ᠪᠤᠳᠠᠭᠠᠴᠢᠨ ᠬᠦᠦ-ᠲᠠᠩᠭᠤᠳ ᠤ᠋ᠨ ᠭᠠᠯᠰᠠᠩBudaachin khüü-Tangadyn GalsanБудаачин хүү-Тангадын Галсан
391ᠪᠤᠳᠠᠭᠠᠴᠢᠨ ᠬᠦᠦ
ᠨᠠᠢᠷᠠᠭᠤᠯᠤᠭᠰᠠᠨ ᠨᠢ᠄ ᠲᠠᠩᠭᠤᠳ ᠤ᠋ᠨ ᠭᠠᠯᠰᠠᠩ
ᠬᠥᠷᠪᠡᠭᠦᠯᠦᠭᠰᠡᠨ ᠨᠢ ᠄ ᠪᠡ᠊ · ᠳᠠᠮᠳᠢᠨᠰᠦ᠋ᠷᠦᠩ
1957 ᠣᠨ ᠳ᠋ᠤ᠌ ᠮᠣᠩᠭᠣᠯ ᠤ᠋ᠨ ᠵᠣᠬᠢᠶᠠᠯᠴᠢᠳ ᠤ᠋ᠨ ᠬᠣᠶᠠᠳᠤᠭᠠᠷ ᠶᠡᠬᠡ ᠬᠤᠷᠠᠯ ᠬᠤᠷᠠᠯᠳᠤᠵᠠᠢ᠃ ᠡᠨᠡ ᠬᠤᠷᠠᠯ ᠳ᠋ᠤ᠌ ᠣᠷᠣᠰ《ᠺᠣᠮᠢᠰᠰᠠᠷ》 ᠲᠠᠢ ᠪᠤᠷᠢᠶᠠᠳ ᠵᠣᠬᠢᠶᠠᠯᠴᠢ᠂ ᠬᠢᠲᠠᠳ《ᠺᠠᠲ᠋ᠠᠷ》 ᠲᠠᠢ ᠥᠪᠥᠷ ᠮᠣᠩᠭᠣᠯ ᠵᠣᠬᠢᠶᠠᠯᠴᠢ ᠢᠷᠡᠵᠡᠭᠡᠭᠰᠡᠨ ᠨᠢ《ᠶᠡᠬᠡ ᠭᠦᠷᠦᠨ ᠳ᠋ᠦ᠍ ᠪᠠᠭᠠ ᠦᠨᠳᠦᠰᠦᠲᠡᠨ ᠦ᠌ ᠣᠣᠬᠠ ᠵᠣᠬᠢᠶᠠᠯ ᠴᠣ ᠬᠥᠭᠵᠢᠵᠦ ᠯᠡ ᠪᠠᠢᠳᠠᠭ ᠶᠤᠮ ᠰᠢᠦ! ᠪᠢᠳᠡ ᠪᠠᠭᠠ ᠶᠠᠰᠤᠲᠠᠨ ᠦᠨᠳᠦᠰᠦᠲᠡᠨ ᠦ᠌ ᠬᠡᠯᠡ ᠰᠣᠶᠣᠯ ᠢ᠋ ᠤᠰᠠᠳᠬᠠᠳᠠᠭ ᠦᠭᠡᠢ ᠤᠯᠠᠮ ᠬᠥᠭᠵᠢᠭᠦᠯᠬᠦ ᠤᠷᠤᠭᠰᠢᠯᠠᠭᠤᠯᠤᠨ ᠴᠡᠴᠡᠭᠯᠡᠭᠦᠯᠵᠦ ᠪᠠᠢᠳᠠᠭ ᠰᠢᠦ》 ᠭᠡᠰᠡᠨ ᠤᠯᠤᠰ ᠲᠥᠷᠥ ᠶ᠋ᠢᠨ ᠳᠠᠯᠳᠠ ᠤᠳᠬᠠ ᠶ᠋ᠢ ᠢᠯᠡᠳᠬᠡᠭᠰᠡᠨ ᠨᠢ ᠢᠯᠡᠷᠬᠡᠢ᠃ ᠡᠭᠦᠨ ᠢ᠋ ᠵᠦᠩ ᠰᠤᠪᠢᠨ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠮᠡᠳᠡᠷᠡᠭᠰᠡᠨ ᠪᠠ᠊ · ᠷᠢᠨᠴᠢᠨ ᠭᠤᠸᠠᠢ ᠶᠡᠬᠡ ᠬᠤᠷᠠᠯ ᠤ᠋ᠨ ᠵᠠᠪᠰᠠᠷᠯᠠᠭᠠ ᠬᠢᠲᠠᠳ ᠤ᠋ᠨ ᠲᠥᠯᠥᠭᠡᠯᠡᠭᠴᠢᠳ ᠲᠡᠢ ᠠᠭᠤᠯᠵᠠᠩᠬᠠᠨ
— ᠮᠠᠯᠴᠢᠨᠬᠦᠦ ᠭᠤᠸᠠᠢ᠂ ᠲᠠ ᠵᠣᠬᠢᠶᠠᠯ ᠢ᠋ᠶ᠋ᠠᠨ ᠶᠠᠮᠠᠷ ᠬᠡᠯᠡ ᠪᠡᠷ ᠲᠤᠭᠤᠷᠪᠢᠳᠠᠭ ᠪᠣᠢ? ᠭᠡᠵᠦ ᠰᠤᠨᠵᠢᠨ① ᠠᠰᠠᠭᠤᠭᠰᠠᠨ ᠳ᠋ᠤ᠌
— ᠬᠢᠲᠠᠳ ᠬᠡᠯᠡ ᠪᠡᠷ ᠪᠢᠴᠢᠳᠡᠭ ᠬᠡᠮᠡᠵᠡᠢ᠃
ᠷᠢᠨᠴᠢᠨ ᠶᠡᠬᠡ ᠯᠡ ᠭᠤᠲᠤᠷᠠᠩᠭᠤᠢ ᠠᠶᠠᠰ ᠢ᠋ᠶ᠋ᠠᠷ
— ᠦ ᠲᠡᠭᠡᠪᠡᠯ ᠲᠠ ᠴᠢᠨᠢ
ᠮᠠᠯᠴᠢᠨ ᠬᠦᠦ ᠪᠢᠰᠢ
ᠪᠤᠳᠠᠭᠠᠴᠢᠨ ᠬᠦᠦ ᠶᠦᠮ ᠪᠠᠢᠨᠠ ᠳᠠ ᠭᠡᠮᠡᠨ ᠭᠣᠣᠯ ᠤᠷᠤᠭᠤ ᠨᠢ ᠭᠠᠯ ᠣᠷᠣᠲᠠᠯᠠ ᠴᠠᠭᠠᠰᠢᠯᠠᠭᠤᠯᠤᠭᠰᠠᠨ ᠭᠡᠨᠡ ᠠ᠋᠃
ᠡᠨᠡ ᠨᠢ ᠶᠡᠬᠡ ᠭᠦᠷᠦᠨ ᠦ᠌ ᠳᠣᠲᠣᠷᠠᠬᠢ ᠦᠨᠳᠦᠰᠦᠲᠡᠨ ᠦ᠌ ᠴᠥᠭᠡᠩᠬᠢ ᠨᠢ᠂ ᠡᠬᠡ ᠬᠡᠯᠡ ᠪᠡᠷ ᠢ᠋ᠶ᠋ᠡᠨ ᠶᠠᠷᠢᠵᠤ᠂ ᠲᠤᠭᠤᠷᠪᠢᠵᠤ ᠪᠠᠢᠬᠤ ᠶᠣᠰᠣᠲᠠᠢ ᠶ᠋ᠢ ᠥᠭᠦᠯᠡᠭᠰᠡᠨ ᠰᠡᠩᠬᠡᠷᠡᠭᠦᠯᠭᠡ ᠪᠠᠢᠵᠤᠬᠤᠢ᠃
※ᠰᠣᠨᠵᠢᠨ— ᠦ ᠡᠷᠢᠵᠦ ᠱᠣᠣᠯᠠᠬᠤ᠂ ᠦᠭᠡ ᠪᠡᠷ ᠬᠣᠨᠵᠢᠬᠤ᠃
ᠢᠷᠡᠯᠲᠡ ᠄ 《ᠠᠤᠭᠠ ᠱᠣᠭᠴᠢ ᠷᠢᠨᠴᠢᠨ ᠦ᠌ ᠠᠶᠤᠩᠭᠠᠨ ᠶᠡᠬᠡ ᠦᠭᠡᠰ》 ᠨᠣᠮ ᠠ᠋ᠴᠠ ᠰᠡᠢᠷᠡᠭᠦᠯᠪᠡ᠃
ᠬᠦᠳᠡᠯᠭᠡᠨᠲᠦ ᠵᠢᠷᠤᠭ ᠢ᠋ ᠰᠦᠯᠵᠢᠶᠡᠨ ᠡᠴᠡ ᠰᠣᠩᠭᠣᠪᠠ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠰᠠᠨ ᠨᠢ᠄ ᠴᠢ᠊ · ᠤᠷᠠᠨᠴᠡᠴᠡᠭ