ᠬᠡᠦᠬᠡᠳ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠪᠠᠢᠬᠤ ᠰᠠᠢᠬᠠᠨ-ᠮᠦᠩᠬᠡᠨᠠᠰᠦᠨKhüükhdeeree baikh saikhan-MönkhnsenХүүхдээрээ байх сайхан-Мөнхнсэн
249ᠬᠡᠦᠬᠡᠳ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠪᠠᠢᠬᠤ ᠰᠠᠢᠬᠠᠨ
ᠮᠦᠩᠬᠡᠨᠠᠰᠦᠨ ᠦ᠌ ᠰᠢᠯᠦᠭ
ᠰᠦᠨᠭᠡᠭᠡ ᠤᠶᠠᠩᠭᠠᠯᠠᠨᠠ
ᠬᠤᠷᠠᠭᠠ ᠲᠤᠭᠤᠯ ᠲᠠᠢ ᠪᠠᠨ ᠨᠣᠴᠣᠯᠳᠤᠨ
ᠬᠤᠷᠤᠳ ᠪᠢᠰᠢᠯᠠᠭ ᠬᠤᠪᠢᠶᠠᠯᠴᠠᠨ
ᠬᠣᠨᠢᠨ ᠤ᠋ ᠪᠠᠨ ᠪᠡᠯᠴᠢᠭᠡᠷ ᠲᠦ᠍ ᠳᠠᠷᠪᠠᠶ᠋ᠢᠵᠤ
ᠬᠣᠩᠭᠣᠷ ᠡᠵᠢ ᠳ᠋ᠦ᠍ ᠪᠡᠨ ᠡᠷᠬᠡᠯᠡᠨ
ᠬᠡᠦᠬᠡᠳ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠪᠠᠢᠬᠤ ᠰᠠᠢᠬᠠᠨ
ᠬᠣᠭᠣᠷᠮᠠᠭ᠂ ᠲᠣᠰᠣ᠂ ᠥᠷᠥᠮᠡ᠂ ᠴᠢᠷᠦᠮᠡ
ᠭᠣᠭᠣᠳ᠂ ᠳᠠᠭᠠᠨᠠ᠂ ᠲᠡᠮᠡᠭᠡᠨ ᠬᠥᠬᠥ
ᠠᠪᠤ ᠶ᠋ᠢᠨ ᠶᠠᠷᠢᠳᠠᠭ 《 ᠪᠠᠯᠭᠠᠨᠰᠠᠩ》
ᠠᠬᠠ ᠪᠠᠨ ᠠᠶᠤᠯᠭᠠᠳᠠᠭ ᠵᠣᠷᠢᠭ ᠢ᠋ᠶ᠋ᠠᠷ ᠢ᠋ᠶ᠋ᠡᠨ
ᠠᠷᠤ ᠠ᠋ᠴᠠ ᠴᠤᠪᠤᠷᠠᠬᠤ ᠳᠡᠭᠦᠦ ᠨᠠᠷ ᠤ᠋ᠨ ᠪᠠᠷᠠ
ᠠᠶᠤᠬᠤ ᠮᠠᠲᠠᠯ ᠦᠭᠡᠢ ᠬᠥᠭᠡᠷᠦᠦ ᠪᠣᠳᠣᠯ
ᠬᠡᠦᠬᠡᠳ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠪᠠᠢᠬᠤ ᠰᠠᠢᠬᠠᠨ
ᠥᠩᠭᠡ ᠲᠡᠢ ᠪᠦᠬᠦᠨ ᠢ᠋ ᠡᠮᠦᠰᠴᠦ
ᠲᠣᠯᠢ ᠦᠭᠡᠢ ᠴᠦ᠍ ᠭᠡᠰᠡᠨ
ᠰᠡᠭᠦᠳᠡᠷ ᠢ᠋ᠶ᠋ᠡᠨ ᠬᠠᠷᠠᠨ ᠪᠠᠶᠠᠰᠬᠤ
ᠥᠭᠡᠳᠡᠷᠡᠭ ᠠᠮᠢᠳᠤᠷᠠᠯ ᠳ᠋ᠤ᠌ ᠪᠠᠨ ᠴᠠᠳᠴᠤ
ᠲᠣᠭᠠ ᠮᠡᠳᠡᠬᠦ ᠦᠭᠡᠢ ᠴᠦ᠍ ᠭᠡᠰᠡᠨ
ᠲᠤᠭᠤᠯ ᠢ᠋ᠶ᠋ᠠᠨ ᠵᠢᠰᠦ ᠪᠡᠷ ᠨᠢ ᠲᠠᠨᠢᠴᠢᠬᠠᠳᠠᠭ
ᠬᠡᠦᠬᠡᠳ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠪᠠᠢᠬᠤ ᠰᠠᠢᠬᠠᠨ
ᠰᠢᠨᠠᠯᠠᠶᠠ ᠭᠡᠳ ᠴᠠᠭᠠᠨ ᠰᠠᠷᠠ ᠪᠠᠨ ᠬᠦᠯᠢᠶᠡᠴᠢᠬᠡᠭᠰᠡᠨ
ᠰᠢᠬᠢᠷ ᠲᠦ᠍ ᠭᠣᠷᠢᠯᠠᠨ ᠠᠪᠤ ᠶ᠋ᠢᠨ ᠢ᠋ᠶ᠋ᠡᠨ ᠪᠠᠷᠠ ᠶ᠋ᠢ ᠬᠠᠷᠠᠴᠢᠬᠠᠭᠰᠠᠨ
ᠨᠠᠭᠠᠳᠤᠮ ᠳ᠋ᠤ᠌ ᠰᠢᠨᠤᠨ ᠨᠠᠷᠠᠨ ᠰᠢᠷᠭᠠᠯ ᠢ᠋ᠶ᠋ᠠᠷ ᠪᠣᠷᠣᠯᠠᠴᠢᠬᠠᠭᠰᠠᠨ
ᠨᠠᠷᠭᠢᠯ ᠬᠥᠭᠡᠷᠦᠦ ᠣᠢ ᠲᠣᠢᠨ ᠦᠭᠡᠢ ᠳᠡᠮᠡᠢᠷᠡᠴᠢᠬᠡᠭᠰᠡᠨ
ᠦᠨᠡᠨ ᠬᠤᠳᠠᠯ ᠢ᠋ ᠮᠡᠳᠡᠬᠦ ᠴᠦ᠍ ᠦᠭᠡᠢ
ᠤᠢᠳᠬᠠᠷ ᠭᠤᠨᠢᠭ ᠢ᠋ ᠤᠬᠠᠬᠤ ᠴᠤ᠌ ᠦᠭᠡᠢ
ᠮᠣᠷᠢ ᠭᠡᠪᠡᠯ ᠪᠤᠷᠭᠠᠰᠤ ᠵᠠᠢᠳᠠᠯᠠᠴᠢᠬᠠᠭᠰᠠᠨ
ᠮᠣᠲ᠋ᠣᠷ ᠭᠡᠪᠡᠯ ᠠᠮᠠ ᠪᠠᠷ ᠢ᠋ᠶ᠋ᠠᠨ ᠫᠠᠷᠴᠢᠭᠢᠨᠠᠴᠢᠬᠠᠭᠰᠠᠨ
ᠬᠡᠦᠬᠡᠳ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠪᠠᠢᠬᠤ ᠳᠠᠩᠴᠤ ᠰᠠᠢᠬᠠᠨ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠂ ᠦᠰᠦᠭ ᠬᠠᠳᠠᠭᠴᠢ᠄ ᠪᠠᠢ ᠰᠠᠷᠠᠨᠠ
ᠬᠢᠨᠠᠭᠴᠢ᠄ ᠪᠠᠭᠰᠢ᠂ ᠲᠣᠳᠤᠭᠢᠷᠡᠯ᠂ ᠰᠣᠨᠢᠨᠪᠠᠶᠠᠷ