ᠴᠠᠭ ᠲᠥᠷᠥ ᠶᠢᠨ ᠦᠢᠮᠡᠭᠡᠨ – ᠳ᠋᠂ ᠨᠠᠮᠲᠠᠭ - ᠠᠮᠢᠳᠤᠷᠠᠯ ᠤᠨ ᠵᠠᠮ ᠂ ᠨᠢᠭᠡᠳᠦᠭᠡᠷ ᠪᠦᠯᠦᠭ 〔ᠭᠤᠴᠢᠨ ᠬᠣᠶᠠᠷ〕 Цаг төрийн үймээн – Д ᠂ Намдаг - Амьдралын зам ᠂ нэгдүгээр бүлэг - 32
124ᠰᠢᠨᠡ ᠶᠢᠨ ᠵᠢᠷᠭᠤᠭᠠᠨ ᠨᠠᠰᠤᠨ ᠳᠤ ᠥᠯᠵᠡᠢ ᠡᠳᠦᠷ
ᠭᠡᠲᠡᠯᠡ ᠭᠡᠨᠡᠳᠲᠡ ᠭᠡᠷ ᠦ᠋ᠨ ᠬᠢᠨᠢ ᠬᠠᠭᠠᠯᠭᠠ ᠰᠢᠷᠦᠭᠦᠨ ᠢ᠋ᠶ᠋ᠡᠷ ᠨᠡᠭᠡᠭᠡᠭᠳᠡᠬᠦ ᠴᠢᠮᠡᠭᠡ ᠪᠠᠯᠳᠠᠨᠴᠡᠷᠢᠩ ᠢ᠋ ᠰᠣᠴᠢᠭᠠᠪᠠ᠃ ᠥᠪᠡᠷ ᠢ᠋ ᠪᠡᠨ ᠪᠢᠰᠢ᠂ ᠥᠭᠡᠷᠡ ᠪᠤᠰᠤᠳ ᠢ᠋ ᠬᠣᠣᠷᠯᠠᠬᠤ ᠭᠡᠵᠦ ᠪᠠᠢᠭᠰᠠᠨ ᠶᠤᠮ ᠰᠢᠭ᠋ ᠬᠢᠲᠤᠭᠠ ᠪᠠᠨ ᠶᠠᠭᠠᠷᠠᠨ ᠬᠣᠢᠰᠢ ᠲᠡᠳᠡᠨ ᠨᠢᠷᠤᠭᠤᠨ ᠳᠣᠣᠷᠠ ᠪᠠᠨ ᠨᠢᠭᠤᠪᠠ᠃ ᠳᠡᠷᠭᠡᠳᠡ ᠨᠢ ᠨᠢᠭᠡ ᠬᠥᠮᠦᠨ ᠢᠷᠡᠭᠡᠳ ᠬᠠᠮᠠᠷ ᠢ᠋ᠶ᠋ᠠᠨ ᠱᠤᠤᠬᠢᠬᠲᠤᠨᠠᠭᠤᠯᠤᠨ ᠵᠣᠭᠰᠣᠬᠤ ᠶ᠋ᠢ ᠴᠢᠩᠨᠠᠬᠤ ᠳ᠋ᠤ᠌ ᠱᠠᠪᠢ ᠨᠢ ᠪᠠᠢᠭᠠ ᠠᠵᠢ᠃
— ᠪᠠᠭᠰᠢ ᠠ᠋! ᠪᠠᠭᠰᠢ ᠠ᠋! ᠭᠡᠵᠦ ᠱᠠᠪᠢ ᠬᠥᠨᠵᠢᠯᠡ ᠳ᠋ᠦ᠍ᠨᠢ ᠭᠠᠷ ᠭᠦᠷᠦᠨ ᠵᠥᠭᠡᠯᠡᠨ ᠢ᠋ᠶ᠋ᠡᠷ ᠴᠣᠬᠢᠯᠠᠪᠠ᠃
— ᠠ ᠶᠠᠭᠤ ᠪᠣᠢ? ᠶᠠᠭᠤ ᠪᠣᠯᠤᠭᠠ ᠪᠣᠢ? ᠭᠡᠵᠦ ᠲᠣᠯᠣᠭᠠᠢ ᠪᠠᠨ ᠬᠥᠨᠵᠢᠯᠡ ᠡᠴᠡ ᠭᠠᠷᠭᠠᠯ ᠦᠭᠡᠢ ᠠᠰᠠᠭᠤᠬᠤ ᠳ᠋ᠤ᠌᠄
— ᠪᠣᠭᠳᠠ ᠪᠠᠷᠢᠭᠳᠠᠵᠠᠢ ᠭᠡᠵᠦ ᠰᠤᠯᠠᠬᠠᠨ ᠢ᠋ᠶ᠋ᠠᠷ ᠬᠠᠷᠢᠭᠤᠯᠤᠨ ᠠᠮᠢᠰᠬᠤᠭᠠᠳᠠᠪᠠ ᠁
— ᠪᠣᠭᠳᠠ ᠶ᠋ᠢ? ᠬᠡᠨ ᠪᠠᠷᠢᠬᠤ ᠨᠢ ᠲᠡᠷᠡ ᠪᠣᠢ?
— ᠭᠠᠮᠢᠩ ᠤ᠋ᠳ᠃
— ᠬᠡᠵᠢᠶᠡ?
— ᠥᠴᠥᠭᠡᠳᠦᠷ᠃
ᠥᠴᠥᠭᠡᠳᠦᠷ ᠭᠡᠳᠡᠭ ᠨᠢ ᠰᠢᠨᠡ ᠶ᠋ᠢᠨ ᠳᠥᠷᠪᠡᠨ᠂ ᠰᠣᠢᠪᠣᠨ ᠯᠠᠮᠠ《ᠰᠢᠨᠡ ᠶ᠋ᠢᠨ ᠳᠥᠷᠪᠡᠨ ᠳ᠋ᠦ᠍ ᠭᠠᠮᠢᠩ ᠤ᠋ᠨ ᠨᠣᠶᠠᠳ ᠳᠠᠷᠤᠭᠠ ᠨᠠᠷ ᠪᠣᠭᠳᠠ ᠳ᠋ᠤ᠌ ᠪᠠᠷᠠᠯᠬᠠᠨᠠ》 ᠭᠡᠵᠦ ᠪᠠᠢᠭᠰᠠᠨ ᠢ᠋ ᠰᠠᠨᠠᠬᠤ ᠳ᠋ᠤ᠌ ᠪᠠᠷᠠᠯᠬᠠᠬᠤ ᠪᠢᠰᠢ᠂ ᠪᠠᠷᠢᠬᠤ ᠪᠠᠨ ᠲᠡᠭᠡᠵᠦ ᠮᠡᠳᠡᠭᠳᠡᠭᠰᠡᠨ ᠬᠡᠷᠡᠭ ᠪᠠᠢᠵᠠᠢ ᠭᠡᠵᠦ ᠪᠣᠳᠣᠭᠳᠠᠪᠠ᠃ ᠭᠡᠪᠡᠴᠦ ᠲᠠᠪᠠᠯᠠᠬᠤ ᠶᠠᠭᠤᠮᠠ ᠠᠯᠠᠭᠠ᠃ ᠬᠠᠷᠢᠨ ᠪᠣᠭᠳᠠ ᠶᠠᠮᠠᠷ ᠪᠣᠯᠪᠠᠴᠤ ᠮᠣᠩᠭᠣᠯ ᠬᠥᠮᠦᠨ ᠨᠢᠭᠡᠪᠦᠷᠢ ᠶ᠋ᠢᠨ ᠰᠦᠰᠦᠭ ᠪᠢᠰᠢᠷᠡᠯ ᠢ᠋ ᠥᠪᠡᠷ ᠲᠡᠭᠡᠨ ᠲᠠᠲᠠᠭᠰᠠᠨ ᠬᠥᠮᠦᠨ ᠪᠥᠭᠡᠳ—《ᠲᠠ ᠨᠠᠷ ᠦᠬᠦᠴᠡᠭᠡ᠃ ᠨᠠᠰᠤᠨ ᠤ᠋ ᠴᠢᠨᠢ ᠬᠡᠮᠵᠢᠶᠡ ᠭᠦᠢᠴᠡᠭᠰᠡᠨ》 ᠭᠡᠵᠦ ᠵᠠᠷᠯᠢᠭ ᠪᠠᠭᠤᠪᠠᠴᠤ ᠳᠠᠭᠤ ᠦᠭᠡᠢ ᠳᠠᠭᠠᠬᠤ ᠬᠥᠮᠦᠨ ᠣᠯᠠᠨ ᠪᠠᠢᠬᠤ ᠠᠲᠠᠯᠠ᠂ ᠲᠡᠢᠮᠦ ᠬᠥᠮᠦᠨ ᠢ᠋ ᠪᠠᠷᠢᠬᠤ ᠨᠢ ᠶᠠᠭᠤ ᠪᠣᠢ? ᠡᠨᠡ ᠪᠣᠯ ᠮᠣᠩᠭᠣᠯ ᠬᠥᠮᠦᠨ ᠨᠢᠭᠡᠪᠦᠷᠢ ᠶ᠋ᠢ ᠠᠳᠤᠭᠤᠰᠤ ᠮᠠᠯ ᠤ᠋ᠨ ᠲᠡᠳᠦᠢ ᠳ᠋ᠦ᠍ ᠦᠵᠡᠭᠰᠡᠨ ᠳᠣᠷᠣᠮᠵᠢᠯᠠᠯ ᠭᠡᠵᠦ ᠪᠣᠳᠣᠭᠳᠠᠨ ᠴᠡᠭᠡᠵᠢᠨ ᠳ᠋ᠦ᠍ᠨᠢ ᠶᠡᠬᠡ ᠬᠣᠷᠣᠰᠤᠯ ᠬᠤᠷᠠᠯᠳᠤᠵᠤ ᠡᠬᠢᠯᠡᠪᠡ᠃ ᠦᠶᠡ ᠮᠥᠴᠡ ᠢᠷᠡᠬᠦ ᠳᠣᠳᠣᠮ ᠥᠰᠢᠶᠡ ᠬᠣᠷᠣᠰᠤᠯ ᠠᠭᠤᠷ ᠪᠤᠬᠢᠨᠢᠳᠤᠯ ᠨᠡᠮᠡᠭᠳᠡᠨᠡ᠃《ᠶᠡᠷᠦ ᠮᠣᠩᠭᠣᠯ ᠬᠥᠮᠦᠨ ᠡᠨᠡ ᠭᠠᠮᠢᠩ ᠤ᠋ᠳ ᠲᠤ᠌ ᠳᠣᠷᠣᠢᠲᠠᠯ ᠢᠷᠡᠬᠦ ᠶ᠋ᠢ ᠨᠢ ᠦᠵᠡᠬᠦ ᠪᠣᠯᠪᠠᠤ》 ᠭᠡᠬᠦ ᠡᠴᠡ ᠬᠥᠨᠳᠡᠯᠡᠨ ᠡᠴᠡ ᠨᠢ ᠨᠢᠭᠡ ᠭᠡᠷ ᠶᠠᠭᠤᠮᠠ《ᠦᠵᠡᠨᠡ! ᠠᠮᠢᠳᠤ ᠪᠠᠢᠪᠠᠰᠤ ᠴᠢ ᠴᠦ᠍ ᠦᠵᠡᠨᠡ᠂ ᠥᠭᠡᠷᠡ ᠬᠥᠮᠦᠨ ᠴᠦ᠍ ᠦᠵᠡᠨᠡ᠂ ᠲᠡᠷᠡ ᠪᠠᠢᠲᠤᠭᠠᠢ ᠦᠢ ᠣᠯᠠᠨ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠡᠩᠬᠡ ᠲᠦᠪᠰᠢᠨ ᠦ᠌ ᠵᠢᠷᠭᠠᠯ ᠡᠳ᠋ᠯᠡᠬᠦ ᠶ᠋ᠢ ᠴᠦ᠍ ᠬᠡᠨ ᠪᠠᠢᠭᠠ ᠭᠡᠬᠦ ᠶᠦᠮ ᠪᠣᠢ?》 ᠭᠡᠵᠦ ᠰᠢᠪᠡᠨᠡᠬᠦ ᠰᠢᠭ ᠪᠣᠯᠪᠠ᠃《ᠭᠠᠳᠠᠭᠤᠷ ᠬᠥᠮᠦᠨ ᠣᠯᠠᠨ ᠤ᠋ ᠪᠠᠢᠳᠠᠯ ᠶᠠᠮᠠᠷ ᠪᠠᠢᠨᠠ》 ᠭᠡᠵᠦ ᠠᠰᠠᠭᠤᠬᠤ ᠪᠠᠷ ᠲᠣᠯᠣᠭᠠᠢ ᠪᠠᠨ ᠬᠥᠨᠵᠢᠯᠡ ᠡᠴᠡ ᠪᠡᠨ ᠭᠠᠷᠭᠠᠨ ᠬᠠᠷᠠᠬᠤ ᠳ᠋ᠤ᠌ ᠱᠠᠪᠢ ᠨᠢ ᠠᠯᠠᠭᠠ᠃ ᠬᠥᠨᠵᠢᠯᠡ ᠶ᠋ᠢᠨ ᠢ᠋ᠶ᠋ᠡᠨ ᠵᠠᠬᠠ ᠶ᠋ᠢ ᠪᠤᠴᠠᠭᠠᠵᠤ ᠲᠣᠯᠣᠭᠠᠢ ᠪᠠᠨ ᠪᠦᠲᠦᠭᠡᠵᠦ ᠠᠪᠤᠭᠠᠳ《ᠭᠠᠮᠢᠩ ᠢ᠋ ᠬᠡᠨ ᠳᠣᠷᠣᠢᠲᠠᠭᠤᠯᠬᠤ ᠶᠤᠮ ᠪᠣᠢ? ᠵᠠ ᠬᠠᠷᠢᠨ ᠬᠣᠯᠠ ᠪᠠᠢᠬᠠ᠃ ᠡᠭᠦᠨ ᠳ᠋ᠦ᠍ ᠣᠷᠣᠬᠤ ᠪᠠᠷ ᠪᠦᠬᠦ ᠣᠷᠣᠨ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠨᠣᠬᠠᠢ ᠪᠠᠨ ᠪᠣᠯᠪᠠᠴᠤ ᠳᠠᠭᠠᠭᠤᠯᠤᠨ ᠪᠣᠰᠪᠠᠯ ᠶᠠᠭᠠᠬᠢᠬᠤ ᠪᠣᠢ? ᠭᠡᠲᠡᠯᠡ ᠪᠣᠷᠣᠣᠬᠠᠢ ᠰᠢᠳᠠᠮ ᠠ᠋ᠴᠠ ᠥᠭᠡᠷᠡ ᠪᠠᠷᠢᠬᠤ ᠵᠡᠪᠰᠡᠭ ᠦᠭᠡᠢ ᠰᠢᠦ ᠳᠡ᠃ ᠭᠡᠪᠡᠴᠦ ᠪᠠᠢᠵᠠ! ᠳ᠋ᠦᠩ ᠡᠪᠦᠯ ᠦ᠋ᠨ ᠬᠦᠢᠲᠡᠨ ᠢ᠋ᠶ᠋ᠡᠷ ᠵᠠᠬᠠ ᠬᠢᠵᠠᠭᠠᠷ ᠢ᠋ᠶ᠋ᠠᠷ ᠲᠠᠷᠬᠠᠭᠰᠠᠨ ᠵᠢᠵᠢᠭ ᠠᠩᠭᠢ ᠨᠤᠭᠤᠳ ᠠ᠋ᠴᠠ ᠨᠢ ᠳᠠᠭᠠᠷᠢᠨ ᠴᠣᠬᠢᠬᠤ ᠪᠠᠷ ᠶᠠᠭᠤ ᠪᠣᠯᠬᠤ ᠪᠢᠯᠡ ᠠ᠋》 ᠭᠡᠬᠦᠴᠢᠯᠡᠯ ᠦ᠋ᠨ ᠶᠡᠬᠡ ᠶᠠᠭᠤᠮᠠ ᠶ᠋ᠢ ᠪᠣᠳᠣᠵᠤ ᠭᠠᠷᠤᠯᠠ᠃ ᠬᠠᠭᠠᠯᠭᠠ ᠰᠠᠮ ᠨᠡᠭᠡᠭᠡᠭᠳᠡᠬᠦ ᠰᠣᠨᠣᠰᠳᠠᠪᠠ᠃ ᠣᠷᠣᠨ ᠤ᠋ ᠬᠠᠵᠠᠭᠤ ᠳ᠋ᠤ᠌ ᠨᠢᠭᠡ ᠬᠥᠮᠦᠨ ᠰᠠᠮ ᠢᠷᠡᠨ ᠰᠠᠭᠤᠬᠤ ᠶ᠋ᠢ ᠨᠢ ᠴᠢᠬᠢ ᠲᠠᠯᠪᠢᠨ ᠠᠵᠢᠬᠤ ᠳ᠋ᠤ᠌ ᠱᠠᠪᠢ ᠨᠢ ᠠᠵᠢ᠃
— ᠪᠠᠭᠰᠢ ᠠ᠋᠂ ᠪᠠᠭᠰᠢ ᠠ᠋ ᠭᠡᠵᠦ ᠶᠠᠭᠠᠷᠠᠨ ᠳᠠᠭᠤᠳᠠᠬᠤ ᠳ᠋ᠤᠨᠢ᠄ ᠵᠠ ᠶᠠᠭᠤ ᠭᠡᠪᠡ?
— ᠨᠤᠲᠤᠭ ᠠ᠋ᠴᠠ ᠠᠶᠠᠨᠴᠢᠳ ᠢᠷᠡᠭᠡᠳ ᠪᠠᠢᠨᠠ ᠪᠠᠭᠰᠢ ᠠ᠋᠃ ᠪᠢ ᠲᠡᠳᠡᠨ ᠲᠡᠢ ᠠᠭᠤᠯᠵᠠᠪᠠ᠃
— ᠵᠠ ᠲᠡᠭᠡᠭᠡᠳ?
— ᠠᠪᠤ ᠪᠡᠶᠡ ᠮᠠᠭᠤ᠂ ᠬᠥᠮᠦᠨ ᠪᠦᠯᠢ ᠦᠭᠡᠢ ᠬᠡᠴᠡᠭᠦᠦ ᠪᠠᠢᠭᠠ ᠭᠡᠨᠡ᠃
— ᠠᠢ ᠲᠡᠭᠡᠭᠡᠳ?
— ᠪᠢ ᠶᠠᠪᠤᠵᠤ ᠦᠵᠡᠬᠦ ᠶᠦᠮ ᠪᠢᠯᠢᠤ ᠭᠡᠵᠦ ᠪᠣᠳᠣᠵᠤ ᠪᠠᠢᠨᠠ᠃
— ᠳᠤᠭᠤᠯᠤᠯᠠ᠂ ᠨᠠᠳᠠ ᠬᠣᠷᠭᠣᠳᠠᠬᠤ ᠬᠡᠷᠡᠭ ᠦᠭᠡᠢ᠃
— ᠵᠠ᠃
ᠢᠩᠭᠢᠭᠡᠳ ᠪᠠᠭᠰᠢ ᠱᠠᠪᠢ ᠬᠣᠶᠠᠷ ᠤ᠋ᠨ ᠬᠣᠭᠣᠷᠣᠨᠳᠣ ᠶ᠋ᠢᠨ ᠶᠠᠷᠢᠶᠠ ᠨᠢᠭᠡ ᠬᠡᠰᠡᠭ ᠲᠠᠰᠤᠷᠠᠭᠰᠠᠨ ᠪᠥᠭᠡᠳ ᠬᠣᠶᠠᠷ ᠪᠡᠶᠡ ᠡᠴᠡ ᠪᠡᠨ ᠦᠭᠡ ᠬᠦᠯᠢᠶᠡᠨ ᠨᠡᠯᠢᠶᠡᠳ ᠤᠳᠠᠭᠰᠠᠨ ᠤ᠋ ᠡᠴᠦᠰ ᠲᠦ᠍ ᠱᠠᠪᠢ᠄
— ᠲᠠ ᠰᠠᠢᠨ ᠰᠠᠭᠤᠵᠤ ᠪᠠᠢᠭᠠᠷᠠᠢ! ᠭᠡᠵᠦ ᠲᠤᠩ ᠠᠶᠠᠷᠬᠠᠨ ᠬᠡᠯᠡᠪᠡ᠃ ᠡᠭᠦᠨ ᠢ᠋ ᠨᠢ ᠪᠠᠯᠳᠠᠨᠴᠡᠷᠢᠩ ᠳᠠᠮ ᠲᠣᠮ ᠰᠣᠨᠣᠰᠤᠨ ᠳᠠᠷᠠᠭᠠᠬᠢ ᠦᠭᠡ ᠶ᠋ᠢ ᠨᠢ ᠬᠦᠯᠢᠶᠡᠪᠡ᠃ ᠭᠡᠲᠡᠯᠡ ᠴᠢᠮᠡᠭᠡ ᠠᠯᠠᠭᠠ᠂《ᠨᠢᠭᠡ ᠮᠡᠳᠡᠬᠦ ᠳ᠋ᠦ᠍ ᠤᠯᠤᠰ ᠣᠷᠣᠨ ᠴᠢᠨᠢ ᠭᠠᠮᠢᠩ ᠤ᠋ᠨ ᠡᠰᠡᠷᠭᠦ ᠲᠡᠮᠡᠴᠡᠨ ᠪᠣᠰᠬᠤ ᠨᠢ ᠮᠠᠭᠠᠳ᠂ ᠲᠡᠷᠡ ᠴᠠᠭ ᠲᠤ ᠴᠢ ᠮᠢᠨᠢ ᠪᠡᠶᠡ ᠪᠡᠨ ᠬᠠᠢᠷᠠᠯᠠᠵᠤ ᠬᠡᠷᠬᠢᠪᠡᠴᠦ ᠪᠣᠯᠬᠤ ᠦᠭᠡᠢ ᠰᠢᠦ ᠳᠡ》 ᠭᠡᠵᠦ ᠵᠠᠬᠢᠶᠠ ᠭᠡᠵᠦ ᠪᠣᠳᠣᠨ ᠬᠥᠨᠵᠢᠯᠡ ᠶ᠋ᠢᠨ ᠢ᠋ᠶ᠋ᠡᠨ ᠵᠠᠬᠠ ᠶ᠋ᠢ ᠲᠡᠳᠡᠨ ᠬᠠᠷᠠᠬᠤ ᠳ᠋ᠤ᠌ ᠱᠠᠪᠢ ᠨᠢ ᠦᠭᠡᠢ ᠪᠠᠢᠭᠰᠠᠨ ᠪᠥᠭᠡᠳ ᠲᠡᠭᠡᠭᠡᠳ ᠲᠡᠷᠡ ᠠᠷᠪᠠᠨ ᠳᠣᠯᠣᠭᠠ ᠬᠦᠷᠴᠦ ᠪᠠᠢᠭᠠ ᠵᠢᠭᠠᠬᠠᠨ ᠬᠦᠦ᠂ ᠲᠡᠷᠡ ᠴᠢᠭ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠣᠷᠣ ᠰᠤᠷᠠᠭ ᠦᠭᠡᠢ ᠪᠣᠯᠤᠭᠰᠠᠨ ᠪᠢᠯᠡ᠃
ᠨᠢᠭᠡᠳᠦᠭᠡᠷ ᠪᠦᠯᠦᠭ ᠲᠡᠭᠦᠰᠪᠡ᠃