ᠬᠥᠮᠦᠨ ᠬᠦᠴᠦ ᠪᠡᠷ ᠢ᠋ᠶ᠋ᠡᠨ - ᠬᠤᠷᠳᠤᠨᠬᠦᠦХүн хүчээрээ-Хурданхүү
354ᠬᠥᠮᠦᠨ ᠬᠦᠴᠦ ᠪᠡᠷ ᠢ᠋ᠶ᠋ᠡᠨ
ᠮᠣᠩᠭᠣᠯ ᠬᠡᠯᠡᠴᠡ ᠶ᠋ᠢᠨ ᠬᠥᠮᠦᠵᠢᠯ
— ᠬᠥᠮᠦᠨ ᠬᠦᠴᠦ ᠪᠡᠷ ᠢ᠋ᠶ᠋ᠡᠨ
ᠬᠤᠷᠳᠤᠨᠬᠦᠦ
ᠥᠪᠡᠷ ᠦ᠋ᠨ ᠲᠠᠷᠢᠭᠰᠠᠨ ᠠᠮᠤ ᠠ᠋ᠴᠠ ᠠᠮᠲᠠᠲᠠᠢ ᠨᠢ ᠦᠭᠡᠢ
ᠦᠪᠷ ᠦ᠋ᠨ ᠨᠡᠬᠡᠭᠰᠡᠨ ᠪᠥᠰ ᠡᠴᠡ ᠳᠠᠷᠳᠠᠢ ᠨᠢ ᠦᠭᠡᠢ᠃
ᠬᠥᠯ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠶᠠᠪᠤᠵᠤ ᠬᠥᠯᠥᠰᠥ ᠪᠡᠨ ᠭᠠᠷᠭᠠᠵᠤ ᠣᠯᠤᠭᠰᠠᠨ
ᠪᠡᠶᠡ ᠪᠡᠨ ᠶᠠᠪᠤᠵᠤ ᠪᠡᠨᠡ ᠪᠡᠨ ᠭᠠᠷᠭᠠᠵᠤ ᠣᠯᠤᠭᠰᠠᠨ᠃
ᠡᠵᠢ ᠳ᠋ᠦ᠍ ᠪᠠᠢᠪᠠᠴᠤ ᠠᠪᠤ ᠳ᠋ᠤ᠌ ᠪᠠᠢᠪᠠᠴᠤ
ᠪᠡᠶᠡ ᠳ᠋ᠦ᠍ ᠪᠠᠢᠬᠤ ᠶ᠋ᠢ ᠬᠦᠷᠬᠦ ᠦᠭᠡᠢ᠃
ᠠᠯᠲᠠᠨ ᠠᠭᠤᠯᠠ ᠶ᠋ᠢ ᠲᠦᠰᠢᠬᠦ ᠪᠡᠷ
ᠠᠷᠪᠠᠨ ᠬᠤᠷᠤᠭᠤ ᠪᠠᠨ ᠳᠥᠰᠢ᠃
ᠵᠢᠭᠠᠭᠰᠠᠨ ᠦᠭᠡ ᠬᠡᠳᠦᠢ ᠬᠡᠯᠡᠨᠡ ᠪᠣᠢ
ᠵᠢᠭᠡᠯᠡᠭᠰᠡᠨ ᠪᠤᠳᠠᠭᠠ ᠬᠡᠳᠦᠢ ᠢᠳᠡᠨᠡ ᠪᠣᠢ᠃
ᠠᠭᠲᠠ ᠪᠠᠷᠢᠵᠤ ᠡᠮᠡᠭᠡᠯ ᠳᠠᠷᠤᠬᠤ ᠳ᠋ᠤ᠌ ᠠᠮᠠᠷᠬᠠᠨ
ᠠᠮᠠ ᠨᠡᠭᠡᠭᠡᠵᠦ ᠶᠠᠭᠤᠮᠠ ᠭᠤᠶᠤᠬᠤ ᠳ᠋ᠤ᠌ ᠪᠡᠷᠬᠡ᠃
ᠬᠥᠮᠦᠨ ᠦ᠌ ᠶᠠᠭᠤᠮᠠ ᠬᠦᠴᠦ ᠥᠬᠡᠢ
ᠬᠦᠵᠦᠭᠦᠨ ᠦ᠌ ᠮᠢᠬᠠ ᠠᠮᠲᠠ ᠦᠭᠡᠢ᠃
ᠠᠢᠯ ᠠ᠋ᠴᠠ ᠡᠷᠢᠬᠦ ᠪᠡᠷ
ᠠᠮᠢ ᠪᠠᠷ ᠢ᠋ᠶ᠋ᠠᠨ ᠠᠵᠢᠯᠯᠠᠪᠠᠯ ᠳᠡᠭᠡᠷᠡ᠃
ᠨᠠᠳᠠ ᠠ᠋ᠴᠠ ᠠᠰᠠᠭᠤᠬᠤ ᠪᠠᠷ
ᠨᠠᠭᠠᠳᠤᠬᠢ ᠪᠠᠨ ᠦᠵᠡ᠃
ᠠᠰᠢᠳᠠ ᠬᠥᠮᠦᠨ ᠦ᠌ ᠬᠦᠴᠦ ᠪᠡᠷ ᠶᠠᠪᠤᠭᠰᠠᠳ
ᠠᠯᠤᠰ ᠲᠤ᠌ ᠪᠠᠨ ᠠᠷᠭᠠ ᠦᠭᠡᠢ ᠳᠣᠷᠣᠢᠲᠠᠨᠠ᠃
ᠬᠡᠦᠬᠡᠳ ᠢ᠋ᠶ᠋ᠡᠨ ᠵᠠᠷᠤᠭᠰᠠᠨ ᠬᠥᠮᠦᠨ ᠨᠢᠭᠡ ᠨᠢᠳᠦ ᠰᠣᠬᠣᠷ
ᠬᠥᠮᠦᠨ ᠢ᠋ ᠵᠠᠷᠤᠭᠰᠠᠨ ᠬᠥᠮᠦᠨ ᠬᠣᠶᠠᠷ ᠨᠢᠳᠦ ᠰᠣᠬᠣᠷ᠃
ᠬᠦᠦ ᠪᠡᠨ ᠵᠠᠷᠤᠭᠰᠠᠨ ᠬᠥᠮᠦᠨ ᠨᠢᠭᠡ ᠬᠥᠯ ᠳᠣᠭᠣᠯᠠᠩ
ᠬᠥᠮᠦᠨ ᠢ᠋ ᠵᠠᠷᠤᠭᠰᠠᠨ ᠬᠥᠮᠦᠨ ᠬᠣᠶᠠᠷ ᠬᠥᠯ ᠳᠣᠭᠣᠯᠠᠩ᠃
ᠪᠤᠷᠬᠠᠨ ᠳ᠋ᠤ᠌ ᠪᠠᠨ ᠢᠲᠡᠭᠡᠵᠦ ᠨᠠᠷᠭᠢᠭᠦᠯᠬᠦ
ᠪᠤᠬᠠᠨ ᠳ᠋ᠤ᠌ ᠪᠠᠨ ᠢᠲᠡᠭᠡᠵᠦ ᠮᠥᠷᠭᠥᠭᠦᠯᠬᠦ᠃
ᠪᠤᠬᠠᠨ ᠳ᠋ᠤ᠌ ᠪᠠᠨ ᠢᠲᠡᠭᠡᠵᠦ ᠬᠤᠰᠠᠷᠠᠨᠠ
ᠪᠤᠷᠬᠠᠨ ᠳ᠋ᠤ᠌ ᠪᠠᠨ ᠢᠲᠡᠭᠡᠵᠦ ᠬᠣᠭᠣᠰᠣᠷᠠᠨᠠ᠃
ᠨᠣᠬᠠᠢ ᠳ᠋ᠤ᠌ ᠪᠠᠨ ᠢᠲᠡᠭᠡᠭᠡᠳ ᠭᠡᠷ ᠲᠦ᠍ ᠪᠠᠭᠠᠵᠤ
ᠨᠣᠶᠠᠨ ᠳ᠋ᠤ᠌ ᠪᠠᠨ ᠢᠲᠡᠭᠡᠭᠡᠳ ᠬᠡᠷᠡᠭ ᠬᠢᠬᠦ᠃
ᠡᠷᠡ ᠬᠥᠮᠦᠨ ᠢ᠋ ᠢᠲᠡᠭᠡᠬᠦ ᠪᠡᠷ
ᠡᠷᠡᠬᠡᠢ ᠬᠤᠷᠤᠭᠤ ᠪᠠᠨ ᠢᠳᠡᠭᠡ᠃
ᠬᠥᠮᠦᠨ ᠬᠦᠴᠦ ᠪᠡᠷ ᠢ᠋ᠶ᠋ᠡᠨ
ᠰᠢᠪᠠᠭᠤ ᠳᠠᠯᠠᠪᠴᠢ ᠪᠠᠷ ᠢ᠋ᠶ᠋ᠠᠨ᠃
ᠥᠪᠡᠷ ᠦ᠋ᠨ ᠰᠠᠢᠨ ᠢ᠋ᠶ᠋ᠠᠷ ᠬᠥᠮᠦᠨ ᠪᠣᠯᠤᠨᠠ
ᠨᠠᠭᠤᠷ ᠤ᠋ᠨ ᠰᠠᠢᠨ ᠢ᠋ᠶ᠋ᠠᠷ ᠵᠢᠭᠠᠰᠤ ᠪᠣᠯᠤᠨᠠ᠃
ᠤᠷᠭᠠ ᠪᠠᠨ ᠲᠦᠰᠢᠵᠦ ᠪᠣᠰᠤᠭᠠᠳ
ᠤᠬᠠᠭᠠᠨ ᠢ᠋ᠶ᠋ᠠᠨ ᠲᠦᠰᠢᠵᠦ ᠠᠮᠢᠳᠤᠷᠠᠨᠠ᠃
ᠢᠷᠡᠯᠲᠡ᠄ ᠠᠷᠤ ᠬᠣᠷᠴᠢᠨ ᠬᠤᠰᠢᠭᠤᠨ ᠤ᠋ ᠬᠠᠮ ᠵᠠᠭᠤᠴᠢᠯᠠᠭᠤᠷ ᠤ᠋ᠨ ᠲᠥᠪ ᠡᠴᠡ ᠰᠡᠢᠷᠡᠭᠦᠯᠪᠡ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠰᠠᠨ ᠨᠢ᠄ ᠴᠢ᠊ · ᠤᠷᠨᠨᠴᠡᠴᠡᠭ