ᠰᠢᠱᠦ ᠮᠡᠢᠷᠡᠨ - ᠴᠠᠭᠠᠨᠪᠠᠷᠰ Шиш мэйрэн-Цагаанбар
423ᠰᠢᠱᠦ ᠮᠡᠢᠷᠡᠨ
ᠴᠠᠭᠠᠨᠪᠠᠷᠰ ᠳᠠᠭᠤᠯᠠᠪᠠ
ᠬᠣᠷᠴᠢᠨ ᠠᠷᠠᠳ ᠤ᠋ᠨ ᠳᠠᠭᠤᠤ
ᠰᠢᠱᠦ ᠮᠡᠢᠷᠡᠨ ᠴᠡᠷᠢᠭ ᠢ᠋ᠶ᠋ᠡᠨ ᠠᠪᠤᠭᠠᠳ ᠳᠠᠢᠰᠤᠨ ᠳᠠᠷᠤᠬᠤ ᠪᠠᠷ ᠮᠣᠷᠳᠠᠭᠰᠠᠨ ᠶᠤᠮ ᠠ᠋᠂ ᠴᠡᠴᠡᠭ ᠬᠠᠲᠤᠨ ᠬᠦᠷᠭᠡᠵᠦ ᠭᠠᠷᠴᠤ ᠢᠷᠡᠴᠢᠬᠡᠭᠡᠳ ᠤᠷᠲᠤ ᠠ᠋ᠴᠠ ᠨᠢ ᠬᠠᠨᠳᠤᠭᠠᠳ ᠬᠡᠯᠡᠴᠢᠬᠡᠭᠰᠡᠨ ᠠ᠋᠄
ᠬᠥᠬᠡ ᠨᠣᠮᠢᠨ ᠵᠢᠩᠰᠡ ᠲᠡᠢ ᠰᠢᠱᠦ ᠮᠡᠢᠷᠡᠨ ᠠ᠋ ᠬᠦᠢ ᠠ ᠬᠦᠢ ᠮᠡᠢᠷᠡᠨ ᠬᠦᠢ
ᠴᠡᠷᠢᠭ ᠣᠯᠠᠨ ᠢ᠋ᠶ᠋ᠠᠨ ᠳᠠᠭᠠᠭᠤᠯᠴᠢᠬᠠᠭᠠᠳ ᠮᠣᠷᠳᠠᠭᠠᠳ ᠭᠠᠷᠤᠯᠠ ᠬᠦᠢ
ᠴᠡᠪᠡᠷᠬᠡᠨ ᠲᠥᠷᠥᠭᠡᠳ ᠲᠡᠭᠡᠭᠰᠡᠨ ᠴᠡᠴᠡᠭ ᠬᠠᠲᠤᠨ ᠠ᠋ ᠬᠦᠢ ᠠ ᠬᠦᠢ ᠮᠡᠢᠷᠡᠨ ᠬᠦᠢ
ᠴᠣᠩᠬᠣᠨ ᠤ᠋ ᠪᠠᠨ ᠢᠷᠣᠭᠠᠷ ᠢ᠋ᠶ᠋ᠠᠨ ᠵᠣᠭᠰᠣᠭᠠᠳ ᠯᠠ ᠬᠦᠷᠭᠡᠵᠦ ᠪᠠᠢᠨᠠ ᠬᠦᠢ
ᠤᠯᠠᠭᠠᠨ ᠨᠣᠮᠢᠨ ᠵᠢᠩᠰᠡ ᠲᠡᠢ ᠰᠢᠱᠦ ᠮᠡᠢᠷᠡᠨ ᠠ᠋ ᠬᠦᠢ ᠠ ᠬᠦᠢ ᠮᠡᠢᠷᠡᠨ ᠬᠦᠢ
ᠤᠯᠤᠰ ᠣᠯᠠᠨ ᠢ᠋ᠶ᠋ᠠᠨ ᠳᠠᠭᠠᠭᠤᠯᠴᠢᠬᠠᠭᠠᠳ ᠮᠣᠷᠳᠠᠭᠠᠳ ᠭᠠᠷᠤᠯᠠ ᠬᠦᠢ
ᠤᠴᠠᠷᠠᠭᠠᠳ ᠲᠡᠭᠡᠭᠰᠡᠨ ᠡᠬᠡᠨᠡᠷ ᠨᠢ ᠪᠣᠯᠤᠭᠰᠠᠨ ᠴᠡᠴᠡᠭ ᠬᠠᠲᠤᠨ ᠠ᠋ ᠬᠦᠢ ᠠ ᠬᠦᠢ ᠮᠡᠢᠷᠡᠨ ᠬᠦᠢ
ᠬᠦᠷᠢᠶᠡᠨ ᠦ᠌ ᠳᠤᠮᠳᠠ ᠪᠠᠨ ᠵᠣᠭᠰᠣᠴᠢᠬᠠᠭᠠᠳ ᠬᠦᠷᠭᠡᠵᠦ ᠪᠠᠢᠨᠠ ᠰᠢᠦ ᠬᠦᠢ
ᠰᠢᠱᠦ ᠮᠡᠢᠷᠡᠨ ᠡᠭᠦᠨ ᠢ᠋ ᠦᠵᠡᠭᠡᠳ ᠲᠡᠰᠬᠦ ᠶᠦᠮ ᠤᠤ? ᠮᠣᠷᠢᠨ ᠠ᠋ᠴᠠ ᠪᠠᠨ ᠡᠷᠭᠢᠵᠦ ᠪᠠᠭᠤᠭᠠᠳ ᠡᠬᠡᠨᠡᠷ ᠦ᠋ᠨ ᠢ᠋ᠶ᠋ᠡᠨ ᠤᠷᠲᠤ ᠠ᠋ᠴᠠ ᠨᠢ ᠬᠠᠨᠳᠤᠭᠠᠳ ᠨᠢᠳᠦᠨ ᠨᠢᠯᠪᠤᠰᠤ ᠪᠠᠨ ᠨᠢᠭᠡ ᠵᠦᠯᠭᠦᠴᠢᠬᠡᠭᠡᠳ ᠬᠡᠯᠡᠴᠢᠬᠡᠭᠰᠡᠨ ᠠ᠋᠄
ᠵᠣᠣ ᠶ᠋ᠢᠨ ᠣᠷᠣᠨ ᠭᠡᠳᠡᠭ ᠳᠡ ᠬᠣᠯᠠ ᠠ᠋ᠴᠠ ᠬᠣᠯᠠ ᠶᠠ ᠬᠦᠢ ᠠ ᠬᠦᠢ ᠴᠡᠴᠡᠭ ᠠ᠋ ᠬᠦᠢ
ᠵᠤᠷᠭᠠᠨ ᠶᠠᠮᠤᠨ ᠤ᠋ ᠵᠠᠷᠯᠢᠭ ᠭᠡᠳᠡᠭ ᠴᠢᠨᠢ ᠬᠠᠲᠠᠭᠤ ᠠ᠋ᠴᠠ ᠬᠠᠲᠠᠭᠤ ᠶᠠ ᠬᠦᠢ
ᠵᠤᠷᠭᠠᠨ ᠶᠠᠮᠤᠨ ᠤ᠋ ᠪᠠᠨ ᠵᠠᠷᠯᠢᠭ ᠢ᠋ ᠭᠦᠢᠴᠡᠳᠬᠡᠭᠰᠡᠨ ᠦ᠌ ᠰᠡᠭᠦᠯᠡᠷ ᠠ᠋ ᠬᠦᠢ ᠠ ᠬᠦᠢ ᠴᠡᠴᠡᠭ ᠠ᠋ ᠬᠦᠢ
ᠵᠢᠷᠠ ᠴᠤ᠌ ᠭᠠᠷᠤᠭᠠᠳ ᠵᠠᠵᠢᠨ ᠦᠰᠦ ᠪᠡᠨ ᠴᠡᠢᠪᠡᠴᠦ ᠵᠢᠷᠭᠠᠭᠠᠳ ᠰᠠᠭᠤᠶᠠ ᠬᠣᠶᠠᠭᠤᠯᠠ ᠪᠠᠨ ᠬᠦᠢ
ᠡᠨᠡ ᠬᠦ ᠲᠥᠪᠡᠳ ᠦ᠋ᠨ ᠣᠷᠣᠨ ᠭᠡᠳᠡᠭ ᠴᠢᠨᠢ ᠬᠣᠯᠠ ᠠ᠋ᠴᠠ ᠬᠣᠯᠠ ᠶᠠ ᠬᠦᠢ ᠠ ᠬᠦᠢ ᠴᠡᠴᠡᠭ ᠠ᠋ ᠬᠦᠢ
ᠡᠵᠡᠨ ᠵᠤᠷᠭᠠᠨ ᠤ᠋ ᠵᠠᠷᠯᠢᠭ ᠭᠡᠳᠡᠭ ᠴᠢᠨᠢ ᠬᠠᠲᠠᠭᠤ ᠠ᠋ᠴᠠ ᠬᠠᠲᠠᠭᠤ ᠶᠠ ᠬᠦᠢ
ᠡᠵᠡᠨ ᠵᠤᠷᠭᠠᠨ ᠤ᠋ ᠪᠠᠨ ᠵᠠᠷᠯᠢᠭ ᠢ᠋ ᠭᠦᠢᠴᠡᠳᠬᠡᠭᠰᠡᠨ ᠦ᠌ ᠰᠡᠭᠦᠯᠡᠷ ᠠ᠋ ᠬᠦᠢ ᠠ ᠬᠦᠢ ᠴᠡᠴᠡᠭ ᠠ᠋ ᠬᠦᠢ
ᠦᠳᠡᠯᠦᠭᠡ ᠴᠦ᠍ ᠪᠤᠭᠤᠷᠤᠯ ᠪᠣᠯᠲᠠᠯᠠ ᠪᠠᠨ ᠬᠣᠶᠠᠭᠤᠯᠠ ᠪᠠᠨ ᠵᠢᠷᠭᠠᠭᠠᠳ ᠰᠠᠭᠤᠶᠠ ᠪᠣᠯᠬᠤ ᠦᠭᠡᠢ ᠤᠤ ᠬᠦᠢ
ᠴᠡᠴᠡᠭ ᠬᠠᠲᠤᠨ ᠡᠨᠡ ᠦᠭᠡ ᠶ᠋ᠢ ᠰᠣᠨᠣᠰᠤᠭᠠᠳ ᠶᠡᠬᠡ ᠪᠠᠶᠠᠷᠯᠠᠵᠠᠢ ᠰᠢᠦ ᠂ ᠡᠷᠡ ᠳ᠋ᠦ᠍ ᠪᠡᠨ ᠨᠢᠭᠡ ᠰᠠᠨᠠᠭᠤᠯᠵᠤ ᠬᠡᠯᠡᠶᠡ ᠭᠡᠳ ᠤᠷᠲᠤ ᠠ᠋ᠴᠠ ᠨᠢ ᠬᠠᠨᠳᠤᠭᠠᠳ ᠬᠡᠯᠡᠵᠦ ᠪᠠᠢᠨᠠ᠄
ᠬᠠᠳᠠᠨ ᠤ᠋ ᠪᠠᠨ ᠴᠢᠯᠠᠭᠤᠨ ᠳ᠋ᠤ᠌ ᠠᠳᠠᠯᠢ ᠬᠠᠳᠠᠭᠤᠴᠢᠯᠠᠵᠤ ᠶᠠᠪᠤ ᠳᠠ ᠬᠦᠢ ᠠ ᠬᠦᠢ ᠮᠡᠢᠷᠡᠨ ᠬᠦᠢ
ᠬᠠᠮᠤᠭ ᠣᠯᠠᠨ ᠮᠣᠩᠭᠣᠯᠴᠤᠳ ᠢ᠋ᠶ᠋ᠠᠨ ᠬᠠᠷᠠᠭᠠᠯᠵᠠᠵᠤ ᠶᠠᠪᠤ ᠳᠠ ᠬᠦᠢ
ᠬᠠᠷᠪᠤᠭᠠᠳ ᠢᠷᠡᠬᠦ ᠰᠤᠮᠤ ᠠ᠋ᠴᠠ ᠵᠠᠢᠯᠠᠭᠠᠳ ᠭᠠᠷ ᠳᠠ ᠬᠦᠢ ᠠ ᠬᠦᠢ ᠮᠡᠢᠷᠡᠨ ᠬᠦᠢ
ᠬᠠᠮᠲᠤᠲᠠᠭᠰᠠᠨ ᠡᠬᠡᠨᠡᠷ ᠴᠡᠴᠡᠭ ᠨᠠᠳᠠ ᠶ᠋ᠢ ᠪᠡᠨ ᠰᠠᠨᠠᠭᠠᠯᠵᠠᠵᠤ ᠶᠠᠪᠤ ᠳᠠ ᠴᠢ ᠮᠢᠨᠢ ᠠ᠋ ᠬᠦᠢ
ᠠᠭᠤᠯᠠᠨ ᠤ᠋ ᠪᠠᠨ ᠴᠢᠯᠠᠭᠤᠨ ᠳ᠋ᠤ᠌ ᠠᠳᠠᠯᠢᠬᠠᠨ ᠬᠠᠳᠠᠭᠤᠴᠢᠯᠠᠵᠤ ᠶᠠᠪᠤ ᠳᠠ ᠬᠦᠢ ᠠ ᠬᠦᠢ ᠮᠡᠢᠷᠡᠨ ᠬᠦᠢ
ᠤᠯᠤᠰ ᠣᠯᠠᠨ ᠮᠣᠩᠭᠣᠯᠴᠤᠳ ᠢ᠋ᠶ᠋ᠠᠨ ᠦᠵᠡᠵᠦ ᠶᠠᠪᠤ ᠳᠠ ᠴᠢ ᠮᠢᠨᠢ ᠠ᠋ ᠬᠦᠢ
ᠦᠰᠦᠷᠦᠭᠡᠳ ᠢᠷᠡᠬᠦ ᠰᠤᠮᠤ ᠠ᠋ᠴᠠ ᠵᠠᠢᠯᠠᠭᠠᠳ ᠭᠠᠷ ᠳᠠ ᠬᠦᠢ ᠠ ᠬᠦᠢ ᠮᠡᠢᠷᠡᠨ ᠬᠦᠢ
ᠡᠬᠡᠨᠡᠷ ᠢ᠋ᠶ᠋ᠡᠨ ᠪᠣᠯᠤᠭᠰᠠᠨ ᠴᠡᠴᠡᠭ ᠨᠠᠮᠠ ᠶ᠋ᠢ ᠪᠡᠨ ᠰᠠᠨᠠᠭᠠᠯᠵᠠᠵᠤ ᠶᠠᠪᠤ ᠳᠠ ᠴᠢ ᠮᠢᠨᠢ ᠠ᠋ ᠬᠦᠢ
ᠰᠢᠱᠤ᠌ ᠮᠡᠢᠷᠡᠨ ᠴᠡᠷᠢᠭ ᠢ᠋ᠶ᠋ᠡᠨ ᠳᠠᠭᠠᠭᠤᠯᠤᠭᠠᠳ ᠮᠣᠷᠳᠠᠭᠠᠳ ᠶᠠᠪᠤᠵᠠᠢ᠂ ᠴᠡᠴᠡᠭ ᠬᠠᠲᠤᠨ ᠭᠡᠷ ᠲᠦ᠍ ᠪᠡᠨ ᠪᠠᠢᠭᠰᠠᠭᠠᠷ ᠪᠠᠢᠭᠠᠳ ᠡᠳᠦᠷ ᠰᠥᠨᠢ ᠦᠭᠡᠢ ᠪᠣᠳᠣᠬᠤ ᠦᠭᠡᠢ ᠶᠦᠮ ᠤᠤ ᠳᠠ᠂ ᠪᠣᠳᠣᠭᠠᠳ ᠪᠣᠳᠣᠭᠠᠳ᠁ ᠳᠣᠲᠣᠷᠠ ᠪᠠᠨ ᠪᠣᠳᠣᠬᠤ ᠳ᠋ᠤ᠌ ᠪᠠᠨ ᠭᠠᠯ ᠢ᠋ᠶ᠋ᠠᠨ ᠬᠢᠪᠡᠴᠦ ᠬᠡᠯᠡᠴᠢᠬᠡᠭᠰᠡᠨ ᠠ᠋᠄
ᠠ᠋ᠠᠪᠤ ᠳᠡᠭᠡᠳᠦ ᠶ᠋ᠢᠨ ᠴᠢᠨᠢ ᠣᠷᠣᠨ ᠪᠣᠯᠤᠨ ᠭᠠᠵᠠᠷ ᠢ᠋ ᠨᠢ ᠠᠪᠤᠭᠠᠳ ᠬᠡᠯᠡᠪᠡᠯ ᠠ᠋ ᠬᠦᠢ ᠠ ᠬᠦᠢ ᠮᠡᠢᠷᠡᠨ ᠬᠦᠢ
ᠠᠯᠲᠠᠨ ᠭᠠᠳᠠᠰᠤ ᠠᠭᠤᠯᠠᠨ ᠤ᠋ ᠪᠠᠨ ᠡᠩᠭᠡᠷ ᠳᠣᠣᠷᠠ ᠨᠢ ᠪᠢᠰᠢ ᠤᠤ ᠬᠦᠢ
ᠠᠪᠤᠭᠰᠠᠨ ᠡᠬᠡᠨᠡᠷ ᠴᠡᠴᠡᠭ ᠬᠠᠲᠤᠨ ᠴᠢᠨᠢ ᠠᠷᠭᠠ ᠯᠠ ᠦᠭᠡᠢ ᠪᠣᠯᠪᠠᠴᠤ ᠠ᠋ ᠬᠦᠢ ᠠ ᠬᠦᠢ ᠮᠡᠢᠷᠡᠨ ᠬᠦᠢ
ᠠᠯᠠᠭᠠᠨ ᠭᠠᠷ ᠤ᠋ᠨ ᠪᠢᠴᠢᠭ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠴᠦ᠍ ᠲᠤᠯᠠᠳᠠ ᠠᠰᠠᠭᠤᠵᠤ ᠪᠣᠯᠤᠨᠠ ᠪᠠ ᠨᠠᠳᠠ ᠶ᠋ᠢ ᠪᠡᠨ ᠬᠦᠢ
ᠡᠴᠢᠭᠡ ᠳᠡᠭᠡᠳᠦ ᠶ᠋ᠢᠨ ᠰᠠᠭᠤᠭᠰᠠᠨ ᠭᠠᠵᠠᠷ ᠢ᠋ ᠨᠢ ᠠᠪᠤᠭᠠᠳ ᠬᠡᠯᠡᠪᠡᠯ ᠠ᠋ ᠬᠦᠢ ᠠ ᠬᠦᠢ ᠮᠡᠢᠷᠡᠨ ᠬᠦᠢ
ᠡᠷᠳᠡᠨᠢ ᠭᠠᠳᠠᠰᠤ ᠠᠭᠤᠯᠠᠨ ᠤ᠋ ᠪᠠᠨ ᠡᠩᠭᠡᠷ ᠳᠣᠣᠷᠠ ᠨᠢ ᠪᠢᠰᠢ ᠤᠤ ᠬᠦᠢ
ᠥᠪᠡᠷ ᠦ᠋ᠨ ᠡᠬᠡᠨᠡᠷ ᠴᠡᠴᠡᠭ ᠬᠠᠲᠤᠨ ᠢ᠋ᠶ᠋ᠠᠨ ᠡᠪ ᠦᠭᠡᠢ ᠪᠣᠳᠣᠪᠠᠴᠤ ᠠ᠋ ᠬᠦᠢ ᠠ ᠬᠦᠢ ᠮᠡᠢᠷᠡᠨ ᠬᠦᠢ
ᠥᠪᠡᠷ ᠦ᠋ᠨ ᠭᠠᠷ ᠤ᠋ᠨ ᠪᠢᠴᠢᠭ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠴᠦ᠍ ᠲᠤᠯᠠᠳᠠ ᠠᠰᠠᠭᠤᠵᠤ ᠪᠣᠯᠤᠨᠠ ᠨᠠᠳᠠ ᠶ᠋ᠢ ᠪᠡᠨ ᠬᠦᠢ
ᠢᠩᠭᠢᠵᠦ ᠭᠠᠴᠢᠭᠳᠠᠭᠠᠳ ᠡᠳᠦᠷ ᠡᠳᠦᠷ ᠪᠣᠳᠣᠭᠠᠳ ᠬᠡᠯᠡᠵᠦ ᠶᠠᠷᠢᠵᠤ ᠪᠠᠢᠲᠠᠯᠠ ᠶᠠᠭᠠᠬᠢᠪᠠ ᠳᠠ? ᠭᠡᠬᠦᠯᠡᠷ ᠳᠠᠢᠰᠤᠨ ᠢ᠋ᠶ᠋ᠠᠨ ᠳᠠᠷᠤᠭᠠᠳ ᠳᠠᠷᠬᠠᠨ ᠴᠣᠯᠠ ᠪᠠᠨ ᠣᠯᠤᠭᠰᠠᠨ ᠶᠤᠮ ᠠ᠋ ᠂ ᠰᠢᠱᠦ ᠮᠡᠢᠷᠡᠨ ᠳ᠋ᠦ᠍ ᠪᠠᠭᠠ ᠬᠠᠲᠤᠨ ᠲᠠᠲᠠᠵᠤ ᠥᠭᠴᠢᠬᠡᠭᠡᠳ ᠭᠡᠷ ᠲᠦ᠍ ᠨᠢ ᠶᠠᠪᠤᠭᠤᠯᠬᠤ ᠦᠭᠡᠢ ᠯᠠᠢ ᠂ ᠡᠳᠦᠷ ᠨᠠᠭᠤᠢ ᠤᠳᠠᠭᠰᠠᠨ ᠤ᠋ ᠰᠡᠭᠦᠯᠡᠷ ᠲᠡᠨᠳᠡ ᠡᠴᠡ ᠬᠡᠯᠡᠵᠦ ᠭᠠᠷᠭᠠᠭᠰᠠᠨ ᠦᠭᠡ ᠨᠢ ᠶᠠᠭᠤ ᠶᠤᠮ ᠳᠠ? ᠭᠡᠪᠡᠯ ᠰᠢᠱᠦ ᠮᠡᠢᠷᠡᠨ ᠳᠠᠢᠰᠤᠨ ᠤ᠋ ᠳᠣᠯᠣᠭᠠᠨ ᠳ᠋ᠤ᠌ ᠣᠷᠣᠭᠠᠳ ᠠᠯᠠᠭᠳᠠᠴᠢᠬᠠᠵᠠᠢ ᠭᠡᠰᠡᠨ ᠦᠭᠡ ᠭᠠᠷᠴᠠᠢ᠂ ᠡᠨᠳᠡ ᠡᠴᠡ ᠲᠡᠨᠳᠡ ᠡᠴᠡ ᠬᠡᠯᠡᠯᠴᠡᠭᠰᠡᠭᠡᠷ ᠢᠷᠡᠬᠦ ᠳ᠋ᠦ᠍ ᠴᠡᠴᠡᠭ ᠬᠠᠲᠤᠨ ᠣᠯᠤᠭᠠᠳ ᠰᠣᠨᠣᠰᠴᠢᠬᠠᠬᠤ ᠦᠭᠡᠢ ᠶᠦᠮ ᠤᠤ? ᠰᠣᠴᠢᠭᠰᠠᠨ ᠠᠳᠠᠯᠢ ᠭᠦᠶᠦᠵᠦ ᠪᠣᠰᠤᠭᠠᠳ ᠲᠦᠯᠡᠰᠢ ᠳᠣᠶᠢᠩ ᠰᠢᠲᠠᠭᠠᠵᠤ ᠥᠭᠭᠦᠨᠡ ᠭᠡᠳ ᠬᠡᠭᠡᠷᠡ ᠭᠠᠳᠠᠨᠠ ᠣᠴᠢᠭᠠᠳ ᠴᠠᠭᠠᠨ ᠢ᠋ ᠡᠮᠦᠰᠦᠭᠡᠳ ᠪᠡᠯᠪᠡᠰᠦᠷᠡᠵᠦ ᠢᠷᠡᠭᠡᠳ ᠬᠡᠯᠡᠴᠢᠬᠡᠭᠰᠡᠨ ᠠ᠋᠄
ᠬᠠᠪᠤᠷ ᠤ᠋ᠨ ᠭᠤᠷᠪᠠᠨ ᠰᠠᠷᠠ ᠨᠢ ᠪᠣᠯᠤᠭᠠᠳ ᠢᠷᠡᠭᠰᠡᠨ ᠦ᠌ ᠰᠡᠭᠦᠯᠡᠷ ᠬᠦᠢ ᠠ ᠬᠠ ᠬᠦᠢ ᠶᠠ ᠬᠦᠢ
ᠬᠠᠮᠤᠭ ᠣᠯᠠᠨ ᠴᠡᠴᠡᠭ ᠪᠣᠯᠤᠨ ᠬᠤᠸᠠᠷ ᠤ᠋ᠨ ᠳᠡᠯᠭᠡᠷᠡᠭᠡᠳ ᠢᠷᠡᠬᠦ ᠨᠢ ᠰᠠᠢᠬᠠᠨ ᠠ᠋ ᠬᠦᠢ
ᠬᠠᠮᠲᠤᠲᠠᠭᠰᠠᠨ ᠡᠷᠡ ᠮᠡᠢᠷᠡᠨ ᠴᠢᠮᠠ ᠪᠠᠨ ᠪᠣᠳᠣᠭᠠᠳ ᠢᠷᠡᠪᠡᠯ ᠠ᠋ ᠬᠦᠢ ᠠ ᠬᠦᠢ ᠮᠡᠢᠷᠡᠨ ᠬᠦᠢ
ᠬᠠᠪᠲᠠᠭᠠᠢ ᠴᠡᠭᠡᠵᠢᠨ ᠦ᠌ ᠳᠣᠲᠣᠷᠠ ᠮᠢᠨᠢ ᠬᠠᠷᠠᠯᠠᠭᠠᠳ ᠯᠠ ᠢᠷᠡᠨᠡ ᠬᠦᠢ
ᠭᠤᠷᠪᠠᠨ ᠰᠠᠷᠠ ᠨᠢ ᠪᠣᠯᠤᠭᠠᠳ ᠯᠠ ᠢᠷᠡᠪᠡᠯ ᠠ᠋ ᠬᠦᠢ ᠠ ᠬᠦᠢ ᠮᠡᠢᠷᠡᠨ ᠬᠦᠢ
ᠭᠤᠷᠪᠠᠨ ᠥᠩᠭᠡ ᠶ᠋ᠢᠨ ᠭᠤᠯᠭᠤᠢ ᠬᠤᠸᠠᠷ ᠤ᠋ᠨ ᠳᠡᠯᠭᠡᠷᠡᠭᠡᠳ ᠢᠷᠡᠬᠦ ᠨᠢ ᠰᠠᠢᠬᠠᠨ ᠠ᠋ ᠬᠦᠢ
ᠥᠪᠡᠷ ᠦ᠋ᠨ ᠡᠷᠡ ᠮᠡᠢᠷᠡᠨ ᠴᠢᠮᠠ ᠪᠠᠨ ᠪᠣᠳᠣᠭᠠᠳ ᠢᠷᠡᠪᠡᠯ ᠠ᠋ ᠬᠦᠢ ᠠ ᠬᠠ ᠬᠦᠢ ᠶᠠ ᠬᠦᠢ
ᠡᠪᠴᠢᠭᠦᠦ ᠪᠣᠯᠤᠨ ᠴᠡᠭᠡᠵᠢᠨ ᠦ᠌ ᠮᠢᠨᠢ ᠳᠣᠲᠣᠷᠠ ᠡᠪᠬᠡᠷᠡᠭᠡᠳ ᠢᠷᠡᠨᠡ ᠶᠠᠭᠠᠬᠢᠶᠠ ᠬᠦᠢ
ᠬᠡᠭᠡᠷᠡ ᠠᠪᠠᠴᠢᠭᠠᠳ ᠲᠦᠯᠡᠰᠢ ᠳᠣᠶᠢᠩ ᠰᠢᠲᠠᠭᠠᠴᠢᠬᠠᠭᠠᠳ ᠨᠢᠳᠦᠨ ᠨᠢᠯᠪᠤᠰᠤ ᠪᠠᠨ ᠵᠦᠯᠭᠦᠵᠦ ᠵᠠᠪᠳᠤᠬᠤ ᠦᠭᠡᠢ ᠤᠨᠠᠭᠠᠭᠠᠳ᠂ ᠴᠡᠴᠡᠭ ᠬᠠᠲᠤᠨ ᠰᠥᠭᠥᠳᠴᠦ ᠰᠠᠭᠤᠭᠠᠳ ᠰᠢᠲᠠᠭᠠᠵᠤ ᠪᠠᠢᠭᠠᠳ ᠬᠡᠯᠡᠵᠦ ᠯᠡ ᠪᠠᠢᠨᠠ ᠰᠢᠦ᠄
ᠠᠪᠤ ᠪᠣᠯᠤᠨ ᠮᠥᠮᠥ ᠬᠣᠶᠠᠭᠤᠯᠠ ᠶ᠋ᠢᠨ ᠰᠠᠨᠠᠯ ᠢ᠋ ᠨᠢ ᠮᠡᠳᠡᠨᠡ ᠬᠦᠢ ᠠ ᠬᠠ ᠬᠦᠢ ᠶᠠ ᠬᠦᠢ
ᠡᠬᠡᠨᠡᠷ ᠴᠢᠨᠢ ᠪᠣᠯᠤᠭᠰᠠᠨ ᠴᠡᠴᠡᠭ ᠪᠡᠶᠡ ᠮᠢᠨᠢ ᠡᠷᠦᠬᠡ ᠳ᠋ᠦ᠍ ᠪᠡᠨ ᠰᠠᠭᠤᠭᠠᠳ ᠬᠦᠯᠢᠶᠡᠶᠡ ᠬᠦᠢ
ᠥᠪᠡᠷ ᠦ᠋ᠨ ᠡᠷᠡ ᠮᠢᠨᠢ ᠰᠢᠱᠦ ᠮᠡᠢᠷᠡᠨ ᠮᠢᠨᠢ ᠡᠨᠳᠡᠯᠡ ᠭᠡᠵᠦ ᠯᠡ ᠭᠡᠨᠡ ᠰᠢᠦ ᠬᠦᠢ ᠠ ᠬᠠ ᠬᠦᠢ ᠶᠠ ᠬᠦᠢ
ᠢᠳᠡᠭᠡᠨ ᠪᠣᠯᠤᠨ ᠤᠮᠳᠠᠭᠠᠨ ᠬᠣᠶᠠᠭᠤᠯᠠ ᠪᠠᠨ ᠡᠷᠭᠦᠵᠦ ᠪᠠᠢᠨᠠ ᠴᠢᠮᠠ ᠳ᠋ᠤ᠌ ᠪᠠᠨ ᠬᠦᠢ
ᠠᠭᠠᠷ ᠬᠤᠷᠮᠤᠰᠲᠠ ᠲᠡᠭᠷᠢ ᠳᠡᠭᠡᠷᠡ ᠣᠳᠣ ᠮᠠᠨᠢ ᠨᠢᠭᠡ ᠠ᠋ ᠬᠦᠢ ᠠ ᠬᠠ ᠬᠦᠢ ᠶᠠ ᠬᠦᠢ
ᠠᠯᠲᠠᠨ ᠳᠡᠯᠡᠬᠡᠢ ᠶ᠋ᠢᠨ ᠭᠠᠵᠠᠷ ᠳᠡᠭᠡᠷᠡ ᠤᠴᠠᠷᠠᠵᠤ ᠠᠭᠤᠯᠵᠠᠪᠠ ᠬᠣᠶᠠᠭᠤᠯᠠ ᠪᠠᠨ ᠬᠦᠢ
ᠠᠷᠢᠭᠤᠨ ᠰᠠᠢᠬᠠᠨ ᠪᠡᠶᠡ ᠴᠢᠨᠢ ᠦᠭᠡᠢ ᠯᠠᠢ ᠭᠡᠨᠡ ᠰᠢᠦ ᠬᠦᠢ ᠠ ᠬᠦᠢ ᠮᠡᠢᠷᠡᠨ ᠬᠦᠢ
ᠠᠮᠲᠠᠲᠠᠢ ᠢᠳᠡᠭᠡᠨ ᠢ᠋ᠶ᠋ᠡᠨ ᠡᠷᠭᠦᠵᠦ ᠪᠠᠢᠨᠠ ᠰᠢᠦ ᠠᠮᠰᠠᠵᠤ ᠵᠣᠭᠣᠭᠯᠠᠨᠠ ᠪᠣᠯᠪᠠ ᠤᠤ ᠳᠠ ᠬᠦᠢ
ᠰᠢᠱᠦ ᠮᠡᠢᠷᠡᠨ ᠭᠡᠨᠡᠳᠲᠡ ᠪᠠᠢᠭᠰᠠᠭᠠᠷ ᠳᠣᠲᠣᠷᠠ ᠨᠢ ᠭᠧ ᠶᠢᠩ ᠪᠣᠯᠤᠭᠠᠳ ᠭᠡᠷ ᠨᠤᠲᠤᠭ ᠢ᠋ᠶ᠋ᠠᠨ ᠰᠠᠨᠠᠴᠢᠬᠠᠵᠠᠢ ᠂ ᠠᠯᠪᠠᠨ ᠶᠠᠮᠤᠨ ᠠ᠋ᠴᠠ ᠣᠴᠢᠭᠠᠳ ᠭᠡᠷ ᠲᠦ᠍ ᠪᠡᠨ ᠬᠠᠷᠢᠬᠤ ᠭᠤᠶᠤᠳᠠᠯ ᠭᠤᠶᠤᠵᠤ ᠢᠷᠡᠭᠡᠳ ᠬᠡᠯᠡᠴᠢᠬᠡᠭᠰᠡᠨ ᠠ᠋᠄
ᠠᠯᠪᠠᠨ ᠵᠤᠷᠭᠠᠨ ᠶᠠᠮᠤᠨ ᠠ᠋ᠴᠠ ᠪᠠᠨ ᠭᠤᠶᠤᠴᠢᠯᠠᠯ ᠭᠤᠶᠤᠪᠠ ᠬᠦᠢ ᠠ ᠬᠠ ᠬᠦᠢ ᠶᠠ ᠬᠦᠢ
ᠠᠳᠠᠯ ᠭᠡᠷ ᠲᠦ᠍ ᠪᠡᠨ ᠡᠷᠭᠢᠶᠡ ᠭᠡᠵᠦ ᠪᠠᠢᠨᠠ ᠠᠶᠠᠯᠠᠭᠠᠳ ᠭᠠᠷᠤᠭᠠᠳ ᠢᠷᠡᠯᠡ ᠶᠠ ᠬᠦᠢ
ᠠᠮᠠᠷᠠᠭ ᠬᠠᠲᠤᠨ ᠴᠡᠴᠡᠭ ᠠᠩᠭᠠ ᠪᠠᠨ ᠪᠣᠳᠣᠭᠠᠳ ᠢᠷᠡᠪᠡᠯ ᠠ᠋ ᠬᠦᠢ ᠠ ᠬᠠ ᠬᠦᠢ ᠶᠠ ᠬᠦᠢ
ᠠᠶᠤᠤᠯᠢᠬᠠᠢ ᠪᠣᠯᠤᠨ ᠴᠡᠭᠡᠵᠢᠨ ᠦ᠌ ᠮᠢᠨᠢ ᠳᠣᠲᠣᠷᠠ ᠬᠥᠪᠬᠡᠯᠵᠡᠭᠡᠳ ᠢᠷᠡᠨᠡ ᠬᠦᠢ
ᠡᠵᠡᠨ ᠵᠤᠷᠭᠠᠨ ᠶᠠᠮᠤᠨ ᠠ᠋ᠴᠠ ᠪᠠᠨ ᠭᠤᠶᠤᠴᠢᠯᠠᠯ ᠢ᠋ ᠪᠡᠨ ᠭᠤᠶᠤᠪᠠ ᠬᠦᠢ ᠠ ᠬᠠ ᠬᠦᠢ ᠶᠠ ᠬᠦᠢ
ᠡᠷᠦᠬᠡ ᠭᠡᠷ ᠲᠦ᠍ ᠪᠡᠨ ᠡᠷᠭᠢᠶᠡ ᠭᠡᠵᠦ ᠪᠠᠢᠨᠠ ᠠᠶᠠᠯᠠᠭᠠᠳ ᠭᠠᠷᠤᠭᠠᠳ ᠢᠷᠡᠯᠡ ᠶᠠ ᠬᠦᠢ
ᠠᠪᠤᠭᠰᠠᠨ ᠡᠬᠡᠨᠡᠷ ᠴᠡᠴᠡᠭ ᠬᠠᠲᠤᠨ ᠢ᠋ᠶ᠋ᠠᠨ ᠪᠣᠳᠣᠭᠠᠳ ᠢᠷᠡᠪᠡᠯ ᠠ᠋ ᠬᠦᠢ ᠠ ᠬᠠ ᠬᠦᠢ ᠶᠠ ᠬᠦᠢ
ᠠᠶᠤᠤᠯᠢᠬᠠᠢ ᠪᠣᠯᠤᠨ ᠴᠡᠭᠡᠵᠢᠨ ᠦ᠌ ᠮᠢᠨᠢ ᠳᠣᠲᠣᠷᠠ ᠬᠥᠪᠬᠡᠯᠵᠡᠭᠡᠳ ᠯᠡ ᠢᠷᠡᠨᠡ ᠬᠦᠢ
ᠶᠠᠪᠤᠭᠰᠠᠭᠠᠷ ᠪᠠᠢᠭᠠᠳ ᠤᠳᠠᠨᠠ ᠤᠤ ᠳᠠ ᠂ ᠠᠢᠯ ᠢ᠋ᠶ᠋ᠠᠨ ᠣᠢᠷᠠ ᠪᠣᠯᠤᠭᠠᠳ ᠢᠷᠡᠲᠡᠯᠡ ᠠᠢᠯ ᠤ᠋ᠨ ᠠᠷᠤ ᠳᠡᠭᠡᠷᠡ ᠡᠵᠡᠭᠦᠢ ᠲᠠᠯᠠ ᠳᠡᠭᠡᠷᠡ ᠨᠢᠭᠡᠨ ᠴᠠᠭᠠᠨ ᠢ᠋ ᠡᠮᠦᠰᠦᠭᠰᠡᠨ ᠡᠬᠡᠨᠡᠷ ᠲᠦᠯᠡᠰᠢ ᠳᠣᠶᠢᠩ ᠰᠢᠲᠠᠭᠠᠴᠢᠬᠠᠭᠠᠳ ᠨᠢᠭᠡ ᠦᠭᠡ ᠬᠡᠯᠡᠵᠦ ᠯᠡ ᠪᠠᠢᠨᠠ᠃ ᠭᠠᠢᠬᠠ ᠠᠯᠳᠠᠷᠠᠭᠠᠳ ᠮᠣᠷᠢᠨ ᠠ᠋ᠴᠠ ᠪᠠᠨ ᠪᠠᠭᠤᠵᠤ ᠴᠢᠩᠨᠠᠵᠤ ᠪᠠᠢᠲᠠᠯᠠ ᠴᠡᠴᠡᠭ ᠬᠡᠯᠡᠵᠦ ᠪᠠᠢᠨᠠ᠄
ᠭᠠᠯ ᠢ᠋ᠶ᠋ᠠᠨ ᠬᠢᠶᠡ ᠭᠡᠪᠡᠴᠦ ᠭᠠᠭᠴᠠᠭᠠᠷ ᠢ᠋ᠶ᠋ᠠᠨ ᠬᠦᠢ ᠠ ᠬᠠ ᠬᠦᠢ ᠶᠠ ᠬᠦᠢ
ᠭᠠᠴᠢᠭᠳᠠᠵᠤ ᠢᠷᠡᠭᠡᠳ ᠬᠡᠯᠡᠭᠡᠳ ᠲᠡᠭᠡᠪᠡᠴᠦ ᠬᠣᠭᠣᠰᠣᠨ ᠪᠣᠯᠪᠠ ᠬᠦᠢ
ᠳ᠋ᠧᠩ ᠳ᠋ᠦ᠍ ᠪᠡᠨ ᠰᠠᠭᠤᠶᠠ ᠭᠡᠬᠦᠯᠡᠷ ᠳᠡ ᠭᠠᠭᠴᠠᠭᠠᠷ ᠢ᠋ᠶ᠋ᠠᠨ ᠬᠦᠢ ᠠ ᠬᠠ ᠬᠦᠢ ᠶᠠ ᠬᠦᠢ
ᠲᠠᠩᠰᠢᠵᠤ ᠳᠡᠩᠰᠡᠯᠲᠡᠯᠡ ᠰᠠᠨᠠᠨᠠ ᠭᠡᠪᠡᠴᠦ ᠳᠡ ᠦᠭᠡᠢ ᠯᠠᠢ ᠪᠣᠯᠪᠠ ᠬᠦᠢ
ᠥᠪᠡᠷ ᠦ᠋ᠨ ᠡᠷᠡ ᠰᠢᠱᠦ ᠮᠡᠢᠷᠡᠨ ᠮᠢᠨᠢ ᠦᠭᠡᠢ ᠯᠠᠢ ᠪᠣᠯᠪᠠ ᠬᠦᠢ ᠠ ᠬᠠ ᠬᠦᠢ ᠶᠠ ᠬᠦᠢ
ᠡᠬᠡᠨᠡᠷ ᠴᠢᠨᠢ ᠪᠣᠯᠤᠭᠰᠠᠨ ᠴᠡᠴᠡᠭ ᠪᠡᠶᠡ ᠮᠢᠨᠢ ᠥᠷᠥᠭᠡᠰᠦᠨ ᠪᠣᠯᠤᠭᠠᠳ ᠶᠣᠯᠣᠭᠣᠪᠠ ᠬᠦᠢ ᠃
ᠠᠪᠤᠭᠰᠠᠨ ᠡᠷᠡ ᠮᠢᠨᠢ ᠰᠢᠱᠦ ᠮᠡᠢᠷᠡᠨ ᠮᠢᠨᠢ ᠠᠯᠠᠭᠳᠠᠵᠠᠢ ᠭᠡᠨᠡ ᠬᠦᠢ ᠠ ᠬᠠ ᠬᠦᠢ ᠶᠠ ᠬᠦᠢ
ᠠᠮᠠᠷᠠᠭ ᠬᠠᠲᠤᠨ ᠴᠢᠨᠢ ᠴᠡᠴᠡᠭ ᠪᠡᠶᠡ ᠮᠢᠨᠢ ᠪᠡᠯᠪᠡᠰᠦᠨ ᠪᠣᠯᠤᠭᠠᠳ ᠶᠣᠯᠣᠭᠣᠪᠠ ᠬᠦᠢ ᠃
ᠡᠨᠡ ᠶᠠᠩᠵᠤ ᠪᠠᠷ ᠬᠡᠯᠡᠵᠦ ᠶᠠᠷᠢᠵᠤ ᠪᠠᠢᠲᠠᠯᠠ ᠰᠢᠱᠦ ᠮᠡᠢᠷᠡᠨ ᠭᠠᠢᠬᠠᠰᠢ ᠠᠯᠳᠠᠷᠠᠵᠠᠢ ᠬᠦᠢ᠂ ᠡᠨᠡ ᠶᠠᠭᠠᠬᠢᠭᠠᠳ ᠢᠩᠭᠢᠵᠦ ᠠᠭᠠᠰᠢᠯᠠᠵᠤ ᠪᠠᠢᠬᠤ ᠪᠣᠢ? ᠶᠠᠭᠤ ᠭᠡᠵᠦ ᠢᠩᠭᠢᠵᠦ ᠲᠦᠯᠡᠰᠢ ᠳᠣᠶᠢᠩ ᠥᠭᠴᠦ ᠪᠠᠢᠨᠠ? ᠨᠠᠳᠠ ᠶ᠋ᠢ ᠡᠨᠡ ᠢᠷᠣᠯᠠᠵᠤ ᠪᠠᠢᠨᠠ ᠤᠤ ᠳᠠ᠂ ᠶᠠᠩᠵᠤ ᠨᠢ᠃ ᠠᠯᠭᠤᠷ ᠢ᠋ᠶ᠋ᠠᠷ ᠠᠯᠬᠤᠭᠤᠯᠤᠭᠠᠳ ᠬᠦᠷᠦᠭᠡᠳ ᠢᠷᠡᠭᠰᠡᠨ ᠶᠦᠮ ᠠ᠋᠃ ᠵᠠᠬᠠ ᠳ᠋ᠤ᠌ ᠨᠢ ᠢᠷᠡᠭᠡᠳ ᠮᠣᠷᠢᠨ ᠠ᠋ᠴᠠ ᠪᠠᠨ ᠪᠠᠭᠤᠪᠠ ᠭᠡᠲᠡᠯᠡ ᠴᠡᠴᠡᠭ ᠣᠯᠤᠭᠠᠳ ᠦᠵᠡᠴᠢᠬᠡᠬᠦ ᠦᠭᠡᠢ ᠤᠤ? ᠦᠵᠡᠨᠡ ᠭᠡᠯᠡ᠂ ᠡᠷᠡ ᠨᠢ ᠬᠦᠷᠦᠭᠡᠳ ᠢᠷᠡᠵᠡᠢ ᠰᠢᠦ ᠬᠦᠢ᠂ ᠠᠶᠠ᠂ ᠦᠬᠦᠯᠡ ᠭᠡᠰᠡᠨ᠂ ᠡᠨᠡ ᠶᠠᠭᠠᠬᠢᠭᠠᠳ ᠢᠩᠭᠢᠵᠦ ᠬᠦᠷᠴᠦ ᠢᠷᠡᠭᠰᠡᠨ ᠶᠦᠮ ᠳᠡ?ᠮᠡᠯᠡᠷᠡᠴᠢᠬᠡᠵᠡᠢ ᠂ ᠰᠢᠱᠦ ᠮᠡᠢᠷᠡᠨ ᠢᠷᠡᠭᠡᠳ ᠭᠠᠷ ᠠ᠋ᠴᠠ ᠨᠢ ᠠᠳᠬᠤᠴᠢᠬᠠᠭᠠᠳ᠂ ᠨᠢᠳᠦᠨ ᠨᠢᠯᠪᠤᠰᠤ ᠪᠠᠨ ᠵᠦᠯᠭᠦᠭᠡᠳ ᠬᠡᠯᠡᠵᠦ ᠥᠭᠭᠦᠭᠰᠡᠨ ᠨᠢ ᠠ᠋᠄
ᠠᠭᠲᠠ ᠬᠦᠯᠦᠭ ᠮᠣᠷᠢᠨ ᠤ᠋ ᠪᠠᠨ ᠳᠡᠭᠡᠷᠡ ᠤᠨᠤᠬᠤ ᠦᠭᠡᠢ ᠶᠦᠮ ᠤᠤ ᠬᠦᠢ ᠠ ᠬᠦᠢ ᠴᠡᠴᠡᠭ ᠠ᠋ ᠬᠦᠢ
ᠠᠳᠠᠯ ᠪᠣᠯᠤᠨ ᠡᠷᠦᠬᠡ ᠳ᠋ᠦ᠍ ᠪᠡᠨ ᠡᠷᠭᠢᠶᠡ ᠠᠮᠠᠷᠠᠭ ᠬᠣᠶᠠᠭᠤᠯᠠ ᠪᠠᠨ ᠬᠡᠯᠡᠯᠴᠡᠶᠡ ᠬᠦᠢ
ᠦᠷᠢᠶᠡ ᠬᠦᠯᠦᠭ ᠮᠣᠷᠢᠨ ᠤ᠋ ᠪᠠᠨ ᠳᠡᠭᠡᠷᠡ ᠤᠨᠤᠬᠤ ᠦᠭᠡᠢ ᠶᠦᠮ ᠤᠤ ᠬᠦᠢ ᠠ ᠬᠦᠢ ᠴᠡᠴᠡᠭ ᠠ᠋ ᠬᠦᠢ
ᠡᠷᠦᠬᠡ ᠭᠡᠷ ᠲᠦ᠍ ᠪᠡᠨ ᠡᠷᠭᠢᠵᠦ ᠯᠡ ᠪᠠᠢᠭᠠᠳ ᠡᠪᠲᠡᠢ ᠬᠣᠶᠠᠭᠤᠯᠠ ᠪᠠᠨ ᠬᠡᠯᠡᠯᠴᠡᠶᠡ ᠬᠦᠢ
ᠴᠡᠴᠡᠭ ᠨᠢᠭᠡ ᠴᠦ᠍ (ᠬᠡᠰᠡᠭ ᠵᠠᠭᠤᠷᠠ) ᠮᠡᠯᠡᠷᠡᠴᠢᠬᠡᠭᠡᠳ ᠠᠰᠠᠭᠤᠵᠤ ᠪᠠᠢᠨᠠ᠄ ᠣᠯᠠᠨ ᠲᠦᠮᠡᠨ ᠡᠴᠡ ᠰᠣᠨᠣᠰᠬᠤᠯᠠᠷ ᠴᠢᠮᠠ ᠶ᠋ᠢ ᠦᠭᠡᠢ ᠯᠠᠢ ᠭᠡᠵᠡᠢ᠂ ᠡᠭᠦᠨ ᠲᠡᠢ ᠪᠢ ᠳᠣᠯᠣᠭᠠᠨ ᠡᠳᠦᠷ ᠴᠢᠮᠠ ᠳ᠋ᠤ᠌ ᠲᠦᠯᠡᠰᠢ ᠳᠣᠶᠢᠩ ᠰᠢᠲᠠᠭᠠᠵᠤ ᠥᠭᠴᠦ ᠪᠠᠢᠨᠠ ᠂ ᠶᠢᠷᠲᠢᠨᠴᠦ ᠳᠡᠯᠡᠬᠡᠢ ᠳ᠋ᠦ᠍ ᠡᠷᠡ ᠡᠮᠡ ᠪᠣᠯᠴᠢᠬᠠᠭᠠᠳ ᠡᠯᠪᠡᠷᠢᠯ ᠢ᠋ ᠭᠦᠢᠴᠡᠳᠬᠡᠬᠦ ᠦᠭᠡᠢ ᠪᠣᠯ ᠲᠠᠭᠠᠷᠠᠬᠤ ᠦᠭᠡᠢ ᠂ ᠢᠩᠭᠢᠵᠦ ᠪᠣᠳᠣᠭᠠᠳ ᠪᠢ ᠰᠢᠲᠠᠭᠠᠵᠤ ᠪᠠᠢᠭᠰᠠᠨ ᠶᠤᠮ ᠠ᠋᠃ ᠰᠢᠱᠦ ᠮᠡᠢᠷᠡᠨ ᠡᠭᠦᠨ ᠢ᠋ ᠰᠣᠨᠣᠰᠤᠭᠠᠳ᠄ 《ᠮᠣᠷᠢᠨ ᠳᠡᠭᠡᠷᠡ ᠰᠤᠨᠳᠠᠯᠠ᠂ ᠬᠣᠶᠠᠭᠤᠯᠠ ᠪᠠᠨ ᠶᠠᠪᠤᠶᠠ 》 ᠭᠡᠳ ᠣᠨᠣᠭᠤᠯᠤᠮᠠᠭᠴᠠ ᠠᠳᠠᠯ ᠭᠡᠷ ᠲᠦ᠍ ᠪᠡᠨ ᠠᠪᠤᠭᠠᠳ ᠢᠷᠡᠵᠡᠢ ᠂ ᠣᠷᠣᠵᠤ ᠢᠷᠡᠨᠡᠷᠡᠨ ᠬᠣᠶᠠᠭᠤᠯᠠ ᠪᠠᠨ ᠳ᠋ᠦᠢ ᠪᠡᠷ ( ᠬᠣᠣᠰ ᠢ᠋ᠶ᠋ᠠᠷ) ᠰᠠᠭᠤᠴᠢᠬᠠᠭᠠᠳ ᠰᠢᠱᠦ ᠮᠡᠢᠷᠡᠨ ᠤᠷᠲᠤ ᠠ᠋ᠴᠠ ᠨᠢ ᠬᠠᠨᠳᠤᠭᠠᠳ ᠬᠡᠯᠡᠵᠦ ᠪᠠᠢᠨᠠ ᠰᠢᠦ᠄
ᠠᠯᠪᠠᠨ ᠵᠤᠷᠭᠠᠨ ᠶᠠᠮᠤᠨ ᠳ᠋ᠤ᠌ ᠪᠠᠨ ᠪᠡᠶᠡ ᠮᠢᠨᠢ ᠡᠷᠭᠢᠬᠦ ᠪᠡᠷ ᠢ᠋ᠶ᠋ᠡᠨ ᠦᠭᠡᠢ ᠯᠠᠢ ᠬᠦᠢ ᠠ ᠬᠠ ᠬᠦᠢ ᠶᠠ ᠬᠦᠢ
ᠠᠪᠤᠭᠰᠠᠨ ᠡᠬᠡᠨᠡᠷ ᠴᠡᠴᠡᠭ ᠴᠢᠮᠠ ᠲᠠᠢ ᠵᠢᠷᠭᠠᠭᠠᠳ ᠰᠠᠭᠤᠶᠠ ᠬᠣᠶᠠᠭᠤᠯᠠ ᠪᠠᠨ ᠬᠦᠢ
ᠡᠵᠡᠨ ᠵᠤᠷᠭᠠᠨ ᠶᠠᠮᠤᠨ ᠳ᠋ᠤ᠌ ᠪᠠᠨ ᠪᠡᠶᠡ ᠮᠢᠨᠢ ᠡᠷᠭᠢᠬᠦ ᠪᠡᠷ ᠢ᠋ᠶ᠋ᠡᠨ ᠦᠭᠡᠢ ᠯᠠᠢ ᠬᠦᠢ ᠠ ᠬᠠ ᠬᠦᠢ ᠶᠠ ᠬᠦᠢ
ᠡᠬᠡᠨᠡᠷ ᠪᠣᠯᠤᠭᠰᠠᠨ ᠴᠡᠴᠡᠭ ᠴᠢᠮᠠ ᠲᠠᠢ ᠵᠢᠷᠭᠠᠭᠠᠳ ᠰᠠᠭᠤᠶᠠ ᠬᠣᠶᠠᠭᠤᠯᠠ ᠪᠠᠨ ᠬᠦᠢ
ᠳᠠᠭᠤᠤ ᠶ᠋ᠢᠨ ᠦᠭᠡ ᠬᠠᠩᠭᠠᠭᠴᠢ ᠶ᠋ᠢᠨ ᠸᠢᠴᠠᠲ ᠤᠨ ᠨᠡᠷᠡ ᠄ ᠮᠸᠢ ᠯᠢ ᠳ᠋ᠢ ᠰᠢᠨ ᠴᠢᠩ
ᠦᠰᠦᠭ ᠠᠮᠢᠯᠠᠭᠤᠯᠤᠭᠰᠠᠨ ᠨᠢ᠄ ᠭᠠᠸᠠ
ᠦᠰᠦᠭ ᠬᠠᠲᠠᠭᠰᠠᠨ ᠨᠢ ᠄ ᠭᠠᠸᠠ
ᠬᠢᠨᠠᠭᠴᠢ ᠪᠠᠭᠰᠢ ᠄ᠮᠥᠴᠢᠷ
ᠬᠦᠳᠡᠯᠭᠡᠨᠲᠦ ᠵᠢᠷᠤᠭ ᠤᠨ ᠰᠡᠭᠦᠳᠡᠷ ᠢ ᠥᠪᠥᠷ ᠮᠣᠩᠭᠣᠯ ᠤ᠋ᠨ ᠵᠢᠷᠤᠭᠲᠤ ᠰᠡᠳᠬᠦᠯ ᠡᠴᠡ ᠬᠠᠭᠤᠯᠪᠠ᠂