ᠪᠤᠷᠬᠠᠨ ᠰᠡᠳᠬᠢᠯᠲᠦ ᠡᠵᠢBurkhan setgelt eejБурхан сэтгэлт ээж
413ᠪᠤᠷᠬᠠᠨ ᠰᠡᠳᠬᠢᠯᠲᠦ ᠡᠵᠢ
ᠵᠣᠬᠢᠶᠠᠭᠴᠢ᠄ ᠪᠦ᠊· ᠳᠠᠯᠠᠨᠲᠠᠢ
1᠂ ᠲᠣᠳᠣᠭᠡᠷᠡᠯ
ᠰᠠᠷᠠᠨ ᠨᠠᠷᠠᠨ ᠤ᠋ ᠲᠤᠶᠠᠭᠠ ᠳᠠᠮᠨᠠᠨ
ᠥᠯᠥᠭᠡᠢ ᠰᠠᠵᠢᠯᠠᠭᠰᠠᠨ ᠡᠵᠢ ᠮᠢᠨᠢ
ᠰᠠᠴᠤᠷᠠᠬᠤ ᠣᠳᠣᠨ ᠤ᠋ ᠭᠡᠭᠡ ᠰᠦᠯᠡᠨ
ᠦᠷ ᠢ᠋ ᠤᠭᠲᠤᠭᠰᠠᠨ ᠡᠵᠢ ᠮᠢᠨᠢ!
2᠂ ᠨᠠ᠊· ᠴᠠᠭᠠᠨ
ᠰᠠᠨᠠᠭᠠ ᠤᠬᠠᠭᠠᠨ ᠤ᠋ ᠬᠤᠷᠠ ᠵᠦᠰᠡᠷᠡᠭᠡᠳ
ᠬᠣᠷᠸᠠ ᠤᠶᠠᠰᠬᠠᠳᠠᠭ ᠡᠵᠢ ᠮᠢᠨᠢ
ᠰᠠᠨᠰᠠᠷ ᠲᠡᠭᠷᠢ ᠶ᠋ᠢᠨ ᠷᠠᠰᠢᠶᠠᠨ ᠰᠡᠷᠵᠢᠮᠯᠡᠨ
ᠰᠡᠳᠬᠢᠯ ᠠᠷᠢᠭᠤᠰᠬᠠᠭᠰᠠᠨ ᠡᠵᠢ ᠮᠢᠨᠢ!
3᠂ ᠨᠠᠷᠠᠨᠲᠣᠭᠤᠰ
ᠬᠡᠭᠡᠷᠡ ᠶ᠋ᠢᠨ ᠠᠩᠭᠢᠷ ᠰᠢᠪᠠᠭᠤᠳ ᠲᠠᠢ
ᠬᠡᠯᠡ ᠵᠠᠯᠭᠠᠭᠤᠯᠤᠭᠰᠠᠨ ᠡᠵᠢ ᠮᠢᠨᠢ
ᠬᠡᠪᠲᠡᠭᠡ ᠴᠠᠭᠠᠨ ᠮᠠᠩᠬᠠᠨ ᠳᠡᠭᠡᠷᠡ
ᠬᠥᠯ ᠵᠣᠯᠭᠠᠭᠤᠯᠤᠭᠰᠠᠨ ᠡᠵᠢ ᠮᠢᠨᠢ!
4᠂ ᠡᠷᠬᠡᠴᠡᠴᠡᠭ
ᠦᠷ ᠰᠥᠨᠢ ᠶ᠋ᠢᠨ ᠵᠠᠢ ᠳ᠋ᠤ᠌
ᠥᠯᠥᠭᠡᠢᠳᠡᠵᠦ ᠲᠣᠷᠨᠢᠭᠤᠯᠤᠭᠰᠠᠨ ᠡᠵᠢ ᠮᠢᠨᠢ
ᠥᠯᠥᠰᠴᠦ ᠲᠠᠭᠠᠷᠠᠬᠤ ᠶ᠋ᠢᠨ ᠮᠥᠴᠡ ᠳ᠋ᠦ᠍
ᠬᠥᠬᠥᠭᠦᠯᠵᠦ ᠬᠥᠷᠥᠪᠡᠵᠢᠭᠦᠯᠦᠭᠰᠡᠨ ᠡᠵᠢ ᠮᠢᠨᠢ!
5᠂ ᠪᠥᠷᠢᠨᠴᠡᠴᠡᠭ
ᠡᠭᠡᠴᠢ ᠠᠬᠠ ᠳᠡᠭᠦᠦ ᠶ᠋ᠢ ᠮᠢᠨᠢ ᠬᠥᠮᠦᠵᠢᠭᠦᠯᠦᠭᠰᠡᠨ
ᠠᠯᠲᠠᠨ ᠳᠡᠷᠡ ᠡᠵᠢ ᠮᠢᠨᠢ
ᠡᠷᠪᠡᠢ ᠨᠠᠮᠠᠶ᠋ᠢ ᠪᠠᠨ ᠡᠩᠬᠦᠷᠡᠢᠯᠡᠭᠰᠡᠨ
ᠠᠭᠤᠤ ᠬᠠᠢᠷᠠ ᠡᠵᠢ ᠮᠢᠨᠢ!
6᠂ ᠣᠶᠤᠨᠴᠢᠮᠡᠭ
ᠳᠣᠯᠣᠭᠠᠨ ᠪᠤᠷᠬᠠᠨ ᠣᠳᠣᠳ ᠰᠢᠭ᠋
ᠳᠣᠮᠣᠭ ᠤ᠋ᠨ ᠳᠣᠯᠣᠭᠠᠨ ᠬᠡᠦᠬᠡᠳ ᠲᠦ᠍ ᠪᠠᠨ
ᠳᠣᠷᠣᠨᠠ ᠶ᠋ᠢᠨ ᠴᠠᠭᠠᠨ ᠦᠷ ᠰᠢᠭ
ᠳᠡᠯᠡᠬᠡᠢ ᠠᠭᠤᠳᠠᠮ ᠢᠪᠡᠭᠡᠯ ᠲᠡᠢ
7᠂ ᠠᠷᠢᠭᠤᠨᠠ
ᠦᠷᠡ ᠶ᠋ᠢᠨ ᠢ᠋ᠶ᠋ᠡᠨ ᠰᠠᠢᠬᠠᠨ ᠳ᠋ᠤ᠌ ᠪᠡᠶᠡᠰᠦᠨ
ᠵᠢᠰᠦ ᠨᠢ ᠵᠠᠯᠠᠭᠤᠵᠢᠳᠠᠭ ᠡᠵᠢ ᠮᠢᠨᠢ
ᠥᠷᠯᠥᠭ ᠬᠠᠢᠷᠠ ᠶ᠋ᠢᠨ ᠢ᠋ᠶ᠋ᠡᠨ ᠪᠦᠪᠡᠢ ᠳ᠋ᠦ᠍
ᠵᠢᠷᠦᠬᠡ ᠨᠢ ᠨᠢᠯᠬᠠᠷᠠᠳᠠᠭ ᠡᠵᠢ ᠮᠢᠨᠢ!
8᠂ ᠲᠠᠯᠠᠢᠨᠴᠡᠴᠡᠭ
ᠪᠤᠷᠬᠠᠨ ᠲᠡᠭᠷᠢ ᠶ᠋ᠢᠨ ᠨᠠᠷᠠ ᠶ᠋ᠢ ᠡᠷᠭᠦᠭᠰᠡᠨ
ᠪᠤᠭᠤᠷᠤᠯ ᠰᠠᠬᠢᠭᠤᠯᠰᠤᠨ ᠡᠵᠢ ᠮᠢᠨᠢ
ᠪᠤᠮᠠᠨ ᠡᠷᠳᠡᠨᠢ ᠶ᠋ᠢᠨ ᠰᠢᠮᠡ ᠶ᠋ᠢ ᠲᠦᠭᠡᠭᠡᠭᠰᠡᠨ
ᠪᠤᠶᠠᠨᠰᠠᠭ ᠰᠢᠲᠦᠭᠡᠨ ᠡᠵᠢ ᠮᠢᠨᠢ!
9᠂ ᠠᠯᠲᠠᠨᠴᠢᠮᠡᠭ
ᠪᠦᠪᠡᠢ ᠶ᠋ᠢᠨ ᠳᠠᠭᠤᠨ ᠳ᠋ᠤ᠌ ᠨᠢ ᠪᠥᠮᠪᠥᠷᠴᠡᠭ ᠤᠶᠠᠷᠠᠵᠤ
ᠴᠡᠴᠡᠭ ᠨᠢ ᠳᠡᠯᠭᠡᠷᠡᠵᠦ ᠮᠦᠰᠢᠶᠡᠳᠡᠭ ᠶᠦ᠍ᠮ
ᠪᠦᠯᠢᠶᠡᠨ ᠡᠪᠦᠷ ᠲᠦ᠍ ᠨᠢ ᠲᠣᠷᠨᠢᠵᠤ
ᠳᠥᠷᠦᠭᠡᠨ ᠳᠠᠭᠤᠨ ᠬᠠᠩᠭᠢᠨᠠᠳᠠᠭ ᠶᠤᠮ ᠃
10᠂ ᠨᠠᠷᠠᠨᠲᠣᠭᠣᠨᠣ
ᠰᠠᠢᠬᠠᠨ ᠡᠵᠢ ᠮᠢᠨᠢ ᠬᠠᠯᠢᠭᠠᠳ ᠶᠠᠪᠤᠬᠤ ᠳ᠋ᠤ᠌
ᠰᠠᠯᠬᠢ ᠢᠰᠬᠡᠷᠦᠭᠡᠳ ᠤᠬᠢᠯᠠᠵᠤ ᠪᠠᠢᠭᠰᠠᠨ ᠶᠤᠮ
ᠰᠠᠨᠴᠢᠭ ᠪᠤᠭᠤᠷᠤᠯ ᠭᠡᠵᠢᠭᠡᠨ ᠳᠡᠭᠡᠷᠡ ᠨᠢ
ᠰᠠᠷᠠ ᠭᠬᠢᠷᠲᠦᠭᠡᠳ ᠪᠦᠳᠡᠭᠢᠷᠡᠵᠦ ᠪᠠᠢᠭᠰᠠᠨ ᠶᠤᠮ
11᠂ ᠨᠠᠷᠠᠨᠠᠭᠠᠰᠢ
ᠨᠠᠮᠤᠷ ᠨᠠᠮᠤᠷ ᠤ᠋ᠨ ᠴᠤᠪᠤᠭᠠ ᠠᠯᠳᠠᠷᠠᠭᠠᠨ
ᠨᠠᠰᠤ ᠨᠢ ᠰᠡᠮᠡᠷᠡᠵᠦ ᠣᠳᠤᠭᠰᠠᠨ ᠶᠤᠮ
ᠨᠠᠪᠴᠢ ᠴᠡᠴᠡᠭ ᠦ᠋ᠨ ᠥᠩᠭᠡ ᠭᠤᠨᠳᠠᠭᠤᠯᠣᠨ
ᠦᠰᠦ ᠨᠢ ᠭᠠᠩᠳᠠᠵᠤ ᠪᠤᠭᠤᠷᠤᠯᠲᠤᠭᠰᠠᠨ ᠶᠤᠮ
12᠂ ᠣᠩᠭᠣᠨᠢᠬᠳ
ᠲᠥᠯ ᠦ᠋ᠨ ᠦᠨᠦᠷ ᠲᠡᠢ ᠬᠣᠷᠮᠣᠢ ᠶ᠋ᠢ ᠨᠢ ᠳᠠᠭᠠᠭᠠᠳ
ᠬᠤᠷᠠᠭᠠ ᠢᠰᠢᠭᠡ ᠮᠠᠢᠯᠠᠯᠳᠤᠵᠤ ᠪᠠᠢᠭᠰᠠᠨ ᠶᠤᠮ
ᠬᠥᠯ ᠦ᠋ᠨ ᠮᠥᠷ ᠲᠡᠢ ᠬᠥᠳᠡᠭᠡ ᠶ᠋ᠢ ᠨᠢ ᠳᠠᠭᠠᠭᠠᠳ
ᠬᠤᠷᠳᠤᠨ ᠬᠦᠯᠦᠭ ᠦ᠋ᠳ ᠦᠦᠷᠰᠡᠵᠦ ᠪᠠᠢᠭᠰᠠᠨ ᠶᠤᠮ
13 ᠰᠢᠵᠢᠷᠮᠠᠨᠳᠤᠯᠡ
ᠨᠠᠮᠤᠭ ᠤ᠋ᠨ ᠨᠣᠭᠣᠭᠠᠨ ᠵᠦᠯᠭᠡ ᠳᠡᠷᠡᠯᠡᠭᠡᠳ
ᠨᠠᠪᠴᠢ ᠰᠢᠷᠠᠯᠠᠭᠠᠳ ᠰᠥᠭᠥᠳᠴᠦ ᠪᠠᠢᠭᠰᠠᠨ ᠶᠤᠮ
ᠨᠠᠭᠤᠷ ᠤ᠋ᠨ ᠲᠤᠩᠭᠠᠯᠠᠭ ᠤᠷᠤᠰᠬᠠᠯ ᠰᠥᠷᠦᠭᠡᠳ
ᠨᠤᠭᠤᠰᠤ ᠭᠠᠯᠠᠭᠤᠳ ᠰᠥᠬᠥᠷᠡᠵᠦ ᠪᠠᠢᠭᠰᠠᠨ ᠶᠤᠮ
14᠂ ᠥᠩᠭᠡᠷᠡᠯ
ᠳᠡᠪᠡᠯ ᠬᠤᠪᠴᠠᠰᠤ ᠠ᠋ᠴᠠ ᠨᠢ ᠴᠣᠭ ᠳᠦᠷᠡᠯᠵᠡᠳᠡᠭ
ᠬᠡᠢ ᠮᠣᠷᠢ ᠶ᠋ᠢᠨ ᠳᠠᠯᠠᠯᠭᠠ ᠡᠵᠢ ᠮᠢᠨᠢ ᠶᠦᠮ ᠠ᠋!
ᠳᠡᠯᠡᠬᠡᠢ ᠶ᠋ᠢᠨ ᠨᠢᠷᠤᠭᠤᠨ ᠳ᠋ᠤ᠌ ᠮᠥᠩᠬᠡ ᠨᠣᠢᠷᠰᠤᠭᠰᠠᠨ
ᠭᠠᠯᠪᠠ ᠶ᠋ᠢᠨ ᠰᠠᠬᠢᠭᠤᠰᠤ ᠡᠵᠢ ᠮᠢᠨᠢ ᠶᠤᠮ ᠠ᠋!
ᠰᠦᠨ ᠰᠠᠴᠤᠯᠢ ᠬᠡ ( g) ᠬᠣᠯᠪᠣᠭᠠᠨ ᠠ᠋ᠴᠠ ᠪᠢᠴᠢᠪᠡ᠃
ᠬᠢᠨᠠᠭᠴᠢ᠄ ᠨᠠᠷᠠᠨᠲᠤᠭᠤᠰ᠂ ᠣᠳᠬᠠᠨᠰᠣᠠ