ᠡᠬᠡᠰᠢᠭ ᠳᠣᠯᠣᠭᠠ -ᠡᠷᠳᠡᠨᠢᠪᠤᠯᠠᠭ Egshig doloo-ErdenebulagЭгшиг долоо-Эрдэнэбулаг
577ᠡᠬᠡᠰᠢᠭ ᠳᠣᠯᠣᠭᠠ
ᠦᠭᠡ᠄ ᠡᠷᠳᠡᠨᠢᠪᠤᠯᠠᠭ
ᠠ— ᠠᠪᠤ ᠳᠡᠭᠡᠳᠦ ᠶ᠋ᠢᠨ ᠨᠤᠲᠤᠭ ᠮᠢᠨᠢ ᠮᠣᠩᠭᠣᠯ
ᠠᠷᠢᠭᠤᠨ ᠰᠠᠢᠬᠠᠨ ᠰᠣᠶᠣᠯ ᠮᠢᠨᠢ ᠮᠣᠩᠭᠣᠯ
ᠠᠲᠠᠷ ᠲᠠᠯᠠ ᠶ᠋ᠢᠨ ᠪᠠᠭᠤᠴᠠ ᠮᠢᠨᠢ ᠮᠣᠩᠭᠣᠯ
ᠠᠰᠬᠠ ᠪᠣᠰᠤᠭᠠ ᠦᠰᠦᠭ ᠮᠢᠨᠢ ᠮᠣᠩᠭᠣᠯ
ᠠ᠋— ᠡᠵᠢ ᠶ᠋ᠢᠨ ᠣᠶᠣᠭᠰᠠᠨ ᠲᠡᠷᠯᠢᠭ ᠮᠢᠨᠢ ᠮᠣᠩᠭᠣᠯ
ᠡᠯᠢᠭᠡᠨ ᠰᠠᠳᠤᠨ ᠲᠥᠷᠥᠯ ᠮᠢᠨᠢ ᠮᠣᠩᠭᠣᠯ
ᠡᠬᠡ ᠪᠠᠢᠭᠠᠯᠢ ᠦᠵᠡᠮᠵᠢ ᠮᠢᠨᠢ ᠮᠣᠩᠭᠣᠯ
ᠡᠭᠡᠵᠡᠭᠡᠢ ᠴᠠᠭᠠᠨ ᠢᠳᠡᠭᠡᠨ ᠮᠢᠨᠢ ᠮᠣᠩᠭᠣᠯ
ᠢ— ᠢᠰᠡᠭᠡᠢ ᠴᠠᠭᠠᠨ ᠥᠷᠥᠭᠡ ᠮᠢᠨᠢ ᠮᠣᠩᠭᠣᠯ
ᠢᠳᠡᠷ ᠬᠦᠴᠦ ᠲᠡᠢ ᠪᠥᠬᠡᠴᠦᠳ ᠮᠢᠨᠢ ᠮᠣᠩᠭᠣᠯ
ᠢᠩᠭᠡᠨ ᠲᠡᠮᠡᠭᠡᠨ ᠦ᠌ ᠪᠤᠢᠯᠠᠭᠠ ᠮᠢᠨᠢ ᠮᠣᠩᠭᠣᠯ
ᠢᠵᠢᠯᠢ ᠵᠠᠶᠠᠭᠠ ᠲᠠᠢ ᠪᠦᠰᠡᠭᠦᠢ ᠮᠢᠨᠢ ᠮᠣᠩᠭᠣᠯ
ᠣ— ᠣᠯᠠᠨ ᠵᠢᠯ ᠦ᠋ᠨ ᠲᠡᠦᠬᠡ ᠮᠢᠨᠢ ᠮᠣᠩᠭᠣᠯ
ᠣᠴᠢ ᠴᠣᠭ ᠲᠠᠢ ᠲᠤᠯᠭᠠ ᠮᠢᠨᠢ ᠮᠣᠩᠭᠣᠯ
ᠣᠲᠣᠷ ᠨᠡᠭᠦᠳᠡᠯ ᠲᠡᠢ ᠵᠠᠩᠰᠢᠯ ᠮᠢᠨᠢ ᠮᠣᠩᠭᠣᠯ
ᠣᠨᠴᠠᠭᠠᠢ ᠭᠣᠶᠣᠯᠠᠯ ᠲᠠᠢ ᠵᠠᠰᠠᠯ ᠮᠢᠨᠢ ᠮᠣᠩᠭᠣᠯ
ᠣ— ᠤᠳᠤᠮ ᠵᠠᠯᠭᠠᠭᠰᠠᠨ ᠦᠨᠳᠦᠰᠦ ᠮᠢᠨᠢ ᠮᠣᠩᠭᠣᠯ
ᠤᠷᠭᠠ ᠲᠤᠯᠤᠭᠰᠠᠨ ᠠᠭᠤᠯᠵᠠᠯᠲᠠ ᠮᠢᠨᠢ ᠮᠣᠩᠭᠣᠯ
ᠤᠷᠤᠭ ᠬᠤᠷᠢᠮ ᠤ᠋ᠨ ᠤᠯᠠᠮᠵᠢᠯᠠᠯ ᠮᠢᠨᠢ ᠮᠣᠩᠭᠣᠯ
ᠤᠶᠠᠩᠭᠠ ᠳᠠᠭᠤᠤ ᠶ᠋ᠢᠨ ᠡᠭᠡᠰᠢᠭ ᠮᠢᠨᠢ ᠮᠣᠩᠭᠣᠯ
ᠦ— ᠥᠩᠭᠡ ᠲᠡᠢ ᠲᠣᠷᠭᠠᠨ ᠬᠠᠳᠠᠭ ᠮᠢᠨᠢ ᠮᠣᠩᠭᠣᠯ
ᠥᠭᠡᠳᠡ ᠪᠡᠯᠭᠡ ᠲᠡᠢ ᠢᠷᠦᠭᠡᠯ ᠮᠢᠨᠢ ᠮᠣᠩᠭᠣᠯ
ᠥᠰᠬᠦ ᠡᠴᠡ ᠰᠤᠷᠤᠭᠰᠠᠨ ᠬᠡᠯᠡ ᠮᠢᠨᠢ ᠮᠣᠩᠭᠣᠯ
ᠥᠨᠢᠷ ᠪᠠᠶᠠᠯᠢᠭ ᠭᠠᠷᠤᠯᠲᠠ ᠮᠢᠨᠢ ᠮᠣᠩᠭᠣᠯ
ᠦ— ᠦᠵᠡᠵᠦ ᠰᠣᠨᠣᠰᠬᠤ ᠨᠣᠮ ᠮᠢᠨᠢ ᠮᠣᠩᠭᠣᠯ
ᠦᠨᠦᠷ ᠬᠠᠩᠬᠤᠯᠤᠭᠠ ᠰᠢᠭᠦᠰᠦ ᠮᠢᠨᠢ ᠮᠣᠩᠭᠣᠯ
ᠦᠨᠡᠨ ᠴᠠᠭᠠᠨ ᠰᠡᠳᠬᠢᠯ ᠮᠢᠨᠢ ᠮᠣᠩᠭᠣᠯ
ᠦᠷᠡ ᠬᠡᠦᠬᠡᠳ ᠬᠣᠢᠴᠢᠰ ᠮᠢᠨᠢ ᠮᠣᠩᠭᠣᠯ
ᠦᠰᠦᠭ ᠠᠮᠢᠯᠠᠭᠤᠯᠤᠭᠰᠠᠨ ᠨᠢ ᠄ ᠴᠢ᠊ · ᠤᠷᠠᠨᠴᠡᠴᠡᠭ