ᠬᠣᠷᠣᠬᠠᠢ ᠮᠥᠭᠥKhorkhoi möögӨХорхой мөөг
163ᠬᠣᠷᠣᠬᠠᠢ ᠮᠥᠭᠥ
ᠲᠤᠰ ᠡᠮ ᠪᠣᠯ ᠪᠤᠭᠤᠳᠠᠢ ᠤᠮᠠᠢ ᠬᠠᠷᠠᠤ ᠶ᠋ᠢᠨ ᠢᠵᠠᠭᠤᠷ ᠤ᠋ᠨ ᠵᠢᠩᠬᠢᠨᠢ ᠮᠥᠭᠥ ᠶ᠋ᠢᠨ ᠰᠫᠣᠷᠲᠦ ᠪᠡᠶᠡ ᠶ᠋ᠢᠨ ᠰᠠᠭᠤᠳᠠᠯ ᠪᠣᠯᠤᠨ ᠮᠥᠯᠵᠢᠭᠳᠡᠭᠴᠢ ᠪᠠᠭᠪᠠᠬᠠᠢ ᠡᠷᠪᠡᠬᠡᠢ ᠶ᠋ᠢᠨ ᠢᠵᠠᠭᠤᠷ ᠤ᠋ᠨ ᠰᠢᠪᠡᠵᠢ ᠶ᠋ᠢᠨ ᠵᠤᠯᠵᠠᠭᠠ ᠬᠣᠷᠣᠬᠠᠢ ᠶ᠋ᠢᠨ ᠦᠬᠦᠳᠡᠯ ᠦ᠋ᠨ ᠨᠡᠢᠯᠡᠮᠡᠯ ᠪᠡᠶᠡ ᠬᠣᠷᠣᠬᠠᠢ ᠮᠥᠭᠥ ᠮᠥᠨ᠃ ᠪᠠᠰᠠ ᠶᠡᠷᠽᠡᠬᠥ᠋ᠨᠪᠦ ᠭᠡᠳᠡᠭ᠃
[ ᠤᠤᠯ ᠤᠷᠭᠤᠮᠠᠯ] ᠭᠠᠭᠴᠠ ᠰᠫᠣᠷ ᠤ᠋ᠨ ᠰᠠᠭᠤᠳᠠᠯ ᠲᠠᠢ᠂ 2~3 ᠪᠠᠷ ᠮᠥᠯᠵᠢᠭᠳᠡᠭᠴᠢ ᠶ᠋ᠢᠨ ᠡᠮᠦᠨᠡ ᠬᠡᠰᠡᠭ ᠡᠴᠡ ᠤᠷᠭᠤᠬᠤ ᠨᠢ ᠬᠣᠪᠣᠷ᠂ ᠪᠦᠬᠦ ᠤᠷᠲᠤ ᠨᠢ 4~11cm᠂ ᠤᠷᠲᠤ ᠰᠢᠳᠡᠮ ᠪᠤᠶᠤ ᠪᠥᠭᠡᠷᠡᠩᠬᠡᠢ ᠪᠠᠭᠠᠨᠠ ᠬᠡᠯᠪᠡᠷᠢ ᠲᠡᠢ᠂ ᠤᠭ ᠨᠢ 0.15~0.4 cm ᠪᠦᠳᠦᠭᠦᠨ᠂ ᠳᠡᠭᠡᠭᠰᠢ ᠪᠡᠨ ᠨᠠᠷᠢᠰᠤᠨᠠ᠃ ᠲᠣᠯᠣᠭᠠᠢ ᠶ᠋ᠢᠨ ᠬᠡᠰᠡᠭ ᠨᠢ ᠪᠥᠭᠡᠷᠡᠩᠬᠡᠢ ᠪᠠᠭᠠᠨᠠ ᠰᠢᠭ᠋᠂ ᠬᠦᠷᠡᠩ ᠥᠩᠭᠡ ᠲᠡᠢ᠂ ᠡᠬᠢᠨ ᠳ᠋ᠡᠭᠡᠨ ᠳᠣᠲᠣᠷᠠ ᠨᠢ ᠳᠦᠭᠦᠷᠡᠩ᠂ ᠰᠡᠭᠦᠯ ᠳ᠋ᠡᠭᠡᠨ ᠬᠥᠨᠳᠡᠢ ᠪᠣᠯᠳᠠᠭ᠃ 1~4.5cm ᠤᠷᠲᠤ᠂0.25~0.6cm ᠪᠦᠳᠦᠭᠦᠨ᠃ ᠭᠠᠳᠠᠷᠭᠤ ᠣᠢᠷᠠᠲᠤᠭᠠᠳ ᠰᠫᠣᠷ ᠤ᠋ᠨ ᠤᠭᠤᠲᠠ ᠶ᠋ᠢᠨ ᠬᠠᠯᠢᠰᠤ ᠲᠠᠢ᠂ ᠤᠭ ᠨᠢ ᠰᠫᠣᠷ ᠤ᠋ᠨ ᠰᠠᠭᠤᠳᠠᠯ ᠳ᠋ᠤ᠌ ᠵᠢᠭᠠᠬᠠᠨ ᠰᠢᠭᠢᠳᠦᠨ ᠣᠷᠣᠭᠰᠠᠨ ᠪᠠᠢᠳᠠᠭ᠃ ᠵᠤᠤᠪᠠᠩ ᠠ᠋ᠴᠠ ᠥᠨᠳᠡᠭᠡᠯᠵᠢᠨ ᠬᠡᠯᠪᠡᠷᠢ ᠲᠡᠢ᠂ ᠰᠫᠣᠷ ᠤ᠋ᠨ ᠤᠭᠤᠲᠠ ᠨᠢ ᠨᠠᠷᠢᠨ ᠤᠷᠲᠤ᠂ 2 ᠰᠫᠣᠷᠲᠦ ᠪᠡᠶᠡ ᠲᠡᠢ᠂ ᠤᠷᠲᠤ ᠤᠲᠠᠰᠤᠨ ᠬᠡᠯᠪᠡᠷᠢ ᠲᠡᠢ᠂ ᠣᠯᠠᠨ ᠬᠥᠨᠳᠡᠯᠡᠨ ᠥᠷᠥᠴᠡ ᠲᠡᠢ᠂ ᠲᠠᠰᠤᠷᠠᠯ ᠦᠭᠡᠢ ᠰᠠᠯᠵᠤ ᠵᠢᠵᠢᠭ ᠬᠡᠰᠡᠭ ᠪᠣᠯᠳᠠᠭ᠃ ᠪᠠᠷᠢᠭᠤᠯ ᠤ᠋ᠨ ᠤᠭ ᠨᠢ ᠰᠢᠷᠣᠢ ᠳ᠋ᠤ᠌ ᠪᠤᠯᠠᠭᠳᠠᠵᠤ᠂ ᠨᠢᠯᠬᠠ ᠰᠢᠪᠠᠵᠢ ᠶ᠋ᠢᠨ ᠲᠣᠯᠣᠭᠠᠢ ᠲᠠᠢ ᠵᠠᠯᠭᠠᠵᠤ ᠪᠠᠢᠳᠠᠭ᠃ ᠨᠢᠯᠬᠠ ᠰᠢᠪᠠᠵᠢ ᠨᠢ ᠭᠦᠨ ᠰᠢᠷᠠ ᠥᠩᠭᠡ ᠲᠡᠢ᠃ ᠨᠠᠷᠢᠨ ᠤᠷᠲᠤ ᠪᠥᠭᠡᠷᠡᠩᠬᠡᠢ ᠪᠠᠭᠠᠨᠠ ᠬᠡᠯᠪᠡᠷᠢ ᠲᠡᠢ᠂3~5cm ᠤᠷᠲᠤ᠂ ᠬᠡᠪᠡᠯᠢ ᠶ᠋ᠢᠨ ᠬᠡᠰᠡᠭ ᠲᠤᠨᠢ 8 ᠬᠣᠣᠰ ᠬᠥᠯ ᠲᠡᠢ᠃ ᠬᠡᠯᠪᠡᠷᠢ ᠨᠢ ᠬᠦᠷᠢ ᠬᠣᠷᠣᠬᠠᠢ ᠲᠠᠢ ᠲᠥᠰᠦᠭᠡᠲᠡᠢ᠃
[ ᠤᠷᠭᠤᠬᠤ ᠣᠷᠴᠢᠨ ᠬᠢᠭᠡᠳ ᠲᠠᠷᠬᠠᠴᠠ] ᠪᠠᠭᠪᠠᠬᠠᠢ ᠡᠷᠪᠡᠬᠡᠢ ᠶ᠋ᠢᠨ ᠢᠵᠠᠭᠤᠷ ᠤ᠋ᠨ ᠰᠢᠪᠡᠵᠢ ᠶᠡᠷᠦ ᠳ᠋ᠡᠭᠡᠨ ᠳᠠᠯᠠᠢ ᠶ᠋ᠢᠨ ᠲᠦᠪᠰᠢᠨ ᠡᠴᠡ 4000m ᠠ᠋ᠴᠠ ᠳᠡᠭᠡᠭᠰᠢᠬᠢ ᠲᠠᠭ ᠤ᠋ᠨ ᠪᠡᠯᠴᠢᠭᠡᠷ ᠲᠦ᠍ ᠬᠠᠷᠠᠭᠳᠠᠳᠠᠭ᠃ ᠱᠠᠨ ᠰᠢ᠂ ᠵᠧᠵᠢᠶᠠᠩ᠂ ᠬᠤᠪᠧᠢ᠂ ᠭᠠᠨᠰᠦ᠂ ᠬᠥᠬᠡᠨᠠᠭᠤᠷ᠂ ᠰᠧᠴᠤᠸᠠᠨ᠂ ᠭᠦᠢᠵᠧᠦ᠂ ᠶᠦᠨᠨᠠᠨ᠂ ᠲᠥᠪᠡᠳ ᠲᠦ᠍ ᠲᠠᠷᠬᠠᠴᠠ ᠲᠠᠢ᠃
[ ᠲᠡᠭᠦᠵᠦ ᠪᠣᠯᠪᠠᠰᠤᠷᠠᠭᠤᠯᠬᠤ] ᠵᠤᠨ ᠤ᠋ ᠡᠬᠢᠨ ᠳ᠋ᠦ᠍ ᠰᠫᠣᠷ ᠤ᠋ᠨ ᠰᠠᠭᠤᠳᠠᠯ ᠨᠢ ᠬᠥᠷᠥᠰᠥᠨ ᠡᠴᠡ ᠴᠤᠬᠤᠢᠨᠠ᠂ ᠰᠫᠣᠷ ᠨᠢ ᠰᠠᠷᠨᠢᠬᠤ ᠠ᠋ᠴᠠ ᠡᠮᠦᠨᠡ ᠮᠠᠯᠲᠠᠨ ᠠᠪᠴᠤ᠂ 6~7 ᠬᠤᠪᠢ ᠨᠠᠷᠠᠨ ᠳ᠋ᠤ᠌ ᠬᠠᠲᠠᠭᠠᠭᠠᠳ᠂ ᠰᠢᠷᠬᠡᠭᠯᠢᠭ ᠮᠠᠶᠢᠭ ᠤ᠋ᠨ ᠳᠠᠭᠠᠯᠳᠤᠪᠤᠷᠢ ᠡᠳ᠋ ᠬᠢᠭᠡᠳ ᠬᠣᠯᠢᠴᠠ ᠶ᠋ᠢ ᠨᠢ ᠠᠷᠢᠯᠭᠠᠭᠠᠳ ᠭᠦᠢᠴᠡᠳ ᠬᠠᠲᠠᠭᠠᠨᠠ᠃
[ ᠠᠮᠲᠠ᠂ ᠴᠢᠨᠠᠷ᠂ ᠡᠷᠳᠡᠮ] ᠠᠮᠲᠠᠯᠢᠭ ᠠᠮᠲᠠ ᠲᠠᠢ; ᠪᠦᠯᠢᠶᠡᠨ ᠴᠢᠨᠠᠷ ᠲᠠᠢ᠃
[ ᠴᠢᠳᠠᠯ ᠪᠠ ᠭᠣᠣᠯᠳᠠᠭᠤ ᠵᠠᠰᠠᠬᠤ] ᠳᠤᠰᠤᠯ᠂ ᠴᠢᠰᠤ ᠴᠤᠪᠤᠷᠠᠬᠤ ᠶ᠋ᠢ ᠵᠣᠭᠰᠣᠭᠠᠬᠤ᠂ ᠳᠤᠰᠤᠯ ᠢ᠋ ᠰᠡᠯᠪᠢᠬᠦ᠂ ᠠᠭᠤᠰᠬᠢ ᠶ᠋ᠢ ᠰᠢᠮᠡᠵᠢᠭᠦᠯᠬᠦ᠂ ᠴᠠᠷ ᠢ᠋ ᠠᠷᠢᠯᠭᠠᠬᠤ ᠴᠢᠳᠠᠯ ᠲᠠᠢ᠃ ᠭᠣᠣᠯᠳᠠᠭᠤ ᠡᠷᠡ ᠪᠡᠯᠭᠡ ᠰᠤᠯᠠᠷᠠᠬᠤ᠂ ᠳᠤᠰᠤᠯ ᠴᠤᠪᠤᠷᠠᠬᠤ᠂ ᠰᠠᠷᠠ ᠶ᠋ᠢᠨ ᠭᠬᠢᠷ ᠴᠤᠪᠤᠷᠠᠬᠤ᠂ ᠬᠥᠯ ᠨᠢᠷᠤᠭᠤ ᠡᠪᠡᠳᠬᠦ᠂ ᠠᠷᠬᠠᠭ ᠬᠠᠨᠢᠶᠠᠳᠤ᠂ ᠠᠮᠢᠰᠬᠤᠭᠠᠳᠠᠬᠤ ᠵᠡᠷᠭᠡ ᠶ᠋ᠢ ᠵᠠᠰᠠᠬᠤ ᠳ᠋ᠤ᠌ ᠬᠡᠷᠡᠭᠯᠡᠨᠡ᠃
ᠬᠢᠲᠠᠳ ᠨᠡᠷᠡ᠄冬虫夏草
ᠠᠩᠭ᠌ᠯᠢ ᠨᠡᠷᠡ᠄Cordyceps sinensis (Berk.) Sacc.
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠡᠷᠳᠡᠨᠢᠭᠣᠸᠠ
ᠬᠢᠨᠠᠭᠴᠢ᠄ ᠴᠡᠪᠡᠷᠴᠡᠴᠡᠭ