ᠳᠥᠴᠢᠨ ᠳᠥᠷᠪᠡᠨ ᠭᠠᠢᠬᠠᠯᠲᠠᠢ《ᠬᠠᠷᠠ》Дөчин дөрвөн гайхалтай“хар”Döchin dörvön gaikhaltai“khar”
240 ᠬᠠᠷᠠ ᠬᠥᠮᠦᠨ ᠮᠠᠨᠢ ᠭᠡᠵᠦ ᠬᠠᠷᠠ ᠪᠣᠷᠣ ᠠᠵᠢᠯ ᠳ᠋ᠤ᠌ ᠶᠠᠭ ᠶᠠᠭᠤᠮᠠ᠃ ᠬᠠᠷᠠ ᠨᠢᠳᠦ ᠪᠡᠨ ᠬᠠᠭᠠ ᠲᠠᠲᠠᠮᠠᠭᠴᠠ ᠯᠠ ᠬᠠᠷᠠ ᠪᠠᠭᠠ ᠶ᠋ᠢᠨ ᠨᠠᠢᠵᠠ ᠪᠠᠨ ᠬᠠᠮᠢᠭᠠ ᠡᠴᠡ ᠴᠦ᠍ ᠶᠦᠮ ᠲᠤᠰᠬᠤ ᠭᠡᠵᠦ ᠬᠠᠷᠠ ᠮᠠᠶᠢᠭ ᠭᠠᠷᠭᠠᠨ᠂ ᠬᠠᠷᠠ ᠠᠷᠢᠬᠢ ᠬᠠᠳᠠᠭ ᠬᠣᠶᠠᠷ ᠢ᠋ ᠡᠪᠦᠷᠯᠡᠭᠡᠳ᠂ ᠬᠠᠷᠠ ᠥᠷᠯᠥᠭᠡᠭᠦᠷ ᠬᠠᠷᠠ ᠮᠣᠷᠢᠨ ᠤ᠋ ᠪᠠᠨ ᠬᠠᠷᠠ ᠬᠤᠷᠳᠤ ᠪᠠᠷ ᠨᠢ ᠳᠠᠪᠬᠢᠭᠤᠯᠤᠨ᠂ ᠬᠠᠷᠠ ᠰᠠᠯᠬᠢ ᠲᠠᠲᠠᠭᠤᠯᠤᠭᠠᠳ ᠭᠠᠷᠤᠭᠰᠠᠨ᠃ ᠬᠠᠷᠠ ᠪᠦᠷᠦᠢ ᠶ᠋ᠢᠨ ᠦᠶᠡ ᠳ᠋ᠦ᠍ ᠯᠡ ᠬᠠᠷᠠ ᠤᠰᠤ ᠪᠠᠨ ᠵᠠᠯᠭᠢᠯᠠᠭᠠᠳ ᠬᠠᠷᠠ ᠲᠣᠯᠣᠭᠠᠢ ᠪᠠᠨ ᠴᠤ᠌ ᠮᠠᠷᠲᠠᠭᠰᠠᠨ ᠡᠷᠡ ᠬᠠᠷᠠ ᠨᠢᠭᠡ ᠶᠠᠭᠤᠮᠠ᠂ ᠬᠠᠷᠠ ᠠᠯᠬᠤᠬᠠ ᠯᠠ ᠦᠯᠡᠳᠡᠭᠰᠡᠨ ᠬᠥᠭᠰᠢᠨ ᠮᠣᠷᠢᠨ ᠤ᠋ ᠪᠠᠨ ᠬᠠᠷᠠ ᠬᠥᠯᠥᠰᠥ ᠶ᠋ᠢ ᠨᠢ ᠪᠠᠷᠠᠵᠤ ᠢᠷᠡᠭᠡᠳ᠂ ᠬᠠᠷᠠ ᠨᠣᠪᠰᠢ ᠶ᠋ᠢᠨ ᠬᠠᠷᠠ ᠳᠡᠪᠵᠢᠶᠡᠨ ᠲᠠᠲᠠᠵᠤ《ᠮᠠᠭᠤ ᠬᠠᠷᠠ ᠰᠤᠪᠠᠢ ᠡᠮᠡ ᠶ᠋ᠢᠨ ᠬᠠᠷᠠ ᠲᠣᠯᠣᠭᠠᠢ ᠶ᠋ᠢ ᠨᠢ ᠬᠠᠭᠠ ᠴᠣᠬᠢᠨᠠ 》ᠭᠡᠳ ᠬᠠᠷᠠ ᠪᠦᠯᠦᠭ ᠦ᠋ᠨ ᠬᠢ ᠰᠢᠭ ᠠᠭᠰᠤᠮᠨᠠᠭᠠᠳ ᠪᠠᠢᠪᠠᠯ ᠬᠠᠷᠠ ᠬᠡᠯᠡ ᠠᠮᠠ ᠴᠤ᠌ ᠶᠠᠭᠠᠮᠠᠢ᠂ ᠬᠠᠷᠢᠨ ᠬᠠᠷᠠ ᠳᠠᠷᠤᠭᠠᠰᠤ᠃ ᠬᠠᠶᠠ ᠪᠢ ᠪᠦᠷ ᠬᠠᠷᠠ ᠭᠡᠷ ᠲᠦ᠍ ᠴᠦ᠍ ᠬᠢᠴᠢᠬᠡᠮᠡᠷ ᠬᠠᠷᠠ ᠰᠠᠨᠠᠬᠤ ᠶᠤᠮ᠃ ᠠᠷᠠᠢ ᠬᠠᠷᠠ ᠨᠢᠭᠦᠯ ᠴᠦ᠍ ᠶᠤᠮ ᠤᠤ ᠳᠧ ᠁ ᠲᠡᠭᠡᠪᠡᠯ ᠮᠠᠷᠭᠠᠰᠢ ᠪᠢ ᠬᠠᠷᠠ ᠯᠠᠮᠠ ᠶᠢᠨ ᠲᠠᠷᠨᠢ ᠰᠢᠭ᠋ ᠶᠠᠩᠰᠢᠬᠤ ᠴᠤ᠌ ᠦᠭᠡᠢ᠃ ᠬᠠᠷᠠ ᠳᠠᠯᠠᠩ ᠲᠠᠢ ᠭᠣᠯᠣᠩᠬᠠᠢ ᠵᠤᠰᠠᠭ ᠰᠢᠭ᠋ ᠢ᠋ᠶ᠋ᠡᠨ ᠬᠠᠷᠠ ᠰᠡᠳᠬᠢᠯ ᠭᠠᠷᠭᠠᠵᠤ᠂ ᠬᠠᠷᠠ ᠱᠥᠯᠥ ᠴᠦ᠍ ᠪᠤᠴᠠᠯᠬ᠋ᠠᠯ ᠦᠭᠡᠢ ᠬᠠᠷᠠ ᠬᠣᠣᠷᠲᠠᠢ ᠪᠠᠷ ᠰᠢᠷᠠᠳᠤᠬ᠋ᠤᠯᠵᠤ᠂ ᠪᠠᠢᠨᠠᠤ᠂ ᠸᠢᠴᠠᠲ ᠢ᠋ ᠨᠢ ᠬᠠᠷᠠ ᠳᠠᠩᠰᠠᠨ ᠳ᠋ᠤ᠌ ᠬᠢᠭᠡᠳ᠂ ᠪᠠᠢᠳᠠᠭ ᠡᠪᠦᠯ ᠦ᠋ᠨ ᠬᠠᠷᠠ ᠢᠳᠡᠰᠢᠨ ᠦ᠌ ᠪᠡᠨ ᠬᠠᠭᠠᠰ ᠢ᠋ ᠠᠪᠤᠭᠠᠳ᠂ ᠭᠡᠷᠡᠴᠢ ᠦᠭᠡᠢ ᠬᠠᠷᠠ ᠲᠡᠷᠭᠡ ᠪᠡᠨ ᠮᠤᠰᠬᠢᠨ᠂ ᠬᠥᠮᠦᠨ ᠬᠠᠷᠠ ᠡᠴᠡ ᠵᠠᠮ ᠤ᠋ᠨ ᠬᠠᠷᠠ ᠶ᠋ᠢ ᠰᠤᠷᠠᠭᠯᠠᠵᠤ᠂ ᠬᠠᠮᠢᠭᠠ ᠴᠤ᠌ ᠪᠣᠯᠤᠭ ᠶᠠᠪᠤᠮᠠᠷ ᠪᠠᠢᠨᠠ᠂ ᠬᠠᠷᠠ ᠰᠠᠪᠠᠷ ᠢ᠋ᠶ᠋ᠠᠷ ᠬᠠᠷᠠ ᠮᠥᠩᠭᠥ ᠶ᠋ᠢ ᠪᠢᠰᠢ᠂ ᠬᠠᠷᠢᠨ ᠬᠠᠷᠠ ᠴᠡᠭᠡᠵᠢᠨ ᠳ᠋ᠦ᠍ ᠪᠡᠨ ᠲᠦᠰᠢᠵᠦ ᠬᠠᠷᠠ ᠮᠠᠢᠮᠠᠢ ᠴᠤ᠌ ᠬᠢᠵᠦ ᠬᠠᠷᠠ ᠠᠮᠢ ᠪᠠᠨ ᠲᠡᠵᠢᠭᠡᠮᠡᠷ ᠪᠠᠢᠨᠠ᠂ ᠬᠠᠷᠠ ᠤᠬᠠᠭᠠᠨ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠵᠢᠳᠬᠦᠵᠦ ᠬᠠᠷᠠ ᠲᠠᠮᠠᠬᠢ ᠲᠠᠲᠠᠭᠰᠠᠨ ᠶᠤᠮᠰᠢᠭ ᠬᠣᠷᠣᠮ ᠴᠤ᠌ ᠭᠡᠰᠡᠨ ᠠᠮᠠᠷᠠᠮᠠᠷ ᠪᠠᠢᠨᠠ᠂《ᠬᠠᠷᠠ ᠶ᠋ᠢ ᠲᠠᠬᠢᠬᠰᠠᠨ》ᠬᠠᠷᠠ ᠳᠠᠷᠤᠭᠰᠠᠨ ᠠᠮᠢᠳᠤᠷᠠᠯ ᠡᠴᠡ ᠬᠠᠷᠠ ᠠᠯᠪᠠ ᠪᠠᠷ ᠥᠪᠡᠷ ᠢ᠋ ᠪᠡᠨ ᠰᠡᠷᠢᠭᠡᠮᠡᠷ ᠪᠠᠢᠨᠠ ! ᠠᠷᠤ ᠡᠴᠡ ᠮᠢᠨᠢ ᠬᠠᠷᠠ ᠶᠠᠷᠢᠶᠠ ᠯᠠ ᠱᠤᠤᠭᠢᠬᠤ ᠪᠠᠢᠬᠤ ᠳᠠ ᠁