ᠮᠣᠩᠭᠣᠯ ᠬᠥᠮᠦᠨ ᠦ᠌ ᠵᠢᠷᠦᠬᠡᠨ ᠦ᠌ ᠪᠢᠴᠢᠭᠡᠰᠦ ᠰᠢᠯᠦᠭ-ᠲ ∙ ᠭᠠᠯᠰᠠᠩMongol khümüünii zürkhnii bichees shüleg-T.GalsanМонгол хүмүүний зүрхний бичээс шүлэг-Т.Галсан
2674ᠮᠣᠩᠭᠣᠯ ᠬᠥᠮᠦᠨ ᠦ᠌ ᠵᠢᠷᠦᠬᠡᠨ ᠦ᠌ ᠪᠢᠴᠢᠭᠡᠰᠦ
ᠲᠠᠩᠭᠤᠳ ᠤ᠋ᠨ ᠲ᠂ ᠭᠠᠯᠰᠠᠩ
ᠪᠢ— ᠲᠠᠪᠤᠨ ᠬᠠᠨᠠ ᠲᠠᠢ ᠭᠡᠷ ᠲᠦ᠍ ᠲᠥᠷᠥᠵᠡᠢ
ᠪᠢ— ᠲᠠᠪᠤᠨ ᠲᠢᠪ ᠲᠡᠢ ᠳᠡᠯᠡᠬᠡᠢ ᠳ᠋ᠦ᠍ ᠲᠥᠷᠥᠵᠡᠢ
ᠪᠢ— ᠪᠤᠭᠤᠷᠤᠯ ᠲᠡᠦᠬᠡ ᠲᠡᠢ ᠮᠣᠩᠭᠣᠯ ᠳ᠋ᠤ᠌ ᠲᠥᠷᠥᠵᠡᠢ
ᠪᠢ— ᠪᠤᠷᠬᠠᠳ ᠮᠡᠨᠳᠦᠯᠡᠳᠡᠭ ᠳᠣᠷᠣᠨᠠ ᠳ᠋ᠤ᠌ ᠲᠥᠷᠥᠵᠡᠢ
ᠪᠣᠢᠲᠣᠭ ᠤ᠋ᠨ ᠮᠢᠨᠢ ᠬᠤᠩᠬᠠ᠄ ᠨᠠᠮᠠ ᠶ᠋ᠢ ᠬᠥᠯ ᠳ᠋ᠦ᠍ ᠣᠷᠣᠭᠤᠯᠤᠭᠰᠠᠨ
ᠪᠣᠲᠣᠭᠣᠨ ᠪᠤᠢᠯᠠᠭᠠᠨ᠄ ᠨᠠᠮᠠ ᠶ᠋ᠢ ᠬᠡᠯᠡ ᠳ᠋ᠦ᠍ ᠣᠷᠣᠭᠤᠯᠤᠭᠰᠠᠨ
ᠤᠤᠬᠠᠢ᠂ ᠬᠢᠩᠭᠤᠤ᠄ ᠨᠠᠳᠠ ᠳ᠋ᠤ᠌ ᠵᠢᠭᠦᠷ ᠤᠷᠭᠤᠭᠤᠯᠤᠭᠰᠠᠨ
ᠤᠷᠲᠤ ᠶ᠋ᠢᠨ ᠳᠠᠭᠤᠤ ᠨᠠᠳᠠ ᠳ᠋ᠤ᠌ ᠤᠬᠠᠭᠠᠨ ᠴᠠᠷᠠᠭᠠᠯᠠᠭᠰᠠᠨ
ᠢᠱ᠌ᠢ᠁ ᠴᠢᠮᠡᠭᠡ ᠦᠭᠡᠢ
ᠡᠪᠳᠡᠷᠡᠪᠡᠰᠦ ᠪᠢᠳᠡ᠄ ᠬᠤᠪᠢᠶᠠᠬᠤ ᠶ᠋ᠢᠨ ᠬᠦᠷᠳᠦ ᠪᠣᠯᠤᠭᠠᠳ ᠳᠠᠭᠤᠰᠤᠨᠠ ᠰᠢᠦ
ᠡᠪᠯᠡᠪᠡᠰᠦ ᠪᠢᠳᠡ᠄ ᠦᠷᠡᠵᠢᠭᠦᠯᠬᠦ ᠶ᠋ᠢᠨ ᠬᠦᠷᠳᠦ ᠪᠣᠯᠵᠤ ᠮᠠᠨᠳᠤᠨᠠ ᠰᠢᠦ
ᠡᠨᠡ ᠪᠣᠯ ᠮᠢᠨᠦ᠄ ᠵᠢᠷᠦᠬᠡᠨ ᠦ᠌ ᠪᠢᠴᠢᠭᠡᠰᠦ ᠠ᠋!
ᠡᠪᠯᠡᠭᠰᠡᠨ ᠴᠠᠭ ᠲᠠᠭᠠᠨ᠄ ᠮᠣᠩᠭᠣᠯᠴᠤᠳ ᠬᠦᠴᠦᠲᠡᠢ
ᠠᠪᠳᠠᠷᠠ ᠳᠣᠲᠣᠷᠠ ᠪᠠᠨ ᠰᠤᠳᠤᠷ ᠮᠢᠨᠢ ᠪᠠᠭᠲᠠᠳᠠᠭ
ᠠᠲᠠᠨ ᠤ᠋ ᠪᠠᠨ ᠨᠢᠷᠤᠭᠤᠨ ᠳ᠋ᠤ᠌ ᠭᠡᠷ ᠮᠢᠨᠢ ᠪᠠᠭᠲᠠᠳᠠᠭ
ᠦᠷᠭᠦᠭᠡᠨ ᠲᠣᠭᠣᠨᠣ ᠪᠠᠷ ᠮᠢᠨᠢ ᠨᠠᠷᠠᠨ ᠪᠠᠭᠲᠠᠳᠠᠭ
ᠦᠩᠬᠦᠯᠴᠡᠭ ᠳᠣᠲᠣᠷᠠ ᠮᠢᠨᠢ ᠣᠷᠴᠢᠯᠠᠩ ᠣᠷᠴᠢᠳᠠᠭ ᠠ᠋!
ᠪᠢ— ᠳᠡᠭᠡᠷᠡ ᠪᠡᠨ ᠨᠠᠷᠠ ᠲᠠᠢ ᠲᠩᠷᠢ ᠶ᠋ᠢᠨ ᠡᠵᠡᠨ
ᠪᠢ— ᠳᠡᠭᠡᠭᠰᠢ ᠪᠡᠨ ᠬᠤᠳᠠᠷᠭᠠ ᠲᠠᠢ ᠪᠤᠶᠠᠨ ᠤ᠋ ᠡᠵᠡᠨ
ᠪᠢ— ᠳᠡᠯᠡᠬᠡᠢ ᠶ᠋ᠢᠨ ᠬᠡᠪ ᠲᠡᠢ ᠭᠡᠷ ᠦ᠋ᠨ ᠡᠵᠡᠨ
ᠪᠢ— ᠳᠡᠭᠡᠳᠦᠰ ᠡᠴᠡ ᠵᠠᠷᠯᠢᠭ ᠲᠠᠢ ᠮᠣᠩᠭᠣᠯ ᠤ᠋ᠨ ᠡᠵᠡᠨ!
ᠢᠱ᠌ᠢ᠁ ᠴᠢᠮᠡᠭᠡ ᠦᠭᠡᠢ
ᠡᠪᠳᠡᠷᠡᠪᠡᠰᠦ ᠪᠢᠳᠡ ᠴᠢᠩ ᠭᠦᠷᠦᠨ ᠦ᠌ ᠪᠣᠱᠣᠭᠠᠨ ᠤ᠋ ᠪᠣᠭᠣᠯ ᠪᠣᠯᠤᠭᠠᠳ ᠳᠠᠭᠤᠰᠤᠨᠠ ᠰᠢᠦ
ᠡᠪᠯᠡᠪᠡᠰᠦ ᠪᠢᠳᠡ ᠴᠢᠩᠭᠢᠰ ᠪᠣᠭᠳᠠ ᠶ᠋ᠢᠨ ᠭᠦᠷᠦᠨ ᠪᠦᠷᠢᠨ ᠪᠣᠯᠵᠤ ᠮᠠᠨᠳᠤᠨᠠ ᠰᠢᠦ
ᠡᠨᠡ ᠪᠣᠯ ᠪᠢᠳᠡᠨ ᠦ᠌ ᠵᠢᠷᠦᠬᠡᠨ ᠦ᠌ ᠪᠢᠴᠢᠭᠡᠰᠦ ᠠ᠋!
ᠡᠪᠯᠡᠭᠰᠡᠨ ᠴᠠᠭ ᠲᠤ᠌ ᠴᠥᠭᠡᠬᠡᠨ ᠮᠣᠩᠭᠣᠯ ᠣᠯᠠᠨ ᠤ᠋ ᠣᠯᠠᠨ ᠠ᠋ᠴᠠ ᠳᠤᠲᠠᠬᠤ ᠦᠭᠡᠢ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠠᠯᠲᠠᠨᠴᠢᠮᠡᠭ
ᠦᠰᠦᠭ ᠬᠠᠳᠠᠭᠴᠢ᠄ ᠠᠯᠲᠠᠨᠴᠢᠮᠡᠭ
ᠬᠢᠨᠠᠭᠴᠢ᠄ ᠭᠦᠩᠭᠠᠷ