ᠬᠣᠱᠤᠳ ᠬᠠᠭᠠᠨᠲᠤ ᠤᠯᠣᠰХошууд хаант улс41
327 ᠬᠣᠱᠤᠳ
ᠪᠣᠯ ᠣᠢᠷᠠᠳ ᠤᠨ ᠨᠢᠭᠡᠨ ᠠᠢᠮᠠᠭ ᠪᠥᠭᠡᠳ ᠠᠩᠬᠠᠯᠠᠨ ᠴᠢᠩᠭᠢᠰ ᠬᠠᠭᠠᠨ ᠤ ᠪᠠᠢᠭᠤᠯᠤᠭᠰᠠᠨ ᠶᠡᠬᠡ ᠮᠣᠩᠭᠣᠯ
ᠤᠯᠤᠰ ᠤᠨ ᠴᠡᠷᠢᠭ ᠦᠨ ᠬᠣᠰᠢᠭᠤᠴᠢ ᠮᠠᠩᠯᠠᠢ ᠠᠩᠭᠢ ᠶᠢ ᠪᠦᠷᠢᠳᠦᠭᠦᠯᠵᠦ ᠪᠠᠢᠭᠰᠠᠨ ᠭᠡᠬᠦ ᠠᠮᠠᠨ
ᠲᠡᠦᠬᠡ ᠲᠡᠢ ᠶᠤᠮ᠃ XV ᠵᠠᠭᠤᠨ ᠤ ᠦᠶᠡ ᠳᠦ ᠬᠠᠰᠠᠷ ᠤᠨ ᠤᠭᠰᠠᠭᠠᠨ ᠤ
ᠥᠷᠥᠭᠲᠡᠮᠦᠷ ᠨᠣᠶᠠᠨ ᠬᠠᠷᠢᠶᠠᠲᠤ ᠠᠯᠪᠠᠲᠤ ᠪᠠᠨ ᠳᠠᠭᠠᠭᠤᠯᠤᠨ ᠣᠢᠷᠠᠳ ᠤᠨ ᠲᠣᠭᠣᠭᠠᠨ ᠲᠠᠢᠰᠢ ᠳᠤ ᠳᠠᠭᠠᠷᠠ
ᠣᠷᠣᠭᠰᠠᠨ ᠢᠶᠠᠷ ᠬᠣᠱᠤᠳ ᠠᠢᠮᠠᠭ ᠡᠭᠦᠰᠴᠡᠢ᠃ XVI
ᠵᠠᠭᠤᠨ ᠤ ᠦᠶᠡ ᠳᠦ ᠳᠥᠷᠪᠡᠨ ᠣᠢᠷᠠᠳ ᠤᠨ
ᠬᠣᠯᠪᠣᠭᠠ ᠶᠢ ᠬᠣᠱᠤᠳ ᠤᠨ ᠨᠣᠶᠠᠳ ᠵᠠᠬᠢᠷᠴᠢ ᠪᠠᠢᠯᠠ᠃ XVII ᠵᠠᠭᠤᠨ ᠤ
ᠦᠶᠡ ᠳᠦ ᠬᠣᠱᠤᠳ ᠤᠨ ᠵᠠᠷᠢᠮ ᠬᠡᠰᠡᠭ ᠬᠥᠬᠡ ᠨᠠᠭᠤᠷ᠂ ᠢᠵᠢᠯ ᠮᠥᠷᠡᠨ ᠦ ᠡᠷᠭᠢ ᠳᠦ ᠣᠴᠢᠵᠤ ᠰᠠᠭᠤᠴᠠᠢ᠃ XVII ᠵᠠᠭᠤᠨ ᠤ
ᠦᠶᠡ ᠳᠦ ᠬᠣᠱᠤᠳ ᠤᠨ ᠨᠣᠶᠠᠳ ᠣᠢᠷᠠᠳ ᠤᠨ ᠲᠥᠷᠦ ᠶᠢᠨ ᠳᠡᠭᠡᠳᠦ ᠡᠷᠬᠡ ᠶᠢ ᠴᠢᠷᠣᠰ ᠠᠢᠮᠠᠭ ᠤᠨ ᠬᠢᠨ ᠳᠤ
ᠠᠯᠠᠳᠠᠭᠰᠠᠨ ᠪᠣᠯᠪᠠᠴᠤ ᠬᠥᠬᠡ ᠨᠠᠭᠤᠷ᠂ ᠲᠥᠪᠡᠳ ᠢ ᠵᠠᠬᠢᠷᠤᠭᠰᠠᠨ ᠬᠣᠱᠤᠳ ᠤᠨ ᠬᠠᠨᠲᠠ ᠤᠯᠤᠰ ᠢ ᠪᠠᠢᠭᠤᠯᠵᠤ᠂
ᠣᠷᠣᠰᠢᠨ ᠲᠣᠭᠲᠠᠨᠢᠭᠰᠠᠭᠠᠷ ᠪᠠᠢᠵᠠᠢ᠃ XVIII ᠵᠠᠭᠤᠨ ᠤ ᠦᠶᠡ ᠳᠦ ᠬᠣᠱᠤᠳ ᠤᠨ
ᠬᠠᠨᠲᠠ ᠤᠯᠤᠰ ᠵᠡᠭᠦᠨᠭᠠᠷ ᠤᠨ ᠬᠠᠭᠠᠨᠲᠤ ᠤᠯᠤᠰ ᠤᠨ ᠴᠡᠷᠢᠭ ᠲᠦ ᠴᠣᠬᠢᠭᠳᠠᠵᠤ ᠮᠥᠬᠦᠭᠰᠡᠨ ᠪᠥᠭᠡᠳ
ᠮᠠᠨᠵᠤ ᠶᠢᠨ ᠴᠢᠨ ᠤᠯᠤᠰ ᠲᠥᠪᠡᠳ ᠡᠴᠡ ᠵᠡᠭᠦᠨᠭᠠᠷ ᠤᠨ ᠴᠡᠷᠢᠭ ᠢ ᠬᠥᠭᠡᠭᠡᠨ ᠭᠠᠷᠭᠠᠭᠰᠠᠨ ᠢᠶᠠᠷ ᠬᠥᠬᠡ
ᠨᠠᠭᠤᠷ᠂ ᠲᠥᠪᠡᠳ ᠦᠨ ᠭᠠᠵᠠᠷ ᠨᠤᠲᠤᠭ ᠮᠠᠨᠵᠤ ᠶᠢᠨ ᠴᠢᠨ ᠤᠯᠤᠰ ᠤᠨ ᠵᠠᠬᠢᠷᠭᠠᠨ ᠳᠤ ᠣᠷᠣᠵᠠᠢ᠃ ᠲᠡᠭᠦᠨ ᠦ
ᠳᠠᠷᠠᠭᠠ ᠬᠣᠱᠤᠳ᠂ ᠲᠥᠪᠡᠳ ᠦᠳ ᠮᠠᠨᠵᠤ ᠶᠢᠨ ᠡᠰᠡᠷᠡᠭ ᠪᠣᠰᠤᠯᠭᠠ ᠭᠠᠷᠭᠠᠭᠰᠠᠨ ᠪᠣᠯᠪᠠᠴᠤ ᠳᠠᠷᠤᠭᠳᠠᠵᠠᠢ᠃
XX ᠵᠠᠭᠤᠨ ᠤ
ᠦᠶᠡ ᠳᠦ ᠬᠣᠱᠤᠳ ᠤᠳ ᠬᠢᠲᠠᠳ ᠤᠨ ᠳᠤᠮᠳᠠᠳᠤ ᠢᠷᠭᠡᠨ ᠤᠯᠤᠰ ᠪᠣᠯᠤᠨ ᠪᠦᠭᠦᠳᠡ ᠨᠠᠢᠷᠠᠮᠳᠠᠬᠤ ᠬᠢᠲᠠᠳ ᠠᠷᠠᠳ
ᠤᠯᠤᠰ ᠤᠨ ᠵᠠᠬᠢᠷᠭᠠᠨ ᠳᠤ ᠣᠷᠣᠭᠰᠠᠨ ᠶᠤᠮ᠃ ᠬᠣᠱᠤᠳ ᠤᠳ ᠣᠳᠣ ᠦᠶᠡ ᠳᠦ ᠬᠥᠬᠡ ᠨᠠᠭᠤᠷ᠂ ᠲᠥᠪᠡᠳ᠂
ᠠᠯᠠᠱᠠᠨ᠂ ᠡᠵᠡᠨᠡ ᠭᠣᠣᠯ ᠵᠡᠷᠭᠡ ᠭᠠᠵᠠᠷ ᠲᠤ ᠭᠣᠣᠯᠯᠠᠨ ᠨᠤᠲᠤᠭᠯᠠᠬᠤ ᠪᠥᠭᠡᠳ ᠣᠷᠣᠰ ᠤᠨ ᠬᠣᠯᠪᠣᠭᠠᠨ ᠤ
ᠤᠯᠤᠰ ᠤᠨ ᠪᠦᠭᠦᠳᠡ ᠨᠠᠢᠷᠠᠮᠳᠠᠬᠤ ᠬᠠᠯᠢᠮᠠᠭ ᠤᠯᠤᠰ᠂ ᠪᠦᠭᠦᠳᠡ ᠨᠠᠢᠷᠠᠮᠳᠠᠬᠤ ᠬᠢᠲᠠᠳ ᠠᠷᠠᠳ ᠤᠯᠤᠰ ᠤᠨ
ᠰᠢᠨᠵᠢᠶᠠᠩ-ᠤᠢᠭᠤᠷ ᠤᠨ ᠠᠦ᠋ᠲ᠋ᠣᠨᠣᠮᠢᠲᠤ ᠨᠤᠲᠤᠭ᠂ ᠮᠣᠩᠭᠣᠯ ᠤᠯᠤᠰ ᠤᠨ ᠬᠣᠪᠳᠣ ᠠᠢᠮᠠᠭ ᠲᠤ ᠴᠥᠭᠡᠨ
ᠲᠣᠭᠠ ᠪᠠᠷ ᠣᠷᠣᠰᠢᠨ ᠰᠠᠭᠤᠳᠠᠭ᠃
