ᠴᠢᠩᠭᠢᠰ ᠬᠠᠭᠠᠨ ᠤ᠋ ᠮᠠᠭᠲᠠᠭᠠᠯChingis khaany magtaalЧингис хааны магтаал
1024ᠴᠢᠩᠭᠢᠰ ᠬᠠᠭᠠᠨ ᠤ᠋ ᠮᠠᠭᠲᠠᠭᠠᠯ
ᠬᠥᠷᠥᠰᠥ ᠳ᠋ᠦ᠍ ᠡᠬᠡ ᠳᠡᠯᠡᠬᠡᠢ ᠲᠡᠷᠡ ᠦᠶᠡ ᠳ᠋ᠦ᠍
ᠬᠥᠷᠪᠡᠨ ᠤᠷᠪᠠᠵᠤ ᠪᠠᠢᠵᠤ ᠭᠡᠨᠡ
ᠬᠥᠮᠦᠨ ᠠᠮᠢᠲᠠᠨ ᠲᠡᠷᠡ ᠦᠶᠡ ᠳ᠋ᠦ᠍
ᠬᠥᠨᠥᠭᠡᠯᠲᠡᠨ ᠲᠡᠮᠡᠴᠡᠯᠳᠦᠵᠦ ᠪᠠᠢᠵᠤ
ᠣᠯᠠᠨ ᠤᠯᠤᠰ ᠲᠡᠷᠡ ᠦᠶᠡ ᠳ᠋ᠦ᠍
ᠣᠯᠵᠠᠯᠠᠨ ᠪᠤᠯᠢᠶᠠᠯᠴᠠᠯᠳᠤᠵᠤ ᠪᠠᠢᠵᠤ ᠭᠡᠨᠡ
ᠣᠷᠣᠨ ᠳ᠋ᠤ᠌ ᠪᠠᠨ ᠤᠨᠲᠠᠬᠤ ᠵᠠᠪ ᠦᠭᠡᠢ
ᠣᠷᠣᠯᠢᠯᠳᠤᠨ ᠲᠡᠮᠡᠴᠡᠯᠳᠦᠵᠦ ᠶᠠᠪᠤᠵᠠᠢ
ᠡᠷᠡ ᠭᠠᠩᠭᠠᠨ ᠨᠤᠷᠠᠵᠤ
ᠡᠯᠴᠢ ᠳ᠋ᠦ᠍ ᠮᠥᠷᠡᠨ ᠨᠢ ᠬᠠᠯᠢᠵᠤ
ᠡᠩᠲᠦᠭᠡᠬᠦ ᠠᠭᠤᠯᠠᠰ ᠨᠢ ᠨᠤᠷᠠᠭᠰᠠᠨ
ᠲᠡᠷᠲᠡᠭᠡᠬᠢ ᠡᠭᠦᠯᠡᠰ ᠨᠢ ᠨᠡᠭᠦᠭᠰᠡᠨ
ᠡᠢᠮᠦ ᠨᠢᠭᠡᠨ ᠴᠠᠭ ᠲᠤ᠌
ᠶᠡᠬᠡ ᠡᠵᠡᠨ ᠪᠣᠭᠳᠠ
ᠴᠢᠩᠭᠢᠰ ᠬᠠᠭᠠᠨ ᠲᠥᠷᠥᠭᠰᠡᠨ ᠶᠦᠮ ᠭᠡᠳᠡᠭ
ᠳᠡᠯᠭᠡᠷ ᠴᠠᠭᠠᠨ ᠣᠨᠣᠨ ᠤ ᠪᠠᠨ
ᠳᠡᠯᠢᠭᠦᠨ ᠪᠣᠯᠳᠣᠭ ᠨᠤᠲᠤᠭ ᠲᠤ᠌
ᠬᠠᠷᠠ ᠮᠣᠷᠢᠨ ᠵᠢᠯ ᠦ᠋ᠨ ᠢ᠋ᠶ᠋ᠡᠨ
ᠬᠠᠪᠤᠷ ᠤ᠋ᠨ ᠲᠡᠷᠢᠭᠦᠨ ᠰᠠᠷᠠ ᠳ᠋ᠤ᠌ ᠨᠢ ᠬᠦ
ᠠᠷᠪᠠᠨ ᠵᠢᠷᠭᠤᠭᠠᠨ ᠬᠡᠮᠡᠬᠦ ᠤᠯᠠᠭᠠᠨ ᠲᠡᠷᠭᠡᠯ ᠡᠳᠦᠷ
ᠡᠳᠦᠷ ᠳᠤᠮᠳᠠ ᠴᠠᠭ ᠲᠤ᠌ ᠯᠠ ᠡᠵᠡᠨ ᠴᠢᠩᠭᠢᠰ ᠬᠠᠭᠠᠨ ᠲᠥᠷᠥᠬᠦ ᠳ᠋ᠦ᠍ ᠪᠡᠨ
ᠱᠠᠭᠠ ᠶ᠋ᠢᠨ ᠴᠢᠨᠡᠭᠡᠨ ᠨᠥᠵᠢ ᠶ᠋ᠢ ᠪᠠᠷᠠᠭᠤᠨ ᠭᠠᠷ ᠲᠤ᠌ ᠪᠠᠨ ᠠᠳᠬᠤᠵᠤ
ᠪᠠᠷᠰ ᠤ᠋ᠨ ᠴᠢᠨᠡᠭᠡ ᠪᠠᠷᠬᠢᠷᠠᠯᠲᠠ ᠪᠠᠷ ᠢ᠋ᠶ᠋ᠠᠨ
ᠪᠠᠷᠠᠭᠠᠨ ᠥᠳᠬᠡᠨ ᠳ᠋ᠦ᠍ ᠤᠨᠠᠬᠤ ᠳ᠋ᠤ᠌ ᠪᠠᠨ
ᠰᠢᠷᠠ ᠰᠣᠯᠣᠩᠭᠠ ᠲᠩᠷᠢ ᠳ᠋ᠦ᠍ ᠪᠡᠨ ᠭᠡᠭᠡ ᠡᠳᠦᠷ ᠢ᠋ᠶ᠋ᠡᠨ ᠲᠠᠲᠠᠭᠤᠯᠵᠤ
ᠰᠢᠷᠭᠠᠯ ᠨᠠᠷᠠᠨ ᠤ᠋ ᠲᠤᠶᠠᠭᠠ ᠶ᠋ᠢ ᠭᠡᠷ ᠲᠦ᠍ ᠪᠡᠨ ᠭᠡᠢᠭᠦᠯᠵᠦ ᠪᠠᠢᠵᠠᠢ᠃
ᠳᠣᠯᠣᠭᠠ ᠬᠣᠨᠣᠭ ᠤ᠋ᠨ ᠬᠣᠢᠬᠠᠨᠠ ᠲᠠᠢ
ᠬᠠᠷᠴᠠᠭᠠ ᠰᠢᠪᠠᠭᠤ ᠢᠷᠡᠭᠡᠳ ᠡᠷᠦᠬᠡ ᠨᠢ ᠳᠡᠭᠡᠷᠡ ᠨᠢ ᠰᠠᠭᠤᠭᠠᠳ
ᠲᠡᠮᠦᠵᠢᠨ ᠲᠡᠮᠦᠵᠢᠨ ᠭᠡᠵᠦ ᠳᠣᠩᠭᠣᠳᠴᠠᠢ᠃
ᠡᠨᠡ ᠯᠡ ᠪᠡᠯᠭᠡᠲᠦ ᠨᠡᠷᠡ ᠪᠡᠷ ᠨᠢ
ᠡᠴᠢᠭᠡ ᠶᠡᠰᠦᠭᠡᠢ ᠪᠡᠯᠭᠡᠳᠡᠵᠦ
ᠡᠷᠬᠡᠲᠦ ᠴᠢᠩᠭᠢᠰ ᠭᠡᠰᠡᠨ ᠢ᠋ᠶ᠋ᠡᠷ ᠨᠢ
ᠡᠨᠡᠬᠡᠨ ᠳᠡᠯᠡᠬᠡᠢ ᠳ᠋ᠦ᠍ ᠠᠯᠳᠠᠷᠰᠢᠵᠠᠢ᠃
ᠳᠡᠭᠡᠳᠦᠰ ᠦ᠋ᠨ ᠣᠶᠤᠨ ᠤᠬᠠᠭᠠᠨ ᠢ᠋ᠶ᠋ᠠᠷ
ᠳᠡᠯᠡᠬᠡᠢ ᠶ᠋ᠢᠨ ᠲᠠᠯᠠ ᠶ᠋ᠢ ᠠᠪᠴᠤ ᠭᠡᠨᠡ
ᠮᠣᠬᠣᠰᠢ ᠦᠭᠡᠢ ᠣᠶᠤᠨ ᠤᠬᠠᠭᠠᠨ ᠢ᠋ᠶ᠋ᠠᠷ
ᠮᠣᠩᠭᠣᠯ ᠣᠷᠣᠨ ᠢ᠋ᠶ᠋ᠠᠨ ᠮᠠᠨᠳᠤᠭᠤᠯᠵᠤ ᠭᠡᠨᠡ
ᠠᠷᠭᠠ ᠤᠬᠠᠭᠠᠨ ᠬᠣᠶᠠᠷ ᠢ᠋ᠶ᠋ᠠᠷ ᠢ᠋ᠶ᠋ᠠᠨ
ᠠᠭᠠᠳᠠᠷ ᠪᠣᠷᠣᠭᠠ ᠰᠢᠭ᠋ ᠨᠥᠮᠥᠷᠦᠭᠰᠡᠨ
ᠠᠵᠠ ᠬᠡᠢᠮᠣᠷᠢ ᠭᠡᠳᠡᠭ ᠴᠢᠨᠢ
ᠤᠷᠢᠬᠠᠨ ᠰᠠᠯᠬᠢ ᠰᠢᠭ᠋ ᠳᠠᠭᠤᠳᠠᠵᠤ ᠭᠡᠨᠡ
ᠬᠠᠩᠭᠠᠯ ᠮᠣᠷᠢᠨ ᠤ᠋ ᠵᠣᠭᠣᠨ ᠳᠡᠭᠡᠷᠡ
ᠬᠠᠳᠠᠨ ᠳᠥᠷᠥᠭᠡ ᠮᠤᠯᠲᠤᠯᠤᠭᠠ ᠦᠭᠡᠢ
ᠬᠠᠮᠤᠭ ᠮᠣᠩᠭᠣᠯ ᠣᠷᠣᠨ ᠢ᠋ᠶ᠋ᠠᠨ
ᠬᠠᠷᠢ ᠶ᠋ᠢᠨ ᠳᠠᠢᠰᠤᠨ ᠳ᠋ᠤ᠌ ᠠᠯᠳᠠᠭᠠ ᠦᠭᠡᠢ ᠠ᠋
ᠲᠥᠭᠡᠷᠭᠡ ᠵᠠᠶᠠᠭᠠ ᠲᠡᠭᠰᠢᠷᠡᠵᠦ ᠭᠡᠨᠡ
ᠲᠥᠷᠥ ᠤᠯᠤᠰ ᠢ᠋ᠶ᠋ᠠᠨ ᠮᠠᠨᠳᠤᠭᠤᠯᠵᠤ ᠭᠡᠨᠡ
ᠲᠡᠦᠬᠡ ᠱᠠᠰᠲᠢᠷ ᠢ᠋ᠶ᠋ᠠᠨ ᠳᠠᠷᠬᠠᠯᠠᠵᠤ ᠭᠡᠨᠡ
ᠲᠦᠮᠡᠨ ᠣᠯᠠᠨ ᠢ᠋ᠶ᠋ᠠᠨ ᠵᠢᠷᠭᠠᠭᠤᠯᠵᠤ ᠭᠡᠨᠡ ᠳᠡ ᠬᠦ
ᠬᠥᠯᠥᠭ ᠮᠣᠷᠢᠨ ᠤ᠋ ᠵᠣᠭᠣᠨ ᠳᠡᠭᠡᠷᠡ
ᠬᠦᠩ ᠳ᠋ᠦ᠍ ᠵᠡᠪᠰᠡᠭ ᠠᠭᠰᠠᠵᠤ
ᠬᠥᠨᠳᠡᠢ ᠳᠠᠯᠠᠢ ᠶᠢ ᠪᠦᠷᠬᠦᠵᠦ
ᠬᠥᠪᠴᠢ ᠶ᠋ᠢᠨ ᠠᠭᠤᠯᠠ ᠶ᠋ᠢ ᠠᠷᠭᠠᠳᠠᠵᠤ
ᠠᠷᠤ ᠠᠭᠤᠯᠠ ᠰᠢᠭ᠋ ᠨᠥᠮᠥᠷᠢᠯᠡᠭᠰᠡᠨ
ᠪᠠᠭᠠᠲᠤᠷ ᠴᠡᠷᠢᠭ ᠢ᠋ ᠪᠡᠨ ᠭᠠᠷᠳᠠᠵᠤ
ᠮᠠᠩᠨᠠᠢᠳᠠᠵᠤ ᠭᠠᠷᠴᠤ ᠭᠡᠨᠡ
ᠮᠠᠩᠯᠠᠢᠯᠠᠨ ᠶᠠᠪᠤᠵᠤ ᠭᠡᠨᠡ
ᠬᠣᠲᠠᠨ ᠳᠡᠯᠡᠬᠡᠢ ᠳ᠋ᠦ᠍ ᠴᠠᠷᠠ ᠲᠠᠢ
ᠬᠠᠮᠤᠭ ᠮᠣᠩᠭᠣᠯ ᠲᠠ ᠨᠡᠷᠡᠲᠦ ᠪᠡᠨ
ᠬᠠᠭᠠᠨ ᠴᠢᠩᠭᠢᠰ ᠦ᠋ᠨ ᠢ᠋ᠶ᠋ᠡᠨ ᠲᠤᠬᠠᠢ
ᠬᠠᠭᠤᠷᠲᠠᠵᠤ ᠬᠡᠯᠡᠬᠦ ᠦᠭᠡ ᠡᠨᠡ ᠪᠢᠯᠡ
Хөрст эх дэлхий тэр үед
Хөрвөн урваж байж гэнэ
Хүмүүн амьтан тэр үед
Хөнөөлдөн тэмцэлдэж байж
Олон улс тэр үед
Олзлон булаацалдаж байж гэнэ
Орондоо унтах завгүй
Орлилдон тэмцэлдэж явжээ
Эр ганган нурж
Элчид мөрөн нь хальж
Энтээх уулс нь нурсан
Тэртээх үүлс нь нүүсэн
Ийм нэгэн цагт
Их эзэн богд
Чингис хаан төрсөн юм гэдэг
Дэлгэр цагаан Ононгийнхоо
Дэлүүн болдог нутагт
Хар морин жилийнхээ
Хаврын тэргүүн сард нь хө
Арван зургаан хэмээх улаан тэргэл өдөр
Өдөр дунд цагт л Эзэн Чингис хаан төрөхдөө
Шагайн чинээ нөжийг баруун гартаа атгаж
Барын чинээ бархиралтаараа
Бараан өтгөнд унахдаа
Шар солонго тэнгэртээ гэгээ өдрөө татуулж
Шаргал нарны туяаг гэртээ гийгүүлж байжээ.
Долоо хоногийн хойхнотой
Харцага шувуу ирээд өрх нь дээр нь суугаад
Тэмүүжин Тэмүүжин гэж донгоджээ.
Энэ л бэлгэт нэрээр нь
Эцэг Есүхэй бэлгэдэж
Эрхт Чингис гэснээр нь
Энэхэн Дэлхийд алдаршжээ.
Дээдсийн оюун ухаанаар
Дэлхийн талыг авч гэнэ
Мохошгүй оюун ухаанаар
Монгол орноо мандуулж гэнэ
Арга ухаан хоёроороо
Аадар бороо шиг нөмөрсөн
Аз хийморь гэдэг чинь
Урьхан салхи шиг дуудаж гэнэ
Хангал морины зоон дээр
Хатан дөрөө мултлаагүй
Хамаг Монгол орноо
Харийн дайсанд алдаагүй ээ
Төөрөг заяа тэгширч гэнэ
Төр улсаа мандуулж гэнэ
Түүх шастираа дархалж гэнэ
Түмэн олноо жаргуулж гэнэ дээ хө
Хүлэг морины зоон дээр
Хүнд зэвсэг агсаж
Хөндий талийг бүрхэж
Хөвчийн уулыг аргадаж
Ар уул шиг нөмөрлөсөн
Баатар цэргийгээ гардаж
Магнайдаж гарч гэнэ
Манлайлан явж гэнэ
Хотон дэлхийд цартай
Хамаг монгол та нартаа
Хаан чингисийнхээ тухай
Хуурдаж хэлэх үг энэ билээ