ᠡᠵᠢ ᠡᠴᠡ ᠪᠡᠨ ᠬᠣᠶ᠋ᠢᠰᠢ ᠪᠢ ᠥᠲᠡᠯᠦᠭᠰᠡᠨ– ᠱ᠂ ᠭᠦᠷᠦᠪᠠᠽᠠᠷ Ээжээсээ хойш би өтөлсөн - Ш᠂ Гүрбазар
633ᠡᠵᠢ ᠡᠴᠡ ᠪᠡᠨ ᠬᠣᠶ᠋ᠢᠰᠢ ᠪᠢ ᠥᠲᠡᠯᠦᠭᠰᠡᠨ
ᠡᠵᠢ ᠡᠴᠡ ᠪᠡᠨ ᠬᠣᠢᠰᠢ ᠪᠢ ᠥᠲᠡᠯᠦᠭᠰᠡᠨ
ᠰᠢᠯᠦᠭᠯᠡᠬᠦ ᠨᠢ ᠪᠠᠢᠲᠤᠭᠠᠢ
ᠪᠣᠳᠣᠬᠤ ᠠ᠋ᠴᠠ ᠴᠦ᠍ ᠤᠬᠢᠯᠠᠵᠤ ᠪᠠᠢᠨᠠ
ᠰᠦ ᠰᠠᠴᠤᠨ ᠨᠢᠯᠪᠤᠰᠤ ᠤᠨᠠᠭᠠᠭᠰᠠᠨ
ᠪᠣᠷᠣ ᠡᠩᠭᠡᠷ ᠢ᠋ ᠬᠠᠷᠠᠵᠤ ᠪᠠᠢᠨᠠ
ᠡᠵᠢ ᠡᠴᠡ ᠪᠡᠨ ᠬᠣᠢᠰᠢ ᠪᠢ ᠥᠲᠡᠯᠦᠭᠰᠡᠨ
ᠳᠥᠴᠢᠨ ᠶᠢᠰᠦ ᠬᠣᠨᠣᠭ ᠤ᠋ᠨ ᠵᠤᠯᠠ ᠳ᠋ᠤ᠌
ᠨᠠᠰᠤ ᠮᠢᠨᠢ ᠰᠢᠷᠭᠠᠯᠲᠤᠵᠤ
ᠳᠥᠩᠭᠡᠵᠦ ᠲᠥᠷᠥᠭᠰᠡᠨ ᠭᠦᠷᠦᠪᠠᠽᠠᠷ
ᠴᠡᠷᠢᠭ ᠡᠴᠡ ᠬᠠᠯᠠᠭᠳᠠᠬᠤ ᠰᠢᠭ᠋ ᠬᠡᠷᠰᠡᠦᠵᠢᠭᠰᠡᠨ
ᠵᠣᠷᠭᠣ ᠪᠠᠷ ᠢ᠋ᠶ᠋ᠠᠨ ᠠᠰᠬᠠᠷᠠᠳᠠᠭ ᠨᠢᠯᠪᠤᠰᠤ
ᠡᠷᠬᠡᠯᠡᠬᠦ ᠪᠡᠨ ᠮᠠᠷᠲᠠᠵᠤ ᠲᠠᠲᠠᠷᠠᠭᠰᠠᠨ
ᠵᠣᠭᠰᠣᠭᠠ ᠪᠠᠷ ᠢ᠋ᠶ᠋ᠠᠨ ᠰᠦᠨᠳᠡᠷᠯᠡᠬᠦ ᠬᠥᠰᠢᠶᠡ
ᠳᠣᠲᠣᠷᠠ ᠠ᠋ᠴᠠ ᠪᠠᠨ ᠡᠮᠲᠡᠷᠡᠬᠦ ᠰᠢᠭ ᠥᠲᠡᠯᠦᠭᠰᠡᠨ
ᠡᠵᠢ ᠡᠴᠡ ᠪᠡᠨ ᠬᠣᠢᠰᠢ ᠪᠢ ᠥᠲᠡᠯᠦᠭᠰᠡᠨ
ᠱᠠᠩᠬᠤᠨ ᠳ᠋ᠤ᠌ ᠮᠢᠨᠢ ᠪᠤᠭᠤᠷᠤᠯ ᠦᠰᠦᠷᠦᠭᠡ ᠦᠭᠡᠢ ᠴᠦ᠍
ᠰᠠᠨᠠᠭᠠᠨ ᠳ᠋ᠤ᠌ ᠮᠢᠨᠢ ᠵᠢᠪᠠᠷ ᠨᠤᠲᠤᠭᠯᠠᠭᠰᠠᠨ
ᠰᠢᠨᠠᠯᠵᠤ ᠪᠠᠢᠭᠠ ᠪᠠᠨ ᠥᠪᠡᠷ ᠢ᠋ᠶ᠋ᠡᠨ ᠮᠡᠳᠡᠭᠡ ᠦᠭᠡᠢ ᠴᠦ᠍
ᠰᠢᠷᠬᠠ ᠲᠠᠢ ᠰᠢᠷᠠᠭᠴᠢᠨ ᠳᠣᠭᠣᠨᠴᠠᠬᠤ ᠳ᠋ᠤ᠌ ᠤᠬᠢᠯᠠᠭᠰᠠᠨ
ᠡᠵᠢ ᠡᠴᠡ ᠪᠡᠨ ᠬᠣᠢᠰᠢ ᠪᠢ ᠥᠲᠡᠯᠦᠭᠰᠡᠨ
ᠦᠨᠡᠮᠰᠢᠵᠦ ᠴᠢᠳᠠᠬᠤ ᠦᠭᠡᠢ ᠴᠤᠷᠬᠢᠷᠠᠬᠤ ᠳ᠋ᠠᠭᠠᠨ
ᠬᠠᠷᠠᠴᠠ ᠮᠢᠨᠢ ᠲᠣᠭᠲᠠᠵᠤ ᠥᠲᠡᠯᠦᠭᠰᠡᠨ
ᠦᠨᠦᠰᠦᠭᠦᠯᠬᠦ ᠬᠥᠮᠦᠨ ᠡᠷᠢᠭᠡ ᠦᠭᠡᠢ ᠴᠦ᠍
ᠬᠠᠴᠠᠷ ᠮᠢᠨᠢ ᠬᠠᠭᠠᠷᠠᠵᠤ ᠥᠲᠡᠯᠦᠭᠰᠡᠨ
ᠰᠠᠷᠠᠨ ᠤ᠋ ᠬᠡᠰᠢᠭ ᠥᠬᠢᠳ ᠡᠴᠡ ᠪᠡᠨ
ᠠᠴᠢ ᠪᠠᠨ ᠬᠦᠯᠢᠶᠡᠬᠦ ᠪᠡᠷ ᠥᠲᠡᠯᠦᠭᠰᠡᠨ
ᠨᠠᠷᠠᠨ ᠤ᠋ ᠬᠥᠬᠡ ᠳᠠᠢᠳᠤ ᠳ᠋ᠤ᠌
ᠨᠠᠢᠷᠠᠭ ᠦᠷᠦᠬᠦ ᠭᠡᠵᠦ ᠥᠲᠡᠯᠦᠭᠰᠡᠨ
ᠮᠥᠩᠬᠡ ᠶ᠋ᠢᠨ ᠶᠦᠮ ᠰᠢᠭ ᠡᠨᠳᠡᠭᠦᠷᠡᠭᠰᠡᠨ
ᠡᠵᠢ ᠶ᠋ᠢᠨ ᠮᠢᠨᠢ ᠰᠡᠭᠦᠳᠡᠷ ᠠᠷᠢᠯᠬᠤ ᠳ᠋ᠤ᠌
ᠮᠥᠬᠥᠯ ᠦ᠋ᠨ ᠰᠠᠯᠬᠢᠨ ᠳ᠋ᠤ᠌ ᠦᠨᠡᠮᠰᠢᠬᠦ ᠳ᠋ᠡᠭᠡᠨ
ᠭᠠᠩᠬᠤᠵᠤ ᠥᠲᠡᠯᠦᠭᠰᠡᠨ
ᠮᠥᠩᠬᠡ ᠶ᠋ᠢᠨ ᠬᠠᠲᠠᠭᠤ ᠵᠢᠮᠡ ᠶ᠋ᠢᠨ ᠡᠮᠦᠨᠡ
ᠰᠤᠯᠢᠳᠠᠵᠤ ᠥᠲᠡᠯᠦᠭᠰᠡᠨ
ᠡᠵᠢ ᠡᠴᠡ ᠪᠡᠨ ᠬᠣᠢᠰᠢ ᠪᠢ ᠥᠲᠡᠯᠦᠭᠰᠡᠨ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠡᠩᠬᠡᠪᠠᠲᠤ
ᠦᠰᠦᠭ ᠬᠢᠨᠠᠭᠴᠢ᠄ ᠪᠠᠶᠠᠷᠴᠡᠴᠡᠭ