ᠰᠢᠷᠪᠢᠭᠡᠳ ᠯᠡ ᠥᠩᠭᠡᠷᠡᠬᠦ ᠬᠥᠮᠦᠨ ᠭᠡᠵᠦ ᠪᠠᠢᠳᠠᠭ -ᠵᠠᠯᠠᠢᠷᠲᠠᠢ ᠮᠥᠩᠬᠡᠲᠣᠭᠲᠠᠬᠤШирвээд л өнгөрөх хүмүүн гэж байдаг-Залайртай Мөнхтогтох
911ᠰᠢᠷᠪᠢᠭᠡᠳ ᠯᠡ ᠥᠩᠭᠡᠷᠡᠬᠦ ᠬᠥᠮᠦᠨ ᠭᠡᠵᠦ ᠪᠠᠢᠳᠠᠭ
ᠵᠣᠬᠢᠶᠠᠭᠴᠢ᠄ ᠵᠠᠯᠠᠢᠷᠲᠠᠢ ᠮᠥᠩᠬᠡᠲᠣᠭᠲᠠᠬᠤ
ᠤᠶᠠᠩᠭᠠᠯᠠᠭᠴᠢ᠄ ᠴᠠᠰᠤᠨᠠ
ᠢᠯᠪᠢᠭᠡᠳ ᠯᠡ ᠥᠩᠭᠡᠷᠡᠬᠦ ᠰᠠᠯᠬᠢ ᠭᠡᠵᠦ ᠪᠠᠢᠳᠠᠭ
ᠡᠪᠡᠰᠦ ᠰᠢᠭ ᠪᠤᠤ ᠳᠠᠷᠪᠠᠯᠵᠠ
ᠱᠠᠭᠢᠭᠠᠳ ᠯᠠ ᠥᠩᠭᠡᠷᠡᠬᠦ ᠪᠣᠷᠣᠭᠠᠨ ᠭᠡᠵᠦ ᠪᠠᠢᠳᠠᠭ
ᠮᠡᠯᠡᠬᠡᠢ ᠰᠢᠭ ᠪᠦᠦ ᠱᠤᠤᠭᠢᠯᠳᠤ
ᠠᠮᠰᠠᠭᠠᠳ ᠯᠠ ᠥᠩᠭᠡᠷᠡᠬᠦ ᠠᠷᠢᠬᠢ ᠭᠡᠵᠦ ᠪᠠᠢᠳᠠᠭ
ᠰᠣᠭᠲᠣᠵᠤ ᠪᠤᠤ ᠤᠨᠠ
ᠭᠢᠯᠠᠰᠤᠭᠠᠳ ᠥᠩᠭᠡᠷᠡᠬᠦ ᠦᠶᠡ ᠭᠡᠵᠦ ᠪᠠᠢᠳᠠᠭ
ᠭᠡᠨᠡᠳᠡᠵᠦ ᠠᠯᠳᠠᠬᠤ ᠶ᠋ᠢ ᠬᠢᠴᠢᠶᠡ
ᠳᠤᠭᠤᠯᠤᠭᠠᠳ ᠯᠠ ᠥᠩᠭᠡᠷᠡᠬᠦ ᠭᠣᠣᠯ ᠭᠡᠵᠦ ᠪᠠᠢᠳᠠᠭ
ᠣᠯᠣᠮ ᠴᠡᠭᠡᠯ ᠢ᠋ ᠣᠯ
ᠵᠥᠷᠢᠭᠡᠳ ᠯᠡ ᠥᠩᠭᠡᠷᠡᠬᠦ ᠳᠤᠷᠠᠯᠠᠯ ᠭᠡᠵᠦ ᠪᠠᠢᠳᠠᠭ
ᠵᠢᠷᠦᠬᠡ ᠰᠡᠳᠬᠢᠯ ᠢ᠋ᠶ᠋ᠡᠨ ᠭᠠᠮᠨᠠ
ᠰᠢᠷᠪᠢᠭᠡᠳ ᠥᠩᠭᠡᠷᠡᠬᠦ ᠬᠥᠮᠦᠨ ᠭᠡᠵᠦ ᠪᠠᠢᠳᠠᠭ
ᠰᠡᠳᠬᠢᠯ ᠢ᠋ᠶ᠋ᠡᠨ ᠪᠦᠦ ᠤᠶᠠ
ᠨᠢᠯᠪᠤᠭᠠᠳ ᠯᠠ ᠥᠩᠭᠡᠷᠡᠬᠦ ᠶᠠᠭᠤᠮᠠ ᠭᠡᠵᠦ ᠪᠠᠢᠳᠠᠭ
ᠨᠢᠳᠦ ᠪᠡᠨ ᠪᠦᠦ ᠪᠤᠵᠠᠷᠯᠠ
ᠢᠨᠢᠶᠡᠭᠡᠳ ᠯᠡ ᠥᠩᠭᠡᠷᠡᠬᠦ ᠲᠡᠨᠡᠭ ᠦ᠋ᠳ ᠪᠠᠢᠳᠠᠭ
ᠪᠤᠰᠤᠳ ᠢ᠋ ᠠᠭᠤᠴᠢᠯᠠᠵᠤ ᠪᠠᠭᠲᠠᠭᠠ
ᠢᠯᠡᠭᠦᠦ ᠳᠤᠲᠠᠭᠤ ᠭᠡᠵᠦ ᠠᠮᠢᠳᠤᠷᠠᠯ ᠳ᠋ᠤ᠌ ᠪᠠᠢᠳᠠᠭ
ᠪᠠᠢᠬᠤ ᠶ᠋ᠢᠨ ᠬᠢᠷᠢ ᠪᠡᠷ ᠢ᠋ᠶ᠋ᠡᠨ ᠠᠮᠢᠳᠤᠷᠠ
ᠡᠭᠡᠯᠵᠢᠯᠡᠭᠡᠳ ᠯᠡ ᠥᠩᠭᠡᠷᠡᠬᠦ ᠴᠠᠭ ᠭᠡᠵᠦ ᠪᠠᠢᠳᠠᠭ
ᠨᠢᠮᠭᠡᠨ ᠵᠤᠵᠠᠭᠠᠨ ᠢ᠋ᠶ᠋ᠠᠨ ᠵᠣᠬᠢᠴᠠᠭᠤᠯ
ᠡᠬᠢᠯᠡᠯᠲᠡ ᠲᠡᠭᠦᠰᠬᠡᠯ ᠭᠡᠵᠦ ᠠᠮᠢᠳᠤᠷᠠᠯ ᠳ᠋ᠤ᠌ ᠪᠠᠢᠳᠠᠭ
ᠨᠢᠭᠡ ᠨᠠᠰᠤ ᠪᠠᠨ ᠲᠤᠩᠭᠠ
ᠳᠠᠭᠠᠷᠢᠭᠠᠳ ᠯᠠ ᠥᠩᠭᠡᠷᠡᠬᠦ ᠰᠡᠭᠦᠳᠡᠷ ᠭᠡᠵᠦ ᠪᠠᠢᠳᠠᠭ
ᠡᠭᠦᠯᠡ ᠨᠠᠷᠠᠨ ᠤ᠋ ᠵᠠᠪᠰᠠᠷ
ᠳᠡᠪᠡᠯ ᠢ᠋ᠶ᠋ᠡᠨ ᠳᠠᠭᠠᠬᠤ ᠦᠭᠡᠢ ᠦᠶᠡ ᠭᠡᠵᠦ ᠪᠠᠢᠳᠠᠭ
ᠥᠲᠡᠯᠵᠦ ᠡᠪᠦᠭᠡᠷᠡᠬᠦ ᠶ᠋ᠢᠨ ᠤᠴᠢᠷ
ᠤᠬᠢᠯᠠᠭᠠᠳ ᠯᠠ ᠥᠩᠭᠡᠷᠡᠬᠦ ᠵᠣᠪᠠᠯᠠᠩ ᠭᠡᠵᠦ ᠪᠠᠢᠳᠠᠭ
ᠣᠷᠴᠢᠯᠠᠩ ᠢ᠋ ᠭᠦᠨ ᠤᠬᠠᠭᠠᠷᠠ
ᠥᠨᠵᠢᠭᠡᠳ ᠯᠡ ᠶᠠᠪᠤᠬᠤ ᠬᠣᠷᠸᠠ ᠭᠡᠵᠦ ᠪᠠᠢᠳᠠᠭ
ᠥᠪᠡᠷ ᠢ᠋ ᠪᠡᠨ ᠨᠠᠨᠳᠢᠩᠨᠠᠵᠤ ᠬᠠᠢᠷᠠᠯᠠ᠁
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ ᠦᠰᠦᠭ ᠬᠠᠳᠠᠭᠴᠢ᠄ ᠪᠠᠢ᠂ ᠰᠠᠷᠠᠨᠠ
ᠬᠢᠨᠠᠭᠴᠢ ᠪᠠᠭᠰᠢ᠄ ᠲᠣᠳᠤᠭᠡᠷᠡᠯ