ᠰᠢᠯᠤ-ᠬᠠᠰᠡᠷᠳᠡᠨᠢShil-KhaserdenШил-Хасэрдэн
229ᠰᠢᠯᠤ
ᠬᠠᠰᠡᠷᠳᠡᠨᠢ ᠳᠠᠭᠤᠯᠠᠨᠠ
ᠬᠣᠷᠴᠢᠨ ᠠᠷᠠᠳ ᠤ᠋ᠨ ᠳᠠᠭᠤᠤ
ᠲᠥᠷᠥᠭᠡᠳ ᠯᠡ ᠲᠡᠭᠡᠭᠰᠡᠨ ᠬᠦᠢ ᠭᠠᠵᠠᠷ ᠢ᠋ ᠴᠢᠨᠢ ᠬᠡᠯᠡᠪᠡᠯ ᠠ᠋ ᠬᠦᠢ
ᠲᠦᠰᠢᠶᠡᠲᠦ ᠶ᠋ᠢᠨ ᠬᠣᠰᠢᠭᠤ ᠥᠪᠥᠷᠵᠢᠯᠠᠭᠠ ᠶ᠋ᠢᠨ ᠠᠢᠯ ᠶᠤᠮ ᠠ᠋ ᠬᠦᠢ
ᠲᠦᠪᠡᠭᠳᠡᠭᠡᠳ ᠯᠡ ᠵᠠᠶᠠᠭᠠᠭᠠᠳ ᠲᠡᠭᠡᠭᠰᠡᠨ ᠭᠠᠵᠠᠷ ᠢ᠋ ᠴᠢᠨᠢ ᠬᠡᠯᠡᠪᠡᠯ ᠠ᠋ ᠠ ᠰᠢᠯᠦ ᠠ᠋
ᠬᠢᠵᠠᠭᠠᠷ ᠤ᠋ᠨ ᠬᠣᠯᠠ ᠰᠢᠯᠢ ᠶ᠋ᠢᠨ ᠭᠣᠣᠯ ᠤ᠋ᠨ ᠴᠢᠭᠤᠯᠭᠠᠨ᠂ ᠬᠠᠢᠷᠬᠠᠨ ᠰᠦᠢ ᠵᠢᠩ ᠦ᠋ᠨ ᠪᠠᠶᠠᠨ ᠳᠡᠭᠡᠷᠡ ᠠ᠋ ᠬᠦᠢ
ᠤᠤᠭᠤᠭᠠᠳ ᠯᠠ ᠲᠡᠭᠡᠭᠰᠡᠨ ᠤᠰᠤ ᠶ᠋ᠢ ᠴᠢᠨᠢ ᠬᠡᠯᠡᠪᠡᠯ ᠠ᠋ ᠬᠦᠢ
ᠤᠷᠳᠤᠭᠤᠷ ᠴᠢᠨᠢ ᠤᠷᠤᠰᠴᠤ ᠯᠠ ᠪᠠᠢᠬᠤ ᠬᠤᠤᠯᠢᠨ ᠭᠣᠣᠯ ᠤ᠋ᠨ ᠤᠰᠤ ᠶᠤᠮ ᠠ᠋ ᠬᠦᠢ
ᠤᠴᠠᠷᠠᠭᠠᠳ ᠯᠠ ᠵᠠᠶᠠᠭᠠᠭᠠᠳ ᠲᠡᠭᠡᠭᠰᠡᠨ ᠭᠠᠵᠠᠷ ᠢ᠋ ᠴᠢᠨᠢ ᠬᠡᠯᠡᠪᠡᠯ ᠠ᠋ ᠠ ᠰᠢᠯᠦ ᠠ᠋
ᠡᠲᠡᠭᠡᠳ ᠦ᠋ᠨ ᠬᠣᠯᠠ ᠰᠢᠯᠢ ᠶ᠋ᠢᠨ ᠭᠣᠣᠯ ᠤ᠋ᠨ ᠴᠢᠭᠤᠯᠭᠠᠨ᠂ ᠡᠪᠯᠢᠭ ᠰᠦᠢ ᠵᠢᠩ ᠦ᠋ᠨ ᠪᠠᠶᠠᠨ ᠳᠡᠭᠡᠷᠡ ᠠ᠋ ᠬᠦᠢ
ᠰᠢᠯᠤ ᠭᠡᠳᠡᠭ ᠥᠬᠢᠨ ᠪᠣᠯ ᠲᠦᠰᠢᠶᠡᠲᠦ ᠶ᠋ᠢᠨ ᠬᠣᠰᠢᠭᠤ ᠥᠪᠥᠷᠵᠢᠯᠠᠭᠠ ᠶ᠋ᠢᠨ ᠠᠢᠯ ᠤ᠋ᠨ ᠥᠬᠢᠨ ᠶᠦ᠍ᠮ ᠠ᠋᠂ ᠠᠪᠤ ᠪᠣᠯᠤᠨ ᠮᠥᠮᠥ ᠨᠢ ᠠᠩᠭᠠ ᠪᠠᠭᠠ ᠰᠢᠯᠤ ᠪᠠᠨ ᠬᠦᠰᠡᠵᠦ ᠪᠠᠢᠭᠠᠳ ᠣᠯᠤᠭᠰᠠᠨ ᠬᠥᠮᠦᠨ ᠦ᠌ ᠭᠠᠭᠴᠠᠬᠠᠨ ᠥᠬᠢᠨ ᠶᠦᠮ ᠪᠣᠯᠬᠣᠷ ᠵᠠᠪᠠᠯ ᠪᠠᠰᠠ ᠨᠢᠭᠡ ᠬᠥᠮᠦᠨ ᠦ᠌ ᠭᠠᠭᠴᠠᠬᠠᠨ ᠬᠦᠦ ᠲᠡᠢ ᠭᠡᠷ ᠲᠦ᠍ ᠥᠭᠭᠦᠶᠡ᠃ ᠢᠩᠭᠢᠪᠡᠯ ᠬᠥᠮᠦᠨ ᠪᠠᠰᠠ ᠰᠠᠨᠠᠵᠤ ᠪᠣᠳᠣᠬᠤ ᠨᠢ ᠢᠯᠡᠭᠦᠦ ᠶᠦ᠍ᠮ ᠠ᠋ ᠭᠡᠵᠦ ᠪᠣᠳᠣᠭᠰᠠᠨ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠬᠣᠯᠠ ᠭᠠᠵᠠᠷ ᠪᠣᠯᠪᠠᠴᠤ ᠬᠣᠯᠠ ᠭᠡᠵᠦ ᠪᠣᠳᠣᠭᠰᠠᠨ ᠦᠭᠡᠢ ᠬᠢᠵᠠᠭᠠᠷ ᠤ᠋ᠨ ᠬᠣᠯᠠ ᠰᠢᠯᠢ ᠶ᠋ᠢᠨ ᠭᠣᠣᠯ ᠤ᠋ᠨ ᠴᠢᠭᠤᠯᠭᠠᠨ ᠳ᠋ᠤ᠌ ᠬᠠᠢᠷᠬᠠᠨ ᠥᠬᠢᠨ ᠰᠢᠯᠦ ᠪᠡᠨ ᠬᠤᠷᠢᠮᠯᠠᠵᠤ ᠥᠭᠬᠦ ᠪᠡᠷ ᠲᠣᠭᠲᠠᠪᠠ᠃ ᠢᠩᠭᠢᠭᠡᠳ ᠬᠤᠷᠢᠮ ᠤ᠋ᠨ ᠡᠳᠦᠷ ᠨᠢ ᠭᠠᠷᠤᠭᠰᠠᠨ ᠤ᠋ ᠰᠡᠭᠦᠯᠡᠷ ᠬᠥᠭᠰᠢᠷᠡᠭᠡ ᠪᠣᠯᠤᠭᠰᠠᠨ ᠠᠪᠤ ᠨᠢ ᠬᠡᠦᠬᠡᠨ ᠢ᠋ᠶ᠋ᠡᠨ ᠦᠵᠡᠭᠡᠳ ᠲᠡᠰᠬᠡᠯ ᠦᠭᠡᠢ ᠳᠠᠭᠤᠯᠠᠴᠢᠬᠠᠵᠠᠢ ᠭᠡᠨᠡ
ᠠᠩᠭᠠ ᠪᠠᠭᠠ ᠰᠢᠯᠤ ᠶ᠋ᠢ ᠪᠡᠨ ᠠᠷᠪᠠ ᠶᠢᠰᠦᠨ ᠨᠠᠰᠤᠯᠠᠲᠠᠯᠠ ᠨᠢ ᠠ᠋ ᠬᠦᠢ
ᠠᠯᠤᠰ ᠤ᠋ᠨ ᠬᠣᠯᠠ ᠰᠢᠯᠢ ᠶ᠋ᠢᠨ ᠭᠣᠣᠯ ᠤ᠋ᠨ ᠴᠢᠭᠤᠯᠭᠠᠨ ᠳ᠋ᠤ᠌ ᠠᠪᠠᠴᠢᠵᠤ ᠥᠭᠬᠦ ᠪᠡᠷ ᠢ᠋ᠶ᠋ᠡᠨ ᠲᠣᠭᠲᠠᠪᠠ ᠬᠦᠢ
ᠠᠩᠭᠠ ᠪᠠᠭᠠ ᠰᠢᠯᠤ ᠶ᠋ᠢ ᠪᠡᠨ ᠠᠪᠠᠴᠢᠭᠠᠳ ᠦᠬᠦᠭᠰᠡᠨ ᠦ᠌ ᠰᠡᠭᠦᠯᠡᠷ ᠠ᠋ ᠠ ᠰᠢᠯᠤ ᠠ᠋
ᠠᠭᠰᠢᠷᠠᠭᠠ ᠪᠣᠯᠤᠭᠰᠠᠨ ᠠᠪᠤ ᠨᠢ᠂ ᠬᠡᠨ ᠢ᠋ ᠪᠡᠨ ᠦᠵᠡᠭᠡᠳ ᠰᠠᠭᠤᠬᠤ ᠶᠤᠮ ᠳᠠ ᠬᠦᠢ
ᠬᠡᠦᠬᠡᠨ ᠪᠠᠭᠠ ᠰᠢᠯᠤ ᠶ᠋ᠢ ᠪᠡᠨ ᠠᠷᠪᠠ ᠶᠢᠰᠦᠨ ᠨᠠᠰᠤᠯᠠᠲᠠᠯᠠ ᠨᠢ ᠠ᠋ ᠬᠦᠢ
ᠬᠢᠵᠠᠭᠠᠷ ᠤ᠋ᠨ ᠬᠣᠯᠠ ᠰᠢᠯᠢ ᠶ᠋ᠢᠨ ᠭᠣᠣᠯ ᠤ᠋ᠨ ᠴᠢᠭᠤᠯᠭᠠᠨ ᠳ᠋ᠤ᠌ ᠬᠦᠷᠭᠡᠵᠦ ᠥᠭᠬᠦ ᠪᠡᠷ ᠢ᠋ᠶ᠋ᠡᠨ ᠲᠣᠭᠲᠠᠭᠰᠠᠨ ᠶᠤᠮ ᠠ᠋ ᠬᠦᠢ
ᠬᠠᠢᠷᠠᠲᠠᠢ ᠥᠬᠢᠨ ᠰᠢᠯᠦ ᠶ᠋ᠢ ᠪᠡᠨ ᠬᠤᠷᠢᠮᠯᠠᠭᠠᠳ ᠥᠭᠭᠦᠭᠰᠡᠨ ᠦ᠌ ᠰᠡᠭᠦᠯᠡᠷ ᠠ᠋᠂ ᠠ ᠰᠢᠯᠦ ᠠ᠋
ᠬᠥᠭᠰᠢᠷᠡᠭᠡ ᠪᠣᠯᠤᠭᠰᠠᠨ ᠮᠥᠮᠥ ᠴᠢᠨᠢ ᠳᠡ ᠬᠡᠨ ᠢ᠋ᠶ᠋ᠡᠨ ᠦᠵᠡᠭᠡᠳ ᠰᠠᠭᠤᠬᠤ ᠶᠤᠮ ᠳᠠ ᠬᠦᠢ
ᠬᠤᠷᠢᠮ ᠤ᠋ᠨ ᠡᠳᠦᠷ ᠨᠢ ᠭᠠᠷᠴᠢᠬᠠᠭᠰᠠᠨ ᠶᠤᠮ ᠲᠤᠯᠠ ᠳᠡᠮᠡᠢ ᠬᠡᠳᠦᠨ ᠡᠳᠦᠷ ᠪᠣᠯᠤᠭᠰᠠᠨ ᠦᠭᠡᠢ᠂ ᠬᠤᠷᠢᠮ ᠤ᠋ᠨ ᠬᠢᠨᠢ ᠭᠣᠣᠯ ᠡᠳᠦᠷ ᠨᠢ ᠲᠤᠯᠴᠢᠬᠠᠵᠠᠢ ᠰᠢᠦ᠂ ᠮᠡᠴᠡᠭᠡᠭᠡᠳ( ᠲᠡᠭᠡᠭᠡᠳ) ᠮᠥᠮᠥ ᠨᠢ ᠥᠬᠢᠨ ᠢ᠋ᠶ᠋ᠡᠨ ᠰᠤᠷᠭᠠᠭᠠᠳ ᠬᠡᠯᠡᠴᠢᠬᠡᠵᠡᠢ ᠭᠡᠨᠡ
ᠠᠭᠲᠠ ᠬᠦᠯᠦᠭ ᠮᠣᠷᠢ ᠶᠤᠭᠠᠨ ᠤᠨᠤᠬᠤ ᠪᠠᠷ ᠲᠥᠷᠥᠭᠰᠡᠨ ᠪᠣᠯ ᠬᠦᠢ
ᠠᠪᠤ ᠶ᠋ᠢᠨ ᠨᠤᠲᠤᠭ ᠠᠳᠠᠯ ᠭᠡᠷ ᠲᠦ᠍ ᠪᠡᠨ ᠳᠠᠩᠵᠢᠶᠠᠳ ᠪᠢᠰᠢ ᠤᠤ ᠳᠠ ᠠᠩᠭᠠ ᠮᠢᠨᠢ ᠠ᠋ ᠬᠦᠢ
ᠠᠯᠲᠠ ᠯᠠ ᠥᠨᠳᠥᠷ ᠠᠷᠤ ᠶ᠋ᠢᠨ ᠦᠰᠦ ᠶ᠋ᠢ ᠪᠡᠨ ᠠᠪᠤᠭᠠᠳ ᠯᠠ ᠳᠦᠷᠦᠴᠢᠬᠡᠭᠰᠡᠨ ᠲᠤᠯᠠᠳᠠ ᠪᠠᠨ ᠠ ᠰᠢᠯᠦ ᠠ᠋
ᠠᠯᠤᠰ ᠤ᠋ᠨ ᠬᠣᠯᠠ ᠰᠢᠯᠢ ᠶ᠋ᠢᠨ ᠭᠣᠣᠯ ᠤ᠋ᠨ ᠴᠢᠭᠤᠯᠭᠠᠨ ᠳ᠋ᠤ᠌ ᠠᠩᠭᠠ ᠪᠠᠨ ᠴᠢᠮᠠ ᠶ᠋ᠢ ᠬᠦᠷᠭᠡᠨᠡ ᠰᠢᠦ ᠬᠦᠢ
ᠦᠷᠢᠶᠡ ᠬᠦᠯᠦᠭ ᠮᠣᠷᠢ ᠶᠤᠭᠠᠨ ᠤᠨᠤᠬᠤ ᠪᠠᠷ ᠢ᠋ᠶ᠋ᠠᠨ ᠲᠥᠷᠥᠭᠰᠡᠨ ᠪᠣᠯ ᠬᠦᠢ
ᠡᠴᠢᠭᠡ ᠶ᠋ᠢᠨ ᠨᠤᠲᠤᠭ ᠡᠷᠦᠬᠡ ᠯᠡ ᠭᠡᠷ ᠲᠦ᠍ ᠪᠡᠨ ᠳᠠᠩᠵᠢᠶᠠᠳ ᠪᠢᠰᠢ ᠤᠤ ᠳᠠ ᠠᠩᠭᠠ ᠮᠢᠨᠢ ᠠ᠋ ᠬᠦᠢ
ᠥᠨᠳᠥᠷ ᠠᠷᠢᠭᠤᠨ ᠦᠰᠦ ᠶ᠋ᠢ ᠪᠡᠨ ᠪᠠᠷᠢᠭᠠᠳ ᠯᠠ ᠳᠦᠷᠦᠴᠢᠬᠡᠭᠰᠡᠨ ᠲᠤᠯᠠᠳᠠ ᠪᠠᠨ ᠠ ᠰᠢᠯᠦ ᠠ᠋
ᠡᠲᠡᠭᠡᠳ ᠦ᠋ᠨ ᠬᠣᠯᠠ ᠰᠢᠯᠢ ᠶ᠋ᠢᠨ ᠭᠣᠣᠯ ᠤ᠋ᠨ ᠴᠢᠭᠤᠯᠭᠠᠨ ᠳ᠋ᠤ᠌ ᠥᠬᠢᠨ ᠢ᠋ᠶ᠋ᠡᠨ ᠴᠢᠮᠠ ᠶ᠋ᠢ ᠬᠦᠷᠭᠡᠨᠡ ᠰᠢᠦ ᠬᠦᠢ
ᠬᠠᠢᠴᠢᠨ ᠤ᠋ ᠪᠠᠷᠢᠭᠤᠯ ᠭᠡᠳᠡᠭ ᠴᠢᠨᠢ ᠬᠠᠪᠲᠠᠭᠠᠢ ᠶᠤᠮ ᠰᠢᠦ᠂ ᠠ ᠰᠢᠯᠦ ᠠ᠋ ᠬᠦᠢ
ᠬᠠᠳᠠᠮ ᠡᠢ ᠶ᠋ᠢᠨ ᠰᠤᠷᠭᠠᠯ ᠭᠡᠳᠡᠭ ᠴᠢᠨᠢ ᠬᠠᠷᠠᠲᠠᠢ ᠠ᠋ᠴᠠ ᠬᠠᠷᠠᠲᠠᠢ ᠰᠢᠦ ᠬᠦᠢ
ᠬᠢᠵᠠᠭᠠᠷ ᠤ᠋ᠨ ᠬᠣᠯᠠ ᠰᠢᠯᠢ ᠶ᠋ᠢᠨ ᠭᠣᠣᠯ ᠤ᠋ᠨ ᠴᠢᠭᠤᠯᠭᠠᠨ ᠳ᠋ᠤ᠌ ᠬᠦᠷᠦᠭᠡᠳ ᠣᠴᠢᠭᠰᠠᠨ ᠤ᠋ ᠰᠡᠭᠦᠯᠡᠷ ᠠ᠋ ᠠᠩᠭᠠ ᠮᠢᠨᠢ ᠠ᠋
ᠬᠠᠳᠠᠮ ᠤ᠋ᠨ ᠭᠠᠵᠠᠷ ᠤ᠋ᠨ ᠵᠠᠩ ᠠᠭᠠᠰᠢ ᠶ᠋ᠢ ᠨᠢ ᠳᠠᠭᠠᠵᠤ ᠯᠠ ᠶᠠᠪᠤ ᠳᠠ ᠠ ᠰᠢᠯᠦ ᠠ᠋ ᠬᠦᠢ
ᠲᠡᠪᠡᠨᠡ ᠶ᠋ᠢᠨ ᠰᠦᠪᠡ ᠭᠡᠳᠡᠭ ᠴᠢᠨᠢ ᠤᠷᠲᠤ ᠳᠥᠷᠪᠡᠯᠵᠢᠨ ᠪᠢᠰᠢ ᠤᠤ ᠳᠠ ᠬᠦᠢ
ᠲᠥᠷᠥᠭᠰᠡᠨ ᠡᠢ ᠶ᠋ᠢᠨ ᠰᠤᠷᠭᠠᠯ ᠤ᠋ᠨ ᠦᠭᠡ ᠵᠥᠪ ᠵᠥᠭᠡᠯᠡᠬᠡᠨ ᠪᠢᠰᠢ ᠤᠤ ᠳᠠ ᠬᠦᠢ
ᠲᠥᠪ ᠦ᠋ᠨ ᠬᠣᠯᠠ ᠰᠢᠯᠢ ᠶ᠋ᠢᠨ ᠭᠣᠣᠯ ᠤ᠋ᠨ ᠴᠢᠭᠤᠯᠭᠠᠨ ᠳ᠋ᠤ᠌ ᠬᠦᠷᠦᠭᠡᠳ ᠣᠴᠢᠭᠰᠠᠨ ᠤ᠋ ᠰᠡᠭᠦᠯᠡᠷ ᠠ᠋ ᠠᠩᠭᠠ ᠮᠢᠨᠢ ᠠ᠋
ᠲᠡᠨᠳᠡᠬᠢ ᠶ᠋ᠢᠨ ᠭᠠᠵᠠᠷ ᠤ᠋ᠨ ᠵᠠᠩ ᠠᠭᠠᠰᠢ ᠶ᠋ᠢ ᠨᠢ ᠳᠠᠭᠠᠭᠠᠵᠤ ᠶᠠᠪᠤ ᠳᠠ ᠠᠩᠭᠠ ᠮᠢᠨᠢ ᠴᠢ ᠬᠦᠢ
ᠮᠥᠮᠥ ᠨᠢ ᠥᠬᠢᠨ ᠢ᠋ᠶ᠋ᠡᠨ ᠢᠩᠭᠢᠵᠦ ᠰᠤᠷᠭᠠᠵᠤ ᠬᠡᠯᠡᠭᠰᠡᠨ ᠳ᠋ᠦ᠍ ᠥᠬᠢᠨ ᠨᠢ ᠮᠥᠮᠥ ᠶ᠋ᠢᠨ ᠢ᠋ᠶ᠋ᠡᠨ ᠡᠰᠡᠷᠭᠦ ᠡᠴᠡ ᠨᠢ ᠳᠠᠭᠤᠯᠠᠴᠢᠬᠠᠵᠠᠢ ᠭᠡᠨᠡ
ᠬᠠᠢᠴᠢᠨ ᠤ᠋ ᠬᠢᠨᠢ ᠪᠠᠷᠢᠭᠤᠯ ᠭᠡᠳᠡᠭ ᠴᠢᠨᠢ ᠬᠠᠪᠲᠠᠭᠠᠢ ᠶ᠋ᠢ ᠵᠠᠷᠤᠵᠤ ᠥᠩᠭᠡᠷᠡᠵᠡᠢ ᠬᠦᠢ
ᠬᠠᠳᠠᠮ ᠡᠢ ᠶ᠋ᠢᠨ ᠰᠤᠷᠭᠠᠯ ᠭᠡᠳᠡᠭ ᠴᠢᠨᠢ ᠬᠠᠷᠠᠲᠠᠢ ᠭᠡᠰᠡᠨ ᠢ᠋ ᠰᠣᠨᠣᠰᠴᠠᠢ ᠬᠦᠢ
ᠬᠣᠪᠢᠨ ᠤ᠋ ᠨᠤᠲᠤᠭ ᠥᠪᠥᠷᠵᠢᠯᠠᠭᠠ ᠶ᠋ᠢᠨ ᠠᠢᠯ ᠳ᠋ᠤ᠌ ᠥᠬᠢᠨ ᠢ᠋ ᠴᠢᠨᠢ ᠠᠪᠬᠤ ᠬᠥᠮᠦᠨ ᠦᠭᠡᠢ ᠤᠤ ᠳᠠ ᠠ ᠮᠥᠮᠥ ᠠ᠋
ᠬᠢᠵᠠᠭᠠᠷ ᠤ᠋ᠨ ᠬᠣᠯᠠ ᠰᠢᠯᠢ ᠶ᠋ᠢᠨ ᠭᠣᠣᠯ ᠤ᠋ᠨ ᠴᠢᠭᠤᠯᠭᠠᠨ ᠳ᠋ᠤ᠌ ᠥᠬᠢᠨ ᠢ᠋ᠶ᠋ᠡᠨ ᠨᠠᠮᠠ ᠶ᠋ᠢ ᠬᠦᠷᠭᠡᠴᠢᠬᠡᠨᠡ ᠤᠤ ᠳᠠ ᠬᠦᠢ
ᠲᠡᠪᠡᠨᠡ ᠶ᠋ᠢᠨ ᠬᠢᠨᠢ ᠰᠦᠪᠡ ᠭᠡᠳᠡᠭ ᠨᠢ ᠲᠥᠭᠥᠷᠢᠭ ᠢ᠋ ᠵᠠᠷᠤᠵᠤ ᠥᠩᠭᠡᠷᠡᠵᠡᠢ
ᠲᠥᠷᠥᠭᠰᠡᠨ ᠡᠢ ᠶ᠋ᠢᠨ ᠰᠤᠷᠭᠠᠯ ᠦᠭᠡ ᠵᠥᠪ ᠵᠥᠭᠡᠯᠡᠨ ᠢ᠋ ᠮᠡᠳᠡᠵᠦ ᠪᠠᠢᠨᠠ ᠰᠢᠦ ᠬᠦᠢ
ᠲᠥᠷᠥᠭᠰᠡᠨ ᠨᠤᠲᠤᠭ ᠥᠪᠥᠷᠵᠢᠯᠠᠭᠠ ᠠᠢᠯ ᠳ᠋ᠤ᠌ ᠪᠠᠨ ᠥᠬᠢᠨ ᠢ᠋ ᠴᠢᠨᠢ ᠠᠪᠬᠤ ᠬᠥᠮᠦᠨ ᠦᠭᠡᠢ ᠤᠤ ᠳᠠ ᠠ ᠮᠥᠮᠥ ᠠ᠋
ᠲᠥᠪ ᠦ᠋ᠨ ᠬᠣᠯᠠ ᠰᠢᠯᠢ ᠶ᠋ᠢᠨ ᠭᠣᠣᠯ ᠤ᠋ᠨ ᠴᠢᠭᠤᠯᠭᠠᠨ ᠳ᠋ᠤ᠌ ᠥᠬᠢᠨ ᠢ᠋ᠶ᠋ᠡᠨ ᠨᠠᠮᠠ ᠶ᠋ᠢ ᠬᠦᠷᠭᠡᠴᠢᠬᠡᠨᠡ ᠤᠤ ᠳᠠ ᠬᠦᠢ
ᠰᠢᠯᠦ᠂ ᠡᠵᠢ ᠶ᠋ᠢᠨ ᠢ᠋ᠶ᠋ᠡᠨ ᠡᠰᠡᠷᠭᠦ ᠡᠴᠡ ᠨᠢ ᠢᠩᠭᠢᠵᠦ ᠬᠡᠯᠡᠭᠰᠡᠨ ᠳ᠋ᠦ᠍ ᠬᠤᠷᠢᠮ ᠳᠡᠭᠡᠷᠡ ᠣᠴᠢᠭᠰᠠᠨ᠂ ᠣᠯᠠᠨ ᠬᠥᠮᠦᠨ ᠦ᠌ ᠳᠤᠮᠳᠠ ᠠ᠋ᠴᠠ ᠨᠢᠭᠡᠨ ᠥᠲᠡᠯᠦᠭᠰᠡᠨ ᠨᠠᠰᠤᠲᠠᠢ ᠡᠵᠢ ᠭᠠᠷᠴᠤ ᠢᠷᠡᠭᠡᠳ ᠬᠡᠯᠡᠵᠦ ᠪᠠᠢᠨᠠ᠂ ᠠᠩᠭᠠ ᠠ᠋᠂ ᠴᠢ ᠲᠡᠭᠡᠵᠦ ᠬᠡᠯᠡᠭᠡᠳ ᠲᠠᠭᠠᠷᠠᠨᠠ ᠤᠤ ᠳᠠ᠂ ᠤᠯᠠᠮ ᠢᠯᠡᠭᠦᠦ ᠮᠥᠮᠥ ᠪᠣᠯᠣᠳ ᠠᠪᠤ ᠶ᠋ᠢᠨ ᠢ᠋ᠶ᠋ᠡᠨ ᠰᠡᠳᠬᠢᠯ ᠢ᠋ ᠵᠣᠪᠠᠭᠠᠭᠠᠳ ᠯᠠ ᠪᠠᠢᠭᠠᠳ ᠪᠣᠯᠬᠤ ᠦᠭᠡᠢ ᠶᠦᠮ ᠰᠢᠦ ᠭᠡᠳ ᠰᠢᠯᠦ ᠶ᠋ᠢ ᠰᠤᠷᠭᠠᠵᠤ ᠬᠡᠯᠡᠴᠢᠬᠡᠵᠡᠢ ᠭᠡᠨᠡ
ᠬᠠᠷᠴᠠᠭᠠᠢ ᠭᠡᠳᠡᠭ ᠰᠢᠪᠠᠭᠤ ᠴᠢᠨᠢ ᠬᠠᠮᠤᠭ ᠠ᠋ᠴᠠ ᠳᠡᠭᠡᠭᠦᠷ ᠨᠢᠰᠪᠡᠴᠦ ᠬᠦᠢ
ᠬᠠᠷᠠᠯᠠᠭᠠᠳ ᠭᠠᠷᠬᠤ ᠰᠡᠭᠦᠳᠡᠷ ᠨᠢ ᠭᠠᠵᠠᠷ ᠠ᠋ᠴᠠ ᠪᠠᠨ ᠰᠠᠯᠤᠨᠠ ᠤᠤ ᠳᠠ ᠬᠦᠢ
ᠬᠠᠢᠷᠠᠬᠠᠨ ᠥᠬᠢᠨ ᠰᠢᠯᠦ ᠴᠢᠮᠠ ᠶ᠋ᠢ ᠪᠡᠨ ᠬᠣᠯᠠ ᠭᠠᠵᠠᠷ ᠥᠭᠪᠡᠯ ᠠ᠋᠂ ᠠ ᠰᠢᠯᠦ ᠠ᠋
ᠬᠥᠭᠰᠢᠷᠡᠭᠡ ᠪᠣᠯᠤᠭᠰᠠᠨ ᠠᠪᠤ ᠴᠢᠨᠢ ᠪᠣᠳᠣᠵᠤ ᠰᠠᠨᠠᠬᠤ ᠪᠠᠨ ᠪᠠᠢᠴᠢᠬᠠᠨᠠ ᠤᠤ ᠳᠠ ᠬᠦᠢ
ᠡᠲᠡᠯᠡ ᠭᠡᠳᠡᠭ ᠰᠢᠪᠠᠭᠤ ᠴᠢᠨᠢ ᠡᠭᠦᠯᠡᠨ ᠡᠴᠡ ᠪᠡᠨ ᠳᠡᠭᠡᠭᠦᠷ ᠨᠢᠰᠪᠡᠴᠦ ᠬᠦᠢ
ᠥᠪᠡᠷ ᠦ᠋ᠨ ᠪᠠᠶᠠᠨ ᠤ᠋ ᠰᠡᠭᠦᠳᠡᠷ ᠨᠢ ᠬᠦᠢ ᠭᠠᠵᠠᠷ ᠠ᠋ᠴᠠ ᠪᠠᠨ ᠰᠠᠯᠤᠨᠠ ᠤᠤ ᠳᠠ ᠬᠦᠢ
ᠥᠪᠡᠷ ᠦ᠋ᠨ ᠥᠬᠢᠨ ᠰᠢᠯᠦ ᠴᠢᠮᠠ ᠶ᠋ᠢ ᠪᠡᠨ ᠡᠲᠡᠭᠡᠳ ᠦ᠋ᠨ ᠬᠣᠯᠠ ᠥᠭᠪᠡᠴᠦ ᠠ᠋᠂ ᠠ ᠰᠢᠯᠦ ᠠ᠋
ᠦᠳᠡᠯᠦᠭᠡ ᠪᠣᠯᠤᠭᠰᠠᠨ ᠮᠥᠮᠥ ᠴᠢᠨᠢ ᠪᠣᠳᠣᠵᠤ ᠰᠠᠨᠠᠬᠤ ᠪᠠᠨ ᠪᠠᠢᠨᠠ ᠤᠤ ᠳᠠ ᠬᠦᠢ
ᠠᠯᠠᠭ ᠦᠨᠢᠶᠡ ᠨᠢ ᠲᠤᠭᠤᠯ ᠠ᠋ᠴᠠ ᠪᠠᠨ ᠰᠠᠯᠪᠠᠯ ᠠ᠋ ᠬᠦᠢ
ᠠᠷᠤ ᠶ᠋ᠢᠨ ᠬᠠᠰᠢᠶᠠ ᠪᠠᠨ ᠲᠣᠭᠣᠷᠢᠵᠤ ᠪᠠᠢᠭᠠᠳ ᠬᠦᠩᠭᠢᠨᠡᠲᠡᠯᠡ ᠪᠡᠨ ᠮᠥᠭᠡᠷᠡᠬᠦ ᠶᠦ᠍ᠮ ᠰᠢᠦ ᠬᠦᠢ
ᠠᠩᠭᠠ ᠪᠠᠭᠠ ᠰᠢᠯᠦ ᠴᠢᠮᠠ ᠶ᠋ᠢ ᠪᠡᠨ ᠠᠪᠠᠴᠢᠵᠤ ᠦᠭᠭᠦᠭᠰᠡᠨ ᠦ᠌ ᠰᠡᠭᠦᠯᠡᠷ ᠠ᠋᠂ ᠠ ᠰᠢᠯᠦ ᠠ᠋
ᠠᠭᠰᠢᠷᠠᠭᠠ ᠪᠣᠯᠤᠭᠰᠠᠨ ᠠᠪᠤ ᠴᠢᠨᠢ ᠠᠩᠭᠠ ᠪᠠᠨ ᠰᠠᠨᠠᠪᠠᠯ ᠤᠬᠢᠯᠠᠬᠤ ᠶᠤᠮ ᠰᠢᠦ ᠬᠦᠢ
ᠬᠦᠷᠡᠭᠴᠢ ᠦᠨᠢᠶᠡ ᠨᠢ ᠲᠤᠭᠤᠯ ᠠ᠋ᠴᠠ ᠪᠠᠨ ᠰᠠᠯᠪᠠᠯ ᠠ᠋ ᠬᠦᠢ
ᠬᠦᠷᠢᠶᠡᠨ ᠡᠭᠦᠳᠡ ᠶ᠋ᠢ ᠪᠡᠨ ᠲᠣᠭᠣᠷᠢᠵᠤ ᠪᠠᠢᠭᠠᠳ ᠬᠦᠩᠭᠢᠨᠡᠲᠡᠯᠡ ᠪᠡᠨ ᠮᠥᠭᠡᠷᠡᠬᠦ ᠶᠦ᠍ᠮ ᠰᠢᠦ ᠬᠦᠢ
ᠬᠠᠢᠷᠬᠠᠨ ᠥᠬᠢᠨ ᠰᠢᠯᠦ ᠴᠢᠮᠠ ᠪᠠᠨ ᠬᠤᠷᠢᠮᠯᠠᠭᠤᠯᠤᠭᠠᠳ ᠦᠭᠭᠦᠭᠰᠡᠨ ᠦ᠌ ᠰᠡᠭᠦᠯᠡᠷ ᠠ᠋᠂ ᠠ ᠰᠢᠯᠦ ᠠ᠋
ᠬᠥᠭᠰᠢᠷᠡᠭᠡ ᠪᠣᠯᠤᠭᠰᠠᠨ ᠮᠥᠮᠥ ᠴᠢᠨᠢ ᠬᠡᠦᠬᠡᠨ ᠢ᠋ᠶ᠋ᠡᠨ ᠰᠠᠨᠠᠪᠠᠯ ᠤᠬᠢᠯᠠᠬᠤ ᠶᠤᠮ ᠰᠢᠦ ᠬᠦᠢ
ᠡᠨᠡ ᠨᠠᠰᠤᠲᠠᠢ ᠡᠵᠢ᠂ ᠰᠢᠯᠦ ᠶ᠋ᠢ ᠢᠩᠭᠢᠵᠦ ᠰᠤᠷᠭᠠᠵᠤ ᠬᠡᠯᠡᠭᠰᠡᠨ ᠳ᠋ᠦ᠍᠂ ᠰᠢᠯᠦ ᠡᠰᠡᠷᠭᠦ ᠡᠴᠡ ᠨᠢ ᠤᠬᠢᠯᠠᠵᠤ ᠪᠠᠢᠭᠠᠳ ᠳᠠᠭᠤᠯᠠᠴᠢᠬᠠᠵᠠᠢ ᠭᠡᠨᠡ᠂
ᠬᠠᠳᠠᠨ ᠳᠡᠭᠡᠷᠡ ᠪᠡᠨ ᠬᠠᠷᠪᠤᠭᠰᠠᠨ ᠰᠤᠮᠤ ᠶ᠋ᠢ ᠪᠡᠨ ᠬᠠᠷᠠᠭᠠᠳ ᠣᠯᠬᠤ ᠳ᠋ᠤ᠌ ᠪᠡᠷᠬᠡᠲᠡᠢ ᠰᠢᠦ ᠬᠦᠢ
ᠬᠢᠵᠠᠭᠠᠷ ᠤ᠋ᠨ ᠬᠣᠯᠠ ᠵᠠᠶᠠᠭᠠᠭᠰᠠᠨ ᠪᠢ ᠳᠡ ᠬᠤᠪᠢ ᠪᠠᠷ ᠢ᠋ᠶ᠋ᠠᠨ ᠢᠷᠡᠬᠦ ᠳ᠋ᠦ᠍ ᠬᠦᠴᠢᠷᠲᠡᠢ ᠰᠢᠦ ᠬᠦᠢ
ᠬᠠᠢᠷᠠᠯᠠᠭᠠᠳ ᠰᠠᠨᠠᠭᠰᠠᠨ ᠠᠪᠤ ᠮᠢᠨᠢ ᠳᠡ ᠬᠣᠯᠠ ᠭᠠᠵᠠᠷ ᠥᠭᠭᠦᠭᠰᠡᠨ ᠦᠭᠡᠢ ᠪᠣᠯ᠂ ᠠ ᠬᠠ ᠬᠦᠢ
ᠬᠡᠳᠦᠨ ᠡᠳᠦᠷ ᠢ᠋ᠶ᠋ᠡᠨ ᠥᠩᠭᠡᠷᠡᠭᠡᠳ ᠲᠡᠭᠡᠪᠡᠯ ᠬᠤᠪᠢ ᠪᠠᠷ ᠢ᠋ᠶ᠋ᠠᠨ ᠢᠷᠡᠭᠡᠳ ᠦᠵᠡᠭᠡᠳ ᠶᠠᠪᠤᠬᠤ ᠦᠭᠡᠢ ᠤᠤ ᠳᠠ ᠬᠦᠢ
ᠠᠭᠤᠯᠠᠨ ᠳᠡᠭᠡᠷᠡ ᠪᠡᠨ ᠬᠠᠷᠪᠤᠭᠰᠠᠨ ᠰᠤᠮᠤ ᠶ᠋ᠢ ᠪᠡᠨ ᠡᠷᠢᠭᠡᠳ ᠣᠯᠬᠤ ᠳ᠋ᠤᠷ ᠪᠡᠷᠬᠡᠲᠡᠢ ᠰᠢᠦ ᠬᠦᠢ
ᠡᠲᠡᠭᠡᠳ ᠦ᠋ᠨ ᠬᠣᠯᠠ ᠵᠠᠶᠠᠭᠠᠭᠰᠠᠨ ᠪᠢ ᠳᠡ ᠥᠪᠡᠷ ᠢ᠋ᠶ᠋ᠡᠨ ᠢᠷᠡᠬᠦ ᠳ᠋ᠦ᠍ ᠬᠦᠴᠢᠷᠲᠡᠢ ᠰᠢᠦ ᠬᠦᠢ
ᠡᠴᠢᠭᠡ ᠶ᠋ᠢᠨ ᠨᠤᠲᠤᠭ ᠥᠪᠡᠷ ᠦ᠋ᠨ ᠭᠡᠷ ᠡᠴᠡ ᠪᠡᠨ ᠣᠢᠷᠠᠬᠠᠨ ᠠᠢᠯ ᠳ᠋ᠤ᠌ ᠥᠭᠭᠦᠭᠰᠡᠨ ᠪᠣᠯ ᠠ ᠬᠠ ᠬᠦᠢ
ᠶᠢᠰᠦ ᠠᠷᠪᠠ ᠬᠣᠨᠣᠯᠠ ᠭᠡᠪᠡᠯ ᠥᠪᠡᠷ ᠢ᠋ᠶ᠋ᠡᠨ ᠢᠷᠡᠭᠡᠳ ᠦᠵᠡᠭᠡᠳ ᠶᠠᠪᠤᠬᠤ ᠦᠭᠡᠢ ᠤᠤ ᠳᠠ ᠬᠦᠢ
ᠠᠩᠭᠠ ᠪᠠᠭᠠ ᠰᠢᠯᠦ ᠨᠢ ᠬᠡᠯᠡᠵᠦ ᠪᠠᠷᠠᠭᠠᠳ ᠤᠬᠢᠯᠠᠭᠠᠳ ᠯᠠ ᠪᠠᠢᠬᠤ ᠪᠣᠯᠬᠤ ᠯᠠᠢ( ᠪᠣᠯᠬᠣᠷ)᠂ ᠠᠭᠰᠢᠷᠠᠭᠠ ᠪᠣᠯᠤᠭᠰᠠᠨ ᠮᠥᠮᠥ ᠨᠢ ᠠᠩᠭᠠ ᠪᠠᠨ ᠦᠵᠡᠭᠡᠳ ᠲᠡᠰᠦᠨᠡ ᠤᠤ ᠳᠠ᠂ ᠦᠷᠡ ᠤᠤ ᠳᠠ ᠵᠢᠷᠦᠬᠡ᠂ ᠦᠵᠡᠬᠦ ᠨᠢᠳᠦᠨ ᠦ᠌ ᠴᠡᠴᠡᠭᠡᠢ᠂ ᠦᠨᠦᠷᠲᠦᠬᠦ ᠬᠠᠮᠠᠷ ᠤ᠋ᠨ ᠵᠢᠭᠠᠷ᠂ ᠠᠩᠭᠠ ᠪᠠᠭᠠ ᠦᠷᠡ ᠠᠶᠤᠤᠯᠢᠬᠠᠢ ᠴᠡᠭᠡᠵᠢᠨ ᠦ᠌ ᠵᠢᠷᠦᠬᠡ᠂ ᠠᠩᠬᠢᠯᠬᠤ ᠬᠠᠮᠠᠷ ᠤ᠋ᠨ ᠵᠢᠭᠠᠷ ᠭᠡᠵᠡᠢ᠃ ᠠᠰᠲᠠᠭᠠᠨ ᠬᠥᠮᠦᠨ ᠦ᠌ ᠠᠳᠠᠯᠢ ᠠᠷᠪᠠ ᠲᠠᠪᠤ ᠪᠠᠷ ᠪᠠᠢᠨᠠ ᠤᠤ ᠳᠠ ᠠᠭᠰᠢᠷᠠᠲᠠᠯᠠ ᠪᠠᠨ ᠶᠠᠪᠤᠭᠠᠳ ᠣᠯᠤᠭᠠᠳ ᠲᠡᠭᠡᠭᠰᠡᠨ ᠠᠩᠭᠠ ᠦᠷᠡ ᠮᠢᠨᠢ ᠭᠠᠭᠴᠠᠬᠠᠨ ᠶᠤᠮ ᠰᠢᠦ ᠭᠡᠳ ᠬᠠᠨᠵᠤᠨ ᠳᠡᠭᠡᠷᠡ ᠪᠡᠨ ᠭᠦᠶᠦᠵᠦ ᠭᠠᠷᠤᠭᠠᠳ ᠠᠩᠭᠠ ᠶ᠋ᠢᠨ ᠢ᠋ᠶ᠋ᠡᠨ ᠭᠠᠷ ᠠ᠋ᠴᠠ ᠨᠢ ᠠᠳᠬᠤᠴᠢᠬᠠᠭᠠᠳ ᠤᠬᠢᠯᠠᠵᠤ ᠪᠠᠢᠭᠠᠳ ᠳᠠᠭᠤᠯᠠᠴᠢᠬᠠᠵᠠᠢ ᠭᠡᠨᠡ
ᠠᠯᠲᠠᠨ ᠪᠠᠭᠤᠤ ᠴᠢᠨᠢ ᠠᠩᠭᠠ ᠰᠢᠯᠦ ᠶ᠋ᠢᠨ ᠭᠠᠷ ᠳᠣᠲᠣᠷᠠ ᠬᠦᠢ
ᠠᠪᠤ ᠶ᠋ᠢᠨ ᠴᠢᠨᠢ ᠰᠤᠷᠭᠠᠯ ᠦᠭᠡ ᠠᠩᠭᠠ ᠴᠢᠨᠦ ᠴᠡᠭᠡᠵᠢᠨ ᠳ᠋ᠦ᠍ ᠠ᠋ ᠬᠦᠢ
ᠠᠯᠠᠭ ᠬᠣᠶᠠᠷ ᠨᠢᠳᠦᠨ ᠡᠴᠡ ᠪᠡᠨ ᠠᠰᠬᠠᠷᠠᠭᠤᠯᠬᠤ ᠪᠠᠨ ᠠᠶᠠᠳᠤᠭᠠᠴᠢ ᠳᠠ ᠠᠩᠭᠠ ᠮᠢᠨᠢ ᠠ᠋
ᠠᠷᠪᠠᠨ ᠲᠠᠪᠤ ᠶ᠋ᠢ ᠪᠡᠨ ᠬᠣᠨᠣᠭᠰᠠᠨ ᠤ᠋ ᠰᠡᠭᠦᠯᠡᠷ ᠠᠪᠤ ᠴᠢᠨᠢ ᠵᠢᠭᠡᠯᠡᠬᠦ ᠪᠡᠷ ᠣᠴᠢᠬᠤ ᠶᠤᠮ ᠠ᠋ ᠬᠦᠢ
ᠮᠥᠩᠭᠥᠨ ᠪᠠᠭᠤᠤ ᠴᠢᠨᠢ ᠮᠥᠨᠥᠬᠡᠨ( ᠮᠥᠨ ᠬᠦ) ᠰᠢᠯᠦ ᠶ᠋ᠢᠨ ᠭᠠᠷ ᠳᠣᠲᠣᠷᠠ ᠠ᠋ ᠬᠦᠢ
ᠮᠥᠮᠥ ᠶ᠋ᠢᠨ ᠴᠢᠨᠢ ᠰᠤᠷᠭᠠᠯ ᠦᠭᠡ ᠮᠢᠨᠦ ᠥᠬᠢᠨ ᠦ᠌ ᠴᠡᠭᠡᠵᠢᠨ ᠳ᠋ᠦ᠍ ᠪᠢᠵᠡ ᠬᠦᠢ
ᠮᠡᠯᠮᠡᠷᠡᠲᠡᠯᠡ ᠪᠡᠨ ᠤᠬᠢᠯᠠᠭᠠᠳ ᠪᠠᠢᠬᠤ ᠪᠠᠨ ᠪᠠᠢᠴᠢᠬᠠ ᠳᠠ ᠠ ᠰᠢᠯᠦ ᠠ᠋᠂ ᠠ ᠬᠠ ᠬᠦᠢ
ᠮᠥᠨ ᠬᠡᠳᠦᠨ ᠬᠣᠨᠣᠭ ᠢ᠋ᠶ᠋ᠠᠨ ᠥᠩᠭᠡᠷᠡᠭᠰᠡᠨ ᠦ᠌ ᠰᠡᠭᠦᠯᠡᠷ ᠮᠥᠮᠥ ᠨᠢ ᠵᠢᠭᠡᠯᠡᠬᠦ ᠪᠡᠷ ᠣᠴᠢᠶᠠ ᠬᠦᠢ
ᠮᠥᠮᠥ ᠨᠢ ᠥᠬᠢᠨ ᠳ᠋ᠦ᠍ ᠪᠡᠨ ᠢᠩᠭᠢᠵᠦ ᠬᠡᠯᠡᠵᠦ ᠪᠠᠢᠲᠠᠯᠠ ᠡᠦᠲᠦ ᠨᠢᠭᠡᠨᠲᠡ ᠥᠬᠢᠨ ᠢ᠋ᠶ᠋ᠡᠨ ᠬᠦᠷᠭᠡᠵᠦ ᠶᠠᠪᠤᠬᠤ ᠴᠠᠭ ᠨᠢ ᠪᠠᠰᠠ ᠲᠤᠯᠤᠭᠠᠳ ᠢᠷᠡᠴᠢᠬᠡᠭᠰᠡᠨ ᠶᠦᠮ ᠰᠢᠦ᠂ ᠲᠡᠭᠡᠭᠡᠳ ᠬᠥᠭᠰᠢᠨ ᠵᠠᠯᠠᠭᠤ ᠪᠦᠭᠦᠳᠡᠭᠡᠷ ᠢ᠋ᠶ᠋ᠡᠨ ᠬᠡᠦᠬᠡᠨ ᠢ᠋ᠶ᠋ᠡᠨ ᠬᠦᠷᠭᠡᠵᠦ ᠶᠠᠪᠤᠬᠤ ᠪᠠᠷ ᠢ᠋ᠶ᠋ᠠᠨ ᠪᠡᠯᠡᠳᠬᠡᠵᠡᠭᠡᠪᠡ᠃
ᠬᠦᠷᠳᠦᠲᠦ ᠶᠡᠬᠡ ᠲᠡᠷᠭᠡ ᠴᠢᠨᠢ ᠳᠡ ᠬᠦᠷᠢᠶᠡᠨ ᠦ᠌ ᠪᠡᠨ ᠳᠤᠮᠳᠠ ᠨᠢ ᠠ᠋ ᠬᠦᠢ
ᠥᠷᠭᠡᠨ ᠣᠯᠠᠨ ᠯᠣᠣᠪᠠᠨᠴᠤᠳ( ᠭᠡᠯᠢᠭᠴᠢᠳ) ᠨᠢ ᠬᠦᠷᠳᠦᠲᠦ ᠲᠡᠷᠭᠡᠨ ᠦ᠌ ᠪᠡᠨ ᠵᠠᠬᠠ ᠳ᠋ᠤ᠌ ᠨᠢ ᠰᠢᠦ ᠬᠦᠢ
ᠬᠡᠦᠬᠡᠨ ᠰᠢᠯᠦ ᠪᠡᠨ ᠬᠦᠷᠭᠡᠬᠦ ᠬᠥᠮᠦᠰ ᠴᠢᠨᠢ ᠬᠦᠷᠢᠶᠡᠨ ᠦ᠌ ᠪᠡᠨ ᠳᠤᠮᠳᠠ ᠪᠠᠨ ᠦᠢᠮᠡᠨᠡ ᠰᠢᠦ᠂ ᠠ ᠬᠠ ᠬᠦᠢ
ᠬᠥᠭᠰᠢᠷᠡᠭᠡ ᠪᠣᠯᠤᠭᠰᠠᠨ ᠠᠪᠤ ᠨᠢ ᠬᠦᠵᠦᠭᠦᠨ ᠡᠴᠡ ᠨᠢ ᠲᠡᠪᠡᠷᠢᠭᠡᠳ ᠤᠬᠢᠯᠠᠵᠤ ᠪᠠᠢᠨᠠ ᠰᠢᠦ ᠬᠦᠢ
ᠠᠷᠠᠯᠲᠤ ᠶᠡᠬᠡ ᠲᠡᠷᠭᠡ ᠴᠢᠨᠢ ᠳᠡ ᠠᠳᠠᠯ ᠤ᠋ᠨ ᠬᠣᠷᠢᠶᠠᠨ ᠤ᠋ ᠪᠠᠨ ᠳᠤᠮᠳᠠ ᠨᠢ ᠠ᠋ ᠬᠦᠢ
ᠠᠭᠰᠢᠷᠠᠭᠠ ᠨᠠᠰᠤᠲᠠᠢ ᠯᠤᠤ ᠪᠠᠨ ᠽᠢ ᠨᠢ ᠠᠷᠠᠯᠲᠤ ᠲᠡᠷᠭᠡᠨ ᠦ᠌ ᠪᠡᠨ ᠵᠠᠬᠠ ᠳ᠋ᠤ᠌ ᠨᠢ ᠰᠢᠦ ᠬᠦᠢ
ᠠᠩᠭᠠ ᠰᠢᠯᠦ ᠪᠡᠨ ᠬᠦᠷᠭᠡᠬᠦ ᠤᠯᠤᠰ ᠴᠢᠨᠢ ᠠᠢᠯ ᠤ᠋ᠨ ᠢ᠋ᠶ᠋ᠠᠨ ᠳᠤᠮᠳᠠ ᠪᠠᠨ ᠦᠢᠮᠡᠨᠡ ᠰᠢᠦ᠂ ᠠ ᠬᠠ ᠬᠦᠢ
ᠠᠭᠰᠢᠷᠠᠭᠠ ᠪᠣᠯᠤᠭᠰᠠᠨ ᠮᠥᠮᠥ ᠨᠢ ᠠᠩᠭᠠ ᠪᠠᠨ ᠲᠡᠪᠡᠷᠢᠭᠡᠳ ᠤᠬᠢᠯᠠᠵᠤ ᠪᠠᠢᠨᠠ ᠰᠢᠦ ᠬᠦᠢ
ᠥᠬᠢᠨ ᠨᠢ ᠬᠡᠳᠦᠢ ᠤᠬᠢᠯᠠᠯᠠ ᠭᠡᠳ ᠬᠦᠷᠭᠡᠵᠦ ᠶᠠᠪᠤᠬᠤ ᠴᠠᠭ ᠨᠢ ᠲᠤᠯᠴᠢᠬᠠᠭᠰᠠᠨ ᠶᠤᠮ ᠴᠢᠨᠢ ᠶᠠᠪᠤᠬᠤ ᠦᠭᠡᠢ ᠪᠡᠷ ᠪᠠᠰᠠ ᠪᠣᠯᠤᠨᠠ ᠤᠤ ᠳᠠ᠂ ᠲᠡᠭᠡᠭᠡᠳ ᠠᠭᠰᠢᠷᠠᠭᠰᠠᠨ ᠵᠠᠯᠠᠭᠤ ᠪᠦᠭᠦᠳᠡᠭᠡᠷ ᠢ᠋ᠶ᠋ᠡᠨ ᠠᠩᠭᠠ ᠪᠠᠭᠠ ᠰᠢᠯᠦ ᠪᠡᠨ ᠠᠷᠠᠯᠲᠤ ᠲᠡᠷᠭᠡᠨ ᠦ᠌ ᠪᠡᠨ ᠳᠤᠮᠳᠠ ᠨᠢ ᠰᠠᠭᠤᠯᠭᠠᠭᠠᠳ ᠪᠦᠭᠦᠳᠡᠭᠡᠷ ᠢ᠋ᠶ᠋ᠡᠨ ᠬᠦᠷᠭᠡᠭᠡᠳ ᠭᠠᠷᠤᠭᠠᠳ ᠶᠠᠪᠤᠯᠠ ᠰᠢᠦ ᠃
ᠬᠡᠦᠬᠡᠨ ᠰᠢᠯᠦ ᠪᠡᠨ ᠬᠦᠷᠭᠡᠬᠦ ᠤᠯᠤᠰ ᠴᠢᠨᠢ ᠬᠦᠷᠳᠦᠲᠦ ᠲᠡᠷᠭᠡᠨ ᠳ᠋ᠦ᠍ ᠪᠡᠨ ᠰᠠᠭᠤᠯᠴᠠᠯᠠ ᠬᠦᠢ
ᠦᠬᠡᠷ ᠲᠡᠷᠭᠡ ᠦᠳᠡᠩ ᠴᠧ ᠨᠢ ᠬᠦᠷᠳᠦ ᠪᠡᠷ ᠢ᠋ᠶ᠋ᠡᠨ ᠡᠷᠭᠢᠭᠡᠳ ᠭᠠᠷᠤᠯᠠ ᠶᠠ ᠬᠦᠢ
ᠬᠥᠯᠦᠭᠡᠳ ᠲᠡᠭᠡᠭᠰᠡᠨ ᠳᠥᠷᠪᠡᠨ ᠤᠨᠤᠭᠠ ᠨᠢ ᠬᠥᠯ ᠢ᠋ᠶ᠋ᠡᠨ ᠲᠡᠩᠨᠡᠭᠦᠯᠦᠭᠡᠳ ᠵᠢᠷᠣᠭᠠᠯᠠᠯᠠ ᠠ ᠬᠠ ᠬᠦᠢ
ᠬᠥᠭᠰᠢᠨ ᠵᠠᠯᠠᠭᠤ ᠪᠦᠭᠦᠳᠡᠭᠡᠷ ᠢ᠋ᠶ᠋ᠡᠨ ᠬᠡᠦᠬᠡᠨ ᠢ᠋ᠶ᠋ᠡᠨ ᠬᠦᠷᠭᠡᠭᠡᠳ ᠶᠠᠪᠤᠯᠠ ᠰᠢᠦ ᠬᠦᠢ
ᠠᠩᠭᠠ ᠰᠢᠯᠦ ᠪᠡᠨ ᠬᠦᠷᠭᠡᠬᠦ ᠤᠯᠤᠰ ᠴᠢᠨᠢ ᠠᠷᠠᠯᠲᠤ ᠲᠡᠷᠭᠡᠨ ᠳᠡᠭᠡᠷᠡ ᠪᠡᠨ ᠰᠠᠭᠤᠯᠴᠠᠯᠠ ᠬᠦᠢ
ᠠᠷᠠᠯᠲᠤ ᠶᠡᠬᠡ ᠲᠡᠷᠭᠡ ᠨᠢ ᠠᠷᠠᠯ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠡᠷᠭᠢᠭᠡᠳ ᠭᠠᠷᠤᠯᠠ ᠶᠠ ᠬᠦᠢ
ᠠᠯᠠᠭ ᠵᠢᠷᠣᠭᠠ ᠰᠢᠦᠸᠠᠢ ᠯᠢ ᠪᠡᠨ ᠬᠥᠯᠦᠭᠡᠳ ᠠᠯᠤᠰ ᠲᠡᠭᠷᠢ ᠳ᠋ᠦ᠍ ᠪᠡᠨ ᠵᠢᠷᠣᠭᠠᠯᠠᠯᠠ ᠠ ᠬᠠ ᠬᠦᠢ ᠲᠡᠢᠰᠢ
ᠠᠭᠰᠢᠷᠠᠭᠰᠠᠨ ᠵᠠᠯᠠᠭᠤ ᠪᠦᠭᠦᠳᠡᠭᠡᠷ ᠢ᠋ᠶ᠋ᠡᠨ ᠠᠩᠭᠠ ᠪᠠᠨ ᠬᠦᠷᠭᠡᠭᠡᠳ ᠶᠠᠪᠤᠯᠠ ᠰᠢᠦ ᠬᠦᠢ
ᠬᠥᠭᠰᠢᠨ ᠵᠠᠯᠠᠭᠤ ᠪᠦᠭᠦᠳᠡᠭᠡᠷ ᠢ᠋ᠶ᠋ᠡᠨ ᠬᠡᠦᠬᠡᠨ ᠢ᠋ᠶ᠋ᠡᠨ ᠬᠦᠷᠭᠡᠵᠦ ᠣᠴᠢᠭᠰᠠᠨ ᠤ᠋ ᠳᠠᠷᠠᠭᠠ ᠬᠦᠷᠭᠡᠨ ᠪᠣᠯᠤᠭᠰᠠᠨ ᠰᠦᠢ ᠵᠢᠩ ᠪᠣᠯᠤᠨ ᠰᠢᠯᠦ ᠲᠡᠢ ᠪᠡᠨ ᠬᠣᠶᠠᠭᠤᠯᠠ ᠶ᠋ᠢ ᠬᠥᠬᠡ ᠲᠡᠭᠷᠢ ᠪᠤᠷᠬᠠᠨ ᠳ᠋ᠤ᠌ ᠨᠢ ᠬᠠᠮᠲᠤ ᠪᠠᠷ ᠬᠣᠶᠠᠭᠤᠯᠠ ᠶ᠋ᠢ ᠮᠥᠷᠭᠥᠭᠦᠯᠴᠢᠬᠡᠭᠰᠡᠨ ᠶᠦᠮ ᠠ᠋᠃
ᠬᠥᠯᠲᠦ ᠶᠡᠬᠡ ᠰᠢᠷᠡᠭᠡ ᠶ᠋ᠢ ᠪᠡᠨ ᠬᠦᠷᠢᠶᠡᠨ ᠦ᠌ ᠪᠡᠨ ᠳᠤᠮᠳᠠ ᠨᠢ ᠲᠠᠯᠪᠢᠯᠠ ᠬᠦᠢ
ᠬᠦᠵᠢ ᠪᠣᠯᠤᠨ ᠵᠤᠯᠠ ᠲᠠᠢ ᠪᠠᠨ ᠬᠣᠶᠠᠭᠤᠯᠠ ᠶ᠋ᠢ ᠲᠡᠭᠦᠨ ᠦ᠌ ᠪᠡᠨ ᠳᠡᠭᠡᠷᠡ ᠨᠢ ᠠᠰᠠᠭᠠᠯᠠ ᠶᠠ ᠬᠦᠢ
ᠬᠦᠷᠭᠡᠨ ᠪᠣᠯᠤᠭᠰᠠᠨ ᠰᠦᠢ ᠵᠢᠩ ᠪᠣᠯᠤᠨ ᠰᠢᠯᠦ ᠲᠡᠢ ᠨᠢ ᠬᠣᠶᠠᠭᠤᠯᠠ ᠶ᠋ᠢ ᠪᠡᠨ ᠠ ᠬᠠ ᠬᠦᠢ
ᠬᠥᠬᠡ ᠲᠡᠭᠷᠢ ᠪᠤᠷᠬᠠᠨ ᠳ᠋ᠤ᠌ ᠨᠢ ᠲᠤᠰᠬᠠᠢᠯᠠᠨ ᠬᠣᠶᠠᠭᠤᠯᠠ ᠶ᠋ᠢ ᠮᠥᠷᠭᠥᠭᠦᠯᠪᠡ ᠬᠦᠢ
ᠦ ᠮᠦ᠍ ᠽᠢ ᠲᠠᠨ ᠰᠢᠷᠡᠭᠡ ᠶ᠋ᠢ ᠪᠡᠨ ᠡᠭᠦᠳᠡᠨ ᠦ᠌ ᠪᠡᠨ ᠡᠮᠦᠨᠡᠲᠡᠢ ᠨᠢ ᠲᠠᠯᠪᠢᠯᠠ ᠬᠦᠢ
ᠦᠨᠦᠷ ᠰᠠᠢᠲᠠᠢ ᠪᠤᠤ ᠰᠢᠶᠠᠩ ᠬᠦᠵᠢ ᠶ᠋ᠢ ᠪᠡᠨ ᠲᠡᠭᠦᠨ ᠦ᠌ ᠪᠡᠨ ᠳᠡᠭᠡᠷᠡ ᠨᠢ ᠠᠰᠠᠭᠠᠯᠠ ᠳᠠ ᠬᠦᠢ
ᠦᠷᠡ ᠪᠠᠭᠠ ᠰᠦᠢ ᠵᠢᠩ ᠶᠦᠮ ᠠ᠋ ᠰᠢᠯᠦ ᠲᠡᠢ ᠨᠢ ᠬᠣᠶᠠᠭᠤᠯᠠ ᠶ᠋ᠢ ᠪᠡᠨ᠂ ᠠ ᠬᠠ ᠬᠦᠢ᠂
ᠡᠴᠢᠭᠡ ᠲᠡᠭᠷᠢ ᠪᠤᠷᠬᠠᠨ ᠳ᠋ᠤ᠌ ᠨᠢ ᠴᠣᠭ ᠲᠤ᠌ ᠨᠢ ᠬᠣᠶᠠᠭᠤᠯᠠ ᠶ᠋ᠢ ᠮᠥᠷᠭᠥᠭᠦᠯᠪᠡ ᠬᠦᠢ
ᠥᠲᠡᠯᠦᠭᠰᠡᠨ ᠵᠠᠯᠠᠭᠤ ᠪᠦᠭᠦᠳᠡᠭᠡᠷ ᠢ᠋ᠶ᠋ᠡᠨ ᠡᠪᠯᠢᠭ ᠪᠠᠭᠠ ᠰᠢᠯᠦ ᠪᠣᠯᠤᠨ ᠰᠦᠢ ᠵᠢᠩ ᠲᠡᠢ ᠬᠣᠶᠠᠭᠤᠯᠠ ᠶ᠋ᠢ ᠡᠴᠢᠭᠡ ᠲᠡᠭᠷᠢ ᠪᠤᠷᠬᠠᠨ ᠳ᠋ᠤ᠌ ᠨᠢ ᠮᠥᠷᠭᠥᠭᠦᠯᠦᠭᠰᠡᠨ ᠦ᠌ ᠰᠡᠭᠦᠯᠡᠷ ᠠ᠋᠂ ᠦᠳᠡᠯᠦᠭᠡ ᠪᠣᠯᠤᠭᠰᠠᠨ ᠮᠥᠮᠥ ᠨᠢ ᠡᠭᠰᠢᠵᠦ ᠪᠦᠭᠰᠢᠵᠦ ᠣᠷᠣᠵᠤ ᠢᠷᠡᠭᠡᠳ ᠤᠬᠢᠯᠠᠵᠤ ᠪᠠᠢᠭᠠᠳ ᠥᠪᠡᠷ ᠦ᠋ᠨ ᠥᠬᠢᠨ ᠰᠢᠯᠦ ᠪᠡᠨ ᠬᠤᠳᠠᠭᠠᠢ ᠳ᠋ᠤ᠌ ᠪᠠᠨ ᠲᠤᠰᠢᠶᠠᠵᠤ ᠦᠭᠴᠢᠬᠡᠵᠡᠢ ᠭᠡᠨᠡ᠃
ᠠᠯᠠᠭ ᠦᠨᠢᠶᠡ ᠶ᠋ᠢ ᠴᠢᠨᠢ ᠠᠷᠤ ᠶ᠋ᠢᠨ ᠬᠠᠰᠢᠶᠠᠨ ᠳ᠋ᠤ᠌ ᠴᠢᠨᠢ ᠲᠠᠯᠪᠢᠵᠤ ᠥᠭᠭᠦᠯᠡ ᠬᠦᠢ
ᠠᠯᠳᠠᠭᠠᠳ ᠭᠠᠷᠭᠠᠨᠠ ᠤᠤ ᠬᠣᠷᠢᠭᠠᠳ ᠠᠪᠤᠨᠠ ᠤᠤ ᠬᠤᠳᠠᠭᠠᠢ ᠥᠪᠡᠷ ᠢ᠋ᠶ᠋ᠡᠨ ᠮᠡᠳᠡᠬᠦ ᠦᠭᠡᠢ ᠤᠤ ᠬᠦᠢ
ᠠᠩᠭᠠ ᠪᠠᠭᠠ ᠰᠢᠯᠦ ᠶ᠋ᠢ ᠪᠡᠨ ᠠᠪᠴᠢᠷᠠᠭᠠᠳ ᠥᠭᠭᠦᠯᠡ᠂ ᠠ ᠬᠤᠳᠠᠭᠠᠢ᠂ ᠠ ᠬᠠ ᠬᠦᠢ
ᠠᠩᠭᠠ ᠪᠠᠨ ᠬᠢᠨᠡ ᠤᠤ ᠠᠯᠪᠠᠲᠤ ᠪᠠᠨ ᠬᠢᠨᠡ ᠤᠤ ᠬᠤᠳᠠᠭᠠᠢ ᠥᠪᠡᠷ ᠢ᠋ᠶ᠋ᠡᠨ ᠮᠡᠳᠡᠬᠦ ᠦᠭᠡᠢ ᠤᠤ ᠬᠦᠢ
ᠬᠦᠷᠡᠭᠴᠢ ᠦᠨᠢᠶᠡ ᠶ᠋ᠢ ᠴᠢᠨᠢ ᠬᠦᠷᠢᠶᠡᠨ ᠦ᠌ ᠴᠢᠨᠢ ᠳᠤᠮᠳᠠ ᠨᠢ ᠲᠠᠯᠪᠢᠵᠤ ᠥᠭᠭᠦᠯᠡ ᠬᠦᠢ
ᠬᠣᠷᠢᠭᠠᠳ ᠠᠪᠤᠨᠠ ᠤᠤ ᠠᠯᠳᠠᠭᠠᠳ ᠭᠠᠷᠭᠠᠨᠠ ᠤᠤ᠂ ᠬᠤᠳᠠᠭᠠᠢ ᠥᠪᠡᠷ ᠢ᠋ᠶ᠋ᠡᠨ ᠮᠡᠳᠡᠬᠦ ᠦᠭᠡᠢ ᠤᠤ ᠬᠦᠢ
ᠬᠠᠢᠷᠠᠲᠠᠢ ᠥᠬᠢᠨ ᠰᠢᠯᠦ ᠶ᠋ᠢ ᠪᠡᠨ ᠬᠦᠷᠭᠡᠭᠡᠳ ᠢᠷᠡᠯᠡ᠂ ᠠ ᠬᠤᠳᠠᠭᠠᠢ᠂ ᠠ ᠬᠠ ᠬᠦᠢ
ᠬᠡᠦᠬᠡᠨ ᠢ᠋ᠶ᠋ᠡᠨ ᠬᠢᠨᠡ ᠤᠤ ᠬᠥᠪᠡᠭᠦᠨ ᠢ᠋ᠶ᠋ᠡᠨ ᠬᠢᠨᠡ ᠤᠤ ᠬᠤᠳᠠᠭᠠᠢ ᠥᠪᠡᠷ ᠢ᠋ᠶ᠋ᠡᠨ ᠮᠡᠳᠡᠬᠦ ᠦᠭᠡᠢ ᠤᠤ ᠬᠦᠢ
ᠰᠢᠯᠦ ᠶ᠋ᠢᠨ ᠮᠥᠮᠥ ᠨᠢ ᠥᠬᠢᠨ ᠢ᠋ᠶ᠋ᠡᠨ ᠲᠤᠰᠢᠶᠠᠵᠤ ᠥᠭᠬᠦ ᠳ᠋ᠦ᠍ ᠬᠤᠳᠠᠭᠠᠢ ᠨᠢ ᠲᠤᠰᠢᠶᠠᠵᠤ ᠠᠪᠬᠤ ᠶ᠋ᠢᠨ ᠬᠠᠮᠲᠤ ᠳᠠᠭᠤᠯᠠᠴᠢᠬᠠᠵᠠᠢ ᠭᠡᠨᠡ
ᠠᠯᠠᠭ ᠦᠨᠢᠶᠡ ᠶ᠋ᠢ ᠮᠢᠨᠢ ᠠᠷᠤ ᠶ᠋ᠢᠨ ᠬᠠᠰᠢᠶᠠᠨ ᠳ᠋ᠤ᠌ ᠲᠠᠯᠪᠢᠴᠢᠬᠠ ᠠ᠋ ᠬᠦᠢ
ᠠᠩᠭᠠ ᠪᠠᠭᠠ ᠰᠢᠯᠦ᠍ ᠶ᠋ᠢ ᠪᠡᠨ ᠠᠪᠴᠢᠷᠠᠭᠠᠳ ᠥᠭᠴᠡᠢ ᠠ ᠬᠤᠳᠠᠭᠠᠢ ᠬᠦᠢ
ᠠᠮᠠᠳᠠᠭᠠᠳ ᠬᠡᠯᠡᠬᠦ ᠬᠡᠳᠦᠨ ᠦᠭᠡᠨ ᠳ᠋ᠦ᠍ ᠠᠭᠠᠰᠢ ᠯᠠ ᠦᠭᠡᠢ ᠪᠡᠷ ᠭᠠᠷᠪᠠᠯ ᠠ᠋᠂ ᠠ ᠬᠤᠳᠠᠭᠠᠢ ᠠ᠋
ᠠᠭᠰᠢᠷᠠᠲᠠᠯᠠ ᠪᠠᠨ ᠠᠶᠠᠭᠠᠨ ᠳᠡᠭᠡᠵᠢ ᠪᠡᠨ ᠲᠠᠯᠪᠢᠭᠤᠯᠬᠤ ᠠᠩᠭᠠ ᠰᠢᠯᠦ ᠮᠢᠨᠢ ᠭᠠᠭᠴᠠᠬᠠᠨ ᠰᠢᠦ ᠬᠦᠢ
ᠠᠰᠲᠠᠭᠠᠨ ᠬᠥᠮᠦᠨ ᠦ᠌ ᠪᠡᠨ ᠠᠳᠠᠯᠢᠬᠠᠨ ᠠᠷᠪᠠ ᠲᠠᠪᠤ ᠪᠠᠷ ᠪᠠᠢᠨᠠ ᠤᠤ ᠳᠠ ᠬᠦᠢ
ᠠᠭᠰᠢᠷᠠᠲᠠᠯᠠ ᠪᠠᠨ ᠶᠠᠪᠤᠭᠠᠳ ᠯᠠ ᠣᠯᠤᠭᠰᠠᠨ ᠠᠩᠭᠠ ᠰᠢᠯᠦ ᠮᠢᠨᠢ ᠭᠠᠭᠴᠠᠬᠠᠨ ᠰᠢᠦ
ᠠᠯᠠᠭ ᠬᠣᠶᠠᠷ ᠨᠢᠳᠦᠨ ᠡᠴᠡ ᠪᠡᠨ ᠠᠰᠬᠠᠷᠠᠭᠤᠯᠬᠤ ᠪᠠᠨ ᠠᠶᠠᠳᠤᠭᠠᠴᠢ ᠳᠠ ᠠ ᠬᠤᠳᠠᠭᠠᠢ
ᠠᠰ ᠤ᠋ᠨ ᠬᠦᠦ ᠰᠦᠢ ᠵᠢᠩ ᠡᠴᠡ ᠶᠠᠭᠠᠬᠢᠪᠠᠴᠤ ᠳᠤᠲᠠᠭᠤ ᠪᠣᠳᠣᠬᠤ ᠦᠭᠡᠢ ᠶᠦ᠍ᠮ ᠠ᠋ ᠬᠦᠢ
ᠬᠦᠷᠡᠭᠴᠢ ᠦᠨᠢᠶᠡ ᠶ᠋ᠢ ᠮᠢᠨᠢ ᠬᠦᠷᠢᠶᠡᠨ ᠦ᠌ ᠮᠢᠨᠢ ᠳᠤᠮᠳᠠ ᠨᠢ ᠲᠠᠯᠪᠢᠴᠢᠬᠠ ᠠ᠋ ᠬᠦᠢ
ᠬᠠᠢᠷᠠᠨ ᠪᠡᠷᠢ ᠰᠢᠯᠦ ᠶ᠋ᠢ ᠮᠢᠨᠢ ᠬᠦᠷᠭᠡᠭᠡᠳ ᠢᠷᠡᠪᠡ ᠤᠤ᠂ ᠠ ᠬᠤᠳᠠᠭᠠᠢ ᠬᠦᠢ
ᠬᠡᠯᠡᠭᠡᠳ ᠯᠡ ᠵᠠᠬᠢᠬᠤ ᠬᠡᠳᠦᠨ ᠦᠭᠡᠨ ᠳ᠋ᠦ᠍ ᠬᠡᠨᠲᠡᠭᠯᠡᠵᠦ ᠠᠭᠠᠰᠢᠯᠠᠬᠤ ᠦᠭᠡᠢ ᠪᠣᠯᠪᠠᠯ ᠠ᠋᠂ ᠠ ᠬᠤᠳᠠᠭᠠᠢ
ᠬᠥᠭᠰᠢᠷᠡᠲᠡᠯᠡ ᠪᠡᠨ ᠠᠶᠠᠭᠠᠨ ᠳᠡᠭᠡᠵᠢ ᠪᠡᠨ ᠪᠠᠷᠢᠭᠤᠯᠬᠤ ᠬᠡᠦᠬᠡᠨ ᠦᠷᠡ ᠮᠢᠨᠢ ᠭᠠᠭᠴᠠᠬᠠᠨ ᠰᠢᠦ ᠬᠦᠢ
ᠬᠥᠮᠦᠨ ᠬᠥᠮᠦᠨ ᠦ᠌ ᠪᠡᠨ ᠠᠳᠠᠯᠢᠬᠠᠨ ᠶᠢᠰᠦ ᠠᠷᠪᠠ ᠪᠠᠷ ᠪᠠᠢᠨᠠ ᠤᠤ ᠳᠠ ᠬᠦᠢ
ᠬᠦᠰᠡᠵᠦ ᠪᠠᠢᠭᠠᠳ ᠣᠯᠤᠭᠠᠳ ᠲᠡᠭᠡᠭᠰᠡᠨ ᠬᠡᠦᠬᠡᠨ ᠦᠷᠡ ᠮᠢᠨᠢ ᠭᠠᠭᠴᠠᠬᠠᠨ ᠰᠢᠦ ᠬᠦᠢ
ᠬᠠᠷᠠᠬᠤ ᠬᠣᠶᠠᠷ ᠨᠢᠳᠦᠨ ᠡᠴᠡ ᠪᠡᠨ ᠳᠤᠰᠤᠯᠠᠭᠤᠯᠬᠤ ᠪᠠᠨ ᠠᠶᠠᠳᠤᠭᠠᠴᠢ ᠳᠠ ᠠ ᠬᠤᠳᠠᠭᠠᠢ
ᠬᠣᠪᠢᠨ ᠤ᠋ ᠬᠦᠦ ᠰᠦᠢ ᠵᠢᠩ ᠡᠴᠡ ᠪᠡᠨ ᠶᠠᠭᠠᠬᠢᠪᠠᠴᠤ ᠳᠤᠲᠠᠭᠤ ᠪᠣᠳᠣᠬᠤ ᠦᠭᠡᠢ ᠰᠢᠦ ᠬᠦᠢ
ᠬᠡᠦᠬᠡᠨ ᠢ᠋ᠶ᠋ᠡᠨ ᠬᠦᠷᠭᠡᠵᠦ ᠢᠷᠡᠭᠰᠡᠨ ᠬᠥᠭᠰᠢᠨ ᠵᠠᠯᠠᠭᠤ ᠪᠦᠭᠦᠳᠡᠭᠡᠷ ᠢ᠋ᠶ᠋ᠡᠨ ᠵᠠᠮ ᠨᠢ ᠬᠣᠯᠠ ᠶᠤᠮ ᠪᠣᠯᠬᠣᠷ ᠡᠷᠭᠢᠯᠲᠡ ᠲᠡᠢ ᠪᠡᠨ ᠨᠢᠭᠡ ᠯᠡ ᠢᠷᠡᠴᠢᠬᠡᠭᠰᠡᠨ ᠶᠦᠮ ᠪᠠᠢᠨᠠ ᠰᠢᠦ᠂ ᠡᠷᠭᠢᠯᠲᠡ ᠮᠠᠷᠭᠢᠯᠲᠠ ᠨᠢ ᠥᠩᠭᠡᠷᠡᠭᠡᠳ᠂ ᠣᠳᠣ ᠨᠢᠭᠡᠨᠲᠡ ᠣᠯᠠᠨ ᠪᠦᠭᠦᠳᠡᠭᠡᠷ ᠢ᠋ᠶ᠋ᠡᠨ ᠶᠠᠪᠤᠬᠤ ᠪᠠᠷ ᠢ᠋ᠶ᠋ᠠᠨ ᠰᠢᠭᠤᠳᠴᠠᠢ᠃ ᠶᠠᠪᠤᠬᠤ ᠭᠡᠳ ᠲᠡᠷᠭᠡ ᠮᠠᠷᠭᠠ ᠪᠠᠨ ᠬᠥᠯᠦᠭᠰᠡᠨ ᠦ᠌ ᠳᠠᠷᠠᠭᠠ ᠦᠳᠡᠯᠦᠭᠡ ᠪᠣᠯᠤᠭᠰᠠᠨ ᠮᠥᠮᠥ ᠨᠢ ᠥᠬᠢᠨ ᠢ᠋ᠶ᠋ᠡᠨ ᠬᠠᠶᠠᠭᠠᠳ ᠶᠠᠪᠤᠬᠤ ᠭᠡᠵᠦ ᠪᠠᠢᠬᠤ ᠶᠤᠮ ᠪᠣᠯᠬᠣᠷ ᠲᠡᠰᠬᠡᠯ ᠦᠭᠡᠢ ᠤᠬᠢᠯᠠᠵᠤ ᠪᠠᠢᠭᠠᠳ ᠳᠠᠭᠤᠯᠠᠴᠢᠬᠠᠵᠠᠢ ᠭᠡᠨᠡ
ᠠᠪᠤ ᠶ᠋ᠢᠨ ᠢ᠋ᠶ᠋ᠡᠨ ᠨᠤᠲᠤᠭ ᠲᠤ᠌ ᠪᠠᠨ ᠪᠠᠢᠬᠤ ᠶ᠋ᠢᠨ ᠦᠶᠡ ᠳ᠋ᠦ᠍ ᠪᠡᠨ ᠠᠩᠭᠠ ᠮᠢᠨᠢ ᠠ᠋ ᠬᠦᠢ
ᠠ᠋ᠠᠷᠪᠠᠨ ᠥᠩᠭᠡ ᠶ᠋ᠢᠨ ᠲᠣᠷᠭᠠᠨ ᠤᠲᠠᠰᠤᠨ ᠤ᠋ ᠥᠩᠭᠡ ᠶ᠋ᠢ ᠨᠢ ᠢᠯᠭᠠᠵᠤ ᠰᠠᠭᠤᠭᠰᠠᠨ ᠶᠤᠮ ᠠ᠋ ᠬᠦᠢ
ᠠᠯᠤᠰ ᠤ᠋ᠨ ᠬᠣᠯᠠ ᠰᠢᠯᠢ ᠶ᠋ᠢᠨ ᠭᠣᠣᠯ ᠤ᠋ᠨ ᠴᠢᠭᠤᠯᠭᠠᠨ ᠳ᠋ᠤ᠌ ᠠᠪᠴᠢᠷᠠᠭᠠᠳ ᠯᠠ ᠥᠭᠴᠡᠢ ᠠᠩᠭᠠ ᠪᠠᠨ ᠠ᠋᠂ ᠠ ᠬᠠ ᠬᠦᠢ
ᠠᠳᠠᠯ ᠪᠣᠯᠤᠨ ᠠᠮᠢᠳᠤᠷᠠᠯ ᠤ᠋ᠨ ᠢ᠋ᠶ᠋ᠠᠨ ᠠᠯᠢ ᠲᠥᠬᠥᠭᠡ ᠶ᠋ᠢ ᠴᠦ᠍ ᠣᠯᠤᠨᠠ ᠤᠤ ᠳᠠ ᠬᠦᠢ
ᠡᠴᠢᠭᠡ ᠶ᠋ᠢᠨ ᠨᠤᠲᠤᠭ ᠲᠤ᠌ ᠪᠠᠨ ᠪᠠᠢᠬᠤ ᠶ᠋ᠢᠨ ᠢ᠋ᠶ᠋ᠡᠨ ᠦᠶᠡ ᠳ᠋ᠦ᠍ ᠥᠬᠢᠨ ᠮᠢᠨᠢ ᠠ᠋ ᠬᠦᠢ
ᠥᠩᠭᠡ ᠪᠦᠷᠢ ᠶ᠋ᠢᠨ ᠲᠣᠷᠭᠠᠨ ᠤᠲᠠᠰᠤᠨ ᠤ᠋ ᠥᠩᠭᠡ ᠶ᠋ᠢ ᠨᠢ ᠬᠣᠯᠪᠣᠭᠠᠳ ᠯᠠ ᠰᠠᠭᠤᠭᠰᠠᠨ ᠶᠤᠮ ᠠ᠋ ᠬᠦᠢ
ᠡᠲᠡᠭᠡᠳ ᠦ᠋ᠨ ᠬᠣᠯᠠ ᠰᠢᠯᠢ ᠶ᠋ᠢᠨ ᠭᠣᠣᠯ ᠤ᠋ᠨ ᠴᠢᠭᠤᠯᠭᠠᠨ ᠳ᠋ᠤ᠌ ᠬᠠᠶᠠᠭᠠᠳ ᠶᠠᠪᠤᠨᠠ ᠥᠬᠢᠨ ᠢ᠋ᠶ᠋ᠡᠨ ᠠ᠋᠂ ᠠ ᠬᠠ ᠬᠦᠢ
ᠡᠷᠦᠬᠡ ᠪᠣᠯᠤᠨ ᠠᠮᠢᠳᠤᠷᠠᠯ ᠤ᠋ᠨ ᠬᠢᠨᠢ ᠠᠯᠢ ᠯᠠ ᠲᠥᠬᠥᠭᠡ ᠶ᠋ᠢ ᠨᠢ ᠣᠯᠤᠨᠠ ᠤᠤ ᠳᠠ ᠬᠦᠢ
ᠰᠢᠯᠦ ᠶ᠋ᠢᠨ ᠮᠥᠮᠥ ᠨᠢ ᠠ᠋᠂ ᠢᠩᠭᠢᠵᠦ ᠬᠡᠯᠡᠭᠡᠳ ᠤᠬᠢᠯᠠᠬᠤᠯᠠᠷ ᠬᠤᠳᠠᠭᠠᠢ ᠨᠢ ᠬᠦᠷᠭᠡᠵᠦ ᠭᠠᠷᠴᠤ ᠢᠷᠡᠭᠡᠳ ᠬᠡᠯᠡᠵᠦ ᠪᠠᠢᠨᠠ
ᠲᠥᠷᠥᠯ ᠲᠥᠷᠥᠯ ᠳ᠋ᠦ᠍ ᠪᠡᠨ ᠶᠠᠪᠤᠭᠠᠳ ᠲᠥᠷᠥᠭᠰᠡᠨ ᠪᠣᠯᠤᠨᠠ ᠤᠤ ᠳᠠ ᠠ ᠬᠤᠳᠠᠭᠠᠢ ᠬᠦᠢ
ᠲᠥᠷᠥᠭᠰᠡᠨ ᠦᠷᠡ ᠰᠦᠢ ᠵᠢᠩ ᠡᠴᠡ ᠪᠡᠨ ᠶᠠᠭᠠᠬᠢᠪᠠᠴᠤ ᠳᠤᠲᠠᠭᠤ ᠪᠣᠳᠣᠬᠤ ᠦᠭᠡᠢ ᠶᠦ᠍ᠮ ᠠ᠋ ᠬᠦᠢ
ᠲᠤᠨᠤᠷᠠᠲᠠᠯᠠ ᠪᠠᠨ ᠤᠬᠢᠯᠠᠭᠠᠳ ᠪᠠᠢᠬᠤ ᠪᠠᠨ ᠪᠠᠢᠴᠢᠬᠠ ᠳᠠ ᠠ ᠬᠤᠳᠠᠭᠠᠢ ᠠ᠋ ᠠ ᠬᠠ ᠬᠦᠢ
ᠲᠠᠪᠤ ᠠᠷᠪᠠ ᠬᠣᠨᠣᠭᠰᠠᠨ ᠤ᠋ ᠰᠡᠭᠦᠯᠡᠷ ᠬᠦᠷᠭᠡᠨ ᠲᠡᠢ ᠴᠢᠨᠢ ᠬᠣᠶᠠᠭᠤᠯᠠ ᠶ᠋ᠢ ᠶᠠᠪᠤᠭᠤᠯᠵᠤ ᠥᠭᠭᠦᠶᠡ ᠳᠡ ᠬᠦᠢ
ᠦᠶᠡ ᠦᠶᠡ ᠳ᠋ᠦ᠍ ᠪᠡᠨ ᠶᠠᠪᠤᠭᠠᠳ ᠦᠷᠡ ᠪᠣᠯᠤᠭᠠᠳ ᠯᠠ ᠵᠠᠶᠠᠭᠠᠨᠠ ᠤᠤ ᠳᠠ ᠬᠦᠢ
ᠥᠪᠡᠷ ᠦ᠋ᠨ ᠬᠦᠦ ᠰᠦᠢ ᠵᠢᠩ ᠡᠴᠡ ᠪᠡᠨ ᠶᠠᠭᠠᠬᠢᠪᠠᠴᠤ ᠯᠠ ᠳᠤᠲᠠᠭᠤ ᠪᠣᠳᠣᠬᠤ ᠦᠭᠡᠢ ᠶᠦ᠍ᠮ ᠠ᠋ ᠬᠦᠢ
ᠡᠷᠢᠶᠡᠨ ᠠᠯᠠᠭ ᠨᠢᠳᠦᠨ ᠡᠴᠡ ᠪᠡᠨ ᠬᠦᠢ ᠲᠣᠰᠣᠯᠠᠭᠤᠯᠬᠤ ᠪᠠᠨ ᠠᠶᠠᠳᠤᠭᠠᠴᠢ ᠳᠠ ᠠ ᠬᠤᠳᠠᠭᠠᠢ
ᠶᠢᠰᠦ ᠠᠷᠪᠠ ᠬᠣᠨᠣᠭᠰᠠᠨ ᠤ᠋ ᠰᠡᠭᠦᠯᠡᠷ ᠥᠬᠢᠨ ᠪᠣᠯᠣᠳ ᠬᠦᠷᠭᠡᠨ ᠢ᠋ ᠴᠢᠨᠢ ᠶᠠᠪᠤᠭᠤᠯᠵᠤ ᠥᠭᠭᠦᠶᠡ ᠬᠦᠢ
ᠵᠠ᠂ ᠢᠩᠭᠢᠭᠡᠳ ᠠᠭᠰᠢᠷᠠᠭᠰᠠᠨ ᠵᠠᠯᠠᠭᠤ ᠪᠦᠭᠦᠳᠡᠭᠡᠷ ᠢ᠋ᠶ᠋ᠡᠨ ᠠᠩᠭᠠ ᠪᠠᠭᠠ ᠰᠢᠯᠦ ᠶ᠋ᠢ ᠪᠡᠨ ᠠᠯᠤᠰ ᠤ᠋ᠨ ᠬᠣᠯᠠ ᠰᠢᠯᠢ ᠶ᠋ᠢᠨ ᠭᠣᠣᠯ ᠤ᠋ᠨ ᠴᠢᠭᠤᠯᠭᠠᠨ ᠳ᠋ᠤ᠌ ᠬᠦᠷᠭᠡᠵᠦ ᠠᠪᠠᠴᠢᠵᠤ ᠥᠭᠭᠦᠭᠰᠡᠨ ᠦ᠌ ᠰᠡᠭᠦᠯᠡᠷ ᠡᠷᠭᠢᠭᠡᠳ ᠠᠳᠠᠯ ᠭᠡᠷ ᠲᠦ᠍ ᠪᠡᠨ ᠢᠷᠡᠵᠡᠭᠡᠵᠡᠢ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠰᠠᠨ ᠨᠢ᠄ ᠭᠠᠸᠠ
ᠦᠰᠦᠭ ᠬᠠᠲᠠᠭᠰᠠᠨ ᠨᠢ᠄ ᠭᠠᠸᠠ
ᠬᠥᠳᠡᠯᠭᠡᠭᠡᠨᠲᠦ ᠵᠢᠷᠤᠭ ᠤ᠋ᠨ ᠰᠡᠭᠦᠳᠡᠷ ᠢ᠋ ᠥᠪᠥᠷ ᠮᠣᠩᠭᠣᠯ ᠤ᠋ᠨ ᠵᠢᠷᠤᠭᠲᠤ ᠰᠡᠳᠬᠦᠯ ᠡᠴᠡ ᠬᠠᠭᠤᠯᠪᠠ᠂
ᠬᠢᠨᠠᠭᠴᠢ ᠄ ᠢᠷᠡᠭᠡᠳᠦᠢ