ᠠᠢᠷᠠᠭAiragАйраг ᠢᠳᠡᠭᠡᠨ ᠤᠮᠳᠠᠭᠠᠨ

   
Монголчууд эрт үеэс өвөрмөц сайхан үнэртэй,
исгэлэн амттай, хүний биед шим тэжээлтэй айраг исэг
цэгээ хийж идээ ундаа болгон хэрэглэж ирсэн
уламжлалтай билээ
Айраг исгэх хамгийн хүнд хүчир ажлын нэг бол
бүрэлт юм. Бүрэлт тохироогүйгээс исэлтийн эрч буурч,
айраг сэнгэнэсэн сайхан амт үнэртэй болж чадахгүй,
шим тэжээлт чанар төдий л сайнгүй болдог. Гүүний
айргийг уушиг, амьсгалын замын элдэв өвчин, сүрьеэг
эмчлэх, хоол боловсруулах эрхтний үйл ажиллагааг
идэвхжүүлэх, элдэв эмгэг хуучныг арилгах, биеийн
чалх, тамир тэнхээг сэргээхэд өргөн хэрэглэдэг.
Өвөрмөц, эрхэм сайхан ундаа айргийг
монголчууд найр наадам хийхдээ сөгнөн баяр
Цэнгэлийнхээ эхэнд зочин гийчин, хуран цугласан
олонд өргөн барьж дайлдаг. Мөн дээжийг нь хангай
Дэлхийдээ өргөн, баяр наадамд түрүүлсэн хурдан
морио мялаадаг билээ.