ᠬᠡᠦᠬᠡᠨ ᠮᠡᠷᠭᠡᠨ ᠬᠤᠲᠤᠭᠲᠤ ᠶ᠋ᠢᠨ ᠮᠠᠨᠢ ᠶ᠋ᠢᠨ ᠵᠠᠯᠪᠠᠷᠢᠯ ᠣᠷᠣᠰᠢᠪᠠ Хүүхэн мэргэн хутагтын маанийн залбирал оршив
227
ᠬᠡᠦᠬᠡᠨ ᠮᠡᠷᠭᠡᠨ ᠬᠤᠲᠤᠭᠲᠤ ᠶ᠋ᠢᠨ ᠮᠠᠨᠢ ᠶ᠋ᠢᠨ ᠵᠠᠯᠪᠠᠷᠢᠯ ᠣᠷᠣᠰᠢᠪᠠ
ᠡᠷᠬᠢᠮ ᠰᠢᠨᠵᠢ ᠶᠠᠮᠠᠨᠳᠠᠭᠠ
ᠡᠷᠳᠡᠨᠢ ᠬᠡᠦᠬᠡᠨ ᠬᠤᠲᠤᠭᠲᠤ
ᠡᠬᠡ ᠬᠠᠮᠤᠭ ᠠᠮᠢᠲᠠᠨ ᠢ᠋
ᠡᠨᠳᠡᠭᠦᠷᠡᠯ ᠦᠭᠡᠢ ᠥᠷᠥᠰᠢᠶᠡ᠃
ᠣᠮ ᠮᠠ᠋ ᠨᠢ ᠪᠠᠳ ᠮᠧᠢ ᠾᠤᠩ
ᠢᠲᠡᠭᠡᠯ ᠬᠠᠷᠠ ᠮᠠᠬᠠᠺᠠᠯᠠ
ᠢᠯᠪᠢ ᠲᠣᠭᠰᠢᠨ ᠬᠤᠪᠢᠯᠭᠠᠨ ᠢ᠋ᠶ᠋ᠠᠷ
ᠡᠯᠳᠡᠪ ᠵᠦᠢᠯ ᠦ᠋ᠨ ᠰᠢᠮᠨᠤᠰ ᠢ᠋
ᠳᠠᠷᠤᠢ ᠲᠦᠷᠭᠡᠨ ᠲᠣᠨᠢᠯᠭᠠ᠃
ᠣᠮ ᠮᠠ᠋ ᠨᠢ ᠪᠠᠳ ᠮᠧᠢ ᠾᠤᠩ
ᠶᠡᠷᠦᠳᠡ ᠶ᠋ᠢᠨ ᠭᠠᠭᠴᠠ ᠮᠣᠳᠣ ᠶ᠋ᠢ
ᠵᠢᠷᠦᠬᠡ ᠪᠡᠷ ᠪᠤᠤᠳᠠᠶᠡ
ᠵᠦᠢᠯ ᠪᠦᠷᠢ ᠶ᠋ᠢᠨ ᠰᠢᠮᠨᠤᠰ ᠢ᠋
ᠲᠦᠷᠭᠡᠨ ᠲᠣᠪᠷᠠᠭ ᠪᠣᠯᠭᠠᠶᠠ᠃
ᠣᠮ ᠮᠠ᠋ ᠨᠢ ᠪᠠᠳ ᠮᠧᠢ ᠾᠤᠩ
ᠣᠷᠴᠢᠨ ᠪᠦᠷᠢᠳᠦ ᠶ᠋ᠢᠨ ᠤᠰᠤ ᠶ᠋ᠢ
ᠣᠨᠢᠲᠤ ᠰᠤᠮᠤ ᠪᠠᠷ ᠲᠠᠯᠪᠢᠶᠠ
ᠣᠷᠬᠢᠳᠠᠰᠤᠨ ᠳᠠᠢᠰᠤᠨ ᠰᠢᠮᠨᠤᠰ ᠢ᠋
ᠲᠦᠷᠭᠡᠨ ᠲᠣᠪᠷᠠᠭ ᠪᠣᠯᠭᠠᠶᠠ᠃
ᠣᠮ ᠮᠠ᠋ ᠨᠢ ᠪᠠᠳ ᠮᠧᠢ ᠾᠤᠩ
ᠣᠷᠴᠢᠯᠠᠩ ᠤ᠋ᠨ ᠣᠷᠣᠨ ᠳ᠋ᠤ᠌
ᠣᠳᠣ ᠲᠠᠢ ᠮᠡᠷᠭᠡᠨ ᠪᠤᠤᠴᠢ ᠪᠣᠢ
ᠣᠰᠣᠯᠳᠠᠬᠤᠢ ᠶ᠋ᠢᠨ ᠦᠢᠯᠡᠰ ᠢ᠋
ᠸᠴᠢᠷᠪᠠᠨᠢ ᠵᠠᠬᠢᠷᠠ᠃
ᠣᠮ ᠮᠠ᠋ ᠨᠢ ᠪᠠᠳ ᠮᠧᠢ ᠾᠤᠩ
ᠪᠠᠳᠠᠷᠠᠭᠰᠠᠨ ᠭᠠᠯ ᠤ᠋ᠨ ᠳᠤᠮᠳᠠ
ᠪᠠᠳᠮᠠ ᠬᠠᠶᠢᠩᠬᠢᠷᠸᠡ ᠪᠣᠢ
ᠪᠠᠷᠴᠢᠳ ᠲᠦᠢᠳᠬᠡᠷ ᠬᠣᠶᠠᠷ ᠢ᠋
ᠳᠠᠷᠤᠢ ᠲᠦᠷᠭᠡᠨ ᠠᠷᠢᠯᠭᠠ᠃
ᠣᠮ ᠮᠠ᠋ ᠨᠢ ᠪᠠᠳ ᠮᠧᠢ ᠾᠤᠩ
ᠡᠵᠡᠨ ᠬᠠᠭᠠᠨ ᠵᠠᠷᠯᠢᠭ ᠲᠠᠢ
ᠡᠷᠬᠢᠮ ᠬᠠᠷᠠ ᠪᠤᠤᠴᠢ ᠪᠣᠢ
ᠡᠨᠳᠡᠭᠳᠡᠬᠦᠢ ᠶ᠋ᠢᠨ ᠦᠢᠯᠡᠰ ᠢ᠋
ᠷᠠᠭᠪᠢ ᡀᠠᠮᠣ ᠵᠠᠬᠢᠷᠠ᠃
ᠣᠮ ᠮᠠ᠋ ᠨᠢ ᠪᠠᠳ ᠮᠧᠢ ᠾᠤᠩ
ᠴᠣᠭ ᠤᠯᠠᠭᠠᠨ ᠬᠠᠳᠠᠨ ᠳ᠋ᠤᠷ
ᠴᠢᠰᠤᠨ ᠵᠡᠭᠡᠷᠳᠡ ᠮᠣᠷᠢ ᠲᠠᠢ
ᠲᠦᠮᠡᠨ ᠠᠯᠪᠢᠨ ᠳᠤᠯᠬᠢᠶᠠᠰᠤ ᠲᠠᠢ
ᠪᠢᠬᠠᠽᠢ ᠤᠯᠠᠭᠠᠨ ᠮᠠᠬᠠᠺᠠᠯᠠ᠃
ᠣᠮ ᠮᠠ᠋ ᠨᠢ ᠪᠠᠳ ᠮᠧᠢ ᠾᠤᠩ
ᠠᠯᠲᠠᠨ ᠭᠠᠳᠠᠰᠤᠨ ᠠᠭᠤᠯᠠ ᠶ᠋ᠢ
ᠠᠩᠭᠢᠯᠠᠵᠤ ᠨᠡᠮᠨᠡᠶᠡ
ᠠᠷᠪᠠᠨ ᠴᠣᠢᠵᠣᠩ ᠨᠥᠬᠥᠳ ᠮᠢᠨᠦ
ᠲᠦᠷᠭᠡᠨ ᠳᠠᠷᠤᠢ ᠬᠢᠴᠢᠶᠡ᠃
ᠣᠮ ᠮᠠ᠋ ᠨᠢ ᠪᠠᠳ ᠮᠧᠢ ᠾᠤᠩ
ᠲᠠᠩᠭᠠᠷᠢᠭᠯᠠᠵᠤ ᠰᠢᠲᠦᠭᠰᠡᠨ
ᠲᠠᠩᠰᠤᠭ ᠬᠠᠷᠠ ᠮᠠᠬᠠᠺᠠᠯᠠ
ᠲᠠᠪᠤᠨ ᠢᠯᠠᠭᠤᠭᠰᠠᠳ ᠤ᠋ᠨ ᠪᠡᠶᠡ ᠲᠡᠢ
ᠪᠢᠬᠠᠷ ᠵᠠᠯᠪᠤ ᠭᠦᠩᠭᠠᠷ᠃
ᠣᠮ ᠮᠠ᠋ ᠨᠢ ᠪᠠᠳ ᠮᠧᠢ ᠾᠤᠩ
ᠳ᠋ᠠᠮᠵᠠᠨ ᠵᠠᠯᠪᠤ ᠥᠬᠢᠨ ᠲᠩᠷᠢ
ᠳᠠᠢᠰᠤᠨ ᠢ᠋ ᠪᠠᠷᠢᠶᠠ
ᠰᠦᠯᠳᠡ ᠶᠢᠰᠦᠨ ᠲᠩᠷᠢ
ᠬᠤᠶᠠᠭᠯᠠᠵᠤ ᠮᠣᠷᠳᠠᠶᠠ᠃
ᠣᠮ ᠮᠠ᠋ ᠨᠢ ᠪᠠᠳ ᠮᠧᠢ ᠾᠤᠩ
ᠪᠡᠭᠡᠵᠢᠩ ᠭᠡᠭᠴᠢ ᠬᠣᠲᠠ ᠶ᠋ᠢ
ᠪᠡᠬᠢᠯᠡᠵᠦ ᠪᠠᠷᠢᠭᠠᠳ
ᠪᠡᠶᠡ ᠮᠡᠨᠳᠦ ᠰᠠᠭᠤᠭᠠᠳ
ᠡᠵᠡᠨ ᠪᠠᠲᠤ ᠪᠣᠯᠲᠤᠭᠠᠢ᠃
ᠣᠮ ᠮᠠ᠋ ᠨᠢ ᠪᠠᠳ ᠮᠧᠢ ᠾᠤᠩ
ᠬᠠᠰᠬᠠᠲᠠᠢᠬᠠᠨ ᠠᠷᠢᠬᠢᠨ ᠳ᠋ᠤ᠌
ᠰᠣᠭᠲᠣᠬᠤᠶᠠ ᠡᠨᠳᠡᠯ ᠦᠭᠡᠢ ᠪᠢ
ᠬᠠᠷᠰᠢ ᠳᠠᠢᠰᠤᠨ ᠰᠢᠮᠨᠤᠰ ᠲᠤ᠌
ᠠᠪᠲᠠᠭᠳᠠᠬᠤᠶᠠ ᠡᠨᠳᠡᠯ ᠦᠭᠡᠢ ᠪᠢ᠃
ᠣᠮ ᠮᠠ᠋ ᠨᠢ ᠪᠠᠳ ᠮᠧᠢ ᠾᠤᠩ
ᠭᠠᠯᠵᠠᠭᠤ ᠲᠦᠷᠭᠡᠨ ᠭᠦᠶᠦᠳᠡᠯ ᠲᠡᠢ
ᠭᠠᠯ ᠤᠯᠠᠭᠠᠨ ᠬᠤᠯᠤᠭᠠᠨᠠ
ᠭᠠᠭᠴᠠ ᠡᠨᠡ ᠪᠡᠶᠡ ᠪᠡᠷ
ᠭᠠᠷ ᠤ᠋ᠨ ᠳᠣᠲᠣᠷᠠ ᠪᠠᠷᠢᠶᠠ᠃
ᠣᠮ ᠮᠠ᠋ ᠨᠢ ᠪᠠᠳ ᠮᠧᠢ ᠾᠤᠩ
ᠭᠠᠢᠲᠠᠢᠬᠠᠨ ᠴᠣ ᠬᠥᠮᠦᠨ ᠳ᠋ᠦ᠍
ᠭᠠᠯᠵᠠᠭᠤ ᠶᠤᠺᠠᠽᠷᠢ ᠶ᠋ᠢᠨ ᠳᠦᠷᠢ ᠲᠡᠢ
ᠠᠷᠢᠯᠤᠭᠰᠠᠨ ᠬᠥᠮᠦᠨ ᠳ᠋ᠦ᠍
ᠠᠷᠢᠶᠠᠪᠠᠯᠤ ᠶ᠋ᠢᠨ ᠳᠦᠷᠢ ᠲᠡᠢ ᠪᠢ᠃
ᠣᠮ ᠮᠠ᠋ ᠨᠢ ᠪᠠᠳ ᠮᠧᠢ ᠾᠤᠩ
ᠵᠢᠷᠭᠠᠯᠲᠠᠢᠬᠠᠨ ᠬᠥᠮᠦᠨ ᠳ᠋ᠦ᠍
ᠳᠠᠭᠤᠤ ᠪᠣᠯᠭᠠᠨ ᠳᠠᠭᠤᠯᠠᠪᠠᠢ
ᠣᠶᠤᠲᠠᠢᠬᠠᠨ ᠬᠥᠮᠦᠨ ᠳ᠋ᠦ᠍
ᠮᠠᠨᠢ ᠪᠣᠯᠭᠠᠨ ᠮᠠᠭᠲᠠᠪᠠᠢ᠃
ᠣᠮ ᠮᠠ᠋ ᠨᠢ ᠪᠠᠳ ᠮᠧᠢ ᠾᠤᠩ
ᠠᠷᠪᠠᠨ ᠨᠠᠢ᠍ᠮᠠᠨ ᠰᠢᠯᠦᠭ ᠢ᠋
ᠠᠳᠢᠰᠳᠠᠳᠯᠠᠨ ᠰᠣᠶᠣᠷᠬᠠ
ᠠᠷᠪᠠᠨ ᠨᠠᠢ᠍ᠮᠠᠨ ᠲᠠᠮᠤ ᠡᠴᠡ
ᠳᠠᠷᠤᠢ ᠲᠦᠷᠭᠡᠨ ᠲᠣᠨᠢᠯᠭᠠ᠃
ᠣᠮ ᠮᠠ᠋ ᠨᠢ ᠪᠠᠳ ᠮᠧᠢ ᠾᠤᠩ
ᠡᠨᠡ ᠮᠠᠨᠢ ᠶ᠋ᠢᠨ ᠨᠡᠷᠡᠰ ᠢ᠋
ᠡᠷᠬᠢᠮ ᠰᠢᠨᠵᠢ ᠶᠠᠮᠠᠨᠳᠠᠭᠠ
ᠡᠷᠳᠡᠨᠢ ᠬᠡᠦᠬᠡᠨ ᠬᠤᠲᠤᠭᠲᠤ
ᠰᠢᠯᠦᠭᠯᠡᠨ ᠬᠣᠯᠪᠣᠨ ᠮᠠᠭᠲᠠᠪᠠᠢ᠃
ᠣᠮ ᠮᠠ᠋ ᠨᠢ ᠪᠠᠳ ᠮᠧᠢ ᠾᠤᠩ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠲᠦᠮᠡᠨᠴᠡᠴᠡᠭ
ᠬᠢᠨᠠᠭᠴᠢ᠄ ᠮᠤᠩᠭᠤᠯᠵᠠᠶᠠᠭᠡ