ᠡᠷᠡ ᠨᠢᠯᠪᠤᠰᠤ - ᠲ· ᠪᠠᠲᠤᠰᠠᠭᠤᠷᠢ Эр нулимс - Т· Батсуурь
369ᠡᠷᠡ ᠨᠢᠯᠪᠤᠰᠤ
ᠲ· ᠪᠠᠲᠤᠰᠠᠭᠤᠷᠢ
ᠠᠭᠤᠯᠠ ᠰᠢᠭ᠋ ᠡᠷᠡ ᠬᠥᠮᠦᠨ ᠦ᠌ ᠤᠬᠢᠯᠠᠵᠤ ᠪᠠᠢᠬᠤ ᠶ᠋ᠢ ᠨᠢ ᠦᠵᠡᠯᠡ
ᠤᠬᠢᠯᠠᠬᠤ ᠤᠬᠢᠯᠠᠬᠤ ᠳ᠋ᠠᠭᠠᠨ ᠪᠦᠷ ᠠᠰᠬᠠᠷᠠᠬᠤ ᠶᠤᠮ ᠪᠢᠯᠡ
ᠠᠭᠤᠯᠠ ᠬᠠᠭᠠᠷᠠᠵᠤ ᠤᠰᠤ ᠪᠣᠯᠬᠤ ᠶ᠋ᠢᠨ ᠴᠠᠭ ᠲᠤ
ᠠᠭᠤᠳᠠᠮ ᠣᠷᠴᠢᠯᠠᠩ ᠮᠠᠨᠠᠨ ᠲᠠᠲᠠᠵᠤ ᠠᠨᠢᠷᠯᠠᠳᠠᠭ ᠶᠤᠮ
ᠠᠰᠬᠠ ᠲᠠᠢ ᠬᠠᠳᠠ ᠰᠢᠭ᠋ ᠡᠷᠡ ᠬᠥᠮᠦᠨ ᠦ᠌
ᠤᠬᠢᠯᠠᠵᠤ ᠰᠠᠭᠤᠬᠤ ᠶ᠋ᠢ ᠨᠢ ᠦᠵᠡᠬᠦ ᠳ᠋ᠦ᠍
ᠠᠮᠢᠳᠤᠷᠠᠯ ᠴᠢᠮᠠᠶ᠋ᠢ ᠶᠠᠭᠤᠲᠠᠢ ᠤᠶᠠᠬᠠᠨ ᠪᠣᠯᠬᠤ ᠶ᠋ᠢ ᠮᠡᠳᠡᠯᠡ
ᠠᠶᠠᠭᠠᠨ ᠳ᠋ᠠᠭᠠᠨ ᠳᠦᠭᠦᠷᠦᠭᠰᠡᠨ ᠨᠢᠯᠪᠤᠰᠤ ᠪᠠᠨ
ᠬᠥᠮᠦᠨ ᠳ᠋ᠦ᠍ ᠦᠵᠡᠭᠦᠯᠬᠦ ᠦᠭᠡᠢ ᠶ᠋ᠢ ᠬᠢᠴᠢᠶᠡᠵᠦ
ᠠᠯᠤᠰ ᠬᠣᠯᠠ ᠶ᠋ᠢ ᠬᠠᠷᠠᠨ ᠠᠯᠠᠭᠠᠨ ᠳ᠋ᠠᠭᠠᠨ ᠰᠢᠩᠭᠡᠭᠡᠳᠡᠭ ᠶᠦᠮ ᠪᠢᠯᠡ
ᠢᠵᠢᠢ ᠪᠡᠨ ᠶᠠᠷᠢᠬᠤ ᠳ᠋ᠠᠭᠠᠨ ᠡᠷᠡ ᠨᠢᠯᠪᠤᠰᠤ ᠨᠢᠭᠡ ᠤᠨᠠᠳᠠᠭ
ᠡᠴᠢᠭᠡ ᠶ᠋ᠢ ᠪᠡᠨ ᠳᠤᠷᠠᠰᠬᠤ ᠳ᠋ᠠᠭᠠᠨ ᠡᠷᠡ ᠨᠢᠯᠪᠤᠰᠤ ᠨᠢᠭᠡ ᠲᠤᠨᠤᠳᠠᠭ
ᠡᠭᠦᠯᠡ ᠠᠳᠠᠯᠢ ᠬᠤᠷᠠᠯᠳᠤᠵᠤ ᠪᠠᠢᠭᠠᠳ ᠦᠨᠡᠨ ᠳᠡᠭᠡᠷᠡ ᠤᠨᠠᠳᠠᠭ
ᠡᠷᠡ ᠨᠢᠯᠪᠤᠰᠤ
ᠬᠠᠳᠠ ᠰᠠᠭᠤᠭᠰᠠᠨ ᠡᠷᠡ ᠬᠥᠮᠦᠨ
ᠡᠯᠴᠢ ᠰᠢᠭ ᠶᠠᠪᠤᠬᠤ ᠶ᠋ᠢᠨ ᠴᠠᠭ ᠲᠤ
ᠬᠠᠭᠠᠴᠠᠬᠤ ᠶ᠋ᠢᠨ ᠴᠠᠭ ᠲᠤ ᠣᠢᠴᠢᠳᠠᠭ
ᠡᠷᠡ ᠨᠢᠯᠪᠤᠰᠤ ᠠ᠋
《ᠥᠪᠡᠷ ᠢ᠋ᠶ᠋ᠡᠨ ᠣᠢᠴᠢᠭᠰᠠᠨ ᠬᠡᠦᠬᠡᠳ ᠢ᠋ ᠤᠬᠢᠯᠠᠳᠠᠭ ᠦᠭᠡᠢ》ᠯᠡ ᠭᠡᠬᠦ ᠶᠦᠮ
ᠡᠪᠦᠳᠦᠭ ᠨᠢ ᠰᠢᠯᠪᠤᠷᠠᠭᠰᠠᠨ ᠬᠣᠢᠨᠠ ᠤᠬᠢᠯᠠᠵᠤ ᠪᠠᠢᠭ ᠠ᠋ ᠬᠥᠭᠡᠷᠦᠬᠦᠢ
《ᠡᠷᠡ ᠬᠥᠮᠦᠨ ᠬᠡᠵᠢᠶᠡ ᠤᠬᠢᠯᠠᠵᠤ ᠪᠠᠢᠯᠠ》 ᠭᠡᠬᠦ ᠶᠦᠮ
ᠡᠬᠡ ᠡᠴᠡ ᠲᠥᠷᠥᠭᠰᠡᠨ ᠶᠦᠮ ᠴᠢᠨᠢ
ᠨᠢᠯᠪᠤᠰᠤ ᠲᠠᠢ ᠪᠠᠢᠯᠭᠦᠢ ᠳᠡ ᠬᠥᠭᠡᠷᠦᠬᠦᠢ
ᠤᠬᠢᠯᠠᠮᠠᠷ ᠳᠠᠭᠤᠯᠠᠮᠠᠷ ᠣᠷᠴᠢᠯᠠᠩ ᠠ᠋ᠴᠠ
ᠭᠣᠮᠣᠳᠠᠯ ᠨᠡᠬᠡᠳᠡᠭ ᠦᠭᠡᠢ ᠪᠣᠯᠬᠣᠷ
ᠤᠨᠠᠭᠰᠠᠨ ᠨᠢᠯᠪᠤᠰᠤ ᠪᠣᠯᠭᠠᠨ ᠨᠢ
ᠦᠨᠡᠨ ᠦ᠌ ᠬᠢ ᠪᠠᠢᠳᠠᠭ ᠶᠤᠮ ᠪᠣᠯ ᠤᠤ?
ᠦᠨᠡᠨ ᠢ᠋ᠶ᠋ᠡᠷ ᠤᠨᠤᠭᠠ ᠬᠢᠵᠦ
ᠬᠤᠳᠠᠯ ᠢ᠋ ᠭᠦᠢᠴᠡᠭᠰᠡᠨ ᠶᠦᠮ ᠪᠣᠯᠬᠣᠷ
ᠤᠬᠢᠯᠠᠬᠤ ᠨᠢᠯᠪᠤᠰᠤ ᠪᠣᠯᠭᠠᠨ ᠨᠢ
ᠦᠨᠡᠲᠡᠢ ᠪᠠᠢᠳᠠᠭ ᠶᠤᠮ ᠪᠣᠯ ᠤᠤ ᠳᠠ
ᠬᠣᠷᠸᠠ ᠳᠡᠭᠡᠷᠡ ᠬᠣᠪᠣᠷᠬᠠᠨ
ᠡᠷᠡ ᠨᠢᠯᠪᠤᠰᠤ ᠶ᠋ᠢ ᠦᠵᠡᠪᠡᠯ
ᠲᠠ ᠬᠠᠷᠢᠨ
ᠬᠣᠪ ᠪᠣᠯᠭᠠᠵᠤ
ᠬᠥᠮᠦᠨ ᠳ᠋ᠦ᠍ ᠪᠢᠲᠡᠭᠡᠢ ᠬᠡᠯᠡᠭᠡᠷᠡᠢ
ᠥᠪᠡᠷ ᠦ᠋ᠨ ᠴᠢᠨᠢ ᠡᠮᠦᠨᠡ ᠴᠦ᠍ ᠤᠨᠠᠵᠤ ᠪᠠᠢᠵᠤ ᠮᠡᠳᠡᠬᠦ
ᠦᠷᠦ ᠨᠢᠮᠭᠡᠨ ᠪᠠᠢᠳᠠᠭ ᠶᠤᠮ᠂
ᠡᠷᠡ ᠨᠢᠯᠪᠤᠰᠤ ᠠ᠋ ᠭᠡᠵᠦ᠁
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠡᠩᠬᠡᠪᠠᠲᠤ
ᠦᠰᠦᠭ ᠬᠢᠨᠠᠭᠴᠢ᠄ ᠪᠠᠶᠠᠷᠴᠡᠴᠡᠭ