ᠢᠰᠡᠭᠡᠢ ᠦᠨᠡᠭᠡᠨ ᠦ᠌ ᠳᠣᠮᠣᠭEsgii üngenii domog Эсгий үнгэний домог
603ᠢᠰᠡᠭᠡᠢ ᠦᠨᠡᠭᠡᠨ ᠦ᠌ ᠳᠣᠮᠣᠭ
ᠡᠷᠲᠡ ᠤᠷᠢᠳᠤ ᠴᠠᠭ ᠲᠤ᠌ ᠰᠣᠨᠢᠭᠤᠴᠢ ᠨᠢᠭᠡᠨ ᠦᠨᠡᠭᠡ ᠤᠢᠳᠴᠤ ᠭᠠᠭᠴᠠᠭᠠᠷᠳᠠᠨ ᠬᠡᠰᠦᠭᠦᠴᠢᠯᠡᠨ ᠶᠠᠪᠤᠵᠤ ᠪᠠᠢᠵᠠᠢ ᠃ ᠲᠡᠷᠡ ᠤᠢᠳᠬᠤ ᠦᠭᠡᠢ ᠪᠠᠢᠬᠤ ᠶ᠋ᠢᠨ ᠲᠤᠯᠠᠳᠠ ᠡᠯᠳᠡᠪ ᠶᠠᠩᠵᠤ ᠶ᠋ᠢᠨ ᠶᠠᠭᠤᠮᠠ ᠰᠠᠳᠤᠨ ᠶᠠᠪᠤᠵᠤ ᠪᠠᠢᠲᠠᠯᠠ ᠨᠢᠭᠡᠨ ᠠᠢᠯ ᠲᠠᠭᠠᠷᠠᠵᠤ ᠭᠡᠨᠡ ᠃ᠥᠨᠥᠬᠢ ᠠᠢᠯ ᠳ᠋ᠤ᠌ ᠨᠢᠯᠬᠠ ᠬᠡᠦᠬᠡᠳ ᠦ᠋ᠨ ᠳᠠᠭᠤ ᠴᠠᠩᠭᠢᠨᠠᠵᠤ ᠢᠨᠢᠶᠡᠳᠦ ᠬᠥᠷ ᠪᠣᠯᠵᠤ ᠪᠠᠢᠭᠠ ᠨᠢ ᠰᠢᠨᠡ ᠬᠥᠮᠦᠨ ᠮᠡᠨᠳᠦᠯᠡᠭᠰᠡᠨ ᠢ᠋ ᠭᠡᠷᠡᠴᠢᠯᠡᠨᠡ ᠃ᠤᠳᠠᠯ ᠦᠭᠡᠢ ᠪᠦᠪᠡᠢ ᠶ᠋ᠢᠨ ᠳᠠᠭᠤᠤ ᠤᠶᠠᠩᠭᠠᠯᠠᠵᠤ ᠥᠯᠥᠭᠡᠢ ᠲᠡᠢ ᠵᠢᠭᠠᠯ ᠤᠨᠲᠠᠵᠠᠢ᠃ᠡᠨᠡ ᠪᠦᠬᠦᠨ ᠢ᠋ ᠠᠵᠢᠭᠯᠠᠨ ᠬᠠᠷᠠᠵᠤ ᠪᠠᠢᠭᠠᠳ ᠰᠠᠬᠢᠯᠭᠠ ᠦᠭᠡᠢᠳᠡᠬᠦ ᠪᠡᠷ ᠰᠢᠢᠳᠦᠨ ᠠᠢᠯ ᠤᠷᠤᠭᠤ ᠣᠴᠢᠵᠠᠢ ᠃ ᠦᠨᠡᠭᠡ ᠤᠨᠲᠠᠵᠤ ᠪᠣᠢ ᠬᠦᠦ ᠳᠡᠭᠡᠷᠡ ᠣᠴᠢᠨ᠄《ᠪᠢᠴᠢᠬᠠᠨ ᠬᠦᠦ ᠮᠢᠨᠢ ᠰᠡᠷᠢᠭᠡᠷᠡᠢ᠂ ᠰᠡᠷᠢᠭᠡᠷᠡᠢ ᠨᠠᠳᠠ ᠲᠠᠢ ᠬᠠᠮᠲᠤ ᠶᠠᠪᠤᠵᠤ ᠲᠣᠭᠯᠠᠭᠠᠴᠢ 》ᠭᠡᠮᠡᠨ ᠳᠠᠭᠤᠳᠠᠪᠠ᠃ᠬᠦᠦ ᠰᠡᠷᠢᠬᠦ ᠶᠠᠩᠵᠤ ᠦᠭᠡᠢ ᠤᠨᠲᠠᠭᠰᠠᠭᠠᠷ ᠯᠠ ᠪᠠᠢᠯᠠ᠂ ᠭᠡᠲᠡᠯᠡ ᠦᠨᠡᠭᠡ ᠄《ᠬᠦᠦ ᠮᠢᠨᠢ ᠰᠡᠷᠢᠭᠡᠷᠡᠢ᠂ ᠰᠡᠷᠢᠭᠡᠷᠡᠢ ᠡᠵᠢ ᠴᠢᠨᠢ ᠬᠣᠯᠠ ᠶᠠᠪᠤᠯᠠ᠂ ᠡᠵᠢ ᠴᠢᠨᠢ ᠬᠣᠯᠠ ᠶᠠᠪᠤᠯᠠ 》ᠭᠡᠮᠡᠨ ᠬᠤᠳᠠᠯ ᠬᠡᠯᠡᠪᠡ᠃ ᠡᠨᠡ ᠦᠭᠡᠨ ᠳ᠋ᠦ᠍ ᠢᠲᠡᠭᠡᠭᠰᠡᠨ ᠬᠦᠦ ᠤᠬᠢᠯᠠᠩᠨᠠᠵᠤ ᠡᠬᠢᠯᠡᠬᠦ ᠳ᠋ᠦ᠍ ᠬᠡᠦᠬᠡᠳ ᠤᠬᠢᠯᠠᠪᠠᠯ ᠠᠪᠤ ᠡᠵᠢ ᠨᠢ ᠰᠡᠷᠢᠨᠡ ᠭᠡᠮᠡᠨ ᠠᠶᠤᠭᠰᠠᠨ ᠦᠨᠡᠭᠡ ᠄《ᠪᠢᠴᠢᠬᠠᠨ ᠬᠦᠦ ᠮᠢᠨᠢ ᠤᠨᠲᠠ ᠤᠨᠲᠠ᠂ ᠡᠵᠢ ᠨᠢ ᠬᠣᠯᠠ ᠶᠠᠪᠤᠭᠠ ᠦᠭᠡᠢ ᠂ ᠬᠣᠯᠠ ᠶᠠᠪᠤᠭᠠ ᠦᠭᠡᠢ》ᠭᠡᠮᠡᠨ ᠬᠡᠯᠡᠯᠡ᠃ᠡᠨᠡ ᠦᠭᠡᠨ ᠳ᠋ᠦ᠍ ᠪᠠᠶᠠᠷᠯᠠᠭᠰᠠᠨ ᠬᠦᠦ ᠵᠡᠭᠦᠳᠦᠨ ᠳ᠋ᠦ᠍ ᠪᠡᠨ ᠢᠨᠢᠶᠡᠮᠰᠦᠭᠯᠡᠬᠦ ᠳ᠋ᠦ᠍ ᠥᠨᠥᠬᠢ ᠤᠢᠳᠤᠭᠰᠠᠨ ᠦᠨᠡᠭᠡᠨ ᠳ᠋ᠦ᠍ ᠵᠤᠭᠠ ᠲᠠᠢ ᠰᠠᠨᠠᠭᠳᠠᠵᠤ ᠬᠥᠭᠵᠢᠯᠳᠦᠨ ᠲᠣᠭᠯᠠᠵᠤ ᠪᠠᠢᠲᠠᠯᠠ ᠴᠢᠮᠡᠭᠡ ᠭᠠᠷᠴᠤ ᠬᠦᠦ ᠶ᠋ᠢᠨ ᠠᠪᠤ ᠰᠡᠷᠢᠬᠦ ᠳ᠋ᠦ᠍ ᠂ ᠦᠨᠡᠭᠡ ᠲᠣᠭᠣᠨᠣ ᠪᠠᠷ ᠭᠠᠷᠤᠨ ᠵᠢᠭᠤᠲᠠᠵᠠᠢ᠃ ᠡᠭᠦᠨ ᠢ᠋ ᠬᠠᠷᠠᠭᠰᠠᠨ ᠬᠦᠦ ᠶ᠋ᠢᠨ ᠠᠪᠤ ᠠᠷᠭᠠ ᠤᠬᠠᠭᠠᠨ ᠰᠡᠢᠯᠦᠨ ᠬᠦᠦ ᠳ᠋ᠡᠭᠡᠨ ᠢᠰᠡᠭᠡᠢ ᠦᠨᠡᠭᠡ ᠬᠠᠢᠴᠢᠯᠠᠨ ᠤᠨᠵᠢᠭᠤᠯᠵᠤ ᠳᠣᠮᠨᠣᠵᠠᠢ᠃ ᠮᠠᠷᠭᠠᠰᠢ ᠨᠢ ᠥᠨᠥᠬᠢ ᠦᠨᠡᠭᠡ ᠳᠠᠬᠢᠨ ᠢᠷᠡᠭᠡᠳ ᠬᠦᠦ ᠶ᠋ᠢᠨ ᠳᠡᠭᠡᠷᠡ ᠢᠰᠡᠭᠡᠢ ᠦᠨᠡᠭᠡ ᠪᠠᠢᠭᠠ ᠶ᠋ᠢ ᠬᠠᠷᠠᠭᠠᠳ ᠡᠨᠡ ᠬᠦᠦ ᠦᠨᠡᠭᠡ ᠲᠡᠢ ᠶᠦᠮ ᠪᠠᠢᠨᠠ ᠭᠡᠳ ᠶᠠᠪᠤᠭᠠᠳ ᠥᠭᠴᠡᠢ ᠃ ᠡᠨᠡᠬᠦ ᠳᠣᠮᠣᠭ ᠠ᠋ᠴᠠ ᠡᠭᠦᠳᠦᠨ ᠬᠡᠦᠬᠡᠳ ᠢ᠋ ᠡᠯᠳᠡᠪ ᠮᠠᠭᠤ ᠪᠦᠬᠦᠨ ᠡᠴᠡ ᠬᠠᠮᠠᠭᠠᠯᠠᠬᠤ ᠡᠷᠡᠭᠦᠯ ᠴᠢᠬᠢᠷᠡᠭ ᠪᠠᠲᠤ ᠪᠥᠬᠡ ᠬᠥᠮᠦᠨ ᠪᠣᠯᠬᠤ ᠶ᠋ᠢ ᠪᠡᠯᠭᠡᠳᠡᠨ ᠦᠨᠡᠭᠡ ᠬᠠᠢᠴᠢᠯᠠᠨ ᠳᠣᠮᠨᠣᠳᠠᠭ ᠵᠠᠩ ᠦᠢᠯᠡ ᠣᠳᠣ ᠴᠤ᠌ ᠬᠡᠷᠡᠭᠯᠡᠭᠳᠡᠭᠰᠡᠭᠡᠷ ᠪᠠᠢᠭᠠ ᠪᠢᠯᠡ᠃
ᠦᠨᠡᠭᠡ ᠬᠠᠢᠴᠢᠯᠠᠨ ᠤᠨᠵᠢᠭᠤᠯᠬᠤ ᠳ᠋ᠠᠭᠠᠨ ᠲᠠᠪᠤᠨ ᠥᠩᠭᠡ ᠶ᠋ᠢᠨ ᠭᠤᠷᠪᠠᠯᠵᠢᠨ ᠪᠤᠶᠤ ᠲᠡᠭᠡᠭ ᠢ᠋ ᠬᠠᠮᠲᠤ ᠬᠢᠭᠰᠡᠨ ᠪᠠᠢᠳᠠᠭ ᠨᠢ ᠮᠥᠩᠬᠡ ᠲᠡᠭᠷᠢ ᠶ᠋ᠢ ᠬᠥᠬᠡ ᠥᠩᠭᠡ ᠪᠡᠷ ᠂ᠬᠥᠷᠥᠰᠥᠲᠦ ᠳᠡᠯᠡᠬᠡᠢ ᠶ᠋ᠢ ᠨᠣᠭᠣᠭᠠᠨ ᠥᠩᠭᠡ ᠪᠡᠷ ᠂ᠠᠷᠢᠭᠤᠨ ᠠᠭᠠᠷ ᠢ᠋ ᠴᠠᠭᠠᠨ ᠥᠩᠭᠡ ᠪᠡᠷ ᠂ ᠠᠷᠪᠢᠵᠢᠨ ᠦᠷᠡᠵᠢᠬᠦ ᠶ᠋ᠢ ᠰᠢᠷᠠ ᠥᠩᠭᠡ ᠪᠡᠷ ᠂ᠭᠠᠯ ᠭᠣᠯᠣᠮᠲᠠ ᠪᠠᠨ ᠤᠯᠠᠭᠠᠨ ᠥᠩᠭᠡ ᠪᠡᠷ ᠲᠤᠰ ᠲᠤᠰ ᠪᠡᠯᠭᠡᠳᠡᠨ ᠪᠠᠢᠳᠠᠭ ᠠᠵᠠᠢ ᠃
ᠦᠰᠦᠭ ᠬᠠᠳᠠᠭᠴᠢ᠄ ᠮᠣᠳᠣᠲᠤ ᠬᠠᠪᠤᠷᠵᠢᠶᠠ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠲᠦᠮᠡᠨᠴᠡᠴᠡᠭ
ᠬᠢᠨᠠᠭᠴᠢ᠄ ᠲᠦᠮᠡᠨᠴᠡᠴᠡᠭ