ᠰᠣᠭᠰᠣᠷ ᠴᠠᠬᠢᠷᠮᠠСогсор цахирмааSogsor tsakhirmaa
137ᠰᠣᠭᠰᠣᠷ ᠴᠠᠬᠢᠷᠮᠠ
ᠲᠤᠰ ᠡᠮ ᠪᠣᠯ ᠴᠠᠬᠢᠷᠮᠠ ᠶ᠋ᠢᠨ ᠢᠵᠠᠭᠤᠷ ᠤ᠋ᠨ ᠤᠷᠭᠤᠮᠠᠯ ᠪᠣᠯᠬᠤ ᠠᠯᠲᠠᠨ ᠰᠣᠭᠰᠣᠷ ᠴᠠᠬᠢᠷᠮᠠ᠂ ᠴᠠᠭᠠᠷᠢᠬᠯᠢᠭ᠋ ᠰᠣᠭᠰᠣᠷ ᠴᠠᠬᠢᠷᠮᠠ᠂ ᠰᠢᠷᠠ ᠰᠣᠭᠰᠣᠷ ᠴᠠᠬᠢᠷᠮᠠ᠂ ᠲᠡᠮᠦᠷᠰᠡᠭ ᠰᠤᠭᠰᠤᠷ ᠴᠠᠬᠢᠷᠮᠠ᠂ ᠲᠠᠰᠢᠭᠤᠷ ᠰᠣᠭᠰᠣᠷ ᠴᠠᠬᠢᠷᠮᠠ ᠶ᠋ᠢᠨ ᠬᠠᠲᠠᠭᠠᠭᠰᠠᠨ ᠡᠰᠢ ᠮᠥᠨ᠃ ᠪᠠᠰᠠ ᠪᠦᠱᠸᠯᠽᠧ᠂ ᠰᠢᠷᠠ ᠡᠪᠡᠰᠦ ᠭᠡᠳᠡᠭ᠃
[ ᠤᠤᠯ ᠤᠷᠭᠤᠮᠠᠯ]1. ᠠᠯᠲᠠᠨ ᠰᠣᠭᠰᠣᠷ ᠴᠠᠬᠢᠷᠮᠠ ᠣᠯᠠᠨ ᠨᠠᠰᠤᠲᠤ ᠳᠠᠭᠠᠯᠳᠤᠨ ᠤᠷᠭᠤᠬᠤ ᠡᠪᠡᠰᠦᠯᠢᠭ ᠤᠷᠭᠤᠮᠠᠯ᠃30~60cm ᠥᠨᠳᠥᠷ᠂ ᠪᠤᠲᠠᠯᠠᠨᠠ᠃ ᠲᠤᠷᠤᠭ ᠪᠦᠳᠦᠭᠦᠨ ᠣᠯᠠᠨ ᠦᠶᠡ ᠲᠡᠢ᠂ ᠦᠶᠡ ᠶ᠋ᠢᠨ ᠵᠠᠢ ᠨᠢ2.4~4cm ᠤᠷᠲᠤ᠂ ᠰᠢᠷᠠᠩᠭᠤᠢ ᠨᠣᠭᠣᠭᠠᠨ᠂ ᠳᠡᠭᠡᠷᠡ ᠬᠡᠰᠡᠭ ᠨᠢ ᠵᠢᠭᠠᠬᠠᠨ ᠬᠠᠪᠲᠠᠭᠠᠢ ᠪᠥᠭᠡᠳ ᠨᠤᠭᠤᠷᠠᠭᠰᠠᠨ ᠪᠠᠢᠳᠠᠭ᠃ ᠭᠤᠯᠳᠤ ᠬᠣᠪᠢᠯ ᠠᠷᠲᠠᠢ᠂ ᠳᠣᠣᠷᠠ ᠬᠡᠰᠡᠭ ᠨᠢ ᠪᠥᠭᠡᠷᠡᠩᠬᠡᠢ ᠪᠠᠭᠠᠨᠠ ᠬᠡᠯᠪᠡᠷᠢ ᠲᠡᠢ᠂ ᠤᠭ ᠨᠢ ᠲᠣᠮᠣᠷᠠᠨᠠ᠃ ᠨᠠᠪᠴᠢ ᠨᠢ ᠰᠠᠷᠢᠰᠤᠯᠢᠭ ᠰᠢᠭ᠋᠂3~7 ᠨᠠᠪᠴᠢ ᠡᠰᠢᠨ ᠦ᠌ ᠳᠡᠭᠡᠷᠡ ᠬᠡᠰᠡᠭ ᠡᠴᠡ ᠨᠢ ᠤᠷᠭᠤᠨᠠ᠂ ᠤᠷᠲᠤᠯᠵᠢᠨ ᠲᠣᠭᠣᠷᠢᠭ᠂ ᠣᠷᠣᠢ ᠳ᠋ᠤᠨᠢ2 ᠣᠨᠢ ᠲᠠᠢ᠃ ᠴᠡᠴᠡᠭᠯᠡᠬᠦ ᠬᠤᠭᠤᠴᠠᠭᠠᠨ ᠳ᠋ᠤ᠌ ᠨᠠᠪᠴᠢ ᠲᠠᠢ ᠪᠤᠶᠤ ᠦᠭᠡᠢ᠃ ᠴᠠᠴᠤᠭ ᠬᠡᠯᠪᠡᠷᠢᠲᠦ ᠪᠠᠭ ᠴᠡᠴᠡᠭ ᠨᠢ1~4 ᠬᠦᠢᠰ ᠴᠡᠴᠡᠭ ᠲᠡᠢ᠃ ᠶᠡᠷᠦᠩᠬᠡᠢ ᠴᠡᠴᠡᠭ ᠦ᠋ᠨ ᠪᠠᠷᠢᠭᠤᠯ ᠨᠢ1cm ᠣᠷᠴᠢᠮ ᠤᠷᠲᠤ᠂ ᠤᠭ ᠲᠤᠨᠢ ᠲᠣᠭᠳᠣᠢᠯᠢᠭ᠋ ᠪᠠᠭᠯᠠᠭᠴᠢ ᠢᠯᠲᠠᠰᠤ ᠲᠠᠢ᠂ ᠪᠠᠭᠯᠠᠭᠴᠢ ᠢᠯᠲᠠᠰᠤ ᠨᠢ ᠬᠠᠯᠢᠰᠤᠯᠢᠭ᠂6~13mm ᠤᠷᠲᠤ᠃ ᠴᠡᠴᠡᠭ ᠨᠢ ᠲᠣᠮᠣ᠂ ᠳ᠋ᠢᠶᠠᠮᠧᠲ᠋ᠷ ᠨᠢ8cm᠂ ᠤᠨᠵᠢᠢᠵᠤ ᠳᠡᠯᠭᠡᠷᠡᠨᠡ᠃ ᠲᠣᠭᠳᠣᠢ ᠨᠢ ᠤᠷᠲᠤᠯᠵᠢᠨ ᠲᠣᠭᠣᠷᠢᠭ᠂ ᠦᠵᠦᠭᠦᠷ ᠨᠢ ᠵᠢᠭᠠᠬᠠᠨ ᠮᠤᠬᠤᠷ᠂ ᠲᠣᠭᠳᠣᠢ ᠶ᠋ᠢᠨ ᠪᠠᠭᠴᠠ ᠨᠢ ᠣᠬᠣᠷ ᠪᠥᠭᠡᠳ ᠮᠤᠬᠤᠷ᠂5mm ᠣᠷᠴᠢᠮ ᠤᠷᠲᠤ᠃ ᠴᠡᠴᠡᠭ ᠦ᠋ᠨ ᠬᠡᠯᠲᠡᠰ ᠨᠢ ᠵᠤᠤᠪᠠᠩ ᠬᠡᠯᠪᠡᠷᠢ ᠲᠡᠢ᠂ ᠲᠣᠭᠳᠣᠢ ᠢᠯᠲᠠᠰᠤ ᠠ᠋ᠴᠠ ᠪᠠᠨ ᠣᠬᠣᠷ᠂ ᠥᠷᠭᠡᠨ ᠨᠢ2.8cm᠂ ᠣᠬᠣᠷ ᠬᠢᠮᠤᠰᠤ ᠲᠠᠢ᠂ ᠬᠣᠶᠠᠷ ᠲᠠᠯᠠ ᠳ᠋ᠤᠨᠢ ᠦᠰᠦ ᠲᠡᠢ᠂ ᠤᠷᠤᠭᠤᠯ ᠤ᠋ᠨ ᠲᠠᠪᠠᠭ ᠳᠡᠭᠡᠷᠡ ᠨᠢ1 ᠪᠣᠷᠣ ᠲᠣᠯᠪᠣ ᠲᠠᠢ᠃ ᠡᠷᠡ ᠲᠣᠭᠣᠷᠴᠣᠭ ᠨᠢ ᠱᠣᠷᠣᠯᠵᠢᠨ᠂ ᠲᠣᠭᠣᠰᠣᠪᠴᠢ ᠨᠢ2 ᠲᠠᠰᠤᠭ ᠲᠠᠢ᠂ ᠬᠣᠩᠭᠣᠷᠴᠣᠭᠲᠤ ᠵᠢᠮᠢᠰ ᠲᠡᠢ᠃4~6 ᠳ᠋ᠤᠭᠠᠷ ᠰᠠᠷᠠ ᠳ᠋ᠤ᠌ ᠴᠡᠴᠡᠭᠯᠡᠨᠡ᠃
2. ᠴᠠᠭᠠᠷᠢᠬᠯᠢᠭ᠋ ᠰᠤᠭᠰᠤᠷ ᠴᠠᠬᠢᠷᠮᠠ ᠡᠰᠢ ᠨᠢ ᠪᠥᠭᠡᠷᠡᠩᠬᠡᠢ ᠪᠠᠭᠠᠨᠠ ᠬᠡᠯᠪᠡᠷᠢ ᠲᠡᠢ᠂ ᠤᠶᠠᠨ ᠵᠥᠭᠡᠯᠡᠨ ᠳᠣᠷᠣᠭᠰᠢ ᠤᠨᠵᠢᠢᠨᠠ᠂10~45cm ᠥᠨᠳᠥᠷ᠂2~7mm ᠪᠦᠳᠦᠭᠦᠨ᠃ ᠨᠠᠪᠴᠢ ᠨᠢ ᠴᠠᠭᠠᠰᠤᠯᠢᠭ᠂ ᠨᠠᠪᠴᠢᠨ ᠢᠯᠲᠠᠰᠤ ᠨᠢ ᠲᠣᠭᠣᠷᠢᠬᠯᠢᠭ᠋ ᠬᠠᠪᠲᠠᠭᠠᠢ ᠲᠡᠪᠡᠨᠡ ᠪᠤᠶᠤ ᠬᠡᠯᠡ ᠬᠡᠯᠪᠡᠷᠢ ᠲᠡᠢ᠂2~5cm ᠤᠷᠲᠤ᠂1~1.5cm ᠥᠷᠭᠡᠨ᠂ ᠣᠷᠣᠢ ᠨᠢ ᠬᠤᠷᠴᠠ ᠱᠣᠪᠬᠣ ᠪᠥᠭᠡᠳ ᠵᠢᠭᠠᠬᠠᠨ ᠭᠣᠬᠠ ᠰᠢᠭ᠋᠃ ᠨᠠᠪᠴᠢᠨ ᠲᠣᠭᠳᠣᠢ ᠨᠢ ᠡᠰᠢ ᠪᠡᠨ ᠰᠤᠯᠠᠬᠠᠨ ᠪᠠᠭᠯᠠᠳᠠᠭ᠂ ᠲᠣᠭᠳᠣᠢ ᠶ᠋ᠢᠨ ᠠᠮᠠᠰᠠᠷ ᠨᠢ ᠠᠩᠭᠠᠷᠬᠠᠢ᠃ ᠴᠡᠴᠡᠭᠯᠡᠬᠦ ᠬᠤᠭᠤᠴᠠᠭᠠᠨ ᠳ᠋ᠤ᠌ ᠨᠠᠪᠴᠢ ᠲᠠᠢ᠂ ᠴᠡᠴᠡᠭ ᠨᠢ ᠭᠠᠭᠴᠠᠭᠠᠷ ᠳᠡᠯᠭᠡᠷᠡᠨᠡ᠂ ᠰᠢᠷᠠ ᠥᠩᠭᠡ ᠲᠡᠢ᠂ ᠳᠤᠮᠳᠠ ᠲᠣᠭᠳᠣᠢ ᠶ᠋ᠢᠨ ᠢᠯᠲᠠᠰᠤ ᠨᠢ ᠥᠨᠳᠡᠭᠡᠯᠵᠢᠨ ᠤᠷᠲᠤ ᠲᠣᠭᠣᠷᠢᠭ᠂1·7~2cm ᠤᠷᠲᠤ᠂6mm ᠰᠢᠬᠠᠮ ᠥᠷᠭᠡᠨ᠂ ᠮᠤᠬᠤᠷ ᠦᠵᠦᠭᠦᠷ ᠲᠡᠢ᠂ ᠬᠠᠵᠠᠭᠤ ᠶ᠋ᠢᠨ ᠲᠣᠭᠳᠣᠢ ᠢᠯᠲᠠᠰᠤ ᠨᠢ ᠳᠤᠮᠳᠠᠬᠢ ᠠ᠋ᠴᠠ ᠪᠠᠨ ᠤᠷᠲᠤ ᠪᠣᠯᠪᠠᠴᠤ ᠨᠠᠷᠢᠨ᠂ ᠮᠣᠬᠣᠭᠣ ᠱᠣᠪᠬᠣ ᠦᠵᠦᠭᠦᠷ ᠲᠡᠢ᠂ ᠲᠣᠭᠳᠣᠢ ᠶ᠋ᠢᠨ ᠪᠠᠭᠴᠠ ᠨᠢ ᠮᠤᠬᠤᠷ ᠪᠥᠭᠡᠳ ᠣᠬᠣᠷ᠃ ᠴᠡᠴᠡᠭ ᠦ᠋ᠨ ᠳᠡᠯᠪᠢ ᠨᠢ ᠵᠤᠤᠪᠠᠩ ᠬᠡᠯᠪᠡᠷᠢ ᠲᠡᠢ᠂ ᠨᠡᠯᠢᠶᠡᠳ ᠥᠷᠭᠡᠨ᠂ ᠣᠷᠣᠢ ᠨᠢ ᠮᠤᠬᠤᠷ᠂ ᠬᠥᠪᠡᠭᠡ ᠪᠡᠷ ᠨᠢ ᠪᠠᠭᠠ ᠰᠠᠭᠠ ᠬᠡᠷᠴᠢᠶᠡᠰᠦ ᠲᠡᠢ᠂ ᠤᠷᠤᠭᠤᠯ ᠬᠡᠯᠲᠡᠰ ᠨᠢ ᠲᠣᠭᠣᠷᠢᠭ᠂ ᠲᠠᠪᠠᠭ ᠨᠢ ᠬᠣᠲᠣᠭᠣᠷ᠂ ᠣᠬᠣᠷ ᠵᠥᠭᠡᠯᠡᠨ ᠦᠰᠦ ᠲᠡᠢ᠂ ᠬᠥᠪᠡᠭᠡ ᠪᠡᠷ ᠨᠢ ᠴᠠᠴᠤᠭ ᠲᠠᠢ᠂ ᠪᠠᠭᠠᠨᠠ ᠨᠢ ᠮᠠᠰᠢ ᠣᠬᠣᠷ᠂4~5 ᠳ᠋ᠤᠭᠠᠷ ᠰᠠᠷᠠ ᠳ᠋ᠤ᠌ ᠴᠡᠴᠡᠭᠯᠡᠨᠡ᠃
3. ᠰᠢᠷᠠ ᠰᠤᠭᠰᠤᠷ ᠴᠠᠬᠢᠷᠮᠠ ᠡᠰᠢ ᠨᠢ ᠪᠥᠭᠡᠷᠡᠩᠬᠡᠢ ᠪᠠᠭᠠᠨᠠ ᠬᠡᠯᠪᠡᠷᠢ ᠲᠡᠢ᠂50~100cm ᠥᠨᠳᠥᠷ᠂ ᠳ᠋ᠢᠶᠠᠮᠧᠲ᠋ᠷ ᠨᠢ1~1.5cm᠂ ᠳᠡᠭᠡᠷᠡ ᠬᠡᠰᠡᠭ ᠨᠢ ᠵᠢᠭᠠᠬᠠᠨ ᠮᠤᠷᠤᠢ᠂ ᠦᠶᠡ ᠶ᠋ᠢᠨ ᠵᠠᠢ ᠨᠢ3~4cm ᠤᠷᠲᠤ᠂ ᠮᠢᠬᠠᠯᠢᠭ ᠰᠢᠭ᠋᠃ ᠨᠠᠪᠴᠢ ᠨᠢ ᠨᠢᠮᠭᠡᠨ ᠴᠠᠭᠠᠰᠤᠯᠢᠭ᠂ ᠬᠠᠪᠲᠠᠭᠠᠢ ᠲᠡᠪᠡᠨᠡ ᠬᠡᠯᠪᠡᠷᠢ ᠲᠡᠢ ᠪᠤᠶᠤ ᠤᠷᠲᠤ ᠲᠣᠭᠣᠷᠢᠭ ᠬᠠᠪᠲᠠᠭᠠᠢ ᠲᠡᠪᠡᠨᠡ ᠬᠡᠯᠪᠡᠷᠢ ᠲᠡᠢ᠂11~20cm ᠤᠷᠲᠤ᠂3~5cm ᠥᠷᠭᠡᠨ᠂ ᠱᠣᠪᠲᠣᠭᠣᠷ ᠦᠵᠦᠭᠦᠷ ᠲᠡᠢ᠃ ᠨᠠᠪᠴᠢᠨ ᠲᠣᠭᠳᠣᠢ ᠨᠢ ᠬᠠᠯᠢᠰᠤᠯᠢᠭ᠂ ᠲᠣᠭᠳᠣᠢ ᠶ᠋ᠢᠨ ᠠᠮᠠ ᠨᠢ ᠠᠩᠭᠠᠢᠭᠠᠳ ᠴᠣᠮᠣ ᠰᠢᠭ᠋᠃ ᠴᠡᠴᠡᠭᠯᠡᠬᠦ ᠬᠤᠭᠤᠴᠠᠭᠠᠨ ᠳ᠋ᠤ᠌ ᠨᠠᠪᠴᠢᠯᠠᠬᠤ ᠦᠭᠡᠢ᠃ ᠰᠢᠬᠦᠷ ᠬᠡᠯᠪᠡᠷᠢᠲᠦ ᠪᠠᠭ ᠴᠡᠴᠡᠭ ᠨᠢ ᠪᠠᠷᠤᠭ ᠶᠡᠷᠦᠩᠬᠡᠢ ᠪᠠᠷᠢᠭᠤᠯ ᠦᠭᠡᠢ᠂ ᠡᠰᠢᠨ ᠦ᠌ ᠦᠶᠡ ᠶ᠋ᠢᠨ ᠬᠠᠵᠠᠭᠤ ᠠ᠋ᠴᠠ ᠤᠷᠭᠤᠨᠠ᠃4~17 ᠪᠠᠭᠴᠠ ᠴᠡᠴᠡᠭ ᠲᠡᠢ᠂ ᠪᠠᠭᠴᠠ ᠪᠦᠷᠢ ᠳ᠋ᠦ᠍ᠨᠢ2~7 ᠬᠦᠢᠰ ᠴᠡᠴᠡᠭ ᠲᠡᠢ᠂ ᠴᠡᠴᠡᠭ ᠦ᠋ᠨ ᠪᠠᠭᠯᠠᠭᠴᠢ ᠨᠢ ᠵᠢᠵᠢᠭ᠂ ᠬᠠᠯᠢᠰᠤᠯᠢᠭ᠃ ᠴᠡᠴᠡᠭ ᠨᠢ ᠰᠢᠷᠠ᠂ ᠵᠢᠭᠠᠬᠠᠨ ᠮᠢᠬᠠᠯᠢᠭ᠂ ᠠᠩᠬᠢᠯᠤᠮᠠ ᠦᠨᠦᠷ ᠲᠡᠢ᠂ ᠳ᠋ᠢᠶᠠᠮᠧᠲ᠋ᠷ ᠨᠢ3~4.5cm᠂ ᠤᠷᠤᠭᠤᠯ ᠬᠡᠯᠲᠡᠰ ᠨᠢ ᠳᠡᠪᠢᠭᠦᠷ ᠬᠡᠯᠪᠡᠷᠢ ᠲᠡᠢ᠂ ᠲᠠᠪᠠᠭ ᠨᠢ ᠬᠣᠲᠣᠭᠣᠷ᠂ ᠣᠬᠣᠷ ᠵᠥᠭᠡᠯᠡᠨ ᠦᠰᠦ ᠲᠡᠢ᠂ ᠬᠥᠪᠡᠭᠡ ᠪᠡᠷ ᠨᠢ ᠴᠠᠴᠤᠭ ᠲᠠᠢ᠃ ᠴᠡᠴᠡᠭ ᠦ᠋ᠨ ᠪᠠᠭᠠᠨᠠ ᠨᠢ ᠮᠠᠰᠢ ᠣᠬᠣᠷ᠃4~5 ᠳ᠋ᠤᠭᠠᠷ ᠰᠠᠷᠠ ᠳ᠋ᠤ᠌ ᠴᠡᠴᠡᠭᠯᠡᠨᠡ᠃
4. ᠲᠡᠮᠦᠷᠰᠡᠭ ᠰᠣᠭᠰᠣᠷ ᠴᠠᠬᠢᠷᠮᠠ ᠡᠰᠢ ᠨᠢ ᠪᠣᠳᠠᠯᠠᠨᠠ᠂ ᠪᠥᠭᠡᠷᠡᠩᠬᠡᠢ ᠪᠠᠭᠠᠨᠠ ᠬᠡᠯᠪᠡᠷᠢ ᠲᠡᠢ᠂5~40cm ᠥᠨᠳᠥᠷ᠂4~8mm ᠪᠦᠳᠦᠭᠦᠨ᠂ ᠳᠡᠭᠡᠷᠡ ᠬᠡᠰᠡᠭ ᠦ᠋ᠨ ᠡᠰᠢᠨ ᠦ᠌ ᠦᠶᠡ ᠳᠡᠭᠡᠷᠡ ᠬᠠᠶᠠ ᠦᠨᠳᠦᠰᠦ ᠭᠠᠷᠤᠭᠠᠳ ᠰᠢᠨᠡ ᠤᠷᠭᠤᠮᠠᠯ ᠪᠣᠯᠳᠠᠭ᠂ ᠬᠠᠲᠠᠭᠰᠠᠨ ᠤ᠋ ᠰᠡᠭᠦᠯᠡᠷ ᠬᠠᠷᠠ ᠬᠥᠬᠡ ᠥᠩᠭᠡ ᠲᠡᠢ᠃ ᠨᠠᠪᠴᠢ ᠨᠢ ᠴᠠᠭᠠᠰᠤᠯᠢᠭ᠂ ᠤᠷᠲᠤ ᠲᠣᠭᠣᠷᠢᠬᠯᠢᠭ᠋ ᠬᠠᠪᠲᠠᠭᠠᠢ ᠲᠡᠪᠡᠨᠡ ᠬᠡᠯᠪᠡᠷᠢ ᠲᠡᠢ᠂4~7cm ᠤᠷᠲᠤ᠂1~1.5cm ᠥᠷᠭᠡᠨ᠂ ᠦᠵᠦᠭᠦᠷ ᠨᠢ ᠵᠢᠭᠠᠬᠠᠨ ᠭᠣᠬᠠ ᠰᠢᠭ᠋ ᠮᠤᠷᠤᠢ᠂ ᠬᠥᠪᠡᠭᠡ ᠪᠠ ᠭᠣᠣᠯ ᠰᠤᠳᠠᠯ ᠨᠢ ᠭᠦᠢᠬᠡᠨ ᠪᠣᠷᠣ ᠥᠩᠭᠡ ᠲᠡᠢ᠃ ᠨᠠᠪᠴᠢᠨ ᠲᠣᠭᠳᠣᠢ ᠳᠡᠭᠡᠷᠡ ᠨᠢ ᠪᠣᠷᠣ ᠲᠣᠯᠪᠣ ᠲᠠᠢ᠂ ᠲᠣᠭᠳᠣᠢ ᠶ᠋ᠢᠨ ᠠᠮᠠᠰᠠᠷ ᠨᠢ ᠠᠩᠭᠠᠷᠬᠠᠢ᠃ ᠴᠠᠴᠤᠭ ᠬᠡᠯᠪᠡᠷᠢᠲᠦ ᠪᠠᠭ ᠴᠡᠴᠡᠭ ᠨᠢ ᠨᠠᠪᠴᠢ ᠦᠭᠡᠢ᠂ ᠡᠰᠢᠨ ᠦ᠌ ᠳᠡᠭᠡᠷᠡ ᠬᠡᠰᠡᠭ ᠲᠦ᠍ ᠳᠡᠯᠭᠡᠷᠡᠨᠡ᠂2~4cm ᠤᠷᠲᠤ᠂ ᠮᠠᠲᠠᠭᠰᠠᠨ ᠰᠢᠭ᠋ ᠮᠤᠷᠤᠢ᠂ ᠶᠡᠷᠦ ᠳ᠋ᠡᠭᠡᠨ3 ᠬᠦᠢᠰ ᠴᠡᠴᠡᠭ ᠲᠡᠢ᠃ ᠴᠡᠴᠡᠭ ᠦ᠋ᠨ ᠶᠡᠷᠦᠩᠬᠡᠢ ᠪᠠᠷᠢᠭᠤᠯ ᠨᠢ1cm ᠣᠷᠴᠢᠮ ᠤᠷᠲᠤ᠂ ᠴᠡᠴᠡᠭ ᠦ᠋ᠨ ᠪᠠᠭᠯᠠᠭᠴᠢ ᠢᠯᠲᠠᠰᠤ ᠨᠢ ᠬᠠᠭᠤᠷᠠᠢ ᠬᠠᠯᠢᠰᠤᠯᠢᠭ᠃ ᠭᠦᠢᠬᠡᠨ ᠴᠠᠭᠠᠨ ᠥᠩᠭᠡ ᠲᠡᠢ᠂ ᠴᠡᠴᠡᠭ ᠦ᠋ᠨ ᠰᠢᠳᠠᠷ ᠨᠢ ᠰᠢᠷᠠᠩᠭᠤᠢ ᠨᠣᠭᠣᠭᠠᠨ᠂1.8cm ᠤᠷᠲᠤ᠂ ᠳᠤᠮᠳᠠᠬᠢ ᠲᠣᠭᠳᠣᠢ ᠢᠯᠲᠠᠰᠤ ᠨᠢ ᠴᠡᠴᠡᠭ ᠦ᠋ᠨ ᠳᠡᠯᠪᠢ ᠲᠡᠢ ᠪᠡᠨ ᠲᠥᠰᠦᠭᠡᠲᠡᠢ᠂ ᠤᠷᠲᠤᠯᠵᠢᠨ ᠲᠣᠭᠣᠷᠢᠭ ᠰᠢᠭ᠋ ᠬᠠᠪᠲᠠᠭᠠᠢ ᠲᠡᠪᠡᠨᠡ ᠬᠡᠯᠪᠡᠷᠢ ᠲᠡᠢ᠂ ᠬᠤᠷᠴᠠ ᠱᠣᠪᠬᠣ ᠦᠵᠦᠭᠦᠷ ᠲᠡᠢ᠂ ᠬᠠᠵᠠᠭᠤ ᠶ᠋ᠢᠨ ᠲᠣᠭᠳᠣᠢ ᠢᠯᠲᠠᠰᠤ ᠨᠢ ᠬᠠᠳᠤᠭᠤᠷ ᠰᠢᠭ᠋ ᠭᠤᠷᠪᠠᠯᠵᠢᠨ ᠬᠡᠯᠪᠡᠷᠢ ᠲᠡᠢ᠂ ᠤᠭ ᠤ᠋ᠨ ᠥᠷᠭᠡᠨ ᠨᠢ1cm᠂ ᠣᠷᠣᠢ ᠨᠢ ᠱᠣᠪᠣᠭᠣᠷ᠂ ᠳᠣᠯᠭᠢᠶᠠᠯᠢᠭ ᠬᠥᠪᠡᠭᠡ ᠲᠡᠢ᠂ ᠤᠷᠤᠭᠤᠯ ᠲᠠᠪᠠᠭ ᠨᠢ ᠬᠥᠬᠥᠨᠴᠢᠷ ᠰᠢᠭ ᠦᠰᠦ ᠲᠡᠢ᠂ ᠪᠣᠷᠣᠪᠲᠤᠷ ᠤᠯᠠᠭᠠᠨ ᠲᠣᠯᠪᠣ ᠲᠠᠢ᠂4~5 ᠳ᠋ᠤᠭᠠᠷ ᠰᠠᠷᠠ ᠳ᠋ᠤ᠌ ᠴᠡᠴᠡᠭᠯᠡᠨᠡ᠃
5. ᠲᠠᠰᠢᠭᠤᠷ ᠰᠤᠭᠰᠤᠷ ᠴᠠᠬᠢᠷᠮᠠ ᠡᠰᠢ ᠨᠢ ᠰᠢᠯᠤᠭᠤᠨ ᠪᠥᠭᠡᠷᠡᠩᠬᠡᠢ ᠪᠠᠭᠠᠨᠠ ᠬᠡᠯᠪᠡᠷᠢ ᠲᠡᠢ᠂30~150cm ᠥᠨᠳᠥᠷ᠂0.2~2cm ᠪᠦᠳᠦᠭᠦᠨ᠂ ᠨᠣᠭᠣᠭᠠᠨ᠂ ᠬᠣᠪᠢᠯ ᠲᠠᠢ᠂ ᠬᠠᠶᠠ ᠦᠶᠡ ᠨᠢ ᠣᠯᠠᠪᠲᠤᠷ ᠬᠦᠷᠡᠩ ᠥᠩᠭᠡ ᠲᠡᠢ᠃2 ᠮᠥᠷ ᠨᠠᠪᠴᠢ ᠲᠠᠢ᠂ ᠴᠢᠭᠲᠠᠯᠠᠨ ᠤᠷᠭᠤᠨᠠ᠂ ᠨᠢᠮᠭᠡᠨ ᠰᠠᠷᠢᠰᠤᠯᠢᠭ᠂ ᠲᠡᠭᠰᠢᠬᠡᠨ ᠰᠠᠷᠪᠠᠢᠨᠠ᠃ ᠨᠠᠪᠴᠢᠨ ᠢᠯᠲᠠᠰᠤ ᠨᠢ ᠤᠷᠲᠤ ᠵᠤᠤᠪᠠᠩ ᠪᠤᠶᠤ ᠵᠤᠤᠪᠠᠩᠯᠢᠭ ᠬᠠᠪᠲᠠᠭᠠᠢ ᠲᠡᠪᠡᠨᠡ ᠬᠡᠯᠪᠡᠷᠢ ᠲᠡᠢ᠂9~12cm ᠤᠷᠲᠤ᠂2~4cm ᠥᠷᠭᠡᠨ᠂ ᠱᠣᠪᠬᠣ ᠪᠤᠶᠤ ᠱᠣᠪᠲᠣᠭᠣᠷ ᠦᠵᠦᠭᠦᠷ ᠲᠡᠢ᠃ ᠴᠠᠴᠤᠭ ᠬᠡᠯᠪᠡᠷᠢᠲᠦ ᠪᠠᠭ ᠴᠡᠴᠡᠭ ᠨᠢ ᠨᠠᠪᠴᠢ ᠦᠭᠡᠢ᠂ ᠡᠰᠢᠨ ᠦ᠌ ᠣᠷᠣᠢ ᠳ᠋ᠤ᠌ ᠤᠨᠵᠢᠢᠵᠤ ᠳᠡᠯᠭᠡᠷᠡᠨᠡ᠃2~8 ᠬᠦᠢᠰ ᠴᠡᠴᠡᠭ ᠲᠡᠢ᠂ ᠴᠡᠴᠡᠭ ᠨᠢ ᠠᠯᠲᠠᠨ ᠰᠢᠷᠭᠠᠯ᠂ ᠠᠩᠬᠢᠯᠤᠮᠠ ᠦᠨᠦᠷ ᠲᠡᠢ᠃ ᠤᠷᠤᠭᠤᠯ ᠬᠡᠯᠲᠡᠰ ᠨᠢ ᠲᠣᠭᠣᠷᠢᠭ ᠰᠢᠭ᠋᠂ ᠣᠬᠣᠷ ᠰᠠᠪᠠᠷ ᠲᠠᠢ᠂ ᠤᠷᠤᠭᠤᠯ ᠲᠠᠪᠠᠭ ᠳᠡᠭᠡᠷᠡ ᠨᠢ ᠨᠢᠭ ᠣᠬᠣᠷ ᠵᠥᠭᠡᠯᠡᠨ ᠦᠰᠦ ᠲᠡᠢ᠃ ᠤᠭ ᠣᠷᠴᠢᠮ ᠨᠢ1 ᠪᠥᠭᠡᠷᠡᠨ ᠬᠡᠯᠪᠡᠷᠢ ᠲᠡᠢ ᠭᠦᠨ ᠪᠣᠷᠣ ᠥᠩᠭᠡ ᠲᠡᠢ ᠬᠡᠰᠡᠭᠲᠦ ᠲᠣᠯᠪᠣ ᠪᠣᠢ᠂ ᠬᠣᠶᠠᠷ ᠲᠠᠯᠠ ᠳ᠋ᠤᠨᠢ ᠪᠦᠷ ᠨᠣᠣᠯᠣᠭᠤᠷ ᠦᠰᠦ ᠲᠡᠢ᠂ ᠨᠡᠢᠯᠡᠮᠡᠯ ᠴᠠᠴᠤᠭᠲᠤ ᠬᠥᠪᠡᠭᠡ ᠲᠡᠢ᠃4~5 ᠳ᠋ᠤᠭᠠᠷ ᠰᠠᠷᠠ ᠳ᠋ᠤ᠌ ᠴᠡᠴᠡᠭᠯᠡᠨᠡ᠃
[ ᠤᠷᠭᠤᠬᠤ ᠣᠷᠴᠢᠨ ᠬᠢᠭᠡᠳ ᠲᠠᠷᠬᠠᠴᠠ] ᠠᠯᠲᠠᠨ ᠰᠣᠭᠰᠣᠷ ᠴᠠᠬᠢᠷᠮᠠ ᠪᠣᠯ ᠥᠨᠳᠥᠷ ᠠᠭᠤᠯᠠᠨ ᠤ᠋ ᠮᠣᠳᠣᠨ ᠰᠠᠯᠠᠭᠠᠨ ᠳᠡᠭᠡᠷᠡ ᠤᠷᠭᠤᠨᠠ᠃ ᠬᠤᠪᠧᠢ᠂ ᠲᠠᠢᠸᠠᠨ᠂ ᠭᠤᠸᠠᠩᠳᠦ᠋ᠩ᠂ ᠭᠤᠸᠠᠩᠰᠢ᠂ ᠪᠠᠷᠠᠭᠤᠨ ᠡᠮᠦᠨᠡᠲᠦ ᠣᠷᠣᠨ ᠳ᠋ᠤ᠌ ᠲᠠᠷᠬᠠᠴᠠ ᠲᠠᠢ᠃ ᠴᠠᠭᠠᠷᠢᠬᠯᠢᠭ᠋ ᠰᠣᠭᠰᠣᠷ ᠴᠠᠬᠢᠷᠮᠠ ᠪᠣᠯ ᠮᠣᠳᠣᠨ ᠤ᠋ ᠡᠰᠢ ᠪᠤᠶᠤ ᠬᠠᠳᠠ ᠴᠢᠯᠠᠭᠤᠨ ᠳᠡᠭᠡᠷᠡ ᠤᠷᠭᠤᠨᠠ᠃ ᠭᠤᠸᠠᠩᠳᠦ᠋ᠩ᠂ ᠭᠤᠸᠠᠩᠰᠢ᠂ ᠭᠦᠢᠵᠧᠦ ᠬᠢᠭᠡᠳ ᠶᠦᠨᠨᠠᠨ ᠳ᠋ᠤ᠌ ᠲᠠᠷᠬᠠᠴᠠ ᠲᠠᠢ᠃ ᠰᠢᠷᠠ ᠰᠣᠭᠰᠣᠷ ᠴᠠᠬᠢᠷᠮᠠ ᠶ᠋ᠢᠨ ᠤᠷᠭᠤᠬᠤ ᠣᠷᠴᠢᠨ ᠨᠢ ᠳᠡᠭᠡᠷᠡᠬᠢ ᠲᠡᠢ ᠠᠳᠠᠯᠢ᠃ ᠭᠤᠸᠠᠩᠰᠢ᠂ ᠭᠦᠢᠵᠧᠦ᠂ ᠶᠦᠨᠨᠠᠨ᠂ ᠲᠥᠪᠡᠳ ᠲᠦ᠍ ᠲᠠᠷᠬᠠᠴᠠ ᠲᠠᠢ᠂ ᠲᠠᠰᠢᠭᠤᠷ ᠰᠤᠭᠰᠤᠷ ᠴᠠᠬᠢᠷᠮᠠ ᠪᠣᠯ ᠮᠣᠳᠣᠨ ᠳᠡᠭᠡᠷᠡ ᠪᠤᠶᠤ ᠠᠭᠤᠯᠠᠨ ᠭᠣᠣ ᠶ᠋ᠢᠨ ᠬᠠᠳᠠ ᠴᠢᠯᠠᠭᠤ ᠳᠡᠭᠡᠷᠡ ᠤᠷᠭᠤᠨᠠ᠃ ᠲᠠᠷᠬᠠᠴᠠ ᠨᠢ ᠴᠠᠭᠠᠷᠢᠬᠯᠢᠭ᠋ ᠰᠤᠭᠰᠤᠷ ᠴᠠᠬᠢᠷᠮᠠ ᠲᠠᠢ ᠠᠳᠠᠯᠢᠪᠲᠤᠷ᠃
[ ᠲᠡᠭᠦᠵᠦ ᠪᠣᠯᠪᠠᠰᠤᠷᠠᠭᠤᠯᠬᠤ] ᠵᠢᠯ ᠲᠤᠷᠰᠢ ᠪᠦᠷ ᠠᠪᠴᠤ ᠪᠣᠯᠤᠨᠠ᠃ ᠲᠡᠭᠦᠵᠦ ᠠᠪᠤᠭᠰᠠᠨ ᠤ᠋ ᠰᠡᠭᠦᠯᠡᠷ ᠬᠣᠯᠢᠮᠠᠭ ᠵᠦᠢᠯ ᠢ᠋ ᠨᠢ ᠠᠷᠢᠯᠭᠠᠵᠤ᠂ ᠪᠤᠴᠠᠯᠤᠮᠠ ᠤᠰᠤ ᠪᠠᠷ ᠲᠠᠩᠨᠠᠬᠤ ᠪᠤᠶᠤ ᠬᠠᠭᠰᠠᠭᠠᠵᠤ ᠵᠥᠭᠡᠯᠡᠷᠡᠭᠦᠯᠦᠭᠡᠳ ᠦᠩᠭᠡᠬᠦ ᠶ᠋ᠢᠨ ᠵᠡᠷᠭᠡ ᠪᠡᠷ ᠨᠠᠷᠠᠨ ᠳ᠋ᠤ᠌ ᠬᠠᠲᠠᠭᠠᠬᠤ ᠪᠤᠶᠤ ᠬᠠᠭᠰᠠᠭᠠᠭᠠᠳ᠂ ᠨᠠᠪᠴᠢᠨ ᠲᠣᠭᠳᠣᠢ ᠦᠭᠡᠢ ᠪᠣᠯᠲᠠᠯᠠ ᠨᠤᠬᠤᠴᠢᠭᠠᠳ ᠬᠠᠲᠠᠭᠠᠨᠠ᠃
[ ᠠᠮᠲᠠ᠂ ᠴᠢᠨᠠᠷ᠂ ᠡᠷᠳᠡᠮ] ᠠᠮᠲᠠᠯᠢᠭ᠂ ᠡᠬᠡᠭᠦᠨ ᠠᠮᠲᠠ ᠲᠠᠢ; ᠰᠡᠷᠢᠭᠦᠨ ᠴᠢᠨᠠᠷ ᠲᠠᠢ; ᠮᠣᠬᠣᠳᠠᠭ᠂ ᠰᠢᠩᠭᠡᠨ᠂ ᠡᠶᠡᠯᠳᠡᠭ ᠡᠷᠳᠡᠮ ᠲᠡᠢ᠃
[ ᠴᠢᠳᠠᠯ ᠪᠠ ᠭᠣᠣᠯᠳᠠᠭᠤ ᠵᠠᠰᠠᠬᠤ] ᠬᠠᠯᠠᠭᠤᠨ ᠢ᠋ ᠠᠷᠢᠯᠭᠠᠬᠤ᠂ ᠪᠥᠭᠡᠯᠵᠢᠬᠦ ᠶ᠋ᠢ ᠵᠣᠭᠰᠣᠭᠠᠬᠤ ᠴᠢᠳᠠᠯ ᠲᠠᠢ᠃ ᠭᠣᠣᠯᠳᠠᠭᠤ ᠳᠤᠷᠠ ᠪᠤᠯᠭᠢᠬᠤ᠂ ᠬᠣᠳᠣᠭᠣᠳᠣ ᠡᠪᠡᠷᠰᠢᠶᠡᠯᠡᠬᠦ᠂ ᠪᠠᠳᠭ᠋ᠠᠨ ᠬᠠᠯᠠᠭᠤᠨ ᠵᠡᠷᠭᠡ ᠡᠪᠡᠳᠴᠢᠨ ᠢ᠋ ᠵᠠᠰᠠᠬᠤ ᠳ᠋ᠤ᠌ ᠬᠡᠷᠡᠭᠯᠡᠨᠡ᠃
ᠬᠢᠲᠠᠳ ᠨᠡᠷᠡ᠄1.石斛2.金钗石斛 3.环草石斛 4.束花石斛 5.铁皮石斛 6.流苏石斛
ᠠᠩᠭ᠌ᠯᠢ ᠨᠡᠷᠡ：1.Dendrobium nobile Lindl. 2.Dendrobium loddigesii Rolfe. 3.Dendrobium chrysanthum Wall. 4.Dendrobium candidum Wall. ex Lindl.5.Dendrobium fimbriatum Hook.
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠴᠡᠪᠡᠷᠴᠡᠴᠡᠭ
ᠬᠢᠨᠠᠭᠴᠢ᠄ ᠲᠤᠶᠠᠭᠠ