ᠢᠳᠡᠭᠡᠨ ᠤᠮᠳᠠᠭᠠᠨ ᠤ ᠵᠢᠩᠬᠢᠨᠢ ᠳᠣᠪᠴᠢ– ᠬᠦᠰᠡᠬᠦᠢ᠂ ᠬᠥᠬᠡᠯᠤᠤ ᠨᠠᠷ –ᠨᠢᠭᠡᠳᠦᠭᠡᠷ ᠪᠣᠲᠢ-ᠡᠷᠬᠢᠮ ᠨᠠᠢᠷᠠᠯᠭᠠᠳᠤ ᠢᠳᠡᠭᠡᠨ ᠤᠮᠳᠠᠭᠠᠨ–1 Идээ ундааны жинхэнэ товч–Хүсэхүй᠂ Хөхлуу нар – 1-р боть᠂Эрхэм найрлагат итгэн ундаа-1
265ᠡᠷᠬᠢᠮ ᠨᠠᠢᠷᠠᠯᠭᠠᠳᠤ ᠢᠳᠡᠭᠡᠨ ᠤᠮᠳᠠᠭᠠᠨ -1
ᠮᠠᠰᠳᠠᠵᠢ ᠶᠢᠨ ᠱᠥᠯᠥ
ᠪᠡᠶᠡ ᠮᠠᠬᠠᠪᠣᠳ ᠢ᠋ ᠰᠢᠮᠡᠵᠢᠭᠦᠯᠦᠨ᠂ ᠬᠣᠳᠣᠭᠣᠳᠣ ᠳᠡᠯᠢᠭᠦᠦ ᠶ᠋ᠢ ᠪᠦᠯᠢᠶᠡᠰᠬᠡᠨ᠂ ᠬᠡᠢ ᠶ᠋ᠢ ᠶᠠᠪᠤᠭᠤᠯᠤᠨᠠ᠃ ᠬᠣᠨᠢᠨ ᠮᠢᠬᠠ ᠨᠢᠭᠡ ᠮᠥᠴᠢ ᠶ᠋ᠢ ᠰᠠᠯᠭᠠᠨ ᠬᠡᠷᠴᠢᠵᠦ᠂ ᠭᠠᠭᠤᠯᠠ ᠲᠠᠪᠤᠨ ᠪᠦᠬᠦᠯᠢ᠂ ᠰᠢᠩᠼᠠ ᠬᠣᠶᠠᠷ ᠴᠢᠨ᠂ ᠸᠠᠨᠳᠧᠦ ᠪᠤᠷᠴᠠᠭ ᠳᠤᠮᠳᠠᠭᠤᠷ ᠱᠧᠩ ᠢ᠋ ᠬᠡᠮᠬᠡᠴᠢᠭᠡᠳ ᠬᠠᠯᠢᠰᠤ ᠶ᠋ᠢ ᠠᠪᠴᠤ ᠬᠠᠶᠠᠨᠠ᠃
ᠳᠡᠭᠡᠷᠡᠬᠢ ᠵᠦᠢᠯ ᠦ᠋ᠳ ᠢ᠋ ᠬᠠᠮᠲᠤ ᠳ᠋ᠤᠨᠢ ᠪᠤᠴᠠᠯᠭᠠᠭᠠᠳ ᠱᠥᠯᠦᠨ ᠳᠣᠲᠣᠷᠠᠬᠢ ᠵᠦᠢᠯ ᠦ᠋ᠳ ᠢ᠋ ᠱᠦᠭᠦᠵᠦ ᠭᠠᠷᠭᠠᠭᠰᠠᠨ ᠤ᠋ ᠳᠠᠷᠠᠭᠠ᠂ ᠪᠣᠯᠭᠣᠭᠰᠠᠨ ᠸᠠᠨᠳᠧᠦ ᠪᠤᠷᠴᠠᠭ ᠬᠣᠶᠠᠷ ᠭᠧ᠂ ᠲᠤᠲᠤᠷᠭᠠ ᠨᠢᠭᠡᠨ ᠱᠧᠩ᠂ ᠮᠠᠰᠳᠠᠵᠢ ᠨᠢᠭᠡ ᠴᠢᠨ᠂ ᠳᠠᠪᠤᠰᠤ ᠥᠴᠦᠬᠡᠨ ᠲᠡᠳᠦᠢ ᠬᠢᠵᠦ ᠨᠠᠢᠷᠠᠭᠤᠯᠵᠤ ᠲᠡᠭᠰᠢᠯᠡᠭᠡᠳ᠂ ᠥᠨᠥᠬᠢ ᠬᠡᠷᠴᠢᠭᠰᠡᠨ ᠮᠢᠬᠠ ᠪᠠ ᠦᠨᠦᠷᠲᠦ ᠨᠣᠭᠣᠭᠠᠨ ᠤ᠋ ᠨᠠᠪᠴᠢ ᠶ᠋ᠢ ᠨᠡᠮᠡᠷᠢᠯᠡᠨ ᠬᠢᠮᠦᠢ᠃
(ᠲᠠᠢᠯᠪᠤᠷᠢᠯᠠᠬᠤ ᠠᠨᠤ ᠳᠡᠭᠡᠷᠡ ᠪᠢᠴᠢᠭᠳᠡᠭᠰᠡᠨ ᠮᠠᠰᠳᠠᠵᠢ ᠬᠡᠮᠡᠬᠦ ᠦᠭᠡ ᠶ᠋ᠢ ᠬᠢᠲᠠᠳ ᠳᠡᠪᠲᠡᠷ ᠳᠠᠬᠢ ᠵᠠᠷᠢᠮ ᠲᠠᠢᠯᠪᠤᠷᠢ ᠠ᠋ᠴᠠ ᠦᠵᠡᠬᠦ ᠳ᠋ᠦ᠍᠂ ᠡᠨᠡ ᠢᠨᠦ ᠬᠣᠲᠣᠩ ᠣᠷᠣᠨᠠ ᠤᠷᠭᠤᠳᠠᠭ ᠮᠠᠰᠢ ᠠᠩᠬᠢᠯᠤᠮᠠᠯ ᠦᠨᠦᠷᠲᠡᠢ ᠨᠢᠭᠡᠨ ᠲᠥᠷᠥᠯ ᠦ᠋ᠨ ᠦᠷᠡᠰᠲᠦ ᠤᠷᠭᠤᠮᠠᠯ ᠭᠡᠳᠡᠭ᠂ ᠴᠣᠬᠣᠮ ᠶᠠᠮᠠᠷ ᠶᠠᠭᠤᠮᠠ ᠪᠣᠯᠬᠤ ᠶ᠋ᠢ ᠬᠠᠷᠢᠨ ᠨᠡᠷᠡ ᠳᠤᠷᠠᠳᠤᠭᠰᠠᠨ ᠦᠭᠡᠢ᠂ ᠲᠡᠢᠮᠦ ᠡᠴᠡ ᠤᠭ ᠠᠪᠢᠶᠠ ᠪᠠᠷ ᠨᠢ ᠪᠢᠴᠢᠪᠡ᠃ — ᠣᠷᠴᠢᠭᠤᠯᠤᠭᠴᠢ ᠠ᠋ᠴᠠ)
ᠠᠷᠪᠠᠢ ᠶ᠋ᠢᠨ ᠱᠥᠯᠥ
ᠡᠨᠡ ᠪᠣᠯᠪᠠᠰᠤ ᠰᠠᠪᠠ ᠶ᠋ᠢ ᠪᠦᠯᠢᠶᠡᠰᠬᠡᠨ ᠬᠡᠢ ᠶ᠋ᠢ ᠳᠣᠭᠣᠭᠰᠢ ᠶᠠᠪᠤᠭᠤᠯᠤᠨ᠂ ᠬᠣᠳᠣᠭᠣᠳᠣ ᠳᠡᠯᠢᠭᠦᠦ ᠶ᠋ᠢ ᠰᠠᠢᠵᠢᠷᠠᠭᠤᠯᠵᠤ᠂ ᠲᠠᠴᠢᠶᠠᠳᠠᠨ ᠤᠮᠳᠠᠭᠠᠰᠬᠤ ᠶ᠋ᠢ ᠵᠣᠭᠰᠣᠭᠠᠵᠤ᠂ ᠬᠦᠢᠲᠡᠨ ᠬᠡᠢ ᠶ᠋ᠢ ᠡᠪᠳᠡᠵᠦ᠂ ᠬᠡᠪᠡᠯᠢ ᠬᠥᠭᠡᠭᠡᠵᠦ ᠴᠣᠩᠬᠤᠢᠬᠤ ᠶ᠋ᠢ ᠠᠷᠢᠯᠭᠠᠮᠤᠢ᠃
ᠬᠣᠨᠢ ᠶ᠋ᠢᠨ ᠮᠢᠬᠠ ᠨᠢᠭᠡᠨ ᠮᠥᠴᠢ ᠶ᠋ᠢ ᠰᠠᠯᠭᠠᠨ ᠬᠡᠷᠴᠢᠵᠦ᠂ ᠭᠠᠭᠤᠯᠠ᠂ ᠲᠠᠪᠤᠨ ᠪᠦᠬᠦᠯᠢ ᠠᠷᠪᠠᠢ ᠶ᠋ᠢᠨ ᠴᠠᠭᠠᠨ ᠬᠣᠶᠠᠷ ᠱᠧᠩ ᠢ᠋ ᠪᠤᠴᠠᠯᠤᠭᠰᠠᠨ ᠤᠰᠤ ᠪᠠᠷ ᠤᠬᠢᠶᠠᠨ ᠴᠡᠪᠡᠷᠯᠡᠭᠡᠳ ᠪᠠᠬᠠᠨ ᠴᠢᠨᠠᠵᠤ ᠪᠣᠯᠭᠣᠭᠠᠨᠠ᠃
ᠳᠡᠭᠡᠷᠡᠬᠢ ᠪᠤᠴᠠᠯᠭᠠᠭᠰᠠᠨ ᠱᠥᠯᠦᠨ ᠳᠣᠲᠣᠷᠠᠬᠢ ᠵᠦᠢᠯ ᠦ᠋ᠳ ᠢ᠋ ᠱᠦᠭᠦᠵᠦ ᠭᠠᠷᠭᠠᠭᠰᠠᠨ ᠰᠡᠭᠦᠯᠡᠷ ᠠᠷᠪᠠᠢ ᠶ᠋ᠢᠨ ᠴᠠᠭᠠᠨ ᠢ᠋ᠶ᠋ᠠᠨ ᠬᠢᠵᠦ ᠪᠤᠴᠠᠯᠭᠠᠨ ᠪᠣᠯᠭᠣᠭᠠᠭᠠᠳ ᠳᠠᠪᠤᠰᠤ ᠶ᠋ᠢ ᠥᠴᠦᠬᠡᠨ ᠲᠡᠳᠦᠢ ᠬᠢᠵᠦ ᠨᠠᠢᠷᠠᠭᠤᠯᠤᠨ ᠥᠨᠥᠬᠢ ᠬᠡᠷᠴᠢᠭᠰᠡᠨ ᠮᠢᠬᠠ ᠪᠠᠨ ᠱᠥᠯᠦᠨ ᠳ᠋ᠦ᠍ᠷ ᠬᠢᠮᠦᠢ᠃
ᠪᠠᠷᠪᠤ ᠶ᠋ᠢᠨ ᠱᠥᠯᠥ
ᠡᠨᠡ ᠪᠣᠯᠪᠠᠰᠤ (ᠪᠠᠷᠠᠭᠤᠨ ᠭᠠᠵᠠᠷ ᠤ᠋ᠨ ᠬᠣᠭᠣᠯᠠ ᠵᠠᠭᠤᠰᠢ ᠶ᠋ᠢᠨ ᠨᠡᠷᠡ ᠭᠡᠵᠦ ᠤᠭ ᠵᠣᠬᠢᠶᠠᠯ ᠳ᠋ᠤᠷ ᠲᠠᠢᠯᠪᠤᠷᠢᠯᠠᠪᠠ)᠃ ᠡᠨᠡ ᠢᠨᠦ ᠬᠣᠳᠣᠭᠣᠳᠣ ᠳᠡᠯᠢᠭᠦᠦ ᠶ᠋ᠢ ᠰᠡᠯᠪᠢᠨ ᠬᠡᠢ ᠶ᠋ᠢ ᠤᠷᠤᠭᠤ ᠠᠷᠢᠯᠭᠠᠵᠤ ᠥᠷᠥᠴᠡ ᠴᠡᠭᠡᠵᠢ ᠶ᠋ᠢ ᠠᠭᠤᠵᠢᠷᠠᠭᠤᠯᠤᠮᠤᠢ᠃
ᠬᠣᠨᠢᠨ ᠮᠢᠬᠠ ᠨᠢᠭᠡᠨ ᠮᠥᠴᠢ ᠶ᠋ᠢ ᠰᠠᠯᠭᠠᠨ ᠬᠡᠷᠴᠢᠵᠦ᠂ ᠭᠠᠭᠤᠯᠠ ᠲᠠᠪᠤᠨ ᠪᠦᠬᠦᠯᠢ ᠶ᠋ᠢ ᠬᠡᠮᠬᠡᠴᠢᠵᠦ ᠬᠠᠯᠢᠰᠤ ᠶ᠋ᠢ ᠠᠨᠤ ᠠᠪᠴᠤ ᠬᠠᠶᠠᠨ᠂ ᠯᠤᠤᠪᠠᠩ ᠬᠣᠶᠠᠷ᠃
ᠳᠡᠭᠡᠷᠡᠬᠢ ᠵᠦᠢᠯ ᠦ᠋ᠳ ᠢ᠋ ᠬᠠᠮᠲᠤ ᠳ᠋ᠤᠨᠢ ᠪᠤᠴᠠᠯᠭᠠᠭᠠᠳ ᠱᠥᠯᠦᠨ ᠳᠣᠲᠣᠷᠠᠬᠢ ᠵᠦᠢᠯ ᠦ᠋ᠳ ᠢ᠋ ᠱᠦᠭᠦᠵᠦ ᠠᠪᠤᠭᠰᠠᠨ ᠬᠣᠢᠨᠠ ᠬᠡᠷᠴᠢᠭᠰᠡᠨ ᠮᠢᠬᠠ ᠪᠠ ᠪᠣᠯᠭᠣᠭᠰᠠᠨ ᠬᠡᠷᠴᠢᠮᠡᠯ ᠯᠤᠤᠪᠠᠩ ᠢ᠋ᠶ᠋ᠠᠨ ᠬᠢᠭᠡᠳ᠂ ᠳᠡᠭᠡᠷᠡ ᠨᠢ ᠵᠠᠨᠹᠦᠯᠠᠨ (ᠤᠭ ᠵᠣᠬᠢᠶᠠᠯ ᠳ᠋ᠤ᠌ ᠲᠠᠢᠯᠪᠤᠷᠢᠯᠠᠭᠰᠠᠨ ᠠᠨᠤ ᠡᠨᠡ ᠪᠣᠯᠪᠠᠰᠤ ᠬᠣᠲᠣᠩ ᠣᠷᠣᠨᠠ ᠤᠷᠭᠤᠭᠰᠠᠨ ᠭᠦᠷᠭᠦᠮ ᠬᠡᠮᠡᠮᠦᠢ— ᠣᠷᠴᠢᠭᠤᠯᠤᠭᠴᠢ ᠠ᠋ᠴᠠ )ᠨᠢᠭᠡᠨ ᠴᠢᠨ ᠶᠦᠩᠸᠠ ᠬᠣᠶᠠᠷ ᠴᠢᠨ᠂ ᠨᠠᠯᠢᠱᠠᠮ ᠬᠣᠶᠠᠷ ᠴᠢᠨ ᠬᠠᠰᠢᠨᠢ (ᠤᠭ ᠵᠣᠬᠢᠶᠠᠯ ᠳ᠋ᠤ᠌ ᠲᠠᠢᠯᠪᠤᠷᠢᠯᠠᠭᠰᠠᠨ ᠠᠨᠤ ᠰᠢᠩᠭᠦᠨ ᠬᠡᠮᠡᠮᠦᠢ) ᠬᠠᠭᠠᠰ ᠴᠢᠨ ᠦᠨᠦᠷᠲᠦ ᠨᠣᠭᠣᠭᠠ ᠶ᠋ᠢᠨ ᠨᠠᠪᠴᠢ ᠪᠠ ᠳᠠᠪᠤᠰᠤ ᠶ᠋ᠢ ᠥᠴᠦᠬᠡᠨ ᠲᠡᠳᠦᠢ ᠬᠢᠵᠦ ᠨᠠᠢᠷᠠᠭᠤᠯᠤᠭᠠᠳ ᠠᠭᠰᠢᠭᠤᠨ ᠲᠤᠲᠤᠷᠭᠠ ᠶ᠋ᠢᠨ ᠪᠤᠳᠠᠭᠠ ᠲᠠᠢ ᠢᠳᠡᠬᠦ ᠳ᠋ᠡᠭᠡᠨ ᠼᠤᠤ (ᠢᠰᠬᠦᠯᠡᠩ ᠰᠢᠭᠦᠰᠦ) ᠶ᠋ᠢ ᠵᠢᠭᠠᠬᠠᠨ ᠬᠢᠨᠡ᠃
ᠱᠠᠷᠮᠤᠭ ᠤ᠋ᠨ ᠱᠥᠯᠥ
ᠡᠨᠡ ᠪᠣᠯᠪᠠᠰᠤ ᠰᠠᠪᠠ ᠶ᠋ᠢ ᠰᠡᠯᠪᠢᠨ ᠬᠡᠢ ᠶ᠋ᠢ ᠤᠷᠤᠭᠤ ᠠᠷᠢᠯᠭᠠᠨ ᠬᠣᠳᠣᠭᠣᠳᠣ ᠳᠡᠯᠢᠭᠦᠦ ᠶ᠋ᠢ ᠰᠠᠢᠵᠢᠷᠠᠭᠤᠯᠤᠮᠤᠢ᠃
ᠡᠭᠦᠨ ᠳ᠋ᠦ᠍ᠷ ᠬᠣᠨᠢᠨ ᠮᠢᠬᠠ ᠨᠢᠭᠡ ᠮᠥᠴᠢ ᠶ᠋ᠢ ᠰᠠᠯᠭᠠᠨ ᠬᠡᠷᠴᠢᠵᠦ ᠭᠠᠭᠤᠯᠠ ᠲᠠᠪᠤᠨ ᠪᠦᠬᠦᠯᠢ᠂ ᠸᠠᠨᠳᠧᠦ ᠪᠤᠷᠴᠠᠭ ᠳᠤᠮᠳᠠᠭᠤᠷ ᠱᠧᠩ ᠢ᠋ ᠬᠡᠮᠬᠡᠴᠢᠭᠡᠳ ᠬᠠᠯᠢᠰᠤ ᠶ᠋ᠢ ᠨᠢ ᠠᠪᠴᠤ ᠬᠠᠶᠠᠮᠤᠢ᠂ ᠰᠠᠷᠮᠤᠭ ᠮᠠᠨᠵᠢᠨ ᠲᠠᠪᠤᠨ ᠪᠦᠬᠦᠯᠢ᠃
ᠳᠡᠭᠡᠷᠡᠬᠢ ᠵᠦᠢᠯ ᠦ᠋ᠳ ᠢ᠋ ᠬᠠᠮᠲᠤ ᠳ᠋ᠤᠨᠢ ᠪᠤᠴᠠᠯᠭᠠᠭᠠᠳ ᠱᠥᠯᠦᠨ ᠳᠣᠲᠣᠷᠠᠬᠢ ᠵᠦᠢᠯ ᠦ᠋ᠳ ᠢ᠋ ᠱᠦᠭᠦᠵᠦ ᠭᠠᠷᠭᠠᠭᠰᠠᠨ ᠤ᠋ ᠳᠠᠷᠠᠭᠠ ᠸᠠᠨᠳᠧᠦ ᠪᠤᠷᠴᠠᠭ ᠬᠣᠶᠠᠷ ᠭᠧ ᠲᠤᠲᠤᠷᠭᠠ ᠶ᠋ᠢᠨ ᠪᠤᠳᠠᠭᠠ ᠨᠢᠭᠡ ᠱᠧᠩ᠂ ᠪᠣᠯᠭᠣᠭᠰᠠᠨ ᠮᠠᠨᠵᠢᠨ ᠢ᠋ ᠬᠡᠰᠡᠭᠯᠡᠨ ᠬᠡᠷᠴᠢᠵᠦ᠂ ᠮᠢᠬᠠ ᠶ᠋ᠢᠨ ᠬᠠᠮᠲᠤ ᠱᠥᠯᠦᠨ ᠳ᠋ᠦ᠍ ᠬᠢᠭᠡᠳ ᠳᠠᠪᠤᠰᠤ ᠶ᠋ᠢ ᠥᠴᠦᠬᠡᠨ ᠲᠡᠳᠦᠢ ᠬᠢᠵᠦ ᠨᠠᠢᠷᠠᠭᠤᠯᠤᠨᠠ᠃
ᠱᠦᠮᠦᠰᠠ ᠶ᠋ᠢᠨ ᠱᠥᠯᠥ
ᠡᠨᠡ ᠢᠨᠦ ᠳᠣᠭᠣᠭᠰᠢ ᠪᠡᠶᠡ ᠶ᠋ᠢᠨ ᠲᠠᠮᠢᠷ ᠢ᠋ ᠰᠡᠯᠪᠢᠵᠦ᠂ ᠪᠡᠯᠬᠡᠭᠦᠰᠦ ᠡᠪᠦᠳᠦᠭ ᠦ᠋ᠨ ᠬᠦᠴᠦᠨ ᠲᠠᠮᠢᠷ ᠢ᠋ ᠰᠠᠢᠵᠢᠷᠠᠭᠤᠯᠤᠨ᠂ ᠬᠣᠳᠣᠭᠣᠳᠣ ᠳᠡᠯᠢᠭᠦᠦ ᠶ᠋ᠢ ᠪᠤᠯᠢᠶᠡᠰᠭᠡᠨ ᠬᠡᠢ ᠶ᠋ᠢ ᠶᠠᠪᠤᠭᠤᠯᠤᠮᠤᠢ᠃
ᠡᠭᠦᠨ ᠳ᠋ᠦ᠍ ᠬᠣᠨᠢᠨ ᠮᠢᠬᠠ ᠨᠢᠭᠡᠨ ᠮᠥᠴᠢ ᠶ᠋ᠢ ᠰᠠᠯᠭᠠᠨ ᠬᠡᠷᠴᠢᠵᠦ᠂ ᠭᠠᠭᠤᠯᠠ ᠲᠠᠪᠤᠨ ᠪᠦᠬᠦᠯᠢ ᠱᠦᠮᠦᠰᠠ ᠨᠢᠭᠡ ᠯᠠᠩ᠃
ᠳᠡᠭᠡᠷᠡᠬᠢ ᠵᠦᠢᠯ ᠦ᠋ᠳ ᠢ᠋ ᠬᠠᠮᠲᠤ ᠳ᠋ᠤᠨᠢ ᠪᠤᠴᠠᠯᠭᠠᠭᠠᠳ ᠱᠥᠯᠦᠨ ᠳᠣᠲᠣᠷᠠᠬᠢ ᠵᠦᠢᠯ ᠦ᠋ᠳ ᠢ᠋ ᠱᠦᠭᠦᠵᠦ ᠠᠪᠤᠭᠰᠠᠨ ᠤ᠋ ᠬᠣᠢᠨᠠ᠂ ᠾᠧᠱᠢ ᠭᠠᠵᠠᠷ ᠤ᠋ᠨ ᠦ ᠮᠠ᠋ ᠱᠢ ᠬᠡᠮᠡᠬᠦ ᠢᠳᠡᠭᠡᠨ ᠪᠤᠳᠠᠭᠠᠨ ᠭᠤᠯᠢᠷ ᠤ᠋ᠨ ᠵᠢᠵᠢᠭ ᠪᠣᠭᠣᠷᠰᠣᠭ ᠢ᠋ ᠬᠢᠵᠦ ᠪᠠᠰᠠ ᠰᠢᠩᠭᠦᠨ ᠬᠠᠭᠠᠰ ᠴᠢᠨ᠂ ᠳᠠᠪᠤᠰᠤ ᠥᠴᠦᠬᠡᠨ ᠲᠡᠳᠦᠢ ᠶ᠋ᠢ ᠬᠢᠵᠦ ᠨᠠᠢᠷᠠᠭᠤᠯᠤᠮᠤᠢ᠃
ᠪᠢᠯᠪᠠ ᠶ᠋ᠢᠨ ᠱᠥᠯᠥ
ᠡᠨᠡ ᠢᠨᠦ ᠬᠣᠳᠣᠭᠣᠳᠣ ᠳᠡᠯᠢᠭᠦᠦ ᠶ᠋ᠢ ᠰᠡᠯᠪᠢᠨ ᠬᠡᠢ ᠶ᠋ᠢ ᠶᠠᠪᠤᠭᠤᠯᠤᠨ᠂ ᠪᠡᠯᠬᠡᠭᠦᠰᠦ ᠡᠪᠦᠳᠦᠭ ᠢ᠋ᠶ᠋ᠡᠷ ᠡᠪᠡᠳᠬᠦ ᠶ᠋ᠢ ᠡᠮᠨᠡᠨ ᠬᠥᠯ ᠦ᠋ᠨ ᠪᠢᠯᠴᠠᠤ ᠳ᠋ᠤ᠌ ᠨᠡᠷᠪᠡᠭᠳᠡᠭᠡᠳ ᠮᠡᠳᠡᠷᠡᠯ ᠦᠭᠡᠢ ᠪᠣᠯᠤᠭᠰᠠᠨ ᠢ᠋ ᠵᠠᠰᠠᠮᠤᠢ᠃
ᠬᠣᠨᠢᠨ ᠮᠢᠬᠠ ᠨᠢᠭᠡ ᠮᠥᠴᠢ ᠶ᠋ᠢ ᠰᠠᠯᠭᠠᠨ ᠬᠡᠷᠴᠢᠵᠦ᠂ ᠭᠠᠭᠤᠯᠠ ᠲᠠᠪᠤᠨ ᠪᠦᠬᠦᠯᠢ ᠂ᠸᠠᠨᠳᠧᠦ ᠪᠤᠷᠴᠠᠭ ᠬᠠᠭᠠᠰ ᠱᠧᠩ ᠢ᠋ ᠬᠡᠮᠬᠡᠴᠢᠭᠡᠳ ᠠᠷᠠᠰᠤ ᠬᠠᠯᠢᠰᠤ ᠶ᠋ᠢ ᠠᠪᠴᠤ ᠬᠠᠶᠠᠮᠤᠢ᠃
ᠳᠡᠭᠡᠷᠡᠬᠢ ᠵᠦᠢᠯ ᠦ᠋ᠳ ᠢ᠋ ᠬᠠᠮᠲᠤ ᠳ᠋ᠤᠨᠢ ᠪᠤᠴᠠᠯᠭᠠᠭᠠᠳ ᠱᠥᠯᠦᠨ ᠳᠣᠲᠣᠷᠠᠬᠢ ᠵᠦᠢᠯ ᠦ᠋ᠳ ᠢ᠋ ᠱᠦᠭᠦᠵᠦ ᠭᠠᠷᠭᠠᠭᠰᠠᠨ ᠤ᠋ ᠳᠠᠷᠠᠭᠠ ᠲᠤᠲᠤᠷᠭᠠ ᠶ᠋ᠢᠨ ᠠᠮᠤ ᠨᠢᠭᠡ ᠱᠧᠩ ᠸᠠᠨᠳᠧᠦ ᠪᠤᠷᠴᠠᠭ ᠬᠣᠶᠠᠷ ᠭᠧ ᠮᠢᠬᠠᠯᠢᠭ ᠰᠢᠭ᠋ ᠪᠢᠯᠤᠠ ᠬᠣᠶᠠᠷ ᠵᠢᠩ ᠡᠴᠡ ᠠᠪᠤᠭᠰᠠᠨ ᠰᠢᠭᠦᠰᠦ᠂ ᠰᠢᠬᠢᠷ ᠳᠥᠷᠪᠡᠨ ᠯᠠᠩ᠂ ᠳᠠᠪᠤᠰᠤ ᠥᠴᠦᠬᠡᠨ ᠲᠡᠳᠦᠢ ᠵᠡᠷᠭᠡ ᠶ᠋ᠢ ᠱᠥᠯᠦᠨ ᠳ᠋ᠦ᠍ ᠬᠢᠭᠡᠳ ᠨᠠᠢᠷᠠᠭᠤᠯᠤᠮᠤᠢ᠃ ᠡᠰᠡᠪᠡᠰᠦ ᠥᠨᠥᠬᠢ ᠮᠢᠬᠠ ᠪᠠᠨ ᠬᠢᠵᠦ ᠴᠦ᠍ ᠪᠣᠯᠤᠮᠤᠢ᠃
ᠪᠤᠭᠤ ᠶ᠋ᠢᠨ ᠲᠣᠯᠣᠭᠠᠢ ᠶ᠋ᠢᠨ ᠱᠥᠯᠥ
ᠡᠨᠡ ᠢᠨᠦ ᠪᠡᠶᠡ ᠮᠠᠬᠠᠪᠣᠳ ᠢ᠋ ᠰᠢᠮᠡᠵᠢᠭᠦᠯᠦᠨ ᠲᠠᠮᠢᠷᠵᠢᠭᠤᠯᠵᠤ᠂ ᠲᠠᠴᠢᠶᠠᠳᠠᠨ ᠤᠮᠳᠠᠭᠠᠰᠬᠤ ᠶ᠋ᠢ ᠵᠣᠭᠰᠣᠭᠠᠨ᠂ ᠬᠥᠯ ᠡᠪᠦᠳᠦᠭ ᠦ᠋ᠨ ᠡᠪᠡᠷᠰᠢᠶᠡᠯ ᠢ᠋ ᠡᠮᠨᠡᠮᠦᠢ᠃
ᠪᠤᠭᠤ ᠶ᠋ᠢᠨ ᠲᠣᠯᠣᠭᠠᠢ ᠰᠢᠭᠢᠷᠡ ᠶ᠋ᠢ ᠴᠡᠪᠡᠷᠯᠡᠨ ᠠᠷᠢᠯᠭᠠᠭᠠᠳ ᠬᠡᠰᠡᠭᠯᠡᠨ ᠬᠡᠷᠴᠢᠮᠦᠢ᠃
ᠳᠡᠭᠡᠷᠡᠬᠢ ᠲᠣᠯᠣᠭᠠᠢ ᠰᠢᠭᠢᠷᠡ ᠨᠦ᠍ᠭᠦᠳ ᠢ᠋ ᠰᠢᠪᠡᠷᠯᠢᠭ ᠵᠢᠭᠤᠷᠠᠭᠰᠠᠨ ᠰᠢᠩᠭᠦᠨ ᠦ᠌ ᠬᠣᠭᠣᠷᠮᠠᠭ ᠯᠤᠭᠠ ᠲᠡᠭᠰᠢᠬᠡᠨ ᠨᠤᠬᠤᠯᠬᠢᠯᠠᠵᠤ᠂ ᠦᠷᠡᠰ ᠦ᠋ᠨ ᠲᠣᠰᠣ ᠳᠥᠷᠪᠡᠨ ᠯᠠᠩ ᠢ᠋ᠶ᠋ᠠᠷ ᠬᠠᠭᠤᠷᠤᠭᠠᠳ ᠪᠤᠴᠠᠯᠤᠭᠰᠠᠨ ᠤᠰᠤᠨ ᠳ᠋ᠤᠷ ᠬᠢᠵᠦ ᠪᠤᠴᠠᠯᠭᠠᠨ ᠰᠢᠯᠵᠠᠷᠠᠭᠤᠯᠤᠨᠠ᠃ ᠳᠠᠷᠠᠭᠠ ᠪᠠᠷ ᠨᠠᠯᠢᠰᠢᠮ ᠭᠤᠷᠪᠠᠨ ᠴᠢᠨ ᠰᠢᠩᠭᠦᠨ ᠬᠣᠶᠠᠷ ᠴᠢᠨ ᠪᠢᠪᠢᠯᠢᠩ ᠨᠢᠭᠡ ᠴᠢᠨ᠂ ᠦᠨᠢᠶᠡᠨ ᠰᠦ ᠨᠢᠭᠡ ᠠᠶᠠᠭᠠ ᠨᠣᠢᠲᠠᠨ ᠭᠠ (ᠬᠠᠯᠠᠭᠤᠨ ᠡᠪᠡᠰᠦ) ᠶ᠋ᠢᠨ ᠰᠢᠭᠦᠰᠦ ᠨᠢᠭᠡᠨ ᠭᠧ᠂ ᠳᠠᠪᠤᠰᠤ ᠥᠴᠦᠬᠡᠨ ᠲᠡᠳᠦᠢ ᠬᠢᠵᠦ ᠨᠠᠢᠷᠠᠭᠤᠯᠤᠮᠤᠢ᠃ ᠣᠨᠳᠣᠣ ᠨᠢᠭᠡᠨ ᠨᠠᠢᠷᠠᠭᠤᠯᠬᠤ ᠠᠷᠭᠠ ᠠᠨᠤ ᠪᠤᠭᠤ ᠶ᠋ᠢᠨ ᠰᠡᠭᠦᠯ ᠦ᠋ᠨ ᠰᠢᠭᠦᠰᠦ ᠪᠠ ᠬᠠᠯᠠᠭᠤᠨ ᠡᠪᠡᠰᠦ ᠶ᠋ᠢᠨ ᠨᠤᠨᠲᠠᠭ ᠳᠠᠪᠤᠰᠤ ᠬᠢᠵᠦ ᠨᠠᠢᠷᠠᠭᠤᠯᠤᠨᠠ᠃
ᠨᠠᠷᠠᠰᠤᠨ ᠴᠡᠴᠡᠭ ᠦ᠋ᠨ ᠲᠣᠭᠣᠰᠣ ᠶ᠋ᠢᠨ ᠱᠥᠯᠥ
ᠡᠨᠡ ᠢᠨᠦ ᠬᠣᠳᠣᠭᠣᠳᠣ ᠳᠡᠯᠢᠭᠦᠦ ᠶ᠋ᠢ ᠰᠡᠯᠪᠢᠨ ᠲᠠᠮᠢᠷ ᠢ᠋ ᠰᠠᠢᠵᠢᠷᠠᠭᠤᠯᠵᠤ ᠶᠠᠰᠤ ᠰᠢᠷᠪᠥᠰᠥ ᠶ᠋ᠢ ᠬᠦᠴᠦᠵᠢᠭᠦᠯᠦᠮᠦᠢ᠃
ᠬᠣᠨᠢᠨ ᠮᠢᠬᠠ ᠨᠢᠭᠡ ᠮᠥᠴᠢ ᠶ᠋ᠢ ᠰᠠᠯᠭᠠᠨ ᠬᠡᠷᠴᠢᠵᠦ᠂ ᠭᠠᠭᠤᠯᠠ ᠲᠠᠪᠤᠨ ᠪᠦᠬᠦᠯᠢ᠂ ᠸᠠᠨᠳᠧᠦ ᠪᠤᠷᠴᠠᠭ ᠬᠠᠭᠠᠰ ᠊ᠱᠸᠡᠭ ᠢ᠋ ᠬᠡᠮᠬᠡᠴᠢᠵᠦ ᠬᠠᠯᠢᠰᠤ ᠶ᠋ᠢ ᠠᠪᠴᠤ ᠬᠠᠶᠠᠮᠤᠢ᠃
ᠳᠡᠭᠡᠷᠡᠬᠢ ᠵᠦᠢᠯ ᠦ᠋ᠳ ᠢ᠋ ᠬᠠᠮᠲᠤ ᠳ᠋ᠤᠨᠢ ᠪᠤᠴᠠᠯᠭᠠᠭᠠᠳ ᠱᠦᠭᠦᠵᠦ ᠭᠠᠷᠭᠠᠨ᠂ ᠵᠢᠴᠢ ᠪᠣᠯᠭᠣᠭᠰᠠᠨ ᠨᠢᠭᠡᠨ ᠪᠦᠬᠦᠯᠢ ᠬᠣᠨᠢᠨ ᠲᠣᠯᠣᠭᠠᠢ ᠶ᠋ᠢᠨ ᠮᠢᠬᠠ ᠶ᠋ᠢ ᠬᠤᠷᠤᠭᠤᠨ ᠥᠨᠳᠡᠭᠡ ᠴᠢᠨᠡᠭᠡ ᠬᠡᠷᠴᠢᠵᠦ᠂ ᠨᠠᠷᠠᠰᠤᠨ ᠴᠡᠴᠡᠭ ᠦ᠋ᠨ ᠲᠣᠭᠣᠰᠣ ᠶ᠋ᠢᠨ ᠰᠥᠮᠥᠰᠦ ᠬᠣᠶᠠᠷ ᠭᠧ᠂ ᠨᠣᠢᠲᠠᠨ ᠭᠠ ᠶ᠋ᠢᠨ ᠰᠥᠮᠥᠰᠦ ᠬᠠᠭᠠᠰ ᠭᠧ ᠢ ᠬᠠᠮᠲᠤ ᠳ᠋ᠤᠨᠢ ᠬᠢᠭᠡᠳ ᠪᠠᠰᠠ ᠬᠠᠭᠤᠷᠤᠭᠰᠠᠨ ᠰᠣᠩᠭᠢᠨᠠ᠂ ᠳᠠᠪᠤᠰᠤ᠂ ᠼᠤᠤ᠂ ᠦᠨᠦᠷᠲᠦ ᠨᠣᠭᠣᠭᠠᠨ ᠤ᠋ ᠨᠠᠪᠴᠢ ᠶ᠋ᠢ ᠬᠢᠵᠦ ᠨᠠᠢᠷᠠᠭᠤᠯᠤᠭᠠᠳ ᠣᠷᠢᠶᠠᠮᠠᠯ ᠪᠣᠭᠣᠷᠰᠣᠭ ᠲᠠᠢ ᠢᠳᠡᠮᠦᠢ᠃
ᠪᠤᠷᠠᠮ ᠤ᠋ᠨ ᠱᠥᠯᠥ
ᠡᠨᠡ ᠪᠣᠯᠪᠠᠰᠤ ᠰᠠᠪᠠ ᠶ᠋ᠢ ᠰᠡᠯᠪᠢᠨ᠂ ᠲᠠᠮᠢᠷ ᠢ᠋ ᠰᠠᠢᠵᠢᠷᠠᠭᠤᠯᠵᠤ᠂ ᠬᠣᠳᠣᠭᠣᠳᠣ ᠳᠡᠯᠢᠭᠦᠦ ᠶ᠋ᠢ ᠴᠢᠭᠢᠷᠠᠭᠵᠢᠭᠤᠯᠤᠮᠤᠢ᠃
ᠬᠣᠨᠢᠨ ᠮᠢᠬᠠ ᠨᠢᠭᠡ ᠮᠥᠴᠢ ᠶ᠋ᠢ ᠰᠠᠯᠭᠠᠨ ᠬᠡᠷᠴᠢᠵᠦ᠂ ᠭᠠᠭᠤᠯᠠ ᠲᠠᠪᠤᠨ ᠪᠦᠬᠦᠯᠢ᠂ ᠸᠠᠨᠳᠧᠦ ᠪᠤᠷᠴᠠᠭ ᠢ᠋ ᠬᠠᠭᠠᠰ ᠊ᠱᠸᠡᠭ ᠢ᠋ ᠬᠠᠯᠢᠰᠤ ᠶ᠋ᠢ ᠠᠷᠢᠯᠭᠠᠨᠠ᠃
ᠳᠡᠭᠡᠷᠡᠬᠢ ᠵᠦᠢᠯ ᠦ᠋ᠳ ᠢ᠋ ᠬᠠᠮᠲᠤ ᠳ᠋ᠤᠨᠢ ᠪᠤᠴᠠᠯᠭᠠᠵᠤ ᠱᠦᠭᠦᠵᠦ ᠠᠪᠤᠭᠰᠠᠨ ᠤ᠋ ᠬᠣᠢᠨᠠ᠂ ᠪᠣᠯᠭᠣᠵᠤ ᠬᠠᠲᠠᠭᠠᠭᠰᠠᠨ ᠬᠣᠨᠢᠨ ᠲᠠᠷᠢᠬᠢ ᠶ᠋ᠢ ᠨᠢᠭᠡ ᠶ᠋ᠢ ᠬᠠᠪᠲᠠᠭᠠᠢᠯᠠᠨ ᠬᠡᠷᠴᠢᠵᠦ᠂ ᠪᠤᠷᠠᠮ ᠭᠤᠷᠪᠠᠨ ᠊ᠱᠸᠡᠭ᠂ ᠵᠢᠴᠢ ᠴᠠᠭᠠᠨ ᠨᠣᠭᠣᠭᠠ ᠪᠤᠶᠤ ᠬᠠᠯᠠᠭᠠᠢ ᠨᠣᠭᠣᠭᠠ ᠶ᠋ᠢᠨ ᠬᠠᠮᠲᠤ ᠲᠣᠭᠣᠭᠠᠨ ᠳ᠋ᠤ᠌ ᠬᠢᠭᠡᠳ ᠳᠠᠪᠤᠰᠤ ᠬᠢᠵᠦ ᠨᠠᠢᠷᠠᠭᠤᠯᠤᠮᠤᠢ᠃
ᠠᠷᠪᠠᠢ ᠶ᠋ᠢᠨ ᠪᠥᠮᠪᠥᠭᠡᠯᠢᠭ ᠶᠠᠯᠴᠢᠩ
ᠡᠨᠡ ᠪᠣᠯ ᠰᠠᠪᠠ ᠶ᠋ᠢ ᠰᠡᠯᠪᠢᠨ ᠲᠠᠮᠢᠷᠵᠢᠭᠤᠯᠵᠤ᠂ ᠬᠣᠳᠣᠭᠣᠳᠣ ᠳᠡᠯᠢᠭᠦᠦ ᠶ᠋ᠢ ᠰᠠᠢᠵᠢᠷᠠᠭᠤᠯᠤᠮᠤᠢ᠃
ᠬᠣᠨᠢᠨ ᠮᠢᠬᠠ ᠨᠢᠭᠡ ᠮᠥᠴᠢ ᠶ᠋ᠢ ᠰᠠᠯᠭᠠᠨ ᠬᠡᠷᠴᠢᠵᠦ᠂ ᠭᠠᠭᠤᠯᠠ ᠲᠠᠪᠤᠨ ᠪᠦᠬᠦᠯᠢ᠂ ᠸᠠᠨᠳᠧᠦ ᠪᠤᠷᠴᠠᠭ ᠳᠤᠮᠳᠠᠭᠤᠷ ᠱᠧᠩ ᠢ᠋ ᠬᠠᠯᠢᠰᠤ ᠶ᠋ᠢ ᠨᠢ ᠠᠷᠢᠯᠭᠠᠨ ᠬᠡᠷᠡᠭᠯᠡᠮᠦᠢ᠃
ᠳᠡᠭᠡᠷᠡᠬᠢ ᠵᠦᠢᠯ ᠦ᠋ᠳ ᠢ᠋ ᠬᠠᠮᠲᠤ ᠳ᠋ᠤᠨᠢ ᠪᠤᠴᠠᠯᠭᠠᠭᠠᠳ ᠱᠦᠭᠦᠵᠦ ᠭᠠᠷᠭᠠᠨᠠ᠃ ᠵᠢᠴᠢ ᠠᠷᠪᠠᠢ ᠶ᠋ᠢᠨ ᠭᠤᠯᠢᠷ ᠊ ᠭᠤᠷᠪᠠᠨ ᠵᠢᠩ ᠢ᠋ ᠪᠤᠷᠴᠠᠭ ᠤ᠋ᠨ ᠭᠤᠯᠢᠷ ᠨᠢᠭᠡ ᠵᠢᠩ ᠯᠦ᠍ᠭᠡ ᠨᠡᠢᠯᠡᠭᠦᠯᠵᠦ ᠶᠠᠯᠴᠢᠩ ᠬᠢᠵᠦ᠂ ᠬᠣᠨᠢᠨ ᠮᠢᠬᠠ ᠶ᠋ᠢ ᠨᠠᠷᠢᠨ ᠬᠡᠷᠴᠢᠵᠦ ᠬᠠᠭᠤᠷᠤᠨ᠂ ᠨᠣᠢᠲᠠᠨ ᠭᠠ ᠶ᠋ᠢᠨ ᠰᠢᠭᠦᠰᠦ ᠬᠣᠶᠠᠷ ᠭᠧ᠂ ᠦᠰᠦ᠋ ᠶ᠋ᠢᠨ ᠨᠠᠪᠴᠢ ᠪᠣᠯᠤᠨ ᠳᠠᠪᠤᠰᠤ ᠼᠤᠤ ᠬᠢᠵᠦ ᠨᠠᠢᠷᠠᠭᠤᠯᠤᠮᠤᠢ᠃
ᠠᠷᠪᠠᠢ ᠶ᠋ᠢᠨ ᠬᠠᠪᠲᠠᠭᠠᠢ ᠶᠠᠯᠴᠢᠩ
ᠡᠨᠡ ᠢᠨᠦ ᠰᠠᠪᠠ ᠶ᠋ᠢ ᠰᠡᠯᠪᠢᠨ ᠲᠠᠮᠢᠷᠵᠢᠭᠤᠯᠵᠤ᠂ ᠬᠣᠳᠣᠭᠣᠳᠣ ᠳᠡᠯᠢᠭᠦᠦ ᠶ᠋ᠢ ᠰᠠᠢᠵᠢᠷᠠᠭᠤᠯᠤᠮᠤᠢ᠃
ᠬᠣᠨᠢᠨ ᠮᠢᠬᠠ ᠨᠢᠭᠡ ᠮᠥᠴᠢ ᠶ᠋ᠢ ᠰᠠᠯᠭᠠᠨ ᠬᠡᠷᠴᠢᠵᠦ᠂ ᠭᠠᠭᠤᠯᠠ ᠲᠠᠪᠤᠨ ᠪᠦᠬᠦᠯᠢ᠂ ᠬᠠᠮᠠᠷ (ᠪᠣᠷᠣ ᠭᠠ) ᠬᠣᠶᠠᠷ ᠴᠢᠨ᠃
ᠳᠡᠭᠡᠷᠡᠬᠢ ᠵᠦᠢᠯ ᠦ᠋ᠳ ᠢ᠋ ᠬᠠᠮᠲᠤ ᠳ᠋ᠤᠨᠢ ᠪᠤᠴᠠᠯᠭᠠᠭᠠᠳ ᠱᠦᠭᠦᠵᠦ ᠭᠠᠷᠭᠠᠭᠰᠠᠨ ᠤ᠋ ᠬᠣᠢᠨᠠ ᠬᠣᠨᠢᠨ ᠡᠯᠢᠭᠡᠨ ᠦ᠌ ᠵᠢᠶᠠᠩ ᠢ᠋ ᠬᠢᠵᠦ ᠲᠤᠩᠭᠠᠯᠠᠭ ᠰᠥᠮᠥᠰᠦ ᠶ᠋ᠢ ᠠᠪᠤᠭᠠᠳ᠂ ᠡᠭᠦᠨ ᠳ᠋ᠦ᠍ᠷ ᠫᠣᠸᠠᠷᠢ ᠲᠠᠪᠤᠨ ᠴᠢᠨ᠂ ᠪᠣᠯᠭᠣᠭᠠᠭᠰᠠᠨ ᠬᠣᠨᠢᠨ ᠮᠢᠬᠠ ᠪᠠᠨ ᠲᠤᠱᠠᠮᠠ ᠶ᠋ᠢᠨ ᠬᠢᠷᠢᠲᠡᠢ ᠬᠡᠷᠴᠢᠵᠦ᠂ ᠠᠷᠢᠬᠢᠨ ᠤ᠋ ᠪᠠᠵᠠᠮᠠᠭ ᠲᠤᠷ ᠳᠠᠷᠤᠭᠰᠠᠨ ᠭᠠ ᠬᠣᠶᠠᠷ ᠯᠠᠩ᠂ ᠳᠠᠪᠤᠰᠤᠯᠠᠭᠰᠠᠨ ᠬᠡᠮᠬᠡ ᠨᠢᠭᠡ ᠯᠠᠩ ᠢ᠋ ᠮᠥᠨ ᠲᠤᠱᠠᠮᠠ ᠶ᠋ᠢᠨ ᠬᠢᠷᠢᠲᠡᠢ ᠬᠡᠷᠴᠢᠵᠦ᠂ ᠵᠢᠴᠢ ᠳᠠᠪᠤᠰᠤ ᠬᠢᠵᠦ ᠨᠠᠢᠷᠠᠭᠤᠯᠤᠨᠠ᠃ ᠡᠰᠡᠬᠦᠯᠡ ᠲᠤᠩᠭᠠᠯᠠᠭ ᠪᠤᠰᠤ ᠤᠭ ᠤ᠋ᠨ ᠱᠥᠯᠦᠨ ᠳ᠋ᠦ᠍ᠷ ᠨᠠᠢᠷᠠᠭᠤᠯᠤᠨ ᠬᠡᠷᠡᠭᠯᠡᠵᠦ ᠴᠦ᠍ ᠪᠣᠯᠤᠮᠤᠢ᠃
ᠰᠢᠯᠦᠬᠡᠢ ᠲᠤᠲᠤᠷᠭᠠ ᠶ᠋ᠢᠨ ᠭᠤᠯᠢᠷ ᠤ᠋ᠨ ᠲᠠᠲᠠᠮᠠᠯ ᠶᠠᠯᠴᠢᠩ
ᠬᠣᠳᠣᠭᠣᠳᠣ ᠳᠡᠯᠢᠭᠦᠦ ᠶ᠋ᠢ ᠰᠡᠯᠪᠢᠨ ᠲᠠᠮᠢᠷ ᠢ᠋ ᠰᠠᠢᠵᠢᠷᠠᠭᠤᠯᠤᠮᠤᠢ᠃
ᠬᠣᠨᠢᠨ ᠮᠢᠬᠠ ᠨᠢᠭᠡ ᠮᠥᠴᠢ ᠶ᠋ᠢ ᠰᠠᠯᠭᠠᠨ ᠬᠡᠷᠴᠢᠵᠦ ᠭᠠᠭᠤᠯᠠ ᠲᠠᠪᠤᠨ ᠪᠦᠬᠦᠯᠢ᠂ ᠪᠣᠷᠣ ᠭᠠ ᠬᠣᠶᠠᠷ ᠴᠢᠨ᠃
ᠳᠡᠭᠡᠷᠡᠬᠢ ᠵᠦᠢᠯ ᠦ᠋ᠳ ᠢ᠋ ᠬᠠᠮᠲᠤ ᠳ᠋ᠤᠨᠢ ᠪᠤᠴᠠᠯᠭᠠᠭᠠᠳ ᠱᠦᠭᠦᠵᠦ ᠭᠠᠷᠭᠠᠨ᠂ ᠬᠣᠨᠢᠨ ᠡᠯᠢᠭᠡᠨ ᠦ᠌ ᠵᠢᠩ ᠬᠢᠵᠦ ᠪᠤᠴᠠᠯᠭᠠᠨ ᠲᠤᠩᠭᠠᠯᠠᠭ ᠰᠥᠮᠥᠰᠦ ᠶ᠋ᠢ ᠬᠡᠷᠡᠭᠯᠡᠮᠦᠢ᠃ ᠡᠭᠦᠨ ᠳ᠋ᠦ᠍ᠷ ᠫᠣᠸᠠᠷᠢ ᠲᠠᠪᠤᠨ ᠴᠢᠨ᠂ ᠰᠢᠯᠦᠬᠡᠢ ᠲᠤᠲᠤᠷᠭᠠ ᠶ᠋ᠢᠨ ᠭᠤᠯᠢᠷ ᠬᠣᠶᠠᠷ ᠵᠢᠩ ᠪᠣᠯᠤᠨ ᠪᠤᠷᠴᠠᠭ ᠤ᠋ᠨ ᠭᠤᠯᠢᠷ ᠨᠢᠭᠡ ᠵᠢᠩ ᠯᠦ᠍ᠭᠡ ᠨᠡᠢᠯᠡᠭᠦᠯᠵᠦ ᠲᠠᠲᠠᠮᠠᠯ ᠶᠠᠯᠴᠢᠩ ᠬᠢᠭᠡᠳ ᠬᠣᠨᠢᠨ ᠮᠢᠬᠠ ᠪᠠᠨ ᠨᠠᠷᠢᠨ ᠬᠡᠷᠴᠢᠵᠦ᠂ ᠳᠠᠪᠤᠰᠤ ᠼᠤᠤ ᠬᠢᠵᠦ ᠨᠠᠢᠷᠠᠭᠤᠯᠤᠮᠤᠢ᠃ ᠡᠰᠡᠬᠦᠯᠡ ᠤᠭ ᠤ᠋ᠨ ᠱᠥᠯᠦᠨ ᠳ᠋ᠦ᠍ ᠨᠠᠢᠷᠠᠭᠤᠯᠤᠭᠰᠠᠨ ᠴᠤ᠌ ᠪᠣᠯᠤᠮᠤᠢ᠃
ᠬᠣᠰᠬᠠ ᠶ᠋ᠢᠨ ᠱᠥᠯᠥ
ᠬᠣᠳᠣᠭᠣᠳᠣ ᠳᠡᠯᠢᠭᠦᠦ ᠶ᠋ᠢ ᠰᠡᠯᠪᠢᠨ ᠲᠠᠮᠢᠷ ᠢ᠋ ᠰᠠᠢᠵᠢᠷᠠᠭᠤᠯᠤᠮᠤᠢ᠃
ᠬᠣᠨᠢᠨ ᠮᠢᠬᠠ ᠨᠢᠭᠡ ᠮᠥᠴᠢ ᠶ᠋ᠢ ᠰᠠᠯᠭᠠᠨ ᠬᠡᠷᠴᠢᠵᠦ ᠭᠠᠭᠤᠯᠠ ᠲᠠᠪᠤᠨ ᠪᠦᠬᠦᠯᠢ᠃
ᠳᠡᠭᠡᠷᠡᠬᠢ ᠵᠦᠢᠯ ᠦ᠋ᠳ ᠢ᠋ ᠬᠠᠮᠲᠤ ᠳ᠋ᠤᠨᠢ ᠪᠤᠴᠠᠯᠭᠠᠭᠠᠳ ᠲᠤᠩᠭᠠᠵᠤ ᠱᠦᠭᠦᠵᠦ ᠠᠪᠤᠨᠠ᠃ ᠬᠣᠨᠢᠨ ᠮᠢᠬᠠ ᠶ᠋ᠢ ᠨᠠᠷᠢᠨ ᠬᠢᠮᠠ ᠪᠣᠯᠭᠠᠨ ᠬᠡᠷᠴᠢᠵᠦ ᠵᠦᠷᠪᠠᠭ(ᠵᠦᠷᠵᠢ ᠶ᠋ᠢᠨ ᠬᠠᠯᠢᠰᠤ) ᠲᠠᠪᠤᠨ ᠴᠢᠨ ᠢ᠋ ᠳᠣᠲᠣᠷᠠᠬᠢ ᠴᠠᠭᠠᠨ ᠢ᠋ ᠨᠢ ᠠᠪᠴᠤ ᠬᠠᠶᠠᠨ᠂ ᠰᠣᠩᠭᠢᠨᠠ ᠬᠣᠶᠠᠷ ᠯᠠᠩ ᠢ᠋ ᠨᠠᠷᠢᠨ ᠬᠡᠷᠴᠢᠨ ᠪᠠᠭᠰᠤᠷᠭᠠ (ᠠᠮᠲᠠ ᠶ᠋ᠢᠨ ᠨᠠᠢᠷᠠᠯᠭᠠ) ᠬᠣᠶᠠᠷ ᠴᠢᠨ᠂ ᠳᠠᠪᠤᠰᠤ ᠵᠢᠶᠠᠩ ᠢ᠋ᠶ᠋ᠠᠷ ᠢᠳᠡᠭᠡ (ᠰᠢᠶᠠᠨᠰᠠ) ᠬᠢᠵᠦ ᠨᠠᠢᠷᠠᠭᠤᠯᠤᠭᠠᠳ᠂ ᠴᠠᠭᠠᠨ ᠭᠤᠯᠢᠷ ᠭᠤᠷᠪᠠᠨ ᠵᠢᠩ ᠢ᠋ᠶ᠋ᠡᠷ ᠬᠠᠯᠢᠰᠤ ᠪᠣᠯᠭᠠᠨ ᠬᠦᠪᠦᠷᠯᠡᠵᠦ ᠬᠣᠰᠬᠠ ᠪᠣᠭᠣᠷᠰᠣᠭ ᠪᠠᠷᠢᠵᠤ᠂ ᠦᠷᠡᠰ ᠦ᠋ᠨ ᠲᠣᠰᠣᠨ ᠳ᠋ᠤᠷ ᠪᠤᠴᠠᠯᠭᠠᠵᠤ ᠪᠣᠯᠭᠣᠭᠰᠠᠨ ᠤ᠋ ᠳᠠᠷᠠᠭᠠ ᠱᠥᠯᠦᠨ ᠳᠣᠲᠣᠷᠠ ᠬᠢᠭᠡᠳ ᠳᠠᠪᠤᠰᠤ ᠲᠠᠯᠪᠢᠵᠤ ᠨᠠᠢᠷᠠᠭᠤᠯᠤᠮᠤᠢ᠃ ᠡᠰᠡᠬᠦᠯᠡ ᠲᠤᠩᠭᠠᠯᠠᠭ ᠰᠥᠮᠥᠰᠦᠨ ᠳ᠋ᠦ᠍ ᠬᠢᠵᠦ ᠪᠤᠴᠠᠯᠭᠠᠭᠰᠠᠨ ᠴᠤ᠌ ᠪᠣᠯᠤᠮᠤᠢ᠃
ᠠᠼᠠᠢ ᠨᠣᠭᠣᠭᠠ ᠶ᠋ᠢᠨ ᠱᠥᠯᠥ
ᠡᠨᠡ ᠢᠨᠦ ᠬᠣᠳᠣᠭᠣᠳᠣ ᠳᠡᠯᠢᠭᠦᠦ ᠶ᠋ᠢ ᠰᠡᠯᠪᠢᠨ ᠲᠠᠮᠢᠷ ᠢ᠋ ᠰᠠᠢᠵᠢᠷᠠᠭᠤᠯᠤᠮᠤᠢ᠃
ᠬᠣᠨᠢᠨ ᠮᠢᠬᠠ ᠨᠢᠭᠡ ᠮᠥᠴᠢ ᠶ᠋ᠢ ᠰᠠᠯᠭᠠᠨ ᠬᠡᠷᠴᠢᠵᠦ᠂ ᠭᠠᠭᠤᠯᠠ ᠲᠠᠪᠤᠨ ᠪᠦᠬᠦᠯᠢ᠂ ᠪᠣᠷᠣ ᠭᠠ ᠬᠣᠶᠠᠷ ᠴᠢᠨ᠃
ᠳᠡᠭᠡᠷᠡᠬᠢ ᠵᠦᠢᠯ ᠦ᠋ᠳ ᠢ᠋ ᠬᠠᠮᠲᠤ ᠳ᠋ᠤᠨᠢ ᠪᠤᠴᠠᠯᠭᠠᠭᠠᠳ ᠱᠦᠭᠦᠵᠦ ᠠᠪᠴᠤ᠂ ᠬᠣᠨᠢᠨ ᠡᠯᠢᠭᠡᠨ ᠵᠢᠶᠠᠩ ᠢ᠋ ᠬᠢᠵᠦ᠂ ᠲᠤᠩᠭᠠᠯᠠᠭ ᠰᠥᠮᠥᠰᠦ ᠶ᠋ᠢ ᠨᠢ ᠬᠡᠷᠡᠭᠯᠡᠮᠦᠢ᠃ ᠫᠣᠸᠠᠷᠢ ᠲᠠᠪᠤᠨ ᠴᠢᠨ ᠢ᠋ ᠬᠢᠬᠦ ᠪᠥᠭᠡᠳ᠂ ᠬᠣᠨᠢᠨ ᠮᠢᠬᠠ ᠪᠠᠨ ᠨᠢᠮᠭᠡᠨ ᠬᠡᠷᠴᠢᠮ ᠪᠣᠯᠭᠠᠨ ᠬᠡᠷᠴᠢᠵᠦ᠂ ᠪᠠᠰᠠ ᠬᠣᠨᠢᠨ ᠰᠡᠭᠦᠯ ᠨᠢᠭᠡ᠂ ᠬᠣᠨᠢᠨ ᠬᠡᠯᠡ ᠨᠢᠭᠡ᠂ ᠬᠣᠨᠢᠨ ᠪᠥᠭᠡᠷᠡ ᠨᠢᠭᠡᠨ ᠬᠣᠣᠰ ᠢ᠋ ᠲᠤᠰ ᠪᠦᠷᠢ ᠳ᠋ᠦ᠍ ᠨᠢ ᠲᠤᠱᠠᠮᠠ ᠶ᠋ᠢᠨ ᠬᠢᠷᠢᠲᠡᠢ ᠬᠡᠷᠴᠢᠵᠦ᠂ ᠵᠢᠴᠢ ᠮᠥᠭᠥ ᠬᠣᠶᠠᠷ ᠯᠠᠩ ᠴᠠᠭᠠᠨ ᠨᠣᠭᠣᠭᠠ ᠵᠡᠷᠭᠡ ᠶ᠋ᠢ ᠲᠤᠩᠭᠠᠯᠠᠭ ᠰᠥᠮᠥᠰᠦᠨ ᠳ᠋ᠦ᠍ᠷ ᠬᠢᠭᠡᠳ ᠳᠠᠪᠤᠰᠤ ᠼᠤᠤ ᠬᠢᠵᠦ ᠨᠠᠢᠷᠠᠭᠤᠯᠤᠮᠤᠢ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠰᠠᠨ ᠨᠢ ᠄ ᠭᠠᠸᠠ