ᠰᠣᠯᠣᠩᠭᠠ ᠶ᠋ᠢᠨ ᠮᠢᠬᠠSolongyn makhСолонгын мах
201
ᠰᠣᠯᠣᠩᠭᠠ ᠶ᠋ᠢᠨ ᠮᠢᠬᠠ
ᠲᠤᠰ ᠡᠮ ᠪᠣᠯ ᠬᠦᠷᠡᠨᠡ ᠶ᠋ᠢᠨ ᠢᠵᠠᠭᠤᠷ ᠤ᠋ᠨ ᠠᠮᠢᠲᠠᠨ ᠪᠣᠯᠬᠤ ᠰᠢᠷᠠ ᠦᠨᠡ ᠶ᠋ᠢᠨ ᠬᠠᠲᠠᠭᠠᠭᠰᠠᠨ ᠮᠢᠬᠠ ᠮᠥᠨ᠃
[ ᠤᠤᠯ ᠠᠮᠢᠲᠠᠨ] ᠪᠡᠶᠡ ᠨᠢ ᠨᠠᠷᠢᠨ ᠤᠷᠲᠤ᠂ ᠳᠥᠷᠪᠡᠨ ᠮᠥᠴᠢ ᠨᠢ ᠣᠬᠣᠷ᠂ ᠰᠡᠭᠦᠯ ᠨᠢ13—18cm ᠤᠷᠲᠤ᠂ ᠪᠠᠭᠠᠬᠠᠨ ᠰᠠᠭᠯᠠᠭᠠᠷ᠂ ᠬᠥᠯ ᠦ᠋ᠨ ᠦᠰᠦ ᠨᠢ ᠤᠷᠲᠤ ᠮᠥᠷᠲᠡᠭᠡᠨ ᠰᠢᠷᠦᠭᠦᠨ᠃ ᠡᠷᠡ ᠰᠢᠷᠠ ᠦᠨᠡ ᠶ᠋ᠢᠨ ᠪᠡᠶᠡ ᠨᠢ ᠵᠢᠭᠠᠬᠠᠨ ᠲᠣᠮᠣ᠂ ᠪᠡᠶᠡ ᠶ᠋ᠢᠨ ᠬᠦᠨᠳᠦ ᠨᠢ1Kg ᠣᠷᠴᠢᠮ᠂ ᠡᠮᠡ ᠨᠢ ᠪᠠᠭᠠ ᠪᠥᠭᠡᠳ ᠬᠦᠨᠳᠦ ᠨᠢ ᠡᠷᠡ ᠶ᠋ᠢᠨ ᠢ᠋ᠶ᠋ᠡᠨ1/3 ᠣᠷᠴᠢᠮ᠃ ᠪᠡᠶᠡ ᠶ᠋ᠢᠨ ᠤᠷᠲᠤ ᠨᠢ25—39cm ᠣᠷᠴᠢᠮ᠃ ᠪᠦᠬᠦ ᠪᠡᠶᠡ ᠨᠢ ᠤᠯᠠᠪᠢᠷ ᠰᠢᠷᠠ ᠪᠤᠶᠤ ᠵᠦᠷᠵᠢ ᠶ᠋ᠢᠨ ᠰᠢᠷᠠ ᠥᠩᠭᠡ ᠲᠡᠢ᠂ ᠬᠡᠪᠡᠯᠢ ᠲᠠᠯᠠ ᠶ᠋ᠢᠨ ᠥᠩᠭᠡ ᠨᠢ ᠵᠢᠭᠠᠬᠠᠨ ᠭᠦᠢᠬᠡᠨ᠃ ᠬᠣᠩᠰᠢᠶᠠᠷ ᠤ᠋ᠨ ᠦᠵᠦᠭᠦᠷ᠂ ᠨᠢᠳᠦᠨ ᠦ᠌ ᠣᠷᠴᠢᠨ ᠲᠣᠭᠣᠷᠢᠨ ᠪᠠ ᠬᠣᠶᠠᠷ ᠨᠢᠳᠦᠨ ᠦ᠌ ᠬᠣᠭᠣᠷᠣᠨᠳᠣᠬᠢ ᠬᠠᠴᠠᠷ ᠤ᠋ᠨ ᠬᠡᠰᠡᠭ ᠨᠢ ᠤᠯᠠᠪᠢᠷ ᠬᠦᠷᠡᠩ᠃ ᠮᠠᠩᠨᠠᠢ ᠶ᠋ᠢᠨ ᠬᠡᠰᠡᠭ ᠨᠢ ᠭᠦᠢᠬᠡᠨ ᠤᠯᠠᠪᠤᠷ᠃ ᠳᠣᠣᠷᠠᠲᠤ ᠤᠷᠤᠭᠤᠯ ᠨᠢ ᠵᠠᠷᠢᠮ ᠳ᠋ᠠᠭᠠᠨ ᠡᠷᠡᠦ ᠲᠡᠢ ᠪᠡᠨ ᠴᠥᠮ ᠴᠠᠭᠠᠨ᠃ ᠬᠠᠮᠠᠷ ᠨᠢ ᠴᠠᠭᠠᠨ᠂ ᠰᠡᠭᠦᠯ ᠪᠠ ᠳᠥᠷᠪᠡᠨ ᠮᠥᠴᠢ ᠨᠢ ᠠᠷᠤ ᠲᠠᠯᠠ ᠲᠠᠢ ᠪᠠᠨ ᠠᠳᠠᠯᠢᠬᠠᠨ ᠥᠩᠭᠡ ᠲᠡᠢ᠃ ᠵᠤᠨ ᠤ᠋ ᠦᠰᠦ ᠨᠢ ᠶᠡᠷᠦ ᠳ᠋ᠡᠭᠡᠨ ᠪᠦᠳᠡᠭᠢ ᠤᠯᠠᠪᠤᠷ ᠬᠦᠷᠡᠩ ᠪᠤᠶᠤ ᠬᠦᠷᠡᠩ ᠥᠩᠭᠡ ᠲᠡᠢ᠂ ᠶᠡᠷᠦ ᠳ᠋ᠡᠭᠡᠨ ᠡᠪᠦᠯ ᠦ᠋ᠨ ᠦᠰᠦ ᠨᠢ ᠭᠦᠢᠬᠡᠨ ᠥᠩᠭᠡ ᠲᠡᠢ ᠪᠥᠭᠡᠳ ᠭᠢᠯᠠᠭᠠᠷ ᠪᠠᠢᠳᠠᠭ᠃
[ ᠠᠮᠢᠳᠤᠷᠠᠬᠤ ᠣᠷᠴᠢᠨ ᠬᠢᠭᠡᠳ ᠲᠠᠷᠬᠠᠴᠠ] ᠭᠣᠣ ᠰᠤᠪᠠᠭ᠂ ᠡᠪᠳᠡᠷᠬᠡᠢ ᠪᠠᠷᠢᠯᠭᠠ᠂ ᠳᠣᠪᠣᠴᠠᠭ᠂ ᠪᠤᠲᠠ ᠰᠥᠭᠡᠭ ᠳᠤᠮᠳᠠ ᠠᠮᠢᠳᠤᠷᠠᠳᠠᠭ᠃ ᠪᠦᠬᠦ ᠤᠯᠤᠰ ᠤ᠋ᠨ ᠬᠡᠪᠴᠢᠶᠡᠨ ᠳ᠋ᠦ᠍ ᠪᠠᠷᠤᠭ ᠨᠡᠢᠳᠡᠮ ᠲᠠᠷᠬᠠᠴᠠ ᠲᠠᠢ᠃
[ ᠡᠳ᠋ᠰᠢᠭᠦᠯᠦᠨ ᠪᠣᠯᠪᠠᠰᠤᠷᠠᠭᠤᠯᠬᠤ] ᠳᠥᠷᠪᠡᠨ ᠤᠯᠠᠷᠢᠯ ᠳ᠋ᠤ᠌ ᠠᠩᠨᠠᠵᠤ ᠠᠯᠠᠭᠰᠠᠨ ᠤ᠋ ᠰᠡᠭᠦᠯᠡᠷ ᠮᠢᠬᠠ ᠶ᠋ᠢ ᠨᠢ ᠠᠪᠴᠤ᠂ ᠪᠣᠷᠴᠠᠯᠠᠭᠠᠳ ᠨᠠᠷᠠᠨ ᠳ᠋ᠤ᠌ ᠬᠠᠲᠠᠭᠠᠨᠠ᠃
[ ᠠᠮᠲᠠ᠂ ᠴᠢᠨᠠᠷ᠂ ᠡᠷᠳᠡᠮ] ᠠᠮᠲᠠᠯᠢᠭ ᠠᠮᠲᠠ ᠲᠠᠢ᠂ ᠪᠦᠯᠢᠶᠡᠨ ᠴᠢᠨᠠᠷ ᠲᠠᠢ᠃
[ ᠴᠢᠳᠠᠯ ᠪᠠ ᠭᠣᠣᠯᠳᠠᠭᠤ ᠵᠠᠰᠠᠬᠤ] ᠬᠣᠣᠷ ᠢ᠋ ᠲᠠᠢᠯᠬᠤ᠂ ᠰᠢᠷᠠ ᠤᠰᠤ ᠶ᠋ᠢ ᠬᠠᠲᠠᠭᠠᠬᠤ ᠴᠢᠳᠠᠯ ᠲᠠᠢ᠃ ᠰᠢᠵᠢᠩᠲᠦᠬᠦ᠂ ᠰᠢᠭᠡᠰᠦ ᠠᠯᠳᠠᠬᠤ᠂ ᠰᠢᠷᠠ ᠤᠰᠤᠨ ᠡᠪᠡᠳᠴᠢᠨ ᠵᠡᠷᠭᠡ ᠶ᠋ᠢ ᠵᠠᠰᠠᠬᠤ ᠳ᠋ᠤ᠌ ᠬᠡᠷᠡᠭᠯᠡᠨᠡ᠃
ᠬᠢᠲᠠᠳ ᠨᠡᠷᠡ ᠄ 黄鼬肉 (黄鼬)
ᠠᠩᠭ᠌ᠯᠢ ᠨᠡᠷᠡ ᠄Mustela sibirica Pall.
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠤᠷᠠᠨᠴᠢᠮᠡᠭ
ᠬᠢᠨᠠᠭᠴᠢ᠄ ᠲᠤᠶᠠᠭᠠ ᠤᠷᠠᠨᠴᠢᠮᠡᠭ