ᠡᠵᠢ ᠳ᠋ᠡᠭᠡᠨ-ᠠᠮᠤᠭᠤᠯᠠᠩЭэждээ-амгалан
579ᠡᠵᠢ ᠳ᠋ᠡᠭᠡᠨ
ᠠᠮᠤᠭᠤᠯᠠᠩ
ᠡᠵᠢ ᠠ᠋
ᠬᠦᠦ ᠴᠢᠨᠢ ᠲᠠᠨ ᠳ᠋ᠠᠭᠠᠨ ᠰᠢᠯᠦᠭ ᠪᠢᠴᠢᠵᠦ ᠰᠠᠭᠤᠨᠠ
ᠡᠷᠡᠬᠡᠢ ᠶ᠋ᠢᠨ ᠴᠢᠨᠡᠭᠡᠨ ᠦᠷᠡ ᠪᠡᠨ
ᠡᠷᠡ ᠶ᠋ᠢᠨ ᠴᠡᠭᠡᠯ ᠳᠦ ᠬᠦᠷᠭᠡᠭᠰᠡᠨ
ᠡᠨᠡᠷᠢᠯ ᠦᠨ ᠠᠮᠢᠳᠤ ᠪᠤᠷᠬᠠᠨ
ᠡᠵᠢ ᠲᠠᠨ ᠤ ᠪᠠᠨ ᠠᠴᠢ ᠶ᠋ᠢ
ᠡᠷᠭᠢᠴᠡᠭᠦᠯᠦᠨ ᠰᠠᠨᠠᠵᠤ ᠪᠢᠴᠢᠪᠡᠯ
ᠡᠷᠢᠶᠡᠨ ᠴᠠᠭᠠᠰᠤ ᠪᠠᠭᠲᠠᠬᠤ ᠦᠭᠡᠢ ᠶᠤᠮ
ᠶᠠᠷᠢᠭᠠᠳ ᠰᠠᠭᠤᠬᠤ ᠪᠠᠷ ᠢᠷᠠᠭᠤ ᠦᠭᠡ ᠬᠣᠪᠤᠷᠳᠠᠬᠤ ᠶᠣᠮ
ᠶᠠᠲᠤᠭᠠ ᠡᠭᠡᠰᠢᠭᠯᠡᠭᠦᠯᠦᠨ ᠲᠠᠭᠤᠯᠠᠬᠤ ᠪᠠᠷ
ᠳᠡᠯᠡᠬᠡᠢ ᠪᠠᠭᠲᠠᠵᠤ ᠪᠢ ᠬᠠᠶ᠋ᠢᠯᠠᠬᠤ ᠶᠣᠮ
ᠬᠦᠷᠡᠩ ᠴᠢᠯᠠᠭᠤᠨ ᠤ ᠡᠮᠲᠡᠷᠬᠡᠢ
ᠬᠥᠬᠡ ᠡᠭᠦᠯᠡᠨ ᠦ ᠰᠡᠮᠡᠷᠬᠡᠢ ᠶ᠋ᠢ
ᠰᠡᠳᠬᠢᠯ ᠳ᠋ᠡᠭᠡᠨ ᠲᠡᠭᠡᠭᠡᠵᠦ
ᠬᠦᠦ ᠨᠢ ᠲᠠᠨ ᠳ᠋ᠠᠭᠠᠨ ᠰᠢᠯᠦᠭ ᠪᠢᠴᠢᠵᠦ ᠰᠠᠭᠤᠨᠠ
ᠪᠣᠷ ᠪᠣᠷ ᠪᠣᠷᠤᠭᠠᠨ ᠢᠶ᠋ᠠᠷ
ᠨᠠᠮᠠ ᠶ᠋ᠢ ᠪᠡᠨ ᠰᠠᠨᠠᠭᠠᠳ ᠪᠠᠶ᠋ᠢᠨᠠ ᠤᠤ
ᠪᠤᠴᠠᠬᠤ ᠰᠢᠪᠠᠭᠤᠳ ᠤᠨ ᠭᠠᠩᠨᠠᠭᠠ ᠪᠠᠷ
ᠪᠣᠳᠤᠯ ᠨᠢ ᠬᠢᠷᠠᠭᠤᠳᠠᠭᠠᠳ ᠪᠠᠶ᠋ᠢᠨᠠ ᠤᠤ
ᠰᠡᠷ ᠰᠡᠷ ᠰᠠᠯᠬᠢᠨ ᠢᠶ᠋ᠠᠷ
ᠰᠠᠨᠠᠭᠠ ᠨᠢ ᠬᠣᠭᠤᠰᠤᠷᠠᠭᠠᠳ ᠪᠠᠶ᠋ᠢᠨᠠ ᠤᠤ
ᠰᠡᠭᠰᠡᠭᠡᠷ ᠬᠦᠦ ᠪᠡᠨ ᠪᠣᠳᠣᠬᠤ ᠪᠠᠷ
ᠴᠠᠢ ᠪᠠᠨ ᠮᠠᠷᠲᠠᠭᠠᠳ ᠪᠠᠶ᠋ᠢᠨᠠ ᠤᠤ