠶᠡᠨ ᠲᠡᠢ ᠪᠥᠭᠡᠳ ᠪᠡᠶᠡ ᠶ᠋ᠢᠨ ᠬᠣᠢᠨᠠ ᠬᠠᠭᠠᠰ ᠬᠡᠰᠡᠭ ᠲᠦ᠍ ᠬᠦᠷᠦᠭᠡᠳ ᠠᠷᠢᠯᠤᠨᠠ᠃ ᠵᠥᠪᠬᠡᠨ ᠬᠠᠢᠷᠰᠤᠨ ᠤ᠋ ᠭᠣᠣᠯ ᠳ᠋ᠤᠨᠢ ᠰᠢᠷᠠ ᠲᠣᠯᠪᠣ ᠲᠠᠢ᠃ ᠬᠡᠪᠡᠯᠢ ᠨᠢ ᠰᠢᠷᠠ᠂ ᠬᠠᠷᠠ ᠡᠷᠢᠶᠡᠨ ᠲᠣᠯᠪᠣ ᠲᠠᠢ᠃
[ ᠠᠮᠢᠳᠤᠷᠠᠬᠤ ᠣᠷᠴᠢᠨ ᠬᠢᠭᠡᠳ ᠲᠠᠷᠬᠠᠴᠠ] ᠬᠠᠷᠠ ᠬᠥᠮᠦᠰᠬᠡᠲᠦ ᠬᠡᠮᠡᠷᠯᠢᠭ ᠮᠣᠭᠠᠢ ᠪᠣᠯ ᠣᠯᠠᠩᠬᠢ ᠳ᠋ᠠᠭᠠᠨ ᠭᠡᠷ ᠲᠦ᠍ ᠠᠮᠢᠳᠤᠷᠠᠵᠤ ᠬᠤᠯᠤᠭᠠᠨᠠ᠂ ᠰᠢᠪᠠᠭᠤ ᠪᠠᠷ ᠲᠡᠵᠢᠭᠡᠯ ᠪᠣᠯᠭᠠᠳᠠᠭ᠃ ᠬᠣᠣᠷ ᠦᠭᠡᠢ᠃ ᠬᠡᠮᠡᠷᠯᠢᠭ ᠮᠣᠭᠠᠢ ᠪᠣᠯ ᠣᠯᠠᠩᠬᠢ ᠳ᠋ᠠᠭᠠᠨ ᠥᠨᠳᠥᠷ ᠠᠭᠤᠯᠠ ᠪᠠ ᠲᠠᠯᠠ ᠭᠠᠵᠠᠷ ᠠᠮᠢᠳᠤᠷᠠᠵᠤ ᠪᠤᠰᠤᠳ ᠵᠦᠢᠯ ᠦ᠋ᠨ ᠮᠣᠭᠠᠢ ᠪᠠᠷ ᠢᠳᠡᠰᠢᠯᠡᠳᠡᠭ᠃ ᠬᠠᠷᠠ ᠬᠥᠮᠦᠰᠬᠡᠲᠦ ᠬᠡᠮᠡᠷᠯᠢᠭ ᠮᠣᠭᠠᠢ ᠾᠧᠪᠧᠢ ᠡᠴᠡ ᠬᠥᠬᠡᠮᠦ᠋ᠷᠡᠨ ᠦ᠌ ᠤᠷᠤᠰᠬᠠᠯ ᠳᠠᠭᠠᠤ ᠣᠷᠣᠨ ᠵᠢᠴᠢ ᠪᠠᠷᠠᠭᠤᠨ ᠡᠮᠦᠨᠡᠲᠦ ᠣᠷᠣᠨ ᠳ᠋ᠤ᠌ ᠲᠠᠷᠬᠠᠴᠠ ᠲᠠᠢ᠃ ᠬᠡᠮᠡᠷᠯᠢᠭ ᠮᠣᠭᠠᠢ ᠪᠣᠯ ᠠᠨᠾᠦ᠋ᠢ᠂ ᠵᠢᠶᠠᠩᠰᠦ᠂ ᠵᠧᠵᠢᠶᠠᠩ᠂ ᠹᠦᠵᠢᠶᠠᠨ᠂ ᠲᠠᠢᠸᠠᠨ᠂ ᠭᠤᠸᠠᠩᠳᠦ᠋ᠩ
ᠬᠤᠪᠧᠢ᠂ ᠰᠧᠴᠤᠸᠠᠨ᠂ ᠶᠦᠨᠨᠠᠨ ᠳ᠋ᠤ᠌ ᠲᠠᠷᠬᠠᠴᠠ ᠲᠠᠢ᠃ [ ᠡᠳ᠋ᠰᠢᠭᠦᠯᠦᠨ ᠪᠣᠯᠪᠠᠰᠤᠷᠠᠭᠤᠯᠬᠤ] ᠬᠠᠪᠤᠷ ᠵᠤᠨ ᠤ᠋ ᠬᠣᠭᠣᠷᠣᠨᠳᠣ ᠪᠤᠶᠤ ᠡᠪᠦᠯ ᠦ᠋ᠨ ᠡᠬᠢᠨ ᠳ᠋ᠦ᠍ ᠴᠤᠭᠯᠠᠭᠤᠯᠵᠤ᠂ ᠰᠢᠪᠡᠷ ᠰᠢᠷᠣᠢ ᠶ᠋ᠢ ᠨᠢ ᠠᠷᠢᠯᠭᠠᠭᠠᠳ ᠬᠠᠲᠠᠭᠠᠨᠠ᠃
[ ᠠᠮᠲᠠ᠂ ᠴᠢᠨᠠᠷ᠂ ᠡᠷᠳᠡᠮ] ᠠᠮᠲᠠᠯᠢᠭ᠂ ᠳᠠᠪᠤᠰᠤᠯᠢᠭ ᠠᠮᠲᠠ ᠲᠠᠢ᠂ ᠲᠡᠭᠰᠢ ᠴᠢᠨᠠᠷ ᠲᠠᠢ᠂ ᠪᠠᠭᠠ ᠬᠣᠣᠷ ᠲᠠᠢ᠃
[ ᠴᠢᠳᠠᠯ ᠪᠠ ᠭᠣᠣᠯᠳᠠᠭᠤ ᠵᠠᠰᠠᠬᠤ] ᠥᠭᠡᠷᠢ ᠰᠢᠷᠠ ᠤᠰᠤ ᠶ᠋ᠢ ᠬᠠᠲᠠᠭᠠᠬᠤ᠂ ᠬᠠᠪᠤᠳᠠᠷ ᠢ᠋ ᠬᠠᠷᠢᠭᠤᠯᠬᠤ᠂ ᠬᠣᠷᠣᠬᠠᠢ ᠶ᠋ᠢ ᠨᠢᠲᠤᠯᠬᠤ᠂ ᠵᠠᠭᠠᠲᠤᠨᠠᠬᠤ ᠶ᠋ᠢ ᠵᠣᠭᠰᠣᠭᠠᠬᠤ ᠴᠢᠳᠠᠯ ᠲᠠᠢ᠃ ᠭᠣᠣᠯᠳᠠᠭᠤ ᠠᠯᠠᠭ ᠮᠠᠷᠢᠶᠠ᠂ ᠬᠠᠮᠠᠭᠤ᠂ ᠢᠯᠢᠳᠦ᠂ ᠨᠢᠰᠤᠭᠤ ᠭᠦᠪᠳᠦᠷᠦᠦ ᠵᠡᠷᠭᠡ ᠶ᠋ᠢ ᠵᠠᠰᠠᠬᠤ ᠳ᠋ᠤ᠌ ᠬᠡᠷᠡᠭᠯᠡᠨᠡ᠃
ᠬᠢᠲᠠᠳ ᠨᠡᠷᠡ᠄蛇蜕（1.黑眉锦蛇2.锦蛇)
ᠠᠩᠭ᠌ᠯᠢ ᠨᠡᠷᠡ᠄1.Elaphe taeniurus Gope 2.Elaphe carinata Gunther
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠲᠤᠶᠠᠭᠠ
ᠬᠢᠨᠠᠭᠴᠢ᠄ ᠣᠶᠤᠨᠴᠢᠮᠡᠭ ᠤᠷᠠᠨᠴᠢᠮᠡᠭ