ᠪᠠᠭᠰᠢ -ᠳᠣᠷᠵᠢᠰᠡᠷᠡᠩBagsh-DorjserenБагш-Доржсэрэн
1067ᠪᠠᠭᠰᠢ
ᠵᠣᠬᠢᠶᠠᠭᠴᠢ᠄ ᠳᠣᠷᠵᠢᠰᠡᠷᠡᠩ
—ᠪᠠᠭᠰᠢ ᠶ᠋ᠢᠨ ᠪᠠᠶᠠᠷ ᠲᠤ᠌ ᠵᠣᠷᠢᠭᠤᠯᠪᠠ
ᠪᠠᠭᠰᠢ ᠭᠡᠵᠦ
ᠬᠣᠢᠮᠣᠷ ᠲᠤ᠌ ᠰᠠᠭᠠᠲᠠᠬᠤ ᠬᠤᠪᠢ ᠦᠭᠡᠢ
ᠬᠣᠯᠠ ᠳ᠋ᠤ᠌ ᠳᠠᠭᠤᠷᠢᠰᠬᠤ ᠨᠡᠷᠡ ᠦᠭᠡᠢ
ᠪᠠᠶᠠᠨ ᠳ᠋ᠤ᠌ ᠲᠣᠭᠠᠴᠠᠭᠳᠠᠬᠤ ᠥᠪ ᠦᠭᠡᠢ
ᠪᠠᠭᠠᠷ ᠲᠤ᠌ ᠨᠠᠷᠭᠢᠬᠤ ᠴᠢᠯᠥᠭᠡ ᠦᠭᠡᠢ
ᠲᠡᠭᠡᠪᠡᠴᠦ
ᠨᠠᠷᠠᠨ ᠠ᠋ᠴᠠ ᠣᠢᠷᠠᠬᠠᠨ ᠦᠢᠯᠡᠰ ᠲᠡᠢ
ᠰᠠᠷᠠᠨ ᠠ᠋ᠴᠠ ᠲᠡᠷᠭᠡᠯ ᠬᠦᠰᠡᠯ ᠲᠡᠢ
ᠣᠳᠣᠨ ᠰᠠᠢᠬᠠᠨ ᠰᠤᠷᠤᠭᠴᠢ ᠲᠠᠢ
ᠣᠬᠢ ᠰᠢᠯᠢᠳᠡᠭ ᠱᠠᠪᠢ ᠲᠠᠢ
ᠪᠠᠭᠰᠢ ᠭᠡᠵᠦ
ᠵᠡᠷᠭᠡ ᠳᠡᠰ ᠦ᠋ᠨ ᠣᠲᠣᠭᠠ ᠦᠭᠡᠢ
ᠵᠢᠩᠰᠡ ᠮᠠᠯᠠᠭᠠᠢ ᠶ᠋ᠢᠨ ᠵᠢᠮᠰᠡᠭ ᠦᠭᠡᠢ
ᠬᠣᠷᠭᠣᠢ ᠲᠣᠷᠭᠠ ᠶ᠋ᠢᠨ ᠣᠯᠪᠣᠭ ᠦᠭᠡᠢ
ᠮᠠᠩᠨᠤᠭ ᠱ᠌ᠢᠷᠦ ᠶ᠋ᠢᠨ ᠮᠠᠨᠵᠢᠯᠭᠠ ᠦᠭᠡᠢ
ᠲᠡᠭᠡᠪᠡᠴᠦ
ᠵᠠᠯᠠᠭᠤ ᠬᠥᠮᠦᠰ ᠲᠡᠢ ᠵᠢᠷᠭᠠᠵᠤ ᠶᠠᠪᠤᠳᠠᠭ
ᠵᠠᠯᠭᠠᠮᠵᠢ ᠬᠣᠢᠴᠢ ᠲᠠᠢ ᠴᠡᠩᠭᠡᠵᠦ ᠶᠠᠪᠤᠳᠠᠭ
ᠵᠢᠪᠬᠤᠭᠠ ᠴᠣᠭ ᠨᠢ ᠲᠡᠭᠦᠯᠳᠡᠷ ᠪᠠᠢᠳᠠᠭ
ᠵᠢᠷᠭᠠᠯ ᠬᠥᠷ ᠢ᠋ᠶ᠋ᠡᠷ ᠪᠢᠯᠬᠠᠮᠠ ᠪᠠᠢᠳᠠᠭ
ᠪᠠᠭᠰᠢ ᠭᠡᠵᠦ
ᠡᠭᠦᠨ ᠳ᠋ᠦ᠍ ᠪᠠᠷᠳᠠᠮᠨᠠᠮᠠᠷ ᠭᠠᠪᠢᠶᠠ ᠦᠭᠡᠢ
ᠲᠡᠭᠦᠨ ᠳ᠋ᠦ᠍ ᠭᠠᠢᠬᠠᠭᠤᠯᠤᠮᠠᠷ ᠵᠢᠳᠬᠦᠯ ᠦᠭᠡᠢ
ᠠᠯᠳᠠᠷ ᠨᠢ ᠮᠢᠨᠦ ᠭᠡᠵᠦ ᠮᠡᠳᠬᠡᠳᠡᠭ ᠦᠭᠡᠢ
ᠠᠰᠢᠭ ᠨᠢ ᠮᠢᠨᠦ ᠭᠡᠵᠦ ᠰᠢᠨᠤᠳᠠᠭ ᠦᠭᠡᠢ
ᠲᠡᠭᠡᠪᠡᠴᠦ
ᠪᠢᠳᠠᠭᠤ ᠲᠣᠯᠣᠭᠠᠢ ᠶ᠋ᠢ ᠰᠡᠩᠬᠡᠷᠡᠭᠦᠯᠳᠡᠭ
ᠪᠢᠲᠡᠭᠦᠦ ᠤᠬᠠᠭᠠᠨ ᠢ᠋ ᠨᠡᠭᠡᠭᠡᠭᠳᠡᠭᠦᠯᠳᠡᠭ
ᠮᠤᠨᠤᠭ ᠬᠥᠮᠦᠨ ᠢ᠋ ᠰᠡᠬᠡᠭᠡᠷᠡᠭᠦᠯᠳᠡᠭ
ᠮᠤᠩᠬᠠᠭ ᠣᠶᠤᠨ ᠢ᠋ ᠭᠡᠭᠡᠷᠡᠭᠦᠯᠳᠡᠭ
ᠪᠠᠭᠰᠢ ᠭᠡᠵᠦ
ᠶᠠᠪᠤᠬᠤ ᠵᠠᠮ ᠨᠢ ᠭᠤᠷᠪᠠᠨ ᠰᠢᠯᠤᠭᠤᠨ
ᠠᠮᠢᠳᠤᠷᠠᠬᠤ ᠬᠡᠪᠴᠢᠶᠡ ᠨᠢ ᠭᠤᠷᠪᠠᠨ ᠭᠡᠷ
ᠠᠵᠢᠯᠯᠠᠬᠤ ᠵᠠᠢ ᠨᠢ ᠭᠤᠷᠪᠠᠨ ᠭᠠᠵᠠᠷ
ᠠᠩᠬᠠᠷᠬᠤ ᠬᠡᠮᠵᠢᠶᠡ ᠨᠢ ᠭᠤᠷᠪᠠᠨ ᠪᠠᠷᠠ
ᠲᠡᠭᠡᠪᠡᠴᠦ
ᠠᠷᠢᠭᠤᠨ ᠦᠢᠯᠡ ᠶ᠋ᠢᠨ ᠲᠢᠲᠢᠮ ᠲᠡᠢ
ᠠᠯᠤᠰ ᠲᠤ᠌ ᠴᠠᠢᠯᠵᠠᠭᠰᠠᠨ ᠮᠥᠷ ᠲᠡᠢ
ᠳᠠᠷᠬᠠᠨ ᠬᠠᠢᠷᠠ ᠶ᠋ᠢᠨ ᠢᠪᠡᠭᠡᠯ ᠲᠡᠢ
ᠳᠠᠶᠠᠩ ᠳ᠋ᠤ᠌ ᠲᠦᠭᠡᠭᠡᠭᠰᠡᠨ ᠰᠤᠷᠤᠭᠴᠢ ᠲᠠᠢ
ᠪᠠᠭᠰᠢ ᠬᠥᠮᠦᠨ— ᠪᠠᠶᠠᠨ ᠬᠥᠮᠦᠨ!
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠳ· ᠣᠶᠤᠨᠪᠢᠯᠢᠭ᠌
ᠬᠢᠨᠠᠭᠴᠢ ᠪᠠᠭᠰᠢ᠄ ᠭᠠᠷᠮᠠ᠂ ᠨᠠᠷᠠᠨ᠂ ᠣᠳᠬᠠᠨᠰᠣᠠ