ᠭᠠᠯᠪᠠ ᠡᠷᠢᠨ ᠦ ᠵᠦᠩᠴᠢ - ᠸᠠᠴᠢᠷᠪᠠᠲᠤ ᠶ᠋ᠢᠨ ᠳᠠᠰᠢᠪᠠᠯᠪᠠᠷ Галав эриний зөнч - Очирбатын Дашбалбар
210ᠭᠠᠯᠪᠠ ᠡᠷᠢᠨ ᠦ ᠵᠦᠩᠴᠢ
ᠳᠣᠯᠣᠳᠤᠭᠠᠷ ᠰᠠᠷᠠ ᠶ᠋ᠢᠨ ᠴᠠᠳᠬᠤᠯᠠᠩ ᠡᠳᠦᠷ ᠦ᠋ᠳ ᠲᠦ᠍ ᠪᠢ ᠳᠤᠷᠠ ᠦᠭᠡᠢ
ᠣᠷᠣᠭᠠ ᠰᠠᠯᠬᠢ ᠬᠦᠩᠭᠢᠨᠡᠨ ᠣᠷᠬᠢᠷᠠᠵᠤ᠂ ᠣᠷᠣᠭᠰᠠᠨ ᠪᠤᠤᠷᠠ ᠰᠢᠭ᠋ ᠲᠩᠷᠢ ᠬᠦᠷᠬᠢᠷᠡᠬᠦ
ᠤᠷᠤᠭ ᠪᠤᠭᠤᠷᠤᠯ ᠡᠪᠦᠯ ᠦ᠋ᠨ ᠬᠣᠶᠠᠳᠤᠭᠠᠷ ᠰᠠᠷᠠ ᠳ᠋ᠤ᠌ ᠪᠢ ᠳᠤᠷᠠᠲᠠᠢ
ᠣᠷᠪᠣᠩ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠳᠦᠩᠭᠢᠨᠡᠬᠦ ᠠᠭᠤᠯᠠᠰ ᠣᠳᠣᠬᠠᠨ ᠨᠢᠰᠬᠦ ᠨᠢ ᠭᠡᠮᠡᠷ
ᠣᠷᠴᠢᠯᠠᠩ ᠬᠣᠷᠸᠠ ᠳᠣᠷᠭᠢᠵᠤ ᠲᠩᠷᠢ ᠳᠡᠭᠡᠷᠡ ᠡᠴᠡ ᠨᠤᠷᠠᠬᠤ ᠨᠢ ᠭᠡᠮᠡᠷ
ᠣᠳᠣᠳ ᠵᠢᠩᠭᠢᠨᠡᠨ ᠪᠠᠭᠤᠵᠤ᠂ ᠬᠣᠷᠸᠠ ᠪᠠᠷ ᠨᠢᠭᠡ ᠴᠠᠴᠤᠭᠳᠠᠬᠤ ᠨᠢ ᠭᠡᠮᠡᠷ
ᠣᠳᠣ ᠯᠠ ᠶᠢᠷᠲᠢᠨᠴᠦ ᠳ᠋ᠦ᠍ ᠭᠠᠯᠪᠠ ᠶᠡᠭᠦᠯᠡᠬᠦ ᠨᠢ ᠭᠡᠮᠡᠷ
ᠬᠣᠶᠠᠳᠤᠭᠠᠷ ᠰᠠᠷᠠ ᠳ᠋ᠤ᠌ ᠯᠠ ᠳᠤᠷᠠᠲᠠᠢ
ᠲᠦᠨᠡᠷ ᠬᠠᠷᠠᠩᠭᠤᠢ ᠰᠥᠨᠢ ᠶ᠋ᠢᠨ ᠬᠦᠢᠲᠡᠨ ᠳ᠋ᠦ᠍ ᠵᠠᠬᠠ ᠪᠠᠨ ᠪᠤᠰᠬᠠᠵᠤ
ᠲᠦᠨᠡᠷ ᠬᠠᠷᠠᠩᠭᠤᠢ ᠰᠥᠨᠢ ᠰᠢᠭᠤᠷᠭᠠᠨ ᠳ᠋ᠤ᠌ ᠳᠠᠷᠤᠭᠳᠠᠭᠰᠠᠨ ᠶᠡᠬᠡ ᠲᠠᠯᠠ ᠳ᠋ᠤ᠌
ᠮᠠᠯᠠᠭᠠᠢ ᠪᠠᠨ ᠪᠦᠴᠡᠯᠡᠭᠰᠡᠨ ᠨᠠᠢᠷᠠᠭᠴᠢ ᠵᠦᠭ ᠴᠢᠭ ᠢ᠋ᠶ᠋ᠡᠨ ᠠᠯᠳᠠᠵᠤ
ᠮᠠᠨᠠᠨ᠂ ᠰᠠᠯᠬᠢ᠂ ᠰᠢᠭᠤᠷᠭᠠ᠂ ᠰᠥᠨᠢ ᠠᠭᠤᠯᠠᠰ ᠲᠠᠢ ᠨᠥᠬᠥᠷᠯᠡᠨᠡ
ᠬᠥᠯᠳᠡᠭᠦᠦ ᠰᠠᠯᠬᠢᠨ ᠳ᠋ᠤ᠌ ᠬᠣᠷᠮᠣᠢ ᠨᠢ ᠳᠡᠷᠪᠡᠵᠦ ᠳᠣᠲᠣᠷᠠ ᠨᠢ ᠬᠠᠯᠠᠭᠤᠴᠠᠬᠤ
ᠬᠥᠭᠡᠷᠦᠬᠦᠢ ᠨᠠᠢᠷᠠᠭᠴᠢ ᠶᠡᠬᠡ ᠣᠷᠴᠢᠯᠠᠩ ᠳ᠋ᠤ᠌ ᠲᠡᠨᠦᠭᠦᠴᠢᠯᠡᠬᠦ ᠪᠡᠷ ᠢᠷᠡᠭᠰᠡᠨ ᠶᠦᠮ
ᠭᠠᠯᠪᠠ ᠡᠷᠢᠨ ᠦ᠌ ᠶᠡᠬᠡ ᠵᠥᠩᠴᠢ᠂ ᠰᠦᠢᠷᠡᠯ ᠦ᠋ᠨ ᠳᠠᠭᠤᠴᠢ ᠡᠨᠡ ᠬᠥᠮᠦᠨ ᠢ᠋
ᠭᠠᠯᠵᠠᠭᠤ ᠴᠠᠰᠤᠨ ᠰᠢᠭᠤᠷᠭᠠ ᠤᠯᠢᠨ ᠲᠣᠰᠴᠤ ᠠᠪᠤᠭᠰᠠᠨ ᠶᠤᠮ
ᠳᠦᠩᠭᠢᠨᠡᠬᠦ ᠲᠩᠷᠢ᠂ ᠠᠪᠤᠷᠭᠤ ᠶᠡᠬᠡ ᠠᠭᠤᠯᠠᠰ ᠴᠠᠷᠴᠠᠬᠤ ᠬᠦᠢᠲᠡᠨ ᠳ᠋ᠦ᠍
ᠳ᠋ᠦᠩᠰᠢᠭᠤᠷ ᠴᠢᠨᠣᠠ ᠤᠯᠢᠨ ᠬᠡᠮᠬᠢᠯᠴᠡᠬᠦ ᠯᠤᠭᠠ ᠶᠡᠬᠡ ᠰᠢᠭᠤᠷᠭᠠᠨ ᠳ᠋ᠤ᠌
ᠬᠥᠮᠦᠨ ᠲᠥᠷᠥᠯᠬᠢᠲᠡᠨ ᠦ᠌ ᠰᠥᠨᠢ ᠶ᠋ᠢᠨ ᠬᠠᠷᠠᠩᠭᠤᠢ ᠡᠨᠡ ᠶᠡᠬᠡ ᠰᠢᠭᠤᠷᠭᠠᠨ ᠳ᠋ᠤ᠌
ᠬᠦᠢᠲᠡᠨ ᠣᠷᠣᠨ ᠵᠠᠢ ᠶ᠋ᠢ ᠪᠦᠯᠢᠶᠡᠴᠡᠭᠦᠯᠦᠨ ᠭᠠᠭᠴᠠ ᠨᠠᠢᠷᠠᠭᠴᠢ ᠠᠯᠬᠤᠨᠠ᠃