ᠸᠠᠨ ᠯᠢ-ᠴᠠᠭᠠᠨᠪᠠᠷᠰVan li-TsagaanbarВан ли-Цагаанбар
252ᠸᠠᠨ ᠯᠢ
ᠸᠠᠨ ᠯᠢ
ᠴᠠᠭᠠᠨᠪᠠᠷᠰ ᠳᠠᠭᠤᠯᠠᠪᠠ
ᠬᠣᠷᠴᠢᠨ ᠠᠷᠠᠳ ᠤ᠋ᠨ ᠳᠠᠭᠤᠤ
ᠠᠩᠭᠠ ᠯᠠ ᠦᠭᠡᠢ ᠠᠩᠭᠠ ᠦᠭᠡᠢ ᠭᠡᠵᠦ ᠪᠠᠢᠲᠠᠯᠠ ᠠᠩᠭᠠ ᠸᠠᠨ ᠯᠢ ᠵᠠᠶᠠᠭᠠᠵᠠᠢ ᠬᠦᠢ
ᠠᠷᠤᠨ ᠤ᠋ ᠪᠠᠨ ᠳᠡᠭᠡᠷᠡ ᠪᠡᠨ ᠡᠭᠦᠷᠦᠭᠰᠡᠭᠡᠷ ᠪᠠᠢᠭᠠᠳ ᠠᠷᠪᠠᠨ ᠨᠠᠢ᠍ᠮᠠᠨ ᠨᠠᠰᠤᠯᠠᠭᠤᠯᠪᠠ ᠬᠦᠢ
ᠠᠷᠤ ᠶ᠋ᠢᠨ ᠰᠦᠮᠡ ᠳᠡᠭᠡᠷᠡ ᠪᠡᠨ ᠠᠪᠠᠴᠢᠭᠠᠳ ᠮᠥᠮᠥ ᠨᠢ ᠮᠥᠷᠭᠥᠭᠦᠯᠦᠶᠡ ᠭᠡᠵᠦ ᠶᠠᠪᠤᠭᠰᠠᠭᠠᠷ ᠳᠠ
ᠠᠭᠰᠢᠷᠠᠭᠠ ᠪᠣᠯᠤᠭᠰᠠᠨ ᠪᠤᠶᠠᠨᠬᠡᠰᠢᠭ ᠳᠡ ᠯᠠᠮᠠ ᠠᠬᠤ ᠳᠠᠪᠠᠭᠤ ᠲᠣᠭᠣᠵᠠᠢ ᠬᠦᠢ
ᠥᠬᠢᠨ ᠦᠭᠡᠢ ᠥᠬᠢᠨ ᠦᠭᠡᠢ ᠭᠡᠵᠦ ᠪᠠᠢᠲᠠᠯᠠ ᠡᠪᠯᠢᠭ ᠸᠠᠨ ᠯᠢ ᠵᠠᠶᠠᠭᠠᠵᠠᠢ ᠬᠦᠢ
ᠡᠪᠴᠢᠭᠦᠨ ᠦ᠌ ᠪᠡᠨ ᠳᠡᠭᠡᠷᠡ ᠪᠡᠨ ᠥᠯᠥᠭᠡᠢᠳᠡᠵᠦ ᠪᠠᠢᠭᠠᠳ ᠥᠭᠡᠯᠡᠢ ᠥᠨᠳᠥᠷ ᠪᠣᠯᠭᠠᠵᠠᠢ ᠬᠦᠢ
ᠡᠨᠳᠡᠬᠢ ᠶ᠋ᠢᠨ ᠰᠦᠮᠡ ᠳ᠋ᠦ᠍ ᠪᠡᠨ ᠠᠪᠠᠴᠢᠭᠠᠳ ᠥᠬᠢᠨ ᠢ᠋ᠶ᠋ᠡᠨ ᠡᠷᠭᠦᠯ ᠮᠥᠷᠭᠥᠯ ᠢ᠋ ᠪᠡᠨ ᠬᠢᠵᠦ ᠪᠠᠢᠲᠠᠯᠠ
ᠦᠳᠡᠯᠦᠭᠡ ᠪᠣᠯᠤᠭᠰᠠᠨ ᠪᠤᠶᠠᠨᠬᠡᠰᠢᠭ ᠳᠡ ᠯᠠᠮᠠ ᠦᠵᠡᠨᠡᠷᠡᠨ ᠲᠣᠭᠣᠵᠠᠢ ᠬᠦᠢ
ᠸᠠᠨ ᠯᠢ ᠶ᠋ᠢᠨ ᠮᠥᠮᠥ ᠨᠢ ᠤᠵᠠᠭᠤᠷ ᠤ᠋ᠨ ᠬᠥᠮᠦᠨ ᠪᠣᠯᠬᠣᠷ ᠶᠡᠬᠡ ᠰᠦᠵᠢᠭ ᠲᠡᠢ ᠰᠢᠦ᠂ ᠪᠤᠶᠠᠨ ᠬᠡᠰᠢᠭ ᠳᠡ ᠯᠠᠮᠠ ᠶ᠋ᠢ ᠵᠠᠯᠠᠵᠤ ᠢᠷᠡᠭᠡᠳ ᠰᠠᠷᠠ ᠶ᠋ᠢᠨ ᠨᠣᠮ ᠢ᠋ᠶ᠋ᠠᠨ ᠤᠩᠰᠢᠭᠤᠯᠵᠠᠢ ᠃ ᠬᠣᠩᠬᠣ ᠳᠠᠮᠠᠷᠤ ᠬᠥᠳᠡᠯᠭᠡᠵᠦ ᠬᠣᠭᠣᠯᠠᠢ ᠵᠠᠰᠠᠭᠠᠳ ᠤᠩᠰᠢᠭᠠᠳ ᠲᠡᠭᠡᠬᠦ ᠳ᠋ᠦ᠍ ᠮᠥᠮᠥ ᠨᠢ ᠪᠠᠰᠠ ᠪᠢᠰᠢᠷᠡᠴᠢᠬᠡᠵᠡᠢ ᠰᠢᠦ᠂ ᠵᠠᠬᠠ ᠳ᠋ᠤᠨᠢ ᠢᠷᠡᠵᠦ ᠰᠠᠭᠤᠴᠢᠬᠠᠭᠠᠳ ᠵᠤᠤᠮᠠᠰ ᠬᠢᠲᠡᠯᠡ ᠢᠨᠢᠶᠡᠭᠡᠳ ᠬᠡᠯᠡᠴᠢᠬᠡᠭᠰᠡᠨ ᠠ᠋᠄
ᠠᠷᠠᠰᠤ ᠶ᠋ᠢ ᠪᠡᠨ ᠡᠯᠳᠡᠬᠦ ᠫᠢᠵᠢᠶᠠᠩ ᠭᠡᠳᠡᠭ ᠴᠢᠨᠢ ᠠᠮᠠᠷ ᠦᠭᠡᠢ ᠰᠦᠨᠡᠰᠦ ᠠ᠋ ᠬᠦᠢ
ᠠᠩᠭᠠ ᠴᠤ᠌ ᠪᠠᠭᠠ ᠸᠠᠨ ᠯᠢ ᠬᠡᠦᠬᠡᠨ ᠳᠡ ᠠᠭᠠᠷ ᠲᠡᠭᠷᠢ ᠡᠴᠡ ᠪᠠᠭᠤᠭᠰᠠᠨ ᠶᠤᠮ ᠪᠠ ᠬᠦᠢ
ᠠᠷᠤ ᠶ᠋ᠢᠨ ᠰᠦᠮᠡ ᠶ᠋ᠢᠨ ᠪᠤᠶᠠᠨᠬᠡᠰᠢᠭ ᠳᠡ ᠯᠠᠮᠠ ᠶᠠᠭᠤᠨ ᠤ᠋ ᠰᠦᠨᠡᠰᠦ ᠶ᠋ᠢ ᠲᠠ ᠮᠡᠳᠡᠨᠡ ᠤᠤ?
ᠠᠷᠪᠠᠨ ᠨᠠᠢ᠍ᠮᠠᠨ ᠠᠭᠤᠢ ᠰᠢᠲᠦᠭᠡᠨ ᠦ᠌ ᠨᠢᠭᠡ ᠨᠢ ᠮᠥᠨ ᠠ᠋ ᠬᠦᠢ
ᠲᠡᠮᠦᠷ ᠢ᠋ ᠪᠡᠨ ᠳᠠᠪᠲᠠᠬᠤ ᠲᠢᠶᠸᠵᠢᠶᠠᠩ ᠯᠠ ᠭᠡᠳᠡᠭ ᠴᠢᠨᠢ ᠵᠦᠭᠡᠷ ᠦᠭᠡᠢ ᠰᠦᠨᠡᠰᠦ ᠠ᠋ ᠬᠦᠢ
ᠲᠥᠷᠥᠭᠰᠡᠨ ᠠ᠋ ᠥᠬᠢᠨ ᠸᠠᠨ ᠯᠢ ᠬᠡᠦᠬᠡᠨ ᠲᠡᠭᠷᠢ ᠡᠴᠡ ᠪᠠᠭᠤᠵᠠᠢ ᠬᠦᠢ
ᠲᠡᠨᠳᠡᠬᠢ ᠰᠦᠮᠡ ᠶ᠋ᠢᠨ ᠪᠤᠶᠠᠨᠬᠡᠰᠢᠭ ᠳᠡ ᠯᠠᠮᠠ ᠶᠠᠭᠤᠨ ᠤ᠋ ᠰᠦᠨᠡᠰᠦ ᠠ᠋ ᠲᠠ ᠮᠡᠳᠡᠨᠡ ᠤᠤ?
ᠠᠷᠪᠠᠨ ᠨᠠᠢ᠍ᠮᠠᠨ ᠠᠭᠤᠢ ᠰᠢᠲᠦᠭᠡᠨ ᠦ᠌ ᠨᠢᠭᠡ ᠨᠢ ᠮᠥᠨ ᠠ᠋ ᠬᠦᠢ
ᠪᠠᠷᠠᠭᠤᠨ ᠭᠡᠷ ᠡᠴᠡ ᠨᠢᠭᠡ ᠵᠠᠯᠠᠭᠤ ᠣᠷᠣᠭᠠᠳ ᠢᠷᠡᠵᠡᠢ ᠂ ᠰᠣᠨᠣᠰᠤᠭᠤᠷ ᠰᠣᠨᠣᠰᠴᠤ ᠪᠠᠢᠭᠠᠳ ᠦᠨᠡᠬᠡᠷ ᠠᠭᠤᠷᠯᠠᠵᠠᠢ ᠃
ᠪᠢ ᠮᠡᠳᠡᠨᠡ᠂ ᠴᠢᠩᠭᠢᠪᠡᠯ ᠴᠢ ᠬᠡᠯᠡᠭᠡᠳ ᠲᠡᠭᠡ᠂ ᠰᠢᠶᠣᠤ ᠵᠠᠯᠠᠭᠤ ᠬᠡᠯᠡᠴᠢᠬᠡᠭᠰᠡᠨ ᠠ᠋᠄
ᠠᠷᠠᠰᠤ ᠶ᠋ᠢ ᠪᠡᠨ ᠡᠯᠳᠡᠬᠦ ᠫᠢᠵᠢᠶᠠᠩ ᠯᠠ ᠭᠡᠳᠡᠭ ᠴᠢᠨᠢ ᠮᠠᠨ ᠤ᠋ ᠮᠡᠨᠳᠡᠬᠢ(ᠡᠨᠳᠡᠬᠢ) ᠢᠷᠭᠡᠨ ᠠ᠋ ᠬᠦᠢ
ᠠᠩᠭᠠ ᠴᠤ᠌ ᠪᠠᠭᠠ ᠸᠠᠨ ᠯᠢ ᠭᠡᠳᠡᠭ ᠴᠢᠨᠢ ᠠᠷᠢᠭᠤᠨ ᠰᠠᠢᠬᠠᠨ ᠲᠥᠷᠥᠴᠢᠬᠡᠵᠡᠢ ᠬᠦᠢ
ᠠᠷᠤ ᠶ᠋ᠢᠨ ᠰᠦᠮᠡ ᠶ᠋ᠢᠨ ᠪᠤᠶᠠᠨᠬᠡᠰᠢᠭ ᠳᠡ ᠯᠠᠮᠠ ᠶᠠᠭᠤᠨ ᠤ᠋ ᠰᠦᠨᠡᠰᠦ ᠶ᠋ᠢ ᠪᠢ ᠮᠡᠳᠡᠨᠡ ᠬᠦᠢ
ᠠᠷᠤ ᠶ᠋ᠢᠨ ᠲᠠᠯᠠ ᠪᠠᠷ ᠢ᠋ᠶ᠋ᠠᠨ ᠠᠭᠠᠭᠯᠠᠭᠠᠳ ᠶᠠᠪᠤᠵᠤ ᠪᠠᠢᠬᠤ ᠠᠵᠢᠷᠭᠠᠨ ᠤ᠋ ᠰᠦᠨᠡᠰᠦ ᠠ᠋ ᠬᠦᠢ
ᠲᠡᠮᠦᠷ ᠢ᠋ ᠪᠡᠨ ᠳᠠᠪᠲᠠᠬᠤ ᠲᠢᠶᠸᠵᠢᠶᠠᠩ ᠯᠠ ᠭᠡᠳᠡᠭ ᠴᠢᠨᠢ ᠮᠠᠨ ᠤ᠋ ᠮᠡᠨᠳᠡᠬᠢ (ᠡᠨᠳᠡᠬᠢ) ᠢᠷᠭᠡᠨ ᠠ᠋ ᠬᠦᠢ
ᠲᠥᠷᠥᠭᠰᠡᠨ ᠥᠬᠢᠨ ᠸᠠᠨ ᠯᠢ ᠬᠡᠦᠬᠡᠨ ᠴᠢᠨᠢ ᠲᠦᠭ ᠦᠭᠡᠢ ᠰᠠᠢᠬᠠᠨ ᠲᠦᠷᠦᠴᠢᠬᠡᠵᠡᠢ ᠬᠦᠢ
ᠲᠡᠷᠲᠡᠭᠡ ᠰᠦᠮᠡ ᠶ᠋ᠢᠨ ᠪᠤᠶᠠᠨᠬᠡᠰᠢᠭ ᠳᠡ ᠯᠠᠮᠠ ᠶᠠᠭᠤᠨ ᠤ᠋ ᠰᠦᠨᠡᠰᠦ ᠶ᠋ᠢ ᠪᠢ ᠮᠡᠳᠡᠨᠡ
ᠲᠡᠨᠳᠡᠬᠢ ᠵᠣ ᠪᠠᠷ ᠮᠥᠭᠡᠷᠡᠭᠡᠳ ᠶᠠᠪᠤᠵᠤ ᠪᠠᠢᠬᠤ ᠮᠡᠩ ᠨᠢᠦ (ᠪᠤᠬᠠ)ᠶ᠋ᠢᠨ ᠰᠦᠨᠡᠰᠦ ᠠ᠋ ᠬᠦᠢ
ᠪᠤᠶᠠᠨᠬᠡᠰᠢᠭ ᠳᠡ ᠯᠠᠮᠠ ᠭᠠᠷ ᠠ᠋ᠴᠠ ᠨᠢ ᠠᠳᠬᠤᠭᠠᠳ ᠭᠠᠷ ᠳᠡᠭᠡᠷᠡ ᠪᠡᠨ ᠭᠠᠷ ᠭᠡᠵᠦ ᠬᠥᠲᠥᠯᠵᠡᠢ ᠂ ᠰᠢᠶᠣᠤ
ᠵᠠᠯᠠᠭᠤ ᠭᠠᠷᠬᠤ ᠦᠭᠡᠢ ᠳᠡᠭᠡᠷᠡ ᠪᠡᠨ ᠳᠠᠬᠢᠭᠠᠳ ᠬᠡᠯᠡᠴᠢᠬᠡᠭᠰᠡᠨ ᠠ᠋᠄
ᠮᠠᠨᠢ ᠶ᠋ᠢᠨ ᠦᠷᠡᠯ ᠢ᠋ᠶ᠋ᠡᠨ ᠲᠣᠭᠠᠯᠠᠭᠠᠳ ᠰᠠᠭᠤᠶᠠ ᠳᠠ ᠮᠠᠮᠠ ᠶ᠋ᠢᠨ ᠶᠠᠩᠵᠤ ᠲᠠᠢ ᠪᠢᠰᠢ ᠤᠤ ᠬᠦᠢ
ᠮᠠᠩᠵᠠᠨ ᠬᠤᠷᠠᠯ ᠢ᠋ᠶ᠋ᠠᠨ ᠬᠤᠷᠠᠭᠠᠳ ᠪᠠᠢᠶᠠ ᠳᠠ ᠡᠷᠭᠢᠬᠦ ᠲᠥᠷᠥᠯ ᠳ᠋ᠦ᠍ ᠴᠢᠨᠢ ᠰᠠᠢᠨ ᠶᠤᠮ ᠠ᠋ ᠬᠦᠢ
ᠮᠠᠨᠲᠤᠢᠭᠰᠠᠨ ᠲᠥᠷᠥᠭᠰᠡᠨ ᠸᠠᠨ ᠯᠢ ᠭᠡᠳ ᠯᠡ ᠮᠠᠭᠠᠳ ᠮᠠᠭᠠᠳ ᠢᠷᠡᠭᠡᠳ ᠯᠡ ᠪᠠᠢᠪᠠᠯ
ᠮᠠᠯ ᠤ᠋ᠨ ᠬᠠᠰᠢᠶᠠᠨ ᠳ᠋ᠤ᠌ ᠪᠠᠨ ᠮᠡᠩ ᠨᠢᠦ ( ᠪᠤᠬᠠ) ᠪᠣᠯᠤᠭᠠᠳ ᠲᠥᠷᠥᠪᠡᠯ ᠮᠠᠶᠢᠭ᠋ ᠦᠭᠡᠢ ᠮᠠᠮᠠ ᠠ᠋ ᠬᠦᠢ
ᠡᠷᠢᠭᠡ ᠮᠠᠨᠢ ᠪᠠᠨ ᠲᠣᠭᠠᠯᠠᠭᠠᠳ ᠰᠠᠭᠤᠶᠠ ᠳᠠ ᠥᠪᠡᠷ ᠦ᠋ᠨ ᠪᠡᠶᠡ ᠳ᠋ᠦ᠍ ᠴᠢᠨᠢ ᠰᠠᠢᠨ ᠶᠤᠮ ᠠ᠋ ᠬᠦᠢ
ᠥᠷᠯᠥᠭᠡ ᠡᠷᠲᠡ ᠶ᠋ᠢᠨ ᠬᠤᠷᠠᠯ ᠢ᠋ ᠪᠡᠨ ᠬᠤᠷᠠᠶᠠ ᠳᠠ ᠡᠷᠭᠢᠬᠦ ᠲᠥᠷᠥᠯ ᠴᠢᠨᠢ ᠰᠠᠢᠨ ᠶᠤᠮ ᠠ᠋ ᠬᠦᠢ
ᠥᠬᠢᠨ ᠪᠠᠭᠠ ᠸᠠᠨ ᠯᠢ ᠭᠡᠳ ᠥᠨᠳᠡᠢᠨ ᠥᠨᠳᠡᠢᠨ ᠢᠷᠡᠭᠡᠳ ᠯᠡ ᠪᠠᠢᠪᠠᠯ,
ᠦᠨᠡᠰᠦᠨ ᠳ᠋ᠦ᠍ ᠬᠥᠷᠪᠡᠭᠰᠡᠨ ᠡᠯᠵᠢᠭᠡ ᠪᠣᠯᠤᠭᠠᠳ ᠲᠥᠷᠥᠪᠡᠯ ᠡᠪ ᠯᠡ ᠦᠭᠡᠢ ᠮᠠᠮᠠ ᠠ᠋ ᠬᠦᠢ
ᠪᠤᠶᠠᠨᠬᠡᠰᠢᠭ ᠳᠡ ᠯᠠᠮᠠ ᠦᠨᠡᠨ ᠰᠢᠷᠪᠡᠭᠡᠲᠦᠵᠡᠢ ᠂ ᠰᠤᠳᠤᠷ ᠨᠣᠮ ᠢ᠋ᠶ᠋ᠠᠨ ᠪᠠᠭᠯᠠᠭᠠᠳ᠂ ᠬᠣᠩᠬᠣ ᠳᠠᠮᠠᠷᠤ ᠪᠠᠨ ᠠᠪᠤᠭᠠᠳ ᠭᠠᠷᠤᠭᠠᠳ ᠶᠠᠪᠤᠵᠠᠢ ᠂ ᠡᠢ ᠥᠬᠢᠨ ᠬᠣᠶᠠᠷ ᠬᠦᠷᠭᠡᠵᠦ ᠭᠠᠷᠬᠤ ᠦᠭᠡᠢ ᠤᠤ ᠳᠠ᠂ ᠬᠦᠷᠢᠶᠡᠨ ᠳᠤᠮᠳᠠ ᠣᠴᠢᠭᠠᠳ ᠮᠠᠮᠠ ᠠ᠋᠂ ᠣᠳᠣ ᠬᠡᠵᠢᠶᠡ ᠢᠷᠡᠨᠡ ᠳᠠ᠂ ᠡᠷᠭᠢᠵᠦ ᠬᠠᠨᠳᠤᠭᠠᠳ ᠸᠠᠨ ᠯᠢ ᠪᠡᠨ ᠦᠵᠡᠭᠡᠳ ᠮᠠᠨᠠᠷᠠᠴᠢᠬᠠᠬᠤ ᠠᠯᠳᠠᠵᠠᠢ ᠰᠡᠯᠭᠡᠯᠳᠦᠷᠬᠢᠯᠡᠵᠦ ᠰᠡᠭᠡᠯᠳᠦᠷᠬᠢᠯᠡᠭᠡᠳ ᠬᠡᠯᠡᠴᠢᠬᠡᠭᠰᠡᠨ ᠠ᠋᠄
ᠵᠠᠩᠳᠤᠸᠠᠨ ᠲᠣᠷᠭᠠ ᠪᠠᠨ ᠠ᠋ ᠡᠮᠦᠰᠦᠭᠡᠳ ᠲᠡᠭᠡᠪᠡᠯ ᠵᠠ ᠵᠠ ᠸᠠᠨ ᠯᠢ ᠬᠦᠢ
ᠵᠠᠭᠠᠳᠠᠯ ᠦᠰᠦ ᠶ᠋ᠢ ᠪᠡᠨ ᠵᠠᠰᠠᠭᠠᠳ ᠯᠠ ᠲᠡᠭᠡᠪᠡᠯ ᠰᠠᠢᠬᠠᠨ ᠴᠤ᠌ ᠸᠠᠨ ᠯᠢ ᠬᠦᠢ
ᠵᠠᠯᠠᠭᠤ ᠵᠠᠯᠠᠭᠤ ᠡᠭᠡᠴᠢ ᠳᠡᠭᠦᠦ ᠴᠢᠨᠢ ᠦᠵᠡᠪᠡᠯ ᠵᠠᠬᠠ ᠠ᠋ᠴᠠ ᠨᠢ ᠰᠠᠯᠤᠨᠠ ᠭᠡᠵᠦ ᠰᠠᠨᠠᠳᠠᠭ
ᠵᠢᠷᠠ ᠴᠤ᠌ ᠭᠠᠷᠴᠤ ᠪᠠᠢᠬᠤ ᠪᠤᠶᠠᠨᠬᠡᠰᠢᠭ ᠦᠵᠡᠪᠡᠯ ᠵᠠᠩᠭᠢᠷᠠᠵᠤ ᠤᠨᠠᠮᠠᠷ ᠸᠠᠨ ᠯᠢ ᠬᠦᠢ
ᠥᠭᠡᠳᠡᠩ ᠲᠣᠷᠭᠠ ᠪᠠᠨ ᠡᠮᠦᠰᠦᠭᠡᠳ ᠯᠡ ᠲᠡᠭᠡᠪᠡᠯ ᠡᠪ ᠲᠡᠢ ᠴᠦ᠍ ᠸᠠᠨ ᠯᠢ ᠬᠦᠢ
ᠦᠰᠦ ᠵᠢᠰᠦ ᠪᠡᠨ ᠬᠦᠷᠦᠭᠡᠳ ᠲᠡᠭᠡᠪᠡᠯ ᠡᠪᠯᠢᠭ ᠸᠠᠨ ᠯᠢ ᠬᠦᠢ
ᠦᠶᠡ ᠴᠦ᠍ ᠵᠡᠷᠭᠡ ᠶ᠋ᠢᠨ ᠡᠭᠡᠴᠢ ᠳᠡᠭᠦᠦ ᠨᠢ ᠦᠵᠡᠪᠡᠯ ᠡᠳᠦᠷ ᠡᠴᠡ ᠪᠡᠨ ᠰᠠᠯᠤᠨᠠ ᠭᠡᠵᠦ ᠰᠠᠨᠠᠳᠠᠭ
ᠦᠳᠡᠯᠦᠭᠡ ᠪᠣᠯᠤᠭᠰᠠᠨ ᠪᠤᠶᠠᠨᠬᠡᠰᠢᠭ ᠦᠵᠡᠪᠡᠯ ᠦᠬᠦᠴᠢᠬᠡᠮᠡᠷ ᠸᠠᠨ ᠯᠢ ᠬᠦᠢ
ᠳᠠᠭᠤᠤ ᠶ᠋ᠢᠨ ᠦᠭᠡ ᠶ᠋ᠢ ᠬᠠᠩᠭᠠᠭᠴᠢ ᠄ ᠮᠧᠢ ᠯᠢ ᠳᠢ ᠰᠢᠨ ᠴᠢᠩ᠃
ᠦᠰᠦᠭ ᠠᠮᠢᠯᠠᠭᠤᠯᠵᠤ ᠬᠠᠲᠠᠭᠰᠠᠨ ᠨᠢ ᠄ ᠭᠠᠸᠠ᠂
ᠪᠢᠴᠢᠯᠭᠡ ᠶ᠋ᠢ 《 AI》 ᠪᠠᠷ ᠨᠠᠢᠷᠠᠭᠤᠯᠪᠠ
ᠬᠢᠨᠠᠭᠴᠢ ᠄ ᠴᠢᠨᠳᠠᠮᠤᠨᠢ