ᠮᠠᠩᠭᠢᠲ᠋ᠠ ᠯᠠᠷᠢᠨᠠ ᠬᠣᠶᠠᠷМангита Ларина хоёр _ Mangita & Larina
315ᠮᠠᠩᠭᠢᠲ᠋ᠠ ᠯᠠᠷᠢᠨᠠ ᠬᠣᠶᠠᠷ
ᠡᠷᠲᠡ ᠤᠷᠢᠳᠤ ᠶ᠋ᠢᠨ ᠴᠠᠭ ᠲᠤ ᠯᠣᠽᠣᠨᠢ ᠨᠠᠭᠤᠷ ᠤ᠋ᠨ ᠳᠡᠷᠭᠡᠳᠡᠬᠢ ᠲᠣᠰᠬᠣᠨ ᠳ᠋ᠤ᠌ ᠬᠣᠶᠠᠷ ᠥᠬᠢᠨ ᠲᠡᠢ ᠵᠢᠭᠠᠰᠤᠴᠢᠨ ᠠᠮᠢᠳᠤᠷᠠᠳᠠᠭ ᠪᠠᠢᠵᠠᠢ ᠭᠡᠳᠡᠭ᠃ ᠥᠬᠢᠳ ᠢ᠋ ᠨᠢ ᠮᠠᠩᠭᠢᠲ᠋ᠠ ᠯᠠᠷᠢᠨᠠ ᠭᠡᠳᠡᠭ ᠪᠠᠢᠪᠠ᠂ ᠤᠤᠭᠠᠨ ᠥᠬᠢᠨ ᠮᠠᠩᠭᠢᠲ᠋ᠠ ᠨᠢ ᠡᠶᠡᠯᠳᠡᠭ ᠰᠠᠢᠬᠠᠨ ᠰᠡᠳᠬᠢᠯ ᠲᠡᠢ᠂ ᠬᠥᠮᠦᠨ ᠪᠣᠯᠭᠠᠨ ᠲᠠᠢ ᠡᠶᠡᠯᠳᠡᠭ ᠬᠠᠷᠢᠴᠠᠳᠠᠭ ᠪᠠᠢᠯᠠ᠂ ᠬᠠᠷᠢᠨ ᠣᠳᠬᠣᠨ ᠥᠬᠢᠨ ᠯᠠᠷᠢᠨᠠ ᠨᠢ ᠶᠠᠭ ᠡᠭᠡᠴᠢ ᠶ᠋ᠢᠨ ᠢ᠋ᠶ᠋ᠡᠨ ᠡᠰᠡᠷᠭᠦ ᠥᠬᠢᠨ ᠪᠠᠢᠭᠰᠠᠨ ᠶᠤᠮ᠂ ᠲᠡᠷᠡ ᠬᠥᠮᠦᠰ ᠲᠡᠢ ᠪᠦᠳᠦᠭᠦᠯᠢᠭ ᠮᠠᠭᠤᠬᠠᠢ ᠬᠠᠷᠢᠴᠠᠵᠤ᠂ ᠪᠠᠷᠢᠭᠰᠠᠨ ᠡᠷᠪᠡᠬᠡᠢ ᠪᠡᠨ ᠵᠤᠭᠠ ᠪᠠᠨ ᠭᠠᠷᠭᠠᠬᠤ ᠭᠡᠵᠦ ᠯᠡ ᠰᠢᠯᠦᠨ ᠰᠠᠪᠠᠨ ᠳ᠋ᠤ᠌ ᠬᠢᠵᠦ᠂ ᠡᠭᠡᠴᠢ ᠳ᠋ᠦ᠍ ᠪᠡᠨ ᠬᠦᠷᠲᠡᠯᠡ ᠮᠠᠭᠤᠬᠠᠢ ᠦᠭᠡ ᠬᠡᠯᠡᠳᠡᠭ ᠪᠠᠢᠯᠠ᠃
ᠮᠠᠩᠭᠢᠲ᠋ᠠ ᠭᠡᠷ ᠦ᠋ᠨ ᠢ᠋ᠶ᠋ᠡᠨ ᠪᠦᠬᠦ ᠠᠵᠢᠯ ᠢ᠋ ᠭᠠᠭᠴᠠᠭᠠᠷ ᠢ᠋ᠶ᠋ᠠᠨ ᠬᠢᠳᠡᠭ ᠪᠠᠢᠯᠠ᠂ ᠠᠪᠤ ᠶ᠋ᠢ ᠪᠡᠨ ᠠᠵᠢᠯ ᠠ᠋ᠴᠠ ᠪᠠᠨ ᠶᠠᠳᠠᠷᠠᠵᠤ ᠥᠯᠥᠰᠦᠭᠡᠳ ᠢᠷᠡᠬᠦ ᠳ᠋ᠦ᠍ ᠨᠢ ᠬᠣᠭᠣᠯᠠ ᠶ᠋ᠢ ᠨᠢ ᠪᠡᠯᠡᠳᠴᠦ ᠥᠭᠭᠦᠭᠡᠳ᠂ ᠲᠡᠭᠡᠭᠡᠳ ᠪᠦᠷ ᠤᠨᠲᠠᠬᠤ ᠣᠷᠣ ᠶ᠋ᠢ ᠨᠢ ᠬᠦᠷᠲᠡᠯᠡ ᠵᠠᠰᠠᠵᠤ ᠥᠭᠳᠡᠭ ᠪᠠᠢᠯᠠ᠃ ᠬᠠᠷᠢᠨ ᠯᠠᠷᠢᠨᠠ ᠡᠭᠡᠴᠢ ᠳ᠋ᠦ᠍ ᠪᠡᠨ ᠬᠡᠵᠢᠶᠡ ᠴᠦ᠍ ᠲᠤᠰᠠᠯᠠᠳᠠᠭ ᠦᠭᠡᠢ᠂ ᠪᠦᠷ ᠠᠪᠤ ᠳ᠋ᠤ᠌ ᠪᠠᠨ ᠴᠤ᠌ ᠰᠠᠨᠠᠭᠠ ᠲᠠᠯᠪᠢᠳᠠᠭ ᠦᠭᠡᠢ ᠥᠬᠢᠨ ᠪᠠᠢᠭᠰᠠᠨ ᠶᠤᠮ᠂ ᠯᠠᠷᠢᠨᠠ ᠡᠳᠦᠷᠵᠢᠨ ᠨᠠᠭᠤᠷ ᠤ᠋ᠨ ᠡᠷᠭᠢ ᠳᠡᠭᠡᠷᠡ ᠰᠠᠭᠤᠭᠠᠳ ᠦᠰᠦ ᠪᠡᠨ ᠰᠠᠮᠨᠠᠨ᠂ ᠨᠠᠭᠤᠷ ᠤ᠋ᠨ ᠤᠰᠤᠨ ᠳ᠋ᠤ᠌ ᠲᠤᠰᠬᠤ ᠥᠪᠡᠷ ᠢ᠋ ᠪᠡᠨ ᠬᠠᠷᠠᠳᠠᠭ ᠪᠠᠢᠯᠠ᠃
— ᠡᠨᠡ ᠲᠣᠰᠬᠣᠨ ᠳ᠋ᠤ᠌ ᠨᠠᠳᠠ ᠠ᠋ᠴᠠ ᠥᠭᠡᠷᠡ ᠦᠵᠡᠰᠬᠦᠯᠡᠩᠲᠡᠢ ᠡᠮᠡᠭᠲᠡᠢ ᠪᠠᠢᠬᠤ ᠦᠭᠡᠢ᠂ ᠬᠠ ᠬᠠ ᠪᠢ ᠲᠣᠭᠯᠠᠭᠰᠠᠨ ᠶᠤᠮ ᠠ᠋ ᠡᠨᠡ ᠵᠢᠵᠢᠭ ᠲᠣᠰᠬᠣᠨ ᠳ᠋ᠤ᠌ ᠴᠤ᠌ ᠪᠢᠰᠢ ᠪᠦᠷ ᠡᠵᠡᠨᠲᠦ ᠭᠦᠷᠦᠨ ᠳ᠋ᠦ᠍ ᠨᠠᠳᠠ ᠠ᠋ᠴᠠ ᠥᠭᠡᠷᠡ ᠦᠵᠡᠰᠬᠦᠯᠡᠩᠲᠡᠢ ᠡᠮᠡᠭᠲᠡᠢ ᠪᠠᠢᠬᠤ ᠦᠭᠡᠢ ᠯᠡ ᠳᠡ᠂ ᠬᠠ ᠬᠠ ᠬᠠ᠂᠂
ᠭᠡᠲᠡᠯᠡ ᠨᠢᠭᠡ ᠡᠳᠦᠷ ᠡᠪᠡᠳᠴᠦ ᠰᠢᠨᠠᠯᠤᠭᠰᠠᠨ ᠡᠪᠦᠭᠡᠨ ᠵᠢᠭᠠᠰᠤᠴᠢᠨ ᠬᠣᠷᠸᠠ ᠶ᠋ᠢ ᠣᠷᠬᠢᠯᠠ᠃ ᠮᠠᠩᠭᠢᠲ᠋ᠠ ᠶᠡᠬᠡᠳᠡ ᠤᠢᠳᠬᠠᠷᠯᠠᠵᠤ ᠰᠢᠨᠠᠯᠤᠯᠠ᠃ ᠬᠡᠳᠦᠨ ᠴᠠᠭ ᠲᠠᠰᠤᠷᠠᠯᠲᠠ ᠦᠭᠡᠢ ᠤᠬᠢᠯᠠᠭᠰᠠᠨ ᠤ᠋ ᠡᠴᠦᠰ ᠲᠤ ᠡᠨᠡ ᠭᠡᠷ ᠦ᠋ᠨ ᠬᠢᠨᠢ ᠬᠤᠪᠢ ᠲᠠᠪᠢᠯᠠᠩ ᠵᠥᠪᠬᠡᠨ ᠥᠪᠡᠷ ᠦ᠋ᠨ ᠬᠢᠨᠢ ᠭᠠᠷ ᠲᠤ ᠪᠠᠢᠭᠠ ᠶ᠋ᠢ ᠣᠢᠯᠠᠭᠠᠭᠰᠠᠨ ᠶᠤᠮ᠂ ᠲᠡᠭᠡᠭᠡᠳ ᠪᠡᠶᠡ ᠪᠡᠨ ᠪᠠᠷᠢᠭᠠᠳ ᠯᠠᠷᠢᠨᠠ ᠳ᠋ᠤ᠌ ᠥᠪᠡᠷ ᠦ᠋ᠨ ᠢ᠋ᠶ᠋ᠡᠨ ᠲᠥᠯᠥᠪᠯᠡᠭᠡ ᠶ᠋ᠢ ᠬᠡᠯᠡᠬᠦ ᠪᠡᠷ ᠭᠡᠷ ᠡᠴᠡ ᠭᠠᠷᠤᠯᠠ᠃ ᠬᠠᠷᠢᠨ ᠯᠠᠷᠢᠨᠠ ᠤᠷᠢᠳᠠᠬᠢ ᠰᠢᠭ᠋ ᠢ᠋ᠶ᠋ᠡᠷ ᠨᠠᠭᠤᠷ ᠤ᠋ᠨ ᠡᠷᠭᠢ ᠳᠡᠭᠡᠷᠡ ᠰᠠᠭᠤᠭᠠᠳ ᠥᠪᠡᠷ ᠢ᠋ ᠪᠡᠨ ᠳᠤᠯᠢᠳᠠᠨ ᠰᠠᠭᠤᠵᠤ ᠪᠠᠢᠯᠠ᠃
— ᠯᠠᠷᠢᠨᠠ ᠴᠢᠮᠠ ᠳ᠋ᠤ᠌ ᠴᠢᠬᠤᠯᠠ ᠶᠠᠭᠤᠮᠠ ᠬᠡᠯᠡᠬᠦ ᠪᠡᠷ ᠬᠦᠷᠴᠦ ᠢᠷᠡᠯᠡ
— ᠦ᠂ ᠴᠠᠰᠢ ᠪᠠᠨ ᠶᠠᠪᠤ ᠠ᠋᠂ ᠨᠠᠮᠠ ᠶ᠋ᠢ ᠵᠠᠪ ᠦᠭᠡᠢ ᠪᠠᠢᠭᠠ ᠶ᠋ᠢ ᠬᠠᠷᠠᠬᠤ ᠦᠭᠡᠢ ᠪᠠᠢᠨᠠ ᠤᠤ?
— ᠠ᠂ ᠨᠢᠭᠡ ᠶᠡᠬᠡ ᠴᠠᠭ ᠦᠷᠡᠬᠦ ᠦᠭᠡᠢ ᠳᠡ
— ᠠᠢ ᠲᠡᠭᠡᠭᠡᠳ ᠶᠠᠭᠤ ᠬᠡᠯᠡᠬᠦ ᠭᠡᠰᠡᠨ ᠶᠦᠮ ᠪᠣᠢ?
— ᠣᠳᠣ ᠠᠪᠤ ᠮᠢᠨᠢ ᠪᠠᠢᠬᠤ ᠦᠭᠡᠢ ᠪᠣᠯᠴᠢᠬᠠᠯᠠ᠂ ᠪᠢᠳᠡ ᠮᠥᠩᠭᠥ ᠣᠯᠬᠤ ᠬᠡᠷᠡᠭᠲᠡᠢ ᠪᠠᠢᠨᠠ ᠲᠡᠭᠡᠬᠦ ᠪᠡᠷ ᠪᠢ ᠡᠳᠦᠷ ᠪᠣᠯᠭᠠᠨ ᠵᠠᠬᠠ ᠳᠡᠭᠡᠷᠡ ᠣᠴᠢᠵᠤ ᠵᠢᠭᠠᠰᠤ ᠵᠠᠷᠤᠬᠤ ᠬᠡᠷᠡᠭᠲᠡᠢ᠂ ᠬᠠᠩᠭᠠᠯᠲᠠ ᠲᠠᠢ ᠮᠥᠩᠭᠥ ᠣᠯᠵᠤ ᠴᠢᠳᠠᠬᠤ ᠦᠭᠡᠢ ᠶ᠋ᠢ ᠮᠡᠳᠡᠬᠦ ᠦᠭᠡᠢ ᠴᠤ᠌ ᠶᠠᠭᠤ ᠴᠤ᠌ ᠭᠡᠰᠡᠨ ᠬᠢᠭᠡᠳ ᠦᠵᠡᠶᠡ᠃
— ᠲᠡᠭᠡ ᠠ᠋᠂ ᠥᠪᠡᠷ ᠢ᠋ᠶ᠋ᠡᠨ ᠯᠡ ᠮᠡᠳᠡ᠂ ᠣᠳᠣ ᠨᠠᠮᠠ ᠶ᠋ᠢ ᠲᠠᠢᠪᠤᠩ ᠣᠷᠬᠢᠭᠠᠳ ᠲᠡᠭᠡ
— ᠨᠠᠳᠠ ᠲᠠᠢ ᠢᠩᠭᠢᠵᠦ ᠪᠦᠳᠦᠭᠦᠯᠢᠭ ᠮᠠᠭᠤᠬᠠᠢ ᠬᠠᠷᠢᠴᠠᠬᠤ ᠬᠡᠷᠡᠭ ᠦᠭᠡᠢ᠂ ᠴᠢᠮᠠ ᠳ᠋ᠤ᠌ ᠬᠠᠢᠷᠠᠲᠠᠢ ᠶ᠋ᠢ ᠮᠡᠳᠡᠨᠡ ᠪᠢᠵᠡ ᠳᠡ?
— ᠦ᠂ ᠨᠠᠳᠠ ᠳ᠋ᠤ᠌ ᠲᠠᠨ ᠤ᠋ ᠬᠠᠢᠷᠠ ᠬᠡᠷᠡᠭ ᠦᠭᠡᠢ᠂ ᠪᠢ ᠵᠦᠭᠡᠷ ᠯᠡ ᠪᠤᠷᠤᠭᠤ ᠠᠢᠯ ᠳ᠋ᠤ᠌ ᠲᠦᠷᠦᠴᠢᠬᠡᠵᠡᠢ᠂ ᠭᠡᠬᠦ ᠳ᠋ᠦ᠍ ᠪᠡᠨ ᠡᠭᠦᠨ ᠢ᠋ ᠮᠠᠷᠲᠠᠵᠤ ᠪᠣᠯᠬᠤ ᠦᠭᠡᠢ ᠰᠢᠦ᠂ ᠬᠤᠪᠢ ᠲᠠᠪᠢᠯᠠᠩ ᠥᠭᠡᠷᠡᠴᠢᠯᠡᠭᠳᠡᠳᠡᠭ ᠭᠡᠳᠡᠭ ᠢ᠋᠂ ᠲᠡᠭᠡᠭᠡᠳ ᠴᠦ᠍ ᠪᠢ ᠬᠡᠵᠢᠶᠡ ᠨᠢᠭᠡᠨ ᠡᠳᠦᠷ ᠬᠠᠲᠤᠨ ᠬᠠᠭᠠᠨ ᠪᠣᠯᠬᠤ ᠲᠠᠪᠢᠯᠠᠩ ᠲᠠᠢ᠂ ᠲᠡᠭᠡᠭᠡᠳ ᠡᠨᠡ ᠮᠠᠭᠤᠬᠠᠢ ᠲᠣᠰᠬᠣᠨ᠂ ᠪᠠᠰᠠ ᠲᠠ ᠨᠠᠷ ᠢ᠋ ᠣᠷᠬᠢᠵᠤ ᠶᠠᠪᠤᠨᠠ᠂ ᠮᠢᠨᠦ ᠴᠠᠭᠠᠨ ᠮᠣᠷᠢᠲᠠᠢ ᠬᠠᠨ ᠬᠦᠦ ᠢᠷᠡᠨᠡ᠂ ᠬᠠᠷᠠᠵᠤ ᠯᠠ ᠪᠠᠢᠭᠠᠷᠠᠢ!
ᠳᠡᠭᠦᠦ ᠶ᠋ᠢᠨ ᠢ᠋ᠶ᠋ᠡᠨ ᠦᠭᠡ ᠶ᠋ᠢ ᠰᠣᠨᠣᠰᠤᠭᠠᠳ ᠮᠠᠩᠭᠢᠲ᠋ᠠ ᠰᠠᠨᠠᠭᠠ ᠠᠯᠳᠠᠯᠠ᠃
— ᠡᠩ᠂ ᠳᠡᠭᠦᠦ ᠮᠢᠨᠢ ᠪᠢ ᠴᠢᠮᠠ ᠳ᠋ᠤ᠌ ᠵᠥᠪᠬᠡᠨ ᠠᠵᠠ ᠵᠢᠷᠭᠠᠯ ᠢ᠋ ᠯᠡ ᠬᠦᠰᠡᠳᠡᠭ᠃
ᠢᠩᠭᠢᠭᠡᠳ ᠬᠡᠳᠦ ᠬᠣᠨᠣᠭ ᠥᠩᠭᠡᠷᠡᠵᠦ ᠮᠠᠩᠭᠢᠲ᠋ᠠ ᠳᠡᠭᠦᠦ ᠪᠡᠨ ᠲᠡᠵᠢᠭᠡᠬᠦ ᠶ᠋ᠢᠨ ᠲᠤᠯᠠᠳᠠ ᠦᠨᠡᠬᠡᠷ ᠬᠢᠴᠢᠶᠡᠩᠭᠦᠢᠯᠡᠨ ᠠᠵᠢᠯᠯᠠᠯᠠ᠂ ᠭᠡᠲᠡᠯᠡ ᠨᠢᠭᠡ ᠡᠳᠦᠷ ᠴᠥᠭᠡᠬᠡᠨ ᠬᠡᠳᠦᠨ ᠮᠥᠩᠭᠥ ᠣᠯᠤᠭᠠᠳ ᠭᠡᠷ ᠲᠤ ᠪᠡᠨ ᠢᠷᠡᠬᠦ ᠳ᠋ᠦ᠍ ᠪᠡᠨ ᠶᠡᠬᠡᠳᠡ ᠰᠢᠨᠠᠯᠵᠤ ᠪᠠᠢᠯᠠ᠃
— ᠯᠠᠷᠢᠨᠠ ᠠᠭᠤᠴᠢᠯᠠᠭᠠᠷᠠᠢ᠂ ᠭᠠᠭᠴᠠ ᠮᠢᠨᠦ ᠣᠯᠤᠭᠰᠠᠨ ᠮᠥᠩᠭᠥ ᠪᠡᠷ ᠬᠣᠶᠠᠭᠤᠯᠠ ᠪᠠᠨ ᠠᠮᠢᠳᠤᠷᠠᠵᠤ ᠠᠮᠢ ᠵᠢᠭᠤᠵᠤ ᠬᠦᠷᠦᠯᠴᠡᠬᠦ ᠦᠭᠡᠢ ᠶᠦᠮ ᠪᠠᠢᠨᠠ᠂ ᠮᠠᠷᠭᠠᠰᠢ ᠠ᠋ᠴᠠ ᠨᠠᠳᠠ ᠳ᠋ᠤ᠌ ᠲᠤᠰᠠᠯᠠᠭᠠᠳ ᠬᠣᠶᠠᠭᠤᠯᠠ ᠪᠠᠨ ᠬᠠᠮᠲᠤ ᠵᠢᠭᠠᠰᠤ ᠵᠠᠷᠤᠶᠠ᠃
— ᠶᠠᠭᠤ? ᠰᠠᠶᠢ ᠶᠠᠭᠤ ᠭᠡᠰᠡᠨ ᠪᠣᠢ?
— ᠬᠣᠶᠠᠭᠤᠯᠠ ᠪᠠᠨ ᠠᠮᠢᠳᠤᠷᠠᠵᠤ ᠠᠮᠢ ᠵᠢᠭᠤᠬᠤ ᠳ᠋ᠤ᠌ ᠬᠦᠷᠦᠯᠴᠡᠬᠦ ᠮᠥᠩᠭᠥ ᠣᠯᠬᠤ ᠳ᠋ᠤ᠌ ᠲᠤᠰᠠᠯᠠᠵᠤ ᠵᠢᠭᠠᠰᠤ ᠬᠠᠮᠲᠤ ᠵᠠᠷᠤᠶᠠ ᠭᠡᠵᠦ ᠪᠢ ᠴᠢᠮᠠ ᠠ᠋ᠴᠠ ᠭᠤᠶᠤᠵᠤ ᠪᠠᠢᠨᠠ ᠭᠤᠶᠤᠶᠠ ᠯᠠᠷᠢᠨᠠ?
— ᠡᠭᠡᠴᠢ ᠠ᠋ ᠲᠠ ᠪᠦᠷ ᠰᠣᠯᠢᠶᠠᠷᠠᠴᠢᠬᠠᠵᠠᠢ᠂ ᠪᠢ ᠢᠷᠡᠭᠡᠳᠦᠢ ᠶ᠋ᠢᠨ ᠬᠠᠲᠤᠨ ᠬᠠᠭᠠᠨ ᠭᠡᠲᠡᠯᠡ ᠨᠠᠮᠠ ᠶ᠋ᠢ ᠶᠠᠭᠤᠮᠠ ᠵᠠᠷᠤ ᠭᠡᠵᠦ ᠪᠠᠢᠭᠠ ᠶᠤᠮ ᠤᠤ? ᠬᠡᠩ ᠂ ᠬᠡᠵᠢᠶᠡ ᠴᠦ᠍ ᠦᠭᠡᠢ!
— ᠭᠡᠬᠦ ᠳ᠋ᠦ᠍ ᠪᠡᠨ ᠯᠠᠷᠢᠨᠠ᠂᠂᠂
— ᠣᠳᠣ ᠬᠠᠩᠭᠠᠯᠲᠠ ᠲᠠᠢ᠂ ᠪᠢ ᠨᠠᠭᠤᠷ ᠤᠷᠤᠭᠤ ᠶᠠᠪᠤᠯᠠ᠂
ᠮᠠᠩᠭᠢᠲ᠋ᠠ ᠶᠡᠬᠡ ᠭᠤᠨᠢᠭᠯᠠᠵᠤ ᠪᠠᠢᠯᠠ ᠲᠡᠭᠡᠭᠡᠳ ᠰᠥᠬᠥᠷᠡᠵᠦ ᠰᠠᠭᠤᠭᠠᠳ ᠠᠰᠬᠠᠷᠠᠲᠠᠯᠠ ᠤᠬᠢᠯᠠᠵᠠᠢ ᠭᠡᠨᠡ᠃ ᠭᠡᠲᠡᠯᠡ ᠭᠡᠷ ᠡᠴᠡ ᠭᠠᠷᠤᠭᠠᠳ ᠶᠠᠪᠤᠭᠰᠠᠨ ᠯᠠᠷᠢᠨᠠ ᠳᠡᠭᠡᠷᠡ ᠨᠢᠭᠡᠨ ᠡᠮᠡᠭᠡᠨ ᠣᠢᠷᠠᠳᠴᠤ ᠢᠷᠡᠯᠡ.
— ᠲᠠ ᠶᠠᠭᠤ ᠬᠦᠰᠡᠭᠡ ᠪᠣᠢ? ᠡᠮᠡᠭᠡ ᠠ᠋
— ᠦ᠂ ᠥᠬᠢᠨ ᠮᠢᠨᠢ ᠥᠨᠥᠳᠥᠷ ᠵᠥᠩᠳᠡᠭᠡᠨ ᠬᠣᠯᠠ ᠠᠯᠬᠤᠭᠰᠠᠨ ᠴᠢᠨᠢ ᠭᠡᠳᠡᠰᠦ ᠥᠯᠥᠰᠦᠭᠡᠳ ᠠᠮᠠ ᠴᠠᠩᠭᠠᠭᠠᠳ ᠪᠠᠢᠨᠠ᠂ ᠨᠠᠳᠠ ᠳ᠋ᠤ᠌ ᠪᠠᠯᠭᠤ ᠤᠰᠤ ᠵᠦᠰᠦᠮ ᠲᠠᠯᠬᠠ ᠥᠭᠴᠦ ᠲᠤᠰᠠᠯᠠᠬᠤ ᠦᠭᠡᠢ ᠤᠤ?
— ᠨᠠᠮᠠ ᠶ᠋ᠢ ᠵᠠᠷᠤᠴᠠ ᠪᠠᠷᠯᠤᠭ ᠭᠡᠵᠦ ᠪᠣᠳᠣᠭᠠᠳ ᠪᠠᠢᠭᠠ ᠶᠤᠮ ᠤᠤ? ᠣᠳᠣᠬᠠᠨ ᠵᠠᠢᠯᠠ
ᠯᠠᠷᠢᠨᠠ ᠡᠮᠡᠭᠡᠨ ᠢ᠋ ᠲᠦᠯᠬᠢᠵᠦ ᠬᠣᠯᠠᠳᠠᠭᠤᠯᠤᠭᠠᠳ ᠴᠠᠰᠢ ᠪᠠᠨ ᠶᠠᠪᠤᠯᠠ᠃
— ᠠ᠂ ᠶᠠᠭᠠᠬᠢᠳᠠᠭ ᠪᠢᠯᠡ
ᠡᠮᠡᠭᠡᠨ ᠦ᠌ ᠬᠠᠰᠬᠢᠷᠬᠤ ᠶ᠋ᠢ ᠰᠣᠨᠣᠰᠤᠭᠠᠳ ᠮᠠᠩᠭᠢᠲ᠋ᠠ ᠶᠠᠭᠠᠷᠠᠨ ᠭᠠᠷᠴᠤ ᠢᠷᠡᠯᠡ ᠭᠠᠵᠠᠷ ᠤᠨᠠᠭᠰᠠᠨ ᠡᠮᠡᠭᠡᠨ ᠢ᠋ ᠬᠠᠷᠠᠭᠠᠳ ᠮᠠᠩᠭᠢᠲ᠋ᠠ ᠶᠡᠬᠡᠳᠡ ᠴᠣᠴᠢᠷᠳᠠᠵᠠᠢ᠃
— ᠦ᠂ ᠦᠨᠡᠬᠡᠷ ᠠᠭᠤᠴᠢᠯᠠᠭᠠᠷᠠᠢ
ᠲᠡᠭᠡᠭᠡᠳ ᠮᠠᠩᠭᠢᠲ᠋ᠠ ᠡᠮᠡᠭᠡᠨ ᠢ᠋ ᠲᠦᠰᠢᠵᠦ ᠪᠣᠰᠬᠠᠭᠠᠳ ᠭᠡᠷ ᠲᠤ ᠪᠡᠨ ᠳᠠᠭᠠᠭᠤᠯᠤᠨ ᠣᠷᠣᠯᠠ᠂ ᠯᠠᠷᠢᠨᠠ ᠥᠪᠡᠷ ᠢ᠋ ᠨᠢ ᠶᠠᠭᠠᠬᠢᠵᠤ ᠲᠦᠯᠬᠢᠭᠰᠡᠨ ᠢ᠋ ᠡᠮᠡᠭᠡᠨ ᠶᠠᠷᠢᠯᠠ᠂ ᠭᠡᠲᠡᠯᠡ ᠮᠠᠩᠭᠢᠲ᠋ᠠ ᠡᠨᠡ ᠦᠭᠡ ᠶ᠋ᠢ ᠰᠣᠨᠣᠰᠤᠭᠠᠳ ᠶᠡᠬᠡᠳᠡ ᠴᠣᠴᠢᠷᠳᠠᠵᠠᠢ᠃
— ᠶᠠᠭᠠᠬᠢᠨᠠ᠂ ᠠᠭᠤᠴᠢᠯᠠᠭᠠᠷᠠᠢ ᠡᠮᠡᠭᠡ ᠠ᠋᠂ ᠮᠠᠨ ᠤ᠋ ᠳᠡᠭᠦᠦ ᠵᠠᠷᠢᠮ ᠳ᠋ᠤ᠌ ᠪᠠᠨ ᠲᠡᠭᠡᠵᠦ ᠮᠠᠭᠤᠬᠠᠢ ᠵᠠᠩ ᠭᠠᠷᠭᠠᠳᠠᠭ ᠶᠤᠮ
— ᠦ ᠵᠦᠭᠡᠷ ᠳᠡ᠂ ᠴᠢ ᠰᠠᠢᠬᠠᠨ ᠰᠡᠳᠬᠢᠯ ᠲᠡᠢ ᠬᠡᠦᠬᠡᠳ ᠪᠠᠢᠨᠠ ᠠᠮᠢᠨᠴᠢᠯᠠᠨ ᠭᠤᠶᠤᠶᠠ ᠨᠠᠳᠠ ᠳ᠋ᠤ᠌ ᠤᠤᠭᠤᠬᠤ ᠪᠠᠯᠭᠤ ᠤᠰᠤ ᠢᠳᠡᠬᠦ ᠵᠦᠰᠦᠮ ᠲᠠᠯᠬᠠ ᠥᠭᠬᠦ ᠦᠭᠡᠢ ᠤᠤ? ᠲᠡᠭᠡᠪᠡᠯ ᠪᠢ ᠪᠤᠴᠠᠭᠠᠳ ᠶᠠᠪᠤᠶᠠ᠃
ᠮᠠᠩᠭᠢᠲ᠋ᠠ ᠲᠣᠯᠣᠭᠠᠢ ᠳᠣᠬᠢᠭᠠᠳ ᠭᠡᠷ ᠲᠤ ᠪᠡᠨ ᠦᠯᠡᠳᠡᠭᠰᠡᠨ ᠭᠠᠭᠴᠠ ᠲᠠᠯᠬᠠ ᠪᠠᠨ ᠠᠪᠴᠢᠷᠠᠯᠠ ᠡᠮᠡᠭᠡᠨ ᠦ᠌ ᠭᠤᠶᠤᠭᠰᠠᠨ ᠢ᠋ᠶ᠋ᠠᠷ ᠤᠰᠤ ᠴᠤ᠌ ᠭᠡᠰᠡᠨ ᠬᠢᠵᠦ ᠢᠷᠡᠯᠡ᠂ ᠡᠮᠡᠭᠡᠨ ᠤᠰᠤ ᠪᠠᠨ ᠤᠤᠭᠤᠭᠠᠳ ᠲᠠᠯᠬᠠ ᠪᠠᠨ ᠠᠮᠲᠠᠷᠬᠠᠨ ᠢᠳᠡᠯᠡ
— ᠦ᠂ ᠶᠡᠬᠡ ᠪᠠᠶᠠᠷᠯᠠᠯᠠ ᠥᠬᠢᠨ ᠮᠢᠨᠢ ᠴᠢ ᠦᠨᠡᠬᠡᠷ ᠰᠠᠢᠬᠠᠨ ᠰᠡᠳᠬᠢᠯ ᠲᠡᠢ ᠬᠥᠮᠦᠨ ᠶᠦᠮ᠃
ᠢᠩᠭᠢᠵᠦ ᠬᠡᠯᠡᠭᠡᠳ ᠡᠮᠡᠭᠡᠨ ᠶᠠᠪᠤᠯᠠ᠂
ᠮᠠᠩᠭᠢᠲ᠋ᠠ ᠥᠯᠥᠰᠦᠭᠰᠡᠨ ᠴᠢᠭ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠤᠨᠲᠠᠯᠠ ᠬᠡᠳᠦ ᠬᠣᠨᠣᠭ ᠤ᠋ᠨ ᠳᠠᠷᠠᠭᠠ ᠪᠡᠶᠡ ᠨᠢ ᠡᠪᠡᠳᠦᠭᠰᠡᠨ ᠮᠠᠩᠭᠢᠲ᠋ᠠ ᠬᠡᠪᠲᠡᠷᠢ ᠳ᠋ᠦ᠍ ᠣᠷᠣᠵᠠᠢ ᠭᠡᠨᠡ᠃ ᠭᠡᠪᠡᠴᠦ ᠯᠠᠷᠢᠨᠠ ᠤᠷᠢᠳᠤᠬᠢ ᠰᠢᠭ᠋ ᠢ᠋ᠶ᠋ᠡᠷ ᠡᠭᠡᠴᠢ ᠶ᠋ᠢ ᠪᠡᠨ ᠣᠭᠲᠣᠬᠠᠨ ᠴᠤ᠌ ᠲᠣᠭᠣᠭᠰᠠᠨ ᠦᠭᠡᠢ᠃
— ᠠ᠋᠂ ᠳᠡᠭᠦᠦ ᠮᠢᠨᠢ᠂ ᠭᠤᠶᠤᠶᠠ ᠵᠠᠬᠠ ᠳᠡᠭᠡᠷᠡ ᠣᠴᠢᠭᠠᠳ ᠵᠢᠭᠠᠰᠤ ᠵᠠᠷᠤᠭᠠᠳ ᠢᠷᠡᠬᠦ ᠦᠭᠡᠢ ᠤᠤ? ᠬᠣᠶᠠᠭᠤᠯᠠ ᠪᠠᠨ ᠮᠥᠩᠭᠥ ᠦᠭᠡᠢ ᠪᠣᠯᠴᠢᠬᠠᠭᠰᠠᠨ
— ᠪᠢ ᠬᠠᠮᠢᠭᠠᠰᠢ ᠪᠠᠨ ᠴᠤ᠌ ᠶᠠᠪᠤᠬᠤ ᠦᠭᠡᠢ ᠳᠠᠬᠢᠭᠠᠳ ᠨᠠᠭᠠᠳᠤ ᠦᠭᠡ ᠪᠡᠨ ᠬᠡᠯᠡᠭᠡᠳ ᠦᠵᠡᠭᠡᠷᠡᠢ!
ᠢᠩᠭᠢᠵᠦ ᠬᠡᠯᠡᠭᠡᠳ ᠭᠡᠷ ᠡᠴᠡ ᠪᠡᠨ ᠭᠠᠷᠴᠤ ᠶᠠᠪᠤᠬᠤ ᠳ᠋ᠤ᠌ ᠨᠢ ᠥᠨᠥᠬᠢ ᠡᠮᠡᠭᠡᠨ ᠳᠠᠬᠢᠭᠠᠳ ᠭᠠᠷᠴᠤ ᠢᠷᠡᠯᠡ᠃
— ᠳᠠᠬᠢᠭᠠᠳ ᠯᠠ ᠲᠠ ᠤᠤ? ᠥᠨᠥᠳᠥᠷ ᠪᠠᠰᠠ ᠶᠠᠭᠤ ᠭᠤᠶᠤᠬᠤ ᠭᠡᠵᠦ ᠢᠷᠡᠪᠡ ᠤᠤ?
— ᠮᠠᠩᠭᠢᠲ᠋ᠠ ᠶ᠋ᠢᠨ ᠪᠡᠶᠡ ᠮᠠᠭᠤ ᠪᠠᠢᠭᠠ ᠭᠡᠵᠦ ᠰᠣᠨᠣᠰᠤᠭᠠᠳ ᠪᠡᠶᠡ ᠶ᠋ᠢ ᠨᠢ ᠲᠡᠩᠬᠡᠷᠡᠭᠦᠯᠬᠦ ᠡᠮ ᠳᠠᠩ ᠠᠪᠤᠭᠠᠳ ᠢᠷᠡᠯᠡ᠂ ᠴᠠᠭ ᠳᠣᠳᠣᠮ ᠡᠮ ᠳᠠᠩ ᠠ᠋ᠴᠠ ᠤᠤᠭᠤᠯᠭᠠᠵᠤ ᠡᠭᠡᠴᠢ ᠶ᠋ᠢ ᠴᠢᠨᠢ ᠠᠰᠠᠷᠠᠮᠠᠷ ᠪᠠᠢᠨᠠ ᠨᠠᠮᠠ ᠶ᠋ᠢ ᠭᠡᠷ ᠲᠤ ᠪᠡᠨ ᠣᠷᠣᠭᠤᠯᠬᠤ ᠦᠭᠡᠢ ᠤᠤ? ᠮᠠᠷᠭᠠᠰᠢ ᠥᠷᠯᠥᠭᠡ ᠡᠪᠡᠳᠴᠢᠨ ᠨᠢ ᠪᠦᠷᠢᠨ ᠡᠳᠡᠭᠡᠷᠡᠨᠡ᠃
ᠮᠠᠩᠭᠢᠲ᠋ᠠ ᠶ᠋ᠢ ᠬᠤᠷᠳᠤᠨ ᠡᠳᠡᠭᠡᠬᠦ ᠶ᠋ᠢ ᠬᠦᠰᠡᠬᠦ ᠦᠭᠡᠢ ᠪᠠᠢᠭᠰᠠᠨ ᠯᠠᠷᠢᠨᠠ ᠰᠢᠲᠦ ᠪᠡᠨ ᠵᠠᠭᠤᠭᠠᠳ ᠬᠤᠳᠠᠯ ᠢ᠋ᠶ᠋ᠠᠷ ᠢᠨᠢᠶᠡᠮᠰᠦᠭᠯᠡᠭᠰᠡᠨ ᠳᠦᠷᠢ ᠦᠵᠡᠭᠦᠯᠦᠭᠡᠳ ᠢᠩᠭᠢᠵᠦ ᠬᠡᠯᠡᠯᠡ᠃
— ᠦ᠂ ᠵᠠᠪᠠᠯ ᠢᠩᠭᠢᠵᠦ ᠥᠪᠡᠷ ᠢ᠋ ᠪᠡᠨ ᠵᠣᠪᠠᠭᠠᠬᠤ ᠬᠡᠷᠡᠭ ᠦᠭᠡᠢ ᠮᠠᠩᠭᠢᠲ᠋ᠠ ᠮᠢᠨᠦ ᠡᠭᠡᠴᠢ ᠰᠢᠦ ᠳᠡ᠂ ᠨᠠᠭᠠᠳᠤ ᠳᠠᠩ ᠢ᠋ᠶ᠋ᠠᠨ ᠨᠠᠳᠠ ᠳ᠋ᠤ᠌ ᠥᠭᠴᠢᠬᠡ᠂ ᠪᠢ ᠡᠭᠡᠴᠢ ᠶ᠋ᠢ ᠪᠡᠨ ᠠᠰᠠᠷᠠᠶᠠ
— ᠨᠡᠭᠡᠷᠡᠨ ᠲᠡᠭᠡᠬᠦ ᠶᠦᠮ ᠤᠤ?
— ᠦ᠂ ᠳᠡᠭᠡᠯ ᠦᠭᠡᠢ ᠶᠠᠭᠠᠬᠢᠬᠤᠪ ᠳᠠ
— ᠠ᠋᠂ ᠲᠡᠭᠡᠪᠡᠯ ᠲᠡᠭᠡ ᠳᠡ
ᠯᠠᠷᠢᠨᠠ ᠡᠮᠡᠭᠡᠨ ᠡᠴᠡ ᠡᠮ ᠳᠠᠩ ᠲᠠᠢ ᠤᠭᠤᠲᠠ ᠶ᠋ᠢ ᠠᠪᠤᠯᠠ᠃ ᠮᠠᠩᠭᠢᠲ᠋ᠠ ᠰᠥᠨᠢ ᠤᠯᠠᠮ ᠶᠡᠬᠡ ᠬᠠᠯᠠᠭᠤᠷᠠᠵᠤ ᠰᠥᠨᠢᠵᠢᠨ ᠢ᠋ᠶ᠋ᠡᠨ ᠤᠨᠲᠠᠵᠤ ᠴᠢᠳᠠᠯ ᠦᠭᠡᠢ ᠬᠥᠷᠪᠡᠵᠦ ᠬᠣᠨᠣᠯᠠ᠂ ᠤᠳᠠᠯ
ᠦᠭᠡᠢ ᠨᠢᠳᠦ ᠨᠢ ᠬᠦᠷᠲᠡᠯᠡ ᠰᠢᠷᠠᠯᠠᠵᠤ ᠡᠬᠢᠯᠡᠯᠡ᠃ ᠯᠠᠷᠢᠨᠠ ᠡᠪᠡᠳᠴᠦ ᠰᠢᠨᠠᠯᠵᠤ ᠪᠠᠢᠭᠠ ᠡᠭᠡᠴᠢ ᠶ᠋ᠢ ᠪᠡᠨ ᠬᠠᠷᠠᠭᠠᠳ ᠶᠡᠬᠡᠳᠡ ᠪᠠᠶᠠᠷᠯᠠᠵᠤ ᠪᠠᠢᠯᠠ᠂ ᠲᠡᠷᠡ ᠡᠮ ᠳᠠᠩ ᠤ᠋ᠨ ᠲᠤᠬᠠᠢ ᠬᠡᠯᠡᠭᠰᠡᠨ ᠦᠭᠡᠢ ᠪᠦᠷ ᠡᠮ ᠳᠠᠩ ᠢ᠋ ᠣᠷᠣᠨ ᠳᠣᠣᠭᠤᠷ ᠢ᠋ᠶ᠋ᠠᠨ ᠬᠢᠵᠦ ᠨᠢᠭᠤᠯᠠ᠃
ᠮᠠᠷᠭᠠᠰᠢ ᠥᠷᠯᠥᠭᠡ ᠨᠢ ᠯᠠᠷᠢᠨᠠ ᠰᠡᠷᠡᠭᠡᠳ᠂ ᠡᠭᠡᠴᠢ ᠨᠢ ᠶᠡᠬᠡ ᠬᠥᠯᠥᠷᠡᠭᠰᠡᠨ ᠪᠠᠢᠬᠤ ᠶ᠋ᠢ ᠬᠠᠷᠠᠯᠠ᠂ ᠳᠣᠲᠣᠷᠠ ᠪᠠᠨ ᠢᠨᠢᠶᠡᠮᠰᠦᠭᠯᠡᠭᠡᠳ ᠶᠠᠭ ᠭᠡᠷ ᠡᠴᠡ ᠪᠡᠨ ᠭᠠᠷᠬᠤ ᠭᠡᠵᠦ ᠪᠠᠢᠬᠤ ᠳ᠋ᠤ᠌ ᠨᠢ ᠥᠨᠥᠬᠢ ᠡᠮᠡᠭᠡᠨ ᠭᠡᠷ ᠲᠦ᠍ ᠨᠢ ᠣᠷᠣᠭᠠᠳ ᠢᠷᠡᠯᠡ᠃
— ᠠ᠂ ᠶᠠᠭᠤ ᠪᠣᠢ᠂ ᠲᠠ ᠴᠢᠨᠢ ᠶᠠᠭᠠᠬᠢᠭᠠᠳ ᠵᠥᠪᠰᠢᠶᠡᠷᠡᠯ ᠦᠭᠡᠢ ᠪᠡᠷ ᠮᠠᠨ ᠤ᠋ ᠳ᠋ᠤ᠌ ᠣᠷᠣᠵᠤ ᠢᠷᠡᠵᠦ ᠪᠠᠢᠭᠠ ᠶᠤᠮ?
ᠡᠮᠡᠭᠡᠨ ᠢᠨᠢᠶᠡᠮᠰᠦᠭᠯᠡᠭᠡᠳ ᠬᠤᠷᠤᠭᠤ ᠪᠠᠨ ᠢᠨᠴᠢᠳᠦᠨ ᠳᠤᠤᠭᠠᠷᠭᠠᠯᠠ ᠭᠡᠲᠡᠯᠡ ᠲᠡᠷᠡ ᠳᠣᠣᠷᠠ ᠪᠠᠨ ᠡᠮᠡᠭᠡᠨ ᠴᠢᠷᠠᠢᠯᠢᠭ ᠰᠠᠢᠬᠠᠨ ᠬᠠᠨ ᠬᠦᠦ ᠪᠣᠯᠤᠨ ᠬᠤᠪᠢᠷᠠᠯᠠ᠃
— ᠶᠠᠭᠤ ᠪᠣᠢ? ᠲᠠ ᠴᠢᠨᠢ ᠰᠠᠬᠢᠭᠤᠯᠰᠤᠨ ᠲᠩᠷᠢ ᠶᠦᠮ ᠤᠤ?
— ᠬᠡᠩ᠂ ᠰᠠᠬᠢᠭᠤᠯᠰᠤᠨ ᠲᠩᠷᠢ ᠪᠢᠰᠢ᠂ ᠪᠢ ᠪᠣᠯ ᠬᠠᠨ ᠬᠦᠦ ᠸᠠᠯᠢᠸᠢᠳᠤᠮ ᠣᠷᠳᠣᠨ ᠤ᠋ ᠬᠠᠨ ᠬᠦᠦ᠂ ᠪᠢ ᠷᠢᠳᠢ ᠰᠢᠳᠢ ᠲᠡᠢ ᠲᠤᠯᠠ ᠡᠨᠡ ᠳᠡᠯᠡᠬᠡᠢ ᠶ᠋ᠢᠨ ᠬᠠᠮᠤᠭ ᠤ᠋ᠨ ᠰᠠᠢᠬᠠᠨ ᠰᠡᠳᠬᠢᠯ ᠲᠡᠢ ᠪᠦᠰᠡᠭᠦᠢ ᠲᠡᠢ ᠭᠡᠷᠯᠡᠬᠦ ᠪᠡᠷ ᠬᠠᠢᠵᠤ ᠪᠠᠢᠭᠰᠠᠨ ᠶᠤᠮ᠂ ᠲᠡᠭᠡᠭᠡᠳ ᠥᠪᠡᠷ ᠦ᠋ᠨ ᠬᠠᠢᠵᠤ ᠪᠠᠢᠭᠰᠠᠨ ᠪᠦᠰᠡᠭᠦᠢ ᠪᠡᠨ ᠣᠯᠴᠢᠬᠠᠯᠠ ᠭᠡᠬᠦ ᠳ᠋ᠦ᠍ ᠲᠡᠷᠡ ᠪᠦᠰᠡᠭᠦᠢ ᠮᠢᠨᠢ ᠵᠥᠪᠰᠢᠶᠡᠷᠡᠪᠡᠯ ᠰᠢᠦ ᠳᠡ
— ᠦᠭᠡᠢ ᠶᠠᠭᠠᠬᠢᠬᠤᠪ᠂ ᠵᠥᠪᠰᠢᠶᠡᠷᠡᠯ ᠦᠭᠡᠢ ᠶᠠᠭᠠᠬᠢᠬᠤᠪ ᠬᠠᠨ ᠬᠦᠦ᠂ ᠨᠠᠮᠠ ᠶ᠋ᠢ ᠡᠨᠡ ᠡᠳᠦᠷ ᠢ᠋ ᠶᠠᠮᠠᠷ ᠤᠳᠠᠭᠠᠨ ᠬᠦᠯᠢᠶᠡᠭᠰᠡᠨ ᠭᠡᠵᠦ ᠪᠣᠳᠣᠵᠤ ᠪᠠᠢᠨᠠ? ᠡᠨᠡ ᠨᠣᠣᠷᠬᠠᠢ ᠣᠷᠤᠮᠵᠢᠨ ᠠ᠋ᠴᠠ ᠬᠤᠷᠳᠤᠨ ᠭᠠᠷᠤᠭᠠᠳ ᠣᠷᠳᠣᠨ ᠳ᠋ᠤ᠌ ᠴᠢᠨᠢ ᠣᠴᠢᠵᠤ ᠠᠵᠠ ᠵᠢᠷᠭᠠᠯ ᠲᠠᠢ ᠠᠮᠢᠳᠤᠷᠠᠶᠠ᠃
— ᠴᠢᠮᠡᠭᠡ ᠦᠭᠡᠢ᠂ ᠥᠭᠡᠳᠡ ᠦᠭᠡᠢ ᠠᠮᠢᠲᠠᠨ ᠮᠢᠨᠢ᠂ ᠪᠢ ᠴᠢᠨᠦ ᠲᠤᠬᠠᠢ ᠶᠠᠷᠢᠭᠠ ᠦᠭᠡᠢ ᠪᠠᠢᠨᠠ᠃
— ᠶᠠᠭᠤ?
ᠰᠲ᠋ᠢᠸᠸᠨ ᠬᠠᠨ ᠬᠦᠦ ᠮᠠᠩᠭᠢᠲ᠋ᠠ ᠤᠷᠤᠭᠤ ᠨᠢᠭᠡ ᠬᠠᠷᠠᠴᠢᠬᠠᠭᠠᠳ ᠲᠡᠭᠡᠭᠡᠳ ᠨᠢᠳᠦ ᠪᠡᠨ ᠠᠨᠢᠯᠠ᠂ ᠬᠠᠨ ᠬᠦᠦ ᠶ᠋ᠢᠨ ᠪᠡᠶᠡ ᠶ᠋ᠢ ᠠᠯᠲᠠᠨ ᠰᠢᠷᠭᠠᠯ ᠥᠩᠭᠡ ᠲᠡᠢ ᠭᠡᠷᠡᠯ ᠪᠦᠷᠬᠦᠯᠡ ᠨᠢᠳᠦ ᠪᠡᠨ ᠠᠨᠢᠭᠠᠳ ᠬᠡᠪᠲᠡᠵᠦ ᠪᠠᠢᠭᠰᠠᠨ ᠮᠩᠭᠢᠲᠠ ᠴᠤ᠌ ᠭᠡᠰᠡᠨ ᠠᠯᠲᠠᠨ ᠰᠢᠷᠭᠠᠯ ᠥᠩᠭᠡ ᠲᠡᠢ ᠭᠡᠷᠡᠯ ᠢ᠋ᠶ᠋ᠡᠷ ᠪᠦᠷᠬᠦᠭᠳᠡᠯᠡ᠃ ᠯᠠᠷᠢᠨᠠ ᠡᠨᠡ ᠪᠦᠬᠦᠨ ᠢ᠋ ᠮᠠᠯ ᠭᠠᠢᠬᠠᠨ ᠬᠠᠷᠠᠯᠠ᠃ ᠤᠳᠠᠯ ᠦᠭᠡᠢ ᠮᠠᠩᠭᠢᠲ᠋ᠠ ᠨᠢᠳᠦ ᠪᠡᠨ ᠨᠡᠭᠡᠭᠡᠭᠡᠳ ᠪᠣᠰᠬᠤ ᠳ᠋ᠤ᠌ ᠪᠡᠶᠡ ᠨᠢ ᠡᠳᠡᠭᠡᠷᠡᠭᠰᠡᠨ ᠪᠠᠢᠯᠠ᠃ ᠰᠲ᠋ᠢᠸᠸᠨ ᠬᠠᠨ ᠬᠦᠦ ᠴᠤ᠌ ᠭᠡᠰᠡᠨ ᠨᠢᠳᠦ ᠪᠡᠨ ᠨᠡᠭᠡᠭᠡᠬᠦ ᠳ᠋ᠦ᠍ ᠰᠢᠷᠭᠠᠯ ᠭᠡᠷᠡᠯ ᠨᠢ ᠴᠤ᠌ ᠠᠯᠠᠭᠠ ᠪᠣᠯᠵᠤ ᠣᠷᠬᠢᠯᠠ᠂ ᠮᠠᠩᠭᠢᠲ᠋ᠠ ᠶᠠᠭᠤ ᠪᠣᠯᠤᠭᠰᠠᠨ ᠢ᠋ ᠮᠡᠳᠡᠭᠡ ᠦᠭᠡᠢ ᠪᠣᠯᠬᠣᠷ ᠭᠠᠢᠬᠠᠨ ᠵᠣᠭᠰᠣᠯᠠ᠂ ᠰᠲ᠋ᠢᠸᠸᠨ ᠬᠠᠨ ᠬᠦᠦ ᠢᠨᠢᠶᠡᠮᠰᠦᠭᠯᠡᠨ ᠮᠠᠩᠭᠢᠲ᠋ᠠ ᠳ᠋ᠤ᠌ ᠶᠠᠭᠤ ᠪᠣᠯᠤᠭᠰᠠᠨ ᠢ᠋ ᠪᠦᠭᠦᠳᠡ ᠶ᠋ᠢ ᠨᠢ ᠶᠠᠷᠢᠵᠤ ᠥᠭᠭᠦᠯᠡ᠃
— ᠪᠢ ᠰᠥᠨᠢᠵᠢᠨ ᠢ᠋ᠶ᠋ᠡᠨ ᠭᠠᠳᠠᠨᠠ ᠠ᠋ᠴᠠ ᠴᠢᠮᠠ ᠶ᠋ᠢ ᠠᠵᠢᠭᠯᠠᠨ ᠬᠠᠷᠠᠵᠤ ᠪᠠᠢᠭᠰᠠᠨ ᠶᠤᠮ᠂ ᠭᠡᠲᠡᠯᠡ ᠳᠡᠭᠦᠦ ᠴᠢᠨᠢ ᠴᠢᠮᠠ ᠳ᠋ᠤ᠌ ᠡᠮ ᠳᠠᠩ ᠥᠭᠭᠦᠭᠡ ᠦᠭᠡᠢ ᠬᠠᠷᠢᠨ ᠴᠤ᠌ ᠪᠡᠶᠡ ᠶ᠋ᠢ ᠴᠢᠨᠢ ᠮᠠᠭᠤᠳᠠᠬᠤ ᠶ᠋ᠢ ᠯᠡ ᠬᠦᠰᠡᠵᠦ ᠪᠠᠢᠭᠰᠠᠨ᠃ ᠡᠨᠡ ᠪᠦᠬᠦᠨ ᠢ᠋ ᠰᠣᠨᠣᠰᠤᠭᠠᠳ ᠮᠠᠩᠭᠢᠲ᠋ᠠ ᠶᠡᠬᠡᠳᠡ ᠴᠣᠴᠢᠷᠲᠠᠯᠠ᠃ ᠲᠡᠭᠡᠭᠡᠳ ᠳᠡᠭᠦᠦ ᠳ᠋ᠦ᠍ ᠪᠡᠨ ᠬᠠᠨᠳᠤᠨ ᠢᠩᠭᠢᠵᠦ ᠬᠡᠯᠡᠯᠡ
— ᠯᠠᠷᠢᠨᠠ ᠶᠠᠭᠠᠬᠢᠵᠤ ᠪᠠᠢᠭᠠ ᠶᠤᠮ ᠪᠣᠢ? ᠶᠠᠭᠠᠬᠢᠭᠠᠳ ᠨᠠᠳᠠ ᠳ᠋ᠤ᠌ ᠡᠢᠮᠦ ᠮᠠᠭᠤ ᠶᠤᠮ ᠪᠣᠢ?
— ᠦᠭᠡᠢ᠂ ᠡᠢᠮᠦ ᠤᠳᠬᠠ ᠦᠭᠡᠢ ᠶᠠᠭᠤᠮᠠ ᠶᠠᠷᠢᠬᠤ ᠴᠠᠭ ᠠᠯᠠᠭᠠ᠂ ᠨᠠᠭᠠᠳᠤ ᠬᠠᠨ ᠬᠦᠦ ᠲᠡᠢ ᠪᠡᠨ ᠬᠤᠷᠳᠤᠨ ᠶᠠᠪᠤᠭᠠᠳ ᠨᠠᠮᠠ ᠶ᠋ᠢ ᠣᠷᠬᠢᠵᠤ ᠦᠵᠡ᠂ ᠪᠢ ᠲᠠᠨ ᠳ᠋ᠤ᠌ ᠬᠡᠵᠢᠶᠡ ᠴᠦ᠍ ᠰᠠᠢᠨ ᠪᠠᠢᠭᠠ ᠦᠭᠡᠢ᠂ ᠴᠠᠭᠠᠰᠢᠳᠠ ᠳ᠋ᠤ᠌ ᠴᠤ᠌ ᠭᠡᠰᠡᠨ ᠦᠵᠡᠨ ᠶᠠᠳᠠᠨᠠ᠃
ᠮᠠᠩᠭᠢᠲ᠋ᠠ ᠶ᠋ᠢᠨ ᠬᠠᠴᠠᠷ ᠢ᠋ ᠳ᠋ᠡᠭᠡᠨ ᠨᠢᠯᠪᠤᠰᠤ ᠤᠷᠤᠰᠤᠭᠰᠠᠨ ᠪᠣᠯᠪᠠᠴᠤ ᠬᠠᠨ ᠬᠦᠦ ᠣᠢᠷᠠᠲᠤᠨ ᠢᠷᠡᠭᠡᠳ ᠲᠠᠢᠳᠬᠤᠷᠠᠭᠤᠯᠤᠯᠠ᠃
— ᠳᠡᠭᠦᠦ ᠡᠴᠡ ᠪᠡᠨ ᠪᠣᠯᠵᠤ ᠰᠢᠨᠠᠯᠵᠤ ᠭᠤᠨᠢᠭᠯᠠᠬᠤ ᠬᠡᠷᠡᠭ ᠦᠭᠡᠢ᠂ ᠴᠢᠨᠦ ᠬᠠᠢᠷᠠ᠂ ᠰᠠᠢᠬᠠᠨ ᠰᠡᠳᠬᠢᠯ ᠢ᠋ ᠬᠦᠷᠲᠡᠬᠦ ᠡᠷᠬᠡ ᠦᠭᠡᠢ ᠬᠥᠮᠦᠨ ᠰᠢᠦ ᠳᠡ᠂ ᠡᠨᠳᠡ ᠡᠴᠡ ᠶᠠᠪᠤᠭᠠᠳ ᠮᠠᠨ ᠤ᠋ ᠤᠯᠤᠰ ᠲᠤ ᠣᠴᠢᠶᠠ᠂ ᠪᠢ ᠴᠢᠨᠦ ᠨᠥᠬᠥᠷ ᠪᠣᠯᠤᠮᠠᠷ ᠪᠠᠢᠨᠠ᠂ ᠬᠡᠷᠪᠡ ᠡᠬᠡᠨᠡᠷ ᠮᠠᠨᠢ ᠪᠣᠯᠬᠤ ᠶ᠋ᠢ ᠵᠥᠪᠰᠢᠶᠡᠷᠡᠪᠡᠯ ᠰᠢᠦ ᠳᠡ
— ᠭᠡᠪᠡᠴᠦ᠂ ᠭᠡᠪᠡᠴᠦ ᠮᠢᠨᠦ ᠳᠡᠭᠦᠦ ᠰᠢᠦ ᠳᠡ
— ᠭᠡᠬᠦ ᠳ᠋ᠦ᠍ ᠪᠡᠨ ᠵᠠᠷᠢᠮ ᠬᠥᠮᠦᠨ ᠬᠡᠵᠢᠶᠡ ᠴᠦ᠍ ᠥᠭᠡᠷᠡᠴᠢᠯᠡᠭᠳᠡᠳᠡᠭ ᠦᠭᠡᠢ ᠶᠦᠮ᠂ ᠣᠳᠣ ᠣᠢᠯᠠᠭᠠᠭᠰᠠᠨ ᠨᠢ ᠳᠡᠭᠡᠷᠡ ᠠ᠋
— ᠲᠠ ᠬᠣᠶᠠᠷ ᠳᠠᠭᠤᠰᠤᠭᠰᠠᠨ ᠤᠤ? ᠮᠢᠨᠦ ᠪᠦᠷ ᠳᠤᠷᠠ ᠦᠭᠡᠢ ᠬᠦᠷᠦᠭᠡᠳ ᠪᠠᠢᠨᠠ᠃
ᠮᠠᠩᠭᠢᠲ᠋ᠠ ᠬᠠᠨ ᠬᠦᠦ ᠤᠷᠤᠭᠤ ᠬᠠᠷᠠᠭᠠᠳ ᠲᠣᠯᠣᠭᠠᠢ ᠳᠣᠬᠢᠯᠠ᠂ ᠰᠲ᠋ᠢᠸᠸᠨ ᠬᠠᠨ ᠬᠦᠦ ᠬᠤᠷᠤᠭᠤ ᠪᠠᠨ ᠢᠨᠴᠢᠳᠦᠨ ᠳᠤᠤᠭᠠᠷᠭᠠᠬᠤ ᠳ᠋ᠤ᠌ ᠲᠡᠷᠡ ᠬᠣᠶᠠᠷ ᠠᠭᠤᠰᠤᠨ ᠠᠯᠠᠭᠠ ᠪᠣᠯᠤᠯᠠ᠃ ᠬᠤᠷᠢᠮ ᠤ᠋ᠨ ᠡᠳᠦᠷ ᠮᠩᠭᠢᠲ᠋ᠠ ᠰᠲ᠋ᠢᠸᠸᠨ ᠬᠠᠨ ᠬᠦᠦ ᠬᠣᠶᠠᠷ ᠪᠡᠶᠡ ᠪᠡᠶᠡ ᠳ᠋ᠦ᠍ ᠪᠡᠨ ᠦᠨᠡᠨᠴᠢ ᠠᠮᠢᠳᠤᠷᠠᠬᠤ ᠪᠠᠨ ᠠᠮᠠᠯᠠᠵᠤ᠂ ᠲᠡᠷᠡ ᠴᠠᠭ ᠠ᠋ᠴᠠ ᠬᠣᠢᠰᠢ ᠠᠵᠠ ᠵᠢᠷᠭᠠᠯᠲᠠᠢ ᠠᠮᠢᠳᠤᠷᠠᠭᠰᠠᠨ ᠶᠤᠮ ᠭᠡᠳᠡᠭ᠃
ᠯᠠᠷᠢᠨᠠ ᠣᠭᠲᠣᠬᠠᠨ ᠴᠤ᠌ ᠥᠭᠡᠷᠡᠴᠢᠯᠡᠭᠳᠡᠭᠰᠡᠨ ᠦᠭᠡᠢ ᠮᠠᠭᠤᠬᠠᠢ ᠠᠭᠠᠰᠢᠯᠠᠳᠠᠭ ᠬᠡᠪ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠪᠠᠢᠯᠠ᠂ ᠲᠡᠷᠡ ᠣᠭᠲᠣᠬᠠᠨ ᠴᠤ᠌ ᠥᠭᠡᠷᠡᠴᠢᠯᠡᠭᠳᠡᠭᠰᠡᠨ ᠦᠭᠡᠢ᠃ ᠭᠡᠪᠡᠴᠦ ᠮᠠᠩᠭᠢᠲ᠋ᠠ ᠡᠭᠡᠴᠢ ᠨᠢ ᠳᠡᠭᠦᠦ ᠳ᠋ᠦ᠍ ᠪᠡᠨ ᠮᠡᠳᠡᠭᠳᠡᠯ ᠦᠭᠡᠢ ᠪᠡᠷ ᠬᠠᠩᠭᠠᠯᠲᠠ ᠲᠠᠢ ᠶᠡᠬᠡ ᠬᠣᠭᠣᠯᠠ ᠬᠦᠨᠡᠰᠦ ᠠᠪᠴᠢᠷᠠᠵᠤ ᠥᠭᠳᠡᠭ ᠪᠠᠢᠭᠰᠠᠨ ᠶᠤᠮ᠃ ᠳᠡᠭᠦᠦ ᠪᠡᠨ ᠥᠭᠡᠷᠡᠴᠢᠯᠡᠭᠳᠡᠭᠡᠰᠡᠢ ᠭᠡᠵᠦ ᠵᠠᠯᠪᠠᠷᠢᠬᠤ ᠮᠩᠭᠢᠲ᠋ᠠ ᠶ᠋ᠢ ᠬᠠᠷᠠᠭᠠᠳ ᠬᠠᠨ ᠬᠦᠦ ᠢᠨᠢᠶᠡᠮᠰᠦᠭᠯᠡᠪᠡ᠃
— ᠨᠡᠭᠡᠷᠡᠨ ᠯᠡ ᠵᠠᠷᠢᠮ ᠬᠥᠮᠦᠨ ᠣᠭᠲᠣᠬᠠᠨ ᠴᠤ᠌ ᠥᠭᠡᠷᠡᠴᠢᠯᠡᠭᠳᠡᠬᠦ ᠦᠭᠡᠢ ᠶᠦᠮ ᠠ᠋
— ᠮᠠᠨ ᠤ᠋ ᠳᠡᠭᠦᠦ ᠬᠡᠵᠢᠶᠡ ᠨᠢᠭᠡᠨ ᠡᠳᠦᠷ ᠥᠭᠡᠷᠡᠴᠢᠯᠡᠭᠳᠡᠨᠡ᠂ ᠪᠢ ᠢᠲᠡᠭᠡᠵᠦ ᠪᠠᠢᠨᠠ᠃
— ᠬᠡ᠂ ᠬᠡ ᠳᠡᠭᠦᠦ ᠶ᠋ᠢᠨ ᠴᠢᠨᠢ ᠲᠤᠬᠠᠢ ᠶᠠᠷᠢᠭᠠ ᠦᠭᠡᠢ ᠪᠠᠢᠨᠠ᠂ ᠳᠡᠭᠦᠦ ᠶ᠋ᠢᠨ ᠢ᠋ᠶ᠋ᠡᠨ ᠲᠥᠯᠥᠭᠡ ᠦᠷᠭᠦᠯᠵᠢ ᠰᠠᠨᠠᠭᠠ ᠵᠣᠪᠠᠵᠤ᠂ ᠳᠡᠭᠦᠦ ᠳ᠋ᠦ᠍ ᠪᠡᠨ ᠢᠲᠡᠭᠡᠳᠡᠭ ᠴᠢᠨᠦ ᠲᠤᠬᠠᠢ ᠶᠠᠷᠢᠵᠤ ᠪᠠᠢᠨᠠ᠃
— ᠬᠠ ᠬᠠ ᠬᠠ᠂ ᠬᠡ ᠬᠡ ᠬᠡ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠬᠣᠩ ᠮᠧᠢ
ᠬᠢᠨᠠᠭᠴᠢ᠄ ᠰᠡᠬᠡᠭᠡᠷᠡᠯ᠂ ᠢᠷᠡᠭᠡᠳᠦᠢ