ᠰᠢᠨ ᠰᠢᠶᠣᠤ(ᠰᠢᠨᠱᠣᠸᠠᠷ) - ᠴᠠᠭᠠᠨᠪᠠᠷᠰShin shyao(Shnshovaar)-TsagaanbarШин шяо(Шншоваар)-Цагаанбар
7ᠰᠢᠨ ᠰᠢᠶᠣᠤ(ᠰᠢᠨᠱᠣᠸᠠᠷ)
ᠴᠠᠭᠠᠨᠪᠠᠷᠰ ᠳᠠᠭᠤᠯᠠᠪᠠ
ᠬᠣᠷᠴᠢᠨ ᠠᠷᠠᠳ ᠤ᠋ᠨ ᠳᠠᠭᠤᠤ
ᠲᠥᠷᠥᠭᠡᠳ ᠯᠡ ᠲᠡᠭᠡᠭᠰᠡᠨ ᠭᠠᠵᠠᠷ ᠮᠢᠨᠢ ᠠ᠋ ᠬᠦ ᠬᠦᠢ
ᠵᠠᠰᠠᠭᠲᠤ ᠶ᠋ᠢᠨ ᠬᠣᠰᠢᠭᠤ ᠠᠵᠠ ᠨᠠᠷ ᠠ᠋ ᠬᠦ ᠬᠦᠢ
ᠲᠦᠪᠡᠭᠳᠡᠭᠡᠳ ᠳᠣᠯᠣᠭᠠᠨ ᠬᠢᠭᠰᠡᠨ ᠭᠠᠵᠠᠷ ᠮᠢᠨᠢ ᠠ᠋ ᠬᠦ ᠬᠦᠢ
ᠲᠦᠰᠢᠶᠡᠲᠦ ᠶ᠋ᠢᠨ ᠬᠤᠰᠢᠭᠤᠨ ᠤ᠋ ᠪᠤᠤᠵᠠᠢ ᠶᠤᠤᠷ ᠠ᠋ ᠬᠦ ᠬᠦᠢ
ᠤᠤᠭᠤᠭᠠᠳ ᠯᠠ ᠲᠡᠭᠡᠭᠰᠡᠨ ᠤᠰᠤ ᠮᠢᠨᠢ ᠠ᠋ ᠬᠦ ᠬᠦᠢ
ᠤᠷᠳᠤᠭᠤᠷ ᠨᠢ ᠤᠷᠤᠰᠴᠤ ᠪᠠᠢᠬᠤ ᠲᠣᠭᠣᠷ ᠤ᠋ᠨ ᠭᠣᠣᠯ ᠶᠠ ᠬᠦ ᠬᠦᠢ
ᠤᠴᠠᠷᠠᠭᠠᠳ ᠳᠣᠯᠣᠭᠠᠨ ᠬᠢᠭᠰᠡᠨ ᠭᠠᠵᠠᠷ ᠮᠢᠨᠢ ᠠ᠋ ᠬᠦ ᠬᠦᠢ
ᠲᠦᠰᠢᠶᠡᠲᠦ ᠶ᠋ᠢᠨ ᠬᠤᠰᠢᠭᠤᠨ ᠤ᠋ ᠪᠤᠤᠵᠠᠢ ᠶᠤᠤᠷ ᠠ᠋ ᠬᠦ ᠬᠦᠢ
ᠰᠢᠨ ᠰᠢᠶᠣᠤ ᠪᠣᠯ ᠬᠥᠮᠦᠨ ᠦ᠌ ᠭᠠᠭᠴᠠᠬᠠᠨ ᠬᠦᠦ ᠰᠢᠦ᠂ ᠠᠪᠠ ᠲᠠᠪᠠ ᠬᠢᠵᠦ ᠪᠠᠢᠭᠠᠳ᠂ ᠲᠦᠯᠡᠭᠡ ᠠᠪᠴᠤ ᠪᠠᠢᠭᠰᠠᠨ ᠯᠠᠮᠠ ᠶ᠋ᠢ ᠠᠯᠠᠭᠰᠠᠨ ᠶᠤᠮ ᠠ᠋᠂ ᠬᠥᠮᠦᠨ ᠢ᠋ ᠠᠯᠠᠭᠰᠠᠨ ᠬᠥᠮᠦᠨ ᠴᠢᠨᠢ᠂ ᠬᠡᠷᠡᠭ ᠲᠦ᠍ ᠣᠷᠣᠴᠢᠬᠠᠬᠤ ᠦᠭᠡᠢ ᠤᠤ ᠳᠠ ᠠᠬᠠ ᠳᠡᠭᠦᠦ ᠪᠠᠷᠢᠵᠤ ᠪᠠᠢᠭᠠᠳ ᠬᠣᠩᠬᠣᠰ ᠪᠣᠯᠤᠭᠠᠳ ᠭᠠᠷᠤᠭᠰᠠᠨ ᠶᠤᠮ ᠂ ᠭᠡᠷ ᠨᠤᠲᠤᠭ ᠢ᠋ᠶ᠋ᠠᠨ ᠰᠠᠨᠠᠭᠠᠳ ᠭᠡᠮᠡᠷᠬᠡᠵᠦ ᠪᠠᠢᠭᠠᠳ ᠬᠡᠯᠡᠴᠢᠬᠡᠭᠰᠡᠨ ᠠ᠋᠄
ᠭᠡᠷᠡᠯ ᠨᠢ ᠰᠠᠴᠤᠷᠠᠭᠠᠳ ᠦᠵᠡᠭᠳᠡᠬᠦ ᠡᠴᠡ ᠬᠦ ᠬᠦᠢ
ᠬᠡᠮᠬᠢ ᠶ᠋ᠢᠨ ᠢᠦ ᠶᠡᠬᠡ ᠬᠠᠳᠠ ᠶᠠ ᠬᠦᠢ
ᠬᠡᠮᠬᠡᠷᠡᠲᠡᠯᠡ ᠪᠡᠨ ᠰᠠᠨᠠᠭᠳᠠᠬᠤ ᠠ᠋ᠴᠠ ᠬᠦ ᠬᠦᠢ
ᠭᠡᠷ ᠰᠢᠦ ᠡᠷᠦᠬᠡ ᠬᠣᠶᠠᠷ ᠮᠢᠨᠢ ᠠ᠋ ᠬᠦᠢ
ᠰᠢᠷᠠᠯᠠᠭᠠᠳ ᠯᠠ ᠰᠠᠢᠬᠠᠨ ᠦᠵᠡᠭᠳᠡᠬᠦ ᠡᠴᠡ ᠬᠦ ᠬᠦᠢ
ᠰᠢᠷᠠ ᠶ᠋ᠢᠨ ᠱᠠᠵᠢᠨ ᠤ᠋ ᠰᠦᠮᠡ ᠶᠦᠮ ᠠ᠋ ᠬᠦᠢ
ᠬᠠᠪᠲᠠᠭᠠᠢ ᠴᠡᠭᠡᠵᠢᠨ ᠳ᠋ᠦ᠍ ᠰᠠᠨᠠᠭᠳᠠᠬᠤ ᠠ᠋ ᠬᠦ ᠬᠦᠢ
ᠠᠪᠤ ᠪᠣᠯᠤᠨ ᠮᠥᠮᠥ ᠬᠣᠶᠠᠭᠤᠯᠠ ᠮᠢᠨᠢ ᠠ᠋ ᠬᠦᠢ
ᠣᠯᠠᠨ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠬᠡᠯᠡᠵᠦ ᠪᠠᠢᠨᠠ᠂ ᠬᠡᠨ ᠦ᠌ ᠬᠢᠨᠢ ᠠᠪᠤ ᠡᠵᠢ ᠦᠭᠡᠢ ᠤᠤ ᠳᠠ᠂ ᠴᠢ ᠡᠨᠡ ᠶᠠᠩᠵᠤ ᠲᠠᠢ ᠪᠣᠯᠬᠤ ᠶᠤᠮ ᠤᠤ ᠶᠠᠪᠤᠶᠠ ᠭᠡᠳ ᠶᠠᠪᠤᠵᠤ ᠪᠠᠢᠲᠠᠯᠠ ᠰᠢᠨ ᠰᠢᠶᠣᠤ( ᠰᠢᠨᠱᠣᠸᠠᠷ) ᠪᠠᠰᠠ ᠳᠠᠬᠢᠭᠠᠳ ᠬᠡᠯᠡᠴᠢᠬᠡᠭᠰᠡᠨ ᠠ᠋᠄
ᠯᠠᠮᠠ ᠴᠤ᠌ ᠬᠥᠮᠦᠨ ᠢ᠋ ᠪᠡᠨ ᠠᠯᠠᠭᠰᠠᠨ ᠦᠭᠡᠢ ᠪᠣᠯ ᠬᠦ ᠬᠦᠢ
ᠯᠠᠮᠠ ᠪᠠ ᠨᠡᠷᠡ ᠶ᠋ᠢ ᠪᠡᠨ ᠰᠣᠨᠣᠰᠤᠨᠠ ᠶᠠ ᠬᠦᠢ
ᠯᠠᠮᠠ ᠪᠠ ᠪᠣᠯᠤᠭᠰᠠᠨ ᠦᠭᠡᠢ ᠪᠣᠯᠤᠶᠠ ᠳᠠ ᠬᠦ ᠬᠦᠢ
ᠯᠠᠪᠳᠠᠭᠤᠨ ᠪᠡᠶᠡ ᠪᠡᠨ ᠰᠥᠨᠥᠭᠡᠨᠡ ᠤᠤ ᠶᠣ᠌ ᠬᠦ ᠬᠦᠢ
ᠬᠤᠸᠠᠷᠠᠭ ᠬᠥᠮᠦᠨ ᠢ᠋ ᠪᠡᠨ ᠠᠯᠠᠭᠰᠠᠨ ᠦᠭᠡᠢ ᠪᠣᠯ ᠬᠦ ᠬᠦᠢ
ᠬᠣᠩᠬᠣᠰ ᠨᠡᠷᠡ ᠶ᠋ᠢ ᠪᠡᠨ ᠰᠣᠨᠣᠰᠤᠨᠠ ᠤᠤ ᠶᠠ ᠬᠦᠢ
ᠬᠣᠩᠬᠣᠰ ᠨᠡᠷᠡ ᠶ᠋ᠢ ᠪᠡᠨ ᠣᠯᠤᠭᠰᠠᠨ ᠦᠭᠡᠢ ᠪᠣᠯ ᠬᠦ ᠬᠦᠢ
ᠬᠠᠢᠷᠠᠬᠠᠨ ᠪᠡᠶᠡ ᠪᠡᠨ ᠰᠥᠨᠥᠭᠡᠨᠡ ᠤᠤ ᠶᠠ ᠬᠦᠢ
ᠰᠢᠨ ᠰᠢᠶᠣᠤ ᠠᠬᠠ ᠳᠡᠭᠦᠦ ᠨᠠᠷ ᠨᠢ ᠬᠡᠳᠦᠢ ᠬᠡᠯᠡᠵᠦ ᠪᠠᠢᠪᠠᠴᠤ ᠠᠶᠤᠤᠯᠢᠬᠠᠢ ᠴᠡᠭᠡᠵᠢᠨ ᠳ᠋ᠦ᠍ ᠨᠢ ᠡᠪᠬᠡᠷᠡᠭᠡᠳ ᠪᠠᠢᠨᠠ ᠰᠢᠦ ᠡᠷᠭᠢᠵᠦ ᠬᠠᠨᠳᠤᠭᠠᠳ ᠪᠠᠰᠠ ᠬᠡᠯᠡᠴᠢᠬᠡᠭᠰᠡᠨ ᠠ᠋᠄
ᠠᠳᠠᠯ ᠭᠡᠷ ᠲᠦ᠍ ᠪᠡᠨ ᠪᠠᠢᠵᠤ ᠪᠠᠢᠬᠤ ᠯᠠᠢ ᠬᠦ ᠬᠦᠢ
ᠠᠳᠤᠭᠤ ᠮᠠᠯ ᠢ᠋ᠶ᠋ᠠᠨ ᠠᠳᠣᠭᠣᠯᠣᠭᠰᠠᠨ ᠬᠥᠮᠦᠨ ᠶᠦᠮ ᠠ᠋ ᠬᠦᠢ
ᠠᠭᠲᠠ ᠰᠢᠦ ᠮᠣᠷᠢᠨ ᠳ᠋ᠤ᠌ ᠪᠠᠨ ᠮᠣᠷᠳᠠᠭᠠᠳ ᠠ᠋ ᠬᠦ ᠬᠦᠢ
ᠠᠯᠳᠠᠷᠲᠠᠢ ᠰᠢᠨ ᠰᠢᠶᠣᠤ ᠨᠡᠷᠡ ᠲᠡᠢ ᠶᠠ ᠬᠦᠢ
ᠡᠷᠦᠬᠡ ᠯᠡ ᠭᠡᠷ ᠲᠡᠭᠡᠨ ᠪᠠᠢᠵᠤ ᠪᠠᠢᠬᠤ ᠯᠠᠢ ᠳᠠ ᠬᠦ ᠬᠦᠢ
ᠦᠨᠡᠨ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠶᠠᠪᠤᠭᠰᠠᠨ ᠰᠠᠩᠪᠣ ᠰᠢᠦ ᠬᠦᠢ
ᠦᠷᠢᠶᠡ ᠰᠢᠦ ᠮᠣᠷᠢᠨ ᠳ᠋ᠤ᠌ ᠪᠠᠨ ᠮᠣᠷᠳᠠᠭᠠᠳ ᠬᠦ ᠬᠦᠢ
ᠦᠨᠡᠨ ᠬᠦ ᠰᠢᠨ ᠰᠢᠶᠣᠤ ᠨᠡᠷᠡᠢᠳᠦᠯᠡ ᠶᠠ ᠬᠦᠢ
ᠢᠩᠭᠢᠵᠦ ᠬᠡᠯᠡᠵᠦ ᠶᠠᠪᠤᠭᠰᠠᠭᠠᠷ ᠪᠠᠢᠭᠠᠳ ᠂ ᠲᠦᠰᠢᠶᠡᠲᠦ ᠬᠤᠰᠢᠭᠤᠨ ᠳ᠋ᠤ᠌ ᠣᠷᠣᠵᠤ ᠢᠷᠡᠭᠡᠳ ᠪᠤᠤᠵᠠᠢ ᠶᠤᠤᠷ ᠭᠡᠰᠡᠨ ᠭᠠᠵᠠᠷ ᠪᠠᠭᠤᠵᠠᠢ ᠂ ᠪᠤᠳᠠᠭᠠ ᠲᠠᠷᠢᠶᠠ ᠪᠠᠨ ᠢᠳᠡᠭᠡᠳ ᠲᠡᠷᠡ ᠣᠷᠣᠢ ᠨᠢ ᠲᠡᠨᠳᠡ ᠬᠣᠨᠣᠭᠰᠠᠨ ᠪᠠᠢᠨᠠ᠃ ᠲᠦᠰᠢᠶᠡᠲᠦ ᠶ᠋ᠢᠨ ᠮᠤᠬᠤᠷ ᠴᠡᠷᠢᠭ ᠰᠥᠨᠢ ᠳᠤᠮᠳᠠ ᠶ᠋ᠢᠨ ᠦᠶᠡ ᠳ᠋ᠦ᠍ ᠢᠷᠡᠭᠡᠳ ᠭᠠᠳᠠᠭᠤᠷ ᠨᠢ ᠪᠦᠰᠡᠯᠡᠭᠰᠡᠨ ᠶᠦᠮ ᠂ ᠭᠡᠨᠡᠳᠲᠡ ᠪᠠᠢᠭᠰᠠᠭᠠᠷ ᠫᠤᠤ ᠳᠤᠤᠭᠠᠷᠬᠤ ᠭᠡᠲᠡᠯᠡ ᠰᠢᠨ ᠰᠢᠶᠣᠤ ᠶᠡᠬᠡ ᠰᠣᠴᠢᠵᠠᠢ᠂ ᠭᠦᠶᠦᠵᠦ ᠪᠣᠰᠤᠭᠠᠳ ᠬᠤᠪᠴᠠᠰᠤ ᠪᠠᠨ ᠡᠮᠦᠰᠦᠭᠡᠳ ᠭᠠᠷᠴᠤ ᠢᠷᠡᠭᠡᠳ ᠬᠡᠯᠡᠴᠢᠬᠡᠭᠰᠡᠨ ᠠ᠋᠄
ᠠᠭᠲᠠ ᠰᠢᠦ ᠮᠣᠷᠢᠨ ᠳ᠋ᠤ᠌ ᠪᠠᠨ ᠮᠣᠷᠳᠠᠵᠠᠭᠠ ᠳᠠ ᠬᠦ ᠬᠦᠢ
ᠠᠯᠪᠠᠨ ᠤ᠋ ᠴᠡᠷᠢᠭ ᠦ᠋ᠳ ᠪᠦᠰᠡᠯᠡᠭᠰᠡᠨ ᠶᠦᠮ ᠠ᠋ ᠬᠦᠢ
ᠠᠷᠪᠠ ᠳᠤᠤᠭᠠᠷᠬᠤ ᠫᠤᠤ ᠶ᠋ᠢ ᠪᠡᠨ ᠠᠪᠴᠠᠭᠠ ᠳᠠ ᠬᠦ ᠬᠦᠢ
ᠠᠲᠠᠭᠠᠲᠠᠨ ᠲᠠᠢ ᠲᠤᠯᠵᠤ ᠪᠠᠢᠭᠠᠳ ᠭᠠᠷᠴᠠᠭᠠᠶᠠ ᠬᠦᠢ
ᠦᠷᠢᠶᠡ ᠴᠦ᠍ ᠮᠣᠷᠢ ᠶ᠋ᠢ ᠪᠡᠨ ᠡᠮᠡᠭᠡᠯᠡᠯᠵᠡᠭᠡ ᠳᠡ ᠬᠦ ᠬᠦᠢ
ᠥᠨᠳᠥᠷ ᠫᠤᠤ ᠪᠠᠨ ᠠᠳᠬᠤᠵᠠᠭᠠ ᠳᠠ ᠬᠦᠢ
ᠥᠰᠢᠶᠡᠲᠡᠨ ᠴᠡᠷᠢᠭ ᠴᠢᠨᠢ ᠪᠦᠰᠡᠯᠡᠴᠢᠬᠡᠪᠡ ᠬᠦ ᠬᠦᠢ
ᠡᠰᠡᠷᠭᠦᠴᠡᠨ ᠲᠤᠯᠵᠤ ᠪᠠᠢᠭᠠᠳ ᠭᠠᠷᠴᠠᠭᠠᠶᠠ ᠬᠦᠢ
ᠣᠯᠠᠨ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠮᠣᠷᠢ ᠮᠣᠷᠢᠨ ᠳ᠋ᠤ᠌ ᠪᠠᠨ ᠮᠣᠷᠳᠠᠭᠠᠳ ᠢᠷᠡᠭᠡᠳ ᠲᠤᠯᠵᠠᠭᠠᠯᠠ ᠰᠢᠦ ᠂ ᠴᠡᠷᠢᠭ ᠠᠷᠪᠢᠨ ᠢᠷᠡᠭᠡᠳ ᠪᠦᠰᠡᠯᠡᠴᠢᠬᠡᠭᠰᠡᠨ ᠶᠦᠮ ᠡᠳᠡᠨᠥᠰ ᠰᠠᠢ ᠭᠤᠴᠢ ᠳᠥᠴᠢᠨ ᠬᠥᠮᠦᠨ ᠬᠠᠮᠢᠭᠠ ᠨᠢ ᠪᠣᠯᠤᠨᠠ ᠳᠠ ᠡᠨᠡ ᠫᠤᠤ ᠶ᠋ᠢᠨ ᠳᠤᠤᠭᠠᠷᠬᠤ ᠭᠡᠵᠦ ᠶᠠᠭ ᠪᠣᠯᠬᠤ ᠦᠭᠡᠢ ᠰᠢᠨ ᠰᠢᠶᠣᠤ ᠳᠠᠬᠢᠭᠠᠳ ᠬᠡᠯᠡᠴᠢᠬᠡᠭᠰᠡᠨ ᠠ᠋᠄
ᠪᠠᠷᠠᠭᠤᠨᠰᠢ ᠪᠠᠨ ᠭᠠᠷᠤᠭᠠᠳ ᠯᠠ ᠭᠠᠷᠤᠶᠠ ᠭᠡᠬᠦ ᠯᠠᠢ ᠳᠠ ᠬᠦ ᠬᠦᠢ
ᠪᠠ ᠮᠥ ᠯᠢ ᠶ᠋ᠢᠨ ᠬᠢᠨᠢ ᠳᠤᠤᠭᠠᠷᠴᠤ ᠪᠠᠢᠬᠤ ᠨᠢ ᠠ᠋ ᠬᠦᠢ
ᠪᠠᠷᠤᠭ ᠲᠥᠯᠥᠪ ᠢ᠋ ᠨᠢ ᠦᠵᠡᠬᠦ ᠯᠠᠢ ᠳᠠ ᠬᠦ ᠬᠦᠢ
ᠪᠠᠷᠠᠭᠤᠨᠰᠢ ᠪᠠᠨ ᠪᠣᠯᠤᠭᠰᠠᠨ ᠦᠭᠡᠢ ᠠᠷᠪᠢᠨ ᠶᠤᠮ ᠪᠠ ᠬᠦᠢ
ᠵᠡᠭᠦᠨᠰᠢ ᠪᠡᠨ ᠭᠠᠷᠤᠶᠠ ᠭᠡᠯᠡᠢ ᠳᠡ ᠬᠦ ᠬᠦᠢ
ᠵᠢᠭᠣᠸᠠᠨ ᠫᠤᠤ ᠶ᠋ᠢᠨ ᠬᠢᠨᠢ ᠵᠢᠵᠢᠭᠢᠨᠠᠵᠤ ᠪᠠᠢᠬᠤ ᠨᠢ ᠠ᠋ ᠬᠦᠢ
ᠵᠡᠷᠭᠡ ᠪᠠᠷᠤᠭ ᠢ᠋ ᠨᠢ ᠦᠵᠡᠬᠦ ᠯᠠᠢ ᠳᠠ ᠬᠦ ᠬᠦᠢ
ᠵᠢᠦᠢ ᠯᠢᠩ ᠦ᠋ᠨ ᠴᠡᠷᠢᠭ ᠴᠢᠨᠢ ᠪᠦᠰᠡᠯᠡᠭᠰᠡᠨ ᠶᠦᠮ ᠪᠠ ᠬᠦᠢ
ᠢᠩᠭᠢᠵᠦ ᠬᠡᠯᠡᠭᠡᠳ ᠬᠡᠳᠦᠢ ᠠᠯᠠᠭᠳᠠᠵᠤ ᠪᠠᠢᠪᠠᠴᠤ ᠱᠣᠩᠭᠣᠯᠣᠭᠰᠠᠭᠠᠷ ᠪᠠᠢᠭᠠᠳ ᠭᠠᠷᠤᠭᠠᠳ ᠢᠷᠡᠭᠰᠡᠨ ᠶᠦ᠍ᠮ ᠠ᠋᠂ ᠭᠠᠨ ᠬᠦᠦ ᠰᠢ ᠰᠧᠷ ᠬᠡᠯᠡᠵᠦ ᠪᠠᠢᠨᠠ ᠬᠠᠳᠠᠨ ᠳᠠᠭᠠᠵᠤ ᠪᠠᠢᠨᠠ᠂ ᠣᠯᠠᠨ ᠠᠬᠠ ᠳᠡᠭᠦᠦ ᠨᠠᠷ ᠨᠢ ᠵᠦᠭ ᠵᠦᠭ ᠲᠡᠭᠡᠨ ᠪᠤᠲᠠᠷᠠᠭᠠᠳ ᠦᠭᠡᠢ ᠯᠠᠢ ᠪᠣᠯᠴᠢᠬᠠᠭᠰᠠᠨ ᠵᠡᠭᠦᠨ ᠲᠠᠯᠠ ᠪᠠᠷ ᠢ᠋ᠶ᠋ᠠᠨ ᠳᠣᠪᠲᠣᠯᠵᠤ ᠭᠠᠷᠤᠭᠰᠠᠨ ᠰᠢᠨ ᠰᠢᠶᠣᠤ ᠶ᠋ᠢᠨ ᠳᠡᠭᠡᠷᠡ ᠨᠢ ᠢᠷᠡᠭᠡᠳ ᠫᠤᠤ ᠳᠤᠤᠭᠠᠷᠤᠭᠰᠠᠨ ᠴᠢᠨᠢ ᠶᠠᠭ ᠴᠡᠭᠡᠵᠢ ᠪᠡᠷ ᠨᠢ ᠨᠡᠪᠲᠡᠯᠴᠡᠭᠰᠡᠨ ᠶᠦᠮ ᠮᠣᠷᠢᠨ ᠠ᠋ᠴᠠ ᠪᠠᠨ ᠰᠠᠯᠲᠤᠷᠬᠢᠯᠠᠨ ᠰᠠᠪᠠᠵᠤ ᠤᠨᠠᠬᠤ ᠶ᠋ᠢᠨ ᠦᠶᠡᠰ ᠭᠠᠨ ᠬᠦᠦ ᠰᠢ ᠰᠧᠷ ᠭᠦᠶᠦᠵᠦ ᠪᠠᠭᠤᠵᠤ ᠢᠷᠡᠭᠡᠳ ᠠᠪᠤ ᠶ᠋ᠢᠨ ᠢ᠋ᠶ᠋ᠡᠨ ᠬᠦᠵᠦᠭᠦᠦ ᠡᠴᠡ ᠲᠡᠪᠡᠷᠢᠭᠡᠳ ᠬᠡᠯᠡᠵᠦ ᠪᠠᠢᠨᠠ ᠰᠢᠦ᠄
ᠦᠷᠢᠶᠡ ᠴᠦ᠍ ᠮᠣᠷᠢᠨ ᠳ᠋ᠤ᠌ ᠪᠠᠨ ᠮᠣᠷᠳᠠᠬᠤ ᠦᠭᠡᠢ ᠤᠤ ᠶᠠ ᠬᠦ ᠬᠦᠢ
ᠥᠰᠢᠶᠡᠲᠡᠨ ᠦ᠌ ᠳᠤᠮᠳᠠ ᠠ᠋ᠴᠠ ᠪᠠᠨ ᠭᠠᠷᠴᠢᠬᠠᠶᠠ ᠬᠦᠢ
ᠥᠪᠡᠷ ᠦ᠋ᠨ ᠪᠡᠶᠡ ᠴᠢᠨᠢ ᠰᠢ ᠰᠧᠷ ᠳᠠ ᠬᠦ ᠬᠦᠢ
ᠥᠰᠢᠶᠡ ᠪᠣᠯᠤᠨ ᠬᠣᠷᠣᠰᠤᠯ ᠢ᠋ ᠴᠢᠨᠢ ᠠᠪᠴᠤ ᠥᠭᠭᠦᠶᠡ ᠬᠦᠢ
ᠠᠭᠲᠠ ᠰᠢᠦ ᠮᠣᠷᠢᠨ ᠳ᠋ᠤ᠌ ᠪᠠᠨ ᠮᠣᠷᠳᠠᠬᠤ ᠦᠭᠡᠢ ᠶᠠ ᠬᠦ ᠬᠦᠢ
ᠠᠲᠠᠭᠠᠲᠠᠨ ᠤ᠋ ᠳᠤᠮᠳᠠ ᠠ᠋ᠴᠠ ᠭᠠᠷᠴᠢᠬᠠᠶᠠ ᠬᠦᠢ
ᠠᠩᠭᠠ ᠴᠢᠨᠢ ᠰᠢ ᠰᠧᠷ ᠥᠭᠡᠯᠡᠢ ᠪᠣᠯᠪᠠᠯ ᠬᠦ ᠬᠦᠢ
ᠠᠪᠤ ᠶ᠋ᠢᠨ ᠢ᠋ᠶ᠋ᠡᠨ ᠥᠰᠢᠶᠡ ᠶ᠋ᠢ ᠠᠪᠴᠤ ᠥᠭᠭᠦᠶᠡ ᠬᠦᠢ
ᠰᠢᠨ ᠰᠢᠶᠣᠤ ᠦᠭᠡ ᠳᠤᠤᠭᠠᠷᠴᠤ ᠶᠤᠤᠯᠤᠬᠤ (ᠳᠡᠢᠯᠬᠦ ) ᠦᠭᠡᠢ᠂ ᠰᠢᠲᠦ ᠪᠡᠨ ᠵᠠᠭᠤᠭᠠᠳ ᠮᠢᠨᠦ ᠬᠦᠦ ᠴᠢ ᠰᠣᠨᠣᠰ ᠭᠡᠳ ᠠᠬᠢᠭᠠᠳ ᠬᠡᠯᠡᠵᠦ ᠪᠠᠢᠨᠠ ᠰᠢᠦ᠂
ᠠᠭᠲᠠ ᠮᠣᠷᠢᠨ ᠳ᠋ᠤ᠌ ᠪᠠᠨ ᠮᠣᠷᠳᠠᠬᠤ ᠦᠭᠡᠢ ᠯᠠᠢ ᠬᠦ ᠬᠦᠢ
ᠠᠶᠤᠤᠯᠢᠬᠠᠢ ᠶ᠋ᠢ ᠨᠡᠪᠲᠡᠯᠦᠭᠡᠳ ᠭᠠᠷᠴᠢᠬᠠᠵᠠᠢ ᠬᠦᠢ
ᠠᠩᠭᠠ ᠮᠢᠨᠢ ᠰᠢ ᠰᠧᠷ ᠴᠢ ᠰᠣᠨᠣᠰ ᠠ᠋ ᠬᠦ ᠬᠦᠢ
ᠠᠪᠤ ᠳ᠋ᠤ᠌ ᠪᠠᠨ ᠣᠴᠢᠪᠠᠯ ᠬᠡᠯᠡᠵᠦ ᠥᠭ ᠳᠠ ᠬᠦᠢ
ᠦᠷᠢᠶᠡ ᠮᠣᠷᠢᠨ ᠳ᠋ᠤ᠌ ᠪᠠᠨ ᠮᠣᠷᠳᠠᠬᠤ ᠦᠭᠡᠢ ᠯᠠᠢ ᠬᠦ ᠬᠦᠢ
ᠡᠪᠴᠢᠭᠦᠦ ᠶ᠋ᠢ ᠰᠢᠪᠲᠤᠯᠤᠭᠠᠳ ᠭᠠᠷᠴᠢᠬᠠᠵᠠᠢ ᠬᠦᠢ
ᠦᠷᠡ ᠮᠢᠨᠢ ᠰᠢ ᠰᠧᠷ ᠴᠢ ᠰᠣᠨᠣᠰ ᠠ᠋ ᠬᠦ ᠬᠦᠢ
ᠡᠮᠧ ᠳ᠋ᠦ᠍ ᠮᠢᠨᠢ ᠣᠴᠢᠪᠠᠯ ᠬᠡᠯᠡᠵᠦ ᠥᠭ ᠠ᠋ ᠬᠦᠢ
ᠰᠢ ᠰᠧᠷ ᠬᠡᠯᠡᠵᠦ ᠪᠠᠢᠨᠠ᠂ ᠠᠪᠤ ᠠ᠋ ᠬᠣᠢᠨᠠ ᠠ᠋ᠴᠠ ᠴᠡᠷᠢᠭ ᠨᠡᠬᠡᠭᠡᠳ ᠢᠷᠡᠯᠡ ᠰᠢᠦ ᠂ ᠠᠷᠭᠠᠯᠠᠵᠤ ᠪᠠᠢᠭᠠᠳ ᠮᠣᠷᠢᠨ ᠳ᠋ᠤ᠌ ᠪᠠᠨ ᠮᠣᠷᠳᠠᠵᠤ ᠶᠤᠤᠯᠤᠬᠤ (ᠳᠡᠢᠯᠬᠦ) ᠦᠭᠡᠢ ᠤᠤ?ᠰᠢᠨ ᠰᠢᠶᠣᠤ ᠲᠣᠯᠣᠭᠠᠢ ᠪᠠᠨ ᠰᠠᠵᠢᠭᠠᠳ ᠳᠤᠤᠭᠠᠷᠴᠤ ᠶᠤᠤᠯᠤᠬᠤ (ᠳᠡᠢᠯᠬᠦ)ᠦᠭᠡᠢ ᠯᠠᠢ ᠪᠣᠯᠴᠢᠬᠠᠵᠠᠢ ᠂ ᠡᠨᠡ ᠪᠠᠷᠤᠭ ᠢ᠋ ᠮᠡᠳᠡᠭᠡᠳ ᠰᠢ ᠰᠧᠷ ᠡᠷᠭᠦᠵᠦ ᠠᠪᠴᠤ ᠪᠠᠢᠭᠠᠳ᠂ ᠮᠣᠷᠢᠨ ᠤ᠋ ᠪᠠᠨ ᠬᠣᠢᠲᠠᠢ ᠭᠠᠨᠵᠤᠭᠠᠨ ᠳᠡᠭᠡᠷᠡ ᠳᠠᠷᠤᠵᠤ ᠪᠠᠢᠭᠠᠳ ᠳᠠᠪ ᠭᠡᠲᠡᠯᠡ ᠮᠣᠷᠳᠠᠮᠠᠭᠴᠠ ᠰᠢᠪᠲᠤᠯᠤᠭᠠᠳ ᠭᠠᠷᠤᠭᠠᠳ ᠢᠷᠡᠯᠡ ᠰᠢᠦ ᠳᠤᠲᠠᠭᠠᠭᠰᠠᠭᠠᠷ ᠪᠠᠢᠭᠠᠳ ᠴᠡᠷᠢᠭ ᠬᠥᠭᠡᠭᠡᠵᠦ ᠭᠦᠢᠴᠡᠭᠰᠡᠨ ᠦᠭᠡᠢ ᠂ ᠠᠷᠤ ᠶ᠋ᠢᠨ ᠵᠣ ᠳᠡᠭᠡᠷᠡ ᠠᠪᠴᠢᠷᠠᠭᠠᠳ ᠠᠪᠤ ᠪᠠᠨ ᠲᠠᠯᠪᠢᠭᠠᠳ ᠠᠳᠠᠯ ᠭᠡᠷ ᠲᠦ᠍ ᠪᠡᠨ ᠳᠣᠪᠲᠣᠯᠤᠭᠠᠳ ᠬᠦᠷᠦᠭᠡᠳ ᠢᠷᠡᠭᠰᠡᠨ ᠶᠦ᠍ᠮ ᠂ ᠡᠭᠦᠳᠡᠨ ᠳᠡᠭᠡᠷᠡ ᠢᠷᠡᠭᠡᠳ ᠮᠣᠷᠢᠨ ᠠ᠋ᠴᠠ ᠪᠠᠨ ᠪᠠᠭᠤᠬᠤ ᠳ᠋ᠤ᠌ ᠮᠥᠮᠥ ᠠᠪᠤ ᠨᠢ ᠣᠯᠤᠭᠠᠳ ᠦᠵᠡᠴᠢᠬᠡᠵᠡᠢ ᠭᠦᠶᠦᠭᠡᠳ ᠭᠠᠷᠤᠭᠠᠳ ᠢᠷᠡᠵᠡᠢ ᠂ ᠡᠶᠡ ᠮᠢᠨᠦ ᠬᠦᠦ ᠴᠢ ᠶᠠᠭᠠᠬᠢᠭᠠᠳ ᠭᠠᠭᠴᠠᠭᠠᠷ ᠢ᠋ᠶ᠋ᠠᠨ ᠢᠷᠡᠭᠰᠡᠨ ᠪᠣᠢ ᠂ ᠠᠪᠤ ᠴᠢᠨᠢ ᠶᠠᠭᠠᠬᠢᠬᠤᠪ ᠳᠠ ᠭᠡᠬᠦ ᠯᠠᠢ ᠂ ᠰᠢ ᠰᠧᠷ ᠣᠬᠢᠯᠠᠴᠢᠬᠠᠭᠠᠳ ᠬᠡᠯᠡᠵᠦ ᠪᠠᠢᠨᠠ ᠰᠢᠦ ᠂
ᠠᠭᠲᠠ ᠰᠢᠦ ᠮᠣᠷᠢ ᠮᠢᠨᠢ ᠬᠥᠯᠥᠰᠥ ᠲᠡᠢ ᠰᠢᠦ ᠬᠦ ᠬᠦᠢ
ᠠᠲᠠᠭᠠᠲᠠᠨ ᠤ᠋ ᠴᠡᠷᠢᠭ ᠲᠡᠢ ᠬᠠᠷᠭᠤᠪᠠ ᠬᠦᠢ
ᠠᠯᠠᠭ ᠯᠠ ᠨᠢᠳᠦ ᠮᠢᠨᠢ ᠨᠢᠯᠪᠤᠰᠤ ᠲᠠᠢ ᠶᠠ ᠬᠦ ᠬᠦᠢ
ᠠᠪᠤ ᠪᠠᠨ ᠠᠯᠠᠭᠳᠠᠭᠤᠯᠤᠭᠠᠳ ᠯᠠ ᠢᠷᠡᠯᠡ ᠶᠠ ᠬᠦᠢ
ᠦᠷᠢᠶᠡ ᠴᠦ᠍ ᠮᠣᠷᠢ ᠮᠢᠨᠢ ᠬᠥᠯᠥᠰᠥ ᠲᠡᠢ ᠶᠠ ᠬᠦ ᠬᠦᠢ
ᠥᠰᠢᠶᠡᠲᠡᠨ ᠦ᠌ ᠴᠡᠷᠢᠭ ᠲᠡᠢ ᠬᠠᠷᠭᠤᠪᠠ ᠬᠦᠢ
ᠦᠵᠡᠬᠦ ᠨᠢᠳᠦ ᠮᠢᠨᠢ ᠨᠢᠯᠪᠤᠰᠤ ᠲᠠᠢ ᠶᠠ ᠬᠦ ᠬᠦᠢ
ᠡᠴᠢᠭᠡ ᠶ᠋ᠢ ᠪᠡᠨ ᠡᠨᠳᠡᠭᠳᠡᠭᠦᠯᠦᠭᠡᠳ ᠢᠷᠡᠯᠡ ᠶᠠ ᠬᠦᠢ
ᠡᠶᠢ ᠠᠪᠤ ᠨᠢ ᠰᠣᠨᠣᠰᠤᠭᠠᠳ ᠶᠡᠬᠡ ᠰᠠᠨᠳᠤᠷᠴᠤ ᠴᠢᠩᠭᠢᠭᠡᠳ ᠶᠠᠭᠠᠬᠢᠪᠠ ᠳᠠ ᠴᠡᠷᠢᠭ ᠦ᠋ᠨ ᠳᠤᠮᠳᠠ ᠬᠠᠶᠠᠵᠤ ᠥᠭᠭᠦᠭᠡᠳ ᠢᠷᠡᠭᠰᠡᠨ ᠶᠦᠮ ᠤᠤ? ᠦᠭᠡᠢ ᠪᠢ ᠠᠪᠴᠤ ᠭᠠᠷᠴᠤ ᠢᠷᠡᠭᠡᠳ ᠠᠷᠤ ᠶ᠋ᠢᠨ ᠵᠣ ᠳ᠋ᠤ᠌ ᠲᠠᠯᠪᠢᠭᠠᠳ ᠢᠷᠡᠵᠡᠢ᠂ ᠠᠢᠯ ᠠᠢᠮᠠᠭ ᠤ᠋ᠨ ᠬᠥᠮᠦᠨ ᠢ᠋ ᠳᠠᠭᠤᠳᠠᠭᠠᠳ᠂ᠠᠪᠰᠠ ᠭᠤᠸᠠᠨᠰᠠᠢ ᠠᠪᠴᠤ ᠢᠷᠡᠭᠡᠳ ᠠᠪᠰᠠᠨ ᠳ᠋ᠤ᠌ ᠨᠢ ᠬᠢᠭᠡᠳ ᠬᠡᠭᠦᠷ ᠣᠩᠭᠣᠨ ᠢ᠋ ᠨᠢ ᠲᠣᠭᠲᠠᠭᠠᠭᠠᠳ ᠮᠥᠮᠥ ᠠᠪᠤ ᠨᠢ ᠬᠡᠯᠡᠴᠢᠬᠡᠭᠰᠡᠨ ᠠ᠋᠄
ᠵᠢᠮᠢᠰ ᠦ᠋ᠨ ᠮᠣᠳᠣ ᠪᠠᠨ ᠵᠠᠢᠯᠠᠬᠤ ᠯᠠᠢ ᠳᠠ ᠬᠦ ᠬᠦᠢ
ᠵᠢᠮᠢᠰ ᠢ᠋ ᠨᠢ ᠢᠳᠡᠶᠡ ᠰᠠᠨᠠᠭᠰᠠᠨ ᠶᠤᠮ ᠠ᠋ ᠬᠦᠢ
ᠵᠦᠢᠲᠡᠢ ᠬᠦᠦ ᠪᠡᠨ ᠥᠰᠬᠡᠬᠦ ᠯᠠᠢ ᠳᠠ ᠬᠦ ᠬᠦᠢ
ᠬᠦᠴᠦ ᠶ᠋ᠢ ᠨᠢ ᠢᠳᠡᠶᠡ ᠭᠡᠵᠦ ᠰᠠᠨᠠᠭᠰᠠᠨ ᠶᠤᠮ ᠠ᠋ ᠬᠦᠢ
ᠦᠷᠢᠯ ᠦ᠋ᠨ ᠮᠣᠳᠣ ᠪᠠᠨ ᠵᠠᠢᠯᠠᠬᠤ ᠯᠠᠢ ᠳᠠ ᠬᠦ ᠬᠦᠢ
ᠦᠷᠢᠯ ᠢ᠋ ᠨᠢ ᠢᠳᠡᠶᠡ ᠭᠡᠵᠦ ᠪᠣᠳᠣᠭᠰᠠᠨ ᠶᠤᠮ ᠠ᠋ ᠬᠦᠢ
ᠦᠷᠡ ᠯᠡ ᠴᠢᠮᠠ ᠶ᠋ᠢ ᠥᠰᠬᠡᠬᠦ ᠯᠠᠢ ᠳᠠ ᠬᠦ ᠬᠦᠢ
ᠬᠦᠴᠦ ᠶ᠋ᠢ ᠴᠢᠨᠢ ᠢᠳᠡᠶᠡ ᠭᠡᠵᠦ ᠰᠠᠨᠠᠭᠰᠠᠨ ᠶᠤᠮ ᠠ᠋ ᠬᠦᠢ
ᠦᠷᠢᠯ ᠦ᠋ᠨ ᠮᠣᠳᠣ ᠮᠢᠨᠢ ᠬᠣᠬᠢᠷᠠᠯᠠ ᠶᠠ ᠬᠦ ᠬᠦᠢ
ᠦᠷᠢᠯ ᠢ᠋ ᠨᠢ ᠰᠠᠭᠤᠬᠤ ᠠ᠋ᠴᠠ ᠬᠣᠯᠠᠳᠠᠪᠠ ᠬᠦᠢ
ᠦᠷᠡ ᠮᠢᠨᠢ ᠭᠠᠯ ᠳ᠋ᠤᠷ ᠦᠬᠦᠯᠡ ᠶᠠ ᠬᠦ ᠬᠦᠢ
ᠬᠦᠴᠦ ᠶ᠋ᠢ ᠨᠢ ᠢᠳᠡᠬᠦ ᠡᠴᠡ ᠬᠣᠯᠠᠳᠠᠯᠠ ᠶᠠ ᠬᠦᠢ
ᠵᠢᠮᠢᠰ ᠦ᠋ᠨ ᠮᠣᠳᠣ ᠮᠢᠨᠢ ᠬᠤᠪᠠᠬᠠᠢᠷᠠᠴᠢᠬᠠᠵᠠᠢ ᠬᠦ ᠬᠦᠢ
ᠵᠢᠮᠢᠰ ᠨᠢ ᠰᠠᠭᠤᠬᠤ ᠠ᠋ᠴᠠ ᠬᠣᠯᠠᠳᠠᠪᠠ ᠬᠦᠢ
ᠵᠦᠢᠲᠡᠢ ᠦᠷᠡ ᠮᠢᠨᠢ ᠦᠬᠦᠯᠡ ᠶᠠ ᠬᠦ ᠬᠦᠢ
ᠬᠦᠴᠦ ᠶ᠋ᠢ ᠨᠢ ᠢᠳᠡᠬᠦ ᠡᠴᠡ ᠬᠣᠯᠠᠳᠠᠯᠠ ᠶᠠ ᠬᠦᠢ
ᠮᠧᠨ ᠮᠧᠨ(ᠡᠭᠦᠨ) ᠢ᠋ᠶ᠋ᠡᠨ ᠬᠡᠯᠡᠵᠦ ᠪᠠᠷᠠᠭᠠᠳ ᠡᠷᠦᠬᠡ ᠭᠡᠷ ᠲᠦ᠍ ᠪᠡᠨ ᠬᠦᠷᠴᠦ ᠢᠷᠡᠵᠡᠢ ᠂ ᠦᠳᠡᠯᠦᠭᠡ ᠪᠣᠯᠤᠭᠰᠠᠨ ᠡᠷᠡ ᠡᠮᠡ ᠬᠣᠶᠠᠭᠤᠯᠠ ᠬᠦᠦ ᠪᠡᠨ ᠪᠣᠳᠣᠨ ᠪᠣᠳᠣᠨ ᠭᠡᠮᠡᠷᠬᠡᠵᠦ ᠂ ᠤᠬᠢᠯᠠᠵᠤ ᠢᠷᠡᠭᠡᠳ ᠳᠠᠬᠢᠭᠠᠳ ᠬᠡᠯᠡᠴᠢᠬᠡᠭᠰᠡᠨ ᠠ᠋᠄
ᠦᠷᠢᠶᠡ ᠰᠢᠦ ᠮᠣᠷᠢ ᠶ᠋ᠢ ᠪᠡᠨ ᠲᠡᠵᠢᠭᠡᠬᠦ ᠯᠠᠢ ᠬᠦ ᠬᠦᠢ
ᠡᠪᠡᠰᠦ ᠪᠣᠯᠣᠳ ᠬᠣᠭᠣᠯᠠ ᠪᠠᠷ ᠲᠡᠵᠢᠭᠡᠭᠰᠡᠨ ᠶᠦᠮ ᠠ ᠬᠦᠢ
ᠦᠷᠡ ᠪᠠᠭᠠ ᠰᠢᠨ ᠰᠢᠶᠣᠤ ᠶ᠋ᠢ ᠲᠡᠵᠢᠭᠡᠬᠦ ᠯᠠᠢ ᠳᠠ ᠬᠦ ᠬᠦᠢ
ᠡᠪᠴᠢᠭᠦᠦ ᠶ᠋ᠢᠨ ᠢ᠋ᠶ᠋ᠡᠨ ᠳᠡᠭᠡᠷᠡ ᠪᠡᠨ ᠲᠡᠵᠢᠭᠡᠭᠰᠡᠨ ᠶᠦᠮ ᠠ᠋ ᠬᠦ ᠬᠦᠢ
ᠠᠭᠲᠠ ᠰᠢᠦ ᠮᠣᠷᠢ ᠶ᠋ᠢ ᠪᠡᠨ ᠲᠡᠵᠢᠭᠡᠬᠦ ᠯᠠᠢ ᠳᠠ ᠬᠦ ᠬᠦᠢ
ᠠᠮᠤ ᠪᠣᠯᠣᠳ ᠡᠪᠡᠰᠦ ᠪᠡᠷ ᠲᠡᠵᠢᠭᠡᠭᠰᠡᠨ ᠶᠦᠮ ᠬᠦᠢ
ᠠᠩᠭᠠ ᠪᠠᠨ ᠰᠢᠨ ᠰᠢᠶᠣᠤ ᠶ᠋ᠢ ᠥᠰᠬᠡᠬᠦ ᠯᠠᠢ ᠳᠠ ᠬᠦ ᠬᠦᠢ
ᠠᠶᠤᠤᠯᠢᠬᠠᠢ ᠳᠡᠭᠡᠷᠡ ᠪᠡᠨ ᠥᠰᠬᠡᠯᠡ ᠶᠠ ᠬᠦᠢ᠁
ᠦᠰᠦᠭ ᠠᠮᠢᠯᠠᠭᠤᠯᠵᠤ ᠬᠠᠲᠠᠭᠰᠠᠨ ᠨᠢ ᠄ ᠭᠠᠸᠠ
ᠪᠢᠴᠢᠯᠭᠡ ᠶ᠋ᠢAI ᠪᠠᠷ ᠨᠠᠢᠷᠠᠭᠤᠯᠪᠠ
ᠬᠢᠨᠠᠭᠴᠢ ᠄ ᠴᠢᠨᠳᠠᠮᠤᠨᠢ