ᠥᠭᠡᠬᠦᠨᠳᠡᠢ ᠶ᠋ᠢᠨ ᠰᠢᠯᠢ-ᠪᠠᠲᠤÖökhöndein shil-BatӨөхөндэйн шил-Бат
450ᠥᠭᠡᠬᠦᠨᠳᠡᠢ ᠶ᠋ᠢᠨ ᠰᠢᠯᠢ
ᠪᠠᠲᠤ᠄ ᠵᠠ᠂ ᠥᠭᠡᠬᠦᠨᠳᠡᠢ ᠶ᠋ᠢᠨ ᠰᠢᠯᠢ ᠭᠡᠰᠡᠨ ᠰᠢᠨᠡ ᠳᠠᠭᠤᠤ ᠮᠠᠨᠢ ᠣᠳᠣ ᠮᠠᠨ ᠤ᠋ ᠤᠷᠠᠨ ᠪᠦᠲᠦᠭᠡᠯ ᠲᠦᠮᠡᠨ ᠣᠯᠠᠨ ᠳ᠋ᠤ᠌ ᠪᠠᠨ ᠰᠣᠨᠣᠷᠳᠠᠬᠤ ᠪᠣᠯᠤᠯᠠ᠃ ᠥᠭᠡᠬᠦᠨᠳᠡᠢ ᠶ᠋ᠢᠨ ᠰᠢᠯᠢ ᠡᠨᠡ ᠨᠤᠲᠤᠭ ᠪᠣᠯ ᠮᠠᠨ ᠤ᠋ ᠠᠷᠤ ᠬᠣᠷᠴᠢᠨ ᠬᠤᠰᠢᠭᠤᠨ ᠤ᠋ ᠬᠠᠮᠤᠭ ᠤ᠋ᠨ ᠬᠣᠢᠲᠤ ᠵᠠᠬᠠ ᠲᠠᠯᠢᠨᠬᠤᠸᠠ ᠶ᠋ᠢᠨ ᠡᠮᠦᠨᠡ ᠲᠠᠯᠠ ᠳ᠋ᠤ᠌ ᠪᠠᠢᠳᠠᠭ᠃ ᠲᠩᠷᠢ ᠡᠴᠡ ᠬᠠᠷᠪᠤᠵᠤ ᠪᠠᠭᠤᠭᠰᠠᠨ ᠰᠣᠯᠢᠷ ᠣᠳᠣ ᠨᠤᠭᠤᠳ ᠬᠣᠨᠢᠨ ᠰᠦᠷᠦᠭ ᠰᠢᠭ ᠪᠤᠲᠠᠷᠠᠵᠤ ᠪᠠᠭᠤᠭᠰᠠᠨ ᠴᠢᠯᠠᠭᠤ ᠨᠤᠭᠤᠳ ᠪᠠᠢᠳᠠᠭ᠃ ᠶᠠᠷᠢᠶᠠᠨ ᠦᠭᠡᠢ ᠮᠠᠨ ᠤ᠋ ᠪᠠᠶᠠᠡᠦ᠌ᠨᠳᠦᠷ ᠨᠤᠲᠤᠭ ᠪᠣᠯ ᠶᠣᠰᠣᠲᠠᠢ ᠰᠠᠢᠬᠠᠨ ᠪᠠᠢᠭᠠᠯᠢ ᠶ᠋ᠢᠨ ᠦᠵᠡᠮᠵᠢ ᠶ᠋ᠢᠨ ᠣᠷᠣᠨ᠂ ᠬᠠᠮᠠᠭᠠᠯᠠᠯᠲᠠ ᠶ᠋ᠢᠨ ᠴᠦ᠍ ᠣᠷᠣᠨ᠃ ᠲᠡᠢᠮᠦ ᠰᠠᠢᠬᠠᠨ ᠭᠠᠵᠠᠷ ᠨᠤᠲᠤᠭ ᠃ ᠡᠨᠡ ᠰᠠᠢᠬᠠᠨ ᠨᠤᠲᠤᠭ ᠳᠡᠭᠡᠷᠡ ᠡᠢᠮᠦ ᠰᠠᠢᠬᠠᠨ ᠥᠭᠡᠬᠦᠨᠳᠡᠢ ᠴᠢᠯᠠᠭᠤ ᠨᠤᠭᠤᠳ ᠬᠣᠨᠢᠨ ᠰᠦᠷᠦᠭ ᠰᠢᠭ ᠪᠤᠲᠠᠷᠠᠭᠠᠳ ᠴᠠᠢᠷᠠᠭᠰᠠᠨ ᠨᠢ ᠣᠳᠣ ᠮᠢᠨᠦ ᠰᠢᠯᠦᠭ ᠲᠦ᠍ ᠭᠠᠷᠤᠭᠰᠠᠨ ᠃ ᠲᠡᠷᠡ ᠰᠢᠯᠦᠭ ᠦ᠋ᠨ ᠦᠭᠡᠨ ᠳ᠋ᠦ᠍ ᠲᠩᠷᠢ ᠶ᠋ᠢᠨ ᠵᠠᠭᠠᠳᠠᠰᠤ ᠪᠤᠲᠠᠷᠠᠵᠤ ᠪᠠᠭᠤᠭᠰᠠᠨ ᠲᠡᠨᠢᠭᠡᠷ ᠰᠢᠯᠢ ᠴᠢᠮᠡᠭ ᠪᠠᠢᠨᠠ ᠭᠡᠵᠦ ᠪᠢᠴᠢᠭᠰᠡᠨ᠃
ᠨᠤᠲᠤᠭ ᠮᠢᠨᠢ ᠡᠢᠮᠦ ᠰᠡᠳᠬᠢᠯ ᠳ᠋ᠦ᠍ ᠪᠠᠬᠠᠳᠤᠮᠠ ᠨᠢᠳᠦ ᠳᠦᠭᠦᠷᠭᠡᠮᠡ ᠦᠵᠡᠮᠵᠢ ᠪᠦᠷᠢᠳᠦᠭᠰᠡᠨ ᠡᠢᠮᠦ ᠰᠠᠢᠬᠠᠨ ᠨᠤᠲᠤᠭ ᠪᠣᠯᠬᠣᠷ ᠬᠡᠨ ᠴᠦ᠍ ᠭᠡᠰᠡᠨ ᠬᠠᠢᠷᠠᠯᠠᠵᠤ ᠶᠠᠪᠤᠨᠠ᠃ ᠲᠡᠷᠡ ᠮᠥᠷᠲᠡᠭᠡᠨ ᠳᠠᠭᠤᠨ ᠳ᠋ᠤ᠌ ᠮᠥᠩᠬᠡᠯᠡᠭᠡᠳ ᠦᠯᠡᠳᠡᠭᠡᠬᠦ ᠳ᠋ᠦ᠍ ᠬᠣᠢᠴᠢ ᠶ᠋ᠢᠨ ᠦᠷᠡ ᠬᠡᠦᠬᠡᠳ ᠬᠦᠷᠲᠡᠯᠡ ᠪᠦᠭᠦᠳᠡ ᠰᠠᠢᠬᠠᠨ ᠬᠠᠢᠷᠠᠯᠠᠵᠤ ᠬᠠᠮᠠᠭᠠᠯᠠᠵᠤ ᠶᠠᠪᠤᠨᠠ ᠭᠡᠵᠦ ᠪᠣᠳᠣᠵᠤ ᠪᠠᠢᠨᠠ᠃
ᠡᠷᠳᠡᠨᠢᠪᠢᠯᠢᠭ᠄ ᠥᠭᠡᠬᠦᠨᠳᠡᠢ ᠶ᠋ᠢᠨ ᠰᠢᠯᠢ ᠭᠡᠰᠡᠨ ᠳᠠᠭᠤᠤ ᠪᠣᠯ ᠨᠢᠳᠤᠨᠤᠨ ᠬᠠᠪᠤᠷ ᠂ ᠬᠣᠶᠠᠷ ᠮᠢᠩᠭᠠ ᠬᠣᠷᠢᠨ ᠳᠥᠷᠪᠡᠨ ᠣᠨ ᠤ᠋ ᠬᠠᠪᠤᠷ ᠰᠢᠨᠡ ᠪᠢᠴᠢᠭᠳᠡᠭᠰᠡᠨ ᠳᠠᠭᠤᠤ᠃ ᠮᠠᠨ ᠤ᠋ ᠢᠷᠠᠭᠤ ᠨᠠᠢᠷᠠᠭᠴᠢ ᠪᠠᠲᠤ ᠠᠬᠠ ᠶ᠋ᠢᠨ ᠮᠢᠨᠢ ᠰᠢᠯᠦᠭ ᠂ ᠪᠠᠲᠤ ᠠᠬᠠ ᠪᠢᠳᠡ ᠬᠣᠶᠠᠭᠤᠯᠠ ᠲᠡᠷᠡ ᠦᠶᠡ ᠳ᠋ᠦ᠍ ᠬᠡᠦᠬᠡᠳ ᠦ᠋ᠨ ᠳᠠᠭᠤᠤ ᠬᠢᠬᠦ ᠰᠠᠨᠠᠭᠠ ᠲᠠᠢ ᠶᠠᠷᠢᠯᠴᠠᠵᠤ ᠪᠠᠢᠭᠰᠠᠨ᠃ ᠴᠢᠩᠭᠢᠭᠡᠳ ᠪᠠᠲᠤ ᠠᠬᠠ ᠬᠣᠢᠰᠢ ᠪᠠᠶᠠᠡᠦ᠌ᠨᠳᠦᠷ ᠨᠤᠲᠤᠭ ᠢ᠋ᠶ᠋ᠠᠷ ᠶᠠᠪᠤᠵᠤ ᠪᠠᠢᠬᠤ ᠳ᠋ᠤ᠌᠂ ᠥᠭᠡᠬᠦᠨᠳᠡᠢ ᠶ᠋ᠢᠨ ᠰᠢᠯᠢ ᠭᠡᠬᠦ ᠡᠢᠮᠦ ᠰᠠᠢᠬᠠᠨ ᠨᠤᠲᠤᠭ ᠢ᠋ᠶ᠋ᠠᠷ ᠥᠩᠭᠡᠷᠡᠭᠡᠳ᠂ ᠡᠨᠳᠡ ᠨᠢᠭᠡ ᠭᠣᠶᠣ ᠰᠢᠯᠦᠭ ᠪᠢᠴᠢᠭᠡᠳ ᠨᠠᠳᠠᠳᠤ ᠬᠠᠢᠷᠠᠯᠠᠭᠠᠳ ᠲᠡᠭᠡᠭᠡᠳ ᠪᠢ ᠨᠢᠳᠤᠨᠤᠨ ᠬᠠᠪᠤᠷ ᠪᠢᠴᠢᠵᠦ ᠭᠠᠷᠭᠠᠭᠰᠠᠨ ᠶᠤᠮ᠃ ᠲᠡᠭᠡᠭᠡᠳ ᠥᠪᠡᠷ ᠦ᠋ᠨ ᠭᠡᠷ ᠪᠦᠯᠢ ᠪᠡᠷ ᠢ᠋ᠶ᠋ᠡᠨ ᠡᠨᠡ ᠳᠠᠭᠤᠤ ᠶ᠋ᠢ ᠳᠠᠭᠤᠯᠠᠭᠰᠠᠨ ᠪᠠᠢᠭᠠ ᠶᠤᠮ᠂ ᠴᠢᠩᠭᠢᠭᠡᠳ ᠥᠨᠥ ᠵᠤᠨ᠂ 2025 ᠣᠨ 8 ᠰᠠᠷᠠ ᠳ᠋ᠤ᠌ ᠥᠭᠡᠬᠦᠨᠳᠡᠢ ᠶ᠋ᠢᠨ ᠴᠢᠯᠠᠭᠤ ᠪᠠᠶ᠋ᠢᠭᠠ ᠰᠢᠯᠢ ᠳᠡᠭᠡᠷᠡ ᠨᠢ ᠬᠦᠷᠦᠭᠡᠳ ᠡᠨᠡᠬᠦ ᠺᠯᠢᠫ ᠢ᠋ ᠬᠢᠭᠰᠡᠨ᠃ ᠡᠨᠡ ᠳᠠᠭᠤᠨ ᠤ᠋ ᠺᠯᠢᠫ ᠬᠢᠬᠦ ᠳ᠋ᠦ᠍ ᠮᠠᠨ ᠤ᠋ ᠺᠯᠢᠫ ᠦ᠋ᠨ ᠤᠳᠤᠷᠢᠳᠤᠭᠠᠴᠢ᠂ ᠪᠠᠭᠰᠢ ᠠᠯᠲᠠᠨᠭᠠᠳᠠᠰᠤ ᠤᠳᠤᠷᠢᠳᠤᠭᠠᠴᠢ ᠪᠠᠷ᠂ ᠰᠡᠭᠦᠳᠡᠷᠯᠡᠭᠴᠢ ᠪᠡᠷ᠂ ᠵᠢᠷᠤᠭᠯᠠᠭᠴᠢ ᠪᠠᠷ ᠠᠵᠢᠯᠯᠠᠭᠰᠠᠨ ᠪᠠᠢᠭᠠ ᠶᠤᠮ᠃ ᠺᠯᠢᠫ ᠦ᠋ᠨ ᠦᠰᠦᠭ ᠢ᠋ ᠮᠠᠨ ᠤ᠋ ᠬᠦᠦ ᠥᠪᠡᠷ ᠢ᠋ᠶ᠋ᠡᠨ ᠪᠢᠴᠢᠭᠰᠡᠨ᠃ ᠲᠡᠭᠡᠭᠡᠳ ᠲᠡᠨᠳᠡ ᠡᠳᠦᠷ ᠦ᠋ᠨ ᠦᠵᠡᠮᠵᠢ ᠰᠥᠨᠢ ᠶ᠋ᠢᠨ ᠦᠵᠡᠮᠵᠢ ᠭᠡᠵᠦ ᠬᠣᠶᠠᠷ ᠦᠵᠡᠮᠵᠢ ᠠᠪᠤᠭᠰᠠᠨ ᠃ ᠲᠡᠭᠡᠭᠡᠳ ᠰᠥᠨᠢ ᠪᠣᠯᠬᠣᠷ ᠪᠠᠶᠠᠡᠦ᠌ᠨᠳᠦᠷ ᠲᠦ᠍ ᠶᠡᠬᠡ ᠬᠦᠢᠲᠡᠨ᠂ ᠣᠷᠣᠢ᠂ ᠰᠢᠨᠡ ᠴᠠᠭ ᠤ᠋ᠨ ᠬᠡᠦᠬᠡᠳ ᠦ᠋ᠨ ᠬᠤᠪᠴᠠᠰᠤ ᠪᠣᠯᠬᠤ ᠪᠠᠷ ᠢ᠋ᠶ᠋ᠠᠨ ᠲᠠᠭᠠᠷᠠᠭᠠᠳ ᠤᠬᠢᠯᠠᠭᠠᠳ ᠯᠠ ᠂᠂᠂ ᠲᠡᠭᠡᠵᠦ ᠪᠠᠢᠭᠠᠳ ᠯᠠ ᠰᠡᠭᠦᠳᠡᠷᠯᠡᠭᠰᠡᠨ᠃ ᠡᠨᠡ ᠳᠠᠭᠤᠨ ᠤ᠋ ᠠᠶᠠ ᠲᠤᠩ ᠠᠮᠠᠷᠬᠠᠨ ᠮᠥᠷᠲᠡᠭᠡᠨ ᠭᠣᠶᠣ ᠣᠷᠣᠵᠤ ᠢᠷᠡᠭᠰᠡᠨ ᠃ ᠰᠢᠯᠦᠭ ᠊ᠢ ᠬᠠᠷᠠᠩᠭᠤᠲᠠ ᠪᠠᠨ ᠠᠶᠠ ᠨᠢ ᠣᠷᠣᠵᠤ ᠢᠷᠡᠭᠰᠡᠨ᠂ ᠭᠡᠷ ᠪᠦᠯᠢ ᠶ᠋ᠢᠨ ᠬᠠᠮᠲᠤᠯᠢᠭ ᠪᠣᠯᠬᠣᠷ ᠡᠬᠡᠰᠢᠭ ᠳᠥᠷᠪᠡᠨ ᠪᠡᠷᠬᠡ ᠭᠡᠵᠦ ᠠᠪᠤᠭᠰᠠᠨ᠂ ᠴᠢᠩᠭᠢᠭᠡᠳ ᠬᠠᠮᠤᠭ ᠠᠩᠬᠠᠨ ᠤ᠋ ᠪᠦᠲᠦᠭᠡᠯ ᠪᠣᠯᠬᠤ ᠥᠭᠡᠬᠦᠨᠳᠡᠢ ᠶ᠋ᠢᠨ ᠰᠢᠯᠢ ᠭᠡᠬᠦ ᠳᠠᠭᠤᠤ ᠪᠠᠨ ᠲᠠ ᠪᠦᠬᠦᠨ ᠳ᠋ᠦ᠍ ᠲᠣᠯᠢᠳᠠᠭᠤᠯᠵᠤ ᠪᠠᠢᠨᠠ᠃
ᠥᠭᠡᠬᠦᠨᠳᠡᠢ ᠶ᠋ᠢᠨ ᠰᠢᠯᠢ
ᠦᠭᠡ᠄ ᠪᠠᠲᠤ
ᠠᠶᠠ᠄ ᠡᠷᠳᠡᠨᠢᠪᠢᠯᠢᠭ
ᠳᠠᠭᠤᠴᠢᠨ᠄ ᠡᠭᠡᠰᠢᠭ ᠳᠥᠷᠪᠡᠨ ᠪᠡᠷᠬᠡ
ᠬᠥᠬᠡ ᠲᠩᠷᠢ ᠡᠴᠡ ᠢᠷᠡᠭᠰᠡᠨ
ᠬᠥᠬᠡ ᠢᠰᠢᠭᠡᠨ ᠦ᠌ ᠤᠳᠤᠮ ᠯᠠ ᠪᠠᠢᠨᠠ
ᠬᠥᠲᠥᠯ ᠳᠦᠭᠦᠷᠡᠩ ᠪᠡᠯᠴᠢᠭᠰᠡᠨ
ᠬᠣᠨᠢᠨ ᠰᠦᠷᠦᠭ ᠦ᠋ᠨ ᠪᠠᠷᠠ ᠪᠠᠢᠨᠠ
ᠥᠭᠡᠬᠦᠨᠳᠡᠢ ᠥᠭᠡᠬᠦᠨᠳᠡᠢ
ᠥᠭᠡᠬᠦᠨᠳᠡᠢ ᠥᠭᠡᠬᠦᠨᠳᠡᠢ
ᠲᠩᠷᠢ ᠶ᠋ᠢᠨ ᠵᠠᠭᠠᠳᠠᠰᠤ ᠠᠰᠬᠠᠷᠠᠭᠰᠠᠨ
ᠲᠡᠨᠢᠭᠡᠷ ᠰᠢᠯᠢ ᠶ᠋ᠢᠨ ᠴᠢᠮᠡᠭ ᠪᠠᠢᠨᠠ
ᠲᠤᠩ ᠬᠣᠯᠠ ᠠ᠋ᠴᠠ ᠭᠡᠷᠡᠯᠲᠦᠭᠰᠡᠨ
ᠲᠠᠤᠯᠠᠢ ᠴᠠᠭᠠᠨ ᠴᠢᠯᠠᠭᠤ ᠪᠠᠢᠨᠠ
ᠲᠩᠷᠢ ᠶ᠋ᠢᠨ ᠵᠠᠭᠠᠳᠠᠰᠤ ᠠᠰᠬᠠᠷᠠᠭᠰᠠᠨ
ᠲᠡᠨᠢᠭᠡᠷ ᠰᠢᠯᠢ ᠶ᠋ᠢᠨ ᠴᠢᠮᠡᠭ ᠪᠠᠢᠨᠠ
ᠥᠭᠡᠬᠦᠨᠳᠡᠢ ᠥᠭᠡᠬᠦᠨᠳᠡᠢ
ᠥᠭᠡᠬᠦᠨᠳᠡᠢ ᠥᠭᠡᠬᠦᠨᠳᠡᠢ
ᠲᠩᠷᠢ ᠶ᠋ᠢᠨ ᠵᠠᠭᠠᠳᠠᠰᠤ ᠠᠰᠬᠠᠷᠠᠭᠰᠠᠨ
ᠲᠡᠨᠢᠭᠡᠷ ᠰᠢᠯᠢ ᠶ᠋ᠢᠨ ᠴᠢᠮᠡᠭ ᠪᠠᠢᠨᠠ
ᠥᠭᠡᠬᠦᠨᠳᠡᠢ ᠥᠭᠡᠬᠦᠨᠳᠡᠢ
ᠥᠭᠡᠬᠦᠨᠳᠡᠢ ᠥᠭᠡᠬᠦᠨᠳᠡᠢ
ᠦᠨᠡᠬᠡᠷ ᠰᠠᠢᠬᠠᠨ ᠨᠤᠲᠤᠭ ᠶᠤᠮ
ᠡᠪᠦᠭᠡ ᠳᠡᠭᠡᠳᠦᠰ ᠡᠴᠡ ᠥᠪᠯᠡᠵᠦ ᠥᠭᠭᠦᠭᠰᠡᠨ
ᠦᠯᠢᠭᠡᠷ ᠦ᠋ᠨ ᠰᠠᠢᠬᠠᠨ ᠣᠷᠣᠨ ᠶᠤᠮ
ᠡᠵᠢ ᠳᠡᠯᠡᠬᠡᠢ ᠳ᠋ᠦ᠍ ᠪᠡᠨ ᠡᠷᠬᠡᠯᠡᠭᠰᠡᠨ
ᠢᠰᠢᠭᠡ ᠬᠤᠷᠠᠭᠠ ᠨᠢ ᠲᠣᠭᠯᠠᠵᠤ ᠪᠠᠢᠨᠠ
ᠡᠷᠬᠢᠰ ᠭᠠᠷᠠᠭ ᠢ᠋ᠶ᠋ᠠᠨ ᠰᠠᠨᠠᠭᠰᠠᠨ
ᠡᠷᠳᠡᠨᠢ ᠴᠠᠭᠠᠨ ᠰᠣᠯᠢᠷ ᠪᠠᠢᠨᠠ
ᠥᠭᠡᠬᠦᠨᠳᠡᠢ ᠥᠭᠡᠬᠦᠨᠳᠡᠢ
ᠥᠭᠡᠬᠦᠨᠳᠡᠢ ᠥᠭᠡᠬᠦᠨᠳᠡᠢ
ᠲᠩᠷᠢ ᠶ᠋ᠢᠨ ᠵᠠᠭᠠᠳᠠᠰᠤ ᠠᠰᠬᠠᠷᠠᠭᠰᠠᠨ
ᠲᠡᠨᠢᠭᠡᠷ ᠰᠢᠯᠢ ᠶ᠋ᠢᠨ ᠴᠢᠮᠡᠭ ᠪᠠᠢᠨᠠ
ᠠᠯᠢ ᠭᠠᠯᠪᠠ ᠳ᠋ᠤ᠌ ᠪᠠᠭᠤᠭᠰᠠᠨ ᠢ᠋
ᠬᠡᠨ ᠶᠠᠭᠠᠬᠢᠨ ᠮᠡᠳᠡᠬᠦᠪ ᠳᠡ
ᠠᠷᠤ ᠬᠢᠩᠭᠠ ᠶ᠋ᠢᠨ ᠳᠣᠮᠣᠭ ᠤ᠋ᠨ
ᠠᠯᠲᠠᠨ ᠣᠨᠢᠰᠣ ᠲᠠᠢ ᠨᠢᠭᠤᠴᠠ ᠪᠠᠢᠨᠠ
ᠥᠭᠡᠬᠦᠨᠳᠡᠢ ᠥᠭᠡᠬᠦᠨᠳᠡᠢ
ᠥᠭᠡᠬᠦᠨᠳᠡᠢ ᠥᠭᠡᠬᠦᠨᠳᠡᠢ
ᠲᠩᠷᠢ ᠶ᠋ᠢᠨ ᠵᠠᠭᠠᠳᠠᠰᠤ ᠠᠰᠬᠠᠷᠠᠭᠰᠠᠨ
ᠲᠡᠨᠢᠭᠡᠷ ᠰᠢᠯᠢ ᠶ᠋ᠢᠨ ᠴᠢᠮᠡᠭ ᠪᠠᠢᠨᠠ
ᠥᠭᠡᠬᠦᠨᠳᠡᠢ ᠥᠭᠡᠬᠦᠨᠳᠡᠢ
ᠥᠭᠡᠬᠦᠨᠳᠡᠢ ᠥᠭᠡᠬᠦᠨᠳᠡᠢ
ᠲᠩᠷᠢ ᠶ᠋ᠢᠨ ᠵᠠᠭᠠᠳᠠᠰᠤ ᠠᠰᠬᠠᠷᠠᠭᠰᠠᠨ
ᠲᠡᠨᠢᠭᠡᠷ ᠰᠢᠯᠢ ᠶ᠋ᠢᠨ ᠴᠢᠮᠡᠭ ᠪᠠᠢᠨᠠ
ᠴᠢᠮᠡᠭ ᠪᠠᠢᠨᠠ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠤᠷᠢᠶᠠᠩᠬᠠᠢ ᠨᠠᠷᠠᠨᠮᠠᠨᠳᠠ