ᠳᠦᠯᠡᠢ ᠮᠥᠭᠥDülii möögДүлий мөөг
207
ᠳᠦᠯᠡᠢ ᠮᠥᠭᠥ
ᠲᠤᠰ ᠡᠮ ᠪᠣᠯ ᠳᠦᠯᠡᠢ ᠮᠥᠭᠥ ᠶ᠋ᠢᠨ ᠢᠵᠠᠭᠤᠷ ᠤ᠋ᠨ ᠤᠷᠭᠤᠮᠠᠯ ᠪᠣᠯᠬᠤ ᠪᠣᠷᠣ ᠳᠦᠯᠡᠢ ᠮᠥᠭᠥ ᠶ᠋ᠢᠨ ᠬᠠᠲᠠᠭᠠᠭᠰᠠᠨ ᠰᠫᠣᠷᠲᠦ ᠪᠡᠶᠡ ᠮᠥᠨ᠃ ᠪᠠᠰᠠ ᠷᠧᠱᠡᠮᠡᠩ᠂ ᠫᠡᠸᠠᠩᠭᠤᠳᠢ᠂ ᠭᠠᠯ ᠥᠬᠡᠢ ᠤᠲᠤᠭᠠ᠂ ᠦᠯᠡᠢ ᠮᠥᠭᠥ ᠭᠡᠳᠡᠭ᠃
[ᠤᠤᠯ ᠤᠷᠭᠤᠮᠠᠯ] ᠰᠫᠣᠷᠲᠦ ᠪᠡᠶᠡ ᠨᠢ ᠢᠳᠤᠬᠠᠨ ᠡᠭᠡᠷᠡᠦᠯ ᠬᠡᠯᠪᠡᠷᠢ ᠲᠡᠢ᠂ ᠳ᠋ᠢᠶᠠᠮᠧᠲ᠋ᠷ ᠨᠢ5~12cm᠂ ᠦᠷᠡᠵᠢᠯ ᠦᠭᠡᠢ᠂ ᠤᠵᠠᠭᠤᠷ ᠤ᠋ᠨ ᠬᠡᠰᠡᠭ ᠨᠢ ᠬᠥᠭᠵᠢᠯ ᠲᠡᠢ᠃ ᠪᠠᠭᠯᠠᠭᠴᠢ ᠨᠢ ᠨᠢᠮᠭᠡᠨ᠂ ᠬᠣᠶᠠᠷ ᠳᠠᠪᠬᠤᠷ᠃ ᠳᠡᠭᠡᠷᠡ ᠬᠡᠰᠡᠭ ᠨᠢ ᠶᠡᠷᠦ ᠳ᠋ᠡᠭᠡᠨ ᠵᠢᠵᠢᠭ ᠬᠡᠰᠡᠭᠯᠡᠨ ᠬᠠᠭᠠᠷᠠᠵᠤ᠂ ᠠᠶᠠᠨᠳᠠᠭᠠᠨ ᠬᠠᠭᠠᠷᠠᠵᠤ ᠤᠨᠠᠳᠠᠭ᠃ ᠳᠣᠲᠣᠷᠠ ᠨᠢ ᠪᠣᠷᠣ ᠥᠩᠭᠡ ᠲᠡᠢ᠂ ᠰᠫᠣᠷ ᠪᠣᠯᠤᠨ ᠰᠫᠣᠷ ᠤ᠋ᠨ ᠰᠢᠷᠬᠡᠭ ᠨᠢ ᠵᠠᠳᠠᠷᠠᠨ ᠰᠦᠢᠳᠦᠭᠰᠡᠨ ᠦ᠌ ᠰᠡᠭᠦᠯᠡᠷ ᠦᠯᠡᠳᠡᠭᠡᠰᠡ ᠦᠷᠡᠵᠢᠯ ᠦᠭᠡᠢ ᠤᠵᠠᠭᠤᠷ ᠬᠡᠰᠡᠭ ᠨᠢ ᠴᠣᠮᠣ ᠬᠡᠯᠪᠡᠷᠢ ᠲᠡᠢ ᠪᠣᠯᠳᠠᠭ᠃ ᠰᠫᠣᠷ ᠨᠢ ᠨᠣᠨᠳᠠᠭᠯᠢᠭ᠂ ᠪᠥᠮᠪᠦᠭᠡᠨ ᠬᠡᠯᠪᠡᠷᠢ ᠲᠡᠢ᠂ ᠳ᠋ᠢᠶᠠᠮᠧᠲ᠋ᠷ4~5.5µm᠃
ᠳᠡᠭᠡᠷᠡ ᠨᠢ ᠵᠢᠵᠢᠭ ᠥᠷᠭᠡᠰᠦ ᠲᠡᠢ᠂ ᠰᠫᠣᠷ ᠤ᠋ᠨ ᠰᠢᠷᠬᠡᠭ ᠨᠢ ᠮᠠᠰᠢ ᠤᠷᠲᠤ᠂ ᠰᠠᠯᠠᠭᠠᠯᠠᠨᠠ᠃ ᠲᠠᠰᠤᠯᠤᠪᠴᠢ ᠬᠥᠨᠳᠡᠯᠡᠨ ᠲᠠᠰᠤᠯᠤᠪᠴᠢ ᠲᠠᠢ᠂ ᠥᠩᠭᠡ ᠨᠢ ᠭᠦᠢᠬᠡᠨ᠂ ᠳ᠋ᠢᠶᠠᠮᠧᠲ᠋ᠷ ᠨᠢ2~5m᠃
[ ᠤᠷᠭᠤᠬᠤ ᠣᠷᠴᠢᠨ ᠬᠢᠭᠡᠳ ᠲᠠᠷᠬᠠᠴᠠ] ᠲᠠᠯᠠ ᠳ᠋ᠤ᠌ ᠤᠷᠭᠤᠨᠠ᠃ ᠯᠢᠶᠣᠤᠨᠢᠩ᠂ ᠥᠪᠥᠷ ᠮᠣᠩᠭᠣᠯ᠂ ᠾᠧᠪᠧᠢ᠂ ᠱᠠᠨ ᠰᠢ᠂ ᠵᠢᠶᠠᠩᠰᠦ᠂ ᠠᠨᠾᠥ᠋ᠢ᠂ ᠹᠦᠵᠢᠶᠠᠨ᠂ ᠲᠠᠢᠸᠠᠨ᠂ ᠭᠤᠸᠠᠩᠳᠥ᠋ᠩ᠂ ᠭᠤᠸᠠᠩᠰᠢ᠂ ᠰᠧᠴᠤᠸᠠᠨ᠂ ᠰᠢᠨᠵᠢᠶᠠᠩ᠂ ᠶᠦᠨᠨᠠᠨ ᠳ᠋ᠤ᠌ ᠲᠠᠷᠬᠠᠴᠠ ᠲᠠᠢ᠃
[ᠲᠡᠭᠦᠵᠦ ᠪᠣᠯᠪᠠᠰᠤᠷᠠᠭᠤᠯᠬᠤ] ᠵᠤᠨ᠂ ᠨᠠᠮᠤᠷ ᠰᠫᠣᠷ ᠨᠢ ᠪᠣᠯᠪᠠᠰᠤᠷᠠᠭᠠᠳ ᠪᠠᠭᠯᠠᠭᠴᠢ ᠨᠢ ᠬᠠᠭᠠᠷᠠᠭᠠᠳᠤᠢ ᠦᠶᠡ ᠳ᠋ᠦ᠍ ᠲᠡᠭᠦᠵᠦ᠂ ᠰᠢᠪᠡᠷ ᠰᠢᠷᠣᠢ ᠶ᠋ᠢ ᠨᠢ ᠠᠷᠢᠯᠭᠠᠭᠠᠳ ᠨᠠᠷᠠᠨ ᠳ᠋ᠤ᠌ ᠬᠠᠲᠠᠭᠠᠨᠠ᠃
[ ᠠᠮᠲᠠ᠂ ᠴᠢᠨᠠᠷ᠂ ᠡᠷᠳᠡᠮ] ᠭᠤᠱᠤᠭᠤᠨ ᠠᠮᠲᠠ ᠲᠠᠢ᠂ ᠲᠡᠭᠰᠢ ᠴᠢᠨᠠᠷ ᠲᠠᠢ᠃
[ ᠴᠢᠳᠠᠯ ᠪᠠ ᠭᠣᠣᠯᠳᠠᠭᠤ ᠵᠠᠰᠠᠬᠤ] ᠰᠤᠳᠠᠯ ᠤ᠋ᠨ ᠰᠦᠪᠡ ᠶ᠋ᠢ ᠪᠣᠭᠣᠬᠤ᠂ ᠴᠢᠰᠤ ᠶ᠋ᠢ ᠵᠣᠭᠰᠣᠭᠠᠬᠤ᠂ ᠬᠣᠣᠷ ᠢ᠋ ᠲᠠᠢᠯᠬᠤ᠂ ᠰᠢᠷᠬᠠ ᠶ᠋ᠢ ᠠᠨᠠᠭᠠᠬᠤ᠂ ᠰᠢᠷᠠ ᠤᠰᠤ ᠶ᠋ᠢ ᠲᠠᠲᠠᠬᠤ ᠴᠢᠳᠠᠯ ᠲᠠᠢ᠃ ᠭᠣᠣᠯᠳᠠᠭᠤ ᠬᠠᠮᠠᠷ ᠠᠮᠠ ᠠ᠋ᠴᠠ ᠴᠢᠰᠤ ᠭᠠᠷᠬᠤ᠂ ᠰᠢᠷᠬᠠᠨ ᠠ᠋ᠴᠠ ᠴᠢᠰᠤ ᠭᠠᠷᠬᠤ᠂ ᠴᠢᠰᠤ ᠪᠠᠷ ᠰᠢᠭᠡᠬᠦ᠂ ᠰᠠᠷᠠ ᠶ᠋ᠢᠨ ᠭᠬᠢᠷ ᠬᠡᠲᠦᠷᠡᠬᠦ᠂ ᠬᠠᠯᠠᠭᠠᠭᠰᠠᠨ ᠰᠢᠷᠬᠠ ᠵᠡᠷᠭᠡ ᠶ᠋ᠢ ᠵᠠᠰᠠᠬᠤ ᠳ᠋ᠤ᠌ ᠬᠡᠷᠡᠭᠯᠡᠨᠡ᠃
ᠬᠢᠲᠠᠳ ᠨᠡᠷᠡ᠄ 马勃 紫色马勃
ᠠᠩᠭ᠌ᠯᠢ ᠨᠡᠷᠡ᠄Caluatia lilacina et. Berk.Lloyd.
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠤᠷᠠᠨᠴᠢᠮᠡᠭ
ᠬᠢᠨᠠᠭᠴᠢ᠄ ᠴᠡᠪᠡᠷᠴᠡᠴᠡᠭ