ᠨᠠᠮᠤᠷ ᠤ᠋ᠨ ᠪᠣᠳᠣᠯ -ᠪᠠᠢ· ᠨᠡᠪᠴᠢᠮᠡ Namryn bodol-Bai·NavchimaНамрын бодол-Бай·Навчима
1098ᠨᠠᠮᠤᠷ ᠤ᠋ᠨ ᠪᠣᠳᠣᠯ
ᠵᠣᠬᠢᠶᠠᠭᠴᠢ᠄ ᠪᠠᠢ· ᠨᠡᠪᠴᠢᠮᠡ
ᠤᠶᠠᠩᠭᠠᠯᠠᠭᠴᠢ᠄ ᠤᠯᠠᠭᠠᠨᠴᠡᠴᠡᠭ
ᠨᠠᠮᠤᠷ ᠤ᠋ᠨ ᠰᠢᠯᠦᠭ ᠪᠣᠳᠣᠯ ᠤ᠋ᠨ ᠲᠡᠭᠷᠢ
ᠣᠳᠣᠳ ᠲᠠᠢ ᠬᠠᠮᠲᠤ ᠠᠨᠢᠪᠴᠢᠵᠤ
ᠨᠠᠪᠴᠢᠰ ᠨᠥᠮᠥᠷᠦᠭᠰᠡᠨ ᠬᠣᠷᠸᠠ ᠶ᠋ᠢᠨ
ᠵᠡᠭᠦᠳᠦ ᠠᠭᠤᠯᠠᠰ ᠢ᠋ᠶ᠋ᠠᠨ ᠳᠡᠷᠡᠯᠡᠨ ᠨᠣᠢᠷᠮᠤᠭᠯᠠᠵᠤ
ᠨᠠᠮ ᠵᠢᠮᠬᠡᠨ ᠦᠳᠡᠰᠢ ᠶ᠋ᠢᠨ ᠴᠠᠭ ᠢ᠋
ᠭᠣᠯᠢᠶᠠ ᠶ᠋ᠢᠨ ᠳᠠᠭᠤᠨ ᠢ᠋ᠶ᠋ᠠᠷ ᠦᠳᠡᠵᠦ
ᠨᠠᠷᠠᠨ ᠠ᠋ᠴᠠ ᠣᠢᠭᠰᠠᠨ ᠰᠠᠷᠠᠨ ᠲᠤᠶᠠᠭᠠ ᠪᠠᠷ
ᠭᠡᠭᠡ ᠵᠢᠭᠡᠯᠡᠨ ᠰᠢᠯᠦᠭᠯᠡᠨᠡᠮ!
ᠥᠷᠯᠥᠭᠡ ᠪᠦᠷᠢ ᠴᠣᠩᠬᠣ ᠪᠠᠷ
ᠦᠨᠦᠰᠬᠦ ᠰᠡᠷᠢᠭᠦᠨ ᠵᠢᠪᠠᠷ ᠲᠠᠢ ᠴᠣᠭ
ᠥᠭᠦᠯᠡᠨ ᠬᠣᠯᠪᠣᠬᠤ ᠢᠷᠠᠭᠤ ᠨᠠᠢᠷᠠᠭ ᠢ᠋ᠶ᠋ᠠᠨ
ᠰᠡᠳᠬᠢᠯ ᠦ᠋ᠨ ᠳᠠᠭᠤᠤ ᠪᠠᠷ ᠤᠶᠠᠩᠭᠠᠯᠠᠵᠤ
ᠵᠦᠢᠷᠡᠢ ᠳᠣᠩᠭᠣᠳᠬᠤ ᠰᠢᠪᠠᠭᠤᠳ ᠲᠠᠢ
ᠬᠡᠯᠡ ᠨᠡᠢᠯᠡᠭᠦᠯᠦᠨ ᠪᠡᠶᠡᠰᠴᠦ
ᠵᠦᠢᠯ ᠦ᠋ᠨ ᠰᠠᠢᠬᠠᠨ ᠴᠡᠴᠡᠭᠡᠰ ᠦ᠋ᠨ ᠬᠡ ᠪᠡᠷ
ᠬᠡᠪᠢᠰ ᠨᠡᠬᠡᠮᠡᠯᠯᠡᠨᠡᠮ!
ᠰᠠᠴᠤᠷᠠᠬᠤ ᠨᠠᠷᠠᠨ ᠤ᠋ ᠡᠭᠡᠯᠢᠲᠦ ᠲᠤᠶᠠᠭᠠᠠ᠋ᠴᠠ
ᠠᠮᠢᠳᠤᠷᠠᠯ ᠤ᠋ᠨ ᠰᠢᠮᠡ ᠲᠣᠰᠴᠤ
ᠰᠠᠷᠠᠭᠤᠯ ᠳᠡᠯᠡᠬᠡᠢ ᠶ᠋ᠢᠨ ᠨᠥᠬᠥᠷᠰᠡᠭ ᠤᠯᠤᠰ ᠲᠠᠢ
ᠬᠦᠰᠡᠯ ᠪᠣᠳᠣᠯ ᠢ᠋ᠶ᠋ᠠᠨ ᠰᠣᠯᠢᠯᠴᠠᠵᠤ
ᠰᠠᠢᠬᠠᠨ ᠰᠡᠳᠬᠢᠯ ᠦ᠋ᠨ ᠤᠶᠠᠩᠭᠠ ᠨᠠᠢᠷᠠᠭ ᠢ᠋ᠶ᠋ᠠᠨ
ᠨᠠᠮᠤᠷ ᠤ᠋ᠨ ᠲᠡᠭᠷᠢ ᠳ᠋ᠦ᠍ ᠰᠢᠩᠭᠡᠭᠡᠵᠦ
ᠰᠠᠷᠠ ᠮᠠᠨᠳᠤᠵᠤ ᠣᠳᠣᠨ ᠲᠦᠭᠡᠲᠡᠯᠡ
ᠡᠩᠬᠡ ᠶ᠋ᠢᠨ ᠢᠷᠦᠭᠡᠯ ᠢ᠋ᠶ᠋ᠡᠨ ᠰᠠᠴᠤᠨᠠᠮ!
ᠡᠩᠬᠡ ᠶ᠋ᠢᠨ ᠢᠷᠦᠭᠡᠯ ᠢ᠋ᠶ᠋ᠡᠨ ᠰᠠᠴᠤᠨᠠᠮ!
ᠵᠣᠬᠢᠶᠠᠭᠴᠢ ᠶ᠋ᠢᠨ ᠬᠠᠶᠢᠭ᠄ ᠯᠢᠶᠣᠤᠨᠢᠩ ᠮᠣᠵᠢ ᠶ᠋ᠢᠨ ᠮᠣᠩᠭᠣᠯᠵᠢᠨ ᠬᠣᠰᠢᠭᠤ
ᠦᠰᠦᠭ ᠠᠮᠢᠯᠠᠭᠤᠯᠤᠭᠰᠠᠨ ᠨᠢ᠄ ᠡᠷᠳᠡᠨᠢᠲᠣᠭᠲᠣᠬᠤ
ᠦᠰᠦᠭ ᠬᠠᠳᠠᠭᠴᠢ᠄ ᠪᠠᠢ᠂ ᠰᠠᠷᠠᠨᠠ
ᠬᠢᠨᠠᠭᠴᠢ᠄ ᠲᠣᠳᠤᠭᠡᠷᠡᠯ