ᠨᠠᠮᠤᠷ ᠤ᠋ᠨ ᠬᠤᠷᠠ-ᠭᠦᠩᠭᠠᠷНамрын хур– Гүнгар
2184ᠨᠠᠮᠤᠷ ᠤ᠋ᠨ ᠬᠤᠷᠠ
ᠵᠣᠬᠢᠶᠠᠭᠴᠢ᠄ ᠭᠦᠩᠭᠠᠷ
ᠤᠶᠠᠩᠭᠠᠯᠠᠭᠴᠢ᠄ ᠰᠡᠳᠮᠠᠨᠢ
ᠨᠠᠮᠤᠷ ᠢ᠋ᠶ᠋ᠠᠷ ᠪᠠᠭᠤᠭᠰᠠᠨ ᠰᠤᠪᠤᠳ ᠤ᠋ᠨ ᠬᠡᠯᠬᠢᠶᠡ
ᠨᠠᠢᠵᠠ ᠪᠠᠨ ᠰᠠᠨᠠᠭᠰᠠᠨ ᠬᠠᠢᠷᠠ ᠶ᠋ᠢᠨ ᠰᠢᠪᠡᠨᠡᠭᠡ
ᠨᠠᠪᠴᠢᠰ ᠳᠡᠪᠵᠢᠶᠡᠷᠡᠭᠰᠡᠨ ᠰᠢᠷᠭᠠᠯ ᠣᠷᠴᠢᠨ
ᠨᠠᠢᠷᠠᠯ ᠳᠠᠭᠤᠨ ᠤ᠋ ᠰᠣᠳᠣᠨ ᠠᠶᠠᠯᠭᠤ ᠠ᠋!
ᠰᠥᠨᠢᠵᠢᠨ ᠦᠷᠭᠦᠯᠵᠢᠯᠡᠭᠰᠡᠨ ᠵᠡᠭᠦᠳᠦᠨ ᠴᠥᠷᠬᠡᠯᠡᠭᠡ
ᠰᠦᠯᠳᠡ ᠮᠠᠨᠳᠠᠭᠠᠭᠰᠠᠨ ᠪᠣᠰᠤᠭᠠ ᠤᠶᠠᠩᠭᠠ
ᠰᠦ ᠠᠩᠬᠢᠯᠤᠭᠰᠠᠨ ᠲᠡᠭᠷᠢ ᠶ᠋ᠢᠨ ᠬᠡᠰᠢᠭ
ᠰᠥᠰᠥ ᠡᠷᠴᠢᠯᠡᠭᠰᠡᠨ ᠠᠶᠠᠨ ᠤ᠋ ᠴᠤᠪᠤᠭᠠ ᠠ᠋!
ᠴᠢᠭᠢᠭ ᠡᠴᠡ ᠬᠤᠷᠠᠭᠰᠠᠨ ᠤᠰᠤᠨ ᠳᠠᠪᠠᠯᠭᠠᠨ
ᠴᠡᠴᠡᠭᠡᠰ ᠲᠦ᠍ ᠬᠦᠷᠭᠡᠭᠰᠡᠨ ᠠᠮᠢᠨ ᠰᠢᠨᠳᠠᠰᠤ
ᠴᠢᠬᠡ ᠬᠠᠷᠠᠭᠰᠠᠨ ᠰᠡᠳᠬᠢᠯ ᠦ᠋ᠨ ᠴᠢᠪᠬᠠᠳᠠᠰᠤ
ᠴᠡᠭᠡ ᠦᠨᠦᠷᠲᠦᠭᠰᠡᠨ ᠰᠠᠴᠤᠯᠢ ᠶ᠋ᠢᠨ ᠳᠡᠭᠡᠵᠢ ᠠ᠋!
ᠡᠭᠦᠯᠡ ᠬᠥᠯᠭᠡᠯᠡᠭᠰᠡᠨ ᠯᠤᠤᠰ ᠤ᠋ᠨ ᠬᠠᠭᠠᠨ
ᠡᠰᠡᠨᠢᠯ ᠬᠤᠷᠤᠢᠯᠠᠭᠰᠠᠨ ᠬᠤᠷᠠ ᠶ᠋ᠢᠨ ᠰᠢᠪᠡᠷᠡᠭᠡ
ᠡᠷᠬᠡᠰ ᠲᠡᠭᠷᠢ ᠶ᠋ᠢᠨ ᠡᠯᠪᠡᠷᠢᠯ ᠦ᠋ᠨ ᠠᠳᠢᠰ
ᠡᠷᠳᠡᠨᠢ ᠡᠪᠦᠷᠳᠦᠭᠦᠯᠦᠭᠰᠡᠨ ᠪᠤᠶᠠᠨ ᠵᠠᠶᠠᠭᠠ ᠠ᠋!
ᠬᠦᠰᠡᠯ ᠢ᠋ᠶ᠋ᠡᠷ ᠰᠣᠯᠣᠩᠭᠠᠷᠠᠭᠰᠠᠨ ᠲᠣᠰᠣᠲᠤ ᠬᠠᠷᠭᠤᠢ
ᠬᠥᠳᠡᠯᠮᠦᠷᠢ ᠪᠡᠷ ᠠᠷᠢᠭᠤᠰᠤᠭᠰᠠᠨ ᠮᠥᠩᠭᠥᠨ ᠬᠥᠮᠥᠷᠭᠡ
ᠬᠥᠨᠥᠭ ᠲᠦ᠍ ᠪᠢᠯᠬᠠᠷᠠᠭᠰᠠᠨ ᠠᠮᠲᠠᠲᠤ ᠰᠠᠭᠭᠠᠰᠤ
ᠬᠦᠯᠦᠭ ᠭᠣᠪᠢᠯᠳᠠᠭᠰᠠᠨ ᠥᠩᠰᠢᠭ ᠨᠠᠮᠤᠷ ᠠ᠋!
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠠᠯᠲᠠᠨᠴᠢᠮᠡᠭ
ᠦᠰᠦᠭ ᠬᠠᠳᠠᠭᠴᠢ᠄ ᠠᠯᠲᠠᠨᠴᠢᠮᠡᠭ
ᠬᠢᠨᠠᠭᠴᠢ᠄ ᠭᠦᠩᠭᠠᠷ