ᠶᠦᠨ ᠯᠢᠶᠠᠩ-ᠴᠠᠭᠠᠨᠪᠠᠷᠰYen lan-TsagaanbarЕн лан-Цагаанбар
199ᠶᠦᠨ ᠯᠢᠶᠠᠩ
ᠴᠠᠭᠠᠨᠪᠠᠷᠰ ᠳᠠᠭᠤᠯᠠᠪᠠ
ᠬᠣᠷᠴᠢᠨ ᠠᠷᠠᠳ ᠤ᠋ᠨ ᠳᠠᠭᠤᠤ
ᠲᠥᠷᠥᠭᠡᠳ ᠲᠡᠭᠡᠭᠰᠡᠨ ᠭᠠᠵᠠᠷ ᠴᠢᠨᠢ ᠳᠡ ᠠ ᠶᠦᠨ ᠯᠢᠶᠠᠩ ᠠ᠋
ᠮᠣᠩᠭᠣᠯᠵᠢᠨ ᠬᠤᠰᠢᠭᠤᠨ ᠤ᠋ ᠯᠠᠭᠯᠠᠢᠭ ᠤ᠋ᠨ ᠠᠢᠯ ᠠ᠋ ᠬᠦᠢ
ᠲᠦᠪᠡᠭᠳᠡᠭᠡᠳ ᠵᠠᠶᠠᠭᠠᠳ ᠲᠡᠭᠡᠭᠰᠡᠨ ᠭᠠᠵᠠᠷ ᠢ᠋ ᠮᠢᠨᠢ ᠬᠡᠯᠡᠪᠡᠯ
ᠲᠦᠮᠡᠨ ᠬᠥᠮᠦᠨ ᠦ᠌ ᠴᠤᠭᠯᠠᠭᠠᠳ ᠯᠠ ᠰᠠᠭᠤᠭᠰᠠᠨ ᠪᠡᠭᠡᠵᠢᠩ ᠬᠣᠲᠠ ᠠ᠋
ᠤᠤᠭᠤᠭᠠᠳ ᠯᠠ ᠲᠡᠭᠡᠭᠰᠡᠨ ᠤᠰᠤ ᠴᠢᠨᠢ ᠳᠡ ᠠ ᠶᠦᠨ ᠯᠢᠶᠠᠩ ᠠ
ᠤᠷᠳᠤᠭᠤᠷ ᠨᠢ ᠤᠷᠤᠰᠴᠤ ᠪᠠᠢᠬᠤ ᠯᠠᠭᠯᠠᠢᠭ ᠤ᠋ᠨ ᠭᠣᠣᠯ ᠶᠠ ᠬᠦᠢ
ᠤᠴᠠᠷᠠᠭᠠᠳ ᠵᠠᠶᠠᠭᠠᠳ ᠲᠡᠭᠡᠭᠰᠡᠨ ᠭᠠᠵᠠᠷ ᠪᠣᠯᠤᠨ ᠣᠷᠣᠨ ᠢ᠋ ᠮᠢᠨᠢ ᠬᠡᠯᠡᠪᠡᠯ ᠬᠦᠢ
ᠣᠯᠠᠨ ᠬᠥᠮᠦᠨ ᠦ᠌ ᠣᠷᠣᠰᠢᠭᠠᠳ ᠯᠠ ᠰᠠᠭᠤᠭᠰᠠᠨ ᠪᠡᠭᠡᠵᠢᠩ ᠬᠣᠲᠠ ᠶ᠋ᠢ ᠠ᠋ ᠬᠦᠢ
ᠶᠦᠨ ᠯᠢᠶᠠᠩ ᠲᠡᠷᠡ ᠦᠶᠡ ᠳ᠋ᠦ᠍ ᠭᠡᠷ ᠲᠦ᠍ ᠪᠡᠨ ᠬᠡᠦᠬᠡᠨ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠪᠠᠢᠵᠠᠢ᠂ ᠡᠮᠧ ᠠᠪᠤ ᠨᠢ ᠰᠦᠵᠢᠭ ᠲᠡᠢ ᠪᠣᠯᠬᠤᠯᠠᠢ ᠠᠷᠤ ᠪᠣᠭᠳᠠ ᠳ᠋ᠤ᠌ ᠮᠥᠷᠭᠥᠬᠦ ᠭᠡᠳ ᠠᠩᠭᠠ ᠶ᠋ᠢ ᠪᠡᠨ ᠠᠪᠤᠭᠠᠳ ᠮᠥᠷᠭᠥᠬᠦ ᠭᠠᠷᠴᠤ ᠢᠷᠡᠵᠡᠢ ᠂ ᠬᠠᠭᠠᠨ ᠤ᠋ ᠲᠥᠷᠥᠯ ᠭᠡᠷ ᠦᠵᠡᠵᠦ ᠲᠣᠭᠣᠭᠠᠳ ᠥᠬᠢᠨ ᠢ᠋ ᠨᠢ ᠪᠤᠯᠢᠶᠠᠭᠠᠳ ᠠᠪᠤᠭᠰᠠᠨ ᠶᠤᠮ ᠠ᠋᠂ ᠶᠦᠨ ᠯᠢᠶᠠᠩ ᠲᠡᠷᠡ ᠦᠶᠡ ᠳ᠋ᠦ᠍ ᠭᠠᠴᠢᠭᠳᠠᠬᠤ ᠳ᠋ᠤ᠌ ᠪᠠᠨ ᠳᠠᠭᠤᠯᠠᠵᠤ ᠪᠠᠢᠨᠠ᠂
ᠳᠠᠯᠠᠢ ᠴᠦ᠍ ᠭᠡᠳᠡᠭ ᠴᠢᠨᠢ ᠳᠡ ᠤᠰᠤᠨ ᠤ᠋ ᠪᠠᠨ ᠬᠠᠭᠠᠨ ᠶᠤᠮ ᠠ᠋
ᠳᠠᠯᠠᠢ ᠯᠠᠮᠠ ᠭᠡᠳᠡᠭ ᠴᠢᠨᠢ ᠳᠡ ᠱᠠᠰᠢᠨ ᠤ᠋ ᠬᠠᠭᠠᠨ ᠠ᠋ ᠬᠦᠢ
ᠳᠠᠯᠠᠢ ᠯᠠᠮᠠ ᠳ᠋ᠤ᠌ ᠪᠠᠨ ᠮᠥᠷᠭᠥᠨᠡ ᠭᠡᠭᠰᠡᠭᠡᠷ ᠪᠠᠢᠭᠠᠳ
ᠳᠠᠪᠠᠭᠤ ᠪᠠᠭᠠ ᠶᠦᠨ ᠯᠢᠶᠠᠩ ᠢ᠋ᠶ᠋ᠠᠨ ᠪᠤᠯᠢᠶᠠᠭᠳᠠᠴᠢᠬᠠᠵᠠᠢ ᠮᠥᠮᠥ ᠮᠢᠨᠢ ᠳᠡ ᠠ᠋ ᠬᠦᠢ
ᠠᠷᠰᠯᠠᠨ ᠭᠡᠳᠡᠭ ᠴᠢᠨᠢ ᠠᠷᠢᠶᠠᠲᠠᠨ ᠤ᠋ ᠪᠠᠨ ᠬᠠᠭᠠᠨ ᠶᠤᠮ ᠠ᠋
ᠠᠷᠤ ᠪᠣᠭᠳᠠ ᠭᠡᠳᠡᠭ ᠴᠢᠨᠢ ᠳᠡ ᠰᠢᠷᠠ ᠶ᠋ᠢᠨ ᠢ᠋ᠶ᠋ᠡᠨ ᠬᠠᠭᠠᠨ ᠠ᠋
ᠠᠷᠤ ᠴᠤ᠌ ᠪᠣᠭᠳᠠ ᠳ᠋ᠤ᠌ ᠪᠠᠨ ᠮᠥᠷᠭᠥᠨᠡ ᠭᠡᠭᠰᠡᠭᠡᠷ ᠠ᠋
ᠠᠩᠭᠠ ᠪᠠᠭᠠ ᠶᠦᠨ ᠯᠢᠶᠠᠩ ᠨᠠᠳᠠ ᠪᠠᠨ ᠪᠤᠯᠢᠶᠠᠭᠳᠠᠴᠢᠬᠠᠵᠠᠢ ᠮᠥᠮᠥ ᠮᠢᠨᠢ ᠠ᠋ ᠬᠦᠢ
ᠳᠥᠷᠪᠡᠨ ᠬᠥᠮᠦᠨ ᠦ᠌ ᠵᠢᠶᠣᠤ ᠳᠡᠭᠡᠷᠡ ᠪᠡᠨ ᠰᠠᠭᠤᠯᠭᠠᠵᠤ ᠦᠵᠡᠵᠡᠢ ᠨᠠᠮᠠ ᠶ᠋ᠢ ᠶᠠ
ᠳᠥᠷᠪᠡᠨ ᠭᠠᠢ ᠴᠤ᠌ ᠳᠥᠴᠢᠨ ᠬᠣᠲᠣᠩᠽᠢ ᠶ᠋ᠢ ᠲᠣᠭᠣᠷᠢᠭᠤᠯᠵᠤ ᠦᠵᠡᠵᠡᠢ ᠬᠦᠢ
ᠳᠥᠷᠪᠡᠨ ᠭᠠᠢ ᠴᠤ᠌ ᠳᠥᠴᠢᠨ ᠬᠣᠲᠣᠩᠽᠢ ᠶ᠋ᠢ ᠲᠣᠭᠣᠷᠢᠭᠠᠳ ᠦᠵᠡᠭᠰᠡᠨ ᠪᠣᠯᠪᠠᠴᠤ
ᠳᠡᠭᠡᠳᠦ ᠶ᠋ᠢᠨ ᠮᠢᠨᠢ ᠨᠤᠲᠤᠭ ᠯᠠᠭᠯᠠᠢᠭ ᠤ᠋ᠨ ᠠᠢᠯ ᠢ᠋ ᠭᠦᠶᠴᠡᠨᠡ ᠭᠡᠵᠦ ᠪᠡᠨ ᠪᠠᠢᠨᠠ ᠤᠤ ᠶᠠ ᠬᠦᠢ
ᠨᠠᠢ᠍ᠮᠠᠨ ᠬᠥᠮᠦᠨ ᠦ᠌ ᠵᠢᠶᠣᠤ ᠳᠡᠭᠡᠷᠡ ᠨᠢ ᠰᠠᠭᠤᠯᠭᠠᠵᠤ ᠦᠵᠡᠵᠡᠢ ᠨᠠᠮᠠ ᠶ᠋ᠢ ᠶᠠ
ᠨᠠᠢ᠍ᠮᠠᠨ ᠭᠠᠢ ᠴᠤ᠌ ᠨᠠᠶᠠᠨ ᠬᠣᠲᠣᠩᠽᠢ ᠶ᠋ᠢ ᠲᠣᠭᠣᠷᠢᠭᠤᠯᠵᠤ ᠦᠵᠡᠵᠡᠢ ᠬᠦᠢ
ᠨᠠᠢ᠍ᠮᠠᠨ ᠭᠠᠢ ᠴᠤ᠌ ᠨᠠᠶᠠᠨ ᠬᠣᠲᠣᠩᠽᠢ ᠶ᠋ᠢ ᠲᠣᠭᠣᠷᠢᠭᠠᠳ ᠦᠵᠡᠭᠰᠡᠨ ᠪᠣᠯᠪᠠᠴᠤ
ᠨᠢᠯᠬᠠ ᠶ᠋ᠢᠨ ᠥᠰᠦᠭᠰᠡᠨ ᠯᠠᠭᠯᠠᠢᠭ ᠤ᠋ᠨ ᠠᠢᠯ ᠢ᠋ ᠭᠦᠶᠴᠡᠨᠡ ᠭᠡᠵᠦ ᠪᠡᠨ ᠪᠠᠢᠨᠠ ᠤᠤ ᠶᠠ ᠬᠦᠢ
ᠬᠠᠪᠤᠷ ᠤ᠋ᠨ ᠬᠠᠪᠤᠷ ᠤ᠋ᠨ ᠠ ᠬᠦᠢ ᠴᠡᠭᠴᠡᠦᠬᠡᠢ ᠰᠢᠦ ᠠ ᠮᠥᠮᠥ ᠠ᠋
ᠬᠠᠭᠳᠠᠨ ᠤ᠋ ᠥᠩᠭᠡ ᠪᠡᠨ ᠳᠠᠭᠠᠭᠠᠳ ᠠ ᠬᠦᠢ ᠵᠢᠷᠭᠢᠭᠡᠳ ᠪᠠᠢᠨᠠ ᠠ ᠬᠦᠢ
ᠬᠠᠢᠷᠬᠠᠨ ᠤᠤ ᠪᠠᠭᠠ ᠶᠦᠨ ᠯᠢᠶᠠᠩ ᠬᠡᠦᠬᠡᠨ ᠴᠢᠨᠢ
ᠬᠣᠪᠢᠨ ᠤ᠋ ᠨᠤᠲᠤᠭ ᠢ᠋ᠶ᠋ᠠᠨ ᠰᠠᠨᠠᠭᠠᠳ ᠯᠠ ᠬᠦᠢ ᠬᠠᠩᠭᠢᠨᠠᠭᠤᠯᠤᠭᠠᠳ ᠬᠦ ᠳᠠᠭᠤᠯᠠᠭᠰᠠᠨ ᠶᠤᠮ ᠠ᠋ ᠬᠦᠢ
ᠵᠤᠨ ᠤ᠋ ᠴᠤ᠌ ᠵᠤᠨ ᠤ᠋ ᠴᠡᠭᠴᠡᠦᠬᠡᠢ ᠰᠢᠦ ᠠ ᠮᠥᠮᠥ ᠠ᠋
ᠵᠤᠯᠵᠠᠭᠠ ᠨᠤᠭᠤᠯ ᠢ᠋ᠶ᠋ᠠᠨ ᠳᠠᠭᠠᠭᠠᠳ ᠯᠠ ᠵᠢᠷᠭᠢᠭᠡᠳ ᠪᠠᠢᠨᠠ ᠬᠦᠢ
ᠵᠤᠨ ᠤ᠋ ᠴᠤ᠌ ᠵᠢᠷᠭᠤᠭᠠᠨ ᠰᠠᠷᠠ ᠪᠣᠯᠤᠭᠠᠳ ᠢᠷᠡᠪᠡᠯ
ᠵᠦᠢᠲᠡᠢ ᠨᠤᠲᠤᠭ ᠢ᠋ᠶ᠋ᠠᠨ ᠰᠠᠨᠠᠭᠠᠳ ᠯᠠ ᠳᠠ
ᠵᠦᠢᠲᠡᠢ ᠶᠦᠨ ᠯᠢᠶᠠᠩ ᠳᠠᠭᠤᠯᠠᠭᠰᠠᠨ ᠶᠤᠮ ᠠ᠋ ᠬᠦᠢ
ᠨᠠᠮᠤᠷ ᠤ᠋ᠨ ᠨᠠᠮᠤᠷ ᠤ᠋ᠨ ᠡ ᠴᠡᠭᠴᠡᠦᠬᠡᠢ ᠰᠢᠦ ᠠ ᠮᠥᠮᠥ ᠠ᠋
ᠨᠠᠪᠴᠢᠨ ᠥᠩᠭᠡ ᠪᠡᠨ ᠳᠠᠭᠠᠭᠠᠳ ᠬᠦᠢ ᠵᠢᠷᠭᠢᠭᠡᠳ ᠪᠠᠢᠨᠠ ᠬᠦᠢ
ᠨᠠᠮᠤᠭᠤᠬᠠᠨ ᠲᠥᠷᠥᠭᠰᠡᠨ ᠶᠦᠨ ᠯᠢᠶᠠᠩ ᠬᠡᠦᠬᠡᠨ ᠴᠢᠨᠢ
ᠯᠠᠭᠯᠠᠢᠭ ᠤ᠋ᠨ ᠠᠢᠯ ᠢ᠋ᠶ᠋ᠠᠨ ᠰᠠᠨᠠᠭᠠᠳ ᠯᠠ ᠬᠠᠩᠭᠢᠨᠠᠭᠤᠯᠤᠭᠠᠳ ᠬᠦ ᠳᠠᠭᠤᠯᠠᠭᠰᠠᠨ ᠶᠤᠮ ᠠ᠋ ᠬᠦᠢ
ᠡᠪᠦᠯ ᠦ᠋ᠨ ᠡᠪᠦᠯ ᠦ᠋ᠨ ᠴᠠᠭ ᠢ᠋ ᠪᠡᠨ ᠪᠣᠯᠪᠠᠯ ᠮᠥᠮᠥ ᠠ᠋
ᠡᠯᠳᠡᠪ ᠵᠦᠢᠯ ᠦ᠋ᠨ ᠪᠣᠯᠵᠣᠮᠣᠷ ᠴᠢᠨᠢ ᠳᠣᠩᠭᠣᠳᠤᠭᠠᠳ ᠪᠠᠢᠨᠠ ᠬᠦᠢ
ᠥᠰᠴᠦ ᠲᠥᠷᠥᠭᠰᠡᠨ ᠨᠤᠲᠤᠭ ᠣᠷᠣᠨ ᠢ᠋ᠶ᠋ᠠᠨ ᠡᠪᠯᠢᠭ ᠥᠬᠢᠨ ᠴᠢᠨᠢ ᠪᠣᠳᠣᠪᠠᠯ
ᠡᠳᠦᠷ ᠡᠳᠦᠷ ᠪᠣᠳᠣᠵᠤ ᠪᠠᠢᠭᠠᠳ ᠡᠩᠰᠡᠷᠡᠲᠡᠯᠡ ᠪᠡᠨ ᠤᠬᠢᠯᠠᠭᠰᠠᠨ ᠶᠤᠮ ᠠ᠋ ᠬᠦᠢ
ᠮᠠᠩᠨᠠᠢ ᠪᠠᠨ ᠴᠣᠭᠣᠷᠠᠭᠠᠳ ᠲᠡᠭᠡᠶᠡ ᠮᠠᠯᠠᠭᠠᠢ ᠳᠣᠲᠣᠷᠠ ᠰᠢᠦ ᠠ ᠮᠥᠮᠥ ᠠ᠋ ᠬᠦᠢ
ᠮᠠᠨᠠᠷᠠᠲᠠᠯᠠ ᠪᠠᠨ ᠤᠬᠢᠯᠠᠭᠠᠳ ᠲᠡᠭᠡᠶᠡ ᠰᠡᠳᠬᠢᠯ ᠳᠡᠭᠡᠷᠡ ᠬᠦᠢ
ᠮᠠᠨᠠᠷᠠᠲᠠᠯᠠ ᠪᠠᠨ ᠤᠬᠢᠯᠠᠯᠠ ᠭᠡᠳ ᠬᠡᠷᠡᠭ ᠴᠦ᠍ ᠭᠡᠵᠦ ᠪᠡᠨ ᠪᠠᠢᠨᠠ ᠤᠤ ᠳ᠋ᠠ
ᠮᠥᠮᠥ ᠪᠣᠯᠤᠨ ᠠᠪᠤ ᠲᠠᠢ ᠪᠠᠨ ᠠᠭᠤᠯᠵᠠᠵᠤ ᠶᠣᠯᠣᠬᠣ ᠠ᠋ᠴᠠ ᠬᠣᠯᠠᠳᠠᠯᠠ ᠶᠠ ᠬᠦᠢ
ᠲᠣᠯᠣᠭᠠᠢ ᠪᠠᠨ ᠴᠣᠭᠣᠷᠠᠭᠠᠳ ᠲᠡᠭᠡᠶᠡ ᠲᠣᠭᠣᠷᠴᠣᠭ ᠤᠨ ᠳᠣᠲᠣᠷᠠ ᠠ ᠮᠥᠮᠥ ᠠ᠋
ᠲᠤᠨᠤᠷᠠᠲᠠᠯᠠ ᠪᠠᠨ ᠤᠬᠢᠯᠠᠯᠠ ᠭᠡᠳ ᠰᠡᠳᠬᠢᠯ ᠦ᠋ᠨ ᠳᠣᠲᠣᠷᠠ ᠬᠦᠢ
ᠲᠤᠨᠤᠷᠠᠲᠠᠯᠠ ᠪᠠᠨ ᠤᠬᠢᠯᠠᠯᠠ ᠭᠡᠳ ᠬᠡᠷᠡᠭ ᠴᠦ᠍ ᠭᠡᠵᠦ ᠪᠠᠨ ᠪᠠᠶ᠋ᠢᠨᠠ ᠤᠤ ᠳ᠋ᠠ
ᠲᠥᠷᠥᠭᠰᠡᠨ ᠨᠤᠲᠤᠭ ᠯᠠᠭᠯᠠᠢᠭ ᠦᠨ ᠠᠶ᠋ᠢᠯ ᠳ᠋ᠠᠭᠠᠨ ᠡᠷᠭᠢᠵᠦ ᠣᠴᠢᠬᠣ ᠡᠴᠡ ᠬᠣᠯᠠᠳᠠᠯᠠ ᠶᠠ ᠬᠦᠢ
ᠳᠠᠭᠤᠤ ᠶ᠋ᠢᠨ ᠦᠭᠡ ᠶᠢ ᠬᠠᠩᠭᠠᠭᠴᠢ ᠄ ᠮᠧᠢ ᠯᠢ ᠳᠢ ᠰᠢᠨ ᠴᠢᠩ᠃
ᠦᠰᠦᠭ ᠠᠮᠢᠯᠠᠭᠤᠯᠵᠤ ᠬᠠᠲᠠᠭᠰᠠᠨ ᠨᠢ ᠄ ᠭᠠᠸᠠ᠂ ᠪᠢᠴᠢᠯᠭᠡ ᠶ᠋ᠢAI ᠪᠠᠷ ᠨᠠᠢᠷᠠᠭᠤᠯᠪᠠ
ᠬᠢᠨᠠᠭᠴᠢ ᠄ ᠴᠢᠨᠳᠠᠮᠤᠨᠢ