ᠨᠠᠷᠠ ᠰᠠᠯᠬᠢ ᠬᠣᠶᠠᠷNar salii khoyorНар салий хоёр
463ᠨᠠᠷᠠ ᠰᠠᠯᠬᠢ ᠬᠣᠶᠠᠷ
ᠨᠠᠷᠠ ᠰᠠᠯᠬᠢ ᠬᠣᠶᠠᠷ ᠠᠯᠢ ᠨᠢ ᠢᠯᠡᠭᠦᠦ ᠬᠦᠴᠦᠲᠡᠢ ᠪᠣᠢ ᠭᠡᠵᠦ ᠮᠠᠷᠭᠤᠯᠳᠤᠵᠤ ᠭᠡᠨᠡ᠃
ᠲᠡᠭᠡᠲᠡᠯᠡ ᠰᠠᠯᠬᠢ ᠪᠢ ᠥᠪᠡᠷ ᠢ᠋ ᠪᠡᠨ ᠴᠢᠮᠠ ᠠ᠋ᠴᠠ ᠢᠯᠡᠭᠦᠦ ᠬᠦᠴᠦᠲᠡᠢ ᠶ᠋ᠢ ᠪᠠᠲᠤᠯᠠᠵᠤ ᠬᠠᠷᠠᠭᠤᠯᠤᠨᠠ ᠳᠠ ᠭᠡᠪᠡ᠃
ᠲᠡᠭᠡᠭᠡᠳ ᠦᠷᠭᠦᠯᠵᠢᠯᠡᠭᠦᠯᠦᠨ ᠲᠡᠨᠳᠡ ᠪᠠᠢᠭᠠ ᠡᠪᠦᠭᠡᠨ ᠢ᠋ ᠬᠠᠷᠠᠵᠤ ᠪᠠᠢᠨᠠ ᠤᠤ? ᠭᠠᠳᠠᠭᠤᠷ ᠬᠦᠷᠮᠡ ᠡᠮᠦᠰᠦᠭᠰᠡᠨ ᠡᠪᠦᠭᠡᠨ ᠢ᠋᠂ ᠪᠢ ᠡᠪᠦᠭᠡᠨ ᠦ᠌ ᠬᠦᠷᠮᠡ ᠶ᠋ᠢ ᠴᠢᠮᠠ ᠠ᠋ᠴᠠ ᠬᠤᠷᠳᠤᠨ ᠳᠠᠢᠯᠠᠭᠤᠯᠵᠤ ᠴᠢᠳᠠᠨᠠ ᠭᠡᠵᠦ
ᠮᠥᠷᠥᠢᠴᠡᠮᠡᠷ ᠪᠠᠢᠨᠠ ᠭᠡᠯᠡ᠃
ᠨᠠᠷᠠ ᠡᠨᠡ ᠰᠠᠨᠠᠭᠠᠴᠢᠯᠠᠭᠠ ᠶ᠋ᠢ ᠨᠢ ᠬᠦᠯᠢᠶᠡᠨ ᠵᠥᠪᠰᠢᠶᠡᠷᠡᠭᠡᠳ ᠡᠭᠦᠯᠡᠨ ᠦ᠌ ᠴᠠᠭᠠᠭᠤᠷ ᠣᠷᠣᠨ ᠨᠢᠭᠤᠭᠳᠠᠵᠠᠢ᠃
ᠰᠠᠯᠬᠢ ᠬᠦᠴᠦᠲᠡᠢ ᠰᠠᠯᠬᠢᠯᠠᠭᠰᠠᠨ ᠢ᠋ᠶ᠋ᠠᠨ ᠰᠢᠭᠤᠷᠭᠠ ᠪᠣᠯᠤᠨ ᠬᠤᠪᠢᠷᠠᠪᠠ᠃ ᠰᠠᠯᠬᠢ ᠰᠢᠷᠦᠭᠦᠰᠬᠦ ᠲᠣᠰᠤᠮ ᠡᠪᠦᠭᠡᠨ ᠬᠦᠷᠮᠡ ᠡᠴᠡ ᠪᠡᠨ ᠲᠠᠰᠤ ᠵᠢᠭᠤᠷᠠᠵᠤ ᠪᠠᠢᠯᠠ ᠡᠴᠦᠰ ᠲᠦ᠍ ᠪᠡᠨ ᠰᠠᠯᠬᠢ ᠪᠠᠭᠤᠵᠤ ᠥᠭᠭᠦᠨ ᠨᠠᠮᠳᠠᠬᠤ ᠳ᠋ᠤ᠌ ᠨᠠᠷᠠ ᠡᠭᠦᠯᠡᠨ ᠦ᠌ ᠴᠠᠭᠠᠨᠠ ᠠ᠋ᠴᠠ ᠭᠠᠷᠴᠤ ᠢᠷᠡᠭᠡᠳ ᠡᠪᠦᠭᠡᠨ ᠤᠷᠤᠭᠤ ᠬᠠᠯᠠᠭᠤᠨ ᠢᠯᠴᠢ ᠪᠡᠷ ᠢ᠋ᠶ᠋ᠡᠨ ᠡᠭᠡᠭᠡᠨ ᠳᠣᠲᠣᠨᠣ ᠪᠠᠷ ᠢᠨᠢᠶᠡᠮᠰᠦᠭᠯᠡᠵᠡᠢ᠃
ᠡᠭᠦᠨ ᠢ᠋ ᠬᠠᠷᠠᠭᠰᠠᠨ ᠡᠪᠦᠭᠡᠨ ᠦ᠌ ᠴᠢᠷᠠᠢ ᠳ᠋ᠤ᠌ ᠮᠦᠰᠢᠶᠡᠯ ᠲᠣᠳᠣᠷᠠᠨ ᠬᠦᠷᠮᠡ ᠪᠡᠨ ᠲᠠᠢᠯᠤᠭᠰᠠᠨ ᠠᠵᠠᠢ᠃ ᠮᠥᠷᠥᠢ ᠳ᠋ᠦ᠍ ᠢᠯᠠᠭᠰᠠᠨ ᠨᠠᠷᠠ ᠰᠠᠯᠬᠢᠨ ᠳ᠋ᠤ᠌ ᠬᠠᠨᠳᠤᠵᠤ ᠡᠢᠨ ᠬᠡᠯᠡᠪᠡ᠃
ᠡᠶᠡᠯᠳᠡᠭ ᠳᠠᠷᠤᠤ ᠡᠯᠢᠭᠡᠰᠡᠭ ᠵᠠᠩ ᠴᠢᠨᠠᠷ ᠳᠡᠭᠡᠷᠡᠯᠬᠡᠬᠦ ᠠᠪᠤᠷᠢ ᠶ᠋ᠢ ᠦᠷᠭᠦᠯᠵᠢ ᠢᠯᠠᠨ ᠳᠡᠢᠯᠳᠡᠭ ᠶᠦᠮ ᠭᠡᠵᠡᠢ ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠰᠠᠨ ᠨᠢ ᠄ ᠴᠢ᠊ · ᠤᠷᠠᠨᠴᠡᠴᠡᠭ