ᠶᠢᠷᠲᠢᠨᠴᠦ ᠶ᠋ᠢᠨ ᠬᠥᠬᠡ ᠮᠣᠳᠣᠨ ᠤ᠋ ᠳᠡᠷᠭᠡᠳᠡ-ᠰ·ᠬᠠᠰᠪᠠᠭᠠᠨᠠYertöntsiin khökh modny derged-S·KhasbaanaЕртөнцийн хөх модны дэргэд-С·Хасбаана
94ᠶᠢᠷᠲᠢᠨᠴᠦ ᠶ᠋ᠢᠨ ᠬᠥᠬᠡ ᠮᠣᠳᠣᠨ ᠤ᠋ ᠳᠡᠷᠭᠡᠳᠡ
ᠵᠣᠬᠢᠶᠠᠭᠴᠢ᠄ ᠰ· ᠬᠠᠰᠪᠠᠭᠠᠨᠠ
ᠤᠶᠠᠩᠭᠠᠯᠠᠭᠴᠢ᠄ ᠤᠷᠠᠩᠬᠤᠸᠠᠷ
ᠶᠢᠷᠲᠢᠨᠴᠦ ᠶ᠋ᠢᠨ ᠬᠥᠬᠡ ᠮᠣᠳᠣᠨ ᠤ᠋ ᠳᠡᠷᠭᠡᠳᠡ
ᠬᠠᠢᠷᠠ ᠶ᠋ᠢ ᠴᠢᠨᠢ ᠮᠠᠨᠠᠵᠤ ᠰᠠᠭᠤᠯᠠ᠂
ᠶᠢᠷᠲᠢᠨᠴᠦ ᠶ᠋ᠢᠨ ᠬᠥᠬᠡ ᠮᠣᠳᠣᠨ ᠤ᠋ ᠳᠡᠷᠭᠡᠳᠡ
ᠨᠠᠮᠠ ᠶ᠋ᠢ ᠣᠷᠬᠢᠭᠠᠳ ᠴᠢ ᠡᠭᠦᠯᠡ ᠬᠤᠪᠢᠯᠴᠢᠬᠠᠭᠰᠠᠨ᠃
ᠶᠢᠷᠲᠢᠨᠴᠦ ᠶ᠋ᠢᠨ ᠬᠥᠬᠡ ᠮᠣᠳᠣ ᠨᠠᠳᠠ ᠳ᠋ᠤ᠌
ᠴᠢᠨᠦ ᠬᠠᠢᠷᠠ ᠳᠠᠬᠢᠵᠤ ᠢᠷᠡᠨᠡ ᠭᠡᠰᠡᠨ
ᠶᠢᠷᠲᠢᠨᠴᠦ ᠶ᠋ᠢᠨ ᠬᠥᠬᠡ ᠮᠣᠳᠣᠨᠠ
ᠬᠠᠢᠷᠠ ᠢᠷᠡᠭᠡ ᠦᠭᠡᠢ ᠲᠣᠭᠣᠷᠤᠤ ᠢᠷᠡᠭᠰᠡᠨ᠃
ᠲᠣᠭᠣᠷᠤᠤ ᠨᠠᠳᠠ ᠳ᠋ᠤ᠌ ᠬᠠᠢᠷᠠ ᠶ᠋ᠢᠨ ᠮᠣᠳᠣᠨᠠ
ᠳᠤᠷᠠᠯᠠᠯ ᠢ᠋ᠶ᠋ᠠᠨ ᠮᠠᠨᠠᠵᠤ ᠭᠡᠭᠡᠷᠡᠬᠦ ᠰᠢᠳᠢ ᠥᠭᠭᠦᠭᠰᠡᠨ
ᠢᠨᠠᠭ ᠤ᠋ᠨ ᠦᠯᠢᠭᠡᠷ ᠰᠢᠭ ᠪᠣᠷᠣ ᠲᠣᠯᠣᠭᠠᠢ
ᠷᠣᠮᠠᠨᠲ᠋ᠢᠭ ᠶᠣᠰᠣᠭᠠᠷ ᠳᠠᠬᠢᠭᠠᠳ ᠢᠷᠡ ᠭᠡᠵᠦ ᠳᠠᠯᠠᠯᠤᠭᠰᠠᠨ᠃
ᠪᠣᠷᠣ ᠲᠣᠯᠣᠭᠠᠢ ᠳᠡᠭᠡᠷᠡ ᠪᠣᠯᠵᠣᠵᠤ ᠶᠠᠪᠤᠭᠰᠠᠨ ᠮᠥᠴᠡ ᠨᠦ᠍ᠭᠦᠳ
ᠪᠦᠷᠢᠳᠦ ᠶ᠋ᠢᠨ ᠳᠡᠷᠡᠰᠦᠨᠡ ᠨᠠᠢᠭᠤᠵᠤ ᠶᠠᠪᠤᠭᠰᠠᠨ ᠢ᠋ ᠬᠦᠦᠷᠨᠢᠭᠰᠡᠨ
ᠪᠣᠷᠣ ᠲᠣᠯᠣᠭᠠᠢ ᠶ᠋ᠢᠨ ᠬᠢᠷᠠᠭᠤᠨ ᠴᠡᠴᠡᠭ ᠨᠠᠳᠠ ᠳ᠋ᠤ᠌
ᠴᠢᠨᠦ ᠬᠡᠯᠡ ᠪᠡᠷ ᠬᠠᠢᠷᠠᠲᠠᠢ ᠭᠡᠵᠦ ᠰᠢᠪᠡᠨᠡᠭᠰᠡᠨ᠃
ᠳᠤᠷᠠᠯᠠᠯ ᠤ᠋ᠨ ᠦᠯᠢᠭᠡᠷ ᠦ᠋ᠳ ᠲᠠᠩᠳᠠ
ᠰᠠᠨᠠᠬᠤ ᠶ᠋ᠢᠨ ᠰᠠᠢᠬᠠᠨ ᠢ᠋ ᠬᠥᠭᠵᠢᠮᠳᠡᠭᠰᠡᠨ
ᠪᠣᠷᠣᠭᠠᠨ ᠤ᠋ ᠡᠭᠦᠯᠡᠰ ᠲᠠᠩᠳᠠ ᠪᠣᠳᠣᠯ ᠪᠣᠯᠤᠭᠠᠳ ᠳᠡᠯᠭᠡᠭᠳᠡᠵᠦ
ᠪᠣᠷᠣᠭᠠᠨ ᠤ᠋ ᠳᠤᠮᠳᠠ ᠪᠢᠳᠡ ᠬᠣᠶᠠᠷ ᠰᠢᠭᠦᠷ ᠳᠣᠣᠷᠠ ᠠᠯᠬᠤᠯᠠᠳᠠᠭ ᠠ᠋᠃
ᠬᠠᠢᠷᠠ ᠶ᠋ᠢᠨ ᠰᠢᠪᠡᠨᠡᠭᠡ ᠲᠡᠢ ᠠᠷᠤ ᠴᠠᠢᠳᠠᠮ ᠳ᠋ᠤ᠌
ᠵᠡᠭᠡᠰᠦᠨ ᠰᠥᠯ ᠰᠡᠳᠬᠢᠯ ᠶᠦᠮ ᠰᠢᠭ ᠰᠡᠮᠡᠷᠡᠳᠡᠭ
ᠠᠩᠬᠠᠨ ᠤ᠋ ᠳᠤᠷᠠᠯᠠᠯ ᠤ᠋ᠨ ᠥᠴᠢᠭ ᠲᠠᠮᠤᠵᠤ
ᠨᠠᠮᠤᠷ ᠪᠢᠳᠡ ᠬᠣᠶᠠᠷ ᠬᠤᠨ ᠤ᠋ ᠳᠠᠭᠤᠨ ᠳ᠋ᠤ᠌ ᠡᠩᠰᠡᠷᠳᠡᠭ ᠠ᠋᠃
ᠰᠠᠨᠠᠬᠤ ᠭᠡᠳᠡᠭ ᠬᠠᠢᠷᠠᠯᠠᠬᠤ ᠶ᠋ᠢᠨ ᠨᠥᠭᠦᠭᠡ ᠤᠳᠬᠠ᠂
ᠤᠳᠬᠠ ᠶ᠋ᠢᠨ ᠭᠦᠨ ᠳ᠋ᠦ᠍ ᠨᠡᠪᠲᠡᠷᠡᠬᠦ ᠬᠡᠮᠡᠵᠦ ᠨᠢᠯᠪᠤᠰᠤ ᠬᠤᠪᠢᠯᠤᠭᠰᠠᠨ
ᠨᠢᠯᠪᠤᠰᠤ ᠮᠢᠨᠢ ᠲᠠᠩᠳᠠ ᠰᠡᠳᠬᠢᠯ ᠪᠣᠯᠤᠭᠠᠳ
ᠴᠡᠴᠡᠭ ᠦ᠋ᠨ ᠳᠡᠭᠡᠷᠡ ᠰᠥᠨᠢ ᠶ᠋ᠢᠨ ᠰᠡᠷᠢᠭᠦᠨᠡ ᠤᠨᠠᠳᠠᠭ᠃
ᠴᠢᠨᠦ ᠨᠡᠷᠡ ᠪᠡᠷ ᠬᠡᠭᠡᠷᠡ ᠶ᠋ᠢᠨ ᠴᠡᠴᠡᠭ ᠢ᠋ ᠨᠡᠷᠡᠯᠡᠭᠰᠡᠨ
ᠲᠡᠷᠡ ᠴᠡᠴᠡᠭ ᠴᠢᠨᠦ ᠨᠢᠳᠦ ᠪᠡᠷ ᠨᠠᠮᠠ ᠶ᠋ᠢ ᠰᠡᠮᠬᠡᠨ ᠰᠢᠷᠳᠡᠳᠡᠭ
ᠪᠣᠷᠣ ᠲᠣᠯᠣᠭᠠᠢ ᠶ᠋ᠢᠨ ᠰᠠᠯᠬᠢ ᠬᠠᠶᠠ ᠨᠠᠮᠠ ᠶ᠋ᠢ ᠦᠨᠦᠰᠳᠡᠭ
ᠵᠦᠩ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠪᠢ ᠴᠢᠮᠠ ᠪᠠᠨ ᠭᠡᠵᠦ ᠮᠡᠳᠡᠷᠡᠳᠡᠭ ᠠ᠋᠃
ᠤᠳᠬᠠ ᠭᠡᠳᠡᠭ ᠳᠠᠰᠤᠯᠴᠠᠬᠤ ᠶ᠋ᠢᠨ ᠭᠦᠨ ᠴᠢᠨᠠᠷ
ᠢᠨᠠᠭ ᠤ᠋ᠨ ᠮᠣᠳᠣᠨᠠ ᠵᠢᠮᠢᠰ ᠪᠣᠯᠤᠭᠠᠳ ᠪᠦᠨᠵᠢᠭᠡᠨᠡᠳᠡᠭ
ᠬᠣᠷᠢᠭᠠᠲᠤ ᠵᠢᠮᠢᠰ ᠢ᠋ ᠵᠢᠷᠦᠬᠡ ᠭᠡᠮᠡᠨ ᠰᠢᠲᠦᠵᠦ
ᠬᠣᠶᠠᠷ ᠪᠡᠶᠡ ᠮᠢᠨᠢ ᠬᠦᠴᠦᠲᠦ ᠳᠡᠷᠡᠰᠦᠨ ᠳ᠋ᠦ᠍ ᠰᠣᠭᠲᠣᠭᠰᠠᠨ᠃
ᠳᠠᠭᠠᠨᠠ ᠶ᠋ᠢᠨ ᠶᠠᠭᠠᠨ ᠴᠡᠴᠡᠭ ᠬᠣᠭᠣᠯᠠᠢ ᠪᠦᠷᠬᠦᠨ ᠢᠨᠢᠶᠡᠵᠦ
ᠶᠠᠩᠵᠤ ᠶ᠋ᠢᠨ ᠬᠣᠣᠰ ᠡᠷᠪᠡᠬᠡᠢ ᠪᠢᠳᠡ ᠬᠣᠶᠠᠷ ᠰᠢᠭ᠋ ᠪᠥᠵᠢᠭᠰᠡᠨ
ᠲᠡᠷᠡ ᠵᠢᠯ ᠦ᠋ᠨ ᠵᠤᠨ ᠳᠡᠩᠳᠡᠭᠦᠦ ᠣᠬᠣᠷ ᠵᠤᠨ
ᠨᠢᠭᠡ ᠯᠡ ᠮᠡᠳᠡᠬᠦ ᠳ᠋ᠦ᠍ ᠨᠠᠮᠤᠷ ᠨᠠᠮᠠ ᠶ᠋ᠢ ᠬᠤᠴᠢᠴᠢᠬᠠᠭᠰᠠᠨ᠃
ᠳᠤᠷᠠᠰᠤᠯ ᠤ᠋ᠨ ᠠᠭᠤᠯᠠᠨ ᠤ᠋ ᠣᠷᠭᠢᠯ ᠳᠠᠩᠴᠤ ᠥᠨᠳᠥᠷ
ᠣᠷᠭᠢᠯ ᠳᠡᠭᠡᠷᠡ ᠨᠢ ᠴᠢᠨᠦ ᠬᠠᠢᠷᠠ ᠪᠠᠢᠬᠤ ᠶ᠋ᠢ ᠰᠤᠪᠢᠨᠠ
ᠳᠤᠷᠠᠯᠠᠨᠠ ᠭᠡᠳᠡᠭ ᠳᠡᠩᠳᠡᠭᠦᠦ ᠬᠠᠲᠠᠭᠤ ᠲᠠᠩᠭᠠᠷᠢᠭ
ᠲᠣᠭᠣᠷᠤᠤ ᠪᠢᠳᠡ ᠬᠣᠶᠠᠷ ᠬᠥᠬᠡ ᠮᠣᠳᠣᠨᠡ ᠬᠦᠯᠢᠶᠡᠨᠡ᠃
ᠠᠯᠢ ᠡᠳᠦᠷ ᠴᠠᠰᠤ ᠪᠤᠷᠠᠵᠤ ᠮᠣᠳᠣ ᠬᠤᠴᠢᠭᠳᠠᠬᠤ ᠶ᠋ᠢ
ᠶᠡᠷᠦ ᠪᠤᠰᠤ ᠶ᠋ᠢᠨ ᠨᠢᠭᠡᠨ ᠪᠦᠷᠦᠢ ᠬᠠᠷᠠᠬᠤ ᠪᠣᠯᠤᠨᠠ
ᠵᠢᠩᠬᠢᠨᠢ ᠬᠠᠢᠷᠠ ᠶ᠋ᠢᠨ ᠰᠢᠳᠢᠲᠦ ᠳᠡᠷᠡᠰᠦᠨ ᠦ᠌ ᠦᠨᠡᠨ ᠴᠢᠨᠠᠷ ᠢ᠋
ᠪᠢᠰᠢᠯᠭᠠᠵᠤ ᠰᠠᠭᠤᠭᠰᠠᠨ ᠬᠥᠬᠡ ᠮᠣᠳᠣ ᠶᠠᠷᠢᠬᠤ ᠪᠣᠯᠤᠨᠠ᠃
ᠶᠢᠷᠲᠢᠨᠴᠦ ᠶ᠋ᠢᠨ ᠬᠥᠬᠡ ᠮᠣᠳᠣ ᠭᠡᠳᠡᠭ ᠰᠡᠳᠬᠢᠯ ᠶᠤᠮ
ᠶᠡᠷᠦ ᠶ᠋ᠢᠨ ᠬᠥᠮᠦᠨ ᠮᠠᠨᠠᠵᠤ ᠡᠰᠡ ᠴᠢᠳᠠᠬᠤ ᠭᠠᠯ ᠶᠤᠮ
ᠶᠢᠷᠲᠢᠨᠴᠦ ᠶ᠋ᠢᠨ ᠬᠥᠬᠡ ᠮᠣᠳᠣ ᠭᠡᠳᠡᠭ ᠬᠠᠢᠷᠠ ᠶ᠋ᠢᠨ ᠰᠠᠬᠢᠭᠤᠰᠤ ᠶᠤᠮ
ᠴᠢᠩ ᠦᠨᠡᠨ ᠢ᠋ ᠳᠠᠭᠤᠯᠠᠭᠰᠠᠨ ᠨᠠᠢᠮᠠᠳᠠᠬᠢ ᠨᠣᠲ ᠶᠤᠮ᠃
ᠶᠢᠷᠲᠢᠨᠴᠦ ᠶ᠋ᠢᠨ ᠬᠥᠬᠡ ᠮᠣᠳᠣ ᠭᠡᠳᠡᠭ ᠳᠤᠷᠠᠰᠤᠯ ᠶᠤᠮ
ᠰᠠᠨᠠᠬᠤ ᠶ᠋ᠢᠨ ᠰᠠᠢᠬᠠᠨ ᠢ᠋ ᠪᠢᠰᠢᠯᠭᠠᠭᠰᠠᠨ ᠭᠡᠷᠡᠯ ᠦ᠋ᠨ ᠴᠠᠮᠬᠠᠭ ᠶᠤᠮ
ᠶᠢᠷᠲᠢᠨᠴᠦ ᠶ᠋ᠢᠨ ᠬᠥᠬᠡ ᠮᠣᠳᠣ ᠭᠡᠳᠡᠭ ᠵᠢᠷᠦᠬᠡᠨ ᠦ᠌ ᠵᠤᠯᠠ ᠶᠤᠮ
ᠭᠡᠷᠡᠯ ᠭᠡᠭᠡ ᠨᠢ ᠶᠢᠷᠲᠢᠨᠴᠦ ᠶ᠋ᠢ ᠭᠡᠢᠭᠦᠯᠦᠭᠰᠡᠭᠡᠷ ᠪᠠᠢᠬᠤ ᠪᠣᠯᠤᠨᠠ᠁
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠣᠳᠬᠣᠨᠴᠡᠴᠡᠭ
ᠦᠰᠦᠭ ᠬᠠᠳᠠᠭᠴᠢ᠄ ᠪᠠᠢ᠂ ᠰᠠᠷᠠᠨᠠ
ᠬᠢᠨᠠᠭᠴᠢ ᠪᠠᠭᠰᠢ᠄ ᠣᠳᠬᠠᠨᠰᠣᠠ᠂ ᠨᠠᠷᠠᠨ