ᠱ᠌ᠢᠷᠦШүрShür
187
ᠱ᠌ᠢᠷᠦ
ᠲᠤᠰ ᠡᠮ ᠪᠣᠯ ᠤᠯᠠᠭᠠᠨ ᠱ᠌ᠢᠷᠦ ᠶ᠋ᠢᠨ ᠢᠵᠠᠭᠤᠷ ᠤ᠋ᠨ ᠠᠮᠢᠲᠠᠨ ᠪᠣᠯᠬᠤ ᠶᠠᠫᠣᠨ ᠱ᠌ᠢᠷᠦ ᠶ᠋ᠢᠨ ᠬᠣᠷᠣᠬᠠᠢ ᠶ᠋ᠢᠨ ᠢᠯᠭᠠᠷᠠᠭᠤᠯᠤᠭᠰᠠᠨ ᠠᠷᠤᠭ ᠶᠠᠰᠤ ᠮᠥᠨ᠃ ᠪᠠᠰᠠ ᠵᠦᠷᠦ ᠭᠡᠳᠡᠭ᠃
[ ᠤᠤᠯ ᠠᠮᠢᠲᠠᠨ] ᠤᠰᠤᠨ ᠳ᠋ᠤ᠌ ᠪᠦᠯᠦᠭᠯᠡᠨ ᠠᠮᠢᠳᠤᠷᠠᠬᠤ ᠬᠥᠨᠳᠡᠢ ᠬᠡᠪᠡᠯᠢᠲᠡᠨ᠂ ᠪᠦᠯᠦᠭᠯᠡᠭᠰᠡᠨ ᠪᠡᠶᠡ ᠨᠢ ᠮᠣᠳᠣᠨ ᠰᠠᠯᠠᠭᠠ ᠮᠡᠲᠦ᠃ ᠰᠠᠯᠠᠭᠠ ᠨᠢ ᠰᠠᠷᠪᠠᠢᠭᠠᠳ ᠳᠡᠪᠢᠭᠦᠷ ᠰᠢᠭ ᠪᠥᠭᠡᠳ ᠮᠠᠰᠢ ᠨᠠᠷᠢᠨ᠂ ᠲᠡᠭᠦᠨ ᠦ᠌ ᠭᠠᠳᠠᠷᠭᠤ ᠳ᠋ᠤᠨᠢ ᠮᠠᠰᠢ ᠣᠯᠠᠨ ᠤᠰᠤᠨ ᠤ᠋ ᠱᠣᠱᠢ ᠨᠠᠭᠠᠯᠳᠤᠵᠤ ᠪᠠᠢᠳᠠᠭ᠃ ᠡᠭᠦᠨ ᠢ᠋ ᠱ᠌ᠢᠷᠦ ᠶ᠋ᠢᠨ ᠬᠣᠷᠣᠬᠠᠢ ᠭᠡᠨᠡ᠃ ᠬᠣᠷᠣᠬᠠᠢ ᠶ᠋ᠢᠨ ᠪᠡᠶᠡ ᠨᠢ ᠲᠠᠯᠠ ᠪᠥᠮᠪᠦᠭᠡᠨ ᠬᠡᠯᠪᠡᠷᠢ ᠲᠡᠢ᠂ ᠳᠡᠭᠡᠷᠡ ᠨᠢ ᠵᠢᠭᠦᠷ ᠰᠢᠭ 8 ᠵᠤᠷᠪᠤᠰ ᠲᠡᠮᠲᠡᠷᠢᠭᠦᠯ ᠪᠣᠢ᠃ ᠲᠡᠮᠲᠡᠷᠢᠭᠦᠯ ᠦ᠋ᠨ ᠭᠣᠣᠯ ᠳ᠋ᠤᠨᠢ ᠠᠮᠠ ᠲᠠᠢ᠂ ᠬᠣᠷᠣᠬᠠᠢ ᠪᠡᠶᠡ ᠨᠢ ᠴᠤᠬᠤᠢᠯᠢᠭ᠋ ᠡᠳ᠋ ᠱᠦᠭᠦᠷᠡᠭᠦᠯᠵᠦ ᠴᠢᠳᠠᠳᠠᠭ ᠪᠣᠯᠬᠣᠷ ᠠᠷᠤᠭ ᠶᠠᠰᠤ ᠪᠦᠷᠢᠯᠳᠦᠭᠦᠯᠳᠡᠭ᠃ ᠡᠭᠦᠨ ᠢ᠋ ᠶᠡᠷᠦ ᠳ᠋ᠡᠭᠡᠨ ᠱ᠌ᠢᠷᠦ ᠭᠡᠳᠡᠭ᠃ ᠠᠷᠤᠭ ᠶᠠᠰᠤᠨ ᠤ᠋ ᠭᠠᠳᠠᠷᠭᠤ ᠨᠢ ᠤᠯᠠᠭᠠᠨ᠂ ᠲᠤᠩᠭᠠᠯᠠᠭ ᠭᠤᠯᠭᠤᠮᠠᠲᠠᠭᠠᠢ᠂ ᠭᠣᠣᠯ ᠨᠢ ᠴᠠᠭᠠᠨ ᠥᠩᠭᠡ ᠲᠡᠢ᠂ ᠪᠡᠬᠢ ᠬᠠᠲᠠᠭᠤ᠂ ᠮᠠᠰᠢ ᠭᠣᠶᠣ᠃
[ ᠠᠮᠢᠳᠤᠷᠠᠬᠤ ᠣᠷᠴᠢᠨ ᠬᠢᠭᠡᠳ ᠲᠠᠷᠬᠠᠴᠠ] ᠳᠠᠯᠠᠢ ᠶ᠋ᠢᠨ ᠢᠷᠣᠭᠠᠷ ᠤ᠋ᠨ ᠬᠠᠳᠠ ᠴᠢᠯᠠᠭᠤᠨ ᠳᠡᠭᠡᠷᠡ ᠠᠮᠢᠳᠤᠷᠠᠨᠠ᠃ ᠲᠠᠢᠸᠠᠨ ᠪᠠ ᠡᠮᠦᠨᠡ ᠳᠠᠯᠠᠢ ᠳᠠᠭᠠᠤ ᠣᠷᠣᠨ ᠳ᠋ᠤ᠌ ᠲᠠᠷᠬᠠᠴᠠ ᠲᠠᠢ᠃
[ ᠲᠡᠭᠦᠵᠦ ᠪᠣᠯᠪᠠᠰᠤᠷᠠᠭᠤᠯᠬᠤ] ᠳᠠᠯᠠᠢ ᠶ᠋ᠢᠨ ᠢᠷᠣᠭᠠᠷ ᠠ᠋ᠴᠠ ᠲᠣᠣᠷᠯᠠᠨ ᠱᠦᠭᠦᠵᠦ ᠠᠪᠤᠨᠠ᠃ ᠶᠡᠷᠦ ᠳ᠋ᠡᠭᠡᠨ ᠭᠠᠷ ᠤᠷᠠᠯᠠᠯ ᠬᠢᠵᠦ ᠦᠯᠡᠳᠡᠭᠰᠡᠨ ᠥᠭᠡᠳᠡᠰᠦ ᠦᠷᠦᠳᠡᠰᠦ ᠶ᠋ᠢ ᠨᠢ ᠡᠮ ᠳ᠋ᠦ᠍ ᠬᠡᠷᠡᠭᠯᠡᠳᠡᠭ᠃
[ ᠠᠮᠲᠠ᠂ ᠴᠢᠨᠠᠷ᠂ ᠡᠷᠳᠡᠮ] ᠠᠮᠲᠠᠯᠢᠭ ᠠᠮᠲᠠ ᠲᠠᠢ; ᠰᠡᠷᠢᠭᠦᠨ ᠴᠢᠨᠠᠷ ᠲᠠᠢ᠃
[ ᠴᠢᠳᠠᠯ ᠪᠠ ᠭᠣᠣᠯᠳᠠᠭᠤ ᠵᠠᠰᠠᠬᠤ] ᠬᠠᠯᠠᠭᠤᠨ ᠢ᠋ ᠠᠷᠢᠯᠭᠠᠬᠤ᠂ ᠬᠣᠣᠷ ᠢ᠋ ᠲᠠᠢᠯᠬᠤ᠂ ᠲᠠᠢᠳᠬᠤᠷᠠᠭᠤᠯᠬᠤ ᠴᠢᠳᠠᠯ ᠲᠠᠢ᠃ ᠭᠣᠣᠯᠳᠠᠭᠤ ᠡᠯᠢᠭᠡᠨ ᠦ᠌ ᠬᠠᠯᠠᠭᠤᠨ᠂ ᠰᠤᠳᠠᠯ ᠤ᠋ᠨ ᠬᠠᠯᠠᠭᠤᠨ᠂ ᠬᠣᠣᠷ ᠤ᠋ᠨ ᠬᠠᠯᠠᠭᠤᠨ᠂ ᠬᠤᠷᠠᠮᠠᠯ ᠡᠪᠡᠳᠴᠢᠨ᠂ ᠰᠠ᠂ ᠴᠠᠭᠠᠨ ᠰᠤᠳᠠᠯ ᠤ᠋ᠨ ᠡᠪᠡᠳᠴᠢᠨ ᠢ᠋ ᠵᠠᠰᠠᠬᠤ ᠳ᠋ᠤ᠌ ᠬᠡᠷᠡᠭᠯᠡᠨᠡ᠃
ᠬᠢᠲᠠᠳ ᠨᠡᠷᠡ᠄ 珊瑚 (桃色珊瑚)
ᠠᠩᠭ᠌ᠯᠢ ᠨᠡᠷᠡ᠄Corallium japonicum Kishinouye
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠡᠷᠳᠡᠨᠢᠭᠣᠸᠠ
ᠬᠢᠨᠠᠭᠴᠢ᠄ ᠲᠤᠶᠠᠭᠠ
ᠬᠢᠨᠠᠭᠴᠢ᠄ ᠲᠤᠶᠠᠭᠠ