ᠡᠯᠵᠢᠭᠡᠨ ᠴᠢᠰᠤIljgen tsusИлжгэн цус
215
ᠡᠯᠵᠢᠭᠡᠨ ᠴᠢᠰᠤ
ᠲᠤᠰ ᠡᠮ ᠪᠣᠯ ᠮᠣᠷᠢᠨ ᠤ᠋ ᠢᠵᠠᠭᠤᠷ ᠤ᠋ᠨ ᠠᠮᠢᠲᠠᠨ ᠪᠣᠯᠬᠤ ᠡᠯᠵᠢᠭᠡ ᠶ᠋ᠢᠨ ᠬᠠᠲᠠᠭᠠᠭᠰᠠᠨ ᠴᠢᠰᠤ ᠮᠥᠨ᠃ ᠪᠠᠰᠠ ᠪᠣᠩᠷᡁᠠᠭ᠋ ᠭᠡᠳᠡᠭ᠃
[ ᠤᠤᠯ ᠠᠮᠢᠲᠠᠨ] ᠬᠥᠯᠥᠰᠢᠨ ᠦ᠌ ᠲᠡᠵᠢᠭᠡᠪᠦᠷᠢ᠃ ᠪᠡᠶᠡ ᠶ᠋ᠢᠨ ᠬᠡᠯᠪᠡᠷᠢ ᠨᠢ ᠮᠣᠷᠢᠨ ᠠ᠋ᠴᠠ ᠪᠠᠭᠠ᠂ ᠪᠡᠶᠡ ᠶ᠋ᠢᠨ ᠬᠦᠨᠳᠦ ᠨᠢ ᠶᠡᠷᠦ ᠳ᠋ᠡᠭᠡᠨ200kg ᠣᠷᠴᠢᠮ᠃ ᠲᠣᠯᠣᠭᠠᠢ ᠨᠢ ᠨᠡᠯᠢᠶᠡᠳ ᠤᠷᠲᠤ᠂ ᠨᠢᠳᠦ ᠨᠢ ᠲᠣᠭᠣᠷᠢᠭ᠂ ᠤᠷᠲᠤ ᠴᠢᠬᠢ ᠲᠡᠢ᠃ ᠬᠦᠵᠦᠭᠦᠦ ᠨᠢ ᠤᠷᠲᠤ ᠮᠥᠷᠲᠡᠭᠡᠨ ᠥᠷᠭᠡᠨ᠂ ᠵᠤᠵᠠᠭᠠᠨ ᠳᠡᠯ ᠨᠢ ᠣᠬᠣᠷ ᠪᠥᠭᠡᠳ ᠰᠢᠩᠭᠡᠨ᠃ ᠪᠡᠶᠡ ᠨᠢ ᠲᠡᠭᠰᠢᠷᠡᠮᠡᠭ᠂ ᠳᠥᠷᠪᠡᠨ ᠮᠥᠴᠢ ᠨᠢ ᠪᠣᠭᠣᠨᠢ᠂ ᠲᠤᠭᠤᠷᠠᠢ ᠨᠢ ᠪᠡᠬᠢ ᠬᠠᠲᠠᠭᠤ᠂ ᠰᠡᠭᠦᠯ ᠦ᠋ᠨ ᠦᠵᠦᠭᠦᠷ ᠲᠤᠨᠢ ᠤᠷᠲᠤ ᠬᠢᠯᠭᠠᠰᠤ ᠲᠠᠢ᠃ ᠵᠢᠰᠦᠮ ᠨᠢ ᠭᠣᠣᠯᠳᠠᠭᠤ ᠬᠠᠷᠠ᠂ ᠰᠠᠷᠠᠯ᠂ ᠬᠠᠯᠢᠭᠤᠨ ᠵᠡᠷᠭᠡ ᠭᠤᠷᠪᠠᠨ ᠥᠩᠭᠡ ᠳᠡᠢᠯᠦᠩᠭᠦᠢ᠃ ᠬᠦᠵᠦᠭᠦᠨ ᠦ᠌ ᠠᠷᠤ ᠳᠡᠭᠡᠷᠡ ᠨᠢ ᠨᠢᠭᠡ ᠵᠤᠷᠪᠤᠰ ᠭᠦᠨ ᠥᠩᠭᠡ ᠲᠡᠢ ᠣᠬᠣᠷ ᠬᠥᠨᠳᠡᠯᠡᠨ ᠭᠣᠣ ᠲᠠᠢ᠂ ᠤᠷᠤᠭᠤᠯ ᠨᠢ ᠴᠠᠭᠠᠨ᠂ ᠬᠡᠪᠡᠯᠢ ᠬᠢᠭᠡᠳ ᠳᠥᠷᠪᠡᠨ ᠮᠥᠴᠢ ᠶ᠋ᠢᠨ ᠳᠣᠲᠣᠷᠠ ᠲᠠᠯᠠ ᠨᠢ ᠴᠠᠭᠠᠨ ᠥᠩᠭᠡ ᠲᠡᠢ᠃
[ ᠠᠮᠢᠳᠤᠷᠠᠬᠤ ᠣᠷᠴᠢᠨ ᠬᠢᠭᠡᠳ ᠲᠠᠷᠬᠠᠴᠠ] ᠪᠦᠬᠦ ᠤᠯᠤᠰ ᠤ᠋ᠨ ᠡᠯᠡ ᠭᠠᠵᠠᠷ ᠲᠤ᠌ ᠠᠷᠠᠴᠢᠯᠠᠨ ᠲᠡᠵᠢᠭᠡᠵᠦ ᠪᠠᠢᠨᠠ᠃
[ᠡᠳ᠋ᠰᠢᠭᠦᠯᠦᠨ ᠪᠣᠯᠪᠠᠰᠤᠷᠠᠭᠤᠯᠬᠤ] ᠠᠯᠠᠰᠢᠨ ᠤ᠋ ᠭᠠᠵᠠᠷ ᠪᠤᠶᠤ ᠡᠯᠵᠢᠭᠡ ᠶ᠋ᠢ ᠠᠯᠠᠬᠤ ᠦᠶᠡ ᠳ᠋ᠦ᠍ ᠴᠢᠰᠤ ᠶ᠋ᠢ ᠨᠢ ᠠᠪᠴᠤ᠂ ᠪᠤᠴᠠᠯᠭᠠᠵᠤ ᠡᠭᠡᠳᠡᠷᠡᠭᠦᠯᠦᠭᠡᠳ ᠬᠡᠷᠴᠢᠵᠦ᠂ ᠰᠡᠭᠦᠳᠡᠷ ᠲᠦ᠍ ᠬᠠᠲᠠᠭᠠᠬᠤ ᠪᠤᠶᠤ ᠳᠠᠷᠪᠠᠭᠠᠷ ᠰᠠᠪᠠᠨ ᠳ᠋ᠤ᠌ ᠬᠠᠲᠠᠭᠠᠨᠠ᠃
[ ᠠᠮᠲᠠ᠂ ᠴᠢᠨᠠᠷ᠂ ᠡᠷᠳᠡᠮ] ᠳᠠᠪᠤᠰᠤᠯᠢᠭ ᠠᠮᠲᠠ ᠲᠠᠢ; ᠪᠦᠯᠢᠶᠡᠨ ᠴᠢᠨᠠᠷ ᠲᠠᠢ᠃
[ ᠴᠢᠳᠠᠯ ᠪᠠ ᠭᠣᠣᠯᠳᠠᠭᠤ ᠵᠠᠰᠠᠬᠤ] ᠰᠢᠷᠠ ᠤᠰᠤ ᠶ᠋ᠢ ᠠᠷᠢᠯᠭᠠᠬᠤ ᠴᠢᠳᠠᠯ ᠲᠠᠢ᠃ ᠭᠣᠣᠯᠳᠠᠭᠤ ᠦᠶᠡ ᠭᠡᠰᠢᠭᠦᠦ ᠶ᠋ᠢᠨ ᠰᠢᠷᠠ ᠤᠰᠤᠨ ᠡᠪᠡᠳᠴᠢᠨ᠂ ᠲᠤᠯᠠᠢ᠂ ᠬᠡᠷᠦᠬᠦ᠂ ᠪᠠᠮ᠂ ᠤᠶᠠᠮᠠᠨ ᠵᠡᠷᠭᠡ ᠶ᠋ᠢ ᠵᠠᠰᠠᠬᠤ ᠳ᠋ᠤ᠌ ᠬᠡᠷᠡᠭᠯᠡᠨᠡ᠃
ᠬᠢᠲᠠᠳ ᠨᠡᠷᠡ᠄驴血 .驴
ᠠᠩᠭ᠌ᠯᠢ ᠨᠡᠷᠡ᠄Equus asinus Linnaeus
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠡᠷᠳᠡᠨᠢᠭᠣᠸᠠ
ᠬᠢᠨᠠᠭᠴᠢ᠄ ᠴᠡᠪᠡᠷᠴᠡᠴᠡᠭ