ᠭᠤᠷᠪᠠ - ᠳᠠᠨᠽᠠᠨᠷᠠᠪᠵᠠᠢ Gurav-DanzanravjeeГурав-Данзанравжээ
260ᠭᠤᠷᠪᠠ
ᠦᠭᠡ ᠄ ᠳᠠᠨᠽᠠᠨᠷᠠᠪᠵᠠᠢ
(ᠰᠤᠷᠭᠠᠯ ᠰᠢᠯᠦᠭ)
ᠠᠯᠢᠪᠠ ᠪᠦᠬᠦᠨ ᠡᠴᠡ ᠡᠷᠬᠢᠮ ᠨᠢ
ᠮᠡᠷᠭᠡᠨ ᠲᠦᠷᠭᠡᠨ ᠳᠠᠭᠠᠭᠠᠮᠠᠭᠠᠢ ᠭᠤᠷᠪᠠ
ᠠᠵᠢᠯ ᠪᠦᠲᠦᠭᠡᠬᠦ ᠶ᠋ᠢᠨ ᠡᠷᠡᠮᠪᠡ ᠨᠢ
ᠮᠡᠳᠡᠯᠭᠡ ᠴᠢᠳᠠᠪᠤᠷᠢ ᠳᠠᠳᠤᠯ ᠭᠤᠷᠪᠠ
ᠮᠥᠩᠬᠡ ᠪᠤᠰᠤ ᠶ᠋ᠢᠨ ᠳᠣᠬᠢᠶᠠ ᠨᠢ
ᠦᠳᠡᠯᠡᠬᠦ ᠡᠯᠡᠬᠦ ᠪᠠᠭᠤᠷᠠᠬᠤ ᠭᠤᠷᠪᠠ
ᠮᠥᠴᠢᠳ ᠬᠣᠭᠣᠰᠣᠨ ᠤ᠋ ᠵᠢᠱ᠌ᠢᠶᠡ ᠨᠢ
ᠥᠩᠭᠡ ᠮᠥᠩᠭᠥ ᠵᠡᠷᠭᠡᠯᠭᠡ ᠭᠤᠷᠪᠠ
ᠠᠮᠢᠳᠤᠷᠠᠬᠤ ᠴᠠᠭ ᠤ᠋ᠨ ᠬᠡᠮᠵᠢᠶᠡ ᠨᠢ
ᠪᠠᠯᠴᠢᠷ ᠢᠳᠡᠷ ᠦᠳᠡᠯᠦᠭᠡ ᠭᠤᠷᠪᠠ
ᠠᠵᠢᠯᠯᠠᠬᠤ ᠴᠠᠭ ᠤ᠋ᠨ ᠭᠡᠮᠰᠢᠯ ᠨᠢ
ᠥᠷᠯᠥᠭᠡ ᠡᠳᠦᠷ ᠣᠷᠣᠢ ᠭᠤᠷᠪᠠ
ᠪᠠᠯᠠᠷᠠᠵᠤ ᠳᠣᠷᠣᠢᠲᠠᠬᠤ ᠶ᠋ᠢᠨ ᠲᠡᠮᠳᠡᠭ ᠨᠢ
ᠤᠨᠲᠠᠵᠤ ᠮᠠᠷᠲᠠᠵᠤ ᠲᠡᠷᠰᠯᠡᠬᠦ ᠭᠤᠷᠪᠠ
ᠪᠠᠳᠠᠷᠠᠵᠤ ᠳᠡᠭᠡᠭᠰᠢᠯᠡᠬᠦ ᠶ᠋ᠢᠨ ᠦᠨᠳᠦᠰᠦ ᠨᠢ
ᠰᠡᠷᠢᠬᠦ ᠰᠠᠨᠠᠬᠤ ᠲᠡᠮᠡᠦᠯᠬᠦ ᠭᠤᠷᠪᠠ
ᠠᠰᠢᠳᠠ ᠳᠤᠷᠠᠳᠴᠤ ᠶᠠᠪᠤᠭᠤᠰᠢᠲᠠᠢ ᠨᠢ
ᠪᠢᠯᠢᠭ ᠤᠬᠠᠭᠠᠨ ᠴᠢᠳᠠᠯ ᠭᠤᠷᠪᠠ
ᠭᠱᠠᠨ ᠪᠦᠷᠢ ᠳ᠋ᠦ᠍ ᠴᠡᠩᠨᠡᠭᠦᠰᠢᠲᠡᠢ ᠨᠢ
ᠪᠡᠶᠡ ᠬᠡᠯᠡ ᠰᠡᠳᠬᠢᠯ ᠭᠤᠷᠪᠠ
ᠢᠷᠠᠭᠤ ᠲᠡᠭᠦᠰ ᠰᠣᠷᠣᠭᠤᠰᠢᠲᠠᠢ ᠨᠢ
ᠶᠠᠷᠢᠶᠠ ᠳᠠᠭᠤᠤ ᠬᠥᠭᠵᠢᠮ ᠭᠤᠷᠪᠠ
ᠢᠯᠠᠬᠤ ᠶ᠋ᠢᠨ ᠲᠡᠷᠢᠭᠦᠨ ᠳ᠋ᠦ᠍ ᠢᠯᠠᠭᠤᠰᠢᠲᠠᠢ ᠨᠢ
ᠨᠣᠢᠷ ᠵᠠᠯᠬᠠᠭᠤ ᠠᠲᠠᠭᠠ ᠭᠤᠷᠪᠠ
ᠠᠰᠠᠷᠠᠬᠤ ᠶ᠋ᠢᠨ ᠳᠡᠭᠡᠳᠦ ᠠᠰᠠᠷᠠᠭᠤᠰᠢᠲᠠᠢ ᠨᠢ
ᠥᠲᠡᠭᠦᠰ ᠨᠢᠯᠬᠠᠰ ᠬᠠᠨᠢ ᠭᠤᠷᠪᠠ
ᠠᠴᠢᠯᠠᠬᠤ ᠶ᠋ᠢᠨ ᠳᠡᠭᠡᠳᠦ ᠠᠴᠢᠯᠠᠭᠤᠰᠢᠲᠠᠢ ᠨᠢ
ᠠᠪᠤ ᠡᠵᠢ ᠡᠬᠡ ᠣᠷᠣᠨ ᠭᠤᠷᠪᠠ
ᠥᠭᠡᠳᠡᠯᠡᠬᠦ ᠶ᠋ᠢᠨ ᠲᠤᠯᠠᠳᠠ ᠨᠢᠭᠲᠠᠯᠠᠭᠤᠰᠢᠲᠠᠢ ᠨᠢ
ᠰᠤᠷᠭᠠᠯ ᠦᠨᠡᠨ ᠦᠯᠢᠭᠡᠷ ᠭᠤᠷᠪᠠ
ᠥᠰᠬᠦ ᠶ᠋ᠢᠨ ᠴᠠᠭ ᠲᠤ᠌ ᠰᠠᠨᠠᠭᠤᠰᠢᠲᠠᠢ ᠨᠢ
ᠪᠢᠰᠢᠷᠡᠯ ᠬᠢᠴᠢᠶᠡᠯ ᠰᠡᠳᠬᠢᠯ ᠭᠤᠷᠪᠠ᠃
ᠢᠷᠡᠯᠲᠡ᠄ ᠰᠤᠯᠠ ᠲᠡᠮᠳᠡᠭᠯᠡᠯ ᠡᠴᠡ
ᠦᠰᠦᠭ ᠠᠮᠢᠯᠠᠭᠤᠯᠤᠭᠰᠠᠨ ᠨᠢ ᠄ ᠴᠢ᠊ · ᠤᠷᠠᠨᠴᠡᠴᠡᠭ