ᠮᠠᠬᠠᠭᠦᠷᠭᠢᠰ ᠬᠠᠭᠠᠨMakhüürkhs khaanМахүүрхс хаан
175ᠮᠠᠬᠠᠭᠦᠷᠭᠢᠰ ᠬᠠᠭᠠᠨ
ᠨᠠᠢᠷᠠᠭᠤᠯᠤᠭᠰᠠᠨ ᠨᠢ ᠄ ᠱ · ᠴᠸᠶᠢᠨ — ᠣᠢᠳᠤᠪ
ᠬᠢᠶᠠᠳ ᠪᠣᠷᠵᠢᠭᠢᠨ ᠣᠪᠣᠭᠲᠤ ᠮᠠᠬᠠᠭᠦᠷᠭᠢᠰ ᠪᠣᠯ1454 ᠣᠨ ᠳ᠋ᠤ᠌8 ᠨᠠᠰᠤᠲᠠᠢ ᠪᠠᠯᠴᠢᠷ ᠬᠡᠦᠬᠡᠳ ᠪᠠᠢᠬᠤ ᠳ᠋ᠤ᠌ ᠪᠠᠨ ᠬᠠᠭᠠᠨ ᠣᠷᠣ ᠰᠠᠭᠤᠷᠢᠨ ᠢ᠋ ᠵᠠᠯᠭᠠᠮᠵᠢᠯᠠᠨ ᠰᠠᠭᠤᠭᠰᠠᠨ ᠮᠣᠩᠭᠣᠯ ᠤ᠋ᠨ26 ᠳ᠋ᠠᠬᠢ ᠬᠠᠭᠠᠨ ᠪᠢᠯᠡ᠃ ᠪᠠᠭᠠ ᠳ᠋ᠤ᠌ ᠨᠢ ᠠᠬᠠ ᠮᠣᠯᠣᠨ ᠢ᠋ ᠲᠡᠭᠦᠨ ᠢ᠋ ᠥᠭᠡᠭ ᠳᠣᠲᠣᠷᠠ ᠰᠠᠭᠤᠯᠭᠠᠨ ᠶᠠᠪᠤᠳᠠᠭ ᠪᠠᠢᠭᠰᠠᠨ ᠠ᠋ᠴᠠ ᠲᠡᠭᠦᠨ ᠢ᠋ ᠦᠬᠡᠭᠲᠦ ᠬᠠᠭᠠᠨ ᠭᠡᠵᠦ ᠨᠡᠷᠡᠯᠡᠵᠦ ᠪᠠᠢᠭᠰᠠᠨ ᠪᠠᠢᠨᠠ᠃
ᠮᠠᠬᠠᠭᠦᠷᠭᠢᠰ ᠡᠬᠡ ᠥᠭᠡᠷᠡ ᠲᠡᠢ ᠪᠣᠯᠪᠠᠴᠤ ᠲᠠᠢᠽᠦᠢ᠍ᠩ ᠬᠠᠭᠠᠨ ᠲᠣᠳᠣᠪᠣᠬᠠ ᠶ᠋ᠢᠨ ᠬᠣᠶᠠᠳᠤᠭᠠᠷ ᠬᠦᠦ ᠪᠢᠯᠡ᠃
ᠵᠡᠭᠦᠨ ᠮᠣᠩᠭᠣᠯ ᠤ᠋ᠨ ᠬᠠᠷᠠᠭᠴᠢᠨ ᠤ᠋ ᠪᠤᠯᠤ ᠨᠣᠶᠠᠨ ᠮᠠᠬᠠᠭᠦᠷᠭᠢᠰ ᠢ᠋ ᠶᠡᠬᠡ ᠬᠠᠭᠠᠨ ᠤ᠋ ᠣᠷᠣᠨ ᠳ᠋ᠤ᠌ ᠰᠠᠭᠤᠯᠭᠠᠬᠤ ᠪᠠᠷ ᠡᠷᠭᠦᠮᠵᠢᠯᠡᠭᠰᠡᠨ ᠶᠦᠮ᠃ ᠲᠡᠭᠦᠨ ᠦ᠌ ᠵᠣᠷᠢᠯᠭᠠ ᠨᠢ ᠪᠤᠰᠤᠳ ᠹᠧᠣᠳᠠᠯ ᠨᠣᠶᠠᠳ ᠲᠠᠢ ᠡᠷᠬᠡ ᠠᠰᠢᠭ ᠪᠤᠯᠢᠶᠠᠯᠳᠤᠬᠤ ᠪᠠᠭᠠᠵᠢ ᠰᠠᠭᠤᠷᠢ ᠪᠣᠯᠭᠠᠬᠤ ᠶ᠋ᠢᠨ ᠲᠥᠯᠥᠭᠡ ᠶᠦᠮ᠃ ᠮᠠᠬᠠᠭᠦᠷᠭᠢᠰ ᠬᠠᠭᠠᠨ ᠰᠠᠭᠤᠷᠢ ᠵᠠᠯᠭᠠᠮᠵᠢᠯᠠᠭᠰᠠᠨ ᠤ᠋ ᠳᠠᠷᠠᠭᠠ ᠡᠬᠡ ᠰᠠᠮᠤᠷ ᠬᠠᠲᠤᠨ ᠪᠦᠬᠦ ᠴᠡᠷᠢᠭ ᠢ᠋ ᠶᠡᠷᠦᠩᠬᠡᠢᠯᠡᠨ ᠵᠢᠯᠣᠭᠣᠳᠴᠤ ᠪᠤᠯᠤ ᠲᠠᠢᠰᠢ ᠵᠡᠷᠭᠡ ᠲᠡᠷᠢᠭᠦᠲᠡᠢ ᠹᠧᠣᠳᠠᠯᠴᠤᠳ ᠣᠢᠷᠠᠳ ᠢ᠋ ᠪᠤᠲᠠ ᠴᠣᠬᠢᠵᠤ ᠶᠡᠬᠡ ᠬᠡᠮᠵᠢᠶᠡᠨ ᠦ᠌ ᠣᠯᠵᠠ ᠠᠰᠢᠭ ᠣᠯᠤᠭᠰᠠᠨ ᠪᠠᠢᠨᠠ᠃
1457 ᠣᠨ ᠳ᠋ᠤ᠌ ᠪᠤᠯᠤ ᠲᠡᠢᠰᠢ ᠮᠣᠩᠭᠣᠯ ᠣᠷᠣᠨ ᠤ᠋ ᠠᠵᠤ ᠠᠬᠤᠢ ᠶ᠋ᠢ ᠬᠥᠭᠵᠢᠭᠦᠯᠬᠦ ᠵᠣᠷᠢᠯᠭᠠ ᠪᠠᠷ ᠮᠢᠩ ᠤᠯᠤᠰ ᠲᠠᠢ ᠨᠠᠢ᠍ᠮᠠᠢ ᠠᠷᠠᠯᠵᠢᠶᠠ ᠬᠢᠬᠦ ᠶ᠋ᠢ ᠵᠣᠷᠢᠵᠤ ᠢᠯᠴᠢ ᠲᠣᠮᠢᠯᠠᠭᠰᠠᠨ ᠪᠣᠯᠪᠠᠴᠤ ᠮᠢᠩ ᠤᠯᠤᠰ ᠣᠢᠰᠢᠶᠠᠭᠰᠠᠨ ᠦᠭᠡᠢ ᠡᠴᠡ ᠪᠣᠯᠵᠤ᠂ ᠶᠡᠬᠡ ᠴᠡᠷᠢᠭ ᠳᠠᠢᠴᠢᠯᠠᠨ ᠮᠢᠩ ᠤᠯᠤᠰ ᠤ᠋ᠨ ᠱᠠᠨᠰᠢ᠂ ᠭᠠᠨᠰᠦ ᠶ᠋ᠢ ᠳᠣᠪᠲᠣᠯᠵᠠᠢ᠃ ᠳᠣᠪᠲᠣᠯᠤᠯᠲᠠ ᠲᠤᠩ ᠬᠠᠲᠠᠭᠤ ᠰᠢᠷᠦᠭᠦᠨ ᠪᠠᠢᠭᠰᠠᠨ ᠪᠣᠯᠬᠣᠷ ᠠᠷᠭᠠ ᠪᠤᠰᠤ ᠬᠡᠯᠡᠯᠴᠡᠭᠡᠷ ᠬᠢᠵᠦ ᠨᠥᠬᠥᠷᠰᠡᠭ ᠬᠠᠷᠢᠯᠴᠠᠭᠠ ᠲᠣᠭᠲᠠᠭᠠᠨ ᠠᠷᠠᠯᠵᠢᠶᠠ ᠮᠠᠢᠮᠠᠢ ᠬᠢᠬᠦ ᠪᠡᠷ ᠵᠥᠪᠰᠢᠶᠡᠷᠡᠵᠡᠢ᠃
1560 ᠣᠨ ᠳ᠋ᠤ᠌ ᠪᠤᠯᠤ ᠲᠠᠢᠰᠢ ᠭᠤᠷᠪᠠᠨ ᠵᠠᠮ ᠬᠤᠪᠢᠶᠠᠨ ᠮᠢᠩ ᠤᠯᠤᠰ ᠢ᠋ ᠳᠠᠢᠯᠠᠵᠠᠢ᠃1461 ᠣᠨ ᠳ᠋ᠤ᠌ ᠮᠢᠩ ᠤᠯᠤᠰ ᠤ᠋ᠨ ᠥᠭᠡᠷᠡ ᠨᠢᠭᠡ ᠮᠣᠵᠢ ᠶ᠋ᠢ ᠳᠠᠢᠯᠠᠵᠠᠢ᠃1462 ᠣᠨ ᠳ᠋ᠤ᠌ ᠳᠠᠬᠢᠨ ᠵᠡᠭᠦᠨ ᠲᠡᠢᠰᠢ ᠤᠷᠢᠶᠠᠩᠬᠠᠢ ᠶ᠋ᠢ ᠳᠡᠢᠯᠵᠡᠢ᠃1465 ᠣᠨ ᠳ᠋ᠤ᠌ ᠮᠠᠬᠠᠭᠦᠷᠭᠢᠰ ᠬᠠᠭᠠᠨ᠂ ᠪᠤᠯᠤ ᠲᠠᠢᠰᠢ ᠲᠠᠢ ᠡᠶᠡ ᠡᠪᠳᠡᠷᠡᠵᠦ᠂ ᠪᠤᠯᠤ ᠲᠠᠢᠰᠢ ᠥᠪᠡᠷ ᠦ᠋ᠨ ᠬᠦᠴᠦᠨ ᠳ᠋ᠦ᠍ ᠪᠡᠨ ᠡᠷᠳᠦᠵᠦ ᠦᠬᠡᠭᠲᠦ ᠬᠠᠭᠠᠨ ᠮᠠᠬᠠᠭᠦᠷᠭᠢᠰ ᠢ᠋ ᠬᠣᠣᠷᠯᠠᠨ ᠠᠯᠠᠵᠠᠢ᠃
ᠮᠠᠬᠠᠭᠦᠷᠭᠢᠰ ᠬᠠᠭᠠᠨ1454—1465 ᠣᠨ ᠬᠦᠷᠲᠡᠯᠡ ᠮᠣᠩᠭᠣᠯ ᠤ᠋ᠨ ᠶᠡᠬᠡ ᠬᠠᠭᠠᠨ ᠤ᠋ ᠰᠠᠭᠤᠷᠢᠨ ᠳ᠋ᠤ᠌11 ᠵᠢᠯ ᠰᠠᠭᠤᠭᠠᠳ20 ᠨᠠᠰᠤᠲᠠᠢ ᠳ᠋ᠤ᠌ ᠪᠠᠨ ᠡᠢᠨ ᠬᠦ᠌ ᠬᠣᠣᠷᠯᠠᠭᠳᠠᠵᠤ ᠨᠠᠰᠤ ᠪᠠᠷᠠᠭᠰᠠᠨ ᠪᠠᠢᠨᠠ᠃
ᠢᠷᠡᠯᠲᠡ᠄《ᠮᠣᠩᠭᠣᠯ ᠤ᠋ᠨ ᠭᠤᠴᠢᠨ ᠵᠢᠷᠭᠤᠭᠠᠨ ᠬᠠᠭᠠᠳ ᠤ᠋ᠨ ᠲᠣᠪᠴᠢ ᠨᠠᠮᠲᠠᠷ》 ᠨᠣᠮ ᠠ᠋ᠴᠠ ᠰᠣᠩᠭᠣᠵᠤ ᠨᠠᠢᠷᠠᠭᠤᠯᠤᠨ ᠰᠡᠢᠷᠡᠭᠦᠯᠪᠡ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠰᠠᠨ ᠨᠢ᠄ ᠴᠢ᠊ · ᠤᠷᠠᠨᠴᠡᠴᠡᠭ