ᠤᠰᠤᠨ ᠦᠬᠡᠷ ᠦ᠋ᠨ ᠡᠪᠡᠷUsan ükhriin everУсан үхрийн эвэр
142
ᠤᠰᠤᠨ ᠦᠬᠡᠷ ᠦ᠋ᠨ ᠡᠪᠡᠷ
ᠲᠤᠰ ᠡᠮ ᠪᠣᠯ ᠦᠬᠡᠷ ᠦ᠋ᠨ ᠢᠵᠠᠭᠤᠷ ᠤ᠋ᠨ ᠠᠮᠢᠲᠠᠨ ᠪᠣᠯᠬᠤ ᠤᠰᠤᠨ ᠦᠬᠡᠷ ᠦ᠋ᠨ ᠡᠪᠡᠷ ᠮᠥᠨ᠃
[ ᠤᠤᠯ ᠠᠮᠢᠲᠠᠨ] ᠲᠣᠮᠣ ᠬᠡᠯᠪᠡᠷᠢ ᠶ᠋ᠢᠨ ᠭᠡᠷ ᠦ᠋ᠨ ᠲᠡᠵᠢᠭᠡᠪᠦᠷᠢ᠃ ᠪᠡᠶᠡ ᠨᠢ ᠪᠦᠳᠦᠭᠦᠨ ᠬᠦᠴᠦᠯᠢᠭ᠂ ᠮᠠᠩᠨᠠᠢ ᠨᠢ ᠳᠥᠷᠪᠡᠯᠵᠢᠨ᠂ ᠬᠠᠮᠠᠷ ᠨᠢ ᠥᠷᠭᠡᠨ᠂ ᠤᠷᠤᠭᠤᠯ ᠨᠢ ᠡᠮᠦᠨᠡᠰᠢ ᠰᠤᠨᠤᠭᠰᠠᠨ ᠪᠠᠢᠳᠠᠭ᠃ ᠡᠷᠡ ᠡᠮᠡ ᠤᠰᠤᠨ ᠦᠬᠡᠷ ᠪᠦᠷ1 ᠬᠣᠣᠰ ᠡᠪᠡᠷ ᠲᠡᠢ᠂ ᠡᠪᠡᠷ ᠨᠢ ᠨᠤᠮᠤ ᠬᠡᠯᠪᠡᠷᠢ ᠲᠡᠢ᠂ ᠡᠪᠡᠷ ᠨᠢ ᠣᠯᠠᠩᠬᠢ ᠳ᠋ᠠᠭᠠᠨ ᠠᠷᠲᠠᠢ᠃ ᠭᠣᠣᠯ ᠨᠢ ᠬᠥᠨᠳᠡᠢ᠃ ᠲᠣᠯᠣᠭᠠᠢ ᠨᠢ ᠤᠷᠲᠤ᠂ ᠬᠦᠵᠦᠭᠦᠦ ᠨᠢ ᠣᠬᠣᠷ᠃ ᠡᠭᠦᠳᠡᠨ ᠰᠢᠳᠦ ᠬᠢᠭᠡᠳ ᠰᠣᠶᠣᠭᠠ ᠦᠭᠡᠢ᠂ ᠠᠷᠠᠭᠠ ᠨᠢ ᠬᠦᠴᠦᠷᠬᠡᠭ᠃ ᠳᠥᠷᠪᠡᠨ ᠮᠥᠴᠢ ᠨᠢ ᠳᠣᠷᠪᠢᠯᠢᠭ᠂ ᠳᠥᠷᠪᠡᠨ ᠲᠤᠭᠤᠷᠠᠢ ᠲᠠᠢ᠃ ᠦᠰᠦ ᠨᠢ ᠰᠢᠷᠦᠭᠦᠨ᠂ ᠰᠡᠢᠷᠡᠭ᠂ ᠬᠠᠷᠠᠪᠲᠤᠷ ᠥᠩᠭᠡ ᠲᠡᠢ᠃ ᠴᠠᠭᠠᠨ ᠪᠠᠰᠠ ᠪᠣᠢ᠃
[ ᠠᠮᠢᠳᠤᠷᠠᠬᠤ ᠣᠷᠴᠢᠨ ᠬᠢᠭᠡᠳ ᠲᠠᠷᠬᠠᠴᠠ] ᠮᠠᠨ ᠤ᠋ ᠤᠯᠤᠰ ᠤ᠋ᠨ ᠬᠤᠸᠠᠢᠾᠧ ᠭᠣᠣᠯ ᠠ᠋ᠴᠠ ᠡᠮᠦᠨᠡᠰᠢ ᠡᠯᠡ ᠭᠠᠵᠠᠷ ᠲᠤ᠌ ᠠᠷᠠᠴᠢᠯᠠᠨ ᠲᠡᠵᠢᠭᠡᠵᠦ ᠪᠠᠢᠨᠠ᠃
[ ᠡᠳ᠋ᠰᠢᠭᠦᠯᠦᠨ ᠪᠣᠯᠪᠠᠰᠤᠷᠠᠭᠤᠯᠬᠤ] ᠪᠦᠬᠦ ᠵᠢᠯ ᠳ᠋ᠡᠭᠡᠨ ᠪᠦᠷ ᠠᠪᠴᠤ ᠪᠣᠯᠤᠨᠠ᠃ ᠦᠬᠡᠷ ᠢ᠋ ᠠᠯᠠᠬᠤ ᠳ᠋ᠤ᠌ ᠡᠪᠡᠷ ᠢ᠋ ᠨᠢ ᠠᠪᠤᠭᠠᠳ᠂ ᠬᠠᠷᠤᠭᠤᠯᠳᠠᠬᠤ ᠪᠤᠶᠤ ᠦᠷᠦᠪᠳᠡᠰᠦ ᠪᠣᠯᠭᠠᠭᠠᠳ ᠰᠢᠷᠠᠯᠠᠲᠠᠯᠠ ᠬᠠᠭᠤᠷᠴᠤ ᠬᠡᠷᠡᠭᠯᠡᠨᠡ᠃
[ ᠠᠮᠲᠠ᠂ ᠴᠢᠨᠠᠷ᠂ ᠡᠷᠳᠡᠮ] ᠡᠬᠡᠭᠦᠨ᠂ ᠳᠠᠪᠤᠰᠤᠯᠢᠭ ᠠᠮᠲᠠ ᠲᠠᠢ;ᠪᠦᠯᠢᠶᠡᠨ ᠴᠢᠨᠠᠷ ᠲᠠᠢ᠃
[ ᠴᠢᠳᠠᠯ ᠪᠠ ᠭᠣᠣᠯᠳᠠᠭᠤ ᠵᠠᠰᠠᠬᠤ] ᠮᠠᠭᠤ ᠴᠢᠰᠤ᠂ ᠥᠭᠡᠷᠢ ᠰᠢᠷᠠ ᠤᠰᠤ ᠶ᠋ᠢ ᠬᠠᠲᠠᠭᠠᠬᠤ ᠴᠢᠳᠠᠯ ᠲᠠᠢ᠃ ᠭᠣᠣᠯᠳᠠᠭᠤ ᠠᠭᠤᠰᠬᠢᠨ ᠤ᠋ ᠦᠭᠡᠷᠢ᠂ ᠤᠰᠤᠨ ᠬᠠᠪᠤᠩ᠂ ᠤᠶᠠᠮᠠᠨ ᠡᠪᠡᠳᠴᠢᠨ᠂ ᠡᠯᠢᠭᠡᠨ ᠡᠪᠡᠳᠴᠢᠨ ᠢ᠋ ᠵᠠᠰᠠᠬᠤ ᠳ᠋ᠤ᠌ ᠬᠡᠷᠡᠭᠯᠡᠨᠡ᠃
ᠬᠢᠲᠠᠳ ᠨᠡᠷᠡ᠄ 水牛角 (水牛)
ᠠᠩᠭ᠌ᠯᠢ ᠨᠡᠷᠡ᠄ Bubalus bubalis Linnaeus
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠤᠷᠠᠨᠴᠢᠮᠡᠭ
ᠬᠢᠨᠠᠭᠴᠢ᠄ ᠴᠡᠪᠡᠷᠴᠡᠴᠡᠭ